O Yahuwe E Na Sega Ni Veibiu (YHWH Will Not Desert)

Thought: Follow Where YHWH Guides Us

......................... 

Serving For Ha Shee-shee, Tishrei 2, 5772

E NA vuku i Saiyoni au sa na sega ni galuvaka tiko; e na vuku i Yerushalayimi au sa na sega ni cegu me yacova ni sa toso yani na nona yalododonu me vaka na rarama kei na nona vueti me vaka na icina e caudre tiko. 2 O ira na kai Veimatanitu tani, era na raica na nomu yalododonu; kei ira kece na tui, na nomu dokai: o na qai kacivi e na dua na yaca vou, e na vakatokara vei iko na gusu i Yahuwe (YHWH). 3 O na yaco talega mo dua na isala vakatui lagilagi e na liga i Yahuwe (YHWH) ka dua na dayademi (diadem) e na liga ni nomu Kalou (Mighty One). 4 O na sega tale ni vakatokai o Biutaudua; na kemu vanua sa na sega tale ni vakatokai o Biulala; ia o sa na vakatokai o Dautaleitaki kei na kemu vanua sa na teivaki, baleta o Yahuwe (YHWH) e taleitaki iko kei na kemu vanua sa na tu o ira me ra kena dauniqaravi. 5 Me vaka e dua na cauravou ni vakamautaka e dua na goneyalewa tabutagane, e na vakakina o ira na luvemutagane ni ra na vakamautaki iko; ia me vaka ni marau na taganevou e na vuku ni  yalewavou, e na marau vakakina na nomu Kalou (Mighty One) e na vukumu.

Aisea (Yeshayahu) 62:1-5.

Luvequtagane, kania na hani, baleta ni vinaka; kei na qanihani, baleta ni kamikamica e gusumu. 14 E vakakina ni na kunea na vuku na nomu bula (soul); qori o na raica kina na veika vivinaka, kei na nomu gagadre e na sega ni muduki laivi.

Vosa Vakaibalebale (Mishlei) 24:13-14.

O koya oya a luluvu kina na vuniyaloqu, na noqu vakasama a vakaleqai au. 22 Au sa rui lialia dina ka lecaika, au a vaka na manumanu kila e matamuni. 23 Oni na vakacegui i au e na nomuni ivakasala, ka liutaki au e na nomuni dokai. 24 O cei tale au kila mai lomalagi, o kemuni duadua ga?  O cei tale au gadreva e vuravura me kemuni ikarua? 25 Ia veitalia, au sa dau tiko tudei voli ga vata kei kemuni; oni sa tuberi au tiko e na ligamuni imatau. 26 Na lewequ kei na utoqu rau malumalumu wale, ia o Yahuwe (YHWH) e kaukaua ni utoqu ka noqu ivotavota me tawamudu. 27 Baleta raica, o ira era yawa kalia mai vei kemuni era na rusa; oni na vakarusai ira kece era lako sese tu mai vei kemuni. 28 Au a marau niu toso voleka vei Yahuwe (YHWH), Au qai biuta na noqu inuinui vei Yahuwe (YHWH) na Kalou (Mighty One), meu rawa ni vakatusa na nomuni cakacaka kece sara.

Same (Tehellim) 73:21-28

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
272/Blog No. 1412	September 30, 2011.
Reading	Hebrew Date
Isaiah (Yesha’yahu) 19-21	Tishrei 2, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofisai Nei Malakai (Malachi’s Prophecy).

Thoughts: Think Diligently About Your Future, Turn To YHWH

 ........................

Serving For Khah Mee-shee, Tishrei (Seventh Month) 1, 5772

(Rosh Hashanah se Na Solevu Ni Uvu Davui)

L’shana Tovah u’Metukar To You Today - A Happy New Year To You All.

 ....................................

O Yahuwe (YHWH) a qai vosa vei Moshe qai kaya, 24 Vosa vei ira na kawa Isire'yili, mo kaya vei ira, Na ikavitu ni vula e na imatai ni siga ni vula, me dua na Siga ni vakacecegu vei kemuni, oya na ivakananumi ni kena na uvu na davui  ka me na yaco na sosoqoni tabu. 25 Moni kakua ni cakava kina e dua ga na mataqali cakacaka: ia moni cabora e dua na isoro kama vei Yahuwe (YHWH).

Vunau Ni Soro (Wayikra) 23:23-25.

BALETA raica, sa tadu mai na siga e na kama kina me vaka na lovo katakata na noqu leva; o ira kece era viavialevu kei ira kece era daucaka ca, era na vaka na tabanisila; na siga sa roro tiko mai era na vakamai kece kina, e kaya o Yahuwe ni lewevuqa (YHWH Tzva’ot), me kakua ni vo tale tiko na wakadra se na tabadra. 2 Ia, vei kemuni oni rerevaka na yacaqu, vei kemuni e na cadra na matanisiga ni yalododonu, e dau tiko e tebenigusuna na veivakabulai; oni na qai lako yani ka ladelade e na malaude me vaka na luveni bulumakau mai na qele ni manumanu.3 Oni na butuki ira sobu na tamata ca; baleta era sa na dravusa kece tu e na qeteqete ni yavamuni; e na siga oya au na cakava kina na veika oqo, e kaya o Yahuwe ni lewevuqa (YHWH Tzva’ot).

4 ¶ Nanuma na ivunau nei Moshe na noqu dauniveiqaravi, au a vakarota vua mai ‘Oreva, me baleti Isire’yili raraba, vata kei na kena lawa kei na lewa. 5 Raica, au na talai Yi’laiya yani, na parofita, vei kemuni ni sebera ni yaco na siga vakaitamera, vakadomobula nei Yahuwe (YHWH). 6 O koya e na qai lai vagolea na vuniyalodra na tama vei ira na lalai  kei na vuniyalodra na lalai vei ira na tama, deu na qai lako yani meu lai samuta na vuravura me rusa.

Malakai (Mal’akhi) 4:1-6.

OTI sa qai vosa o Yahuwe (YHWH) vei Moshe kei Aharoni e na vanua o Ijipita, ni kaya. 2 Na vula qo sa na itekitekivu ni veivula vei kemuni; e sa na imatai tiko ni vula ni yabaki vei kemuni. 3 Vosa vei ira kece ni isoqosoqo e Isira'yili; mo drau kaya, E na ikatini ni siga ni vula qo, me ra taura kina na tamata yadua e dua na lami e na vukudra o ira vakataki ira, kei na dua na lami e na vukudra na matavuvale nei tamadra. 4 Ia kevaka era rui lewe lailai na lewe ni matavuvale me rauti ira e dua taucoko na lami, laivi ira vata kei ira na wekadra vakatitikotiko era tiko veitikivi, me ra wasea vata e dua, me veiraurau  kei na kedra iwiliwili na tamata; na tamata yadua me veiraurau kei na tikina me ra na kania me wili e na lami oya. 5 Na lami me kakua ni tiko na kena leqa (tavutonotono),  me katagane se qai yabaki dua; qori me tauri mai vei ira na qele ni lami se mai vei ira na qele ni luve ni me.  6 Moni na maroroya tiko me yacova na ikatinikava ni siga ni vula vata oya: na lewe ni isoqosoqo taucoko e Isira'yili me ra na qai dui vakamatea ni dromu na siga oya

Lako Yani (Sh’mot) 12:1-6.

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
271/Blog No. 1411	September 29, 2011.
Reading	Hebrew Date
Isaiah (Yesha’yahu) 16-18	Tishrei 1, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iOtioti ni Veivakavoutaki (The Last of The Reform)

Thought: Farm Tithing and Giving Principles Re-instated

 ......................

Serving For Yom Reve-ee, Elul 29, 5771

(Today is New Year’s Eve: The last day of 5771; tomorrow is the 1^st day of 5772 )

Au sa qai kila ni a sega ni soli vei ira na Li'vi'yimi na kedra iwasewase, au qai kila talega ni ra sa dui dro, o ira na Li'vi'yimi, o ira na daunisere, kei ira na liga ni cakacaka i loma ni vanua. 11 Au a qai vunauci ira na iliuliu, niu taroga vei ira, Na cava e biu carukaica tu kina vaka oqo na vale ni Kalou (Mighty One)? Au sa qai vakasoqoni ira vata, kau vakalesui ira tale i na nodra dui itutu. 12 O ira kece na kawa Ya'huda, era qai kauta mai na ikatini ni sila, na waini vou kei na waiwai i na lololo ni iyau, 13 Au qai lesi i ira me ra vakatawa e na lololo ni iyau, oya me wili kina o Shelemeya na kohena kei Sadoka na vunivola, ia mai vei ira na Li'vi'yimi o Pedaya; a qai mai tiko vata kei ira o Hanana na luvei Sakuri, na luvei Matanaya; baleta era a wili ni ra yalodina; era a digitaki tale ga e na wirimadigi me ra mai veiliutaki vei ira na  mataveitacini.14 Nanuml au, kemuni na noqu Kalou (Mighty One), e na vuku ni ka oqo, ni kakua ni bokoca laivi na noqu caka vinaka au dau cakava me baleta na vale ni noqu Kalou (Mighty One), kei na kena vei cakacaka.

Niemaia (Nechmeyah) 13:10-14

E dua na gonetagane vuku e na vakamarautaki tamana, ia na gonetagane lialia e na kauta mai na madua vua na tinana. 2 ¶ Na iyau mai na ivalavala ca e sega ni vakatubura e dua na ka: ia na yalododonu e veivueti mai na mate. 3 O Yahuwe (YHWH) e na sega ni vakararawataka na nodra bula (soul) na yalododonu me ra walokai; ia e na kolo laivi na nodra iyau na vakasisila. 4 ¶ Na dravudravua e vakamalumutaka e dua na tamata, ia na liga ni tamata vakasama e kauta mai na vutuniyau. 5 ¶ O koya e cakacaka e na vula ikatakata e tamata vuku; ia o koya e moce e na gauna ni tatamusuki e luvetagane (son) veivakamaduataki.

Vosa Vakaibalebale (Mishlei) 10-1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
270/Blog No. 1410	September 28, 2011.
Reading	Hebrew Date
Isaiah (Yesha’yahu) 13-15	Elul 29, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Lawa Ni Vakamuri (The Law When Obeyed)

Thought: For Your Good, Support What Is Ordinarily Good.

....................... 

Serving For Yom Shlee-shee, Elul 28, 5771

Ia ni sebera oqori, o Yiliyasivi na kohena a qai lako mai, qai mai tara e keya me nona, e dua na lomanibai levu, 5 E na tikina era a dau biuta tu kina na imadrali laukana, na drega ni fereqesede kei na vokete era dau tawani tu kina na ikatini ni sila, na waini kei na waiwai e vakaroti me dau soli vei ira na Li’vi’yimi kei ira na daunisere, na ivakatawa ni katuba kei na isolisoli me baleti ira na kohanimi. 6 Ia e na gauna a yaco tiko kina na veika oqo, o au, au a se sega ni tiko mai Yerushalayimi: baleta e na ikatolusagavulu ka rua ni yabaki nei Aratakashasata na tui Bavela, ni oti toka e vica na siga, au sa qai kerea meu sereki, maivua na tui; 7 Oti au qai lako mai i Yerushalayimi, au sa qai mai kila na ca a cakava o Yiliyasivi e na vuku i Tovaiya, ni a vakarautaka e dua na loqi e  lomanibai ni vale ni Kalou (YHWH). 8 Qori a vakararawataki au sara vakalevu; au mani kolokolo laivi I gaunisala na iyaya ni lomanivale nei Tovaiya, e taudaku ni lomanibai. 9 Oti au qai vakarota; era qai lai samaka na lomanibai; era qai kauta lesu i keya na iyaya ni vale i Yahuwe (YHWH), na imadrali laukana kei na drega ni fereqisede.

Niemaia (Nechmeyah) 13:4-9.

E na qai yaco e na siga oya, niu na nakita meu vakarusa na veimatanitu kece era lako mai me ra mai valuti Yerushalayimi.10 Au na qai sovaraka, e na mataqali nei Dawide kei ira na itaukei kei Yerushalayimi, na yalo dauloloma vata kei na yalo dauveivosoti; era na qai vakanamata mai vei au, o koya era a coka ka osivaki koya, me vaka era osivaka tiko e dua e luvenatagane  duabau, ka lolositaki koya me vaka era lolositaka e dua na ulumatua. 11 E na siga oya e na yaco e dua na vakaloloku levu e Yerushalayimi, me vaka na vakaloloku a yaco mai Hadada-Rimoni e na buca o Meqido.

Sakaraia (Z’kharyah) 12:9-11

Tabeya cake na ka e daumaka vakaoti, ka digitaka na dodonu; baleta era na tini vinaka o ira na tamata, ni yaco na tiko veisaututaki.38 Ia o ira era dau talatalaidredre era na vakarusai vata: io na kedra itinitini na daucakaca na rusa. 39 Na nodra ivakabula na yalododonu o Yahuwe (YHWH); e na vukei ira e na gauna ni tiko leqaleqa.

Same (Tehellim)37:37-39

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
269/Blog No. 1409	September 27, 2011.
Reading	Hebrew Date
Isaiah (Yesha’yahu) 10-12	Elul 28, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Talaidredre (Disobedience)

Thought: Serve Yahweh With Undivided Attention

 ........................

Serving For Yom Shaynee, Elul 27, 5771

Ia qo, kemuni na neimami Kalou (Mighty One), cecere ka kaukaua, na Kalou (Mighty One) savasava, o koya e dau maroroya na veiyalayalati kei na dina; laiva me kakua ni vunitaki mai matamuni na veika dredre sa yaco tiko vei keimami, vei ira na neimami tui, vei ira na neimami ravouvou, vei ira na neimami kohanimi kei ira na neimami parofita, vei ira na tama i keimami, ka vaka kina vei ira na tamata kecekece, me tekivu mai na nona veisiga na nodra tui na kai Ashuru, me yacova mai na siga nikua 33 Ia veitalia ga, o kemuni oni dodonu tiko ga e na veika kece sa yaco tiko qo vei keimami; baleta ni donu ga na ka oni a cakava; o keimami ga keimami a caka ca. 34 E sega ni dua na neimami tui se ravouvou se kohanimi se tama i keimami e bau talairawarawa mada ga i na nomuni lawa se vakatudaliga e daligadra i na nomuni ivakaro kei na nomuni ilesilesi; qori oni rawa kina ni vakadinadinataka na veika baleti ira. 35 Era a besetaka na nomuni matanitu, kei na veivakalougatataki levu oni a solia vei ira, kei na vanua vinaka ka bulabula oni a solia vei ira; era sega ni qaravi kemuni ka sega talega ni saumaki mai na nodra ivalavala ca. 36 Qori keimami se veiqaravi tu ga kina me yacova mai na siga nikua; ia na qele oni a solia vei ira na tama i keimami me keimami dau kania na kena vuata, kei na kena veika vivinaka; raica keimami se bobula tikoga e loma. 37 Na kena vuata era dau mai kauta o ira na tui oni a lesi ira me ra mai lewai keimami baleta na neimami ivalavala ca; qo era sa dau lewa talega na yago i keimami ka lewai ira na neimami bulumakau,  me vakatau ga e na nodra gagadre, ka keimami sa bula tu ga qo e na dre dre. 38 E na vuku ni ka kece qo, keimami sa cakava e dua veiyalayalati tawacala, ka keimami sa kena ivakadinadina, oya me bau kina o ira na neimani qase, na Li’vi’yimi, na kohanimi kei ira kece vei keimami era se vo bula tiko.

Niemaia (Nechemyah 9:32-38

O Yahuwe (YHWH) e na vakarota moni kalougata e na nomuni lololo, kei na veika kece oni vakayagataka kina na ligamuni moni cakava; e na qai vakalougatataki kemuni talega e na qele, e a solia vei kemuni o Yahuwe (YHWH) na nomuni Kalou (Mighty One).  9 O Yahuwe (YHWH) e na vakataudeitaki kemuni moni tamata vakatabui vua, me vaka a bubuluitaka vei kemuni, kevaka oni bula muria na ivakaro taucoko nei Yahuwe (YHWH) na nomuni Kalou (Mighty One) moni lako muria na nona sala.

Na iVakarua (D’varim) 28:8-9.

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
268/Blog No. 1408	September 26, 2011.
Reading	Hebrew Date
Isaiah (Yesha’yahu) 7-9	Elul 27, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Wiliki Na Lawa. (The Law Is Read)

Thoughts: Always Remember Yahweh’s Goodness To You In The Past.

........................... 

Serving For Yom Reeshone, Elul 26, 5771

Era qai soqoni vata vakataki ira o ira na tamata kecekece, me vaka beka ni ra le dua ga na tamata, e gaunisala levu donuya na matamata ni wai; era qai kaya vei Ezera na vunivola (na qasenivuli ni lawa), me kauta mai na ivola ni lawa (Torah) nei Moshe, e a vakarota o Yahuwe (YHWH) vei ira na Isirayili. 2  O Ezera na kohena a qai kauta mai na Tora e matadra na lewe ni soqosoqo, ruarua vei ira na tagane kei ira na yalewa vata kei ira kece era na vakarorogo era qai kila, e na imatai ni siga ni ikavitu ni vula. 3 A wilika na ivola e gaunisala levu  e na mata ni matamata ni wai, mai na mataka me yacova na sigalevu, e matadra na tagane kei na yalewa kei ira era rawa ni vakarorogo; na daligadra na tamata e a vakatudaliga me ra rogoca na ivola ni lawa. 4 A qai tu o Ezera na vunivola (na qasenivuli ni Tora) e na vatavata kau era a tara me na mai duri tu kina ni vosa; ka ratou duri tu e yasana o Matitiya, o Shema, o Hananaya, o Uraiya, o Hilikiya vata kei Ma’aseiya e ligana imatau, ia e na ligana i mawi o Pa’adaya, o Misha’yili, o Malakiya, o Hashuma, o Hasavaya, o Za’karaya vata kei Mesulame. 5 E dolava na ivola ni lawa e matadra na tamata kecekece (baleta ni a tu mai deladra na tamata o koya) ia ni sa dolava, o ira kece na tamata era qai tucake: 6 Sa qai vakavinavinakataki Yahuwe (YHWH) na Kalou (Mighty One) levu o Ezera. Era qai sauma na tamata kece Omaini, Omaini ka ra laveta cake na ligadra; era qai tekiduru ka vakarokoroko vei Yahuwe (YHWH) ni cuva sobu tu i na qele na uludra.

Niemaia (Nechmeyah) 8:1-6.

Na ka oqo au dau vakananuma lesu e lomaqu, au vakanuinui tu kina qo vua na Kalou (Mighty One). 22 E ka dina ni nona yalovinaka o Yahuwe (YHWH) e na sega vakadua ni mudu, kei na nona yalololoma e na sega ni cala. 23 Era dau vakavoui e veimataka; e vakaitamera na nomuni yalodina. 24 O Yahuwe (YHWH) e na noqu ivotavota e kaya na yaloqu, qori au na vakanuinui ga kina vua. 25 O Yahuwe e vinaka vei ira era waraki koya kei na bula e vakasaqarai koya.  26 E ka vinaka vua e dua na tamata me nuitaka ruarua na dina kei na veivueti nei Yahuwe (YHWH).

Lele I Jeremaia (Eikhah) 3:21-26

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
267/Blog No. 1407	September 25, 2011.
Reading	Hebrew Date
Isaiah (Yesha’yahu) 4-6	Elul 26, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Oti na Veivakavoutaki (Rebuilding Completed)

Thought: Notice Nechemeyah’s Management And Organising Skills

 .....................

Serving For Yom Reeshone, Elul 25, 5771

IA ni sa tara oti na bailalaga, sa duri tu na duru ni isogo ka sa coba oti na kena isogo; era sa lesi oti o ira na dauniveiqaravi kei na ira na Livai, 2 Au qai solia na noqu ivakaro vua na taciqu o Hanani kei Hananaia na kovana  ni vale ni tui  vata kei Yerushalayimi: baleta o koya e tamata dodonu, dau rerevaka na Kalou (Mighty One) ka dau vuki laivi mai na ca. 3 Au qai kaya vei rau, Kakua ni laiva na matamata e Yerushalayimi me dola, me yacova ni sa cadra vinaka na matanisiga ka sa cila vinaka tu; ia ni se cila tu ga na matanisiga, laiva me ra sa dau sogota na matamata, ka laiva me lokataki dei; qai lesia na yadra mai vei ira kece na lewe ni korolevu o Yerushalayimi, na tamata kece me ra veivuketaka na yadra, ia me ra yadra tu ga veitaudonui kei na nodra dui vale. 4 Na korolevu e levu ka raba; ia era se le lailai ga na tamata era tiko kina, kei na nodra dui veivale era se bera ni dui tara kece vakaoti.

Niemaia (Nechmeyah) 7:1-4

VAKAVO ga ke tara na vale o Yahuwe (YHWH), e ka ga ni vakarairai na nodra cakacaka o ira era tara tiko na vale; vakavo ke vakatawana na korolevu o Yahuwe (YHWH), e ka ga ni veivakacalai na nodra yadra tiko o ira na ivakatawa. 2 E veivakacalai o koya e dau sou vakamataka se cakacaka bera, me  rawata na nodratou bula; baleta o koya e na vakarautaka na veika me baleti ira na nona daulomani, e na gauna era se dui moce  tu kina. 3 Raica, o ira na gonelalai era isolisoli nei Yahuwe (YHWH); na vua ni katonigone e dua na icocovi. 4 Me vaka na gasau ni dakaititi e na liga ni dua na tamata qaqa; era vaka kina o ira na luvedra era sucu e na nodra gauna ni uabula. 5 E kalougata na tamata e tawani ira vakalevu e na nona bola ni gasau; o koya e na sega vakadua ni madua ni veileti kei ira na kena meca, e na matamata.

Same (Tehellim) 127:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
266/Blog No. 1406	September 24, 2011.
Reading	Hebrew Date
Isaiah (Yesha’yahu) 1-3	Elul 25, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tara Tale Tiko na Bailalaga. (Rebuilding the Wall)

Thought: We In-fight Amongst Ourselves At Our Own Peril

 .....................

Serving For Yom Ha Shee-shee, Elul 24, 5771

IA ni lai rogoca o Sanivalati ni keimami sa tara tiko na bailalaga, e a yalo rarawa kina ka yalokatakata vakalevu, o koya qai vakalialiai ira na kawa Ya'huda.2 A vosa o koya e matadra na wekana kei ira na lewe ni nodra mataivalu na ‘Amoni ni kaya, Na cava mada era cakava tiko na kawa Ya'huda qo? Era dokadoka dina tiko; ia laiva sara me ra vakacaboisoro ka kana e na siga era na laveta kina na veivatu oqo mai na ibinibini benu era a vakamai, 3 O Tovaiya na 'Amoni a duri tu e yasana, qai kaya, Veitalia na veika era tara tiko, au kila kevaka me kabata e dua na fokisi, e na vakasurataka vakadua na nodra bailalaga vatu. 4 Rogoca kemuni na neimami Kalou (Mighty One), keimami vakalialiai; ni vukica lesu na nodra veivakacacani i uludra, ka soli i ira me ra vakasasataki e na vanua ni nodra vakabobulataki: 5 Kakua ni vosota na nodra cakacala,  kakua talega ni laiva na nodra ivalavala ca me bokoci laivi mai matamuni: baleta ni ra sa veivakacudrui tiko, ka ra sa saqata tiko na tara lalaga  keimami vakayacora tiko. 6 Ia o keimami, keimami na tara tikoga na bailalaga; o ira na tamata era sa tara tiko; sa tara oti vakaveimama na bailalaga; baleta o ira na tamata era sa nakita sara ga mai vuniyalodra me ra cakacaka.

Niemaia (Nechmeyah) 4:1-6.

Raica na kena vinaka kei na kena totoka, ni ra mai vakaitikotiko vata e na yalovata na mataveitacini. 2 E tautauvata kei na ilumu vakamareqeti e na ulu kei na kumi, na kumi i Aharoni, ni sa drodro sobu i na kola ni nona kote; 3 Me vaka na tegu mai Heremoni ni lutu e na ulunivanua mai Saiyoni; baleta e keya e a vakarota kina na nona veivakalougataki o Yahuwe (YHWH), oya na bula e tawamudu.

Same (Tehellim) 133:1-3.

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
265/Blog No. 1406	September 23, 2011.
Reading	Hebrew Date
Sere I Solomoni (Shir-HaShirim) 6-8	Elul 24, 5771
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Masu Nei Nekemeya (Prayer of Nechemeyah)

Thought: Praying Is Important; Praying To YHWH Works!

 ..............................

Serving For Yom Khah Mee-shee, Elul 23, 5771

Au kaya, Au masuti kemuni, i Yahuwe (YHWH) na Kalou (Mighty One) ni lomalagi, na Kalou (Mighty One) cecere, vakaitamera ka dau dokai, o koya e  maroroya na dina kei na loloma me nodra o ira era lomani koya ka dau vakayacora na nona ivakaro;  6 Laiva na matamuni me tadola kei na daligamuni me vakatudaliga, moni rogoca na masu ni vakatakekere ni nomuni dauniveiqaravi; au masu tiko yani qo e matamuni, e na siga kei na bogi, meu tusanaka na nodra ivalavala ca na luvei Isira'yili, era sa valavala ca tiko e matamuni; ka vakakina o au kei ira na lewe ni matavuvale nei tamaqu, keimami dau valavala ca e matamuni. 7 Keimami sa sega ni vakayacora tiko na nomuni ivakaro taucoko kei na lawa, kei na ivunau oni a vakarota vei Moshe na nomuni dauniveiqaravi. 8 Ni vakasamataka lesu na ivakaro oni a vakarota vei Moshe na nomuni dauniveiqaravi, Kevaka oni talaidredre vei au, au na cemuri kemuni tani moni tayana yani i loma ni veimatanitu. 9 Ia kevaka oni qai vuki mai vei au, moni maroroya na noqu lawa ka bula muria; e dina ga ni ra sa tayana tu e na veiyasana yawa kei lomalagi o ira era a cemuri; au na lai vakasoqoni ira tale mai keya, au na qai kauti kemuni i na vanua au sa nakita meu biuta kina na yacaqu. 10 Ia qo o ira na nomu dauniveiqaravi kei ira na nomu tamata, oni sa vueti ira mai e na nomuni kaukaua vakaitamera kei na ligamuni qaqa. 11 I Yahuwe (YHWH), au masuti kemuni qo; laiva na daligamuni me rogoca na masu ni nomuni dauniveiqaravi kei na nodra masu o ira era gadreva me ra sokalou e na yacamuni; ka vueta na nomuni dauniveiqaravi e na siga edai, vakadonuya vua na yalololoma e mata ni tamata oqo. O au, au dau italotalo ni mena bilo wai na tui.

Niemaia (Nechmeyah)1:5-10

Noqu Kalou (Mighty One) au kacivi kemuni e na loma ni siga, ia oni sega ni vosa mai vei au; e na loma ni bogi, ia oni sega ni mai tiko vata kei au. 3 Baleta o kemuni oni yalosavasava, ia o Isire’yili e vakaitikotiko e na ruku ni nomuni veivakacaucautaki. 4 O ira na tama i keimami era a vakararavi vei kemuni; era vakararavi yani oni qai vakabulai ira. 5. Era tagici kemuni, era qai vueti: era vakararavi vei kemuni, era qai sega ni veilecayaki. 6 Ia o au, au dua na ulo ka sega ni tamata; au dau vakasisilataki mai vei ira na tamata ka dau sevaki vei ira na kawatamata. 7 O ira kece era sa raici au oti, era dau dredrevaki au ka vakalialiai au, era vanavana mai tebenigusudra ka kurea na uludra ni ra kaya; 8 O koya a dau vakararavi vei Yahuwe (YHWH); laivi Yahuwe (YHWH) me vueti koya; laivi koya me vueti koya ke taleitaki dina mai vua. 9 Baleta o kemuni oni noqu iraviravi, mai na gauna sara au se qai curu tani kina mai na katonigone, ka noqu inuinui mai na gauna au se dau bula tu kina e na sucu i tinaqu:

Same (Tehellim) 22:2-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
264/Blog No. 1404	September 22, 2011.
Reading	Hebrew Date
Sere I Solomoni (Shir-HaShirim) 4-5	Elul 23, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.