Siga Ni Veivakaduavatataki (Day of Atonement – Yom Kippur)

Thought: Today in The Scriptures: The Shabbat of Shabbat

Serving For Shabbat, Tishrei 10, 5772 (Special Issue)

Vosa tale o Yahuwe (YHWH) vei Moshe ni kaya, 27 Vosa vei ira na kawa Isirel’yili mo kaya vei ira, E na ikatini talega ni siga ni ikavitu ni vula oqo, e siga ni veivakaduavataki; qori e na dua na siga ni sosoqoni tabu vei kemuni: oni na vakamalumalumutaki kemuni kina vakataki kemuni, ka cabora e dua na isoro kama e na bukawaqa vei Yahuwe (YHWH). 28 Moni kakua ni cakava e dua na cakacaka e na siga qo: baleta ni siga ni veivakaduavataki moni cabora  kina e dua na isoro ni veivakaduavataki  e na vukumuni e na mata i Yahuwe (YHWH) na nomuni Kalou (Mighty One). 29 Na tamata cava ga e sega ni vakamalumalumutaki koya vakataki koya e na siga oqo, o koya e na muduki tani mai na kedra maliwa na nona tamata. 30 Na tamata cava ga e cakava e dua na cakacaka e na siga oqo, na tamata oqori au na vakarusa mai na kedra maliwa na nona tamata. 31 Moni kakua sara ga ni vakayacora e  dua mada ga na mataqali cakacaka; qori me na dua tiko na lawa tawamudu e na kedra maliwa na veitabatamata kece sara e na nomuni itikotiko kece sara. 32 Oqo na Siga ni vakacecegu ni Veisiga ni vakacecegu vei kemuni; e na ikaciwa ni siga ni vula e na kena  yakavi, mai na yakavi ki na yakavi, moni qarava kina na nomuni Siga ni Vakacecegu.

Vunau Ni Soro (Wayikra) 23:26-32

Na nona vosa na tamata vuku e tautauvata kei na qanihani, e  kamikamica i na bula (soul) ka vakabulabulataka na suina.

25 ¶ E tiko e dua na itovo e rairai donu  i matadra na tamata, ia na kena gaunisala era gaunisala ni mate.

26 ¶ E dua na tamata dau vakaloloku e vakaloloku tiko ga e na vukuna o koya vakataki koya; na nona vakarusai e na lutu ga mai gusuna o koya vakataki koya.

Vosa Vakaibalebale (Mishlei) 16:25-26

Oqo me na dua na lawa me tawamudu vei kemuni; e na ikavitu ni vula, e na ikatini siga ni vula, mo ni vakamalumalumutaki kemuni vakataki kemuni ka moni kakua ni cakava e dua na cakacaka, oya o kemuni, vata kei ira na tavuki (proselyte) era vakaitikotiko ena kemuni maliwa. 30 Baleta e na siga oqo, na kohena e na vakacabora kina  e dua na isoro e na vukumuni, me rawa ni oni  vakasavasavataki mai nomuni ivalavala ca, me rawa ni oni savasava e mata i Yahuwe (YHWH).

Vunau Ni Soro (Wayikra) 16: 29-30

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
281/Blog No. 1421	October 8, 2011/no 2
Reading	Hebrew Date
Isaiah (Yesha’yahu) 39-40	Tishrei 10, 5772 (Special)
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Ka E Dina Vei Keda Na Tamata (Our Human Reality)

Thought: Be Honest With YHWH In Prayers

 ......................

Serving For Shabbat, Tishrei 10, 5772

Oni yalododonu o kemuni, i Yahuwe (YHWH), niu sa vakatakekere yani vei kemuni; laiva mada meu vosa e na veika e dodonu e matamuni. Na cava beka e dau mana kina na nodra ivakarau na vakasisila? Na cava mada era vutuniyau kina o ira na tamata dauveivakaisini? 2 O kemuni oni teivaki ira; io na wakadra sa yaco me kaukaua; era tubu, era vuataka na vuata; oni voleka cake i gusudra ia oni yawa mai vuniyalodra. 3 Ia o kemuni, i Yahuwe (YHWH), oni  kilai au: oni sa raici au oti, oni sa vakatovolea oti na vuniyaloqu e matamuni; vakarautaki ira me vaka na sipi era vakarau lai mokumate, sureti ira i na siga ni veivakarusai. 4 E na vakacava na kena dede e na vakaloloku tiko kina na vanua, ka ra malai tu kina na kaudraudrau ni vanua e na vuku ni nodra ivalavala ca o ira era vakaitikotiko kina. Na bulumakau kei na manumanu vakatabana era sa tilomi baleta o ira na tamata ca era kaya, Eda na sega ni raica na ivakataotioti. 5 Kevaka oni cici kei ira na tamata dau taubale, era qai vakavuna mo ni oca, oni na qai rawa vakacava moni cici kei ira na ose?   Kevaka oni vakanuinui i na vanua veibuca, ia era qai vakavuna moni oca,  oni sa na qai rawa vakacava ni takosova na Yaradani ni seuseua kaukaua tu? 6 Baleta mai na gauna oya, o ira na tacimu kei ira na mataqali i tamamu, era sa dau vukivuki veivakaisini tiko vei iko; io, era dau kakase talega me baleti iko; kakua sara ni vakabauti  ira ni ra vosa vinaka tiko me baleti iko.

Jeremaia (Yirmeyahu) 12:1-6

Au a lako sivita mai na nona were e dua na vucesa; kei na nona loga ni vaini e dua e sega vua na yalomatua; 31 Ka, raica, ni sa robota vakadua tu na veikauwavotovotoa ka sa ubia vakadua tu na kau karokaroa (nettles) ia na kena bai vatu sa kabasu ka sa caqera tu i ra. 32 Oti au qai vakaraica vinaka ka vakasamataka vakavinaka, au qai ciqoma mai kina na kena ivakavuvuli. 33 Io e dua ga na moce lekaleka, ka dua na sosovu lailai, ka dua na roqoliga e lomasarena 34 E na yaco mai kina vei iko na dravudravua, kei na gadrevi ni veika eso e na toboki iko, me vaka e dua e dau veitaucici.

Vosa Vakaibalebale (Mishlei) 24:30-34

Keimami na Kalou (Mighty One), o ira na daulotutaki matakau era sa curu mai i na nomuni ivotavota; na nomuni vale tabu era sa vakadukara; era sa bini i Yerushalayimi me dua na bukebuke. 2  Na yagodra mate na nomuni dau ni veiqaravi era sa solia me kedra na manumanu vakatabana ni macawa lala, kei na lewe ni yagodra na nomuni tamata digitaki vei ira na manumanu kila kei vuravura. 3 Na nodra dra era livia me vaka na wai, wavolivoliti Yerushalayimi; e a sega ni dua me buluti ira. 4 Keimami sa vakarogocataki vei ira na weka i keimami vakaitikotiko, keimami qai vakalialiai ka dredrevaki vei ira era tiko wavolivoliti keimami. 5 Me vakaevei na kena dede i Yahuwe (YHWH)? Oni na cudru tiko beka me tawamudu? Na nomuni curu e na waqawaqa tiko beka me vaka na bukawaqa?

Same (Tehellim) 78: 40-50

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
280/Blog No. 1420	October 8, 2011.
Reading	Hebrew Date
Isaiah (Yesha’yahu) 39-40	Tishrei 10, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.