Thought:
Idolatry Disqualifies Kohanim and Li’vi’im To Serve
Serving
For Yom Shlee-shee, Chesvan 25, 5772
A
qai kauti au lesu mai o koya meu curu mai e na matamata ni loqi ni veitaqomaki
e vakanamata tu vaka i na vuaicake; ia raica, ni a sogo tu. 2 Oti qai kaya vei
au o Yahuwe (YHWH), Na matamata qo me dau sogo tu ga; me kakua ni dau dola, me
kakua ni dua na tamata e curuma mai, baleta o Yahuwe (YHWH), na Kalou (Mighty One) i Isira'yili, e na dau curu mai kina; qori me
na dau sogo tu ga kina. 3 O koya ga na kohena Liu me na dau dabe e loma me kana
madrai kina e na mata i Yahuwe (YHWH); ia me na dau curu ga mai e matamata ni
iyatu duru, ka curu lesu talega kina.
4
¶ Oti qai kauti au meu curuma mai na matamata mai na vualiku e mata ni vale; au
qai rai cake au qai raica na iserau i Yahuwe (YHWH) ni vakasinaita tu mai na loma ni vale i Yahuwe (YHWH); au mani
lutu sobu vakatoboicu e mataqu. 5 Kaya mai vei au o Yahuwe (YHWH), Luve ni
tamata, vakasamataka e vuniyalomu, raica e matamu ka rogoca e daligamu na ka
kece au na kaya vei iko me baleta na ilesilesi kei na kena ivukivuki taucoko;
nanuma vinaka tiko na vei icurucuru i loma ni vale kei na icurucuru i tuba mai
na loqi ni veitaqomaki. 6 Qai kaya vei ira na lewe ni mataqali talatalaidredre
i Isira'yili, E kaya vakaoqo o Yahuwe na Sau (Sovereign YHWH) E sega beka ni
rauta na ilevu ni ivalavala vakasisila oni sa vakayacora kemuni na lewe ni mataqali i Isira'yili? 7 Qo oni sa vakacuruma
talega mai na kaitani era se bera ni teve vakayalo ka sega talega ni teve
vakayago, me ra mai curuma na noqu loqi ni veitaqomaki, ka vakadukadukalitaka
na noqu vale; e na gauna oni cabora kina na noqu madrai, na uro kei na dra, oni
qai vakacala kina na noqu veiyalayalati e na nomuni ivalavala vakasisila. 8 Oni
sega ni qarava na noqu vale ni veitaqomaki, ia oni qai lesi i ira me ra mai
ivakatawa ni noqu vale ni veitaqomaki, o kemuni vakataki kemuni. 9 O koya oqo e
kaya kina vakaoqo o Yahuwe na Sau (Sovereign YHWH); Me kakua ni dua na kaitani,
tawateve vakayalo se tawateve vakayago me curu i na noqu loqi ni veitaqomaki, bau kina o ira na vulagi era tiko e na kedra
maliwa na mataqali i Isira'yili.
10
¶ Me kakua talega ni dua vei ira na Li'vi'imi era a toro vakayawa mai vei au e
na gauna era a lako sese tu kina na kawa Isira'yili, e na nodra a muri i ira na
nodra kaloumatakau ka ra sa colata tu mai kina na nodra ivalavala ca. 11 O ira
na Li'vi'imi qo era a dau qarava tu na noqu loqi ni veitaqomaki, ka dau veiqaravi e na matamata ni noqu
valenisoro e na dua na gauna; era a dau vakamatea na isorokama kei na imadrali
e vukudra na tamata, ka ra tu e matadra na tamata me ra veiqaravi vei ira. 12
Ia baleta ni ra sa dau veiqaravi vei ira na nodra kaloumatakau, ka ra sa yaco
me ra itatacaqe i na kawa Isira'yili; O koya oqo au sa laveta cake kina na
ligaqu meu saqati ira, e kaya o Yahuwe na Sau (Sovereign YHWH), qo era sa
colata tiko na nodra ivalavala ca.
O
koya e vakalevutaka na nona iyau mai na tubu ni dinau, kei na sala tawadodonu
tale eso, e na biuta tu mai, me na taukena o koya e dau lomani ira na dravudravua. 9 O koya e sogota na daligana me kakua ni rogoca
na lawa, na nona masu mada ga e na dua na ka vakasisila. 10 ¶ O koya e vakavuna
na yalododonu me lako sese e na gaunisala dukadukali, e na lutu tale e loma ni
qara o koya vakataki koya, ia na tamata dodonu e na taukena vakaivotavota na
veika vivinaka.
GIMEL
Tama
mai vua na nomuni dauniveiqaravi, meu rawa ni bula ka bulamuria na nomuni vosa.
18
¶ Dolava na yaloka ni mataqu, meu rawa ni raica na veika talei e na nomuni Toraa,
vakamataraitaki au, meu kunea. 19 ¶ O au, au mai tiko vakavulagi vata kemuni:
kakua ni vunitaka na nomuni ivakaro mai vei au. 20 ¶ Na noqu bula (soul) sa
mamarau ka gadreva na nomuni lewa e veiveigauna kece sara.21 ¶ Oni sa vunauci
ira na veimatanitu, ka ra kalouca o ira era dau lako sese mai na nomuni
ivakaro. 22 ¶ Kauti au tani mai na veivakacacani kei na veivakamaduataki;
baleta au sa bula muria tiko na nomuni itukutuku. 23 ¶ O ira na ravouvou era
toka sobu era qai bukiveretaki au: ia au qai vakananuya na nomuni ilesilesi. 24
¶ Au sa vakananuya talega na nomuni itukutuku, e na nomuni ivakasala vivinaka.
DALET
25
¶ Na noqu bula sa kabi tu e na kuvu ni soso; vakabulabulataki au me vaka na
nomuni vosa.
26
¶ Au sa tusanaka oti na noqu ivalavala, oni sa rogoci au: Vakavulica vei au na
nomuni lawa. 27 Cakava meu kilakasamataka na iwalewale ni nomuni ivakavuvuli,
meu rawa ni vakasamataka na nomuni vei cakacaka talei. 28 ¶ Na noqu bula (soul)
sa kunea na dredre e na vakasama; vakaukauataki au me vaka na nomuni vosa. 29
Kauta tani mai vei au na nodra ivakarau tudei na vakasisila, vakavulica vei au
na nomuni lawa 30 ¶ Au sa digitaka na
itovo ni nomuni dina; na nomuni lewa era dau talei vei au. 31 Au sa kabita
matua tiko na nomuni vosa: I Yahuwe (YHWH) kakua ni laivi au meu vakamaduataki.
32 Au sa bulamuria tiko na sala ni nomuni ivakaro, baleta oni cakava tiko meu
mamarau kina vakalevu.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
326 Blog
No. 1466
|
November
22, 2011.
|
|
Reading
|
Hebrew
Date
|
|
Cheshvan
25, 5772
|
|
|
Click
The Bible Text To Read It In Gateway In Another Language Or Version
|
|
