Na Veilewai Sa Roro Mai (The Coming Judgment)

Thought: The Day Of Judgment Is Coming; Be Prepared!

 ................................

Serving For Yom Shlee shee 21^st Elul, 5770

Mai na rawai nei P’lishitimi e na yabaki a mate kina o Tui Eikasi, e yaco mai kina na itukutuku ni leqa oqo. 29 Kakua ni marau, i P’lishitimi raraba, baleta ni sa ramusu na nona ititoko o koya koya e a mokuti iko: baleta mai na kawa ni gata, e na tubu mai kina e dua na gatavaipa, ia o ira na loga luvena era na gata bukawaqa dauvuka.  30 O ira na nodra ulumatua na dravudravua era na kana, o ira era gadreva na veivuke era na koto sobu e na yalodei, ia au na vakamatea na wakamu ni dausiga kei ira na kemu vo vo, au na vakamatei ira.  31 Qolou, i korolevu; tagi i korolevu; o P’lishitimi taucoko sa veilecayaki; baleta e na tubu mai na vualiku e dua na kubou; e sega ni dua e na vo tale e na nodra solevu.  32 Me na saumi vakacava na nona taro na daunikauitukutuku ni vanua? Ni sa tauyavutaki Tsaiyoni o Jiova (Yahweh), me ra na lai taqomaki kina o ira na dravudravua vei ira na nona tamata.

Aisea (Yesayahu) 14: 28-32.

E na mata i Jiova (Yahweh); e na lako mai o koya me vakatulewa e vuravura; e na vakatulewa e vuravura, e na yalododonu kei ira na tamata e na nona yalodina.

Same 96:13

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
243	August 31
Reading	Hebrew Date
Psalm 145-147	Elul 21

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Bokks Worth Having 

    

Thought: Yahweh Will Admonish Us Because He Loves Us

........................... 

Serving For Yom Shaynee 20^th Elul, 5770

A qai yaco, ni o ira na luvei Isireli era a valavala ca vei Jiova (Yahweh) na nodra Kaiou (Mighty One), o koya e a  kauti ira cake mai na vanua o Ijipita, mai na liga i Fero na tui Ijipita, baleta  era sokalou tiko vei ira na kalou (elohims) tani, 08 era qai bula muria tiko na nodra ivalavala na veimatanitu e a vakarusai ira taumada o Jiova (Yahweh) e matadra na luvei  Isireli, 09 O ira na luvei Isireli era a kaya na veivosa e sega ni kilikili, me ra saqati Jiova (Yahweh) kina na nodra Kalou (Mighty One); ruarua o ira kei na nodra tui; era qai tara na nodra veivalenisoro ni matakau e na nodra dui koro lelevu,  mai na nodra valecere na matayadra, i na veikorolelevu vakabai lalaga. 10 Era qai vakaduria vakataki ira na nodra ivakatakarakara kei na matakau e na dela ni veivanua cere kei na ruku ni veikau drokadroka kece. 11 E keya era qai vakama kina na veika boi, e na veitikina cecere, me vaka era a dau cakava o ira na veimatanitu e a vakarusai ira o Jiova (Yahweh) e matadra; era qai cakava tiko na veika vakasisila, me ra vakacudrui Jiova (Yahweh) kina me leva: 12 Baleta ni ra qarava na vei matakau, e a vakaroti ira kina o Jiova (Yahweh), Moni kakua vakadua ni cakava na veika oqo.

2 Tui 17: 7-12.

I luvequ tagane, kakua ni cata na veikuitataki nei Jiova (Yahweh); kakua ni vakacauocataka na nona veivakatavulici.12 Baleta o koya e lomana o Jiova (Yahweh) e na vakadodonutaka, me vaka e dua na tama, e vakadodonutaki luvena ….

Vakaibalebale 3:11-12

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
242	August 30
Reading	Hebrew Date
Psalm 142-144	Elul 20

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Tara Ni Valenisoro (The Construction of the Temple)

Thought: We Must Be Particular About Our Position in Yahweh’s Plans

 ...................................

Serving For Yom Reeshone 19^th Elul, 5770

 E bulia o koya e rua na duru barasa; na ibalavu ni duru yadudua e tinikawalu na kiupiti; na moqimoqili ni duru e tinikarua na kiupiti wavoki. 16 Oti qai bulia e rua na domodomo mai na barasa e vakawaicalataki, me ciqimaka e na dela ni veiduru; na cere ni dua na domodomo e lima na kiupiti, na cere talega ni kena vo e lima na kiupiti. 17 A qai cakava na lawa veivolavolai ceu, kei na sinucodo muloci me ukutaki  kina na domodomo e dela ni duru; me vitu e na dua na domodomo ka vitu e na domodomo kadua. 18 E qai cakava na duru kei na rua na iyatu me toka wavolita na taudaku ni lawa, ka me ubia na domodomo e toka e dela ni duru; qai cakava vakakina e na duru kadua. 19 Na domodomo e toka e dela ni duru, e caka me vaka na senilili e na varada, oya me va na kiupiti.  20 Na domodomo e na dela ni duru ruarua e toka kina na pomeqaraneti  mai cake, ka vaka kina e yasana, oya e na yasa ni lawalawa; ia na pomeqaraneti e a tauya ruanadrau dua na iyatu, wavokita na domodomo; ka vaka kina e na domodomo tale eso.  21 E bulia na duru ni varada ni valenisoro; oti qai vakaduria na duru e na  yasana imatau, ka vakatoka me yacana o Yakini; oti qai vakaduria na duru e na yasana imawi qai vakatoka me yacana o Boasa. 22 Ia e na dela ni duru e cakacakataki tu kina na senilili; qori a qai oti kina na cakacaka ni duru.

1 Tui 7: 15-22

Tagane vakawati, lomani ira na wati­muni yalewa, me vaka ni lomana na isoqosoqo na Mesaia, qai soli i Koya kina e na vukuna; 26 me rawa kina ni vakatabuya ka vakasavasavataka e na wai kei na vosa,

Efeso 5:25-26.

  

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
241	August 29
Reading	Hebrew Date
Psalm 139-141	Elul 19

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

   

Na Raitayaloyalo ni Valenisoro. (A Vision Of The Temple)

Thought: Yahweh Pays Attention To Minor Details, Even In Our Lives

 ..............................

Serving For Shabbat 18^th Elul, 5770

E na ikaruasagavulu ka lima ni yabaki ni neimami tiko vakabobula, e na itekivu ni yabaki, oya e na ikatini ni siga ni vula, ni oti e tinikava na yabaki mai na gauna a vakacacani kina o Yerusalayimi, e na siga vata sara ga oya e a tarai au kina na liga i Jiova (Yahweh)  02 Oti qai kauti au mai i na qele vaka Isire’yili, e na raivotu ni Kalou (Mighty One) qai vakatikori au e na dela ni dua na ulunivanua cecere sara, ka ni toka e delana mai keya na raitayaloyalo ni korolevu mai na ceva. 03 E a kauti au mai i keya o koya, ka raica, ni tu mai keya e dua na tamata na kena irairai e vaka na irairai ni barasa, ka taura tiko e ligana e dua na wa tuwaina kei na dua na gasau ni vakavakarau; e a tucake tu o koya e  matamata. 04 Kaya mai vei au na tamata, Luve ni tamata, vakararai tiko e na matamu, vakatudaliga e daligamu ka biuta na nomu vakasama e na veika kece au na vakaraitaka vei iko; baleta o iko o a kau mai i ke me rawa niu vakaraitaka vei iko na veika oqo; ia na veika kece o raica, lai tusanaka vei ira e loma ni matavuvale i Isire’yili.

Isikeli 40:1-4.

E sega beka ni volitaki e rua na qiqi e na dua na peni? Ia e sega ga ni dua vei ira e na lutu i dela ni qele, ke sega ni inaki nei Tamada. 30 E na veika me baleti kemudou, na drauniulu mada ga e ulumudou sa wili oti tu. 31 Moni kakua ni nuiqawaqawa; baleta oni yaga vakalevu cake sara mai na dua na ibinibini qiqi.

Maciu 10:29-31.

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
240	August 28
Reading	Hebrew Date
Psalm 136-138	Elul 18

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

     

Bula Vata Kei Jiova (Dwell With Yahweh)

Thought: The Establishment of Isra'yl Evident, Where Do We Fit In?

 .......................................

Serving For Yom Ha Shee-shee 17^th Elul, 5770

Ia na noqu dauniveiqaravi o Tevita, sa na veiliutaki vakatui vei ira; o ira kece sa na qai duabulu na nodra ivakatawa; era na bula muria na noqu lewa dodonu ka talairawarawa i na noqu ivakaro me ra bula muria.  25 Era na lai vakaitikotiko e na vanua au a solia vua na noqu dauniveiqaravi o Ya’akove, na vanua era a bau tiko talega kina o ira na tamamuni; era na qai lai tiko kina o ira, bau kina o ira na luvedra kei ira na makubudra me tawa mudu: ia na noqu dauniveiqaravi o Dawide sa qai na nodra ravouvou me sega ni mudu. 26 Kena ikuri, au na vakaduria e dua na veiyalayalati tawamudu ni sautu vata kei ira; au na vakalewevuqataki ira, ka vakadeitaka na noqu vale tabu e na kedra maliwa me kua sara ga ni mudu. 27 Na vanua ni noqu itikotiko sa na mai tiko vata kei ira; io, au na nodra Kalou (Mighty One); o ira era sa na noqu tamata. 28 O ira na kai Veimatanitu tani era na kila ni o au, o Jiova (Yahweh) au na vakatabui i Isire’yili, ni sa tiko e na kedra maliwa na noqu vale tabu me sega ni mudu.

Isikeli 37:24-28.

Kidavaki Yerusalayimi e na sautu; era na vakaiyautaki o ira era lomani iko. 07 Na sautu e na tiko e loma ni nomu bai kei na iyau e na loma ni nomu veivale vakatui.

Same 122:6-7.

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
239	August 27
Reading	Hebrew Date
Psalm 132-135	Elul 17

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

      

E Dua Na Bula Vou (A New Life)

Thought: For Sure The Dead Shall Be Resurrected

............................... 

Serving For Yom Khah Mee-shee 16^th Elul, 5770

Na liga ni (Kalou) e a tauri au, keveti au laivi i tuba, e na yalo i Jiova (Yahweh) qai lai vakatikori au sobu e na dua na buca, e sinai tu kina na sui 02 qai vakavuna vei au meu vakaraica ka wavokita; au qai raica ni vakaitamera na kedra ilevu e na buca, ka dikeva talega ni ra sa mamaca tu vakaoti. 03 Sa qai kaya vei au o koya, Luve ni tamata, e rawa beka vei ira na sui qo me ra bula? Au sauma, i Jiova na Kalou (Yahweh Mighty One), o kemuni ga oni kila.  04 E baci kaya tale vei au, Parofisai e na vukudra ni sui qo, mo kaya vei ira, Kemuni na sui mamaca, rogoca na vosa i Jiova (Yahweh).  05 Oqo na vosa nei Jiova na Kalou (Yahweh Mighty One) vei ira na sui, Raica, au na vakavuna na icegu me curu tale vei iko, moni bula tale; 06 Au na vakotora na viciko vei kemuni, kauta mai na leweniyago vei kemuni, kovuti kemuni e na kulimuni, ka biuta na icegu e lomamuni, oni na qai bula; oni na qai kila talega ni o yau o Jiova  (Yahweh).

Isikeli 37:1-6

Na nona veivakalougatataki o Jiova (Yahweh) e kauta mai na iyau; e na sega ni kune kina na rarawa.

Vakaibalebale 10:22.

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
238	August 26
Reading	Hebrew Date
Psalm 128-131	Elul 16

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

     

Vakabauta Na Loloma Nei Jiova (Have Faith In Yahweh’s Care)

Thought: Yahweh Is Able To Deliver Us: In His Own Way

............................ 

Serving For Yom Revee-ee 15^th Elul, 5770

Baleta e kaya o Jiova (Yahweh); Raica, o yau, io o yau, au na vaqarai ira na noqu sipi, me yacova niu sa kunei ira. 12 Me vaka ni vaqara na nona sipi na ivakatawa, e na siga e taubi kina na uca ka liwa kaukaua na cagi, e na vakaoqori na noqu vaqarai ira na noqu sipi, meu vakasoqoni ira mai  na veivanua era a sa lai tayana tu kina, e na veisiga rugurugua e na o ka vakacerebuto.  13 Au na kauti ira tani mai na veimatanitu, ka vakasoqoni ira mai na veivanua, meu kauti ira mai i na kedra qele; au na qai vakani ira e na veiulunivanua mai Isire’yili, e na bucabuca kei na veivanua tawani e loma ni vanua. 14 Au na vakani ira e na ikanakana vinaka, na veiulunivanua cecere e Isireli e na nodra lomanibai: e na vanua ikanakana bulabula era na dau lai kana kina e na dela ni veiulunivanua kei Isire’yili.  15 O yau vakataki yau, au na vakani i ira na noqu sipi, au qai vakavuna me ra davo sobu, e kaya o Jiova na Kalou (Yahweh Mighty One). 16 Au na vaqarai ira era a yali ka kauti ira lesu mai o ira era a lako sese, vadretitaki ira era mavou ka vakaukauataki ira era tauvimate; au na qai taqomaki ira na bulabula kei ira na kaukaua; au na vakani ira e na lewadodonu.

Isikeli 34:11-16.

Na vakabauta, oqori na ivakadei ni sa rawa oti na veika eda se nuitaka tiko, me vaka ni sa yaco oti; ka ivakadinadina ni veika e sebera ni laurai.

Iperiu 11:1

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
237	August 25
Reading	Hebrew Date
Psalm 124-127	Elul 15

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

      

Na Nodra Cemuri Na Kawa Isireli (The Deportation of the Israelites)

Thought: Look For Yahweh’s Promises In Our Trials And Tests

 ..................................

Serving For Yom Shlee-shee 14^th Elul, 5770

Sa na qai oti na kau vakavotona e na vale nei Isireli se dua na votonikau me vakavurarawa tiko mai na veika e tu vakavolivoliti ira ka vakaloucataki ira; era na qai kila ni o au o Jiova (Yahweh) na Kalou (Mighty One). 25 A qai kaya vakaoqo o Jiova na Kalou (Yahweh Mighty One); Niu sa vakasoqoni ira na lewe ni matavuvale i Isire’yili mai na kedra maliwa na tamata era sa tayana tu e kedra maliwa, au na qai  vakalagilagitaki mai vei ira e matadra na veimatanitu, oti era na qai lai vakaitikotiko e na vanua au a solia vua na noqu dauniveiqaravi o Ya’akove. 26 Era na lai bula tu kina e na  vakacegu, era na qai tara na veivale ka teavaka na veilogani vaini; io, era na qai vakaitikotiko e na yalodei. ni oti na noqu tauca na lewa dodonu vei ira kece era dau vakamavoataki ira mai na veiyasana; era na qai kila ni o au o Jiova (Yahweh) na nodra Kalou (Mighty One).

Isikeli 28:24-26

O koya e sa solia vei keda na veika kece me baleta na kaukaua ni Kalou (Yahweh), me ka ni bula kei na qaravi ni Kalou (Yahweh) baleta na Nona kilai o Koya e kacivi keda tiko e na Nona lagilagi kei na Nona vinaka vakaoti, 04 na veika, a qai soli kina vei keda na yalayala cecere ka vakamareqeti eso, me rawa ni da na vakaivotavota e na bula vakalou ni da sa levea mai na rusa e tiko e vuravura, dau vu mai na gagano ca.

2 Pita 1:3-4

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
236	August 24
Reading	Hebrew Date
Psalm 120-123	Elul 14

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

A New Bible

     

The Capture Of The Jews; And Their Way Out

Thought: Do Not Run Away From Difficulties, Face Them!

................................ 

Serving For Yom Shaynee 13^th Elul, 5770

Au na qai soli i ira i ligadra na kedra meca kei na ligadra o ira era vaqara tiko mai na nodra bula, i na liga i Nevukadresa na Tui Bavela kei na ligadra o ira na nona dauniveiqaravi; oti oya o Ijipita e na qai rawata tale na nona galala, me vaka e na gauna mai liu, e kaya o Jiova (Yahweh). 27 Ia kakua ni taqaya i Ya’akove noqu dauniveiqaravi; kakua ni yalo lailai i Isire’yili; baleta raica, o yau au na vakabulai iko mai na vanua yawa, kei ira na nomu kawa mai na vanua era tu bobula tu kina; o Ya’akove e na qai lesu mai, me mai tiko vakacegu ka tiko vinaka; e sega ni dua e na vakamavoataki koya.

Jeremaia 46:27-28.

E sebera ni dua na ka ni veivakatovolei me tarai kemuni, vakavo ga na kena sa yaco tiko vakawasoma vei ira na tamata; baleta na Kalou (Mighty One) e yalodina, ka na sega ni vakatara o Koya, moni vaka­tovolei e na kena mataqali oni na sega ni vorata rawa; ia e na bulia no e dua na sala moni na dro kina mai na nomuni vakatovolei, me rawa ni oni qai colata vinaka kina.

1 Korinica 10-13

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
235	August 23
Reading	Hebrew Date
Psalm 119:105-176	Elul 13

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Kerei na Veivuke Nei Jiova (Yahweh’s Help is Requested)

Thought: Always Face Your Problems Using Yahweh’s Decision.

.................................. 

Serving For Yom Reeshone 12^th Elul, 5770

Era qai toro mai, o ira kece  na iliuliu ni mataivalu vata kei Yokanana na luvei Kareaka tagane kei Yasanayahu na luve i Hosa’ya tagane vata kei ira na tamata kecekece, mai vei ira na gonelalai me yaco vei ira na qase, me ra toro voleka. 02 Era qai kerei Yeremeyahu, Keimami mai vakatakekere vei iko, mo masulaki keimami mada e na mata i Jiova (Yahweh) na nomu Kalou (mighty One), oqo o keimami na kena vo vo; ni keimami sa lewe lailai wale keimami vo, mai vei ira na lewe vuqa, me vaka oni sa raica rawa tu qo e matamu; 03 me kerei vei Jiova (Yahweh) na nomu Kalou (Mighty One) me vakatakila mai vei keimami na sala me keimami muria kei na veika me keimami cakava. 04 A qai kaya vei ira o Yeremeyahu na parofita, Au sa rogoci kemuni; raica, au na masu e mata i Jiova (Yahweh) na nomuni Kalou (Mighty One) me vaka na nomuni vosa; ia e na qai yaco, ni veika cava ga e sauma mai vei kemuni o Jiova (Yahweh), au na mai vakasavuya vei kemuni; au na sega ni vunitaka e dua na ka mai vei kemuni. 05 Era kaya sara vei Yeremeyahu, Me yaco mada ga me i vakadinadina ni dina kei na dodonu o Jiova (Yahweh) e na keda maliwa, kevaka keimami sega ni vakayacora na vosa i Jiova (Yahweh)na nomu Kalou (Mighty One), e na vakauta mai vei keimami o koya, mo na mai vakasavuya vei keimami o iko.06 Kevaka e vinaka se kevaka e ca, keimami na vakamuria vinaka sara na domo i Jiova (Yahweh) na noda Kalou (Mighty One) o koya keimami talai iko tiko vua; me rawa kina ni na qai tini vinaka na ka kece vei keda, ni da sa talairawarawa tiko i na domo i Jiova (Yahweh) na noda Kalou (Mighty One).

Jeremaia 42:1-6

O koya e solia na icegu vei ira era oca: ia vei ira era vauci tu e na mate ca, e vakalevutaka vei ira na kaukaua.  30 O ira na itabagone era na  malumalumu ka oca, o ira na cauravou era na sega ni vukea rawa na nodra tacaqe  31 Ia o ira era ravi vei Jiova (Yahweh) e na vakavoutaki na nodra kaukaua; era na vakatubura na tabadra e vaka na taba ni ruve, era na cici ia era na sega ni oca; era na taubale ia era na sega ni malumalumu.

Aisea 40: 29-31

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
234	August 22	Elul 12	Psalm 119:49-104

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.