Thought: Always Allow Yahweh’s Ways to Prevail
Serving For The 18th January, 2010
Oti qai kaya o Yakove vei Levani Solia mai vei au na watiqu, baleta au sa cakacakataka oti na noqu gauna, meu rawa ni tekivu bula vata kei koya. 22 A mani soqoni ira vata na tamata kece ni vanua oya o Levani, qai vakarautaka e dua na magiti. 23 A qai yaco e na yakavi bogi oya, ni a kauti Lia mai na luvenayalewa, qai soli i koya vua; a qai curu yani o Yakove me lai moce vata kei koya. 24 A qai soli i Silipa na nona vada vei Lia o Levani, me sa nona dau ni veiqaravi. 25 A qai yaco e na mataka, raica, ni o Lia; a mani kaya o Yakove vei Levani, Na cava beka o sa cakava qo vei au? Au a sega beka ni cakacakataka me watiqu o Reijeli? Na cava o lawakitaki au kina? 26 Kaya o Levani vei Yakove, E sega ni kena ivalavala e na neimami vanua, me soli e liu o koya na gone me vakamau, ke sebera tiko o koya e qase. 27 Vakaotia mada ga na solevutaki ni vakamau qo, au na qai soli i koya kadua vei iko, oti mo qai cakacaka tale tiko vei au me vitu tale na yabaki. 28 A mani cakava vaka kina o Yakove, ka qarava vakaoti na nona solevu ni vakamau: oti qai soli i Reijieli na luvenayalewa vua o Levani, me watina. 29 O Levani a qai soli i Biliha na nona vada vei Reijeli na luvenayalewa, me sa nona vada. 30 A qai curu yani o koya me lai moce talega vata kei Reijieli; e a domoni Reijieli vakalevu cake mai vei Lia, qai cakacaka tikoga vei Levani me vitu tale na yabaki.
Na vuniyalo e babamatua taudua vei ira na veika kece; o cei e na kila rawa? 10 O yau o Jiova (Yahweh), au dau vakadeuca na vuniyalo, ka vakatovolea na nona vakasama, au qai solia vei ira na tamata yadua, me raurau kei na nodra dui ivalavala, kei na vua ni nodra cakacaka.
| Reading for Today (Na Wase Ni iVola Tabu Me Wili Nikua). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 18 | January 18 | Genesis 42-43 | Matthew 13:33-58 |
