Thought: YHWH Makes His Appointments Clear
Serving For Yom
Reeshone, Tishrei 4, 5772
Na
vosa i Yiremeyahu na luve i Hilikiya, e dua vei ira na kohanimi era tiko mai
'Anatota e na vanua o Biniyamini: 2 O koya a yaco vua na vosa i Yahuwe (YHWH) e
na veisiga nei Yoshiyahu na luve i 'Amoni na tui Ya'huda, e na ikatinikatolu ni
yabaki ni nona veiliutaki vakatui. 3 E a yaco talega e na gauna i Yo'hoyakimi
na luve i Yoshiyahu, tui Ya'huda, me yacova na itinitini ni ikatinikadua ni
yabaki i Sidikiyahu na luve i Yoshiyahu na tui Ya'huda; me yacova yani na nodra
kau vakabobula na itaukei kei Yerushalayimi e na ikalima ni vula.4 A qai
yaco mai vei au na vosa i Yahuwe (YHWH) ni kaya, 5 Niu se bera ni buli i
iko e na katonigone, au a sa kilai iko oti tu; ia ni o se bera ni sucu mai na
katonigone au a sa vakatabui iko oti ka lesi i iko mo nodra parofita na
veimatanitu. 6 Au qai kaya, Au vakatakekere vei kemuni i Yahuwe (YHWH) na Kalou
(Mighty One), Raica, au sega ni kila na vosa, baleta au se gone ga. 7 Kaya mai
vei au o Yahuwe (YHWH), Kakua ni kaya, Au se gone ga baleta o iko o na lako i
na vanua kece au na talai iko kina; na ka kece au vakarota vei iko o na lai
vakasavuya. 8 Kakua ni domobula e na kedra maliwa: baleta au sa tiko vata kei
iko meu vakabulai iko, e kaya o Yahuwe (YHWH).
Kakua
ni reki ni bale na kemu meca; laiva me kakua ni marau na vuniyalomu ni sa
talaraki laivi;18 De qai raica o Yahuwe (YHWH), qai sega ni
marautaka, oti qai vukica laivi na nona cudru mai vua.
19 ¶ Kakua ni didivaki ira na
daucakaca; kakua ni vuvutaki ira era itovo vakasisila; 20 Baleta e na
sega ni dua na nodra gauna mai muri o
ira na tamata ivalavala ca; na nodra icina na tamata ivalavala ca e na bokoci
laivi.
Vei
keimuni i Yahuwe (YHWH) keimami vakavinavinaka; vei kemuni, keimami solia na
neimami vakamuduo ka kaciva na yacamuni; 2 Keimami na tusanaka na nomuni cakacaka veivakurabuitaki; e na
qai yaco mai na gauna au na vakataulewa kina vakadodonu. 3 O vuravura kei ira kece era
vakaitikotiko kina era na qai vakamalumalumutaki; oni sa lesi i ira na kena
tamata. 4 Oni kaya vei ira na
lialia, Ni kakua ni vakayacora na ivalavala lialia, vata kei ira na ca, Kakua
ni laveta i cake na nomuni ileu; 5 Kakua ni laveta na ileu i cake,
kakua ni vosa e na domoqa.
6
¶ Na isasabai e sega ni lako mai na Vuaira se na Vuaicake se mai na
veiulunivanua dravuisiga 7
Baleta o Yahuwe (YHWH) ga e kena daunilewa; e na biuta sobu e dua, ka vakaduria
cake e dua tale. 8 Baleta e na
liga i Yahuwe (YHWH) e toka kina e dua na bilo, e sinai tu e na waini e waki tu kei na kena kosa; e na qai
veisoliyaka mai vua e dua, ki vua e dua tale; e ka dina ni o ira kece na
dukadukali kei vuravura era na gunu mai na kosa oya. 9 Ia au na bula tiko me tawamudu; au na seretaka na vakavinavinaka
vua na Kalou (Mighty One) i
Ya’akove. 10 Na nodra ileu kece
na dukadukali era na musu laivi; ia na nodra ileu na yalododonu, era na
vakacerecerei.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
274/Blog
No. 1414
|
October
2, 2011.
|
|
Reading
|
Hebrew Date
|
|
Tishrei
4, 5772
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
