Thought: YHWH Will
Openly Show His Sovereign Authority
.................
Serving For Yom
R’vi’ii, Adar 24, 5773
MAI NA
NEVI’IMI AKARONIMI (FROM THE NEVI’IM ACHARONIM)
Raica
e lako tiko mai oqo na yaca i Yahuwe (YHWH) mai na vanua yawa; na nona leva e
na waqawaqa, e na kubou vavaku e kuvu cake tiko. Na tebenigusuna sa sinai
vutuvutu tu mai e na nona yalokatakata, na yamena e dua na yamenibukawaqa dau
veitilomi. 28 Na nona icegu, e vaka e dua na dobui e coka tiko, ka vuabale tiko
me yala sara e domodra; me qai tauvuloni na veimatanitu e na vulo ni
veivakarusai; ka biuta na dali ni igolegole ni ose (bridle) e kesudra na
tamata, me vakavuna na nodra vakacalai. 29 Na nomuni ni sere e na tautauvata
kei na kena e dau laga e na bogi ni vakananumi tiko na solevu tabu; na
vuniyalomuni e na mamarau, me vaka ni vakatarataki tiko na nomuni taubale, e na
rorogo ni ivakatagi bitu, i na ulunianua i Yahuwe (YHWH), vua na Uluvatu i
Yisira'yili. 30 O Yahuwe (YHWH) e na
cakava me rorogo na domo ni nona Sau, e na qai vakaraitaka na gauniligana ni sa
vakatauca sobu e na nona leva waqawaqa, e na dua na covulaca bukawaqa, na
kacakacabote ni o, na cavaa kei na uca qereqere. 31 Baleta na domo i Yahuwe
(YHWH) e na vakadomobulataki Ashuru, baleta e na samuti ira o koya e na nona
itoko ni vakavulewa (scepter). 32 Na
iwaro kecekece ni nona ititoko ni veitotogitaki e vakatauca o Yahuwe (YHWH) vua, e na
vakatarataki e na tibereli kei na hapi;
ka na wiricaka na gauniligana vei ira ni valuti ira [tiko]. 33 Baleta na
matadravu ni Tofeta a se vakarau makawa sara tu; e vakaraitaki tu e na vukuna
na tui, e caka me vakaitamera ka titobu, qai levu na kena buka e kama tiko e na
bukawaqa; ka vaka e dua na salafure e drodro tiko, na icegu i Yahuwe (YHWH) e
na tutuvaka.
NA IVAQA NI BULA (FOOD FOR THE SOUL)
Na
rerevaki i Yahuwe (YHWH) e vakabalavutaka na bula; ia na nona veiyabaki o koya
e tawakilikili e na vakalekalekataki. 28 Na veika e nuitaka na yalododonu, e na
yaco e na reki; ia na veika e nanuma na tawa kilikili me yaco, e sega ni yaco
me dua na ka.
LOMANI YAHUWE NA NOMU KALOU (LOVE YHWH YOUR MIGHTY ONE
E
na vukuna na
iliuliu. E dua na nodra same na kawa i Kora'aka: 2(1) Rogoca qo, kemuni na
tamata kecekece! O kemuni kece oni vakaitikotiko e vuravura, ni vakarorogo;
3(2) Veitalia se [o] lolovira se [o] cecere, veitalia se [o] vutuniyau se [o]
dravudravua. 4(3)Na gusuqu sa vakarau vakamacala me baleta na vuku; na
vakanananu ni vuniyaloqu sara e loma e na vakarau solia na yalomatua. 5(4) Au
na vakarogoca matua [meu kila vinaka] na vosa vakatautauvata [i Yahuwe (YHWH)];
au na bulia, na kena veitikina e dredre vei au, meu lagata vata kei na
ivakatagi ni hapi. 6(5) Na cava na vuna meu domobula kina ni ra kauta mai e
veisiga na leqa, e na gauna era wavokiti au kina e na nodra ivadi ca o ira na
kequ meca,
7(6)
¶ Na nodra ivadi ca, o ira era dau vakanuinui e na nodra iyau, era qai dau
dokadokataka na vakaitamera ni nodra
vutuniyau. 8(7) E sega ni dua e na rawa vakadua ni vueti tacina, se
solia vua na Kalou (Mighty One) e dua na kena ivoli o koya. 9(8) Baleta na kena
ivoli sa rui vakaitamera [biuta tani vakatikitiki na vakasama oqori!] 10(9) Ni
na yaco vua na bula tawamudu, ka na sega ni raica na qara.11(10) Baleta o koya
e rawa ni raica ni o ira na tamata vuku era na mate; ka vaka kina o ira na
lialia kei ira era dau ivakarau kaukaua, [o ira kece] era na rusa, era qai
biuta tu mai na nodra iyau me nodra na tani. 12(11) Era nanuma ni nodra vale e
na tu me tawamudu, ni ra na
vakaitikotiko kina e na veitabagauna taucoko; era dau solia na yacadra o ira,
me vakayacani kina na nodra vanua. 13(12) Ia na tamata, bau kina o ira era
vutuniyau, era na bula tiko ga vakalekaleka; oti, me vakataki ira ga na
manumanu, era na mate. 14(13) Qo na
ivalavala ni nodra bula na lialia kei ira era muri ira mai, era vakadonuya na
nodra vosa. Selaa. 15(14) Me vaka na sipi, era na tini kece ga i na ibulubulu
(She'ola), na mate e na nodra ivakatawa [ni sipi]. O ira na yalododonu era na
vakavulewa vei ira e na veimataka; ia na kedra irairai e na vakamaumautaki tiko
e na
ibulubulu, me yacova ni ra sa na sega tale ni gadreva me dua na nodra
itikotiko.16(15) Ia o Yahuwe (YHWH) e na vueti au mai na veivakatulewataki ni
ibulubulu (She'ola); baleta o koya e na ciqomi au. Selaa. 17(16) Kakua ni
nuiqawaqawa ni dua sa yaco me vutuniyau, ka sa tubu tiko na nodratou vutuniyau
o ratou na nona matavuvale. 18(17) Baleta e na gauna e mate kina, o koya e na
sega ni kauta oqori vata kei koya. 19(18) E dina, e na gauna e bula tiko kina,
e nanuma sara ga o koya ni bula marau tiko, [baleta] o ira na tamata era na
vakacaucautaki iko, ni toso vinaka tiko na veika kece me baleti iko vakataki
iko, 20(19) Ia o koya e na lai duavata kei ira era itaba vata kei na nona
itubutubu, ka na sega tale ni raica na rarama. 21(20) Na tamata, bau kina o ira
na vutuniyau, e rawa ni ra sega tiko ni raica na tikina oqori, ni vaka ga na
manumanu, o ira [talega] era na mate.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 165 in 5773 (Total 1894)
|
March 6, 2013
|
|
Reading
|
Hebrew Date
|
|
M #12: Adar 24, 5773
|
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
