Thought: Better
Times Of Restitution Ahead, Promised To The Righteous Only
………………………
Serving For Yom
Chamishi, Nisan 3, 5773
MAI NA
NEVI’IMI AKARONIMI (FROM THE NEVI’IM ACHARONIM)
Na
veivanua dravuisiga kei na veivanua mamaca era na marau; Na 'Arava era na reki
ka seraki mai me vaka na lili. 2 E na kacakacabote mai ni sa ra se na
veisenikau, e na mamarau kei na lagalagasere, ka soli vua na lagilagi vata mai
na Li'vanoni, na dokai mai Karameli vata kei Sharona. Era na raica na lagilagi
i Yahuwe (YHWH), na nona vinaka vakaoti na noda Kalou (Mighty One). 3
Vakaukauataka na ligamu sa savu tu, ka vakadeitaka na veiduru era sa ninini tu.
4 Kaya vei ira na yalolailai, Tu kaukaua, kakua ni domobula! Oqo na nomuni Kalou
(Mighty One); o koya e na lako mai me mai veisausaumi; e na nona veisausaumi ni
Kalou (Mighty One) o koya e na lako mai me mai vueti kemuni.
5
¶ E na gauna qori, na yaloka ni matadra na mataboko e na dola kei na daligadra
na didivara e na [cavu] laivi na kena isogo. 6 E na gauna oya na tamata
lokiloki ena ladelade me vaka e dua na dia, kei na yamena e dua na tamata galu
sa na lagalaga sere. Baleta e na loma ni
vanua dravuisiga, na veitoevu ni wai e
na coka tale, me drodro na veisoniwai e loma ni 'Arava; 7 Na vanua mamaca sa na
vuki me drano, kei na veivanua karamaca me ra tobu ni waivure. E na nodra
itikotiko era a dau dadavo tu kina na
jakele, sa na vuki me veivanua
veidabibi, me ra bula kina na veigasau kei na veikuta. 8 E dua na gaunisala
levu e na tiko mai keya, e dua na sala,
e vakatokai na Sala Tabu. O ira na dukadukali era na sega ni lakova, ia e na nodra ga o ira e tuberi ira kina o
koya; o ira era lako tu vakaveitalia, o
ira na sesewa era na sega ni lakova. 9 E sega ni dua na laione se manumanu cava
tale eso ni veikau, e na kune mai keya; me ra dau lakova. Era na sega ni kune e
keya; o ira ga na vueti era na gole i keya.10 O ira era a vueti maivei Yahuwe
(YHWH) era na lesu mai, me ra lako lagalaga sere mai i Zaiyoni, e uludra sa na
kune kina na marau tawamudu. Era sa na rawata na reki kei na marau; na rarawa
kei na vutugu sa na dro laivi mai vei ira.
NA IVAQA NI BULA (FOOD FOR THE SOUL)
E
na gusuna, na dauveidabui e rawa ni vakacacana na wekana vakaitikotiko, ia e na
nona kilaka, [o koya] na yalododonu e na vueti.
10 ¶ Ni ra tiko vinaka na yalododonu, na korolevu e na mamarau, ia ni ra
rusa na ca, e na yaco na mamarau. 11 Mai na nodra vakalougatataki o ira na
yalododonu, na korolevu e na
vakacerecerei; ia na nodra vosa na ca, e na basuraka sobu.
LOMANI YAHUWE NA NOMU KALOU (LOVE YHWH YOUR MIGHTY ONE
E
na vukuna na
iliuliu. Laga e na ilagalaga ni “Kakua Ni Veivakarusai.” Maivei Dawide, Na nona
vakabauta vuni (mikhtam) e na gauna a dro kina mai vei Sha'ula i loma ni
qaravatu: 2(1) Ni lomani au kemuni na Kalou (Mighty One) vakaraitaka vei
au na yalololoma: baleta vei kemuni au
sa kunea na noqu taqomaki. Io, au na kunea na noqu taqomaki e na ruku ni
yaloyalo ni tabamuni, me yacova ni sa sivi na cavaa. 3(2) Au na kaci vei Yahuwe
(YHWH) o koya e cecere sara, vua na Kalou (Mighty One) o koya e vakayacora tiko
na nona inakinaki vei au. 4(3) O koya e na talatala mai lomalagi meu mai vueti,
e na gauna era vakalialiai au tiko kina o ira era via buturaki au sobu. Selaa.
O Yahuwe (YHWH) e na vakauta mai na nona loloma kei na nona dina. 5(4) Era tu
vakavolivoliti au na laione, au koto sobu no e na kedra maliwa na tamata era
ceguva tiko na bukawaqa, na tagane e gagata na batidra me vaka na moto, kei na
gasau [ni dakaititi] kei na yamedra e vaka na seleiwau gagata. 6(5) [O kemuni]
moni vakacerecerei cake sara, kemuni na Kalou (Mighty One) me sivia na
lomalagi! Laiva na nomuni dokai me cecere cake mai vuravura! 7(6) Era viria e
dua na lawalawa me coko kina na yavaqu; ia au qai cuva sobu [meu levea]
8(7)
¶ Na vuniyaloqu e toka dei, o kemuni i Yahuwe (YHWH) oni toka dei. Au na
lagasere ka qiria na ivakatagi. 9(8) Yadra, noqu dokai! Yadra tiko noqu
soliteri kei na hapi! Au na vakayadrata na mataka ca ca. 10(9) Au na
vakamolimoli vei kemuni i Yahuwe (YHWH) e na kedra maliwa na tamata; Au na
qiria na ivakatagi vei kemuni e na kedra maliwa na veimatanitu; 11(10) Baleta
na nomuni yalololoma e vakaitamera, e kala vakadua sara i lomalagi (heaven) kei
na nomuni dina e kala vakadua sara i lomalagi (sky). 12(11) [Moni]
vakacerecerei, kemuni na Kalou (Mighty One) me sivia na lomalagi, laiva na
nomuni dokai me cecere tiko ga e vuravura taucoko.
Read The Tanakh in a Year (Wilika Na iVola Tabu E Na Dua na Yabaki).
|
|
Siga (Day)/Blog
|
Tikinisiga (Date)
|
Blog No. 173 in 5773 (Total 1902)
|
March 14, 2013
|
Reading
|
Hebrew Date
|
M #1: Nisan 3, 5773
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
