Na Yaca ni Kalou: Na TURAGA Ni Lewa (Name of Elohim: Judge)

Serving for the 29th February, 2008

Na TURAGA (Yahweh) e na tudei me tawamudu, e vakarautaka na nona itikotiko vakatui me yavu ni veilewai. 08 E na lewai vuravura o koya e na veika e dodonu, e na qarava na lewa vakadodonu, vei ira na lewenivanua.
- Same 9:7-8


I TURAGA (Yahweh) na Kalou (El) na itaukei ni veisausauni; Kemuni na Kalou (El) dau ni veisausaumi, ni vakaraitaki kemuni mai. 02 Duri cake mai, Kemuni na Turganilewa kei vuravura, sauma mada vei ira na dokadoka, na nodra icovi.
- Same 94:1-2.


E dua na coke e na tubu mai na dulumi i Jese; mai wakana, e na tubu mai kina e dua na tabana. 02 Na Yalo ni TURAGA (Yahweh), e na mai cegu toka Vua, na Yalo ni vuku kei na yalomatua, na Yalo ni veivakavulici kei na kaukaua, na Yalo ni kilaka kei na nona rerevaki na TURAGA (Yahweh) 03 ia e na rekitaka o koya na nona rerevaki na TURAGA (Yahweh). Sa na sega ni vakalelewa o koya mai na veika e raica na matana, se vakataulewa e na veika e rogoca na daligana; 04 ia e na yalododonu ga e na lewai ira kina na ligalala, e na dodonu e na vakataulewa kina baleti ira na dravudravua e vuravura. E na samuti vuravura e na i titoko ni gusuna; e na i cegu mai tebenigusuna e na vakamatei ira na velavela. 05 Na yalododonu e na vakabeleti kina ia na yalodina e na wavivi kina na tolona.
- Aisea 11:1-5.

Baleta na TURAGA (Yahweh) e noda Turaganilewa, na TURAGA (Yahweh) e noda Vunilawa. Na TURAGA (Yahweh) e noda Tui, o Koya ga e na qai vueti keda.
- Aisea 33:22.




Also Read If Possible (Wilika Talega Ke Rawa)
Judges 11:27, Psalms 7, 82, 96, John 5:25-30,

Acts 10:34-43, James 4:11-12, Revelation 19:11-16

Na Yaca ni Kalou: O Koya na Yalosavasava (Name of Elohim: Holy)

O kemuni na Yalosavasava, o Kemuni oni tawana na isakisaki nei Isireli, 04 Era dau vakararavi vei kemuni o ira na tamai keimami; era vakararavi yani, oni qai vueti ira. 05 Era tagi vei kemuni, era qai vueti; era biuta na nodra inuinui vei kemuni, era se sega vakadua ni vakalaboci.
- Same 22:3-5


Na nona rerevaki na TURAGA (Yahweh), e itekitekivu ni vuku, kei na nona kilai o Koya sa Yalosavasava e vu ni yalomatua. 11 Baleta e na vukuqu, e na vuqa kina na nomu siga, ka tomani me levu tikoga na yabaki ni nomu bula. 12 Kevaka mo vuku, na nomu vuku e na vu ni kemu isau, ia kevaka o dau veivakalaboci, o iko ga o na rarawa kina.
- Vakaibalebale 9:10-12


Ia o koya e neimami iVakabula, na TURAGA Cecere (Yahweh of Host) na yacana, o Koya na Yalosavasava kei Isireli.
- Aisea 47:4,


E valenisoro, e a tiko kina e dua na tamata e curumi koya tu na yalo ni dua na jimoni duka. E a qai kaila mai o koya e na domo levu, 34 ni kaya “Laivi keimami tiko! Na cava e neimami ka vei Kemuni Jisu (Yahshua) na kai Nasareci! Oni lako beka mai moni mai vakarusai keimami? Au kilai Kemuni, Au kila se o cei o Kemuni - o Kemuni na Yalosavasava Duabau ni Kalou (Elohim)!” 35 Ia qai vosataki koya o Jisu (Yahshua) ni kaya, “Tikolo, lako tani mai vua!” Ia na jimoni ni sa kolotaki koya e na kedra maliwa, sa qai curu tani mai, ia a sega ni vakamavoataki koya. 36 Era sa qai kurabui kece tu, ka ra veivosaki mada ga vakataki ira, ni ra kaya “Sa dua na vosa qo! E na lewa kei na kaukaua e vakaroti ira kina na yalo velavela era qai curu tani mai.”
- Luke 4:33-36



Also Read If Possible (Wilika Talega Ke Rawa)
Psalms 16, Isaiah 40:25-31, 54:5, Acts 2:22-28

Na Yaca ni Kalou: Na Kalou Tawamudu, Na Tui Tawamudu (The Name of Elohim: Eternal, Immortal and Invisible)

Serving for the 27th February, 2008

Na cava o kaya kina, i Jekope, o qai vosa kudrukuduru o iko Isireli, “Na noqu sala sa vunitaki tu mai Vua na TURAGA (Yahweh); na noqu dodonu e sega ni kauwaitaka na noqu Kalou (Elohim)”? 28 O sega beka ni kila? O se bera beka ni rogoca? Na TURAGA (Yahweh) e Kalou (Elohim) tawamudu, o Koya e a bulia na iyalayala kei vuravura. E na sega vakadua ni malumalumu se oca rawa o Koya, na titobu ni Nona vakasama e na sega ni katumi rawa. 29 E dau solia na kaukaua vei ira na malumalumu, ka vakalevutaka na nodra kaukaua na gogo. 30 O ira mada na itabagone era na malumalumu ka oca mai, o ira na tamata bula era na tacaqe ka bale; 31 ia o ira era vakanuinui vua na TURAGA (Yahweh) e na vakavoutaki na nodra kaukaua; era na vuka cake e na tabadra me vaka na ikeli, era na cici ia era na sega vakadua ni oca, era na lako ia era na sega vakadua ni gogo.
- Aisea 40:27-31


Ia oqo na vosa dina, ka dodonu me vakabauti kece, ni o Jisu Karisito (Yahshua Messiah) a lako mai i vuravura, me mai vueti ira na tamata ivalavala ca, ia o au, au cacalaivi duadua.16 Na vuna oqori, e a vakaraitaka kina vei au na veivosoti o Koya, me rawa kina vei Jisu Karisito (Yahshua Messiah) me vakaraitaka taumada vei au, na titobu cecekia ni Nona dauveivosoti, me idusidusi vei ira era na vakabauti Koya mai muri, me ra yacova na bula tawamudu. 17 Vua na Tui ni veigauna, tawamudu, taburusa ka tabogo, Vua na Kalou (Yahweh) vuku ka duabau, me vaka­rokorokotaki, me vakalagilagitaki ka tawamudu. Emeni.
- I Timoci 1:15-17




Also Read If Possible (Wilika Talega Ke Rawa)
Deuteronomy 33:27, Psalms 90:1-2,
Romans 16:25-27, Hebrews 9:14

Na Yaca ni Kalou: Na Dau ni Veibuli (Name Elohim: Creator)

Serving for the 25th February, 2008

Nanumi Koya e a buli iko, e na nomu veitabagauna o se gone voli kina, ni sebera ni yaco mai na veisiga ni tu leqaleqa baleta sa roro tiko mai na veiyabaki o na kaya kina, “Au sega ni kunea rawa e dua ka me marautaki”. 02 Ni sebera ni butobuto mai na matanisiga se na rarama se na vula, se na veikalokalo; ka basika tale mai na o ni se qai tau oti ga na uca; 03 na gauna era na sautanini kina na ivakatawa ni vale, ka ra dakuvusi na tamata qaqa, ka tu vakadua na iqaqi baleta era sa lewe lailai mai, o ira era dau iro mai na katuba leka era sa buwawa mai; 04 ka sa sogosogo na katuba levu i gaunisala, sa seyavu yani na rorogo mai na i qaqi; era yadra na tamata e na tagi na manumanu vuka, ia na voqa ni domodra sa na malumalumu sara; ka rogo lailai na domodra na goneyalewa dausere, 05 era sa na rerevaka na veika cecere na tamata, kei na veika vakadomobula era yaco tu e vei gaunisala; ni sa tekivu me se mai na elamodi era na yaraki ira mai vakabibi na vodre, sa na sega ni yavalati rawa na gagadre kei na garo. Sa na qai lako na tamata i na nona vale tawamudu, Ia era na veitosoyaki voli e gaunisala 06 o ira era dauvakaloloku. Nanumi Koya, ni sebera ni sere na dali siliva, se kavoro na bilo koula, se kabete na saqa mai na ivurevure ni wai, se ramusu na qiqi mai na i toevu, 07 me lesu na kuvu ni qele ki na qele e a kau taumada mai kina: ka lesu na yalo vua na Kalou (Elohim), o Koya e a solia mai.
- Dauvunau 12:1-7


Also Read If Possible (Wilika Talega Ke Rawa)
Genesis 1, 14:18-24, Ecclesiates 12:9-14,
Isaiah 40:27-31, Revelation 4:11

Na Yaca ni Kalou: Na Kalou sa Cecere Sara (Name of Elohim: Yahweh Elohim)

Serving for the 25th February 2008

E noqu isasabai na Kalou(Elohim), o Koya e dau vakabulai ira era yalododonu.
- Same 7:10.

Na Kalou (Elohim) e noda idrodro ka noda kaukaua, na veivuke voleka duadua e na gauna ni leqaleqa. 02 O koya oya eda na sega kina ni rere, ke mani lutu na vuravura se sisi na vei ulunivanua ki na loma ni wasaliwa, 03 Ke mani vavadugudugu na ua, qai vusovusoa, Ka uneune na veiulunivanua e na voravora ni veibiau. Sela. 04 E dua na uciwai, e dau vakamarautaka na Koro ni Kalou (Elohim) na kena soniwai, na tikina tabu, na Nona itikotiko o Koya sa Cecere sara. 05 Na Kalou (Elohim) e tiko e na kena maliwa; e na sega vakadua ni yavalati; Na Kalou (Elohim) e na vukei koya e na kida ni mataka. 06 Era tiko yavavala na veivanua, era cacaqera na veimatanitu; ni laveta na domona o Koya, e waicala na vuravura. 07 Na TURAGA Cecere (Yahweh of Hosts) sa tiko kei keda, na Kalou (Elohim) i Jekope, e noda itataqomaki. Sela
- Same 46:1-7


Me vakasausau na ligamuni, o kemuni na veimatanitu kecekece; kaila vua na Kalou (Elohim) e na kaikaila ni mamarau. 02 Sa vakaitamera dina ga na TURAGA, (Yahweh) o Koya sa Cecere sara e dodonu me dau dolai, na Tui Cecere kei vuravura taucoko.
- Same 47:1-2.

E ka vinaka na noda vakamolimoli vua na TURAGA (Yahweh), ka seretaka na yacamuni, o Kemuni oni Cecere Sara:
02 Me vakaraitaki na nomuni loloma e na veimataka, kei na nomuni yalodina e na veibogi, 03 qai lagati tiko e na rorogo ni ivakatagi wa tini,
vata kei na api domo memela vakaoti. 04 Baleta e vakamarautaki au na nomuni cakacaka, TURAGA (Yahweh); Au seresere kina e na noqu rekitaka na cakacaka ni ligamuni. 05 Sa vakaitamera dina na cakacaka ni ligamuni, TURAGA (Yahweh), ka titobu na nanuma ni nomuni vakasama.
- Same 92:1-5.


Also Read If Possible (Wilika Talega Ke Rawa)
Genesis 14:18-24; Psalm 7, 9:1-2, Luke 1:26-38

Na Yaca ni Kalou: Na TURAGA. (Name of Elohim: Yahweh)

Serving of the 24th February, 2008

Baleta na TURAGA (Yahweh) na nomuni Kalou (Elohim), e Kalou (Elohei) ni vei kalou (elohim) ka TURAGA (Sovereign) ni vei turaga, e Kalou (Elohim) vakaitamera, e kaukaua, e dodonu me dokai, e sega ni dau veitovaki se ciqoma na isau me cakacaka; 18 Ia e dau taqomaka na veika me baleti ira na luveniyali vata kei ira na yada, ka dau kauwaitaki ira talega na vulagi, me solia vei ira na kakana kei na isulu.
- Na iVakarua 10:17-18,

I TURAGA (Yahweh) na neimami Turaga (Sovereign), e damaka vakaoti dina na Yacamuni e vuravura taucoko.
- Same 8:9,

Turaga (Yahweh), oni dau neimami itikotiko e na vei itabagauna kecega, 02 ni se bera ni sucu na veiulunivanua, ni se bera ni oni bulia na qele kei na vuravura. mai na tawamudu ki na tawamudu, oni Kalou (El) ga o kemuni.
- Same 90:1-2,

Kevaka mo vakatusa mai gusumu na Turaga o Jisu (Master Yahshua), o qai vakabauta e vuniyalomu, ni Kalou (Elohim) sara ga a vakaturi Koya mai na mate, o sa na vakabulai. 10 Baleta mai na vuniyalo, e na rawa kina vua e dua me vakabauta me qai yaco na yalododonu, ia ni sa vakatutusa na tebenigusu, sa na yaco na veivueti. 11 Me vaka e kaya na iVola Tabu, “O koya e vakabauti Koya, e na sega ni vakamadualaki. 12 Era sega ni vakaduiduitaki na Jiu mai vei ira na kai Kirisi, baleta ni duavata ga na noda Turaga (Sovereign) kece sara, ka dau ivurevure ni veika vivinaka vei ira kece era kacivi Koya. 13 Baleta “o koya ga e kaciva na yaca ni TURAGA (Yahweh), e na vueti.
- Roma 10:9-13

Me vaka ni oni sa ciqomi Jisu Karisito (Yahshua Messiah) na Turaga (Master), moni toso sara tiko vata kei Koya, 07 ka moni vakayavutaki ka tara cake tiko Vua, ka vakadeitaki e na vakabauta, me vaka oni sa vaka­vulici oti kina, moni tubu bulabula e na vakavinavinaka.
- Kolosa 2:6-7

Also Read If Possible (Wilika Talega Ke Rawa)
Job 28; Psalms 8, 86, 110; Daniel 9:1-19,
Phillipians 2:5-11.

Na Yaca ni Kalou: Na Kalou Kaukaua. (Name of Elohim: El Shaddai)

Serving For The 23rd February, 2008

Ni vakarorogo mai vei au, o kemuni na tamata yalomatua. E yawayawa kalia Vua na Kalou (El) me cakava na veika dukadukali e yawayawa kalia talega vua sa Kaukaua me cakacala 11 E na sauma lesu vua na tamata na veika e dau cakava; e na kauta mai vua, na veika e veiraurau kei na nona i valavala. 12 E na sega vakadua ni caka cala na Kalou Kaukaua (El Shaddai), me vakatanitaka na lewa dodonu.
- Jope 34:10-12

O koya sa Kaukaua (Shaddai) eda sa sega ni yacova rawa, baleta e cecere ka uasivi na nona kaukaua; na nona cakacaka dodonu kei na nona i valavala dodonu e na sega kina ni dau veivakasaurarataki. 24 E dodonu ga kina me vakarokorokotaki koya na tamata, ka ni sega beka ni dau kauwaitaki ira era lomavuku?

- Jope 37:23-24


O koya e bula e na nona veitaqomaki o Koya sa Cecere sara, e na cegu vinaka tu ga, e na yaloyalo i Koya sa Kaukaua 02 Au na kaya qo baleta na TURAGA (Yahweh), “O Koya na noqu idrodro kei na noqu bai kaukaua, na noqu Kalou (Elohim); au na vakararavi tu ga vua”. 03 E dina ni na vueti iko mai na nona vere na daunibiridai, vata kei na veimate ca e dauveidewavi. 04 E na vakarurugi iko e na lawena, e na ruku ni tabana, o na kunea na veitaqomaki; na nona yalodina, e na nomu isasabai ka ivakaruru.
- Same 91:1-4


“O Au na Alefa kei na Tau (se Omeka), na iVakatekivu kei na iVakataotioti,” e kaya na Turaga (Yahweh) na Kalou (El), “o Koya e bula tiko, a bula tu, ka na bula tiko mai muri; o Koya e Cecere (Shaddai).
- Vakatakila 1:8





Also Read If Possible (Wilika Talega Ke Rawa)
Genesis 17:1, 28:3, 35:11, 43:14, 48:3, 49:25,
Exodus 6:2-4, Revelation 21:22-27

Na Yaca ni Kalou: Na TUI LAGILAGI. (Name of Elohim – King of Honor)

Serving for the 22nd February, 2008

Laveta cake na ulumuni, o kemuni na matamata; ni laveti cake, o kemuni na isogo mamakawa. Me rawa ni curu mai na Tui Lagilagi (King of Honor). 08 O cei beka oqo na Tui Lagilagi (King of Honor)? Na TURAGA (Yahweh) na qaqa ka kaukaua, Na TURAGA (Yahweh) qaqa ni ivalu. 09 Laveta cake na ulumuni, o kemuni na matamata, ni laveti cake o kemuni na i sogo mamakawa. Me rawa ni curu mai na Tui Lagilagi (King of Honor)? 10 O cei beka oqo, na Tui Lagilagi (King of Honor), Na TURAGA (Yahweh) na qaqa ka kaukaua, o Koya sara ga na Tui Lagilagi (King of Honor). Vakasamataka tale mada (Selah).
- Same 24:7-10


02 Au qai raica, e dua na ka e vaka e dua na wasawasa iloilo sa veiwaki tu kei na yame ni bukawaqa; ia o ira era sa qaqa mai vua na manumanu kila, na kena ivakatakarakara, vata kei na matanifika ni yacana, era a duri tu e na wasawasa iloilo oqo, era qai yadua kece tu na api ni Kalou (Elohim). 03 Era a qai lagata tiko na sere nei Mosese, na italai ni Kalou (Elohim), ka Nona sere talega na Lami, ni ra kaya: “E Cecere, ka totoka na Nomuni cakacaka, Kemuni na Turaga (Yahweh), na Kalou Qaqa (El Shaddai)! E dodonu ka dina na Nomuni ivakarau, O Kemuni na nodra Tui na digitaki! 04 O cei e na sega ni rerevaki Kemuni, I Turaga (Yahweh) me vakarokorokotaka na Yaca­muni O Kemuni duadua ga oni savasava. Baleta na vei veimatanitu era na lako mai era qai mai sokalou e matamuni. Baleta na Nomuni lewa dodonu era sa qai votu vakamatata.”
- Vakatakila 15:2-4




Also Read If Possible (Wilika Talega Ke Rawa)
I Samuel 17:39-51; Isaiah 54:4; Revelation 4:1-8

Na Yaca ni Kalou: Na TURAGA DAUNILEWA. (Elohim’s Name: Sovereign Yahweh)

Serving for the 21st February, 2008

Oni cecere dina, Kemuni na TURAGA (Yahweh) na Kalou (Elohim). E sega tale ni dua drau tautauvata, ka ni sega na Kalou (Elohim) o kemuni duadua ga, me vaka keimami sa rogoca e na dui daligai keimami. 23 O cei tale me tautauvata kei ira na nomuni tamata o ira na Isireli – na qavuni matanitu e vuravura me a lakovi ira sara ga na Kalou (Elohim), me lai vueti ira mai me ra mai nona tamata, qai vakarogoya na Yacana e na nona vakayacora na vei cakacaka lelevu ka veivakurabuitaki, e na nona cemuri ira tani na veimatanitu kei na nodra dui kalou (elohim), e matadra sara ga na nomuni tamata, o ira oni a lai vueti ira mai Ijipita. 24 Oni sa vakataudeitaki ira na nomuni tamata na Isireli, me ra nomuni tamata me tawamudu, ia o kemuni, TURAGA (Yahweh), oni sa yaco moni nodra Kalou (Elohim).
- II Samuela 7:22-24

Na noda Kalou (El), e Kalou (El) dauveivueti; Mai vua na TURAGA (Yahweh) na Kalou Daunilewa (Sovereign), e kune na noda idrodro mai na mate.
- Same 68:20


O kemuni na noqu inuinui, TURAGA (Yahweh) na Kalou Daunilewa (Sovereign). Oni noqu ivakadei, mai na gauna sara au se gone lailai kina.
Same 71:5



Raica, o ira era tu yawa mai vei Kemuni era na rusa; Oni na vakarusai ira era lai saqamuataki ira mai vei kemuni, 28 Ia o au, e vinaka vei au meu tu voleka tu ga vua na Kalou (Elohim). Au sa cakava me noqu idrodro na TURAGA (Yahweh) na Kalou Daunilewa (Sovereign), Meu rawa ni tusanaka na nomuni cakacaka kece sara.
- Same 73: 27-28




Also Read If Possible (Wilika Talega Ke Rawa)

Isaiah 50:4-11, Acts 4:23-35, Ephessians 5:19-20

Na Yaca ni Kalou: Na TURAGA. (Elohim’s Name: Yahweh)

Serving for the 20th February, 2008

Na TURAGA (Yahweh) talega e na nodra i drodro o ira era vakararawataki, Na itataqomaki tudei e na gauna ni veivakacacani. 10 O ira era kila na Yacamuni era vakararavi vei kemuni, baleta o kemuni, TURAGA (Yahweh), oni sebera vakadua ni vakawaletaki ira era vakasaqarai kemuni.
- Same 9:9-10,


Mo kakua ni vakayagataka cala na yaca ni TURAGA (Yahweh) na nomu Kalou (Elohim); baleta na TURAGA (Yahweh) e na sega ni taura ni sega ni cala o koya e vakayagataka cala na yacana.
- Lako Yani 20:7,


Au na tusanaka na Yaca ni TURAGA (Yahweh). Vakacaucautaka na cecere ni noda Kalou (Elohim)! 04 O Koya na Uluvatu, na Nona cakacaka e vinaka vakaoti; ka dodonu na Nona ivalavala kecekece, e Kalou (Elohim) yalodina, ka na sega ni caka cala, ka ni cecere ka yalododonu o Koya
Na iVakarua 32:3-4,


Vakavinavinaka Vua na TURAGA (Yahweh), dau masuta na yacana; Vunautaka e veivanua kecega na nona cakacaka, 09 Laga sere Vua, lagata Vua na sere ni veivakacaucautaki (Psalms). Tukutukuna na Nona cakacaka talei kece sara.
10 Moni dokadoka o kemuni oni tiko e na yacana tabu; Laiva me ra mamarau e lomadra o ira era vakasaqara tiko na TURAGA (Yahweh).
I Veigauna 16:8-10

Na yaca ni TURAGA (Yahweh), e dua na valecere kaukaua,
O ira na yalododonu era dau cici kina, me ra taqomaki.
Vakaibalebale 18:10



E na sega ga ni dua me tautauvata kei kemuni TURAGA (Yahweh), o Kemuni oni vakaitamera, na Yacamuni e vakaitamera na kena kaukaua.
- Jeremaia 10:6





Also Read If Possible (Wilika Talega Ke Rawa)

Exodus 15:1-3; Isaiah 42: 5-9; Colossians 3:16-17;
Hebrews 13:15

Vakaraitaki vei Mosese na Yaca ni Kalou (Elohim’s Name Given to Moses)

Serving for the 19th February, 2008

Sa qai vosa Vua na Kalou (Elohim) o Mosese, “O cei beka o au, meu lako vei Fero, meu lai kauti ira tani mai Ijipita na Isireli?” 12 E kaya sara na Kalou (Elohim) , “E sega ni vakataraitutu niu na tiko vata kei iko; Ia qo na kena ivakatakilakila vei iko ni O Au, au talai iko tiko: Ni o sa kauti ira tani mai Ijipita na tamata, oni na mai qarava na Kalou (Elohim) e na ulunivanua oqo.” 13 E kaya tale vua na Kalou (Elohim) o Mosese, “Vakacava keu sa lako vei ira na Isireli, au qai kaya vei ira, ‘Na nodra Kalou na nomuni qase e talai au mai vei kemuni,’ oti me ra qai tarogi au mai, ‘O cei na Yacana?’ na cava beka meu na tukuna vei ira?
14 E kaya vei Mosese na Kalou (Elohim) , “O AU GA, O AU (I AM THAT I AM (Iperiu (Wilika mai na imatau - אהיה אשר אהיה se Ehyeh-Asher-Ehyeh). Qori sara ga na ka mo na kaya vei ira na kai Isireli, ‘O AU (I AM) e talai au tiko mai vei kemuni.’” 15 E kaya talega vei Mosese na Kalou, “Kaya vei ira na kai Isireli, ‘Na TURAGA (Yahweh), na nodra Kalou (Elohim) na nomuni qase - na Kalou (Elohim) nei Eparayama, na Kalou (Elohim) nei Aisake, na Kalou (Elohim) talega nei Jekope -- e talai au tiko mai vei kemuni. Qo na Yacaqu me tawamudu, na yaca meu na nanumi tiko kina mai na dua na itabatamata ki na dua tale na itabatamata.”
- Lako Yani 3:11-15.

A qai vosa vei Mosese na Kalou (Elohim) mo kaya vua, “O AU na TURAGA (Yahweh) 03 Au a dau rairai vei Eparayama, vei Aisake vata kei Jekope, e na yaca na Kalou Cecere ka Kaukaua (El Shaddai) ia e na yacaqu TURAGA (Yahweh), Au sega ni kilai kina vei iratou”.
- Lako Yani 6:2-3.


Also Read If Possible (Wilika Talega Ke Rawa)
Exodus 20:7; John 6:35, 8:12, 58; 10:7,11; 11:25; 14:6, 15:1

Revelation 1:8.

Rairai vei Mosese na TURAGA (Yahweh Appears to Moses)

Serving for the 18th February, 2008

Ia o Mosese ni qarava tiko na qelenisipi nei Jacoro, na vugona (na tamai watina), o koya e bete tiko mai Mitiani, a mani kauta na qelenisipi i na yasa ni lekutu dravuisiga kadua, i na ulunivanua ni Kalou (Elohim) mai Orepi. 02 E keya, a qai rairai vua na agilosi ni TURAGA (Yahweh) e na yameyame ni bukawaqa mai na loma ni dua na vunikau. A raica rawa o Mosese ni kama tiko na vunikau e na bukawaqa, ia a sega ga ni kamayavu tiko. 03 A mani vakasama o Mosese, “Au na lako mada meu lai dikeva na ka rairai dua tani qo, se cava beka e sega ni kamayavu tiko kina na vunikau? 04 Ia ni raica na TURAGA (Yahweh) ni sa lako tiko o koya me lai dikeva, sa kacivi koya sara mai na loma ni vunikau na Kalou (Elohim), “I Mosese, i Mosese”. Sauma o koya, “O au saka qo.” 05 Kaya tale mai o Koya, “Kakua ni toro vakavoleka tale mai, luvata laivi na nomu i vavabeleti, baleta na vanua o duri tu kina qori, e qele vakatabui.” 06 Oti qai kaya tale, “O Au oqo na nodra Kalou (Elohim) na nomu qase, au Kalou (Elohim) nei Eparayama, Kalou (Elohim) nei Aisake, kau Kalou (Elohim) talega nei Jekope.” Ni rogoca qori o Mosese, sa tabonaka sara na matana, baleta a rere de qai raica na Kalou (Elohim). 07 E kaya sara na TURAGA (Yahweh) “Au sa raica mai na vakaloloma era sa tu kina na noqu tamata era tiko mai Ijipita. Au sa rogoca talega na nodra tagi, baleti ira era vakabobulataki ira tiko, kau sa kauwaitaka sara vakalevu na rarawa sa bikai ira tu. 08 Au sa sobu mai kina qo, meu mai vueti ira mai ligadra na kai Ijipita, meu kauti ira cake tani mai na vanua oya, i na vanua vinaka ka vakacurugalala, na vanua e dave kina na sucu kei na oni....”
- Lako Yani 3:1-8a.


“O koya mo tu kina ka lako, au sa talai iko tiko vei Fero, mo lai kauti ira tani mai na noqu tamata na kai Isireli, mai Ijipita.”
- Lako Yani 3:10.


Also Read If Possible (Wilika Talega Ke Rawa)
Isaiah 6; Acts 7:39-35, Revelation 15:2-4

Dro mai Ijipita o Mosese (Moses Flees Egypt)

Serving for the 17th February, 2008

A qai yaco e na veisiga oya, ni sa tubu levu o Mosese, ni a lako i na vanua era tiko kina na kai nona, qai lai dikeva kina na nodra cakacaka kaukaua. A qai raica kina o koya e dua na kai Ijipita ni mokuta tiko e dua vei ira na kainona. 12 E a veiraiyaki o koya qai sega ni raica e dua, a mani mokuta na kai Ijipita oya, oti qai buluti koya tu e veinuku. 13 Ni lako yani e na siga tarava e a raica tale ni rau veivala tiko e rua na Iperiu; e tarogi koya e cala tiko vei rau, “Na cava o mokuta tiko kina e dua tale na wekamu? 14 Sauma vua o koya, “ O cei mada a lesi iko mo mai neimami iliuliu, mo mai lewai keimami? O nanuma tiko beka mo na vakamatei au talega me vaka na nomu a vakamatea na kai Ijipita? A qai tuburi Mosese na domobula qai vakasamataka, “Sa rairai kilai raraba na ka au a cakava.” 15 Ni rogoca na itukutuku oqo o Fero, a qai segata me vakamatei Moses, ia a drotaki Fero o Mosese, qai lai vakaitikotiko mai Mitiani.
- Lako Yani 2:11-15a)


E a qai yaco, e na toso ni gauna ni a qai mate na tui Ijipita; Era a vutugu tiko na kai Isireli e na vuku ni nodra tu vakabobula, era qai tagi lagalaga, qai lai rogo sara Vua na Kalou (Elohim) na nodra tagi lagalaga ni veivuke e na vuku ni nodra sa tiko vakabobula. 24 A qai rogoca na nodra vutugu na Kalou (Elohim), qai mani vakananuma na Kalou (Elohim) na Nona vosa ni yalayala vei Eparayama, vei Aisake kei Jekope. 25 Sa mani raici ira na Isireli na Kalou (Elohim), qai kauwaitaka vakalevu na ka sa yaco tu vei ira.
Lako Yani 2: 23-25


E a vakauta o Koya na Nona veivueti vei ira na nona tamata;
E a lesia o Koya na nona veiyalayalati me tawamudu
E savasava vakaoti ka cecekia na Yacana.
- Same 111:9



Also Read If Possible (Wilika Talega Ke Rawa)
Numbers 32:23; Acts 7:23-29, Hebrews 11:24-27

Sucu o Mosese (The Birth Of Moses)

Serving for the 16th February, 2008

E a lako e dua na turaga e na Yavusa Livai, qai vakawatitaka e dua na marama e na Yavusa Livai, 02 oti a qai kunekune na yalewa oya ka vakasucuma e dua na luvedrau tagane. Ia ni raica o koya ni gone mata vinaka, a mani vunitaki koya tiko me tolu na vula. 03 Ia ni sa sega ni vunitaki koya rawa tikoga, sa talia sara e dua na bola kuta qai boroya vinaka e na kuluta. Oti qai vakotora na gone e loma ni bola; qai lai vakacirima e loma ni vei kuta e na bati ni uciwai. 04 Ia o ganena a qai lai vakaraici koya tu mai vakayawa, me raica se cava e na yaco vua. 05 Na luve i Fero yalewa a lako tiko me lai sili e na uciwai, ka ratou a taubale tiko e na bati ni uciwai vata kei ratou na nona vada. A mani raica na bola kuta qai tala na nona vada me lai kauta mai. 06 Ia e na gauna sa cega kina, a qai raica e dua na gone; ia qai rubica na tagi na gone, ka mani tubu na nona lomani koya. “Oqo e dua na gone ni Iperiu” e kaya o koya. 07 E taroga sara na luve i Fero o ganena, “E vakaevei o vinakata beka meu lai kauta mai e dua na yalewa ni Iperiu daunisusugone me mai susuga vei iko na gone?” 08 “Io lako” e sauma na luvei Fero yalewa. A lako sara na goneyalewa qai lai kaciva ga mai na tinani gone. 09 E kaya vua na luve i Fero, “Kauta na gone qo, lai susugi koya e na vukuqu, au na qai saumi iko”. Sa mani kauti koya na yalewa, me lai susugi koya. 10 E na gauna sa tubu levu kina na gone, sa qai kau lesu vua na luvei Fero yalewa me sa lai wili me luvena. A qai vakatokai koya me yacana o Mosese, ni kaya “Baleta au a vueta mai na wai.”
- Lako Yani 2:1-10




Also Read If Possible (Wilika Talega Ke Rawa)
Isaiah 49:13-19; Acts 7:20-22, Hebrew 11:23

Vakalolomataki mai Ijipita o ira na Isireli (Pitiful Treatment of Israel in Egypt)

Serving for the 15th February, 2008

Oqo na yacadratou na luvei i Isireli, ratou a lako vata kei Jekope i Ijipita, oya o ratou vata kei ira na nodratou dui matavuvale: 02 o Rupeni, o Simione, o Livai kei Jiuta; 03 o Isaka, o Sevuloni kei Penijamini; 04 o Tani kei Nafitalai, o Kata kei Aseri. 05 Era a le vitusagavulu vakadua na kawa i Isireli era a lako vata kei koya; o Josefa a sa tu oti mai Ijipita. 06 Ni sa mate oti o Josefa vata kei iratou na tuakana kei iratou na tacina vata kei na itabatamata kece oya, 07 era sa qai vakaluvea ga vakalevu o ira na lewe ni yavusa Isireli, ka sa tubu cake tiko ga na kedra i wiliwili, me yacova ni ra sa tawana mai vakalewe levu na vanua.
08 Oti a mani buli e dua na Tui Ijipita vou, e dua e a sega ni bau kilai Josefa. “Raica” e kaya o koya vei ira na nona tamata, “O ira na lewe ni yavusa Isireli era sa lewe levu cake mai vei keda. 09 Mai meda sa vakataulewa mada vaqaseqasea, e na veika kece me baleti ira, de qai tubu tikoga na kedra iwiliwili, era qai lai to mai kei ira na keda meca me ra valuti keda, ke mani yaco e dua na i valu, oti era qai biuta na vanua oqo.”
10 Era sa mani lesi eso na dau ni veivakabobulataki, me ra vakasaurarataki ira me ra cakacaka vakaukaua, era qai tara na koro o Picomi kei Reamisese, me rau koro ni maroroi i yau nei Fero. 11 Ni toso cake tikoga na bibi ni nodra vakacakacakataki, e toso cake vata tale tikoga kei na kedra i wiliwili vata kei na nodra tawa vanua. Qori sa qai vakavuna na nodra sa domobulataki ira tale na kai Isireli, 13 o ira na kai Ijipita, era qai lai vakavuna me tosoi cake tale na bibi ni nodra vakacakacakataki.
- Lako Yani 1:1-13.


Oti sa qai vakataulewa tale o Fero vei ira na nona tamata, “Na gone tagane kece era se qai sucu vou, mo ni kolotaki ira i na uciwai na Naile; me ra bula ga na goneyalewa.”
- Lako Yani 1: 22.

Also Read If Possible
Psalms 105:23-25, Acts 7:9-34; I Corinthians 7:21-23;

Galatians 3:26-28

E Ka Levu Duadua Na Loloma (Love is the Greatest)

Serving for the 14th February, 2008

Kevaka meu dau vosataka na veimataqali vosa ni tamata vata kei na agilosi, ia qai sega vei au na loloma, au sa yaco meu vaka na lali parasa kosakosa, se na veleti parasa karakaraivesa. 02 Kevaka e tiko vei au na isolisoli ni parofisai, kau kila na veika tawamacala, qai levu na noqu kilaka; kevaka talega me tiko vei au na vakabauta kece, meu rawa kina ni toso ulunivanua, ia qai sega vei au na loloma, au na sega ga ni dua na ka. 03 Kevaka au mani solia na noqu iyau kece me ra vakani kina na dravudravua, au qai solia na yagoqu me lai vakamai; ia qai sega vei au na loloma, e na sega ni dua na kena yaga vei au. 04 Na loloma e dau vosovosota vakadede ka dau yaloyalovinaka, na loloma e sega ni dauvuvu, na loloma e sega ni dauvakarairai, ka sega ni dauveivakalevulevui; 05 e sega ni dau vukivuki vakaviavialevu, e sega ni dau vaqara na ka me nona ga vakataki koya, e na sega ni vakacudrui ka sega ni lomaca; 06 e sega ni taleitaka na ivalavala ca, ia e dau marautaka ga na dina; 07 e colata na veika kece, e vakabauta na veika kece, e nuitaka na veika kece, ka vorata na veika kece. 08 Na loloma e na sega ni cala. Ke mani tu na parofisai, qori e na cala, ke tu na veimataqali vosavosa qori e na tini yani, ke tu na kilaka qori e na seyavu yani.

- I Korinica 13:1-8

E daidai sa tiko na ka tolutolu oqo, na vakabauta, na inuinui kei na loloma; ia e cecere duadua vei iratou oqori na loloma.
I Korinica 13:13

Sitabataki au me vaka na samuqawe e lomaseremuni, io, me vaka na samuqawe e tabamuni; baleta na loloma e kaukaua me vaka na mate; na kena yalovuvu e na tatakube toka me vaka na i bulubulu. Na kena koala, e koala ni bukawaqa, ka waromisa na kena yameyame. 07 Na wai e vuqa e na sega ni bokoca rawa na loloma, e na sega talega ni kuitaka laivi rawa na ualuvu, Ke dua na tamata e mani solia, na i yau kece mai loma ni nona vale e na vukuni loloma, e na vakaitamera na kena vakamelei.
Sere i Solomoni, 8:6-7


Kemuni na tagane vakawati, lomani ira na dui watimuni, me vaka ni a lomana na isoqosoqo lotu o Karisito (Messiah), qai soli i Koya kina vakataki Koya vua;
Efeso 5:25



Wilika Talega Ke Rawa
Deuteronomy 6:1-5, Psalms 136, John 15:9-17, I John 3

Na Loloma Soliwale (The Gift of Love)

Serving for the 13th February, 2008

O cei me na tawasei keda mai na loloma nei Karisito (Messiah)? Na veileqa lelevu beka, na yaluma beka, se na veivakacacani beka, se na dausiga, se na luvawale, se na veika vakarerevaki beka, se na iseleiwau beka? 36 Me vaka sa volai tu,
“E na vuku­muni, keimami sa vakamatei tiko kina e loma ni siga taucoko,
Keimami sa mai wili kina vaka na sipi sa vakarautaki tiko me vakamatei.”
37 E sega! E na veika kece, eda sa dau veirawai tiko vakaoti e na Nona veivuke o Koya e dau lomani keda. 38 Baleta au sa kila matua, ni na sega ni rawata na mate se na bula, o ira na agilosi se o ira na veimataqali iliuliu se o ira na qaqa, na veika e tu e daidai, se na veika e se tu mai muri; 39 se na veika cere se lolovira, se na veikabuli tale eso, me na rawa ni tawasei keda mai na loloma ni Kalou (Elohim), e kune vei Jisu Karisito (Yahshua Messiah), na noda Turaga (Master).
- Roma 8:35-39


O keda eda vakabauta, eda kila na loloma e vure mai Vua na Kalou (Elohim) e na vukuda. Na Kalou (Elohim) ga na loloma, ia o koya e bula tiko e na loloma, e bula tiko kei na Kalou (Elohim) 17 ¶ Eke e na vakausivitaki kina na nona loloma vei keda; me rawa ni da na doudou e na siga ni lewa; me vakataki Koya ga, o keda talega eda vakataki Koya e na vuravura oqo.18 E sega na ravarava e na loloma; baleta na loloma uasivi e talaca laivi na ravarava; na ravarava e vu ni nuiqawaqawa. O koya e dau ravarava, e se bera ni vakauasivitaki e na loloma. 19 Eda lomana na Kalou (Yahweh), baleta o Koya e a lomani keda taumada eliu.
- I Joni 4:16-19


Also Read If Possible

Deuteronomy 7:7-11, 10:14-15, John 3:16-19,

Romans 5:8-11, Ephesians 2: 4-10

Na i Vunau Totoka: Na Yalododonu era Vakacacani (The Beatitude: The Persecuted Righteous)

Serving for the 12th February, 2008

Era kalougata o ira era vakacacani e na vuku ni yalododonu, baleta e nodra na matanitu vakalomalagi. 11 “E nomudou na kalougata, ni ra vaka­lialiai kemudou ka vakacacani kemudou, era qai vakaucacataki kemudou vakailasu e na Vukuqu. 12 “Moni reki ga ka yalomamarau tiko vakalevu, baleta e ka levu na nomuni icovi mai lomalagi; ka ni ra a vakaucaca­taki ira talega na parofita era a liu mai vei kemudou.
Maciu 5:10-12.


Ia na TURAGA (Yahweh) e tiko vata kei au, me vaka e dua na qaqa rerevaki, o koya oqo era na tarabe kina o ira era via vakacacani au, ka ra na guce, E na dreve na nodra inaki, ka ra na vakamadualaki na ka era sega ni cakava rawa, e na sega vakadua ni guilecavi.
Jeremaia 20:11.


O ira qo, era yalataka sara na veisereki, ni o ira mada ga vakataki ira era se vauci tu e na bula ni veidabui; na tamata kecekece e na vaka­bobulataki ira ga na veika e vauci ira tu. 20 Baleta, ke ra sa dro rawa mai na veivakadukadukalitaki ni vuravura oqo, e na nodra sa kila na Turaga (Master) kei na iVakabula o Jisu na Karisito (Savior Yahshua the Messiah), oti me ra qai lutu lesu, me rawai ira tale na ivakarau vakavuravura; e sa na qai cacalaivi sara na kena itinitini oqori, mai na kena itekivu. 21 E a vinaka cake vei ira me ra a kua ga ni kila na sala ni yalododonu, ka ni cacalaivi ga ni ra sa kila oti, me ra qai saumaki laivi mai na ivakaro tabu sa soli oti vei ira.
I Pita 2:19-21.


Qori e na ka marautaki kina vei au, niu gogo, niu vakasewasewani, niu sotava na veika dredre, niu vakacacani, se vaka­rarawataki e na vuku i Karisito (Messiah); baleta au dau kaukaua vakaoti e na veigauna kece au dau gogo kina.
II Korinica 12:10.



Also Read If Possible
Isaiah 9:6-7, John 1:1-13, Romans 8:9-23,
Galatians 3:26 – 4:7, I John 3:1-11.

Na i Vunau Totoka: O ira era Dau Vu ni tiko Veilomani (The Beatitude: The Peacemaker)

Serving for the 11th February, 2008

Era kalougata o ira era dau ni tiko veilomani, baleta era na vakatokai ni ra luve ni Kalou (Yahweh).
- Maciu 5:9.

Ni toso mai, kemuni na gone, vakarorogo mai vei au, Au na vakatavulici kemuni, moni rerevaka na TURAGA (Yahweh). 12 O cei na tamata e vinakata na bula ka via raica na veisiga vivinaka, me raica na veika vivinaka? 13 Taqomaka na yamemu mai na ca kei na tebenigusumu, me kua ni lasulasu. 14 Vakanadakuya na ca, dau caka vinaka, vaqara na bula veilomani, ka muria matua.

- Same 34:11-14.

Vakasamataka na tamata yalododonu, dikeva na tamata dina, baleta na itinitini ni tamata oya na bula sautu. 38 Ia o ira era dau valavala ca, era na vakarusai vata kece, na nodra bula mai muri na tamata ca, sa muduki laivi.
- Same 37:37-38.

“E na sega na vakacegu” e kaya na TURAGA (Yahweh), “vei ira na tamata i valavala ca.”
Aisea 48:22.

Kevaka e rawa, oya ke vakatau vei kemuni, dau bula veisaututaki tikoga vata kei ira na tamata kecekece.
- Roma 12:18.

Ia na vuku e sobu mai cake, taumada e sava­sava, e levu kina na veivakacegui, e malumu, e talai rawarawa, e levu kina na yalololoma kei na vuavuai vinaka, e sega ni veivakaduiduitaki ka sega ni veivakaisini. 18 Na vua ni yalododonu e teivaki e na vakacegu, mai vei ira era dauveivakacegui.
Jemesa 3:17-18.

Also Read If Possible

Isaiah 9:6-7, John 1:1-13, Romans 8:9-23,
Galatians 3:26 – 4:7, I John 3:1-11.

Na i Vunau Totoka: O ira Na Yalo Savasava. (The Beatitude: The Pure In Heart)

Serving for the 10th February, 2008

Era kalougata na yalo savasava baleta era na raica Kalou (Elohim).
- Maciu 5:8

O cei e na cabeta na ulunivanua ni TURAGA (Yahweh)? Se o cei e na vakatarai vua me tu e na Nona yasana tabu? 04 O koya ga e liga savasava ka yalo savasava, o koya e sega ni laveta cake na yalona vei ira na kalou lasu, ka sega ni bubului e na dela ni veika lasutaki. 05 E na ciqoma o koya, na veivakalougatataki mai Vua na TURAGA (Yahweh) Ka na vakadonui mai Vua na Kalou (Elohim) na nona i Vakabula.
- Same 24:3-5

Ni bulia e lomaqu na yalo e savasava, kemuni na Kalou (Elohim) ka vakavoutaka e lomaqu na yalodina.
- Same 51:10,

Dro laivi mai na gagadre vagone; ka tadolova na yalododonu, na vakabauta, na loloma, kei na veisaututaki vata kei ira era dau kaciva na Turaga (Sovereign) e na yalo savasava.
- II Timoci 2:22,

O koya oya, kemuni na matavei­tacini, ni sa tu na dodonu meda curu vakadoudou i na Loqi Tabu-dredre, e na kaukaua ni dra nei Jisu (Yahshua), 20 e na dua na mataqali iwalewale vou ni bula, a mai tauyavutaka vei keda o Koya, ni sa mai dolava na ilatilati, oya na lewe ni Yagona, 21 ka sa mai dua tale na bete levu, me qarava na vale ni Kalou (Elohim), 22 laiva meda toro voleka e na yalodina ni sa noda na vakabauta, ka sa vakamiraci oti na utoda e na dra, meda vakasavasavataki mai na loma leqaleqa, ka sa sava talega na yagoda e na wai e savasava vakaoti.
- Iperiu 10:19-22



Also Read If Possible
2 Chronicles 30:13-20, Proverbs 20:5-11, Mark 7:1-23,

Hebrews 3, 12:14-29.

Na i Vunau Totoka: Na Dauloloma. (The Beatitude: Mercy and Love)

Serving for the 9th February, 2008

Era kalougata na dau veivosoti baleta era na rawata na veivosoti.
- Maciu 5:7


Baleta na TURAGA (Yahweh) na nomuni Kalou (Elohim) e Kalou (El) dau loloma; e na sega ni vakaweleweletaki kemuni, se vakarusai kemuni, se guilecava na Nona veiyalayalati kei ira na nomuni qase, e a bubuluitaka vei ira.
- Na i Vakarua 4:31

Vei Kemuni au laveta cake na mataqu, vei kemuni oni vakaitikotiko mai lomalagi. 02 Me vaka na mata ni bobula, ni rai i na liga ni nona turaga, kei na mata ni vada, ni rai i na liga ni nona marama, sa rai tiko vakakina na mata i keimami vua na TURAGA (Yahweh) na neimami Kalou (Elohim), me yacova ni vakaraitaka mai vei keimami na Nona loloma. 03 Ni bau lomani keimami mai, TURAGA (Yahweh), ni lomani keimami mai, baleta keimami sa rui vosota tiko vakalevu na veibeci. 04 Keimami sa vosota vakalevu talega na nodra veivakamelei o ira na dokadoka, kei na nodra veivakalialiai o ira na viavialevu.
- Same 123:1-4.

Au gadreva na yalololoma, sega soti na imadrali, kei na kilai ni Kalou (Elohim), sega soti na isoro kama.
- Hosea 6:6.


Sa dusimaki oti vei iko, o iko na tamata, na veika e vinaka. Na cava tale beka e gadreva vei iko na TURAGA (Yahweh)? Mo dau cakacaka vakadodonu ka gadreva mo dauniyalololoma, ka mo qai dau lako vata kei na Kalou (Elohim) e na yalomalumu.
- Maika 6:8.

O koya oya mo dau vosa kina ka dau vakayacora na ka, me vakataka e dua na tamata e kila ni na veilewaitaki e na lawa ni veisereki. 13 Na vakatulewa e sega kina na loloma e na tau vei koya e sega ni dau yalololoma. Na yalololoma e na laveti kemuni cake moni cecere cake mai na mataveilewai.
- Jemesa 2:12-13.



Read Also If Possible
Psalm 6, Micah 7:18-19, Zakariah 7:9-10,
Luke 6:27-38, 10:25-37, Jude 1:20-23

Na i Vunau Totoka: Gadrevi na Yalododonu (The Beatitude: Righteousness)

Serving For The 8th February, 2008

Era kalougata o ira era gadreva me ra kania ka gunuva na yalo­dodonu, Baleta era na vakasinaiti.
- Maciu 5:6

Me vaka ni tagica na wai drodro na me kila, e vaka kina na noqu tagici kemuni, na Kalou (Elohim). 02 Na yaloqu e gadreva na Kalou (Elohim) , io e gadreva na Kalou (El) bula. Ni naica beka au na lako kina, meu basika e mata ni Kalou (Elohim).
- Same 42:1-2

Sauma o Jisu (Yahshua) ni kaya vua, “O koya e gunuva na wai qo e na via gunu tale. 14 “ia o koya e gunu mai na wai Au na solia vua, sa na oti vakadua na nona karamaca. Baleta na wai Au na solia vua, e na lai yaco e lomana, me dua na toevu wai e na vure tiko me yacova na bula tawamudu.”
- Joni 4:13-14

Sa qai kaya vei ira o Jisu (Yahshua), “O Au na madrai ni bula. O koya e lako mai vei Au, e na sega ni walokai, vata kei koya e vakabauti Au e na sega ni kara­maca.
- Joni 6:35

E na iotioti ni siga, oya na siga cecere ni solevu, a qai tu kina o Jisu (Yahshua) qai kacivaka, “Ke dua e karamaca, laivi koya me lako mai vei Au, me mai gunu.
38 “O koya e vakabauti Au, me vaka e kaya na iVola Tabu, mai vuniyalona e na drodro mai kina na veiuciwai ni wai bula.” 39 Ia qo a vakamacalataka tiko kina o Koya, na Yalo Tabu, o koya e dodonu me ra na ciqoma o ira era vakabauti Koya; baleta na Yalo Tabu a se bera tiko ni veisoliyaki ka ni o Jisu (Yahshua) a se bera tiko ni vakalagilagitaki.
- Joni 7:37-39

Ia na Yalo vata kei na Yalewavou rau qai kaya, “Lako mai.” Laivi koya e rogoca me kaya, “Lako mai!” Ka laivi koya e karamaca me lako mai. Ia o koya ga e gadreva, laivi koya me mai taura wale na wai ni bula.
- Vakatakila 22:17


Also Read These If Possible
Psalms 107:1-9, 146, Isaiah 55:1-2, Luke 6:21,
Revelation 7:16-17

Na i Vunau Totoka: O ira na Yalomalumu (The Beatitude: The Meek)

Serving for the 7th February, 2008

Era kalougata na yalomalumalumu baleta e na nodra iwasewase me ra taukeni vura­vura.
- Maciu 5:5

Kakua ni yaloca ni sega vei iko na ka,e tu vei ira era dau caka ca, se vuvutaki ira era dau cakava na veika e sega ni vinaka , 02 baleta e na sega wale ni dede, era sa na wereci laivi me vaka na co, se vaka na kau drokadroka, era na tini mate laivi yani. 03 Vakararavi Vua na TURAGA (Yahweh), ka cakacaka ga vakadodonu; bula tiko e na qele, ka marautaka na vanua e tudei, 04 Vakamareqeta na nomu veiwekani kei na TURAGA (Yahweh), e na qai solia vei iko o Koya na ka kece e gadreva na yalomu, 05 Vakabiuta na nomu bula Vua na TURAGA (Yahweh), vakararavi Vua e na qai vakayacora oqo e na vukumu: 06 E na vakavuna o koya me rama se na nomu yalododonu, me vaka na rarama ni cadra na siga, kei na dodonu ni nomu cakacaka, me vaka na sigalevu tutu, 07 Tu vakarorogo vua na TURAGA (Yahweh), dau waraki koya tikotikoga, kakua ni lomaca, ke toso vinaka tu na nodra bula na tani, ni ra vakayacora tiko na i vakarau kei na inaki ca. 08 Kua sara ni cudruvaka, vakanadakuya ga na yalo e via veivala, kakua ni levataka – baleta e na vakavuna na nomu caka ca, 09 Era na muduki laivi kece, o ira era dau caka ca; Ia o ira era vakanuinui vua na TURAGA (Yahweh) e na nodra i wasewase me ra taukena na vanua. 10 Wawa ga vakalailai, era na qai takali ga na tamata ca; o na qai vaqarai ira, ia era sa na yali vakadua, 11 Ia o ira na Yalomalumu era na taukena na vanua, era qai marautaka tiko na vakacegu dina.
- Same 37:1-11



Also Read These If Possible
Nehemiah 8:1-12, Ecclesiates 3:1-8, Psalm 119:49-50,

Luke 6:21, II Corinthians 1:3-7, 7:8-11.

Na i Vunau Totoka: Na Dau Vakaloloku (The Beatitude: The Mourners)

Era kalougata na dauvakaloloku, baleta era na vakacegui.
- Maciu 5:4.


Sa tu vei au na yalo ni noda TURAGA na Kalou cecere (Sovereign Yahweh), baleta sa lumuti au na TURAGA (Yahweh) meu vunautaka na itukutuku vinaka vei ira na yalomalua. Sa talai au mai, meu vakabulai ira sa ramusu na yalodra, meu vunautaka na tugalala vei ira na bobula, kei na veisereki vei ira era vesu tu e vale ni veivesu, 02 meu vunautaka na yabaki vinaka ni TURAGA (Yahweh), kei na nona siga ni veisausaumi na noda Kalou (Elohim), me vakacegui ira kece era vakaloloku; 03 me qaravi ira era vakaloloku tu mai Saioni -- meu solia vei ira na i sala vakatui, vakaiukuuku me isosomi ni dravusa kei na waiwai ni reki me i sosomi ni vakaloloku, kei na i sulu ni vakavinavinavinaka me i sosomi ni lomabibi. Era na yaco me ra duruvesi ni i valavala dodonu, e teivaka na TURAGA (Yahweh) me i vakaraitaki ni Nona lagilagi.
- Aisea 61:1-3.


Au qai rogoca e dua na domo rogo levu mai lomalagi ni kaya, “Raica, na itikotiko ni Kalou (Elohim) sa kau vei ira na tamata, o Koya sa na lai vakaitikotiko kei ira, me ra sa Nona tamata; ia na Kalou (Elohim) vakataki Koya e sa na lai vakaitikotiko vata kei ira, me nodra Kalou (Elohim). 04 “Ia o Koya, e na qai qusia laivi na wainimata kece mai matadra, sa na sega tale vakadua na mate, se na rarawa, se na tagi; ka sa oti vakadua na vutugu baleta na veika makawa era sa takali vakadua.”.
- Vakatakila 21:3-4.


Also Read If Possible
Nehemiah 8:1-12, Ecclesiastes 3:1-8, Psalm 119:49-50,
Luke 6:21, II Corinthians 1:3-7, 7:8-11.

Na i Vunau Totoka: Dravudravua Vakayalo (The Beatitude: Poor In Spirit)

Serving for the 5th February, 2008

Ia ni sa raici ira na ibinibini tamata, sa qai cabeta na ulunivanua, ia ni sa lai toka sobu, era sa qai lako yani Vua na Nona tisaipeli. 02 Sa qai dolava na Gusuna o Koya me vakatavulici ira ni kaya: 03 “Era kalougata na dravudravua vaka­yalo, Baleta e nodra na matanitu vakalomalagi.
-Maciu 5:1-3

Na i soro vua na Kalou (Elohim) na yalo e raramusumusu; na yalo sa ramusu, ka bibivoro, Kemuni na Kalou (Elohim) , oni sega ni cata.
- Same 51:17

E vaka oqo na ka e kaya o Koya sa cecere ka levu, o Koya e vakaitikotiko e na bula tawamudu, ka savasava vakaoti na yacana; “Au bula tiko e na tikina cecere ka savasava, vata kei koya talega e raramusumusu ka yalomalumu, meu vakabulai ira era yalo bibivoro.”
- Aisea 57:15,

Kemuni na noqu veitacini, kakua ni veivakaisini ni oni colata tiko na vakabauta lagilagi ni noda Turaga (Sovereign) o Jisu Karisito (Yahshua the Messiah). 02 Ke curu yani e na nomuni valenisoro e dua na tamata e dara toka e dua na mama koula qai vakaisulu totoka vakaoti; ka lako talega yani e dua na tamata dravudravua, e qeleqelewa tu na nona isulu. 03 oti oni qai galeleti koya ga e sulu vinaka, moni kaya vua, “Mai toka sara e na idabedabe vinaka qo o kemuni,” ia oni qai kaya vua na tamata dravudravua, “Tucake tu ga ekeri o iko,” se “Mai dabe toka e na yasa ni itavatava ni yavaqu.” 04 Oni sega beka, ekeri, ni vakarautaka tiko na veivakaduiduitaki, moni solia kina na nomuni digidigi i na vakasama duka? 05 Rogoca qo, kemuni na noqu mataveitacini daulomani: E sega beka ni digitaki ira na dravudravua kei vuravura na Kalou (Elohim), me ra vutuniyau e na vakabauta, me ra qai itaukei vakaivotavota ni matanitu me vaka a yalataka na Kalou (Yahweh) vei ira era dau lomani Koya?
-Jemesa 2:1-5


Also Read If Possible
Job 34:17-19, Isaiah 57:15-19, 66:2, Luke 6:20,
Acts 10: 34-35, Ephessians 6:5-9

Vakadonui Jope na Kalou. (Yahweh Accepts Job)

Serving for the 4th February, 2008

Sa qai sauma o Jope vua na TURAGA (Yahweh): 02 “Au kila ni oni rawa ni cakava na ka kecekece; e sega ni dua na nomuni vakananavu, me na tarovi rawa.” 03 ‘O cei qo e vakabutobutotaka na noqu lewa, ka sega ni kune vua na vuku,’ Qori au qai kaya kina ni sega ni kila e dua na ka; na veika totoka vakaoti e sega ni yacova na noqu kilaka. 04 ‘Vakatudaliga niu sa na vosa vei iko; Au na vakatarogi iko, mo na sauma mai vei au’
05 A sa rogoci kemuni oti na daligaqu ia qo sa qai raici kemuni na mataqu. 06 O koya oqo au sa sevaki au kina vakataki au, kau na veivutuni e na kuvu ni soso kei na dravusa.” 07 Ia ni sa vosa oti vei Jope na TURAGA (Yahweh), sa qai vosa vei Elifasi na kai Temani, “Au sa bau cudruvi kemudou sara ga vakalevu, o iko vata kei rau na nomu i tau, baleta ni dou a sega ni kaya tiko na ka dina me baleti Au, me vaka e a cakava o Jope na noqu dauniveiqaravi. 08 Au vinakata mo dou kauta e vitu na bulumakau kei na vitu na sipi tagane, dou qai lako vua na noqu dauniveiqaravi o Jope, mo dou lai vakacabora e dua na i soro kama e na vukumudou. E na qai masulaki kemudou o Jope na noqu dauniveiqaravi, kau na vakadonuya na nona vakatamamasu; au na qai sega kina ni vakayacora vei kemudou na ka e veiraurau kei na nomudou lialia. Dou a sega ni kaya tiko na ka dina me baleti Au, me vaka e a cakava o Jope na noqu dauniveiqaravi.” 09 Eratou sa mani lako o Elifasi na kai Temani kei Pilitati na luve i Sua, kei Sofa na kai Neama, me ratou lai cakava na veika sa vakarota vei iratou na TURAGA (Yahweh), e a qai vakadonuya na vakatamamasu nei Jope na TURAGA. 10 Ni sa masulaki ratou oti na nona i tau o Jope, sa qai vakavutuniyautaki koya tale na TURAGA (Yahweh), ka solia vua me vakaruataki na veika a dau taukena tu eliu.
- Jope 42:1-10

Also Read If Possible
Psalm 17, 37, Matthew 5:1-6, James (Yakub) 5:11

Vosa vei Jope na Kalou. (Yahweh Speaks To Job)

Serving for the 3rd February, 2008

Sa qai sauma vei Jope na TURAGA (Yahweh) mai na covulaca, ni kaya; 02 “O cei qo e vakabutobutotaka tiko na noqu lewa, e na vosa e sega ni kune kina na vuku? 03 Vakavakarau mo tu mai vakatagane baleta au sa na vakarau vakatarogi iko, ia mo na sauma mai vei au. 04 “O a tu mai vei e na gauna au a vakotora kina na yavu kei vuravura? Tukuna mai vei Au kevaka o kila? 05 O cei e a virikotora na kena i vakarau, kevaka o kila! O cei e a vakadreta tu na kena dali ni vakavakarau? 06 E dabe toka e na cava na kena yavu? O cei e a vakotora na kena tutu; 07 ni ra laga sere vata tiko na kalokalo volasiga, ka ra kaila tiko e na reki o ira kece na luve ni Kalou (Elohim)?
- Jope 38:1-7


E vosa tale vei Jope na TURAGA (Yahweh) ni kaya, 02 “E rawa beka vei koya e veileti tiko kei Koya sa Kaukauwa, me na vakadodonutaki koya? Laivi koya e vunauca tiko na Kalou (Eloah) me vosa cake.” 03 Sa qai vosa cake vua na TURAGA (Yahweh) o Jope, 04 “Raica Au sega, sega sara ga ni dua na ka, e na rawa vakacava meu saumi kemuni? Au sa na tabonaka na gusuqu e na ligaqu, 05 Au sa vosa oti vakadua, ia e sega vei au na i sau ni taro. io sa vakarua, au sa na sega ni vosa tale. 06 Sa qai vosa tale vei Jope na TURAGA (Yahweh), mai na covulaca, ka kaya, 07 “Vakavakarau mo tu mai vakatagane, Au sa na vakatarogi iko mada ia mo na sauma mai vei au, 08 “O via vakatawayagataka beka na noqu lewa? O na vakacalai Au beka, mo dodonu kina o iko?”
- Jope 40:1-8



Also Read These If Possible
Psalm 30, Job 38-41, Habakuk 1: 1-2:1, Romans 9-10

Ba o Jope ni Sega ni Cala (Job Argued That He Has Not Sinned)

Serving for the 2nd February, 2008

Sa qai sauma o Jope, 02 “E na vakacava na dede ni gauna, dou na vakararawataki au tiko kina, ka qaqilaki au tiko e na nomudou vosa. 03 Sa vakatini na nomudou vosa vakacacataki au tiko, dou sega ni bau madualaka na nomudou saqati au tiko mo dou tamata vulagi vei au? 04 Ia ke mani dina niu butu cala tiko, ia laiva na noqu cala me noqu ga o au vakataki au. 05 Ke dina ni dou via vakalevulevui kemudou cake mai vei au, e na nomudou vakaraitaka vei au na noqu cala, 06 Ia mo dou kila qo ni sa vakacalai au tiko na Kalou (Eloah), ka sa viribaiti au tu e na Nona lawa. 07 Raica, e dina niu sa qolouvaka tiko, ‘E sega na noqu cala,’ ia au sega ga ni rogoca me dua e tama mai; au sa kaci veivuke tiko, ia e sega ni tau mai e dua na lewa.”
- Jope 19:1-7


E baci tosoya tale na nona i vakamacala o Jope, 02 “Me vaka ni bula dina tiko na Kalou (El), o Koya e sega ni via vakatauca na nona lewa e na vukuqu, O Koya e Kaukauwa, ka sa mai vakavuna qo meu tovolea mada na rarawa vakayago; 03 Na dede ga ni kena tiko e lomaqu na i cegu ni bula, ka to tiko e qara ni ucuqu na i cegu ni Kalou (Eloah), 04 E na sega ni rogo mai tebenigusuqu e dua na vosa ca, ka na sega ni cavuta na yamequ na vosa veivakaisini. 05 Au na sega vakadua ni vakadinata ni dou a dina; me yacova na siga au na mate kina, kau na sega vakadua ni cakitaka na i vakarau vinaka, 06 au na taura matua tiko na noqu yalododonu, kau na sega vakadua ni kolo laivi E na sega vakadua ni lomaleqaleqa na lomaqu, e na veisiga kece ni noqu bula.
- Jope 27:1-6


Also Read If Possible

Job 3:6-7, 9-10, 12-14, 16-17, 19, 23, 23-24, 26-31,

Psalm 7, Luke 18:1-8.

Na Veivakararawataki kei na i Totogi (Hurting and Punishment)

Serving For The 1st February, 2008

Ia o ratou na icaba nei Jope, ni ratou sa rogoca na leqa levu sa yaco tu vua, eratou sa mani dui biuta mai na nodratou dui vale, oya o Elifasi na kai Temani, o Pilitati na kai Sua, kei Sofa na kai Neama, me ratou lai sota me vaka na nodratou lokuloku, me ratou lai sikovi koya, ka lai duavata kei koya e na nona rarawa me vakacegui koya. 12 Ni ratou matacake me ratou raici koya, ni ratou se tu yani vakayawa, ratou qai sega ni bau kilai koya, ratou sa mani rubica na tagitagi yaso e na domolevu, ratou qai dui dresulaka na nodratou dui i sulu, ka kaburaka na kuvu ni soso e na dui uludratou ni ratou rai cake tu i Lomalagi. 13 E ratou sa qai dabe toka ga vagagalu kei koya e na vanua e toka mai kina o koya, me vitu na siga, ka vitu na bogi. Eratou a sega ni vosa rawa vua; baleta eratou a vakila talega na vakaitamera ni rarawa sa bikai koya toka.
- Jope 2:11-13

Sa qai vosa o Elifasi na kai Temani.
Jope 4:1

“Nanuma lesu mada, au vakamasuti iko, se o cei sa bau vakarusai ni sega ni cala, se evei era au dau muduki laivi kina o ira era yalododonu?
08 Na ka mada au dau raica, ni ra na dau tamusuka ga na ca, o ira era teivaka na caka ca, ka kaburaka na sore ni i valavala ca. 09 Ni uvuci ira ga na i cegu ni Kalou (Eloah) era sa rusa sara ga, ia ni liwavi ira na Nona leva, era sa na oti vakadua.
- Jope 4:7-9

“Ia ke yaco vei au qo, au sa na vuki ga vua na Kalou (El);
au qai talaucaka Vua na Kalou (Elohim), na veika kece me baleti au.
- Jope 5:8

“Raica e kalougata na tamata e vakadodonutaka na Kalou (Eloah),
o koya mo kakua kina ni sevaka na nona veivakavulici o Koya sa cecere sara. 18 Baleta e na veivakamavoataki beka, ia e na veivakavadreti talega.
e na vakavu leqa ca beka, ia na ligana e na veivakabulai.
- Jope 5:17-18

“Qo keitou sa vakadikeva oti vakavinaka, ka keitou kila ni dina, O koya oya mo rogoca vinaka kina qai vakayacora.
- Jope 5: 27

Also Read If Possible

Job 4-5, 8, 11, 15, 18, 20, 22, 25, 32-37.
Hebrews 12:5-11