Taleitaki O Dawide (Dawid Was Popular)

Thought: Sha’ul Lost Favor With YHWH, Due Solely To Disobedience

................. 

Serving For Yom Shlishi, Av 12, 5772

MAI NA NEVI’IMI RISHONIMI (FROM THE NEVI’IM RESHONIM)

Ni vosa oti o Dawide vei Sha’ula, na bula (soul) i Yo'honatani a qai veimanati kei na bula (soul) i Dawide, e taleitaki koya o Yo'honatani me vaka sara ga ni lomani koya ga vakataki koya. 2 O Sha'ula a qai kauti koya e na siga oya, qai sega tale ni laivi koya me lesu i na vale i tamana. 3 Rau a qai cakava e dua na veiyalayalati o Yo'honatani kei Dawide, baleta o Yo'honatani a taleitaki Dawide me vaka ga e nona bula (soul). 4 A luvata o Yo'honatani na kote e dara tiko qai solia vei Dawide, ka vaka kina na nona isulu, bau kina na nona seleiwau, dakaititi kei na nona ioro. 5 O Dawide a dau lako i na vanua cava ga e talai koya kina o  Sha'ula, qai dau lai rawata mai na qaqa; a mani lesi i koya kina o Sha'ula me liutaki ira na tamata ni vala, qai rawata mai kina na nona taleitaki e matadra na tamata, vata kei na matadra o ira na dauniveiqaravi nei Sha'ula.

6 ¶ A qai yaco ni lesu tiko mai e na dua na gauna o Dawide, ni ra valuti ira oti mai na Pi'lishitimi, ni ra a lako mai na yalewa ni nodra veikoro na Yisira'yili, era qai lagalagasere ka meke tiko mai me ra mai tavaki Sha'ula na tui era qai qiria tiko mai na tibereli kei na simibali e na nodra mamarau. 7 O ira na yalewa era a laga sere ni ra qiriqiri tiko, era qai veidredrevaki tiko ni ra kaya, O Sha'ula e mokuta e duanaudolu ia o Dawide e mokuta e tininaudolu. 8 A yalokatakata sara kina vakalevu o Sha'ula, baleta ni sega ni taleitaka na vosa e tukuni tiko qai kaya, Era solia vei Dawide  na tininaudolu ka solia vei au na duanaudolu; na cava tale sa qai vo vua, vakavo ga na matanitu?  9 O Sha'ula sa qai tekivu me dau matacataki Dawide, mai na siga oya lako yani. 10 Ia, a qai yaco e na mataka kadua ni dua na yalo velavela mai vua na Kalou (Mighty One) a curumi Sha'ula sara vakaukaua, oti qai parofisai o koya e na loma ni nona vale, e na gauna e a qiria tiko kina vua (e dua) na ivakatagi o Dawide me vaka ga sa dua cakava vakawasoma; ia a tiko e na liga i Sha'ula e dua na moto. 11 O Sha'ula a qai cokataka na moto oya; baleta ni kaya, Au na veituituitaki Dawide i lalaga. Ia o Dawide a qai levea vakarua.

12 ¶ O Sha'ula sa qai domobulataki Dawide tiko baleta ni sa tiko vata kei koya o Yahuwe (YHWH), ka ni a sa biuti Sha'ula oti mai. 13 O Sha'ula, a qai kauti koya laivi mai matana, ni a lesi i koya me turaganivalu ni yadrau; a qai dau lako me lai vala, qori qai dau tu kina vakalevu kei ira na tamata. 14 O Dawide e tamata yalomatua e na nona ivalavala taucoko; o Yahuwe (YHWH) sa dau tiko vata kei koya. 15 Ni raica o Sha'ula na vakaitamera ni vuku e tiko vua, qori a qai vakavuna na nona rerevaki koya. 16 Ia o Yisira'yili taucoko vata kei Ya'huda era taleitaki Dawide, baleta ni dau lako i na ivalu ka dau liutaki ira o koya.

1 Samuela (Sh’mu’yl Alef) 18:1-16

NA IVAQA NI BULA (FOOD FOR THE SOUL)

Na daliga e vakarorogo, kei na mata e vakararai, o Yahuwe (YHWH) a buli i rau ruarua.

Vosa Vakaibalebale (Mishlei) 20:12

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. E dua na Same. O vuravura taucoko e nei Yahuwe (YHWH) na vuravura kei ira kece era vakaitikotiko kina. 2 Baleta o koya e a vakotora na kena yavu e na loma ni wasaliwa, qai vakataudeitaka e na wai drodro. 3 O cei e na cabeta cake na ulunivanua nei Yahuwe (YHWH)? O cei e na lai tu e na nona tikina tabu? 4 O koya e savasava na ligana ka savasava vakaoti na vuniyalona; o koya e sebera ni bau bubului lasu e na nona bula se taura vakalawaki ca e dua na Veiyalayalati. 5 O koya qori e na ciqoma na veivakalougatataki mai vei Yahuwe (YHWH) kei na yalododonu mai vei Yahuwe (YHWH) na noda ivakabula. 6 Qo o ira mai na itabatamata era vaqara na matamuni, ka tusanaka na iserau ni matamuni, kemuni na Kalou (Mighty One) i Ya’akove.

7 ¶ Laveta cake na ulumuni, o kemuni  na matamata; moni talave cake, i mata ni katuba tawamudu; me rawa ni curu yani na tui dokai. 8 O cei beka na tui dokai oqo? O Yahuwe (YHWH), kaukaua ka qaqa, o Yahuwe (YHWH) e vakaitamera e na ivalu. 9 Laveta cake na ulumuni, o kemuni na matamata ni koro; ni talave cake i na katuba tawamudu, me curu mai na tui dokai. 10 O cei beka na Tui dokai? O Yahuwe ni lewe vuqa (YHWH Tzva’ot); o koya na Tui dokai tawamudu.

Same (Tehellim) 24:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 212 o/o 1672	July 31, 2012
Reading	Hebrew Date
Yo’yl (Joeli) 1-4	Av 12, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Mate O Qoliyata E Na iValu (Golyat Dies In The Battle)

Thought: Dawid Expected To Win, Because He Was Backed By YHWH

 ..................

Serving For Yom Sheini, Av 11, 5772

MAI NA NEVI’IMI RISHONIMI (FROM THE NEVI’IM RESHONIM)

Raica, e na gauna sa toso voleka mai kina na Pi'lishiti  me mai sotavi Dawide, o Dawide a qai vuki totolo me cici i na iyatu ni vala, me sa lai sota kei na Pi'lishiti. 49 O Dawide a qai tatara i na loma ni nona taga, suluta mai kina e dua na vatu, qai rabotaka me lauta na yadrena na Pi'lishiti; na vatu a qai lobo i yadrena; qai bale vakatoboicu i na dela ni qele o koya. 50 O Dawide a qai rawai koya na Pi'lishiti, e na dua na irabo kei  na dua na vatu, ni a mokuti koya ka vakamatei koya; e a sega ni taura tu e ligana e  dua na seleiwau. 51 O Dawide, a qai cici me lai tu kalawaca tu na Pi'lishiti, tomika cake na nona seleiwau, me ucuna mai na kena kato, vakamatei koya, qai musuka laivi na  nona qavokavoka. Ni ra raica o ira na Pi'lishitimi ni sa mate na nodra qaqa, era qai veidroyaki. 52 O ira na tagane ni Yisira'yili vata kei ira na Ya'huda, era qai tucake ka kaikaila, era qai cici muri i ira na Pi'lishitimi, me yaco sara i na icurucuru i na buca, ka lai yaco vakadua sara i na buca mai Ekironi. O ira era vakamatei vei ira na Pi'lishitimi era  a bale yarayara yani e gaunisala vaka i Sha'arayimi, me yaco sara i Qata kei Ekironi. 53 Oti era qai lesu mai o ira na luve i Yisira'yili mai na nodra cemuri ira na Pi'lishitimi, era qai mai kauta na itoki ni ivalu mai na nodra keba. 54 O Dawide a qai kauta na qavokavoka ni Pi'lishiti i Yerushalayimi; ia a biuta tu ga na nona iyaragi e na loma ni nona valelaca. 55 Ia o Sha'ula ni raici Dawide ni rau sa sota kei na Pi'lishiti, qai kaya vei Avenaa na komada ni nona mataivalu,  Na luvetagane i cei tale mada, na cauravou qo? Kaya o Avenaa, Me vaka ni bula tiko na vuniyalomuni (soul), kemuni na tui, au sega sara ga ni kila. 56 Kaya na tui, Vaqaqa mada mai se luve tagane i cei na cauravou qo? 57 Ia ni lesu mai o Dawide mai na nona  vakamatea na Pi'lishiti, o Avenaa, a qai kauti koya i na mata i Sha'ula, ni se taura tu ga na qavokavoka ni  Pi'lishiti e ligana. 58 Tarogi koya o Sha'ula, O iko beka o luve tagane i cei cauravou? Kaya vua o Dawide, O au na luve tagane ni nomuni dauniveiqaravi o Yishai na Beiti-Lekemi.

1 Samuela (Sh’mu’yl Alef) 17:48-58

NA IVAQA NI BULA (FOOD FOR THE SOUL)

Na gone lailai mada ga e kilai mai na nona ivalavala, ke savasava vakaoti na nona cakacaka se dodonu.

Vosa Vakaibalebale (Mishlei) 20:11

LOMANI YAHUWE NA NOMU KALOU (LOVE YHWH YOUR MIGHTY ONE)

NA Same i Dawide: O Yahuwe (YHWH) e noqu ivakatawa; e na sega na ka me  sega vei au.  2 E cakava o koya meu cegu e na veivanua veico drokadroka; e tuberi au e na bati ni wai maravu. 3 O koya e vakavoutaka na noqu bula. E tuberi au e na sala ni yalododonu e na vukuni yacana. 4 Io, e dina keu taubale kosova na buca ni yaloyalo ni mate, Au na sega ni nuiqawaqaqawataka na ca, baleta o kemuni oni tiko vata kei au; na nomuni moto kei na nomuni itoko era na vakacegui au.  5 Oni vakarautaka e dua na teveli e mataqu, e na kedra maliwa na kequ meca; oni lumuta na uluqu e na ilumu,  na noqu bilo sa vuabale. 6 Sa dina ga ni na muri i au na nomuni yalovinaka kei na nomuni yalololoma e veisiga kece ni noqu bula;  au sa na lai vakaitikotiko dina ga e na vale i Yahuwe (YHWH), me tawamudu.

Same (Tehellim) 23:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 211 o/o 1671	July 30, 2012
Reading	Hebrew Date
Hoshea (Osea) 11-14	Av 11, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bolebole Lesu O Dawide (Dawide Challenges Back)

Thought: Outcomes Of Wars, YHWH Decides, Notwithstanding Ignorance

.................... 

Serving For Yom Rishon, Av 10, 5772

MAI NA NEVI’IMI RISHONIMI (FROM THE NEVI’IM RESHONIM)

Ia ni sa lai tukutukutaki na vosavosa a cakava tiko o Dawide vei Sha'ula, a qai talatala mai o koya me mai lako yani vua o koya. 32 Kaya o Dawide vei Sha'ula, Me kua sara ni dua na tamata me yalolailai e na vuku ni tamata oya; na nomuni dauniveiqaravi e na lako me lai valuta na Pi'lishiti oqo. 33 Kaya o Sha'ula vei Dawide, O iko o na sega ni rawa ni lako mo lai saqata na Pi'lishiti oqo, mo drau vala; baleta o iko o se gone ga, ia o koya a sa dau vala tu mai na gauna sara e se gone lailai kina. 34 Kaya o Dawide vei Sha'ula, Na nomuni dauniveiqaravi (qo) a vakatawani ira tiko na sipi nei tamana, qai lako mai e dua na laione kei na dua na beya, qai mai kovea e dua na luve ni sipi mai na qelenisipi; 35 O au, au qai muria na laione au qai lai mokuta, meu vakabula (na luve ni sipi) mai gusuna; ia ni sa golevi au mai, au qai toboka na kumina, au qai mokuta meu vakamatea. 36 Na nomuni dauniveiqaravi oqo, a qai vakamatea ruarua na laione vata kei na beya; ia na Pi'lishiti tawateve oqo e na mai duavata kei rau, baleta ni mai bolea tiko na nona mataivalu na Kalou bula (living Mighty One). 37 Kuria o Dawide, O Yahuwe (YHWH), o koya e a taqomaki au mai na (kaukaua) ni laione, kei na (kaukaua) ni beya, e na taqomaki au mai ligana na Pi'lishiti oqo. Kaya o Sha'ula vei Dawide, Lako! Me qai tiko vata kei iko o Yahuwe (YHWH). 38 O Sha'ula a qai vakaiyaragitaki Dawide e na nona iyaragi, qai daramaka e uluna na nona isala ni sasabai barasa; qai daramaka vua na nona kote ni isasabai. 39 O Dawide a qai ciqimaka na nona seleiwau e na  nona isulu ni sasabai; ia a qai sega tale ni via lako; baleta ni se bera ni bau vakayagataki ira vakadua. Sa mani luvati ira tale o koya.

40 ¶ A qai taura e ligana na nona ititoko, digitaka mai e lima na vatu yagoyago vinaka mai na veiqereqere, qai tawani ira e na loma ni nona taga  ni vakatawa ni sipi, ia sa taura toka e ligana na nona irabo; sa qai torova yani na Pi'lishiti. 41 Raica, na Pi'lishiti a qai toro mai vei Dawide; ka liu tiko mai vua na icolacola ni nona isasabai. 42 Ni veiraiyaki na Pi'lishiti, qai raici Dawide, qai tubu na nona beci koya; baleta o koya e se gonetagane wale, damudamu qai matavinaka.  43 Kaya na Pi'lishiti vei Dawide, O au beka e dua na koli, o lako mai kina qo kei na nomu ititoko?  Na Pi'lishiti a qai vatonaki Dawide e na yaca ni nona kalou (elohim). 44 Kaya na Pi'lishiti vei Dawide, Lako mai vei au, au na qai solia na lewe ni yagomu vei ira na manumanu vuka kei na manumanu kila ni vanua. 45  Oti qai kaya o Dawide vua na  Pi'lishiti, O iko o mai valuti au vata kei na nomu seleiwau, na nomu moto kei na nomu isasabai; ia o au, au saqati iko mai oqo e na yaca i Yahuwe ni lewe vuqa (YHWH Tzva'ot) na nodra Kalou (Mighty One) na mataivalu i Yisira'yili, o koya o vosa beca tiko. 46 E na siga oqo o Yahuwe (YHWH) e na soli i iko i ligaqu; au na qai vakamatei iko ka musuka laivi na ulumu mai vei iko; au na qai solia talega na yagodra mate na lewe ni mataivalu ni Pi'lishitimi e na siga oqo vei ira na manumanu kila ni vanua, kei na manumanu vakatabana ni macawalala, me rawa ni na kila o vuravura taucoko ni dua tiko na Kalou (Mighty One) e Yisira'yili. 47 O ira na lewe ni isoqosoqo taucoko oqo era na qai kila ni o Yahuwe (YHWH e sega ni veivueti e na seleiwau kei na moto; baleta na ivalu e lewa ga o Yahuwe (YHWH), o koya e na soli i kemuni i na liga i keimami.

1 Samuela (Sh’mu’yl Alef) 17:12-30

NA IVAQA NI BULA (FOOD FOR THE SOUL)

Na tui e dabe tiko e na idabedabe vakatui ni lewa dodonu, e na wasea laivi na veika ca, ni dikeva e matana. 9 ¶ O cei mada e na kaya rawa, Au sa vakasavasavataka na vuniyaloqu, au sa savasava vakaoti mai na ivalavala ca? 10 ¶ Na ivakarau ni bibi lasutaki kei na ivakarau ni volivolitaki lasulasu e sevaki vakaoti e na mata i Yahuwe (YHWH).

Vosa Vakaibalebale (Mishlei) 20:8-10

LOMANI YAHUWE NA NOMU KALOU (LOVE YHWH YOUR MIGHTY ONE)

Ia, i Yahuwe (YHWH) moni kakua ni yawaki au, noqu Kalou (Mighty One); noqu Kalou (Mighty One), moni mai bula vata kei au moni vukei au: 21(20) Vueta na noqu bula mai na seleiwau, na noqu e duabau, mai ligadra na vakadomobula. 22(21) Vueti au mai na gusu ni laione: Vueta na noqu yalomalumu mai vei ira na qaciqacia.

23(22) ¶ Meu rawa ni vakatusa na yacamuni vei ira na wekaqu; e na kedra maliwa na isoqosoqo, au na vakavinavinaka vei kemuni. 24(23) O kemuni oni vakarokorokotaki Yahuwe (YHWH) vakavinavinaka vua; o kemuni kece na kawa i Ya’akove, dokai koya; rerevaki koya, o kemuni kece oni kawa mai vei i Isira’yili. 25(24) Baleta o koya e sega ni beca se cata na rarawa ni tamata dravudravua; ka sega talega ni vukica tani na matana mai vua; ia e na rogoca mai, na nona tagi. 26(25) Au na vakamolimoli ga vei kemuni e na isoqosoqo levu; au na vakayacora na noqu bubului e matadra era dau sokalou vua. 27(26) Na dravudravua era na kana era qai mamau; era na vaqoroqoroi Yahuwe (YHWH) o ira era vaqarai koya; na vuniyalodra e na bula me tawamudu. 28(27) Na veiyasa i vuravura era na nanuma, era qai vuki vei Yahuwe (YHWH);  o ira kece na vei kawatamata e na vei matanitu era na sokalou e matana. 29(28) Baleta na veimatanitu e nei Yahuwe (YHWH); O koya na daunivakavulewa e na veiveimatanitu; 30(29) Baleta o ira kece era walokai e vuravura era na kana ka sokalou e mata i Yahuwe (YHWH); o ira kece era sa bulu tu, era na tekiduru e matana; na noqu bula (soul) e bula tiko e na vukuna. 31(30) E dua na gone e na qaravi koya; o ira era kawa mai vua era na tusanaki Yahuwe (YHWH). 32(31) Era na lako mai era qai mai vakatusa na nona yalododonu, vei ira e dua na kawatamata, era se bera tiko ni sucu mai, ka kacivaka vei ira na veika a cakava o Yahuwe (YHWH).

Same (Tehellim) 22:20(19)-32(31)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 210 o/o 1670	July 29, 2012
Reading	Hebrew Date
Hoshea (Osea) 9-10	Av 10, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bolei Yisira’yili O Qoliyata (Golyat Challenges Yisra’yl)

Thought: Do Not Challenge YHWH, Especially If You Do Not Know Him

 .................

Serving For Shabbat, Av 9, 5772

MAI NA NEVI’IMI RISHONIMI (FROM THE NEVI’IM RESHONIM)

Ia o Dawide e luve ni dua na Ifirata mai Beiti-Lekema e Ya'huda, na yacana o Yishai; o koya e walu na luvena tagane; ia o koya a sa qase ka yabaki bibi sara e na gauna nei Sha'ula. 13 E tolu na luve i Yishai qase, e ratou a lako me ratou lai muri i Sha'ula i na ivalu; na yacadratou o Yilai'avi na ulumatua, taravi koya o Avinadave, qai kena ikatolu o Shama: 14 O Dawide e gone duadua. 15 O Davide a sa lai lesu oti mai vei Sha'ula, me lai ivakatawa tale ni sipi nei tamana mai Beiti-Lekema. 16 O ira na Pi'lishitimi era dau toro voleka mai e na veimataka kei na veiyakavi bogi, me ra mai bolebole tiko me vasagavulu na siga. 17 O Yishai e kaya vei Dawide na luvena tagane, Kauta mada vei iratou na tuakamu e dua na efa na witi tavu, kei na tini na ibuli madrai, mo cicivaka i na keba vei iratou na tuakamu: 18 Ka mo kauta tale tiko ga na tini na ibuli sucutaiyelo (cheese), vua na komada ni yaudolu ka taroga sara maivua baleti ratou na tuakamu, qai kauta mai vei au na kedratou itukutuku. 19 Ia e na gauna oya o Sha'ula, kei ira kece na tagane ni Yisira'yili era sa lai tiko e na bucabuca o Elaa, me ra vala kei ira na Pi'lishitimi. 20 O Dawide a sou vakamataka, biuti ira tu na sipi vua na ivakatawa, qai kauta me lako, me vaka a vakarota vua o Yishai; e yaco yani o koya i na keba e na buca, e toka e na maliwa ni baba, sa yaco tiko kina na tuvaivalu,  ka ra sa kaila tiko na mataivalu me tekivu na vala. 21 E na gauna rau sa tuvaivalu oti kina o ira na Yisira'yili kei ira na Pi'lishitimi, era sa qai veiraici tu, e dua na mataivalu me sa saqata na mataivalu kadua. 22 O Dawide a biuta tu ga na nona ikaukau vua e dauvakatawa iyaya, qai cici i na iyatu e liu ni vala, ni lako yani me lai vakataroga se ratou sa vakaevei tiko na tuakana. 23 Ia e na gauna e se vosa tiko kina vei iratou, raica ni a baci lako cake tale mai na qaqa, na Pi'lishti mai Qata, o Qoliyata na yacana, mai na nodra mataivalu na Pi'lishtimi, qai mai tokoruataka tiko na nona bolebole; qai rogoca kina o Dawide. 24 O ira kece na tagane ni Yisira'yili, ni ra raica na tamata qaqa, era qai domobula ka toso laivi mai vua. 25 Era kaya na tagane ni Yisira'yili, O sa raica beka na tagane e lako cake mai qo? Qo e lako cake ga mai me mai bolei Yisira'yili; e na qai yaco vua na tamata e vakamatei koya, ni na cakava na tui me vutuniyau vakalevu, solia vua na luvena yalewa, qai cakava me vagalalataki (mai na soli ni  ivakacavacava) na vale i tamana, e Yisira'yili.

26 Ia o Dawide  a se qai taroga tiko vei ira na tamata era tu volekati koya tu, ni kaya, Na cava e na caka e vukuna na tagane e vakamatea na Pi'lishiti tawateve oqo, me kauta laivi na madua mai Yisira'yili? Na cava o koya na Pi'lishiti tawateve oqo, me vosa bolebole saqata tiko kina na nona mataivalu na Kalou bula (living Mighty One)? 27 O ira na tamata era qai vakamacalataka na nona bubului na tui ni ra kaya, Qori e na vakayacori vua na tamata e vakamatei koya. 28 O Yilai'avi, na tuakana ulumatua, qai rogoci koya ni vosa tiko vei ira na tamata; qai tubu na nona cudruvi  Dawide o Yilai'avi, qai kaya, Na cava o lako sobu mai kina eke? O sa baci solia tu vei cei na qelenisipi lailai mai na vanua ni vakana manumanu? Au kila vinaka na nomu babamatua kei na duka ni vuniyalomu; o iko o baci lako ga mai mo mai sarava na ivalu.  29 Kaya o Dawide, Na cava sara mada au baci cakava qo? Raica au a vosa tiko ga. 30 E vuki tani mai vua, i na yasana kadua, qai vosavosa tale e na veika a kaya tiko; era sauma tale vua na tamata me vaka era a sa kaya oti vua.

1 Samuela (Sh’mu’yl Alef) 17:12-30

NA IVAQA NI BULA (FOOD FOR THE SOUL)

Na tamata yalodina e na tikoga na nona ivalavala vinaka (integrity); era na kalougata  kina o ira na luvena era muri i koya mai.

Vosa Vakaibalebale (Mishlei) 20:7

LOMANI YAHUWE NA NOMU KALOU (LOVE YHWH YOUR MIGHTY ONE)

ME baleta na iliuliu. E na ilagalaga ni “Cadra Na Matanisiga” Na Same i Dawide, 2(1) Noqu kaukaua (Yl), noqu kaukaua (Yl) na cava oni laivi au kina meu bula tiko? Oni qai vakaberaberataka na noqu vueti, ni oni tu yawa mai vei au, ka tu yawa mai na noqu vosa ni vutugu? 3(2) Noqu Kalou (Mighty One) au kacivi kemuni e na loma ni siga, ia oni sega ni vosa mai vei au; e na loma ni bogi, ia oni sega ni mai tiko vata kei au. 4(3) Baleta o kemuni oni yalosavasava, ia o Isira’yili e vakaitikotiko e na ruku ni nomuni veivakacaucautaki. 5(4) O ira na tama i keimami era a vakararavi vei kemuni; era vakararavi yani oni qai vakabulai ira. 6(5) Era tagici kemuni, era qai vueti, era vakararavi vei kemuni, era qai sega ni veilecayaki. 7(6) Ia o au, au dua na ulo, au sega ni tamata; au dau vakasisilataki mai vei ira na tamata ka dau sevaki vei ira na kawatamata. 8(7) O ira kece era sa raici au oti, era dau dredrevaki au ka vakalialiai au, era vanavana mai tebenigusudra ka kurea na uludra ni ra kaya; 9(8) O koya a dau vakararavi vei Yahuwe (YHWH); laivi Yahuwe (YHWH) me mai vueti koya; laivi koya me vueti koya ke taleitaki mai vua. 10(9) Baleta o kemuni oni noqu iraviravi, mai na gauna sara au se qai curu tani kina mai na katonigone, ka noqu inuinui mai na gauna au se dau bula tu kina e na sucu i tinaqu: 11(10) Au a biu e na nomuni veiqaravi mai na katonigone, o kemuni na noqu Kalou (Mighty One) mai na kete i tinaqu.

12(11) ¶ Ni kakua ni tu yawa mai vei au; ia na leqa sa voleka, baleta e na sega ni dua me veivuke. 13(12) E levu na bulumakau tagane era tu wavokiti au; na bulumakau tagane kaukaua ni Bashani era mai vakasagai au. 14(13) Na gusudra e vakasequruquru bati mai vei au, me vaka e dua na laione dauveidresulaki ka daukudru. 15(14) Au sa sovaraki yani me vaka na wai, na noqu sui taucoko e na lutu laivi mai na kedra dui isema; na vuniyaloqu sa waicala me vaka na kadrala, na noqu iwawa era sa waicala e ketequ. 16(15) Na noqu kaukaua sa mamaca me vaka e dua na ivorovoro ni kuro; na yamequ sa kabita na gadroqu; oni sa kolotaki au i na  kuvunisoso ni mate. 17(16) O ira na koli era sa tu vakavolivoliti au; e dua na ilala ni tamata lomaca era sa viribaiti au me vaka na laione, na ligaqu kei na yavaqu. 18(17) Na suiqu era sa momosi ni ra sa vutu; era qai rai mai me ra wanonovi au. 19(18) Era veivotayaka na noqu isulu e kedra maliwa, ka vakawirimadigitaki na noqu kote tiyara.

Same (Tehellim) 22:1(0)-19(18)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 209 o/o 1669	July 28, 2012
Reading	Hebrew Date
Hoshea (Osea) 5-8	Av 9, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dauqiri Hapi O Dawide (Dawide Engaged As A Hapist)

Thought: Notice That Both Spirits, Good And Evil, Emanate From YHWH

 ...................

Serving For Yom HaShishi, Av 8, 5772

MAI NA NEVI’IMI RISHONIMI (FROM THE NEVI’IM RESHONIM)

Ia na Yalo i Yahuwe (YHWH) a qai biuti Sha'ula; ia e dua na yalo velavela mai na mata i Yahuwe (YHWH) a qai dau mai vakaleqai koya. 15 Era kaya vei Sha'ula o ira na nona dauniveiqaravi, Raica, o ira na nomu dauniveiqaravi era tu qo e matamu. 16 Laivi ira me ra vaqara mai e dua na tamata dauqiri api; e na gauna kece e vakaleqai iko tiko kina na yalo velavela, o koya me na qiriqiri e ligana, me rawa ni vinaka tale vei kemuni. 17 Kaya o Sha'ula vei ira na nona dauniveiqaravi, Vaqara mai e dua na tamata e rawa ni qiriqiri vinaka, kauti koya mai vei au. 18 Sauma mai e dua vei ira na cauravou ni kaya, Raica, au a raica e dua na luve i Yishai na Beiti-Lekemi, ni dau ni qiriqiri, e tamata levu ka qaqa, e tamata ni ivalu, e cameme e na vosa, e tamata rairai totoka, ka tiko kei koya o Yahuwe (YHWH). 19 Qori a qai tala kina eso na dau kauitukutuku o tui Sha'ula, vei Yishai me ra lai kaya, Talai Dawide mada mai vei au; o koya e na mai yaga vei au. 20 E taura sara e dua na asa o Yishai, vakavodoka kina na madrai kei na tavaya kuli ni manumanu na waini, kei na luve ni me, qai vakauta e na liga i  Dawide na luvena tagane vei Sha'ula. 21 Ni yaco yani o Dawide vei Sha'ula, a qai lai duri tu e matana; a taleitaki koya vakalevu o koya a mani yaco o koya me  icolacola ni nona iyaragi. 22 O Sha'ula a qai talatala lesu vei Yishai me lai tukuni, Laivi Dawide me tiko mada ga vata kei au; baleta sa kune loloma e mataqu. 23 E na veigauna kece ga e mai vakasagai Sha'ula kina na yalo velavela mai vei Yahuwe (YHWH), O Dawide e na taura cake na nona hapi, qai qiria; qori a qai vakayalovinakataki Sha'ula me qai yalo vinaka tale me biuti koya na yalo velavela.

1 Samuela (Sh’mu’yl Alef) 16:12-31

NA IVAQA NI BULA (FOOD FOR THE SOUL)

Na (tamata) vucesa e na sega ni via  siviyara ni sa yaco mai na vula ililiwa; o koya e na qai kerekere e na vula itatamusuki, ia e na qai sega vua na ka. 5 ¶ Na ivakasala e vuniyalona e dua na tamata e vaka na ikeliwai titobu, ia na tamata vuku e na takiva cake mai. 6 ¶ E levu sara na tamata e tukuni ni ra dau yalololoma; ia na tamata dauloloma (dina), o cei e na kune i koya.

Vosa Vakaibalebale (Mishlei) 20:4-6

LOMANI YAHUWE NA NOMU KALOU (LOVE YHWH YOUR MIGHTY ONE)

ME baleta na iliuliu. E dua na Same i Dawide. 2(1) Na tui e na marau vakalevu e na nomuni kaukaua, i Yahuwe (YHWH) e na nomuni veivakabulai e na ka vakaitamera na nona marautaka! 3(2) Oni sa solia vua na gagadre ni yalona, ka sega ni bureitaka na kerekere mai tebenigusuna. Selaa 4(3) Baleta oni a se vakalougatataki koya sara mai liu, e na veivakalougatataki ni veika vivinaka; oni qai daramaka na isala ni tui vakamareqeti, e uluna. 5(4) E kerea mai vei kemuni na bula, oni solia vua, na ibalavu mada ga ni siga me tawamudu ka sega ni mudu. 6(5) Na nona dokai e vakaitamera e na nomuni veivueti; na dokai kei na lagilagi oni sa vakatikora vua. 7(6) Baleta oni sa vakalougatataki koya vakalevu sara me tawamudu; oni qai vakamarautaki koya e na reki e  matamuni.

8(7) ¶ Baleta na tui e vakararavi vei Yahuwe (YHWH); e na yalololoma ni Kalou (Mighty One) e na sega kina na yavalati o koya. 9(8) Na ligamuni e na rawai ira kece kina na kemuni meca, na ligamuni imatau e na rawai ira era cati kemuni. 10(9) Oni na cakavi ira me ra vaka na lovo katakata waromisa e na gauna ni nomuni cudru; O Yahuwe (YHWH) e na tilomi ira e na nona leva katakata, na yamenibuka waqa e na tilomi ira vakadua. 11(10) Na vuadra oni vakawabokotaka mai vuravura, na luvedra mai na kedra maliwa na luve ni tamata. 12(11) Baleta era navuca me ra veretaki kemuni, era qai vakavurea e dua na inaki dukadukali, ia era a sega ga ni vakayacora rawa. 13(12) Baleta oni a biuta e dua na we ni mavoa vei ira; oni vakavakarau moni saqati ira e matadra. 14(13) Moni vakacerecere i Yahuwe (YHWH) e na nomuni kaukaua o kemuni vakataki kemuni; keimami na qai seretaka ka vakavinavinakataka na nomuni kaukaua.

Same (Tehellim) 21:1(0)-14(13)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 208 o/o 1668	July 27, 2012
Reading	Hebrew Date
Hoshea (Osea) 1-4	Av 8, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Digitaki O Dawide Me Tui (Dawid Selected To Be King)

Thought: YHWH Does Not Necessarily See Outwardly But Inwardly

................... 

Serving For Yom Chamishi, Av 7, 5772

MAI NA NEVI’IMI RISHONIMI (FROM THE NEVI’IM RESHONIM)

Kaya O Yahuwe (YHWH) vei She'mu'yili, E na vakaevei soti na dede ni nomu loma bibi tiko baleti Sha'ula, ni o raica niu sa besetaki koya me tui tale tiko e Yisira'yili? Tawana na nomu ileu ni waiwai, lako mai; au na talai iko vei Yishai na Beiti-Lekemi; baleta au sa kunea e dua na noqu tui, e na kedratou maliwa na luvena tagane. 2 Kaya o She'mu'yili, E rawa vakacava meu lako? Ke rogoca o Sha'ula, o koya e na vakamatei au. Kaya o Yahuwe (YHWH) vei She'mu'yili, Kauta tiko e dua na bulumakau yalewa gone, qai kaya, Au lako tiko mai, meu mai cabora e dua na isoro vei Yahuwe (YHWH). 3 Sureti Yishai i na vakacabo isoro, au na qai vakaraitaka vei iko na ka mo na cakava; ia o iko mo na lumuta vei au o koya au na vakayacani koya vei iko. 4 O She'mu'yili a qai vakayacora na veika a vakarota vua o Yahuwe (YHWH); ni a  lako i Beiti-Lekema  mai Ya'huda. O ira na matua ni korolevu era a lako yani me ra lai tavaki koya, era qai taroga, Na nomuni lako mai qo e vinaka beka? 5 Kaya o koya, E vinaka; au lako tiko mai meu mai cabora e dua na isoro vei Yahuwe (YHWH); ni vakasavasavataki kemuni vakataki kemuni ka lako mai vata kei au e na kena cabori na isoro.  E a vakatabui Yishai o koya kei iratou na luvena, ka kacivi iratou i na cabori ni isoro.

6 ¶ Ia ni ratou sa lako mai, a raici Yilai'avi sara o koya, qai kaya (lo), E dina beka ni nona lumuti o Yahuwe (YHWH) e vakataki koya oqo. 7 Ia qai kaya o Yahuwe (YHWH) vei She'mu'yili, Kakua ni raica na kena irairai, se na ibalavu ni yagona; baleta au besetaki koya; baleta au sega ni rai me vaka na rai ni tamata; na tamata e raica na irairai e taudaku, ia o Yahuwe (YHWH) e raica na vuniyalo. 8 A qai kacivi Avinadave o Yishai, qai tukuna vua me taubale e mata i She'mu'yili. E kaya sara, O Yahuwe e sega talega ni digitaki koya qo. 9 A qai cakava o Yishai me lako mai o Shamma. Kaya o koya, O koya talega qo e sega ni digitaka o Yahuwe (YHWH). 10 O Yishai a qai cakava me ratou lako e mata i She'mu'yili e vitu na luvena tagane. Kaya o She'mu'yili vei Yishai, O Yahuwe (YHWH) e sega ni digitaka e dua vei ira qo. 11 Tarogi Yishai tale o She'mu'yili, O ira kece sara ga qo na nomu gone? Kaya vua o koya, E vo tiko o koya e gone duadua, ia raica, o koya e vakatawa sipi tiko. Kaya o She'mu'yili vei Yishai, Talatala me lai kau mai i ke o koya, baleta au na sega ni biubiu, me yacova ni sa lako mai i ke o koya. 12 A qai talatala o koya, qai lai kau mai o koya. O koya e yago damudamu ka kaukaua, e totoka vakaoti na yaloka ni matana, ka rairai vinaka vakaoti na kena irairai. Kaya o Yahuwe (YHWH) vei She'mu'yili, Tucake, lumuti koya, baleta qo sara ga o koya. 13 Sa qai taura o She'mu'yili na ileu waiwai, qai lumuti koya e na kedratou maliwa na tuakana. Na Yalo i Yahuwe (YHWH) a qai sobuti Dawide me tekivu mai na siga oya, lako yani. Sa qai tu o She'mu'yili, me lesu i Ramaa, i nona vale.

1 Samuela (Sh’mu’yl Alef) 16:1-13

NA IVAQA NI BULA (FOOD FOR THE SOUL)

Na nona vakadomobula na tui e vaka na kudrukudru ni laione; o koya e vakacudrui koya e na vakaleqa ga na nona bula. 3 ¶ E ka dokai vua e dua na tamata ni sega ni via vakaitavi e na veileti; ia o ira kece era lialia era na taleitaka.

Vosa Vakaibalebale(Mishlei) 20:2-3

LOMANI YAHUWE NA NOMU KALOU (LOVE YHWH YOUR MIGHTY ONE)

Me baleta na iliuliu. E dua na Same i Dawide. 2(1) Me dau rogoci iko mada ga o Yahuwe (YHWH) e na siga ni rarawa; Na yaca ni Kalou (Mighty One) i Ya’akove me taqomaki iko, 3(2) Me vakauta mai vei iko mai na nona vale tabu, me vakaukauataki iko mai loma i Saiyoni. 4(3) Laivi Yahuwe (YHWH) me nanuma na nomuni isoro, ka vakadonuya na nomuni isorokama. 5(4) Me vakadonuya mada ga vei kemuni o Yahuwe (YHWH) na gagadre ni vuniyalomuni ka vakayacora na nomuni ivakasala kece. 6(5) Keimami na vakalagilagitaki e na nomuni veivueti, e na yaca ni neimami Kalou (Mighty One) keimami na vakacerecerei; Me vakayacora mada ga na nomuni vakatakekere taucoko, o Yahuwe (YHWH).

7(6) ¶ Me tekivu e na gauna oqo, e na kilai ni o Yahuwe (YHWH) e sa vakabulai ira era nona lumuti; ka rogoci ira mai  lomalagi tabu, qai vakabulai ira e na kaukaua ni ligana imatau. 8(7) Eso era na vakararavi i na qiqi ni valu, ka so tale i na ose: ia eda veirawai ga e na yaca i Yahuwe (YHWH) na Kalou  (Mighty One). 9(8) O ira, era sa vakacuvari sobu ka ra sa bale; ia o keda eda sa vakamatari cake meda tu vakarau. 10(9) I Yahuwe (YHWH), vakabulai keimami; Laiva na neimami tui me tama mai vei keimami e na siga keimami kaci yani kina vua.

Same (Tehellim) 20:1(0)-10(9)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 207 o/o 1667	July 26, 2012
Reading	Hebrew Date
Yechezk’yl (Isikeli) 47-48	Av 7, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Talaidredre i Sha’ula (Sha’ul’s Disobedience)

Thought: YHWH Requires Obedience, Not Burnt Offering And Sacrifices

.................... 

Serving For Yom R’vi’i, Av 6, 5772

MAI NA NEVI’IMI RISHONIMI (FROM THE NEVI’IM RESHONIM)

A sou sara vakamataka o She'mu'yili me lai tavaki Sha'ula, ia qai tukuni vua, O Sha'ula sa lako sara i Karamela, ia raica ni sa lai vakaduria e dua na nona ivakananumi, oti qai veilakoyaki vakalailai ka lai lako sobu sara i Qiliqali. 13 O She'mu'yili a qai lakovi Sha'ula; kaya o Sha'ula, Me kalougata o iko na tamata i Yahuwe (YHWH); baleta au sa vakayacora na nona ivakaro. 14 Kaya o She'mu'yili, Ia na cava ga na tagitagi ni sipi e rogo tiko e daligaqu kei na domo ni okisi au rogoca tiko? 15 Kaya o Sha'ula; Qori era kau mai vei ira na 'Amaleki; baleta o ira na tamata era a vakabula mai na sipi daumaka vakaoti vata kei na okisi, era qai kauta tiko mai me ra na mai cabori vei Yahuwe (YHWH) na nomu  Kalou (Mighty One); ia na kena vo keimami a vakarusai ira vakaoti. 16 Oti qai kaya o She'mu'yili vei Sha'ula, Tu mada vakadua, meu tukuna vei iko na ka a kaya vei au o Yahuwe (YHWH) e na bogi oqo. Sauma o Sha'ula vua, Kaya mai. 17 Kaya o She'mu'yili vei Sha'ula , Raica, e dina ga ni o dau (rairai) lailai wale e matamu o iko vakataki iko; ia o a buli ga mo uludra na veimataqali i Yisira'yili, o Yahuwe (YHWH) a lumuti iko mo tui vei ira na Yisira'yili. 18 O Yahuwe (YHWH) a qai talai iko e na dua na cakacaka, ni kaya vei iko, Lako lai vaqeyavutaki ira vakadua na dau valavala ca, oya o ira na 'Amaleki, ka mo valuti ira me yacova ni ra sa tilomi (vakadua). 19 Ia na cava na vuna o a sega kina ni muria (vakaoti) na  vosa i Yahuwe (YHWH), mo lai domona tu na itoki ni ivalu, o qai cakava kina na ivalavala tawakilikili e na mata i Yahuwe (YHWH)? 20 Ba o Sha'ula ni kaya vei She'mu'yili, Au a muria na domo i Yahuwe (YHWH), niu a lako meu lai cakava na cakacaka a talai au kina o Yahuwe (YHWH); au sa kauti Aqaqi na tui 'Amaleki, mai kina qo, kau sa vakaqeyavutaki ira vakadua na 'Amaleki. 21 Ia o ira ga na tamata, era a kauta mai eso na itoki ni ivalu, na sipi kei na okisi; na veika e daumaka vakaoti, e dodonu me ra vakarusai vakaoti; me ra mai cabori vei Yahuwe (YHWH) na nomu Kalou (Mighty One) e Qiliqali. 22 Sauma o She'mu'yili ni kaya, O Yahuwe (YHWH) e sega ni taleitaka na isorokama kei na imadrali, me tautauvata kei na nona vinakata vua e dua me talairawarawa i na nona vosa.  Raica, na talairawarawa e vinaka vakaoti cake mai na isoro; kei na vakatudaliga mai na uro ni sipi tagane. 23 Na cakaisausau e tautauvata kei na vakavunene; na cakaisausau e cala bibi. Baleta ni o vakanadakuya na vosa i Yahuwe (YHWH), o koya talega sa sega ni vinakati iko mo tui tale tiko.

24 ¶ Kaya o Sha'ula vei She'mu'yili, Au sa valavala ca; baleta niu voroka na ivakaro i Yahuwe (YHWH) vata kei na nomu vosa, baleta ga niu rerevaki ira na tamata, au qai muria na domodra. 25 Au kerea kina qo, vosota na noqu ivalavala ca, ka lesu vata kei au, meu rawa ni lai sokalou vei Yahuwe (YHWH).  26 Kaya o She'mu'yili vei Sha'ula, Au na sega ni lesu i vale vata kei iko; baleta o iko o sa vakanadakuya na vosa i Yahuwe (YHWH); o Yahuwe (YHWH) talega sa sega ni vinakati iko mo tui tale tiko vei ira na Yisira'yili. 27 Ni vuki o She'mu'yili me sa vakarau lako, a qai taura o Sha'ula na buini nona kote me dreta, qai tini kadresu. 28 Kaya vua o She'mu'yili, O Yahuwe (YHWH) sa dresuka na matanitu o Yisira'yili mai vei iko e na siga edai, ka sa solia vua e dua na wekamu e vinaka cake mai vei iko. 29 O Yahuwe (YHWH) talega na kaukaua i Yisira'yili, o koya e na sega ni lasu se taro ivakasala; baleta o koya e sega ni tamata, me vaqara ivakasala.30 Kaya tale o Sha'ula, Au sa caka cala io; ia vakarokorokotaki au mada ga e matadra na nodra matua na noqu tamata, kei na mata i Yisira'yili, me daru lesu vata tale, me rawa niu lai soro vei Yahuwe (YHWH) na nomu Kalou (Mighty One). 31 Rau a mani lesu tale o She'mu'yili vata kei Sha'ula, o Sha'ula a qai lai sokalou vei Yahuwe (YHWH).

1 Samuela (Sh’mu’yl Alef) 15:12-31

NA IVAQA NI BULA (FOOD FOR THE SOUL)

Na waini e dau veivakalialiai ia na gunu kaukaua e vakavuna na karakaraivesa; o koya e gunuva vakasivia, e sega ni yalomatua.

Vosa Vakaibalebale (Mishlei) 20:1

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na Same i Dawide. 2(1) Na lomalagi e tusanaka tiko mai na lagilagi i Yahuwe (YHWH); na veika buli e macawalala era vakatakila na cakacaka ni ligana. 3(2) Na veiveisiga era vosa cake kei na veibogi era vakaraitaka na kilaka; 4(3) E sega ni dua na itukutuku se na vosa e sega ni rogo kina na domodra. 5(4) Na nodra itukutuku vinaka sa tete yani e vuravura raraba, na nodra vosa i na iyalayala kei vuravura. E viria na nona valetabu e na matanisiga e kedra maliwa, 6(5) O koya e vaka na taganevou, e curu tiko mai na nona loqi, ka mamarau me vaka na tamata kaukaua e vakarau lai veitaucici. 7(6) Na nona veitosoyaki e tekivu mai na icadracadra kei lomalagi, na nona wavoki e na yaco i na iyalayala; e sega ni dua na ka e vunitaki rawa mai na cawa ni nona icegu.

8(7) ¶ Na lawa nei Yahuwe (YHWH) e daumaka vakaoti, e na saumaka na bula (soul); na yalayala i Yahuwe (YHWH) e rawa ni nuitaki; e na vakavuna me ra yalomatua na cauravou. 9(8) Na veilawa i Yahuwe (YHWH) e dodonu, e dau vakamarautaka na vuniyalo; na ivakaro i Yahuwe (YHWH) e savasava vakaoti, e vakararamataka na mata. 10(9) Na vakarokorokotaki i Yahuwe (YHWH) e savasava, e tudei me tawamudu; na lewa i Yahuwe (YHWH) e dina ka donu vakaoti. 11(10) Era gadrevi vakalevu cake mai na koula; io mai na vatu talei talega; e kamikamica cake mai na hani vata kei na qanihani. 12(11) Mai vei ira, me kena ikuri, era vakasalataki kina na nomuni tamata e na ka oqo;  kevaka me ra bula muria, era na vakaicovitaki vakalevu sara.13(12) O cei e kila se cava na tacaqe?  Vakasavasavataki au mai na noqu veicala vuni tawamacala. 14(13) Taqomaka na nomuni tamata mai na douvaki ni ivalavala ca; me kakua ni tini me ra lewai au; qori au na qai vakasavasavataki kina mai na noqu ivalavala ca; 15(14) Laiva na vosa ni gusuqu kei na vakanananu ni vuniyaloqu me ciqomi e na nomuni rai, i Yahuwe (YHWH), na noqu dauniveivukei kei na noqu ivakabula.

Same (Tehellim) 19:1(0)-15(14)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 206 o/o 1666	July 25, 2012
Reading	Hebrew Date
Yechezk’yl (Isikeli) 45-46	Av 6, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.