Toso I Veikauloa. (Move Into the Wilderness)

Thought: Through Adversity We Will Learn, What We Cannot Learn In Prosperity

..........................................

Serving For The 31st January, 2009

O ira kece na nodra isoqosoqo na Luve i Isireli, era a qai toso mai na veikauloa mai Sini, e na nodra ilakolako me vaka na lewa nei Jiova (Yahweh) era qai lai cegu toka mai Refitimi; ia a qai sega na wai me ra gunuva na tamata. 02 Era mani veiba kei Mosese na tamata ni ra kaya, Solia vei keimami na wai me rawa ni keimami gunu. Kaya vei ira o Mosese, Na cava moni mai veiba kina vata kei au? Na cava moni vakatovolei Jiova (Yahweh) tiko kina? 03 Na tamata era a viagunu wai e keya; era qai vosavosa vei Mosese o ira na tamata, era qai kaya, Na cava li oni a kauti keimami laivi kina mai Ijipita, me keimami mai mate wale e na karamaca; o keimami, o ira na luve i keimami, kei ira na neimami manumanu? 04 A mani masu vei Jiova (Yahweh) o Mosese, ni kaya, Na cava beka meu cakava vei ira na tamata oqo? Era sa vakarau sara ga me ra vakavirilaki au e na vatu?
Lako Yani 17:2-4

Na veika kece oqo, a yaco vei ira me idusidusi, era qai volai vakaivola, me mai ka ni vuli vei ira e na donui ira na ivakataotioti ni gauna. 12 Laivi ira era nanuma ni ra sa tudei tu, me ra qaqa­rauni tiko, de ra qai bale.13 E sebera ni dua na ka ni veivakatovolei me tarai kemuni, vakavo ga na kena sa yaco tiko vakawasoma vei ira na tamata; baleta na Kalou (Elohim) e yalodina, ka na sega ni vakatara o Koya, moni vaka­tovolei e na kena mataqali oni na sega ni vorata rawa; ia e na bulia no e dua na sala moni drotaka kina na nomuni vakatovolei, me rawa ni oni colata vinaka kina.
1 Korinica 10:11




DAU WILIKA NA NOMU I VOLA TABU E VEIVEISIGA KECE SARA.
Siga 31
Tikinisiga Janueri 31
Mataka: Exodus 25-26
Yakavi: Matthew 21:1-22

Takosovi na Wasa Damu (Crossing The Red Seal)

Thought: Yahweh will make us dependent on one else but Himself

...........................................................

Serving For The 30th January, 2009

Kaya o Jiova (Yahweh) vei Mosese, Dodoka na ligamu vaka e na dela ni waitui, me suka lesu na wai i deladra na kai Ijipita, e deladra na nodra kareti ka vaka kina e deladra na daunivodo ose. 27 Sa qai dodoka na ligana o Mosese vaka e dela ni waitui, qori qai suka kina na waitui i na kena inono tudei, e na gauna e kida tiko kina na mataka; era qai via levea na kai Ijipita; ia sa vakadrukai ira na kai Ijipita o Jiova (Yahweh) ni lomoci ira e loma ni waitui. 28 Ni sa lesu na wai, a qai ubia yani na kareti kei na dau ni vodo ose, kei ira na lewe ni mataivalu nei Fero era a muri i ira i wasawasa; e a sega ni duabulu vei ira e vo. 29 Ia o ira na luve i Isireli era a taubale basikata na waitui me vaka era taubale tiko e na vanua mamaca; na wai era a qai tu me vaka na lalaga vei ira, e na yasadra imatau kei na imawi. 30 E na kena ivalavala oqo e a vueti Isireli kina o Jiova (Yahweh) mai ligadra na kai Ijipita; o ira na Isireli era a qai raici ira na kai Ijipita ni ra sa davo matemate tu e matasawa. 31 O ira na Isireli era a raica na cakacaka vakaitamera a cakava o Jiova (Yahweh) vei ira na kai Ijipita; era sa qai rerevaki Jiova (Yahweh) na tamata, ka vakabauti Jiova (Yahweh), kei na nona italatala o Mosese.
Lako Yani 14: 26-31

Keitou a bolea me keitou mate, me keitou kakua ga ni vakanuinui tale i na neitou dui kaukaua, ia Vua ga na Kalou (Elohim), o koya e vaka­turi ira na mate, 10 o Koya sa dau vueti keitou tiko mai na mate vakadomobula; o Koya, keitou nuitaka, ni na baci vueti keitou tale;
2 Korinica 1: 9-10






Read The Bible in a Year (Wili Na iVola Tabu E Na Dua na Yabaki).
Siga: 30
Tikinisiga: Janueri 30
Mataka: Lako Yani 22-24
Yakavi: Maciu 20:17-34

The Passover (Na Lakosivia)

Thought: The Passover is the Commemoration of Salvation: Past and Future

..............................................

Serving For The 29th January, 2009

Sa qai kacivi ira vata na nodra qase na luve i Isireli o Mosese, qai kaya vei ira, Ni vakatotolo moni vesuka e dua na luve ni sipi me veiraurau kei na nomuni dui matavuvale moni qai vakamatea na lami ni lakosivia. 22 Oti moni qai taura e dua na taba ni isopi, tonia e na dra ni lami, qai boroya kina na ulu kei na duru ruarua ni katuba, mai na dra ni lami sa tiko e loma ni beseni; ia me kakua ni dua vei kemuni me curu tale i tubu mai na katuba oya me yacova na mataka, 23 Baleta o Jiova (Yahweh) e na lako mai me mai vakamatei ira na kai Ijipita; ia ni raica na dra e na ulu kei na duru ruarua ni katuba, o Jiova e na qai kauta mai na marau i na katuba baleta e na sega ni vakadonuya na dauniveivakarusai me curuma na nomuni vale me vakamatei kemuni. 24 O kemuni moni vakayacora na ituvatuva vata kei na ivakaro oqo, oya o iko kei ira na luvemu me tawa mudu. 25 E na qai yaco ni oni sa yaco mai na qele sa solia vei kemuni o Jiova (Yahweh), me vaka sa yalataka oti, moni na dau qarava na ivalavala ni sokalou oqo. 26 E na qai yaco ni ra tarogi kemuni o ira na luvemuni, Na cava na ibalebale ni sokalou oqo? 27 Moni na qai sauma, Oqo na isoro ni lakosivia nei Jiova (Yahweh), o Koya e a kauta mai na marau e na nodra vale na luve i Isireli mai Ijipita, ni a vakamatei ira na kai Ijipita, qai vueta na noda vale. Sa qai cuva na uludra na tamata, me ra sokalou.
Lako Yani 12:21-27

Vakasavasavataka laivi mada na leveni makawa, moni rawa ni dua na ibuli vou, ni oni sa sega ni vakaleveni. Baleta na noda lakosivia na Mesaia, e a cabori vakaisoro e na vukuda. 08 Laiva meda marautaka na solevu, sega e na leveni makawa se na leveni ni yaloca kei na ivala­vala vakasisila, ia e na leveni ga ni savasava kei na vakatatabu.
1 Korinica 5:7-8

Read The Bible in a Year (Wili Na iVola Tabu E Na Dua na Yabaki).
Siga: 29
Tikinisiga: Janueri 29
Mataka: Lako Yani 19-21
Yakavi: Matthew 20:1-16

Na Leqalevu mai Ijipita (The Plagues in Egypt)

Thought: If we insist doing it our way, Yahweh may allow it!

.....................................................

Serving For The 28th January, 2008

A qai o Jiova (Yahweh) vei Mosese Laveta na ligamu vaka i lomalagi me sa butobuto na vanua o Ijipita, io me dua na butobuto vavaku. 22 Sa qai laveta cake na ligana o Mosese vaka i lomalagi, sa qai yaco e dua na butobuto vavaku e na vanua taucoko o Ijipita me siga tolu. 23 Era sa qai sega tu ni veirai rawa se tucake mai na vanua era toka kina me tolu na siga; ia o ira kece na luve i Isireli era a vakaicina e na nodra dui veivale. 24 Sa qai kacivi Mosese o Fero, qai kaya vua, Lako, lai sokalou e mata i Jiova (Yahweh) nomuni Kalou (Elohim); ia me ra tu ga mai eke na nomuni qelenisipi kei na nomuni bulumakau; Ia laiva ira na nomuni lalai me ra lako vata kei kemuni. 25 Sa kaya o Mosese vei Fero, E dodonu moni solia vei keimami na imadrali kei na isoro kama me keimami lai vakacabora vei Jiova (Yahweh) na neimami Kalou (Elohim). 26 Na neimami bulumakau era na lako vata kei keimami; e na sega ni vo tiko mai e duabulu na yava ni bulumakau, baleta qo e vinakati me ra kau me keimami qaravi Jiova (Yahweh) kina na neimami Kalou (Elohim); ka keimami na sega ni kila se cava tale keimmi na vatonaka vei Jiova me yacova ni keimami sa yaco e keya. 27 Ia o Jiova a qai vakaukauataka na loma i Fero, qai sega tale ni via soli i ira me ra lako. 28 A qai kaya vei Moses o Fero, lako tani mai ke, qarauna vinaka mo kakua tale ni via mai raica na mataqu. 29 Kaya o Mosese, E taudonu na nomu vosa, au na sega tale ni via mai raica na matamu.
Vakatekivu 10:21-29.

Baleta eda kilai Koya vinaka, o Koya e a kaya, “Na veisausaumi e Noqu, Au na veisausaumi lesu, e kaya na TURAGA (Yahweh) qai kuria, “Na TURAGA (Yahweh) e na lewai ira na Nona tamata.”31 E ka vakadomobula ke da lutu i ligana na Kalou (Elohim) bula.
Iperiu 10:30-31







Read The Bible in a Year (Wili Na iVola Tabu E Na Dua na Yabaki).
Siga: 28
Tikinisiga:January 28
Mataka: Exodus 16-18
Yakavi: Matthew 19:16-30

Veiliutaki O Mosese Me Vaka Na Kalou (Moses’ Leadership as Elohim)

Thought: Anything but total obedience to Yahweh is disobedience

................................................

Serving For The 27th January, 2009

A qai vosa o Jiova (Yahweh) vei Mosese, “Raica, Au sa qisi i iko mo kalou (elohim) vei Fero, ia o Eroni na tuakamu sa na nomu parofita. 02 Mo na tukuna kece na veika Au sa vakarota vei iko, ia na tuakamu o Eroni me na qai tukuna vei Fero, me sereki ira na luvei Isireli me ra biuta na nona vanua. 03 Ia Au na vakaukauataka na lewa e loma nei Fero, kau na vakalevutaka na noqu ivakatakilakila kei na noqu cakacaka mana e na vanua o Ijipita. 04 Ia o Fero e na sega ni vakarorogo vei kemudrau. Au na qai tabaka na ligaqu e Ijipita, kau na kauti ira tani mai na noqu dauniveiqaravi kei ira na noqu tamata o ira na luvei Isireli, mai na vanua vaka Ijipita e na cakacaka ni veivakadodonutaki. 05 O ira na kai Ijipita era sa na qai kila ni o Au o Jiova (Yahweh), niu sa dodoka oti yani na ligaqu i Ijipita, meu kauti ira tani mai na luvei Isireli mai na kedra maliwa. 06 O Mosese vata kei Eroni, rau a qai cakava na veika a vakarota o Jiova (Yahweh); qori rau a vakayacora. 07 O Mosese a sa yabaki walusagavulu vata kei Eroni a sa yabaki walusagavulukatolu e na gauna rau a vosa kina vei Fero.
Lako Yani 7:1-6

Me vakavinavinakataki na Kalou (Elohim) na Tama ni Noda Turaga o Jisu (Master Yahshua) na Mesaia; o Koya e sa vakalougatataki keda oti e na veimataqali veivakalougataki mai lomalagi, e na vuku ni Mesaia; 04 ka ni a digitaki keda meda Nona, ni sebera ni vakotori na yavu kei vuravura, meda na yalosavasava ka tawacala e Matana.
Efeso 1:3-4.





Read The Bible in a Year (Wili Na iVola Tabu E Na Dua na Yabaki).
Siga: 27
Tikinisiga: January 27
Mataka: Exodus 13-15
Yakavi: Matthew 19:1-15

O Mosese: Na Nona ilesilesi

Thought: Patient is a Prerequisite for Doing Yahweh’s Work

..................................................................

Serving For the 26th January, 2009

A qai yaco e na veisiga oya, ni sa tubu levu o Mosese, ni a lako i na vanua era tiko kina na kai nona, qai lai dikeva kina na nodra cakacaka kaukaua. A qai raica kina o koya e dua na kai Ijipita ni mokuta tiko e dua vei ira na kainona. 12 E a veiraiyaki o koya qai sega ni raica e dua, a mani mokuta na kai Ijipita oya, oti qai buluti koya tu e veinuku. 13 Ni lako yani e na siga tarava e a raica tale ni rau veivala tiko e rua na Iperiu; e tarogi koya e cala tiko vei rau, “Na cava o mokuta tiko kina e dua tale na wekamu? 14 Sauma vua o koya, “O cei mada a lesi iko mo mai neimami iliuliu, mo mai lewai keimami? O nanuma tiko beka mo na vakamatei au talega me vaka na nomu a vakamatea na kai Ijipita? A qai tuburi Mosese na domobula qai vakasamataka, “Sa rairai kilai raraba na ka au a cakava.” 15 Ni rogoca na itukutuku oqo o Fero, a qai segata me vakamatei Moses, ia a drotaki Fero o Mosese, qai lai vakaitikotiko mai Mitiani.
Lako Yani 2:11-15.

Ia ni da raica ni o keda tale ga, eda sa viribaiti tu e na dua na o ni ivakadinadina vakaitamera, laiva meda biuta tani na icolacola bibi kecekece kei na ivalavala ca e dau rawai keda tu vakarawarawa, qai laiva meda ciciva e na yalovosota, na veitaucici sa vakarautaki tu e matada, 02 ka laiva meda vakanamata vei Jisu (Yahshua), o koya e ivakatekivu ka ivakamaqosa ni noda vakabauta, o Koya, ni raica na reki e a rawa ni Nona, a qai vosota na kauveilatai, vosota na madua, ka sa lai dabe sara kina qo e na liga imatau ni idabedabe vakatui ni Kalou (Elohim).
Iperiu 12:1-2.

Read The Bible in a Year (Wili Na iVola Tabu E Na Dua na Yabaki).
Siga: 26
Tikinisiga: January 26
Mataka: Exodus 11:12
Yakavi: Matthew 18:21-35

Na Qase Yalodina (A Faithful Patriarch)

Thought: Yahweh’s wisdom is always at work to turn our trials around.

.....................................................

Serving For The 25th January, 2009.

Sa qai lesu i Ijipita o Josefa, o koya kei ira na tacina, kei ira kece era lako vata cake mai kei koya me ra lesu ni ra sa buluti tamana oti,
15 ¶ Ia ni ratou raica na tuakai Josefa, ni sa mate o tamadratou, eratou a qai taqaya ni ratou kaya, E na rawa ni vakamavoataki kedatou o Josefa, me tou sauma kina na ka ca kecekece tou a vakayacora vua. 16 Eratou mani lako vei Josefa, ratou qai kaya vua, o tamamu, e a vakarota ni se bula tiko, ni kaya, 17 Qo na ka mo dou na kaya vei Josefa, Vosoti keitou, keitou masuti iko, e na vuku ni nodratou cala na tuakamu vata kei na nodratou ivalavala ca; baleta ratou a vakayacora e dua na vakarau veibeci vei iko: Ia qo bau vosota na nodratou ivalavala ca na Nona dauniveiqaravi na Kalou (Elohim) nei tamamu. Sa qai tagi o Josefa ni ratou sa vosa vaka oqori vua. 18 Eratou qai torovi koya na tuakana, ka lutu sobu me ratou cuva vua; raica o keitou, keitou nomu dauniveiqaravi. 19 Sa qai kaya vei iratou o Josefa, Dou kakua ni taqaya: o au talega na dauniveiqaravi ni Kalou (Elohim)? 20 Ia o kemudou e dina ni dou a vakasamacataki au; ia na Kalou (Elohim) e a nakita me na qai mai tini vinaka, me cakava kina na veika sa cakava tu edaidai, oya me vakabula e levu na bula.
Vakatekivu 50:14-20

Oni na qai marau dina kina, ia walega qo, vakalekaleka ga, kevaka e gadrevi, oni na vakararawataki e na vica na ka ni veivakatovolei, 07 me vakadinadinataki kina na nomuni vakabauta, ka ni talei cake mai na koula sa vakasavasavataki oti e na bukawaqa, me qai rawa kina ni kune ni dodonu me vakacaucautaki, me vakavina­vinakataki ka vakarokorokotaki e na gauna e basika mai kina o Jisu (Yahshua) na Mesaia;
1 Pita 1:6-7

Read The Bible in a Year (Wili Na iVola Tabu E Na Dua na Yabaki).
Siga: 25
Tikinisiga: January, 2009
Mataka: Exodus 9-10
Yakavi: Mattthew 18:1-20

Toso na iLakolako I Ijipita (The Move to Egypt)

Thought: Can you continue to love those who vilify, slander and insult you?

............................................................

Serving For The 24th January, 2009

Sa qai toso o Isireli vata kei na veika kece e taukena, ia ni sa yaco i Biasiba, e qai vakacabora e dua na isoro vua na Kalou (Elohim) nei Aisake na tamana. 02 A qai vosa vei Isireli na Kalou (Elohim) e na dua na raivotu e na bogi, qai kaya, I Jekope, Jekope! Sauma o koya, O au saka qo. 03 Kaya vua o Koya, O au o Jiova (El), na Kalou (Elohim) nei tamamu: kakua ni rivarivabitaka mo lako sobu i Ijipita; baleta e keya Au na cakava mo dua na kawatamata vakaitamera. 04 Au na lako sobu vata kei iko i Ijipita; kau na kauti iko cake tale vakaidina mai keya; o Josefa ga e na qai sogota na matamu e na gauna o mate kina.
05 ¶ A qai cavutu mai Biasiba o Jekope: ia o ira na luve i Isireli, era qai colati Jekope na tamadra, kei ira na nodra lalai, vata kei na dui watidra, e na kareti ni usatamata, e a vakatala sobu o Fero me lai kauti ira mai. 06 Era a kauta na nodra manumanu, kei na nodra iyau, era a rawata mai na vanua o Kenani, era qai curu i Ijipita, o Jekope kei ira kece na luvena vata kei koya. 07 O ira na luvena tagane kei na makubuna tagane, na luvena yalewa kei na makubuna yalewa; kei ira kece na nona kawa e a kauti ira mai vata kei koya i Ijipita.
Vakatekivu 46: 1-7

“Kevaka oni vosoti ira na tamata e na nodra cala, o Tamamuni e tiko mai lomalagi e na vosoti kemuni talega.
Maciu 6:14



Read The Bible in a Year (Wili Na iVola Tabu E Na Dua na Yabaki).
Siga: 24
Tikinisiga: 24th January
Mataka: Lako Yani 7-8
Yakavi: Maciu 17

Tekivu na Dausiga(The Famine Begins)

Thought: During times of Trials, the Servants of Yahweh are Prepared.

...................................................................

Serving For the 23rd January, 2009

Vei Josefa a qai sucu e rua na luvena tagane, ni sebera ni tekivu na veiyabaki ni dausiga, e a vakasucuma vua o Asenaca, na luve i Potifera na bete mai Ono. 51 O Josefa a qai vakatoka me yaca ni nona ulumatua o Manasa, baleta, na Kalou (Elohim) a kaya, Sa cakava meu guilecava na noqu leqaleqa taucoko, vata kei na vale nei tamaqu. 52 Ia na ikarua a vakayacana o koya me o Ifereimi; baleta na Kalou (Elohim) sa cakava meu vuavuai vinaka e na vanua ni noqu vakararawataki.53 Oti sa qai cava na veiyabaki ni sautu e vitu, e na vanua o Ijipita. 54 Sa qai tekivu me yaco mai na veiyabaki ni dausiga, me vaka a kaya o Josefa: sa qai yaco na dausiga e na veivanua kece mai Ijipita. 55 Ia ni sa tekivu me ra viakana na vanua taucoko o Ijipita, era sa qai tagi vei Fero baleta sa oti mai na madrai : sa qai kaya vei ira na kai Ijipita kece sara o Fero, Lako vei Josefa; na ka e kaya vei kemuni o koya moni cakava; 56 ni sa kovuta sara na vanua taucoko na dausiga, sa qai dolava na lololo kece o Josefa, me sa yaco na volivolitaki vei ira na kai Ijipita, 57 E a waromisa na dausiga e na vanua o Ijipita. Na tamata mai na veivanua era sa qai lako mai i Ijipita me ra mai voli witi (grain); baleta sa waromisa dina ga na dausiga e veivanua kece.
Vakatekivu 41:50-57

Au dau vakavinavinakataka na noqu Kalou (Elohim) e veigauna kece, kau dau nanumi iko e na noqu masu, 05 mai na gauna au a rogoca kina na nomu vakabauta kei na nomu lomana na Turaga o Jisu (Master Yahshua) vata kei ira kece na digitaki, 06 me rawa ni vakavatukana na nomu vakabauta e na kena cakacakataki, me qai kilai raraba na veika vinaka e tiko vei iko e na vuku i Jisu (Yahshua) na Mesaia.
Filimoni 1:4-6

Read The Bible in a Year (Wili Na iVola Tabu E Na Dua na Yabaki).
Siga: 23
Tikinisiga: Janueri 23
Mataka: Lako Yani 4-6
Yakavi: Maciu 16

Toso cake Nei Josefa (Ascent of Joseph)

Thought: Yahweh often camouflages opportunities to look like calamities

.............................................

Serving For the 22nd January, 2009

Taro o Fero vei ira na nona tamata, Eda na kunea rawa beka e dua na tamata vakaoqo, e tiko vua na yalo ni Kalou (Elohim)? 39 Kaya o Fero vei Josefa, Baleta ni a vakatakila vei iko na veika kece oqo na Kalou (Elohim), sa na sega ga kina ni dua e yalomatua se vuku me vakataki iko: 40 O sa na lesi qo mo qarava na noqu matavuvale; o ira kece na noqu tamata era sa na vakataulewataki ka vauci e na nomu vosa: e na gauna ga au dabeca tiko kina na noqu idabedabe vakatui, au na qai cecere kina vei iko. 41 Kaya tale o Fero vei Josefa, Raica, au sa lesi iko mo sa na kovana ni vanua taucoko o ijipita. 42 Sa qai luvata laivi na nona mama mai ligana o Fero, qai biuta e na liga i Josefa, qai vakaisulutaki koya e na lineni matailalai, ka vakataubena vua na sinucodo koula. 43 Sa qai cakava me vodo e na dua tale na nona kareti e taukena o koya. Era qai kailavaka kece e matana, Tamai keimami, neimami Kovana! Qori na kena ivalavala era a lesi i koya kina me Kovana e na vanua taucoko o Ijipita. 44 Kaya tale o Fero vei Josefa, O au o Fero, au sa vakarota me kakua ni caka e dua na ka e na vanua o Ijipita ke sega ni soli mai vei iko na kena veivakadonui.
Vakatekivu 41:38-44.

Ia na Kalou (Elohim) e digitaki ira era lialia e vuravura me ra vakatubu madua vei ira era vuku; na Kalou (Elohim) talega e digitaki ira na gogo e vuravura, me ra vakatubu madua vei ira na qaqa.
1 Korinica 1:27

Read The Bible in a Year (Wili Na iVola Tabu E Na Dua na Yabaki).
Siga: 22
Tikinisiga: Janueri 22
Mataka: Lako Yani 1-2
Yakavi: 14:21-39

Na Volitaki Nei Josefa (The Selling of Joseph)

Thought: Life’s Trials Makes Us Better

............................................

Serving For The 21st Januery, 2009

A qai yaco ni sa tadu yani o Josefa vei iratou na tuakana, ni ratou a luvata mai vua na kote sau levu a dara tiko; 24 Eratou colati koya eratou qai kolotaki koya i loma ni qara; ia na qara a lala tu, a sega ni tawa tu e loma na wai. 25 Eratou sa qai toka sobu me ratou kana madrai; ia ni ratou rai cake, ratou qai raica e dua na ilawalawa kai Arapea ni ra lako tiko mai Kiliati, na nodra kameli a usana tiko mai na drega, na waiwai ni veimasi kei na muru; qo era a toso tiko me ra kauta sara i Ijipita. 26 Kaya o Juta vei iratou na tacina, Na cava na kena yaga vei kedatou ke tou vakamatea na tacidatou, me tou qai tabonaka na nona dra? 27 Mai me tou volitaki koya vei ira na kai Arapea, ka laiva me tou kakua ni vakamatei koya; baleta o koya e tacidatou ka lewe ni yagodatou. Eratou mani rogoci koya o ratou na tacina. 28 Oti era qai lako mai eso na dauveivoli ni Mitiani; eratou mani yaviti Josefa cake mai na qara, ratou qai volitaki Josefa vei ira na kai Arapea e na isau e ruasagavulu na tikinisiliva; era qai kauti koya sara mai i Ijipita.
Vakatekivu 37:23-28

Na cava tale meda qai kaya e na veika oqo? Ke to vata kei keda na Kalou (Elohim), o cei e na rawa ni saqati keda? 32 Ke a sega ni bureitaka na Luvena dina, ia qai soli i Koya mai e na vukuda; e na qai dredre vakacava Vua me solia wale vei keda na veika kece e tu vua?
Roma 8:31

Read The Bible in a Year (Wili Na iVola Tabu E Na Dua na Yabaki).

Siga: 21
Tikinisiga: Janueri 21
Mataka: Vakatekivu 49-50
Yakavi: Maciu 14:1-20

Veisau na Yaca i Jekope (Jacob’s name changed)

Thought: What is your name from Yahweh’s Perspective; Ego, Stiffneck, Self-pity?

...........................................................

Serving for the 20th January, 2009

Ia ni raica na tagane oya ni na sega ni rawati koya, a qai tara na veiuturi ni dibina; qai lutu na sui ni dibina o Jekope, e na gauna e veibo tiko kei vata koya. 26 Sa qai kaya na tagane oya vua, Biuti au meu lako baleta sa kida tiko mai na mataka. Kaya vua o Jekope, Au na sega ni biuti iko vakavo sara kevaka mo vosa vakalougatataki au. 27 Tarogi koya o koya, O cei na yacamu? Kaya o koya, o Jekope. 28 Kaya tale vua o koya, Na yacamu sa na sega tale ni vakatokai me o Jekope, sa na yacamu o Isireli (Na ravouvou ni Kalou (Elohim)); baleta o sa vakaraitaka na nomu kaukaua ni o veibo vata kei na agilosi ka vaka kina kei na tamata, sa namu na qaqa. 29 Tarogi koya o Jekope ni kaya Yalovinaka tukuna mada mai vei au na yacamu. Kaya o koya, Na cava mo taroga kina vei au na yacaqu? Sa qai vosa vakalougatataki koya e keya na agilosi. 30 A qai vakatoka na vanua oya o Jekope me yacana o Penueli; baleta e kaya o koya, keirau sa veiraimata kei na dua na agilosi, ia na noqu bula a qai taqomaki. 31 A qai cadra vua na matanisiga e na gauna e biuti Penueli tiko kina, ia sa kiso tiko na yavana baleta na dibina.
Vakatekivu 32:24-31.

“Ia kakua ga ni marau baleta era sa guce tiko vei kemuni na jimoni; marautaka ga ni sa volai tu na yacamuni mai lomalagi.”
Luke 10:20.

Vei koya e veirawai, Au na lesi i koya me dua na duruvesi e na valenisoro ni Noqu Kalou (Elohim), ka na sega ni lutu laivi tale. Au na vola vua na yaca ni Noqu Kalou (Elohim), vata kei na yaca i Jerusalemi Vou e a vakau sobu mai lomalagi, mai Vua na Noqu Kalou (Elohim). Au na vola talega vua, na Yacaqu vou.
Vakatakila 3:12.

Read The Bible in a Year (Wili Na iVola Tabu E Na Dua na Yabaki).
Siga: 20
Tikinisiga: January 20
Mataka: Vakatekivu 46-48
Yakavi: 14:22-36

Note: Today is the inauguration of the New President of the United States of America, Mr Barak Obama and his VP Mr Joseph Biden.

O Isoa Na Taci i Jekope

Thought: Yahweh ensures our destiny; pain is avoided when we rely on Yahweh

....................................................

Serving For The 19th January, 2009

Ia ni sa raica o Isoa ni sa vosa vakalougatataki Jekope na tacina, o Aisake, qai talai koya i Patana-erama me lai digitaka e dua na watina mai keya, ia ni sa vosa vakalougatataka tiko, ni a qai vakarota vua, Raica mo kakua ni vakawatitaka e dua vei ira na goneyalewa ni Kenani; 07 A qai vakarorogo vei rau o tamana kei tinana o Jekope, qai lako i Patana-erama; 08 E a raica rawa o Isoa ni o Aisake na tamana, e sevaki ira na goneyalewa ni Kenani; 09 Sa mani lako vei Isimeli na luvei Eparayama o Isoa, qai tauri Bisimati, na luvei Isimeli yalewa, na luve i Eparayama tagane ka taci i Nepioca me watina, me ikuri ni watina tale eso.
Vakatekivu 28:6-9.

Na ikalawa kece ni tamata vinaka e vakataudeitaka o Jiova (Yahweh), o Koya e a navuca na sala me na muria. Kevaka e mani tacaqe, ia e na sega ga ni lutu baleta o Jiova (Yahweh) e tubera tiko na ligana.
Same 37:23-24.

O Jiova (Yahweh) ga e noqu iVakatawa; sa na sega kina na ka me sega vei au. 02 E vakavuna o Koya meu dau cegu e na veivanua veico drokadroka, e tuberi au tiko e na bati ni wai e toka malua. 03 O Koya e dau vakabulabulataka na noqu bula (soul). E dau tuberi au e na sala ni yalododonu e na vukuni Yacana. 04 Io, e dina keu taubale kosova na buca ni yaloyalo ni mate, Au na sega ni nuiqawaqaqawataka na ca, baleta o Kemuni oni tiko vata kei au; Na nomuni moto kei na nomuni itoko era dau taqomaki au. 05 Oni sa vakarautaka tu e dua na teveli e mataqu, e na kedra maliwa na kequ meca; oni dau lumuta na uluqu e na ilumu, na noqu bilo sa vuabale. 06 Sa dina ga ni na dau muri i au na nomuni yalovinaka kei na nomuni yalololoma e veisiga kece ni noqu bula; kau sa na lai vakaitikotiko voli ga e na vale nei Jiova (Yahweh) me tawamudu.
Same 23:1-6.




Read The Bible in a Year (Wili Na iVola Tabu E Na Dua na Yabaki).
Siga: 19
Tikinisiga: Janueri 19
Mataka: Vakatekivu 44-45
Yakavi: Maciu 14:1-21

Na Bula Nei Jekope (Jacob’s Life)

Thought: Always Allow Yahweh’s Ways to Prevail:

........................................................

Serving For The 18th January, 2009

Sa qai kaya o Jekope vei Lepani, Solia mai vei au na watiqu, baleta au sa otiva na noqu gauna, meu sa rawa ni tekivu tiko vata kei koya. 22 Sa mani soqoni ira vata na tamata kece e na vanua oya, o koya, ka vakarautaka e dua na magiti. 23 E na yakavi bogi oya, e a kauti Lia mai, na luvena yalewa, qai soli i koya vua; a qai curu yani o Jekope rau qai veiyacovi. 24 E a soli i Silipa na nona vada vei Lia o Lepani, me sa nona vada. 25 Ia qai yaco e na mataka ni raica o koya ni o Lia; qai kaya vei Lepani, o Jekope, Na cava mo cakava kina na ka qo vei au? Au a sega beka ni cakacakataka me watiqu o Rejeli? Na cava o lawakitaki au kina? 26 Sauma o Lepani vei Jekope, E sega ni kena ivalavala e na neimami vanua, me soli tu e liu o koya e gone me vakamau, ni sebera o koya e qase. 27 Vakaotia mada na solevutaki ni nona vakamau, au na qai soli i koya kadua vei iko, oti mo qai cakacaka tale tiko vei au me vitu tale na yabaki. 28 Sa mani cakava vaka kina o Jekope, ka qarava vakaoti na nona solevu ni vakamau: oti sa qai soli i Reijieli na luvenayalewa vua, o Lepani, me watina. 29 O Lepani a qai soli i Biliha na nona vada vei Reijieli na luvena, me sa nona vada. 30 Sa qai curu vua me rau veiyacovi talega kei Reijieli; e a domoni Reijieli vakalevu cake vei Lia, qai cakacaka tale tiko vei Lepani me vitu na yabaki.
Vakatekivu 29:21-30

Na vuniyalo e dau babamatua vei ira na veika kece, o cei e na kila rawa? O au o Jiova (Yahweh) au na vakadeuca na vuniyaloni tamata, ka vakalewa na vakasama, ka vakaicovitaka na tamata kece me veiraurau kei na nona ivalavala, vata kei na vua ni nona cakacaka.
Jeremaia 17:9-10




Read The Bible in a Year (Wili Na iVola Tabu E Na Dua na Yabaki).
Siga: 18
Tikinisiga: Janueri 18
Mataka: Vakatekivu 42-43
Yakavi: Maciu 13:33-58

Na Bula Nei Aisake (Incidents in Isaac’s Life)

Thought: Do not lean on our own reasons; Always cling to Yahweh

..........................................................

Serving For The 17th January, 2009

A bula voli ga mai Katara o Aisake: 07 O ira na tagane ni yasayasa oya era taroga me baleti watina; qai kaya o koya; O koya na ganequ; baleta a nuiqawaqawataka o koya me kaya O koya na watiqu; de ra qai vakamatei koya na tamata ni vanua oya e na vuku i Repeka, baleta ni rairai vinaka o koya ni laurai. 08 A qai yaco ni sa dede na nona tiko e keya, ni a vakararai tiko mai na nona katubaleka o Apimeleki na tui Filisitia, ni a raici Aisake ni rau veiqitori tiko kei Repeka na watina. 09 A mani kacivi Aisake o Apimeleki, qai kaya, Sa raica, o koya na watimu; e rawa vakacava mo kaya tiko, O koya na ganequ? Sauma vua o Aisake, Baleta au a kaya, Deu na vakamatei e na vukuna. 10 Kaya vua o Apimeleki, Na cava mo cakava kina vaqo vei keimami? E a rawa sara ga ni dua vei keimami me a tini veiyacovi kei watimu, mo qai vakavuna vei keimami na ivalavala ca! 11 Oti qai vakaroti ira kece na tamata o Apimeleki, ni kaya, O koya e vakatubu ca vua na tamata qo vata kei watina e na vakamatei.
Vakatekivu 26:6-11

E a lako cake mai keya i Biasiba. 24 A qai rairai vua e na bogi oya o Jiova (Yahweh), qai kaya, O au na Kalou (Elohim) i Eparayama na tamamu; kakua ni taqaya, Au sa tiko qo vata kei iko, Au na vakalougatataki iko ka vakalewelevutaka na nomu dauniveiqaravi. 25 A qai tara e dua na icabocabo ni isoro e keya, qai kaciva na yaca i Jiova (Yahweh) ka birika na nona vale laca e keya: e keya talega era qai kelia kina e dua na ikeliwai o ira na tamata nei Aisake.
Vakatekivu 26:23-25

Vakararavi vei Jiova (Yahweh) mai vuniyalomu, kakua ni vakanuinui i na nomu vuku. 06. E na nomu itosotoso kece sara, vakarorogo Vua, O koya e na qai dusimaka na nomu sala.
Vakaibalebale 3: 5-6





Read The Bible in a Year (Wili Na iVola Tabu E Na Dua na Yabaki)
Siga: 17
Tikinisiga: Janueri 17
Mataka: Vakatekivu 41
Yakavi: Maciu 13:1-32

Ni Mate Oti o Eparayama (After Abraham’s Death)

Thoughts: No matter how important we are; someone else will take over:

----------------------------------------

Serving For The 16th January, 2009

Ia oqo na veisiga ni nona yabaki ni bula o Eparayama; e duanadrau vitusagavulu na yabaki. 08 Oti qai tauvimate o Eparayama, ka mate yani baleta ni sa qase ga, ia a marautaka na nona veisiga ni bula; sa qai toki vei ira na nona tamata. 09 O rau na luvenatagane o Aisake kei Isimeli, rau a qai buluti koya e na qara-vatu tabarua mai Makipela, e tiko e na vanua nei Efironi na luve i Soari na Hitaiti, oqori me donui Mamire; 10 qori na qele a volia o Eparayama mai vei ira na luvei Heta: me nona ibulubulu. E keya e a bulu kina Eparayama vata kei Sera na watina.
Vakatekivu 25:7-10

A qai masuti Jiova (Yahweh) o Aisake e na vuku i watina baleta ni yava tu; a qai rogoci koya o Jiova (Yahweh), sa qai kunekune o Repeka na watina. 22 Rau a veimulemule tiko o rau na gone e loma ni katonigone nei tinadrau; qai kaya o koya, Kevaka me na vakatiko oqo, na cava beka meu bula tiko kina? A mani lako me lai tarogi Jiova (Yahweh). 23 Kaya vua o Jiova (Yahweh), E rua na kawatamata e rau tiko qori e na nomu katonigone; e rua na matanitu rau na kau mai yagomu: e dua vei rau na matanitu, e na kaukaua cake mai vei koya kadua; o koya e qase e na veiqaravi vei koya e gone. 24 E na gauna sa yaco mai kina na siga me vakasucu kina, raica ni rau drua rau a tiko e nona katonigone. 25 Na imatai a sucu mai a damudamu qai vutivutia vakadua tu; era qai kacivi koya me yacana o Isoa: 26 Ni sa sucu oti o koya, sa qai sucu mai o tacina, ka qumia tiko mai na bukubuku ni yava i Isoa; O Aisake a sa yabaki onosagavulu e na gauna a vakasucumi rau kina o Repeka.
Vakatekivu 25:21-26

Sa qai kaya o Jisu (Yahshua) vei ira, “E dina, e dina na ka Au kaya vei kemuni, ni sebera ni sucu o Eparayama, o au ga.”
Joni 8:58

Read The Bible in a Year (Wili Na iVola Tabu E Na Dua na Yabaki)
Siga: 16
Tikinisiga: Janueri 16
Mataka: Vakatekivu 38-39
Yakavi: Maciu 12:22-50

Na Bula Nei Eparayama (Incidents in Abraham’s Life)

Thought: Forsaking All, I Trust Yahweh

-------------------------------------

Serving For The 15th January, 2009

O Eparayama a qai vakayacana na luvenatagane e a sucu vua, ni vakasucuma vua o Sera, me yacana o Aisake. 04 O Eparayama a qai tevea na luvenatagane o Aisake e na gauna sa siga walu kina, me vaka a vakaroti koya kina na Kalou (Elohim). 05 A sa yabaki duanadrau o Eparayama e na gauna a sucu kina vua o Aisake na luvena tagane. 06 A qai kaya o Sera, Na Kalou (Elohim) sa vakamarautaki au vakalevu; o ira kece era rogoca na itukutuku oqo era na marau vata kei au. 07 A qai kaya tale o koya, O cei beka e a rawa ni kaya vei Eparayama mai liu, ni o Sera e na qai vakasucuma e dua na gone? Qo au sa vakasucuma vua e dua na luvenatagane e na gauna sa qase tu kina. 08 A qai tubu na gone, oti qai kali; qai vakarautaka e dua na magiti levu o Eparayama e na siga a kali kina o Aisake.
09 ¶ O Sera a qai raica na luve i Eka na yalewa ni Ijipita, e a vakasucuma vei Eparayama, ni veivakalialiai tiko. 10 Qori qai kaya kina vei Eparayama o koya, Vakatala laivi na yalewa bobula qo vata kei na luvenatagane; baleta na luvenatagane na vada qo e na sega ni dua na nona iwase vata kei na luvequtagane o Aisake. 11 E a rarawataka vakalevu o Eparayama na ka oqo. 12 A qai kaya na Kalou (Elohim) vei Eparayama, Kakua ni rarawa e na vukuni gonetagane vata kei na vada; na cava ga e kaya vei iko o Sera, cakava; baleta na nomu kawa e na vura mai vei Aisake 13 Na luvenatagane na nomu vada au na cakava talega me dua na matanitu levu baleta ni nomu kawa talega.
Vakatekivu 21:3-13

Na vakabauta; oqori na kena vakavatukanataki na veika eda nuitaka tiko, me vaka beka ni sa yaco oti; ka ivakadinadina ni veika e sebera ni laurai.
Iperiu 11:1

Read The Bible in a Year (Wili Na iVola Tabu E Na Dua na Yabaki).
Siga: 15
Tikinisiga: Janueri 15
Mataka: Vakatekivu 36-37
Yakavi: Maciu 12:1-21

Sucu E Dua Na Matanitu (Birth of a Nation)

Thoughts: In times of Crisis we need to turn to Yahweh as Abraham did!

-------------------------------------------

Serving For The 14th January, 2009

Ni sa kida na mataka, rau qai vakauqeti Lote na agilosi, ni rau kaya, Cavu tu, kauta na watimu kei rau na luvemuyalewa dawai, de dou qai kovu e na itotogi ni korolevu oqo. 16 Ia a vakayabeyabe tikoga o Lote; rau mani taura na ligana, na liga i watina, kei na ligadrau na luvenayalewa; baleta a lomani koya na Kalou (Yahweh); rau qai kauti ratou i tuba, rau qai lai biuti ratou e na ibili ni koro. 17 A qai yaco ni rau sa kauti ratou i na ibili ni koro, ni rau qai kaya vei Lote, Dou drovaka na nomudou bula; kakua tale ni railesu, se cegu e na dua na vanua e na loma ni buca; de dou qai rusa. 18 Ia o Lote a qai vakamamasu vei rau, Au masuti kemudrau na noqu turaga (master): 19 Raica qo, na nomudrau dauniveiqaravi, sa kune loloma e matamudrau, ka vakaitamera na veitokoni drau sa vakaraitaka vei au e na nomudrau mai vueta na noqu bula; ia au na sega ni dro rawa sara i na ulunivanua, de qai toboki au na ca au qai mate; 20 Raica na koro qo e voleka ga meu dro kina, ka ni koro lailai ga. Isa vakatara meu dro ga kina; ia raica baleta ni lailai wale, na noqu bula e na taqomaki. 21 Kaya vua o koya, Raica, au sa na vakatara vei iko e na ka oqo, au sa na sega kina ni vukica vakatoboicu na koro o sa cavuta oqo: 22 vakatotolo sara mo dro i keya; baleta au na sega ni cakava rawa e dua na ka me yacova ni o sa curu sara kina. Qori a qai vakatokai kina na koro oya me yacana o Soa. 23 A sa cadra tiko na matanisiga e vuravura e na gauna sa curu kina o Lote mai Soa.
24 ¶ Sa qai vakatauca o Jiova (Yahweh) na salafa kei na bukawaqa e dela i Sotoma kei Komora, oya mai Vua na Kalou (Yahweh) mai lomalagi. 25 A qai vukica vakatoboicu na veikoro lelevu kei na veibucabuca kei ira kece na itaukei ni yasayasa oya kei na veika kece era bula mai na qele.
26 ¶ Ia o watina a qai railesu mai dakuna, qai vuki me duru masirna.
27 ¶ O Eparayama a sou sara vakamataka me lako i na vanua a tu kina e mata i Jiova (Yahweh). 28 Oti qai rai vaka i Sotoma kei Komora, kei na yasayasa ni veibuca, a qai raica, ni sa tubu tiko i macawa na kubou ni vanua me vaka na lovo ni vakawaicalataki kaukaumea. 29 A qai yaco, ni sa vakarusa oti na veikoro ni buca ca na Kalou (Elohim), ni a qai nanumi Eparayama na Kalou (Elohim) ni a vakatalai Lote laivi mai na loma ni vanua e a vakarusa, e a vakaitikotiko kina.
Vakatekivu 19: 15-29

Oqo na inuinui eda vaka­raravi tiko kina Vua, oya ni da kerea Vua e dua ga na ka, e veidutai kei na Nona inakinaki, e na rogoci keda o Koya. 15 Kevaka eda kerei koya me rogoci keda e na veika eda kerea vua, eda sa na kila dei ni da sa ciqoma oti mai vua na veika eda gadreva.
1 John 5:14-15




Read The Bible in a Year (Wili Na iVola Tabu E Na Dua na Yabaki).
Siga: 14
Tikinisiga: Janueri 14
Mataka: Vakatekivu 33-35
Yakavi: Maciu 11

Na Veiyalayalati Kei Eparayama (The Abraham Covenant)

Thought: Yahweh will breath into any impossible situation to make it possible.

-----------------------------

Serving For The 13th January, 2009

Ni sa yabaki ciwasagavulu ka ciwa o Eparama, a qai rairai o Jiova (Yahweh), qai kaya vua, O au na Kalou Kaukauwa (El Shaddai): kevaka me donu tiko na nomu i valavala e mataqu, qai sega na nomu cala: 02 Au na qai vakaduria e dua na veiyalayalati e na kedaru maliwa o iko kei au; au na vakalewevuqataki iko vakalevu sara. 03 A qai cuva sobu e matana o Eparama; a qai vosa vua na Kalou (Elohim) ni kaya, 04 Qo au na cakava, raica, au sa na vakduria na noqu veiyalayalati vata kei iko, o na yaco mo tamadra e vuqa na tamata: 05 Na yacamu sa na sega ni vakatokai o Eparama; sa na yacamu o Eparaya ma; baleta au sa lewa mo tamadra e vuqa na tamata. 06 Au na cakava mo vakaluvea vaka levu, me tubu vakalevu sara kina na kemu iwiliwili; au na cakava mo tamadra e vuqa vakavuqa na matanitu; na vei tui era na tubu maivei iko:
07 ¶ Au na vakataudeitaka na noqu veiyalayalati vata kei iko, ka me kovuti ira na nomu kawa e na nodra dui itabagauna kece ka me veiyalayalati tawamudu, Au na qai Kalou (Elohim) vei kemuni vata kei ira na nomu kawa era na muri i iko mai.
Vakatekivu 17: 1-7

Oqori na vuna, e a lesi kina me itini ni veiyalayalati vou o Koya (na Mesaia), e na Nona mate me sereki ira kina mai na ivalavala ca a yaco e na veiyalayalati makawa, me qai rawa kina vei ira era digitaki, me ra ciqoma na nodra ivotavota ni bula tawamudu yalataki.
Iperiu 9:15





Read The Bible in a Year (Wili Na iVola Tabu E Na Dua na Yabaki)
Siga: 13
Tikinisiga: Janueri 13
Mataka: Vakatekivu 31-32
Yakavi: Maciu 10: 24-42

Kacivi Eparayama na Kalou (Yahweh calls Avraham)

Thought: A Life of Faith and Its Tests and Trials!

-------------------------------------

Serving For The 12th January, 2009

A qai cakava o Eparama na veika kece a vakarota vua o Jiova (Yahweh), ia o Lote a qai salavata kei koya: o Eparama a sa yabaki vitusagavulu ka lima, e na gauna a biubiu kina mai Harana. 05 O Eparama a kauti Sarai na watina kei Lote na luve i tuakana tagane, kei na nodratou iyau kece eratou a rawata kei ira na tamata eratou a tauri mai Harana: sa qai toso na nodratou i lakolako i na vanua o Kenani; eratou a qai yaco i na vanua o Kenani. 06 O Eparama a takosova na veivanua yawa sara me vakataki Sikemi, kei na veikau yawa me vakataki Mamire. O ira na kai Kenani era a vakaitikotiko mai keya e na gauna oya. 07 Oti qai rairai vei Eparama o Jiova (Yahweh), qai kaya vua, Vei ira na nomu kawa Au na solia na vanua oqo; O Eparama a qai tara e keya e dua na icabocabo ni isoro vei Jiova (Yahweh), o koya e a rairai vua. 08 Mai keya a qai toso i na dua na ulunivanua vaka i na tokalau e cake kei Peci-ela, qai lai birika e keya na nona valelaca, me toka o Peci-ela e na Vuaira (west) ka toka o Ai e na tokalau e cake (east); e keya e a tara kina e dua na icabocabo ni isoro vei Jiova (Yahweh), oti qai masu e na yaca i Jiova (Yahweh). 09 Ia a toso tiko ga o Eparama vaka i na ceva (south).
Vakatekivu 12: 4-9

E na vakabauta, o Eparayama, ni sa kacivi me cavutu ka lako i na qele e na ciqoma tiko me kena iwasewase vakaitaukei, e a talairawarawa; a qai lako yani, ni sega tu mada ga ni kila na vanua a lako tiko kina. 09 E na vakabauta a lai tu yasa e na vanua a yalataki vua, e na dua na vanua tani, ka bula voli ga e na vale laca vata kei rau o Aisake kei Jekope, o rau, ratou vakaiwasewase vata e na yalayala oqori;
Iperiu 11: 8-9





Read The Bible in a Year (Wili Na iVola Tabu E Na Dua na Yabaki)
Siga: 12
Tikinisiga: Janueri 12
Mataka: Vakatekivu 29-30
Yakavi: Maciu 10:1-23

Sauma Mai Na Kalou Vei Jope (Yahweh Answers Job)

Thought: Yahweh deals with our trials by helping us to see Him better.

-----------------------------------

Serving For The 11th January 2009

Na Kalou (El) e na vadugu mai na domona; e lelevu ka lagilagi na veika e na vakayacora, eda na sega ni vakasamataka rawa.
06 ¶ E kaya o Koya i na uca cevata, “Lutu yani i vuravura; e vaka kina se uca mimiri se uca tau bi. 07 E yalana na nodra kaukaua na tamata kece; me rawa vei ira kece me ra kila na Nona cakacaka. 08 Era na curu na manumanu kila i na veivanua ni nodra ivunivuni, ka ra tiko vakadua e loma ni nodra qara. 09 Mai na loqi e loma, e liwa mai kina na covulaca; kei na batabata mai na uca taubi, 10 Mai na icegu ni Kalou (El) e soli mai na wai cevata; ka vakavuna me tacoka mai na wai e vuqa: 11 Na o era vakatetei yani vakabalavu; e vakatetea o Koya e na Nona rarama. 12 Era veivukiyaki e na Nona ivakasala; me rawa ni ra vakayacora na cava ga e vakarota vei ira o koya, e na dela ni vuravura tawani. 13 E vakavuna o koya me tau na uca, e na vukudra na ravouvou se na vanua se e na vukuni Nona loloma vei ira era kune kina.
Job 37:5-13

Na nodra vakasama e sega ni tautauvata kei na nomuni vakasama, e vaka kina na noqu ivakarau ka ni sega ni tautauvata kei na nomuni ivakarau e kaya o Jiova (Yahweh).
Isaiah 55:8




Read The Bible In A Year (Wili Na iVola Tabu e na Dua Na Yabaki

Siga: 11
Tikinisiga: Janueri 11
Mataka: Vakatekivu 27-28
Yakavi: Maciu 9:18-38

Na Rai Nei Ilaiu (Elihu’s Perspective)

Thought: Do you have a strategy by which you can tackle a Job-size trial?

-----------------------------------------

Serving For The 10th January, 2009

Qarauna matua, mo kakua ni gole lesu i na ivalavala ca: baleta qo o a vakatovolei kina e na dravudravua. 22 Raica na Kalou (Elohim) ni cecekia e na Nona kaukaua; o cei e rawa ni veivakavulici me vakataki Koya? 23 O cei e vakataulewataka na Nona itosotoso? O cei e rawa ni kaya, "O iko o cakacakataka tiko na ivalavala ca?"
24 ¶ Nanuma tiko ni Nona cakacaka era vakavakaitamera; na tamata kece era sa vakacaucautaki Koya tiko. 25 Na tamata kece era sa raica, ia era vakaraica tu ga mai vakayawa. 26 Raica, na Kalou (Elohim) e cecekia; eda sega ni kilai Koya; na iwiliwili ni Nona yabaki e sega ni vakadeuci rawa. 27 Kevaka meda wilika na iwiliwili ni duruvesi kei lomalagi: ka vauca vata na mimiri ni mata ni uca, e dau vakatauca na lomalagi e na kedra dui gauna; 28 ni vakatauca vei ira na tamata na o, me qai vakavuna na nodra reki na lewe vuqa. 29 O cei e rawa ni kila na veika oqo, na vakatetei ni o e na vakaitamera ni nona itikotiko. 30 Raica, e vakatetea na nona rarama e delana, oti qai ubia na boto ni wasawasa. 31 Baleta e na sala oqo, e lewai ira kina na tamata; me solia na kakana vei ira na lewe vuqa 32 E tabonaka na rarama e na o: oti qai ramase tale vei ira me rawa ni ra kidavaka. 33 E vakaraitaka na veika e taukena vei ira na Nona itau, ka vaka kina vei ira era dau valavala ca.
Jope 36:22-33

“O na vakacegui, ke ra vaka­lialiai iko ka vakacacani iko, era qai vakaucacataki iko vakailasu e na Vukuqu.
Maciu 5:11




Read The Bible in a Year (Wili Na iVola Tabu E Na Dua na Yabaki)
Siga: 10
Tikinisiga: Janueri 10
Mataka: Vakatekivu 25=26
Yakavi: Maciu 9:1-7

Na Vuku Kei Na Yalomatua (Wisdom and Understanding)

Thought: Strive to grasp the benefit of the trials through Yahweh’s wisdom

-----------------------------------------

Serving for the 9th January, 2009

E vu mada mai vei na vuku? Evei beka na vanua e kune kina na yalomatua? 21 E vunitaki tu mai na mata ni veika bula, ka tabonaki tu mai vei ira na manumanu ni macawa lala. 22 Na rusa kei mate rau kaya, “Keirau sa rogoca oti na kena itukutuku e daliga i keirau. 23 Baleta na Kalou (Elohim) duadua ga e kila na kena ilakolako, ka kila o koya na vanua e tiko kina. 24 Baleta o Koya e raiyawa i na iyalayala kei vuravura, ka raica talega e ruku ni lomalagi taucoko. 25 E a bulia o koya na bibi ni cagi, ka veiwaseyaka vakaivakarau. 26 E a bulia o koya na ivakaro me baleta na uca, ka vakotora na sala ni yaseyase kei na kurukuru: 27 Sa qai raica o Koya, oti qai tusanaka; e a vakarautaka, io qai vakadeuca talega. 28 Ia vua na tamata a qai kaya “Raica, na rerevaki ni Turaga (Elohim), qori na vuku; kei na vakanadakui ni ivakarau dukadukali, qori na yalomatua.
Jope 28:20-28

E tautauvata qori, na Yalo talega e na vukea na noda malumalumu. Baleta ni da sega ni kila na veika e kilikili ka dodonu meda masulaka; na Yalo e na masu vakabibi e vukuda, eda na sega ni vakamacalataka rawa.

Roma 8:26

Read The Bible in a Year (Wili Na iVola Tabu E Na Dua na Yabaki)
Siga: 9
Tikinisiga: Janueri 9
Mataka: Vakatekivu 23-24
Yakavi: Maciu 8

Tu Me Beitaki o Jope (Job Stood Accused)

Thought: See that it makes sense only if it is from Yahweh’s Perspective

---------------------------------------------

Serving For The 8th Januery, 2009

Cakava e dua na nomu veidinadinati vata kei na Kalou (Elohim), mo dau solika ga Vua mai na veika vivinaka ni nomu tatamusuki. 22 Ciqoma na lawa mai gusuna, ka binia vata na Nona vosa e vuniyalomu. 23 Kevaka mo veivutuni e mata i Koya sa Kaukaua (Shaddai); o iko ga o na tara cake, oti mo qai biuta laivi na ivalavala ca mai nomu vale. 24 O na binia cake na siliva me vaka na kuvu ni soso; kei na koula ni Ofiri me vaka na nuku ni veibuca: 25 Io, o Koya na Kaukaua (Shaddai) e na nomu isasabai, ka na levu nomu siliva. 26 E na gauna oqori o na laveta cake kina na matamu vei Koya na Kaukauwa (Shaddai), 27 ni o vakacabora na nomu masu Vua, e na rogoci iko o Koya, o na qai rawa ni vakayacora na nomu yalayala. 28 Ni o vakatulewataka e dua na ka, qori e na vakaduri e na vukumu; na rarama e na cilava tiko na nomu sala. 29 Baleta e dau tukuni, “Ni o koya e vakalolovirataki koya vakataki koya e na vakacerecerei; kei koya e yalomanoa (meek) e na vueti i na bula. 30 O koya e tawacala e na vakabulai e na vanua cava ga e tiko kina, ka na dau drobula baleta na savasava ni ligana.
Jope 22:21-30

Me dau savasava na nomuni lewa e loma, me rawa vei ira era dau vosacataki kemuni me vaka era cakava vei ira era dau cakaca, me ra madua baleta era vakasewasewana tiko na nomuni itovo vinaka oni vakayacora tiko e na vukuni Mesaia.
1 Pita 3:16



Bible Reading in One Year (Wili iVola Tabu E Na Dua na Yabaki)
Siga: 8
Tikinisiga: janueri 8
Mataka: Vakatekivu 20-22
Yakavi: Maciu 7

Na iTalanoa I Jope (Jobs Stories)

Thought: Giving Advise Before The Problems Are Understood

-------------------------------------

Serving For The 7th January, 2009

Na yaloqu sa kamusu; na noqu siga sa oti; na noqu ibulubulu sa vakarau tu e na vukuqu 02 baleta e sega ni dua na ka lasutaki e tiko vei au, ia na yaloqu e bula tiko e na rarawa 03 Cakava, au masuti iko, meu nomu kaivesu, au na qai soro o au vakataki au; 04 Baleta oni sa sogota na vuniyalodra, mai na kilaka; qori era na vakacerecerei ira kina vakataki ira e na nodra lecaika. 05 Ni dua na icaba e vosa veicavilaki vei ira na nona icaba, na matadra mada ga na luvena sa na sega ni yaga. 06 E vakadonuya na kaukaua vei ira na vanua; au sa na vosataki e matadra. 07 Na mataqu sa buwawa, baleta na leva, na ivuvu ni noqu kilaiyagoqu (sense) sa vaka na iyaloyalo (shadow). 08 O ira na tamata yalododonu era na kurabui e na ka oqo, kei ira na tawacala era na yavala me ra saqati ira na dauveivakaisini. 09 Na yalododonu e na taura dei tiko na nona ivakarau, ia o koya e liga savasava e na tubu kaukaua ka kaukaua.
Job 17:1-9

Na nona marau e dua na tamata e kune votu e na vosa ni gusuna; ia o koya e vosa e na kena gauna dodonu, e na tauca na kena vinaka.
Vakaibalebale 15:23








READ YOUR BIBLE IN A YEAR (WILIKA NA IVOLA TABU E NA DUA NA YABAKI

Siga: 7
Tikinisiga: Janueri 7
Mataka:Vakatekivu 18-19
Yakavi: Maciu 6

Na iCaba Nei Jope (Job’s Friends)

Thoughts: Face all your trials in Yahweh’s strength

---------------------------------------------------

Serving For The 6th January, 2009

Raica e sega beka ni sa wasewasei tu na duigauna vei ira na tamata e dela i vuravura; ia na nona siga era tautauvata ga kei nona siga e dua na tamata cakacaka saumi? 02 Na dauniveiqaravi sa namaka toka na lutu ni yakavi, kei na tamata cakacaka saumi e qara ga me vakaotia na nona cakacaka; 03 Ia qo au sa vakasaurarataki meu bula e na dua na vula sa maumau wale, ka sa noqu ivotavota meu sotava na veibogi ni rarawa. 04 Ia qo niu koto sobu, au qai taroga e na gauna cava beka au na qai matacake tale kina, baleta na bogi sa vaka me balavu, au sa qai veivukiyaki tiko ga, me yacova ni kida na mataka. 05 Na lewequ sa robota tu na baca (worm) kei na yagoqu na kuvu ni soso; sa kakaca na kuliqu ka ra sa dui lulutu. 06 Na noqu veisiga sa toso totolo cake, mai na nona misini ni talitali na dautali isulu, ka sa sega na inuinui e na noqu bula.
Jope 7:1-6

Era tu na icaba era icaba walega; ia era tu na icaba, era voleka cake mai na veitacini.
Vakaibalebale 18:24







Read the Bible in One Year (Wilika Na iVola Tabu e na Dua na Yabaki)

Siga: 6
Tikinisiga: 6 Janueri
Mataka: Vakatekivu 15-17
Yakavi: Maciu: 5-27-48

Na Rarawa Nei Jope (Jobs’ Affliction)

Thought: Difficult trials, our reactions to others on trial and the result of trials.

-----------------------------------------------

Serving For The 5th January

Ia o au mada, au na vaqara na Kalou (Elohim) ia Vua na Kalou (Elohim) au na vakalaiva na noqu inakinaki, 09 O koya, e sega ni vakaiyalayala na Nona cakava e vuqa na veika lelevu; kei na veika veivakurabuitaki era sega ni wili rawa: 10 O koya e vakatauca na uca e delai vuravura, ka tala na wai me drodro i vei gaunisala: 11 E vakatikori ira cake, o ira era lolovira; kei ira era yalomanoa era vakacerecerei e na nodra vueti; 12 E vakataotaka na nodra ile na dau lawaki, ka tarova na ligadra e na kena vakayagataki vakavuku me rawa ka 13 E tarai ira na vuku e na nodra vakasama vuni; kei na nodra ivakasala na daulawaki e vakataotaka. 14 Era vakayacora na veika e na siga me vaka e na butobuto ka vakayayamo voli e na siga levu tutu, me vaka e na bogi.15 Ia e vueta na nodra bula mai na iseleiwau, kei ira na dravudravua mai ligadra na qaqa.
Jope 5:8-15

Ni o sa kosova na wasawasa, Au na tiko vata kei iko; e loma ni uciwai o na sega ni lomoci; ni o taubale e loma ni bukawaqa o na sega ni kama, e na sega talega ni yameci iko na yameyame ni bukawaqa. 03 O Au o Jiova (Yahweh) na Nomu Kalou (Elohim) na yalododonu i Isireli, ka Nomu ivakabula …. ;
Aisea 43:2-3a)






READ THE BIBLE IN A YEAR (WILIKA NA IVOLA TABU E NA DUA NA YABAKI)
Siga: 5
Tikinisiga: Janueri 5
Mataka: Vakatekivu 12-14
Yakavi: Maciu: 5:1-6

Mai na Waluvu ki vei ira na Na Qase (From the Flood to the Patriarch)

Thought: Yahweh Pays Attention To details

--------------------------------------------------

Serving For The 4th January, 2009

Ia e a dua tikoga na vosa e vakayagataka tiko o vuravura taucoko, ka dua ga na kena matuavosa. 02 A qai yaco, ni ra lako mai na tamata mai na tokalau e cake, ni ra a qai kunea e dua na buca e na vanua o Saina; era sa mani lai tiko mai keya. 03 Ni ra veitalanoa vakataki ira era qai kaya, “Mai, meda sa buli buloko (bricks) meda qai vakama e na bukawaqa. Qori sa qai tu kina vei ira na buloko me isosomi ni vatu, kei na lase me kena mota (mortar). 04 Oti era qai kaya, “Laiva meda tara mada e dua na korolevu kei na kena valecere me yaco vakadua i lomalagi na delana; Laiva meda vakarogoya vakataki keda na yacada, meda kakua kina ni na kaburaki laivi i dela i vuravura raraba.
05 ¶ Ia o Jiova (Yahweh) a qai siro mai me mai raica na korolevu kei na valecere, era a tara tiko na tamata. 06 A qai kaya o Jiova (Yahweh), “Raica, era sa duavata o ira na tamata, ka sa dua ga na nodra matuavosa; ia qo era sa qai nakita me ra cakava na ka oqo; sa na sega ni dua na ka me tarovi ira me ra vakayacora na ka era sa nakita me ra cakava: 07 Mai, laiva me tou lako sobu, me tou lai wasewasea na nodra vosa, me ra kakua kina ni veikilai vosavosa. 08 Sa qai kaburaki ira mai keya, o Jiova (Yahweh) i na veiyasa i vuravura raraba; qori sa qai tinia na nodra tara na nodra korolevu. 09 Qori era a vakatoka kina me yacana o Pepeli (Babel); baleta mai keya o Jiova (Yahweh) e a wasewasea kina na duivosavosa e vuravura taucoko: mai keya talega e a kaburaki ira kina o Jiova (Yahweh) i na veiyasa i vuravura raraba.
Vakatekivu 11:1-9

O Jekope a tamai Josefa na wati i Meri (Miriam), na marama a vakasucumi Jisu (Yahshua), e vakatokai na Mesaia.
Matthew 1:16



READTHE BIBLE IN A YEAR (WILIKA NA IVOLA TABU E NA DUA NA YABAKI)
Siga: 4
Tikinisiga: 4
Mataka: Vakatekivu 9-11
Yakavi: Maciu 4

Na Waluvu (The Flood)

Thought: If you, in righteousness love Yahweh, He will not abandon you!

----------------------------------------------

Serving for the 3rd January, 2009

Sa qai kaya o Jiova (Yahweh) vei Noa, “Vodo i waqa; o iko kei ira kece na lewe ni nomu matavuvale; o iko duadua ga au raica ni o yalododonu e mataqu e na itabatamata oqo. 02 Vei ira kece na manumanu savasava mo vakavodoka vata kei iko e tauya vitu na i sa, ruarua na katagane kei na kayalewa; ia vei ira na manumanu kila era sega ni savasava, me ra tauya rua na i sa; na katagane kei na kayalewa; 03 Me vaka kina vei ira na manumanu vuka ni macawa lala era savasava me ra tauya vitu na i sa, ruarua na katagane kei na kayalewa; me ra taqomaka na bula ni nodra kawa e delai vuravura. 04 Baleta ni oti e vitu na siga, au sa na vakavuna me tau na uca e vuravura me vasagavulu na siga ka vasagavulu na bogi; ia na veikabula kece sara au a buli i ira, au sa na vakarusai ira mai na delai vuravura.
05 ¶ Sa qai vakayacora o Noa na veika kece a vakarota vua o Jiova (Yahweh). 06 O Noa a sa ononadrau na yabaki ni nona bula, e na gauna e luvuci vuravura kina na wai ni waluvu. 07 Ia o Noa, o ratou na luvena, o watina vata kei ratou na dui watidratou na luvena, ratou a qai e na vuku ni waluvu. 08 Vei ira na manumanu savasava kei na manumanu tawasavasava kei na manumanu vuka kei ira kece na manumanu dau qasi e dela i vuravura 09 era a vodo yarurua vata kei Noa i waqa, na katagane kei na kayalewa, me vaka a vakarota na Kalou (Elohim) vei Noa.
Vakatekivu 7:1-9

“Me vaka na gauna e sebera kina na dobui, era a dau kanakana vata ka gunugunu vata, vakavakawati, ka veisolisoli e na tiko vakawati, me yacova na siga me vakavodo kina o Noa e na waqa ni usa manumanu; 39 “era a sega ni kila e dua na ka, me yacova na tikinigauna sa kui mai kina na dobui me kuitaki ira laivi, e na vaka oqori na Nona lako mai ni Luve ni Tamata.
Matthew 24:38-39


Also Read If Possible (Wilika Talega Ke Rawa)
Genesis 6:1-7, 11-12, Genesis 8:1-19

WILIKA NA NOMU I VOLA TABU E VEIVEISIGA KECE SARA
Siga: 3
Tikinisiga: 03/01/09
Mataka: Vakatekivu 6-8
Yakavi: Maciu 3

Na iTekivu ni Bula Vakatamata (The Beginning of Civilisation)

Thought: Watch the strategy against the human race – the lust of the flesh, the lust of the eyes and the pride of life.

------------------------------------------------------

Serving For The 2nd January, 2009

Na gata a levu duadua na nona ilawaki vei ira kece na manumanu kila a bulia o Jiova na Kalou (Yahweh Elohim); a qai kaya na gata vua na yalewa, “E a kaya dina beka na Kalou (Elohim) mo drau kakua ni kana mai na vunikau era tu e na iteitei?” 02 Kaya na yalewa vua na gata, “E tara vei keirau me keirau kania na vua ni vunikau kece e loma ni iteitei; 03 Ia na vua ni vunikau e tiko sara e na lomadonu ni iteitei, e kaya vei keirau na Kalou (Elohim), “Qo mo drau kakua ni kana mai kina, mo drau kua mada ga ni tara, de drau qai mate. 04 Kaya na gata vua na yalewa, “Drau na sega vakadua ni mate; 05 Na Kalou (Elohim) e kila vinaka ni siga drau kania kina, na matamudrau sa na tadola, drau sa na qai tautauvata kei na Kalou (Elohim); drau sa na kila na vinaka kei na ca.
06 ¶ Ia ni raica na yalewa ni vinaka me kakana, e totoka ni raica na matada ka gadrevi meda vuku kina; ka matalau na matada ni da raica na vunikau; sa mani tauca na vuana qai kania; oti qai solia talega vua na watinatagane e tiko vata kei koya; qai kana talega o koya. 07 Sa qai tadola, qo o rau ruaraua, na matadrau, rau sa qai kilakasamata ni rau luvawale tu; rau mani cula vata na draudrau ni lolo, rau qai cula vata me nodrau liku.
Vakatekivu 3:1-7

Ia o Jiova na Kalou (Yahweh Elohim) a qai bulia vei Atama kei na watina na isulu kuli ni manumanu, qai vakaisulutaki rau.
22 ¶ Sa qai kaya o Jiova na Kalou (Yahweh Elohim), “Raica na tamata sa yaco me vaka e dua vei kedatou, e na nona sa kila na vinaka mai na ca; ia qo me sa na tarovi na nona dodoka na ligana, me taura talega na vunikau ni bula, me kana mai kina, me bula tawa mudu.” 23 Sa mani vakasivoya na tamata mai na iteitei mai Iteni, o Jiova na Kalou (Yahweh Elohim); me lai cakacakataka na qele a buli mai kina. 24 Ia ni sa vakasivoya oti na tamata o Jiova na Kalou (Yahweh Elohim); a qai vakatikora o Koya e na yasana e na tokalau i cake, e dua na Agilosi liu (Cherubim), kei na dua na iseleiwau yameyame ni bukawaqa dau veigoleyaki e na veiyasana kece, me yadrava tiko na sala i na vunikau ni bula.
Vakatekivu 3:21-24

Me vaka ni a vu mai vua e dua na tamata na mate, e na vu talega mai vua e dua tale na tamata na veivakaturi mai na mate.
1 Korinica 15:21

Additional Reading (Wilika Talega Ke Rawa)
Genesis 3:1-19, Genesis 4:1-15,

Read the entire Bible in One year (Wilika Na iVola Tabu E Na Dua Na Yabaki )

Siga: 2
Tikinisiga: 02/12/09
Mataka: Vakatekivu: 3-5
Yakavi: Maciu 2

Na iTekivu ni Veibuli (The Beginning of Creation)

Thought: We are created in the image of the Creator

-------------------------------------------------------------------------

Serving for the 1st January, 2009

Sa mani bulia na tarnata na Kalou (Elohim) me rairai vakataki koya; e na irairai ni Kalou (Elohim) e a bulia o Koya na tamata; na tagane kei na yalewa e a buli i rau o koya. 28 Sa qai vosa vakalougatataki rau na Kalou (Elohim), qai kaya vei rau, “Drau vakaluvea, mo drau vakatubu iwiliwili, ka vakasinaiti vuravura, mo drau qai vakataulewa kina; oya mo drau lewa na ika ni waitui kei na manumanu vuka, kei na bulumakau kei na manumanu kila era veitosoyaki tu e vuravura,
29 ¶ Sa qai kaya kuria na Kalou (Elohim), “Raica, Au sa solia vei kemudrau na kau draudrau kece era vakasorena, era sa bula tu e na e dela i vuravura kei na vunikau kecega e dau vuataka na vuana e vakasorena; oqori vei kemudrau me kakana.
Vakatakila 1:27-28

Aleluya. Vakacaucautaki Jiova (Yahweh), o kemuni mai Lomalagi ni vakacaucautaki Koya mai na veivanua cecere, 02 Vakacaucautaki Koya, o kemuni na Nona Agilosi. Vakacaucautaki Koya o kemuni kece na Nona Dauniveiqaravi, 03 Vakacaucautaki Koya, matanisiga kei na vula, vakacaucautaki Koya, kemuni na kalokalo kei na rarama, 04 Vakacaucautaki Koya o kemuni mai na Lomalagi ni lomalagi, ka vaka kina e na wai e dela ni lomalagi, 05 Laivi ira me ra vakacaucautaka na yaca I Jiova (Yahweh), Baleta a Vosa era qai dui buli, e vakarota era qai bula, 06 E sa vakataudeitaki ira o Koya, me ra na bula tiko me tawa mudu; E sa vakaduria e dua na kena lewa e na sega ni kena itinitini
Psalms 148: 1-6

Baleta, e na vukuna o Koya, era a buli kina na veika kece e lomalagi, kei na veika kece era tiko e vuravura, laurai se sega ni laurai, se ra itutu vakatui, se o ira era daunivakavulewa, se o ira era daulewa. Na veika kece era a tiko e ligana ka buli e na vukuna. 17 O Koya, e liu duadua e na veika kece, ka vakataudeitaka tiko na veika kece.
Kolosa 1: 16-17

Also Read If Possible (Wilika Tale Ga Ke Rawa)
Psalm 90:02,Genesis 1:1 Isaiah 40: 12-31, 45: 18-25,

Hebrews 11: 1-3






DAU WILIKA NA NOMU I VOLA TABU E VEIVEISIGA KECE SARA
Day: 001 Date: 01/12/09 Morning: Genesis 1-2 Evening: Matthew:1