Thought: Always
Leave Revenge To YHWH And Avoid Sinning Yourself
.........................
Serving For Yom Ha Shishi, Av
22, 5772
MAI NA NEVI’IMI
RISHONIMI (FROM THE NEVI’IM RESHONIM)
A
qai lesu o Avaqayili vei Navala; qai raica o koya ni caka soqo tiko ni kana
magiti e nona vale, e tautauvata kei na nodra soqo ni kana magiti na tui; ia na
vuniyalo i Navala a sa malaude tu e na mamarau, baleta sa kasou sara tu ga
vakaca o koya; sa mani (nanuma o koya) me kakua ni tukuna vua e dua na ka,
lailai se levu, me yacova na mataka kadua. 37 Ia a qai yaco e na mataka kadua,
ni sa takali mai vei Navala na kaukaua ni waini , ni a qai tukuna vua o watina
na veika a yaco, qori a qai vakamatea na vuniyalona, a qai yaco vua na paralasi
ka vuki (me vaka e dua) na vatu. 38 A
qai yaco ni oti e rauta e tini na siga, ni a qai mokuti Navala o Yahuwe (YHWH),
qai mani mate kina o koya. 39 Ni sa lai rogoca o Dawide ni sa mate o Navala, a
qai kaya o koya, Me vakavinavinakataki o Yahuwe (YHWH), o koya e sa tutaka na
ile ni noqu a vakalolomataki e na liga i Navala, e na nona tarova na nona
dauniveiqaravi mai na nona (a rawa ni) cakaca; baleta o Yahuwe (YHWH) sa
vakalesuya na ivalavala ca i Navala i uluna ga o koya vakataki koya. O Dawide a
qai talatala me (lai vosaki o Avaqayili) me sa mai watina. 40 Ni ratou yaco
yani na dau ni veiqaravi i Dawide vei Avaqayili mai Karamela, e ratou qai vosa
vua, me ratou vakasavu itukutuku vua ni ratou kaya, E talai keitou tiko mai vei
iko o Dawide, me keitou mai kauti iko lesu vua, mo sa lai watina. 41 E duri
cake o koya, qai cuva sobu me tara na matana na dela ni qele, qai kaya, Raica,
laiva na nomu vada, me dua na dauniveiqaravi me savuya na yavadra na nona
dauniveiqaravi na noqu turaga. 42 O Avaqayili, a qai vakatotolo me tu me lai
vodo e na (nona) asa, vata kei na lima vei ira na nona goneyalewa era dau
veiqaravi vua, era a qai sala vata kei koya; a qai lako yani o koya vata kei
ira na dau ni kauitukutuku i Dawide, qai lai yaco me watina. 43 O Dawide a
tauri Akinoama talega na yalewa mai Yizire’eli; o rau, rau qai yaco me rau
watina ruarua. 44 Ia o Sha'ula a sa soli i luvena yalewa o Malakala na wati i
Dawide, vei Paliti na luvetagane i Layishi, e dua mai Qolima
NA IVAQA NI BULA (FOOD FOR THE SOUL)
O koya e vakayacora na ka
dodonu kei na lewa vakatautauvata (justice) e gadrevi vakalevu cake vei Yahuwe (YHWH), mai
vei koya e cabora e dua na isoro.
LOMANI YAHUWE NA NOMU KALOU (LOVE YHWH YOUR MIGHTY ONE)
Vakarautaka
vei au na yalololoma i Yahuwe (YHWH) baleta au se veilecayaki tu, na mataqu e
vakararawataki tu, bau kina na noqu bula (soul) kei na yagoqu. 11(10) Na noqu
bula e vakayagataki e na veika rarawa kei na noqu veiyabaki e na vutugu; na
noqu kaukaua sa vakamalumalumutaki e na dravudravua; na suiqu sa vakayavalati
baleti ira na kequ meca. 12(11) Au sa yaco meu vakavelavelataki e matadra na
wekaqu vakaitikotiko, ka ra rivarivabitaki au o ira na noqu veikilai, o ira era
raici au e gaunisala era veidroyaki mai vei au. 13(12) Au sa guilecavi me vaka
e dua na tamata mate, au sa sega ni bau nanumi; Au sa vaka e dua na ka sa guilecava,
baleta niu sa yali tu vakadede. 14(13) Baleta au sa mai rogoca na nodra
vosavosa e levu na tamata; ni ra bukia vata tiko na vere me ra na saqati au,
era nakita vata tiko me ra na kauta laivi na noqu bula. 15(14) Ia au vakanuinui
tikoga vei kemuni i Yahuwe (YHWH) au qai kaya, O kemuni na noqu Kalou (Mighty
One) i Yahuwe (YHWH). 16(15) Na gauna sa tu ga e ligamuni; vueti au mai ligadra
na kequ meca, vata kei ira era dau vakacacani au. 17(16) Cakava na matamuni me
ramase vua na nomuni dauniveiqaravi; vakabulai au e na vuku ni nomuni
yalololoma. 18(17) Laiva meu kakua ni madua i Yahuwe (YHWH), niu kacikaci yani
vei kemuni; laivi ira na tamata ca me ra madua, laivi ira me ra galu tu ga e
loma ni ibulubulu. 19(18) Laiva me galu na tebenigusudra o ira na vakasisila;
baleta era dau vosa lasu ka dau beci ira na tamata yalododonu.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
Blog
No. 222 o/o 1682
|
August
10, 2012
|
|
Reading
|
Hebrew
Date
|
|
Av 22,
5772
|
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
