Thought: Last Words Are Important: Yashua’s Last Word Were, Go Into All The World And Preach The Gospel.
................................................
Serving For The 14th March, 2009
A qai lako yani o Mosese qai lai kaya na veivosa oqo vei Isireli taucoko. 02 Kaya vei ira o koya, O au, au sa yabaki duanadrauruasagavulu e na siga oqo; Au sa sega ni rawa ni veicuruyaki tiko i tuba se i loma; ka sa tukuna vei au o Jiova (Yahweh), O sa na sega ni kosova na Joritani. 03 O Jiova (Yahweh) na nomuni Kalou (Elohim), e na liu vei kemuni, io o Koya e na vakarusai ira na vei matanitu era tu oqo e matamuni; o Josua e na liutaki kemuni, me vaka sa lewa mai o Jiova (Yahweh). 04 O Jiova (Yahweh) e na cakava vei ira me vaka a cakava vei Saihoni kei Oki, na nodra tui na Amoraiti vata kei na nodrau vanua, ni a vakarusa o koya. 05 Ia o Jiova (Yahweh) e na soli ira vei kemuni, moni cakava vei ira, me vaka na ivakaro taucoko au sa vakarota oti vei kemuni. 06 Tu vakaukaua ka yaloqaqa tiko, kakua ni domobula se sautaninini e matadra; baleta e lako tiko kei kemuni o Jiova (Yahweh) na nomuni Kalou (Elohim) ka na sega ni biuti kemuni se vuki tani mai vei kemuni.
Na iVakarua 31:1-6
“Na ka o raica, mo vola e na dua na ivola, qai vakauta vei ira na isoqosoqo e vitu; i Efeso kei Sumuena, ka vaka kina i Peqamosi kei Tayataira kei Sadisi kei Filatelifia vata kei Leiodisia.”
Vakatakila 1:11
“O Au ga o Koya e a bula tu, Au qai mate, ia raica, Au sa bula tu oqo me sega ni mudu, Emeni. E tiko vei Au na idola ni mate kei na ibulubulu (Sheol).
Vakatakila 1:18
Read The Bible in a Year (Wili Na iVola Tabu E Na Dua na Yabaki).
Siga: 73
Tikinisiga: March 14
Mataka: Deuteronomy 23-25
Yakavi: Mark 14: 51-72
