Na Matai Ni Kalou Matakau (The Idol Makers)

Thought: Idol Worshippers Are Led By Deceitful Spirit, Are You One?

…………………

Serving For Yom R’vi’ii, Nisan 30, 5773

(NB. In Counting Days Toward Shavu’ot: Today Is Day 12 out of 50)

MAI NA NEVI’IMI AKARONIMI FROM THE NEVI’IM ACHARONIM)

E na kena gauna dodonu, ni sa vakarau me vakayagataki me buka, o koya e na taura eso me vakatakatai kina, qai taura eso me vavi madrai kina.  Oti e na qai ceuta e dua na kalou (elohim), me sokaloutaka, me qai cuva sobu kina me vakarokorokotaka. 16 E kena ibalebale ni kena veimama e na vakama e na bukawaqa; e na veimama oya e na tavusataka kina na kena lewe ni manumanu qai kania me rawa ni mamau kina; qai tatalai koya vakataki koya kina, oti qai kaya, Sa totoka vakaoti niu rawa ni vakatakatai au tiko, au qai sarava tiko na yameyame ni bukawaqa! 17 Ia mai na vo ni tolonikau, e bulia kina e dua na kalou (elohim), e dua na na matakau ceuceu, oti qai lutu sobu me cuva i matana; me sokaloutaka o koya, ka masuta. Vakabulai au, e na kaya o koya, O kemuni na noqu kalou (elohim)! 18 O ira na tamata vakaoqo era sega ni kila e dua na ka, era sega talega ni yalomatuataka e dua na ka. Na yaloka ni matadra sa sogolati tu vakadua, era qai sega ni rai rawa kina; ka vakakina na vuniyalodra, era mani sega kina ni yalomatua. 19 E sega ni bau dua e vakasamataka e vuniyalona, se tiko vua na kilaka se bau raitaloyalotaka me qai kaya, Au a vakama e veimama e na matadravu, meu vakabutaa na madrai e na kena qilaiso, au qai tavusataka kina na lewe ni manumanu meu kania. E kilikili beka vei au meu qai vakayagataka na kena vo meu vakayacora kina na ivalavala vakasisila?  E dodonu beka vei au meu cuva, o au vakataki au, i na dua na tolo ni vunikau?  20 O koya e vakanuinui tiko e na dravusa! E dua na vuniyalo dau veivakacalai sa tuberi koya tiko me lako sese; baleta qo sa na sega kina ni vakabulai koya rawa vakataki koya, ka na sega talega ni via kaya, Na ka oqo e tiko e ligaqu, e ka lasutaki!

Yeshayahu (Aisea) 44:16-20

NA IVAQA NI BULA (FOOD FOR THE SOUL)

Na tamata yalododonu e na tuberi ira na nona icaba e na sala dodonu, ia na itovo ni [tamata] ca e liutaki ira vakatani.

Mishlei (Vosa Vakaibalebale) 12:26

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Asafa. Kemuni na Kalou (Mighty One), o ira na daulotutaki matakau era sa curu mai i na nomuni ivotavota. Era sa vakadukara na nomuni valetabu ka vukici Yerushalayimi me dua na bukebuke. 2  Era sa solia na yagodra mate na nomuni dauniveiqaravi me kedra na manumanu vakatabana ni macawa lala, io, na lewe ni yagodra o ira era yalodina vei kemuni, vei ira na manumanu kila e vuravura. 3 Na nodra dra, era sa livia me vaka na wai, wavolivoliti Yerushalayimi; ka sa sega ni dua e vo me buluti ira. 4 Keimami sa vakarogocataki vei ira na weka i keimami vakaitikotiko, keimami qai vakalialiai ka dredrevaki vei ira era tiko wavolivoliti keimami. 5 Me vakaevei na kena dede i Yahuwe (YHWH)? Oni na cudru tiko beka me tawamudu? E na vakaevei na kena caudre tiko me vaka na bukawaqa na nomuni didi (jealousy).

6 ¶ Sovaraka na nomuni leva cecekia vei ira na vanua era sega ni kilai kemuni, vei ira na veimatanitu era sega ni dau kaciva na yacamuni; 7 Baleta era sa tilomi Ya'akove ka biuta laladidi tu na nona itikotiko. 8 Kakua ni nanuma moni saqati keimami baleta na neimami ivalavala ca mai liu; ia laiva ga na nomuni yalololoma tau malumu me toso mai vei keimami vakatotolo, me sotavi keimami, baleta keimami sa vakalolovirataki dina tu. 9 Vukei keimami, kemuni na Kalou (Mighty One) na neimami ivakabulai, e na vukuni kena lagilagi na yacamuni. Vueti keimami, quaraka laivi na neimami ivalavala ca, e na vukuni yacamuni.10 Na cava na vuna me ra taroga [tiko] kina na veivanua, Evei mada na nodra Kalou (Mighty One)? Laiva na veisausaumi lesu a vakayacori e na vuku ni kena a dave na nodra dra o ira na nomuni dauniveiqaravi, me kilai vei ra na veivanua, [era tu] e mata i keimami. 11 Laiva na nodra vutugu na tamata vesu me basika cake i matamuni; e na vakaitamera ni nomuni kaukaua, vueti ira era sa totogimatetaki oti tu.12 Sauma lesu vakavitu vei ira na weka i keimami vakaitikotiko, me rawa ni ra vakila, [na itotogi] ni nodra veivakacacani era a cakava vei kemuni, i Yahuwe (YHWH), 13 Me rawa kina vei keimami na nomuni tamata, na qelenisipi e na loma ni nomuni bai [ni veisusugi (pasture)], me keimami na dau solia tiko na neimami vakamuduo me sega ni mudu. Mai na dua na itabatamata, i na dua [tale] na itabatamata, keimami na dau tusanaka tiko na nomuni vakacaucautaki.

Tehillim (Same) 79:1-13

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 201 in 5773 (Total 1928)	April 10, 2013
Reading	Hebrew Date
D’varim (Na iVakarua) 7-8	M #1: Nisan 30, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lotutaki Matakau E Vakatabui (Idolatry Is Prohibited)

Thought: Worshiping Idol Is A Total Waste Of Time, They Are Dead Things!

…………………

Serving For Yom Shlishi, Nisan 29, 5773

(NB. In Counting Days Toward Shavu’ot: Today Is Day 11 out of 50)

MAI NA NEVI’IMI AKARONIMI FROM THE NEVI’IM ACHARONIM)

O ira kece era dau taya na matakau ceuceu era sega ni dua na ka; na nodra  cakacaka e sega ni tubu kina e dua; era  ivakadinadina ga ni veika vakamadua; era sega ni rai ka sega talega na nodra kilaka.10 O cei mada sa bau bulia e dua na  kalou (elohim), me bulia waicala e dua na kalou matakau (idol), e sega sara ga ni dua na betedra?  11 O ira kece era yaga kina, era na madua. ia e na vakalevu cake ga vei ira na tamata era kena matai. Laivi ira me ra sosoqoni, laivi ira me ra tucake; laivi ira me ra domobula ka madua vata kece.12 Na matai ni kaukamea e bulia e dua na iyaya ni matai e na dela ni koala waqawaqa; e na gauniligana kaukaua e bulia o koya e na ituki. Ia ni sa walokai, na nona igu sa na lutu; kevaka e sega ni gunu wai, o koya e sa na gogo sobu.13 Na matai ni kau e na taura na nona ivakavakarau; makataka e na penikau; tocia na kau [e na itoci], raica me donu vinaka e na kena ivakarau (calipher) qai ceuta me dua na ibulibuli ni tamata, ia e dina ni na vinakati me tiko ga e lomanivale. 14 E na lako o koya me lai taya sobu na veisitari, qai taura e dua na kau drokadroka tawamudu vata kei na dua na oki; o koya e na taqomaka vinaka e dua na vunikau e loma ni veikau; qai tea e dua na paini me vakabulabulataka na uca. 15 E na kena gauna donu, ni sa vakarau me vakayagataki me buka, o koya e na   taura eso me vakatakatai kina, qai taura eso me vavi madrai kina. Ia na kena vo, e na taura eso me vavi madrai kina. Oti e na qai ceuta e dua na kalou (elohim), me sokaloutaka, me qai cuva sobu kina me vakarokorokotaka.

Yeshayahu (Aisea) 44:9-15

NA IVAQA NI BULA (FOOD FOR THE SOUL)

Na nuiqawaqawa ni vuniyaloni tamata e na bikai koya sobu; ia e dua na mala ni vosa tau malumu, e na vakamarautaki koya cake.

Mishlei (Vosa Vakaibalebale) 12:25

LOMANI YAHUWE NA NOMU KALOU (LOVE YHWH YOUR MIGHTY ONE

A qai yadra mai o Yahuwe (YHWH) me vaka mai na dua na moce, se vaka e dua na bati (warrior) e kaikaila tiko e na ilevu ni mamarau mai na waini. 66 E a samuti ira na kena meca, qai biligi ira i muri, qai vakavuna me ra madua tu me tawamudu. 67 E a sega ni vinakataka na valelaca i  Yosefa, ka lako siviti ira na yavusa i Ifira'yimi, 68 Ia qai digitaka na yavusa i Ya'huda, na ulunivanua o Zaiyoni, e dau taleitaka o koya. 69 E tara na nona valetabu e na dua na  tikina cecere, me vaka na vuravura a cakava o  koya me tawamudu. 70 A digitaki Dawide me nona dauniveiqaravi, ni a kauti koya mai na dua na lomanibai ni sipi; 71 Mai na nona qaravi ira voli na tinatina ni sipi era kunekune tiko, qai kauti koya mai me mai ivakatawa vei ira na nona tamata o Ya'akove kei Yisira'yili [o ira] na nona ivotavota. 72 E na vuniyalo tudonu, e a qai vakatawani ira ka tuberi ira voli e na maqosa ni ligana.

Tehillim (Same) 78:65-72

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 200 in 5773 (Total 1927)	April 9, 2013
Reading	Hebrew Date
D’varim (Na iVakarua) 5-6	M #1: Nisan 29, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Ledua (YHWH Is One)

Thought: I Am The First And The Last, Beside Me There Is No Other- YHWH

…………………

Serving For Yom Sheini, Nisan 28, 5773

(NB. In Counting Days Toward Shavu’ot: Today Is Day 10 out of 50)

MAI NA NEVI’IMI AKARONIMI FROM THE NEVI’IM ACHARONIM)

Vakarorogo mada, i Ya'akove na noqu dauniveiqaravi;  kei iko i Yisira'yili, o iko au a digitaki [iko]. 2 Oqo na ka e kaya o Yahuwe (YHWH) o koya e a buli i iko e na loma ni katonigone, [o koya talega e na] vukei iko; Kakua ni taqaya, i Ya'akove, noqu dauniveiqaravi; kei iko i Yeshuruna, o iko au a digitaki [iko]. 3 Baleta au na sovara na wai e na dela ni vanua karamaca, kei na soniwai drodro i na vanua mamaca; au na sovaraka na Yaloqu vei ira na nomu kawa; kei na veivakalougatataki vei ira na nomu lalai  era tubu mai vei iko. 4 Era na tubu cake e na maliwa ni veico, me vaka na veiwilou e na bati ni wai drodro. 5 E dua e na rawa ni kaya, O au, au nei Yahuwe (YHWH). Ia e dua tale e na kacivi e na yaca i  Ya'akove. Ia e dua tale e na vola, ni o koya e nei Yahuwe (YHWH), qai vakayacani koya vakataki koya e na yaca ni matavuvale i Yisira'yili. 6 Qori e kaya o Yahuwe (YHWH) na nodra tui na Yisira'yili ka nodra ivakabula, o Yahuwe ni lewevuqa (YHWH-Tzva'ot); O au na imatai, o au talega na iotioti; e yasaqu e sega tale ni dua na Kalou (Mighty One). 7 O cei tale e vakataki au? Laivi koya me vosa cake mai! Laivi koya me vakaraitaka sara vakamatata vei au, na veika sa yaco tiko, mai na gauna au a vakatikori ira kina na veimatatamata makawa; laivi koya me vakatakila na ivakatakilakila kei na veika e na yaco maimuri. 8 Kakua ni domobula, kakua ni taqaya, au a sega beka ni tukuna vei kemuni na veika oqo mai na veitabagauna makawa?  Au a sa tusanaka oti, o kemuni sara ga oni noqu ivakadinadina. E tiko tale beka e dua na Kalou (Mighty One) me kequ ikarua?   E sega tale ni dua na Uluvatu, au sega mada ni kila e dua.

Yeshayahu (Aisea) 44:1-8

NA IVAQA NI BULA (FOOD FOR THE SOUL)

O ira era dauvakasama era na dauvakavulewa, ia o ira na vucesa era na vakasaurarataki me ra cakacaka.

Mishlei (Vosa Vakaibalebale) 12:24

LOMANI YAHUWE NA NOMU KALOU (LOVE YHWH YOUR MIGHTY ONE

Ia era se vakatovolea ga ka vakacudruya tiko ga na Kalou Cecere (Yl Ylyon), era qai vakabebe me ra saqati koya, e na nodra sega ni via bulamuria na nona ilesilesi; 57 Era a vuki lesu ka cakacakataka e na tawavakabauta, me vakataki ira ga na nodra itubutubu; era sega ni rawa ni nuitaki, me vaka e dua  na dakaititi e sega ni vakadreti rawa [na kena wa]. 58 Era vakacudrui koya e na nodra veitikina cecere, era qai nakita me ra vakavuna na nona didivaka na nodra kaloumatakau ceuceu. 59 Na Kalou (Mighty One) a rogoca qai tubu na nona yalokatakata; a tini me vakasisilataki ira vakaoti na Yisira'yili: 60 E a vakanadakuya na nona valetabu  mai Shailo, na vale laca a tara o koya me na dau vakaitikotiko kina e na  kedra maliwa na nona tamata; 61 E a solia laivi na nona kaukaua me ra kauvakavesu, kei na nona isakisaki i na nodra kaukaua na meca. 62 E a soli i ira na nona tamata i na iseleiwau; qai tubu tikoga na nona yalokatakatataki ira era nona ivotavota. 63 Na bukawaqa a tilomi ira na nodra cauravou; o ira na nodra goneyalewa tabutagane sa sega na nodra sere ni vakamau,  64 O ira na nodra kohanimi era a bale e na iseleiwau; o ira na nodra dui yada era a sega ni tagilagalaga rawa.

Tehillim (Same) 78:56-64

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 199 in 5773 (Total 1926)	April 8, 2013
Reading	Hebrew Date
D’varim (Na iVakarua) 3-4	M #1: Nisan 28, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yisira’yili Dau Vakabebe (Yisra’yl Was Always Rebellious)

Thought: Blessings Are Impossible If We Continue To Rebel Against YHWH!

…………………

Serving For Yom Rishon, Nisan 27, 5773

(NB. In Counting Days Toward Shavu’ot: Today Is Day 9 out of 50)

MAI NA NEVI’IMI AKARONIMI FROM THE NEVI’IM ACHARONIM)

Oqo na ka e kaya o Yahuwe (YHWH), na nomuni ivakabula, na Yalosavasava Ledua ni Yisira'yili; E na vukumuni, au a tala yani kina [e dua na mataivalu] i Bavela, me ra lai  vakadrukai ira kecekece na Kasidimi era sa veidroyaki tiko, o ira kece, na  nodra sere ni qaqa sa vuki tu oqo me dua na lele. 15 O au o Yahuwe (YHWH), na nomuni Kalou Yalosavasava Ledua, [o koya] a buli i Yisira'yili, [o au] na nomuni tui. 16 Oqo na ka e kaya o Yahuwe (YHWH), o koya e a bulia e dua na sala e na loma ni wasawasa kei na salatu e na dela ni ua seuseua; 17 O koya e kauti ira mai na qiqi ni ivalu kei na ose kei na mataivalu qaqa; era na bale vata kece, era sa na sega ni tucake tale; era a boko laivi vakadua me vaka na mata ni icina waqawaqa. 18 Tarova mada na nomu bula tiko e na veika sa yaco oti mai na veigauna makawa, ka kudruvaka tiko na veigauna sa sivi oti. 19 Au sa cakava tiko qo e dua na ka vou; ka sa cariba cake tiko; oni sega beka ni raica rawa? Au sa taya tiko e dua na gaunisala e na loma ni vanua liwa kei na uciwai e na vanua dravuisiga: 20 Na manumanu kila era na vakarokorokotaki au, na jakela kei na ositeriki; baleta au biuta na wai e na loma ni vanua liwa, kei na veiuciwai e na veivanua dravuisiga, meu vagunuvi ira kina na noqu tamata digitaki,  21 O ira na kawa tamata au a buli i ira e na vukuqu o au vakataki au, me rawa vei ira me ra na tukuna wavoki na noqu vakamuduotaki. 22 Ia o iko o se bera ni bau kaci mai vei au mai i Ya'akove; baleta o sa tubu mo vakacauocataki au [o iko] i Yisira'yili.  23 O sega ni bau kauta mai vei au na sipi me nomu isorokama, o sega talega ni bau vakarokorokotaki au e na nomu isoro.  Au sega ni bau vakacolati iko e na noqu vinakata mai vei iko na isoro laukana; se vakaogai iko e na noqu vinakataka na fereqesede. 24 O iko o sega ni bau vakayagataka na ilavo mo volia kina vei au na dovu kamikamica; se vakamamautaki au e na uro ni nomu isoro. Ia o vakacolati au ga e na nomu ivalavala ca, ka vakaoca i au e na nomu dau caka ca (crime). 25 O au, io o au, au na bokoca laivi na na nomu talatalaidredre, e na vukuqu ga o au vakataki au; au na sega ni nanuma tiko na nomu ivalavala ca. 26 Qai tukuna kece mai vei au e na gauna daru sa tu kina e na mataveilewai, mo qai vakamacalataka na nomu yasana, ka mo tusanaka na nomu kisi me kune kina ni o iko o  donu. 27 Na imatai ni tamamu a valavala ca, o ira na nomu daunivosa era a talaidredre me ra saqati au. 28 O koya oya au a vakalasui ira kina na vakaileilesi ni vale tabu; qori au qai soli i Ya'akove kina me vatonaki (cursed), ka cakava me vakarogocataki o Yisira'yili.

Yeshayahu (Aisea) 43:14-28

NA IVAQA NI BULA (FOOD FOR THE SOUL)

E sega ni dua na leqa e rawa ni yaco vei ira na yalododonu, ia o ira na ca era na luvuci tu ga e na veileqa lelevu. 22 ¶ Na yame daulasulasu e vakasisila vei Yahuwe (YHWH); ia o ira era cakacaka ga e na dina era ka ni reki vua. 23 ¶ Na tamata vakasama e taqomaka na kilaka; ia na vuniyalodra na lialia e   kaburaka na veivakacalai.

Mishlei (Vosa Vakaibalebale) 12:21-23

LOMANI YAHUWE NA NOMU KALOU (LOVE YHWH YOUR MIGHTY ONE

Ia e sega ga, era valavala ca tiko ga, ka sega ni biuta na nodra vakabauta i na nona cakacaka mana. 33 O koya oqo a qai tinia kina na nodra veisiga o koya me tawayaga kei na nodra veitabayabaki e na veika e vakadomobula. 34 E na gauna e kauta mai kina na mate vei ira, o ira era na [totolo e na nodra] vakasaqarai koya;  era veivutuni era qai vaqara na Kalou (Mighty One) vakayalodina, 35 Era qai nanuma mai ni nodra Uluvatu na Kalou (Mighty One) ka nodra ivakabula o koya na Kalou Cecere  (Yl Ylyon). 36 Ia era qai segata tale me ra vakalialiai koya e na nodra vosa, era lasutaki koya e na yamedra; 37 Baleta na vuniyalodra a sega ga ni donu tiko vua, ka ra sega ni yalodina i na nona veiyalayalati. 38 Ia o koya baleta na nona yalololoma, e a  vosota na nodra ivalavala ca, qai  sega ni veivakarusai; e na vuqa na gauna a dau vukica laivi kina na nona cudru, ka sega ni vakauqeta na nona leva waromisa. 39 Baleta ni  dau nanuma tiko ni o ira era tamata ga; era dua ga na cagi era  na liwa yani, ka ra na sega ni lesu tale mai. 40 ¶ E vakavica beka na nodra vakatovolei koya e na loma ni veivanua dravuisiga ka vakararawataki koya e na loma ni vanua laladidi! 41 E vakawasoma na nodra vakatovolei koya tiko na Kalou (Mighty One), era qai vakararawataka na Yalosavasava Ledua i Yisira'yili. 42 Era sega ni bau nanuma na nona a vakayagataka na ligana e na siga a vueti ira kina mai vei ira na kedra meca, 43 Na nona a cakacakataka na nona ivakatakilakila e Ijipita kei na nona cakacaka veivakurabuitaki mai Zo'ani. 44 E a vukica na nodra uciwai me dra, era mani sega ni gunu rawa mai na nodra soniwai. 45 A tala mai na isoso lago vakaitamera qai mai tilomi ira, vata kei na boto era qai  vakacacani ira. 46 E solia laiva talega na nodra tatamusuki vei ira na katapila (shearer’s worm) kei na vuata ni nodra cakacaka vei ira na vodre. 47 A vakamatea na nodra veivaini e na uca qereqere, kei na nodra veivuni lolo e na tegu cevata. 48 Na nodra bulumakau talega e soli i ira laivi vei ira na uca qereqere, kei na nodra qele ni manumanu me lidiki ira na yaseyase. 49 E a vakayacora vei ira na nona cudru waqawaqa, na leva waromisa, na yaluma kei na leqaleqa, e na ligadra na ilawalawa mala'akimi dauvakacaca, 50 Me caramaka na sala ni nona leva waromisa. E a sega ni vakavotaka na nodra bula mai na mate, ia a soli i ira  laivi i na mate ca dau veidewavi; 51 Qai vakamatei ira kece na ulumatua mai Ijipita; na luvedra ulumatua ni nodra kaukaua e na loma ni valelaca i   Hame;

Tehillim (Same) 78:32-55

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 198 in 5773 (Total 1925)	April 7, 2013
Reading	Hebrew Date
D’varim (Na iVakarua) 1-2	M #1: Nisan 27, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.