Thought: Nothing
Is More Repugnant To YHWH, Then Deities Worship!
Serving For Yom
Sheini, Sivan 25, 5773
MAI NA NEVI’IMI
AKARONIMI FROM THE NEVI’IM ACHARONIM)
Na
vosa qo e yaco mai vei Yiremeyahu maivei Yahuwe (YHWH); 2 Lai duri tu e na
matamata ni vale i Yahuwe (YHWH) qai kacivaka na vosa oqo: Rogoca na vosa i
Yahuwe (YHWH), o kemuni kece mai Ya'huda, oni curu e na matamata oqo moni lai
sokalou vei Yahuwe (YHWH)! 3 Oqo na ka e kaya o Yahuwe ni lewevuqa
(YHWH-Tzva'ot), na Kalou (Mighty One) i Yisira'yili: Vaka daumakataka cake na
nomuni itovo kei na nomuni cakacaka, au na qaivakadonuya vei kemuni moni tiko e
na vanua oqo. 4 Kakua ni vakanuinui i na ivosavosa lasu oya, Na vale tabu i
Yahuwe (YHWH), na vale tabu i Yahuwe (YHWH), Na [veivale oqo] era valetabu i
Yahuwe. 5 Sega, kevaka oni vakadaumakataka vakaoti na nomuni itovo kei na
nomuni cakacaka, kevaka moni vakarautaka na vakataulewa dodonu e na kedra
maliwa na tamata; 6 Kevaka moni tarova na nomuni vakalolomataki ira tiko na
kaitani, na luveniyali kei na vada; kevaka oni tinia na vakadavei ni nodra dra
na tawacala e na vanua oqo; oti moni qai tinia na nomuni muri ira tiko na kalou
(elohim) mai liu, e vakavuna tikoga na nomuni mavoa; 7 [Qori ga] au na qai
vakadonuya kina moni tiko e na vanua oqo, e na vanua au a solia vei ira na
nomuni itubutubu (ancestors), me tawamudu ka sega ni mudu. 8 Raica! Oni
vakanuinui tiko i na vosa ni veivakacalai, e sega ni kauta mai vei kemuni e dua
na ka vinaka. 9 Kena imatai, oni butako, laba, veidauci, bubului lasu,
vakacaboisoro vei Ba'ala, oni qai vakamuria na kalou (elohim) tani oni a sega
ni dau kila tu mai liu. 10 Oti moni qai lako mai moni mai tu e mataqu e loma ni
vale oqo, e vakatokai e na yacaqu, moni qai kaya, Keimami sa vakabulai, me rawa
kina ni oni cakava tikoga na veika vakasisila oqo! 11 Oni nanuma beka ni vale
oqo, e vakatokai e na yacaqu, ni dua na nodra qara na daubutako? Au rawa ni
raica vakataki au na veika sa yaco tiko, e kaya o Yahuwe (YHWH). 12 Lako mada i
na vanua mai Shailo a dau noqu tu e liu, e a dau vakatokai talega e na yacaqu,
moni lai raica kina na veika au a cakava mai keya, baleta ga na nodra ivalavala
vakasisila na noqu tamata o Yisira'yili. 13 Au sa vosa oti vakavicavata vei
kemuni, ia oni sega sara ga ni via vakarorogo. Au kacivi kemuni, ia oni sega ni
vei tama mai. Ia qo, e kaya o Yahuwe (YHWH) baleta ni oni sa cakava na veika
kece oqo, 14 Au sa na cakava e na vale e vakatokai e na yacaqu, oni dau
vakanuinui kina, kei na vanua au a solia vei kemuni kei ira na nomuni itubutubu,
na ka vata au a cakava mai Shailo; 15 Oti au na qai cemuri kemuni laivi mai
mataqu, me vaka sara ga au a cemuri ira laivi na wekamuni, o ira kece na kawa i
Ifirayimi.
NA IVAQA NI BULA (FOOD FOR THE SOUL)
Na dokadoka e na liu tiko, ni
se bera [mai] na rusa, kei na qaciqacia ni se bera mai na leqa ni sega na rawaka.
LOMANI YAHUWE NA NOMU KALOU (LOVE YHWH YOUR MIGHTY ONE
Tet) Oni dau vakarautaka na itovo
vinaka vei ira na nomuni dauniveiqaravi
i Yahuwe (YHWH), e na nomuni dau vakayacora na nomuni vosa. 66 Vakatavulica vei
au na lewa vinaka, kei na kilaka, baleta au vakabauta na nomuni ivakaro. 67 ¶ E
na gauna au se bera kina ni vakamalumalumutaki; au a dau lako sese, ia e na
gauna oqo au sa dau bula muria na nomuni vosa. 68 ¶ O kemuni oni vinaka, oni
dau caka vinaka; vakatavulica vei au na nomuni lesilesi (laws), 69 ¶ O ira na
qaciqacia era sa vakaucacataki au tiko, ia au na bula muria tikoga na nomuni
ivakavuvuli e na vuniyaloqu taucoko. 70 ¶ Na vuniyalodra e vavaku me vaka na
uro; ia o au, au dau taleitaka ga na nomuni Toraa. 71 ¶ E noqu ga na kena
vinaka niu sa vakamalumalumutaki tu oqo; e a rawa ga kina vei au meu vulica na
nomuni lesilesi (laws). 72 ¶ Na Toraa oni sa cavuta oti, e vakaibalebale
vakalevu cake vei au mai na iyau koula kei na siliva.
73
¶ (Yod) Na ligamuni e a buli i au ka
tuvai i au: solia vei au na yalomatua, me rawa niu vulica na nomuni
ivunau (mitzvot) 74 ¶ O ira era rerevaki kemuni era mamarau ni ra raici au,
baleta niu biuta no na noqu inuinui e na nomuni vosa. 75 ¶ Au kila, i Yahuwe
(YHWH), ni donu vinaka tu na nomuni lewa, e na gauna mada ga oni a
vakamalumalumutaki au kina, ni o kemuni oni yalodina. 76 ¶ Laiva, na nomuni
yalololoma me vakacegui i au, me veiraurau kei na nomuni yalayala vua na nomuni
dauniveiqaravi. 77 Vakaraitaka vei au na loloma au na qai bula, baleta na
nomuni Toraa e ka talei vei au. 78 ¶
Laivi ira na viavialevu me ra madua, baleta era vakacalai au vakalawaki ca; ia
o au mada, au na vakasamataka na nomuni
ivakavuvuli. 79 Laivi ira era dau rerevaki kemuni me ra vuki mai vei au, vata
kei ira era kila na nomuni ivakavuvuli. 80 Laiva na vuniyaloqu me savasava
vakaoti e na nomuni ilesilesi, meu na kakua kina ni vakamadualaki.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 255 in 5773 (Total 1982)
|
June 3, 2013
|
|
Reading
|
Hebrew Date
|
|
M #3:Sivan 25, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
