Thought: People Will Eventually Turn
Away From Idol Worship
......................
Serving Yom Sheini, Shevat 24, 5773
MAI NA NEVI’IMI AKARONIMI (FROM THE NEVI’IM
ACHARONIM)
Oqo na parofisai bibi me baleti
Dameseke: O Dameseke sa voleka ni tini [na nona] dua tiko na korolevu; e na qai
yaco me dua na bukebuke ni rusa. 2 Na veikorolelevu ni Aro'eri era sa na biu
laivi; me ra soli laivi vei ira na qelenisipi, me ra na dau dadavo tu kina, era
qai sega ni vakadomobulataki. 3 O Ifirayimi sa na sega na nona isasabai, o
Dameseke sa na tini na nona veiliutaki; o ira na vo vo vei ira na Arama era na
yaco vei ira na ka vata a yaco vei ira na Yisira'yili, e kaya o Yahuwe ni
lewevuqa (YHWH Tzva'ot). 4 Ni sa yaco mai na siga oya, na dokai nei Ya'akove sa
na luluqa; na levulevu ni yagona sa na lutu me sa lila; 5 Na nodra tamusuka o
ira na dau tatamusuki na witi era se tubu tu, vata kei na sola ni sila me ra
tomika e gauniligadra; sa na vaka ga na vakatotomi (gleaning) ni witi mai na
buca nei Refa'imi.
6 ¶ Ia ni oti na vakatotomi, e na
vo tu ga na vuata, me vaka ni kurei na vuni olive, [sa vo toka ga kina] e rua
se tolu na vuana e na vuso ni tabana sara e cake, ka va se lima e na tabana e
ra, era a dau vuavua i vinaka tu, e kaya o Yahuwe (YHWH) na Kalou (Mighty One)
i Yisira'yili. 7 E na siga oya na tamata e na galeleti koya a buli i koya, na
matana sa na vakanamata vua na Yalosavasava Ledua i Yisira'yili. 8 Ia o koya sa
na sega ni galeleta na icabocabo ni soro
e bulia na ligana o koya vakataki koya, o koya sa na sega ni vuki i na veika e
bulia na iqaqalo ligana, na duru matakau [o Ashetoreti] se na ivakatakarakara
vatu ni sokaloutaki matanisiga.
NA IVAQA NI BULA (FOOD FOR THE SOUL)
LUVEQUTAGANE taqomaka na
noqu vosa, ka maroroya na noqu ivakaro e na lomamu. 2 Bula muria na noqu
ivakaro, mo bula; vakatawana na noqu ivakavuvuli me vaka ni yaloka ni matamu. 3
Vauci ira wavokita na iqaqalo ni ligamu; volai ira toka e na papa ni
vuniyalomu. 4 Kaya vei vuku, O iko na ganequ; ia vakatoka na yalomatua ni ra
wekamu yalewa; 5 Me rawa ni ra taqomaki iko mai vei ira na yalewa tawamacala,
mai vei ira na yalewa saqamua kei na nodra dau vosa veicavilaki.
LOMANI YAHUWE NA NOMU KALOU (LOVE YHWH YOUR MIGHTY ONE
MAIVEI Dawide: I Yahuwe
(YHWH) au kacivi kemuni tiko yani; noqu Uluvatu, kakua ni vakadigagalu i na noqu
tagi. Baleta kevaka oni tama mai vei au e na vakadirorogo, au sa na tautauvata
kei ira era lutu i loma ni qara. 2 Rogoca na domo ni noqu masu, niu tagici
kemuni yani; niu dulaka cake na ligaqu vaka i na nomuni valenisoro tabu. 3
Kakua ni dretaki au laivi vata kei ira e dau ca na nodra ivalavala; kei ira era
dau cakacakataka na ca; o ira era dau vunautaka na sautu vei ira na wekadra
vakaitikotiko; ia na inaki ca e toka e vuniyalodra. 4 Vakaicovitaki ira me
veiraurau kei na nodra ivalavala, me veiganiti ga kei na veika e dodonu me
sauti ira. 5 Baleta ni ra sega ni kila na cakacaka i Yahuwe (YHWH) se na veika
sa cakava oti. O koya e na muduki ira sobu, o koya e na sega ni tara i ira
cake.
6 ¶ Me vakavinavinakataki o
Yahuwe (YHWH), baleta o koya sa rogoca na domo ni noqu vakatamamasu, me kerea
na nona yalololoma. 7 O Yahuwe (YHWH) e noqu kaukaua ka noqu isasabai; vua, na
vuniyaloqu e vakanuinui, kau sa dau vukei. O koya e vakasinaiti kina na
vuniyaloqu e na mamarau; kau na lagata na vakacaucau vua. 8 O Yahuwe (YHWH) na
(vu ni) kaukaua vei ira na nona tamata, o koya na isasabai ni nodra vueti na
nona lumuti. 9 Vakabulai ira na nomuni tamata! Vakalougatataki ira na nomuni
ivotavota! Tuberi ira ka colati ira tiko me tawa mudu!
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog
No. 141 in 5773 (Total 1877)
|
February
4, 2013
|
|
Reading
|
Hebrew Date
|
|
M #11:
Sh’vat 24, 5773
|
|
|
Click The Bible Text To
Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
