Thought: Love Begins With Yahweh Not With Us, As Humans.
Serving For The 18th April, 2010
A qai yaco ni oti qo ni a tarogi Jiova (Yahweh) o Davide ni kaya O au beka meu lako cake i na dua na korolevu ni Yahuda? Sauma o Jiova (Yahweh) me kaya vua Lako cake. Taro tale o Davide, Meu lako cake i vei? Sauma o koya, I Hebaroni. 02 A mani lako cake i keya o Davide vata kei rau ruarua talega na watina o Ehinoami na marama ni Jesirieli kei Ebiqeili na wati i Neibala na Karamelaite 03 O Tevita kei ira na nona tamata era a tiko vata kei koya, era qai lako vata kece; o ira kece na tamata vata kei ira na nodra dui matavuvale; era qai lai vakaitikotiko mai Hebaroni 04 Era qai lako mai na tagane ni Yahuda era qai lumuti Davide me tui, e keya me tui vei ira na matavuvale i Yahuda. Oti era qai tukuna vei Tevita, O ira na kai Jabesha-Qiliadi era a buluti Saula. 05 A qai talatala o Davide vei ira na kai Jabesha-qiliadi qai tukuna vei ira, Me vakalougatataki kemuni o Jiova (Yahweh), ni oni a vakaraitaka na itovo vinaka vua na nomuni turaga, oya o Saula e na nomuni a buluti koya. 06 Ia qo me qai vakaraitaka mada ga vei kemuni na yalololoma kei na yalodina o Jiova (Yahweh); o au talega, au na sauma vei kemuni na nomuni yalovinaka e na nomuni cakava na ka oqo. 07 Ia qo, laiva na ligamuni me kaukaua ka qaqa; baleta sa mate na nomuni turaga (master) o Saula, ka ra sa lumuti au na mataqali Yahuda meu nodra tui.
Lagasere, i Lomalagi, mo marau, kacabote mai e na seresere i ulunivanua; baleta o Jiova (Yahweh) sa vakacegui ira na nona tamata ka na lomani ira na nona tamata era rarawa. 14 Io o Saioni e kaya, O Jiova (Yahweh) sa vakadakui yau, o Jiova sa guilecavi au. 15 E rawa beka vua e dua na tina me guilecava na luve a vakasucuma, me sega ni yalololoma vua na luvenatagane mai nona katonigone? Io o ira beka era na guilecava, ia o yau au na sega ni guilecavi iko. 16 Raica, au sa ceuti iko toka e na qeteqete ni ligaqu; na nomu bai lalaga e toka ga qo e mataqu.
