Kunekunetaki E Dua Na Naziri (A Nazir Is Conceived)

Thought: YHWH Intervenes To Save A Stiff-Necked Yisra’yl, That Never Learn!

................... 

Serving For Shabbat, Tammuz 10, 5772

MAI NA NEVI’IMI RISHONIMI (FROM THE NEVI’IM RESHONIM)

O ira na luve i  Yisira'yili era baci tekivu tale me ra vakarautaka na ivalavala vakasisila e na mata i Yahuwe (YHWH); a mani soli ira laivi o Yahuwe (YHWH) i na ligadra na Pi'lishitimi, me vasagavulu na yabaki. 2 Ia e a tiko voli (e na gauna oya) e dua na tagane mai Zoraa, e na mataqali i Dani, na yacana o Manoaka; o watina a yava tu, ka se bera (kina) vakadua ni vakaluvea. 3 E dua na mala'aka i Yahuwe (YHWH), a qai rairai vua na yalewa qai kaya vua, Raica o iko o yava, o se bera kina ni vakaluvea vei ira na lalai; ia qo o sa na kunekune mo vakasucuma e dua na luvemu tagane. 4 O koya oya mo qaqarauni vinaka kina; de lakolako o na qai gunuva na waini se gunu kaukaua; o iko mo kakua vakadua ni kania e dua ga na ka e sega ni savasava. 5 Baleta raica, o iko o sa kunekune, o na qai vakasucuma e dua na luvemu tagane; ka me kakua ni dua na itoro me tara na uluna; baleta na gone e na dua na Naziri vua na Kalou (Mighty One) mai na loma ni katonigone; o koya e na qai tekivu me vueti ira na luve i Yisira'yili  mai ligadra na Pi'lishitimi. 6 Oti qai lako na yalewa me lai tukuna vei watina, ni kaya, E dua na tagane mai vua na Kalou (Mighty One) a lako mai vei au; na kena irarai e vaka na irairai ni dua na mala'aka ni Kalou (Mighty One); au a domobula sara ga kina vakalevu. Au a sega ni taroga vua se lako mai vei, o koya talega a sega ni tukuna vei au na yacana. 7 Ia o koya ga e kaya vei au, Raica, o iko o sa kunekune tiko, o iko o na qai vakasucuma e dua na luvemu tagane; ia mai na gauna sara ga qo kauta yani, o iko mo kakua ni gunuva na waini se na gunu kaukaua, ka mo kakua talega ni kania na cava ga e sega ni savasava; baleta na gone e na dua na Naziri vua na Kalou (Mighty One), mai loma ni katonigone me yacova sara na siga ni nona mate. Oti sa qai vakamamasu o Manoaka vei Yahuwe (YHWH) ni kaya, Au kerei kemuni i Yahuwe (YHWH), moni laiva na tamata ni Kalou (Mighty One), o koya oni a tala mai, me lako tale mada mai  me mai vakatavulici keirau e na veika me keirau na cakava vua na gone e vakarau sucu. 9 O Yahuwe (YHWH) a rogoca na domo i Manoaka; qai lako tale mai kina na  mala'aka ni Kalou (Mighty One) vua na yalewa ni dabe tiko mai na were. Ia o Manoaka na watina a sega ni tiko vata kei koya (e na gauna oya.) 10 A mani cici vakatotolo sara na yalewa  me lai tukuna vei watina; e kaya vua o koya, Raica na tagane sa rairai tale mai vei au, o koya e a lako mai vei au e na siga oya. 11 E tu sara mai o Manoaka, qai lako vata kei watina, ia ni rau sa lako yani vua na tagane, qai tarogi koya,  O iko beka na tagane o a vosa vua na yalewa oqo? Sauma o koya, Io o au. 12 Kaya o Manoaka, Laiva na nomu vosa me na yaco; ia (vakamacalataka mada) na ivalavala me na tuberi cake mai kina, me keirau kila se cava me keirau na cakava vua? 13 Kaya na mala'aka i Yahuwe (YHWH) vei Manoaka, Na ka kecega au a tukuna vua na yalewa, laivi koya me qarauna vinaka. 14 O koya me kakua ni kania e dua na ka e tubu mai na vaini, ka me kakua talega ni gunu waini se gunu kaukaua, se kania e dua na ka e sega ni savasava; na ka kece au a vakarota vua, laivi koya me vakamuria.

Dauniveilewai (Shof’tim) 13:1-14

NA IVAQA NI BULA (FOOD FOR THE SOUL)

Na tebenigusu ni lialia e goleva na veileti; na gusuna e na kauta mai vua na mate. 7 Na gusu ni lialia e nona irusarusa, na tebenigusuna e na corita na nona bula (soul).

Vosa Vakaibalebale (Mishlei) 18:6-7

LOMANI YAHUWE NA NOMU KALOU (LOVE YHWH YOUR MIGHTY ONE)

HALELUYA. Vakavinavinaka vei Yahuwe (YHWH) mai lomalagi; vakavinavinaka vua mai na veivanua cecere. 2 Vakavinavinaka vua, kemuni kece na nona mala’akimi; vakavinavinaka vua, kemuni na nona mataivalu. 3 Vakavinavinaka vua, matanisiga kei na vula: vakavinavinaka vua, kemuni na kalokalo kecekece kei na rarama. 4 Vakavinavinaka vua, na lomalagi ni lomalagi e cake kei na wai e dela ni lomalagi. 5 Laivi ira me ra vakavinavinakataka na yaca i Yahuwe (YHWH); baleta ni a vosa era qai buli. 6 O koya talega e sa vakataudeitaki ira me tawamudu ka tawamudu; e sa vakaduria e dua na lewa e na sega ni tini.

7 ¶ Vakavinavinaka vei Yahuwe (YHWH) mai vuravura, o kemuni na gata lelevu, kei na veika kece e na butoni titobu: 8 Na bukawaqa kei na uca-qereqeqere; na uca cevata kei na waicevata, na cagilaba era vakayacora tiko na nona lewa; 9 Na ulunivanua kei na veidelana kecekece; na kauvuata vuavua i vinaka kei na sitari kecekece:10 Na manumanu kila kei na manumanu manoa kei na manumanu vakatabana; 11 Na tui kei vuravura kei na tamata kecekece; na turaga kei na turaga ni lewa kecekece kei vuravura; na ravouvou kei ira kece na daunilewa e vuravura; 12 Ruarua na gonetagane kei na goneyalewa; na tagane qase kei ira na cauravou; laivi ira me ra vakacaucautaka na yaca i Yahuwe (YHWH). 13 Baleta na yacana duadua (ga) e vinaka vakaoti; na nona dokai e toka e vuravura ka vaka kina mai lomalagi. 14 O koya e vakacerecerea talega na   nodra totoka na nona tamata, na nodra vakavinavinakataki na nona tamata digitaki kecekece; io, bau kina o ira na luve i Yisira'yili, e dua na matatamata era voleka vua. Haleluya.

Same (Tehellim) 148:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 181 o/o 1641	June 30, 2012
Reading	Hebrew Date
Yirmeyahu (Jeremaia) 39-41	Tammuz 10, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

So Tale Na Daunilewa. (More Judges)

Thought:  Some People Become Undisciplined Without Leadership

 .......................

Serving For Yom HaShishi, Tammuz 9, 5772

MAI NA NEVI’IMI RISHONIMI (FROM THE NEVI’IM RESHONIM)

Oti oya, o ira na tagane ni Ifira'yimi, era qai sosoqoni vata, ka lako vaka i na vualiku, era qai lai kaya vei Yifitaka, Na cava na vuna o takoso kina mo lai valuti ira na luve i 'Amoni, ia o qai sega ni kacivi keimami me keimami mai lako vata kei iko? Qo keimami sa na vakama na nomu vale e delamu. 2 Kaya o Yifitaka vei ira, Isa kemuni na tagane!  O au kei ira na noqu tamata keimami a veileti kei ira na luve i 'Amoni; ia niu a kacivi kemuni, oni a qai sega ni mai vueti au mai ligadra. 3 E na gauna au sa raica kina ni sega ni dua e na vueti au, au a mani bolemate au qai takoso meu lai valuti ira na luve i 'Amoni; o Yahuwe (YHWH) a qai soli i ira i ligaqu; ia qo na cava oni sa qai mai saqati au kina e na siga edai, moni mai valuti au? 4 Qori a qai vakasoqoni ira vata kina na itaukei kei Qili'ade o Yifitaka, me ra valuti ira na Ifira'yimi; o ira na tagane ni Qili'ade, era qai mokuti ira (vinaka) na tagane ni Ifira'yimi, baleta era a kaya, O kemuni na Qili'ade oni tautauvata ga kei ira era dau vakasevaki e kedra maliwa na Ifira'yimi, ka ni dau vunitaki ira (e na gauna ni vala) e kedra maliwa na mataqali i Ifira'yimi kei na Ma'nashe. 5 O ira na tamata ni  Qili'ade era qai lai vesuka ka sogota laivi na veivutovuto (fords) ni Yaradani, era taukena na Ifira'yimi; ia ni ra lako yani o ira na vakasevaki ni Ifira'yimi era via takoso i tai kadua, era na tarogi ira o ira na  Qili'ade, O iko beka mai Ifira'yimi? Ke kaya o koya, Sega; 6 Era na qai kaya vua, Cavuta mada Shiboleta oti me qai kaya o koya Siboleta; baleta ni sega ni cavuta rawa vakadodonu. O ira era na qai vesuki koya ka vakamatei koya e na vutovuto ni Yaradani; era bale e keya e na gauna oya e vasagavulunaudolu na tamata ni  Ifira'yimi. 7 O Yifitaka a qai daunilewa tiko mai Yisira'yili me ono na yabaki. Oti a qai mate o Yifitaka na tamata mai Qili'ade; ia a qai bulu toka ga e na dua na nona korolevu mai Qili'ade.

8 ¶ Oti o koya, qai daunilewa tarava koya mai Yisira'yili o Ibizani mai Beiti-Lekema. 9 O koya era le tolusagavulu na luvena tagane; ka le tolusagavulu na luvena yalewa, ia o ira na luvena yalewa e tolusagavulu a soli i ira me ra lai vakamau e taudaku ni nona mataqali, ka kauta mai e tolusagavulu na vugona mai taudaku. E a daunilewa mai Yisira'yili o koya me vitu na yabaki. 10 Oti qai mate o Ibizani, qai bulu tu mai Beiti-Lekema. 11 Taravi koya mai o Eloni, e dua vei ira na Ze'vuluni, ka daunilewa mai Yisira'yili o koya me tini na yabaki. 12 A qai mate o Eloni mai Ze'vuluni, qai bulu toka qori mai Ayaloni e na vanua i Ze'vuluni. 13 Taravi koya, me daunilewa mai Yisira'yili o Avadoni na luve i Hileli, mai  Pira'toni. 14 O koya era le vasagavulu na luvena tagane, ka ra le tolusagavulu na makubuna tagane, era dau vodoka  e vitusagavulu asa tagane; o koya e a daunilewa mai Yisira'yili me walu na yabaki. 15 Oti sa qai mate o Avadoni na luve i Hileli mai Pira'toni, qai bulu toka ga mai Pira'toni e na vanua i Ifira'yimi, e na nodra ulunivanua na Amaleki.

Dauniveilewai (Shof’tim) 12:1-15

NA IVAQA NI BULA (FOOD FOR THE SOUL)

Na vosa mai na gusu ni dua na tagane e vaka na wai titobu; ia na ivurevure ni vuku e vaka na waidrodro lalai. 5 ¶ E sega ni vinaka me dokai na tamata e na kedra maliwa na ca, se na vakatanitaki ni lewadodonu me ra saqati kina na yalododonu.

Vosa Vakaibalebale (Mishlei) 18:4-5

LOMANI YAHUWE NA NOMU KALOU (LOVE YHWH YOUR MIGHTY ONE)

Haleluya; baleta e ka vinaka me lagati na vakavinavinaka vua na noda Kalou (Mighty One); baleta ni kamikamica; kei na vakavinavinaka e kilikili. 2 O Yahuwe (YHWH) a tarai Yerushalayimi cake; qai soqoni ira vata na Yisira'yili era duitutu. 3 E vakabulai ira e ramusu tu na yalodra, ka vadretitaka na nodra mavoa. 4 E wilika na kedra iwiliwili na kalokalo, ka dau kacivi ira e na dui yacadra. 5 E vakaitamera na noda Sau, ka vakaitamera na nona lewa (power); na nona kilaka e sega ni vakaiyalayala. 6 O Yahuwe (YHWH) e dau laveti ira cake na yalomanoa (meek); ka vaka loloviratataki ira na daucakaca i dela ni qele. 7 Lagalaga sere vei Yahuwe (YHWH) e na vakavinavinaka; laga sere ni vakamuduo vata kei na hapi vua na noda Kalou (Mighty One), 8 O koya e tabonaka na lomalagi e na o, e solia na uca me tau e vuravura ka  vakatubura na co e na veiulunivanua. 9 O koya e solia vei ira na bulumakau na kedra kakana, ka vaka kina vei ira na luve ni reveni ni ra tagi. 10 E sega ni doka o koya na nodra kaukaua na ose; ka sega ni doka o koya na yava ni tamata qaqa. 11 O YHWH e taleitaki ira era rerevaki koya, kei ira era vakanuinui i na nona yalololorna.

12 ¶ Vakamuduo vei Yahuwe (YHWH) i Yerushalayimi; Vakavinavinaka vua na nomu Kalou (Mighty One) i Saiyoni. 13 Baleta ni sa vakaukauataka o koya na samugakagaka ni nomu matamata; ka sa vakalougatataki ira na nomuni lalai e na kemuni maliwa.14 E veivakameautaki e loma ni nomuni vanua, ka vakamamautaki iko e na witi vinaka vakaoti. 15 E tala yani i vuravura raraba na nona ivunau; na nona vosa e cici vakatotolo dina. 16 E solia mai na uca cevata era vaka na vutinisipi; ka ceburaka na tegu cevata me vaka na dravusa. 17 E vakatauca na wai cevata me vaka na meme ni kakana; o cei e rawa ni vosota na kena liliwa? 18 E vakauta yani na nona vosa o koya, me vakawaicalataki ira; e vakavuna na nona cagi me liwa kei na wai me drodro. 19 A tukuna na nona vosa vei Ya'akove, na nona ivunau kei na nona lewa vei Yisira'yili. 20 Ia e sega ni cakava oqori vei ira na veimatanitu kecekece; kei na nona lewa e sega ni bau vakatakila vei ira; Haleluya.

Same (Tehellim) 147:1-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 180 o/o 1640	June 29, 2012
Reading	Hebrew Date
Yirmeyahu (Jeremaia) 37-38	Tammuz 9, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bubului E Na Yaca I Yahuwe. (Giving Oath In YHWH’s Name)

Thought:  Think About Your Oath Before Uttering It; It Could Be Harmful Later

....................... 

Serving For Yom Chamishi, Tammuz 8, 5772

MAI NA NEVI’IMI RISHONIMI (FROM THE NEVI’IM RESHONIM)

A qai sobuti i Yifitaka na Yalo i Yahuwe (YHWH), qai takoso i Qili'ade, vata kei Ma'nashe, oti qai lai toso sara i Mizipaa e Qili'ade, ia mai Mizipaa e Qili'ade qai lai lako sara o koya vei ira na luve i 'Amoni. 30 O Yifitaka a qai vosa bubului vei  Yahuwe (YHWH) ni kaya, Kevaka oni na soli i ira dina na luve i 'Amoni i ligaqu, 31 Ia o koya ga e mai tavaki au e na mata ni noqu katuba niu sa lesu mai e na sautu mai vei ira na luve i 'Amoni, e na soli me nei Yahuwe (YHWH), au na soli i koya cake vaka isorokama. 32 A mani lako yani o Yifitaka vei ira na luve i 'Amoni me valuti ira; o Yahuwe (YHWH) a qai soli i ira i ligana. 33 E a kabai ira mai 'Aro'era o koya, me yaco sara i na icurucuru i Minita, e ruasagavulu na korolevu, qai kauta sara vaka i 'Avela-Ki'ramima, na bucabuca ni veivaini, e na dua na veiqeyavutaki vakaitamera. E na kena ivalavala oqori era a vakadrukai kina o ira na luve i 'Amoni vei ira na luve i Yisira'yili. 34 Oti sa qai lesu tale i Mizipaa o Yifitaka i na nona vale, qai raica, ni o luvena yalewa a lako mai me mai tavaki koya, ni taura tiko mai na tibereli me meketi koya mai; o koya qo e luvena duabulu; e sega ni dua tale na luvena tagane se yalewa, o koya duadua ga. 35 Ni raici koya yani o koya, qai (tu me)  dresulaka na nona isulu, qai kaya yani vua, Isa lei luvequ yalewa o sa biuti au vakadua i ra, nikua o sa yaco mo dua vei ira era vakacacani au; baleta au sa bubului oti vei Yahuwe (YHWH), kau na sega ni vakasuka rawa. 36 Kaya yani vua o luvena yalewa, I tamaqu, kevaka o sa bubului oti vua na Kalou (Mighty One); ia cakava sara vei au me yaco na vosa a cavuti mai gusumu; baleta o Yahuwe (YHWH) sa sausaumi lesu e na vukumu vei ira na kemu meca, oya o ira na luve i Amoni. 37 Kaya tale vei tamana o koya, Vakadonuya ga vei au e duabulu ga na na ka;  laivi au mada me rua na vula meu rawa ni lako meu lai wavoki tu mada i na veiulunivanua, meu lai lolositaka tu mada na noqu se  tabutagane, o au vata kei ira na noqu icaba. 38 Sauma o koya, Lako. A qai talai koya laivi me rua na vula; a lako o koya vata kei ira na nona icaba me lai lolositaka na nona se tabutagane e na vei ulunivanua. 39 E na itinitini ni rua na vula, e a qai lesu mai o koya vei tamana, a qai cakava vua o koya me vaka na nona bubului;  e a (mate) tabutagane yani  o koya. A qai yaco oqori me dua na ivalavala (vakalawataki) e Yisira'yili; 40 Vei ira na luvedra yalewa na  Yisira'yili, me ra dau lako me ra lai lolositaka na luve yalewa i Yifitaka na kai Qili'ade, me va na siga e na veiyabaki.

Dauniveilewai (Shof’tim) 11:29-40

NA IVAQA NI BULA (FOOD FOR THE SOUL)

Na lialia e na sega ni taleitaka na vuku, baleta na vuniyalona e na navuca ga na ivalavala ca. 3 ¶ Ni sa yacova na titobu ni itovo ca  e dua na tamata ca,  sa na bikai koya na itovo ca, na ivalavala tawakilikili, na rogorogo ca kei na madua.

Vosa Vakaibalebale (Mishlei) 18:2-3

LOMANI YAHUWE NA NOMU KALOU (LOVE YHWH YOUR MIGHTY ONE)

HALELUYA. Vakacaucautaki Yahuwe (YHWH), o iko na noqu bula (soul). 2 Niu bula tiko au na  vakavinavinaka tiko vei Yahuwe (YHWH); au na lagata na vakamolimoli vua na noqu Kalou (Mighty One), e na veigauna au bula tiko kina. 3 Kakua ni biuta na nomu inuinui vei ira na ravouvou, se vua na luve ni tamata, ka ni sega vei ira na veivukei. 4 Ni sa toso yani na nona icegu, sa suka o koya i na nona kuvu ni soso; e na siga vata oya e na rusa kina na nona vakasama.

5 ¶ E na marau o koya e nona dau ni veivukei na Kalou (Mighty One) i Ya'akove, o koya e toka na nona inuinui vei Yahuwe (YHWH) na nona Kalou (Mighty One), 6 O koya e a buli i lomalagi kei vuravura, na wasawasa kei na veika kece era tu kina; o koya na ivakatawa ni dina me tawamudu; 7 O koya e vakayacora na lewa dodonu e na vukudra era vakasaurarataki tu; o koya e solia na kakana vei ira na walokai. O Yahuwe (YHWH) e sereki ira na kaivesu. 8 O Yahuwe (YHWH) e dolava na matadra na mataboko, o Yahuwe (YHWH) e vakamatacaketaki ira era cuva sobu tu; o Yahuwe (YHWH) e taleitaki ira na yalododonu. 9 O Yahuwe (YHWH) e qaravi ira na dravudravua; e vakani ira na luveniyali kei ira na yada. Ia na nodra ivalavala na tamata ca (o koya e na) e vukica vakatobuicu. 10 O Yahuwe (YHWH) e na vakavulewa me tawamudu, oya na nomuni Kalou (Mighty One), i Saiyoni, e na veitabagauna kecekece. Haleluya.

Same (Tehellim) 146:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 179 o/o 1639	June 28, 2012
Reading	Hebrew Date
Yirmeyahu (Jeremaia) 35-36	Tammuz 8, 5772
Click The Bible Text To Read It In Gateway In Another Language Or Version

         

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vaqara Na Tiko Sautu O Yisira’yili (Yisra’yl Sought Peace)

Thought:  Always Seek Peace And Pursue It, As Far As Possible

.................. 

Serving For Yom R’vi’i, Tammuz 7, 5772

MAI NA NEVI’IMI RISHONIMI (FROM THE NEVI’IM RESHONIM)

O Yisira'yili a talai ira na dau kauitukutuku vei Sikoni, na nodra tui na Emori, na tui Heshaboni; a kaya kina vua o ira na Yisira'yili, Vakatara vei keimami me keimami takosova na loma ni nomuni vanua, me yacova ni keimami sa yaco i na neimami vanua. 20 Ia o Sikoni a sega ni vakatarai ira na Yisira'yili me ra takosova na nona vanua; a mani vakasoqoni ira vata na nona tamata taucoko o Sikoni, era qai lai keba toka mai Yahaza, era qai valuti ira na Yisira'yili. 21 O Yahuwe (YHWH) na Kalou (Mighty One) i Yisira'yili a qai soli i Sikoni kei ira kece na nona tamata i ligadra na Yisira'yili, o Yisira'yili a qai vakarusa vakadua n nodra vanua na Emori. 22 Oti era qai taukena na kedra vanua taucoko, mai Aranoni kauta vakadua sara i Yaboka, bau kina na vanua liwa (e na bati ni) Yaradani.  23 Ia qo, ni oti na nona vakarusai ira na Emori o Yahuwe (YHWH) na Kalou (Mighty One) i Yisira'yili, e matadra na nona tamata o ira na Yisira'yili (e rawa vakacava) mo vinakata me lesu tale vei iko na kedra vanua? 24 O kemuni beka oni na sega ni taukena na vanua ga e solia vei kemuni o Ki'moshi na nomuni kalou (elohim)? E vaka kina ni o koya ga e vakarusa o Yahuwe (YHWH) e mata i keimami, na nodra vanua keimami sa na taukena. 25 Ia oqo, o kemuni beka oni kaukaua  cake mai vei Balaka na luve i Zipora na tui mai Mo'ave? O koya beka a bau veileti mada ga kei ira na Yisira'yili? O koya beka a bau valuti ira mada ga vakadua?  26 E na gauna kece era a vakatikotiko kina o ira na Yisira'yili mai Heshaboni kei na kena veikoro, mai  'Aro'era kei na kena veikoro, vata kei na veikorolevu  kece era toka e na bati ni Aranoni, me tolunadrau na yabaki, na cava na vuna o a sega kina ni mai via taura lesu e na loma ni gauna oya? 27 O koya oya e sega kina na noqu ivalavala ca vei iko; o iko ga o caka cala tiko vei au, baleta ni o mai valuti au tiko; laivi  Yahuwe (YHWH), sara me na mai  vakatulewataki keda edaidai, o ira na luve i Yisira'yili kei ira na luve i 'Amoni. 28 Ia na nodra tui na luve i 'Amoni a sega ni bau via kila na vosa i Yifitaka, e a vakauta yani vua.

Dauniveilewai (Shof’tim) 11:19-28

NA IVAQA NI BULA (FOOD FOR THE SOUL)

Ni vakasavuliga e dua na tamata na vuniyalona e na vakananuya na gagano ca, ka na vakatanitaka na ivakasala vivinaka,

Vosa Vakaibalebale (Mishlei) 18:1

LOMANI YAHUWE NA NOMU KALOU (LOVE YHWH YOUR MIGHTY ONE)

NA vakavinavinaka i Davide. Au na vakacerecerei kemuni, kemuni na noqu  na Kalou (Mighty One), na tui; Au na vakavinavinakataka na yacamuni me tawamudu ka sega ni mudu. 2 E veisiga kece au na vakavinavinaka tiko vei kemuni; Au na vakalagilagia  na yacamuni me tawamudu ka sega ni mudu. 3 O Yahuwe (YHWH) e vakaitamera, ka dodonu me vakaitamera talega na nona vakavinavinakataki; Na nona vakaitamera e sega ni vakadeuci rawa.  4 E dua na itabatamata e na tukuna na nomuni cakacaka vei ira e dua tale; me vakalagilagia na vakaitamera ni nomuni cakacaka.  5 Au na tukuna na dokai kei na lagilagi ni nomuni  sau (majesty), kei na nomuni cakacaka veivakurabuitaki. 6 O ira na tagane era na tukuna na vakaitamera ni nomuni cakacaka veivakurabuitaki, ia o au, au na tusanaka wavoki na nomuni vakaitamera. 7 Era na dau veitalanoataka vakalevu me ra vakananuma na levu ni nomuni loloma, o ira na nomuni yalododonu, era na vaqara era qai kunea. 8 O Yahuwe (YHWH) e dauloloma ka dauyalovinaka; e dau berabera me vakacudrui ka vakaitamera vua na loloma. 9 O Yahuwe (YHWH) e vinaka vei keda kece, na nona yalololoma tau malumu e kovuti ira kece na dauniveiqaravi kece sara:

10 ¶ Na nomuni cakacaka kecekece e vakacaucautaki kemuni Yahuwe (YHWH); o ira na nomuni digitaki era na vakacaucautaki kemuni. 11 Era na vosa vakacaucautaka na dokai ni nomuni matanitu, ka veivosakitaka na nomuni kaukaua; 12 Me ra vakarogoya vei ira na luve ni tamata na nomuni kaukaua kei na dokai ni sau ni nomuni matanitu. 13 Na nomuni matanitu e matanitu tawamudu, na nomuni lewa e na tudei tu e veitabatamata kece sara. O Yahuwe (YHWH) e yalodina e na nona vosa ka yalododonu e na nona cakacaka kece sara. 14 O Yahuwe (YHWH) e tabei ira kece sara era lutu, ka vakamatari ira cake o ira era sa cuva sobu tu. 15 Na mata kece sara era waraki kemuni; oni na solia na kedra kakana e na kena gauna dodonu. 16 Oni dedeka na ligamuni, oni qai vakaceguya na gagadre ni veika bula kece sara. 17 O Yahuwe (YHWH) e yalododonu e na nona ivalavala kece sara ka yalololoma e na nona  cakacaka kece sara. 18 O Yahuwe (YHWH) e tu voleka vei ira kece, era dau kacivi koya e na dina. 19 O koya e na vakayacora na nodra gagadre o ira era dau sokalou vua; o koya talega e na rogoca na nodra tagi qai vueti ira. 20 O Yahuwe (YHWH) e maroroi ira kece era lomani koya, ia o ira era dau valavala ca e na vakawabokotaki ira. 21 Na gusuqu e na cavuta na vakavinavinaka vei Yahuwe (YHWH); laivi ira na lewe (flesh) kece me ra vakavinavinakataka na yacana tabu me tawamudu ka sega ni mudu.

Same (Tehellim) 145:1-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 178 o/o 1638	June 27, 2012
Reading	Hebrew Date
Yirmeyahu (Jeremaia) 33-34	Tammuz 7, 5772
Click The Bible Text To Read It In Gateway In Another Language Or Version

           

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dua Tale Na Iliuliu Vou (Another New Leader)

Thought:  Good And Solid Leadership Brings Freedom And Stability

....................... 

Serving For Yom Shlishi, Tammuz 6, 5772

MAI NA NEVI’IMI RISHONIMI (FROM THE NEVI’IM RESHONIM)

E na gauna oya o Yifitaka, e dua na tamata kaukaua ka qaqa a bula tiko mai Qili'ade ia o koya e luvena e dua na saqamua-saumi; ia o Qili'ade ga a vakatuburi Yifitaka. 2 Na wati i Qili'ade a vakasucuma vua na luvena tagane, ia ni ra sa tubu levu mai o ira na luve tagane i watina, era qai cemuri Yifitaka, ni ra kaya vua, O koya me kakua ni vakaiwasewase e na vale i tamadatou, baleta o koya e luvena e dua na yalewa tani. 3 Qori a qai dro kina mai vei ira na tacina, o Yifitaka, qai lai vakaitikotiko e na vanua o Tova; e keya era a ilala tu i Yifitaka na tagane tawayaga, era qai dau lai butako (raid) vata voli kei koya.

4 ¶ A qai yaco e na dua na gauna ni ra a valuti ira na Yisira'yili o ira na luve i 'Amoni. 5 Ni ra sa valuti ira tiko na luve i Yisira'yili o ira na luve i 'Amoni, era qai lako na matua ni Qili'ade, me ra lai kauti Yifitaka mai, mai na vanua o Tova; 6 Era kaya vei Yifitaka, Lako mai, mo mai liutaki keimami, me rawa ni da valuti ira na luve i 'Amoni. 7 Kaya o Yifitaka vei ira na matua ni Qili'ade, Oni a sega beka ni cati au, oni qai cemuri au laivi kina mai na vale i tamaqu? Na cava oni sa lakovi au tale mai kina qo ni oni sa tu leqaleqa tu? 8 Era kaya o ira na matua ni Qili'ade vei Yifitaka, Qori ga na vuna keimami lakovi iko mai kina e na gauna oqo, mo mai lesu vata kei keimami me da lai valuti ira na luve i 'Amoni, ka mo sa iliuliu vei ira kece era vakaitikotiko mai  Qili'ade taucoko. 9 Kaya o Yifitaka vei ira na matua ni Qili'ade, Kevaka oni  kauti au lesu meu me lai valuti ira na luve i 'Amoni, oti qai soli i ira e mataqu o Yahuwe (YHWH), (o kemuni beka oni na cakava) meu sa nomuni turaga? 10 Era sauma o ira na matua ni Qili'ade, vei Yifitaka, O Yahuwe (YHWH) sa na ivakadinadina e na keda maliwa, kevaka keimami sega ni cakava me vaka na nomu vosa. 11 A mani sala vata kei ira na matua ni  Qili'ade o Yifitaka; o ira na tamata era a qai buli i koya me nodra turaga ka nodra iliuliu me dau vakavulewa vei ira; O Yifitaka a qai dau cavuta na nona vosa kecekece e na mata i Yahuwe (YHWH) mai Mizipaa.

12 ¶ O Yifitaka a qai tala eso na dau kauitukutuku vua na nodra tui na luve i 'Amoni, me lai tarogi vua, Na cava beka daru veiletitaka tiko, o lako mai kina oqo vei au mo mai vala e na loma ni noqu vanua? 13 Kaya na nodra tui na luve i 'Amoni vei iratou na dau kauitukutuku i Yifitaka, Baleta o ira na luve i Yisira'yili, era a mai kauta laivi na noqu vanua e na gauna era a biubiu kina mai na vanua  Ijipita, me tekivu mai Aranoni, ka kauta vakadua i Yaboka kei na Yaradani; o koya oya mo vakasuka kece mai kina na vanua kece oqo e na yalo ni veisaututaki. 14 O Yifitaka a vakauta tale e dua na ivola e ligana e dua na dau kauitukutuku vua na nodra tui na luve i 'Amoni; 15 Ni kaya vua, Oqo na ka e kaya o  Yifitaka, O Yisira'yili a sega ni taura vakailowa na vanua nei Mo'ave, se na nodra vanua na luve i 'Amoni, 16 E na gauna era a biubiu kina mai na vanua o Ijipita o ira na luve i Yisira'yili;  o Yisira'yili, a vakamuria tiko ga mai na sala e na vanua liwa me yaco sara i na Wasa Sufa, me ra yaco i Kadesha; 17 O Yisira'yili a qai tala eso na dau kauitukutuku vua na tui Idomi, me lai kerea,  Vakadonuya vei keimami me keimami takosova na nomuni vanua; ia na tui Idomi a sega ni via rogoca. Era a talatala talega vua na tui Mo'ave o ira, ia a sega ni vakadonuya o koya; era sa mani tiko voli ga mai Kadesha o ira na Yisira'yili. 18 Oti era qai toso, ia era a vakamuria tikoga na vanua liwa, me ra wavokita na vanua o Idomi, kei na vanua o Mo'ave; oti era qai lai keba toka e na yasa ni Aranoni kadua, ia era a sega ga ni curuma na vanua o  Mo'ave; (e dina ga) ni o  Aranoni e toka e na iyalayala ni vanua o Mo'ave.

Dauniveilewai (Shof’tim) 10:1-18

NA IVAQA NI BULA (FOOD FOR THE SOUL)

O koya e maninitaka na nona vosa e tu vua na kilaka; ia o koya e dauvosota, e tamata vuku. 28 Na lialia mada ga ni toka vagagalu e na nanumi ni vuku; ia o koya e qamuta tiko na gusuna, e wili ni tamata yalomatua.

Vosa Vakaibalebale (Mishlei) 17:27-28

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. E vakacaucautaki o Yahuwe (YHWH) na noqu kaukaua, o koya e a vakatavulica na ligaqu me dau vala, kei na iqaqalo ni ligaqu e na veiqedravu; 2 Na noqu idrodro kei na noqu ivakabula; e noqu itataqomaki ka noqu dauniveivukei, vua au biuta tu na noqu  inuinui, o koya e rawai ira na veimatanitu e rukuqu. 3 I Yahuwe (YHWH), na cava na tamata, moni vakilai koya kina? Se na luve ni tamata moni vakasamataki koya kina! 4 Na tamata e vaka wale na cawa; na nona veisiga e vaka wale na iyaloyalo e tavali. 5 Loveca na nomuni lomalagi i Yahuwe (YHWH), ka sobu mai; vosataka na veiulunivanua, era na qai kubou yani. 6 Cokataka yani na yaseyase ka ceburaki ira; vanataka na nomuni gasau ni dakaititi ka vakarusai ira. 7 Dodoka mai na ligamuni mai cake; vueti au mai na wai vakaitamera, mai na ligadra na cacalaivi; 8 Era dau cavuta e gusudra na vosa lasutaki; na ligadra i matau ni lasulasu. 9 Au na lagata e dua na sere vou vei kemuni, kemuni na Kalou (Mighty One); e na soliteri kei na iyaya ni qiriqiri wa tini au na lagata na sere ni vakamuduo vei kemuni. 10 O koya sara ga e na solia na veivueti vei ira; o koya e a vakabulai Davide na nona dauniveiqaravi mai na seleiwau mosimosi. 11 Sereki au mai na ligadra na ca vakaoti, era dau kaya na vosa lasu mai gusudra, kei na liga imatau, na liga imatau ni veika lasutaki. 12 Me rawa kina vei ira na luvei i keimami tagane me ra tubu cake me vaka na veivunikau e na nodra gauna ni cauravou; kei ira na luve i keimami yalewa, me ra vaka na yalewavou era ukutaki tu e na kena ivalavala e loma ni valenisoro: 13 Kei na neimami lololo me ra na sisinai ka vuabale; kei ira na neimami sipi me ra vakaluvea vakalevu e na neimami gaunisala; 14 Kei ira na neimami bulumakau me ra kaukaua, ka sega ni dua e yava  e na kedra maliwa; ka na sega na butako, ka sega na vakaloloku e na neimami gaunisala. 15 Era mamarau o ira na tamata e tu vei ira na veika kece oqo; io era na mamarau na tamata, ni nodra Kalou (Mighty One) o Yahuwe (YHWH).

Same (Tehellim) 144:1-15

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 177 o/o 1637	June 26, 2012
Reading	Hebrew Date
Yirmeyahu (Jeremaia) 31-32	Tammuz 6, 5772
Click The Bible Text To Read It In Gateway In Another Language Or Version

              

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sokaloutaki Matakau O Yisira’yili. (Yisra’yl Worships Idols)

Thought:  Idol Worship Brings Harm To People, Get Out Of It

 ...............

Serving For Yom Sheini, Tammuz 5, 5772

MAI NA NEVI’IMI RISHONIMI (FROM THE NEVI’IM RESHONIM)

Ni oti o Avimeleki a qai tubu mai o Tola na luve tagane i Pu'a, na luve i vugona, e dua na kai Yisakaa; e vakaitikotiko mai Shamiri e na ulunivanua o Ifira'yimi. 2 O koya a daunilewa tiko mai Yisira'yili me ruasagavulukatolu na yabaki, oti a qai mate ka bulu tu ga mai Shamiri. 3 Ni oti o koya a qai tubu cake mai o Ya'iri, mai Qiliade, qai daunilewa tiko mai Yisira'yili o koya me ruasagavulu ka rua na yabaki. 4 Era le tolusagavulu na luvena tagane, era dau vodoka e tolusagavulu na asa tagane, ka tolusagavulu taucoko na nodra koro, era vakatokai kece na veikoro i Ya'iri, ia era tiko kece mai na vanua o Qiliade. 5 A qai mate o Ya'iri, ka bulu toka qori mai Kamoni.

6 ¶ Era baci valavala ca tale e na mata i Yahuwe (YHWH) o ira na luve i Yisira'yili, e na nodra baci qaravi Ba'ala kei Asetarota tale, kei na veikalou (elohim) i Idomi, na veikalou (elohim) mai Zaidoni, na nodra kalou (elohim) na Mo'avi, na nodra kalou (elohim) na luve i ‘Amoni, na nodra  kalou (elohim) na Pi'lishitimi, kei na nodra veikalou (elohim) na veivanua tale eso, qo era a vakanadakui Yahweh kina me ra kakua ni qaravi koya. 7 A qai tubu na cudru i Yahuwe (YHWH)  vei ira na Yisira'yili, qai soli i ira i ligadra na Pi'lishitimi, ka vaka kina i ligadra na luve i ‘Amoni. 8 Mai na yabaki oya, era a vakadredretaka ka vakararawataka na bula vei ira na luve i Yisira'yili, me yabaki tinikawalu, oya o ira kece na luve i Yisira'yili era tiko e na tai kadua ni Yaradani, e na nodra vanua na Emori,  mai Qili'ade. 9 Kena ikuri ni ra a takoso mai na Yaradani o ira na luve i 'Amoni, me ra mai valuti ira na Ya'huda, ka valuti ira na Ifirayimi kei ira na Biniyamini; qai vakavuna na nodra vakalolomataki dina sara ga o ira na Yisira'yili.

10 ¶ Era mani tagitagi vei Yahuwe (YHWH) o ira na Yisira'yili, ni ra kaya, Keimami sa valavala ca saqati kemuni baleta keimami sa vakanadakuya na Kalou (Mighty One) me keimami qaravi  Ba'ala.  11 Kaya o Yahuwe (YHWH) vei ira na Yisira'yili, E sega beka ni o ira mai  Ijipita, vata kei ira na Emori, o ira na luve i 'Amoni, o ira na  Pi'lishitimi, 12 O ira mai Zaidoni, o ira na Amaleki, kei ira na na Emori era a vakararawataki kemuni; oni qai tagi mai kina vei au, au qai vueti kemuni kina mai ligadra? 13 Ia o kemuni oni a vakanadakui au ga moni qaravi ira na kalou (elohim) mai liu; qori au sa na sega vakadua tale kina ni vueti kemuni. 14 Ni lako sara moni lai masu vei ira na kalou (elohim) oni dau taleitaki ira; laivi ira me ra nomuni ivakabula e na nomuni gauna ni leqaleqa. 15 Era kaya o ira na luve i Yisira'yili, vei  Yahuwe (YHWH), Keimami sa valavala ca; cakava vei keimami na ka kece oni nanuma ni dodonu e matamuni;  ia moni vueti keimami mada ga e na siga oqo. 16  O ira na luve i  Yisira'yili, era qai biuti ira laivi na kalou (elohim) tawamacala mai na kedra maliwa, era qai vuki me ra qaravi Yahuwe (YHWH);  baleta na bula (soul) i Yisira'yili sa kovu tu e na vutugu kei na yaluma. 17 E na gauna oya o ira na luve i 'Amoni era a sosoqoni era qai lai keba toka mai Qili'ade. O ira na luve i Yisira'yili, era soqoni ira vakataki ira era qai lai keba toka mai Mizipaa. 18 Era kaya sara na tamata kei ira na iliuliu mai Qili'ade, O koya ga e tekivuna na nodra valuti na luve i 'Amoni, o koya qori sa na ravouvou vei ira kece na vakaitikotiko e Qili'ade.

Dauniveilewai (Shof’tim) 10:1-18

NA IVAQA NI BULA (FOOD FOR THE SOUL)

Ni totogitaki o koya e tawacala e sega dodonu, e vaka kina ni ra warolaki o ira na tamata vinaka baleta era vosa vakadodonu.

Vosa Vakaibalebale (Mishlei) 17:26

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na Same i Davide. Ni rogoca na noqu masu, i Yahuwe (YHWH), ni vakatudaliga i na noqu vakatakekere: e na nomuni vosamatua, tama mai vei au e na nomuni yalododonu. 2 Kakua ni vakalaiva na nomuni dauniveiqaravi me veilewaitaki; baleta e matamuni e sega ni dua na tamata bula e vakadonui. 3 Baleta o ira na meca era sa vakacacana tiko na noqu bula (soul), era sa buturaka sobu na noqu bula i na dela ni soso; ka sa vakavuna meu lai vakaitikotiko e na butobuto, me vakataki ira era a se mate makawa. 4 Qori sa veilecayaki kina na yaloqu e lomaqu; na vuniyaloqu e lomaqu sa nuiqawaqawa. 5 Au nanumi kemuni, mai na veisiga sa sivi makawa; au qai vakananuya na vatuka ni nomuni cakacaka kecekece; qai vakauqeti au vakalevu na cakacaka ni ligamuni. 6 Au dodoka yani na ligaqu vei kemuni; na noqu bula e viagunu maivei kemuni  me vaka na vanua dravuisiga karamaca.

7 ¶ Tama maivei au vakatotolo, i Yahuwe (YHWH) na noqu bula (soul) sa leqa tiko; kakua ni vunia na matamuni maivei au, deu na qai tautauvata kei ira era sa siro sobu tiko i na ibulubulu. 8 Vakavuna vei au meu rogoca na nomuni yalololoma e na mataka; baleta vei kemuni ga au dau vakararavi; vakavuna vei au meu kila na sala e dodonu meu muria, baleta au sa laveta cake yani na noqu bula (soul) vei kemuni 9 Vueti au, i Yahuwe (YHWH), maivei ira na kequ meca: vakatavulici au meu cakava na nomuni lewa. 10 Baleta ni o kemuni oni noqu Kalou (Mighty One), na yalomuni daumalumu  e na tuberi au i na sala ni bula (life). 11 Vakacegui i au, i Yahuwe (YHWH) e na vuku ni yacamuni; e na vuku ni nomuni yalododonu kauta laivi na yaloqu mai na itutu ni leqa. 12 E na nomuni yalo ni veikauwaitaki vagalui ira era cati au; ka vakarusai ira kece na meca ni noqu bula (soul); baleta o au, au nomuni dauniveiqaravi.

Same (Tehellim) 143:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 176 o/o 1636	June 25, 2012
Reading	Hebrew Date
Yirmeyahu (Jeremaia) 29-30	Tammuz 5, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Mate O Avimeleki. (Avmelekh Dies)

Thought: Eventually The Payback For Wrong Doing Will Come, If Not Earlier, Later.

................. 

Serving For Yom Rishon, Tammuz 4, 5772

MAI NA NEVI’IMI RISHONIMI (FROM THE NEVI’IM RESHONIM)

Oti qai lako i Tevetesi o Avimeleki, qai lai keba kina ka kabai Tevetesi, qai taura. 51 Ia e tara toka e dua na valecere ni veitaqomaki e na loma ni korolevu; e keya era a qai dro kece kina, o ira na tagane kei na yalewa kei ira na iliuliu ni korolevu, era qai lai sogoti ira tu  kina, era qai kaba cake sara i na delavuvu ni valecere.  52 O Avimeleki a toso sara i na (yasa ni) valecere me lai vala kina, qai toro voleka sara i na kena katubalevu me vakama e na bukawaqa.  53 Ia e dua na yalewa a qai kolo sobu e dua na tikini ni vatu ni iqaqinisila i na ulu i Avimeleki, qai mani voroka na nona qavokavoka. 54 A mani kaciva vakusakusa e dua vei ira na nona cauravou e dau icolacola ni yaragi, qai kaya vua o koya, Ucuna mai na nomu seleiwau mo vakamatei au, me ra kakua kina ni qai kaya mai muri na tamata, A vakamatei koya e dua na yalewa. A mani sua basikati koya na nona cauravou, qai mani mate kina. 55 Ni ra raica ga o ira na Yisira'yili ni sa mate o Avimeleki, era sa dui lesu sara ga i na nodra dui itikotiko. 56 Qori a sauma lesu kina na Kalou (Mighty One) na ivalavala kaukaua a vakayacora vei tamana o Avimeleki ni a vakamatea e vitusagavulu na tacina; 57 Na nodra ivalavala ca kece na tagane ni She'keheme a qai sauma lesu i na dui uludra na Kalou (Mighty One); qai tauca kina vei ira na vatovato i Yotame na luve i Yeruba'ala.

Dauniveilewai (Shof’tim) 9:50-57

NA IVAQA NI BULA (FOOD FOR THE SOUL)

Na mata ni tamata yalomatua e vakanamata tiko i na vuku; ia na matana e dua na lialia, e tiko mai na butoni  vuravura. 25 ¶ E dua na luvetagane lialia e vakararawataki tamana ka velavela vei koya e a vakasucumi koya.

Vosa Vakaibalebale (Mishlei) 17:24-25

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na vucu ni veivakatavulici i Dawide e na gauna a tiko e na loma ni qara. E dua na masu. 2(1) Au a tagi vei Yahuwe (YHWH) e na domoqu; e na domoqu au cabora na noqu  vakamamasu vei Yahuwe (YHWH). 3(2) Au sovaraka na noqu kudru e matana; au vakatakila vua na noqu veileqa. 4(3) Ni sa luvuci na yaloqu e lomaqu, oni qai kila na noqu i lakolako. E na gaunisala, meu a muria era sa birika vuni tu kina na vere me baleti au.

5(4) ¶ Au rai vaka i na ligaqu imatau, e sega ni tu kina e dua me vakasalataki au; e sega na noqu tataqomaki; e sega ni dua na tamata me kauwaitaki au. 6(5) Au tagi vei kemuni i Yahuwe (YHWH); au kaya, O kemuni na noqu inuinui, ka noqu ivotavota e na nodra vanua na  kabula. 7(6) Rogoca na noqu tagi; baleta au sa vakalolovirataki vakaca; vueti au mai vei ira era vakaucacataki au, baleta era kaukaua cake vakalevu mai vei au. 8(7) Kauta tani mai na noqu bula (soul) mai na valeniveivesu, meu rawa ni  vakavinavinakataka na yacamuni; o ira na nomu yalododonu era na waraki au me yacova ni oni sa vakaicovitaki au.

Same (Tehellim) 142:1(0)-8(7)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 175 o/o 1635	June 24, 2012
Reading	Hebrew Date
Yirmeyahu (Jeremaia) 26-28	Tammuz 4, 5772
Click The Bible Text To Read It In Gateway In Another Language Or Version

           

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.