O Yahuwe Na Vu Ni Bula (YHWH IS The Source Of Life)

Thought: YHWH Says, Return To Me And I will Turn To You

 .........................

Serving For Shabbat Tevet 5, 5772

MAI VEI IRA NA PAROFITA E MURI (FROM THE NEVI’IM ACHARONIM)

Raica au na tala yani na noqu dau ni kauitukutuku me lai vakarautaka na noqu sala e na vukuqu; ia o koya, oni waraka tiko, e na qai lako yani vakasauri i na valenisoro nei Yahuwe (YHWH), oya o Koya na italai ni veiyalayalati oni dau taleitaka; raica e na lako yani o Koya, e kaya o Yahuwe ni lewevuqa (YHWH Tzva’ot). 2 Ia o cei beka e na vosota rawa na siga ni nona lako mai? O cei beka me na tu rawa ni sa basika mai o Koya? O Koya e tautauvata kei na bukawaqa i koya e dau veivakasavasavataki vata kei na nodra sovu na dausavasava: 3 E na lesu mai o koya me mai vakadaumakataka ka vakasavasavataki ira na tamata me vaka na siliva; e na qai vakasavasavataki ira na luvei Livai ka vakadodonutaki ira me vaka na koula kei na siliva, me rawa ni ra cabora vei Yahuwe (YHWH) na imadrali e na yalododonu. 4 Ekeri, na isoro nei Ya'huda vata kei Yerushalayimi, sa na qai taleitaki vei Yahuwe (YHWH)  me vaka e na veigauna makawa kei na veitabayabaki sa sivi. 5 Au na toro voleka yani vei kemuni me yaco na veivakatulewataki; au na totolo e na noqu ivakadinadina kau na saqati ira na dau cakaisausau, saqati ira na dau veidauci, saqati ira na daububului lasu, saqati ira era lawakitaki ira na tamata cakacaka mai na kedra isau, kei ira na vulagi, na luveniyali kei na yada, meu saqati ira talega era sega ni dau galeleti ira na vulagi, era vuki tiko maivei au, e kaya o Yahuwe ni lewevuqa (YHWH Tzva’ot). 6 Baleta o au o Yahuwe (YHWH), au sega ni dau veiveisau; ia o kemuni na luvei Ya'akove oni se bera ga ni biuta laivi na nomuni ivalavala ca.

7 ¶ Mai na gauna sara nei tamamuni oni a sa riba tani kina mai na noqu lewa, ia oni se sega tiko ga ni bulamuria.  Lesu mai vei au, au na qai lesu yani vei kemuni, e kaya o Yahuwe ni lewevuqa (YHWH Tzva'ot). Ia oni qai taroga Me keimami  lesu rawa yani vakacava? 8 E rawa beka vua e dua na tamata me lawakitaka na nona kalou (elohim), me vaka na nomuni sa lawakitaki au? Ia oni taroga, Kemami lawakitaki kemuni vakacava? E na ikatini kei na solisoli. 9 Oni sa vakavatovatotaki (cursed) e na vica vata na vatovato: ia oni se lawakicataki au tiko ga. 10 Yauta kece mai na ikatini i na loma ni noqu lololo, me rawa ni tiko na kakana e noqu vale; ka vakatovolei au mada e na ka oqo, e kaya o Yahuwe ni lewevuqa (YHWH Tzva'ot), seu na qai dolava mai vei kemuni na vei katubaleleka ni lomalagi, meu sovaraka mai vei kemuni na veivakalougatataki me yacova sara ni oni kaya, Sa rauta. 11 Au na tarovi ira era dau veitilomi, me ra kakua ni vakacacana na vuata ni qele; kei na nomuni vaini me kakua ni vaqera na vuana i delaniqele ni se bera ni matua, e kaya o Yahuwe ni lewevuqa (YHWH Tzva'ot). 12 Na veivanua kece era na vaqoroqoroi kemuni, ni oni sa vanua taleitaki vei au, e kaya o Yahuwe ni lewevuqa (YHWH Tzva'ot).

Malakai (Mal’akhi) 3:1-12

NA IVAQA NI BULA (FOOD FOR THE SOUL)

Na kaukaua kei na dokai e nona isulu; o koya e na sota kei na reki e na gauna maimuri. 26 E na dolava na gusuna e na vuku; e yamena e toka kina na lawa ni dauyalololoma. 27 Na itovo e na loma ni nona matavuvale e sega ni vakadiloi rawa, ka sega ni kania na kakana ni vucesa. 28 O ira na luvena era mata cake era qai vakatokai koya ni kalougata; o watina tagane e dau vakacaucautaki koya. 29 E levu na luvenayalewa era yaco me ra vutuniyau, ia o iko o siviti ira kece vakadua. 30 Na saweka e veivakacalai kei na dinamati e ka ga ni vakarairai; ia na yalewa e rerevaki Yahuwe (YHWH) e na vakacaucautaki: 31 Solia vua na vuani cakacaka ni ligana; ka laiva na nona cakacaka o koya vakataki koya, ka me vakacaucautaki o koya e na matamata.

Vosa Vakaibalebale 31:25-31

LOMANI YAHUWE NA KALOU (LOVE YHWH THE MIGHTY ONE)

Vakacaucautaki Yahuwe (YHWH). Vakavinavinakataka na Kalou (Mighty One) e na loma ni nona itikotiko tabu; Vakavinavinakataki koya e na macawa ni nona kaukaua. 2 Vakavinavinakataki koya e na vukuni cakacaka lelevu sa cakava: Vakavinavinakataki koya e na daumaka ni nona cecekia. 3 Vakavinavinakataki koya e na voqa ni domo ni biukila: vakavinavinakataki koya e na soliteri kei na hapi. 4 Vakavinavinakataki koya e na tibereli kei na ivakatagibitu vata kei na rogo kamica ni ivakatagi vakawa ni qiriqiri. 5 Vakavinavinakataki koya e na simibali rogo levu; vakavinavinakataki koya e na lagalagasere ni lewevuqa. 6 Laiva na veika kece vakaicegu me ra vakavinavinakataki Yahuwe (YHWH). Haleluya!

Same (Tehellim) 150:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
365Blog No. 1457	December 31, 2011.
Reading	Hebrew Date
Malakai (Mal’akhi) 1-4	Tevet 5, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vosavosa O Yahuwe (YHWH Speaks Out)

Thought: Do Not Take YHWH For Granted, To Treat Him Badly

 ..........................

Serving For Yom HaShee-shee Tevet 4, 5772.

MAI VEI IRA NA PAROFITA E MURI (FROM THE NEVI’IM ACHARONIM)

Na raivotu ni vosa i Yahuwe (YHWH) me baleti Isira'yili me vaka a mai vakasavuya o Mala’akai. 2 Au a dau lomani kemuni e kaya o Yahuwe (YHWH). Oni qai taroga, E na sala cava oni dau lomani keimami kina? O Esava beka e sega ni tuakai Ya'akove? e taroga o Yahuwe ni lewevuqa (YHWH Tzva’ot); ia o Ya'akove au a dau lomana; au a sega ga ni dau taleitaki Esava; 3 Au cakava me koto dravuisiga tu na nona veiulunivanua kei na veika e taukena, me nodra keba na ivakatawa ni sipi mai lekutu. 4 Ia kevaka era kaya na Idomi, Keimami sa vakadravudravuataki; ia laiva meda lesu, meda lai tara cake tale na veikoro era sa no laladidi tu; ia qai kaya o Yahuwe (YHWH) ni lewevuqa (YHWH Tzva'ot), Era na tara cake, ia au na talaraka sobu; era na qai vakatokai o ira, na iyalayala ni itovo vakasisila; e na tukuni talega ni o ira era kawatamata levaci tawamudu maivei Yahuwe (YHWH). 5 Na matamuni e na raica, oni na qai kaya, O Yahuwe (YHWH) e na vakalevulevui e na veivanua era koto sivia na iyalayala kei Isira'yili!

6 ¶ Na gone e na vakarokorokotaki tamana; kei na dauniveiqaravi, na nona turaga (master): ia o au, kevaka au dua na tama, evei na vakarokoroko e Noqu? Kevaka au dua na turaga (master) evei na noqu dokai, e taroga o Yahuwe ni lewevuqa (YHWH Tzva’ot) e na kemuni maliwa; Kemuni na kohanimi, o kemuni oni sevaka na yacaqu. Kevaka oni taroga, E na sala cava keimani sevaka kina na yacamuni?  7 Baleta ga ni o oni dau vakacabora na kakana dukadukali e na noqu icabocabo ni soro;  kevaka oni taroga, E na cava keimami vakadukadukalitaka kina? E na nomuni dau kaya, Na teveli i Yahuwe (YHWH) e vakasisila. 8 Vata kei na veigauna kece oni dau vakacabora kina na manumanu mataboko e na icabocabo ni soro, e sega beka ni vakasisila oya? Vata kei na nomuni dau vakacabora na manumanu lokiloki ka tauvimate, e sega beka ni vakasisila oya? Vakacabora mada oqori vua na nomu kovana; qai raica se na taleitaki iko o koya me ciqomi iko, e taroga o Yahuwe ni lewevuqa (YHWH Tzva'ot). 9 Ia qo, masu e na mata i Yahuwe (YHWH) me yalovinaka vei keda, baleta na leqa oqo oni a kauta ga mai e na ligamuni; au na sega ni galeleti kemuni vakatamata, e kaya o Yahuwe ni lewevuqa (YHWH Tzva'ot).  10 O cei e na kemuni maliwa e na yadrava na noqu katuba se vakacabora e na noqu icabocabo ni soro e dua na isoro e sega ni vakaibalebale? Sa oti vei au na noqu taleitaki kemuni, e kaya o Yahuwe ni lewevuqa (YHWH Tzva'ot), au na sega ni ciqoma tale e dua na imadrali mai ligamuni. 11 Baleta, mai na cadra ni siga me yacova ni lai dromu sobu, na yacaqu e cecere tu ga e na kedra maliwa na veimatanitu; e veivanua kece era dau vakama ga na imadrali boi vinaka ka cabora i na yacaqu na imadrali savasava vakaoti: baleta na yacaqu e cecere e kedra maliwa na veimatanitu, e kaya o Yahuwe ni lewevuqa (YHWH Tzva'ot). 12 Ia o kemuni oni vosavakacacataka tiko, ni oni kaya, Na teveli i Yahuwe (YHWH) e dukadukali; kei na kena kakana e vakasisila.

Malakai (Mal’akhi) 1:1-12

NA IVAQA NI BULA (FOOD FOR THE SOUL)

O cei e rawa ni kunea e dua na yalewa yalomatua? Baleta na kena isau e levu cake sara mai na rubi. 11 Na vuniyalo i watinatagane e rawa ni nuitaki koya, na nona ivakarau ni kakana e na sega vakadua ni lailai. 12 E dau caka vinaka tu ga vua, ka na sega ni caka ca vakadua e na dela ni nona bula taucoko o koya vakataki koya, 13 E na vaqara na vutinisipi kei na lineni, qai dau makututaka me cakacakataka na ligana. 14 O koya e tautauvata kei na dua na waqa ni usa kako, ka ni dau kauta mai na nona ivoli mai na veivanua mai vavalagi;15 E dau sou e na mataka caca ni se butobuto tu, ka soli kakana vei ira na lewe ni nona matavuvale, oti qai dau wase cakacaka talega vei ira na nona vada. 16 E na vakasamataka e dua na tikiniqele, oti qai volia: mai na vua ni ligana e na tea e dua loganivaini: 17 E na vauca na tolona e na kaukaua, qai vakaukauataka na ligana. 18 E kilakasamata o koya ni daumaka vakaoti na nona ivoli; na nona icina e na sega vakadua ni boko e na bogi taucoko. 19 E dodoka yani na ligana vakavuku, qai biuta na ligana e na misini ni caka isulu, 20 E dodoka na ligana vei ira na dravudravua; io, e dodoka yani na gauniligana vei ira era gadreva na veivuke. 21 O ira na lewe ni nona matavuvale era sega ni domobulutaka na ucacevata, baleta o ira kece era dara tu na isulu damudamu. 22 E talia o koya na itutuvi e tali vakamatau me nona; na nona isulu na lineni matailalai kei na lokaloka. 23 O watinatagane e kilai levu e loma ni korolevu, e na gauna me dabe tiko kina e kedra maliwa na qase ni vanua. 24 E talia na isulu lineni matailalai, me volitaka; qai vakauta na beleti (girdles) vei ira na dauniveivoli.

Vosa Vakaibalebale 31:10-24

LOMANI YAHUWE NA KALOU (LOVE YHWH THE MIGHTY ONE)

Vakacaucautaki Yahuwe (YHWH). Lagata vei Yahuwe (YHWH) e dua na sere vou kei na veivakacaucautaki e na loma ni nodra isoqosoqo na digitaki. 2 Laivi Isira'yili me reki e na vukuna o koya e a buli i koya; laivi ira na lalai ni Saiyoni me ra mamarau vua na nodra Tui. 3 Laivi ira me ra vakacaucautaka na yacana e na tibareli kei na soliteri; laivi ira me ra lagata na nodra veivakacaucautaki vua e na hapi; 4 O Yahuwe (YHWH) e dau marautakai ira na nona tamata; e sa solia na veivueti vei ira na dravudravua. 5 Laivi ira na yalododonu me ra vakaitamera e na dokai; laivi ira me ra  vakavinavinakataki koya e na nodra loga.

6 ¶ Laiva me ra vakacerecerei Yahuwe (YHWH) mai na gusudra, ni ra qumia tu e ligadra na seleiwau batirua, 7 Me ra vakayacora na veisausaumi vei ira na tawalotu (heathen) ka veitotogitaki vei ira na tamata, 8 Me ra vesuki ira na nodra tui e na ivesu ni yava kei ira na nodra turaga (nobles) e na sinucodo kaukamea; 9 Me ra vakayacora vei ira na itotogi volai; ka vakarokorokotaki ira kece na digitaki. Vakacaucautaki Yahuwe (YHWH).

Same (Tehellim) 149:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
364 Blog No. 1456	December 30, 2011.
Reading	Hebrew Date
Sakaraia (Z’kharyah) 13-14	Tevet 4, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iVakataotioti Ni iValavala Ca (The End Of Sins)

Thought: The Time Of The End Is Not Going To Be Nice, It Would Be Painful

................................ 

Serving For Yom Khah Mee-shee Tevet 3, 5772

MAI VEI IRA NA PAROFITA E MURI (FROM THE NEVI’IM ACHARONIM)

Raica na siga i Yahuwe (YHWH) sa tadu tiko mai, na nomuni itoki e na qai veivotayaki, e na kemuni maliwa.  2 Baleta Au na vakasoqoni ira vata na veimatanitu me ra mai valuti Yerushalayimi; e na qai rawai na korolevu, butakoci na kena veivale, kucuvi o ira na yalewa, ka veimama na lewe ni korolevu era na kau vakabobula, ia na vo ni tamata e veimama, era na sega ni vakarusai  mai na korolevu. 3 E na qai lako o Yahuwe, me lai valuti ira na veimatanitu oya, me vaka a cakava o koya e na siga ni vala. 4 Na yavana e na duri e na Ulunivanua ni Veiolive, e toka veibasai kei Yerushalayimi vaka i na vuaicake, ia na ulunivanua ni Veiolive e na kavida rua, e veimama i na vuaicake ia na veimama kadua i na vuaira, e na qai toka e na kedrau tadrua e dua na buca levu; e dua na veimama ni ulunivanua e na sudra vaka i na vualiku kei na kena veimama kadua vaka i na ceva.  5 Oni na qai dro i na buca ni ulunivanua baleta na buca ni ulunivanua e yaco sara i na vanua ni leqa; io oni na dro, me vaka na nomuni a drovaka na uneune e na gauna nei 'Uzaiya na tui Ya'huda; ia o Yahuwe (YHWH) na noqu Kalou (Mighty One) e na qai curu mai, o koya vata kei ira kece na nona digitaki. 6 E na qai yaco e na siga oya, ni na sega na rarama, ia na batabata ga kei na waicevata vulavula. 7 Qo e na dua na siga e kilai vei Yahuwe (YHWH); e na sega ni siga se bogi; e na qai yaco ni na rarama tu e na yakavi bogi. 8 E na qai yaco e na siga oya ni na drodro na wai bula mai Yerushalayimi; veimama i na wasawasa mai na tokalau ka veimama i na wasawasa mai na vuaira; e na drodro tikoga e na vula ikatakata se vula ililiwa. 9 O Yahuwe (YHWH) e na tui e vuravura raraba; e na siga oya e na dua ga o Yahuwe (YHWH) ka duabau ga na yacana. 10 O koya e na vukica na vanua me dua na buca, mai Qeva i Rimoni e na ceva kei Yerushalayimi; ia o Yerushalayimi e na vakacerei cake, ka tawa mai na kena vei itikotiko mai na matamata i Biniyamini me yaco i na vanua ni imatai ni matamata, qai yaco sara i na matamata e na tutu ni koro, ka vaka kina mai na valecere mai Hanana’yili me yaco i na nona iqaqi ni waini na tui. 11 Na tamata era na vakaitikotiko kina ka sa na oti vakadua na kena vatovato; o Yerushalayimi e na tawani e na bula sautu. 12 Ia qo na leqa vakaitamera e na vakayagataka o Yahuwe (YHWH) me samuti ira kina na tamata era a lai valuti Yerushalayimi; na lewe ni yagodra e na vuca ga mai ni ra se tucake tu e yavadra, na yaloka ni matadra e na waicala e na dreke ni matadra, kei na yamedra talega e na vuca laivi e loma ni gusudra. 13 E na qai yaco e na siga oya, ni dua na ka veivakidroataki levu maivei Yahuwe (YHWH) e na yaco e na kedra maliwa; era na qai taura na ligadra na wekadra vakaitaukei na tamata kece; na ligadra e na qumia matua na ligadra na wekadra vakaitikotiko. 14 O Ya'huda e na vala tiko mai Yerushalayimi; o koya e na kumuna vata na nodra iyau na veimatanitu era toka vakavolivolita; na koula, na siliva kei na isulu e vakaitamera na kena ilevu. 15 E na tautauvata qori na leqalevu e na yaco vei ira na ose, vei ira na meule, vei ira na kameli, vei ira na asa kei ira kece na manumanu era tiko e na keba, era na sotava na veivakarusai vata oya.

16 ¶ E na qai yaco ni o ira kece era vo mai vei ira na veimatanitu era a lai valuti Yerushalayimi, era na qai dau lako cake mai na dua na yabaki ki na dua tale na yabaki, me ra lai sokalou vua na Tui, o Yahuwe ni lewevuqa (Yahweh Tzva’ot), me ra qarava kina na solevu ni vale tabatabanikau (Sukkot). 17 E na yaco talega, ni o koya ga e sega ni lako cake mai i Yerushalayimi, vei ira na matavuvale kece e vuravura, me lai sokalou vua na Tui, o Yahuwe ni lewevuqa (YHWH Tzva’ot); ni na sega ni tau vei ira na uca.18 Ke ra sega ni lako cake na  matavuvale mai Ijipita, ia vei ira talega e na tau mai na leqa levu e na samuti ira kina na veimatanitu o Yahuwe (YHWH) baleta ni ra sega ni lako cake me ra lai qarava na solevu ni vale tabatabanikau (Festival of Sukkot).  19 Oqori na itotogi e na tau vei Ijipita, ka itotogi talega e na tau vei ira na veimatanitu kece era sega ni via lako cake me ra lai qarava na solevu ni vale tabatabanikau (Festival of Sukkot) 20 E na siga oya, e na volai kina e na baraile ni ose; E tabu vei Yahuwe (YHWH); ia na kuro e na vale i Yahuwe (YHWH) e na vakamareqeti talega me vaka na bilo e na mata ni icabocabo ni soro.  21 Io, na kuro taucoko e Yerushalayimi kei Ya'huda e na vakatabui vei Yahuwe ni lewevuqa (YHWH Tzva'ot); o ira kece era lai vakacabo isoro, era na kauta me ra lai vakasaqa kina; e na siga oya, e na sega vakadua ni kune tale kina e dua na Kena'ani e na vale i Yahuwe ni lewevuqa (YHWH Tzva’ot).

Sakaraia (Z’kharyah) 14:1-2

NA IVAQA NI BULA (FOOD FOR THE SOUL)

Dolava na gusumu mo cavuta ga na vosa ni dina, ka vakatulewataki ira na luvedra tagane na vakasisila. 9 Dolava na gusumu, vakatulewa vakadodonu, ka tokona na nodra ile na dravudravua kei ira era gadreva na veivuke.

Vosa Vakaibalebale (Mishlei) 31:8-9

LOMANI YAHUWE NA KALOU (LOVE YHWH THE MIGHTY ONE)

VAKAMUDUO vei Yahuwe (YHWH); Vakavinavinaka vei Yahuwe (YHWH) mai lomalagi; vakavinavinaka vua mai na veivanua cecere. 2 Vakavinavinaka vua, kemuni kece na nona mala’akimi; vakavinavinaka vua, kemuni na nona mataivalu. 3 Vakavinavinaka vua, matanisiga kei na vula: vakavinavinaka vua, kemuni na kalokalo kecekece kei na rarama. 4 Vakavinavinaka vua, na lomalagi ni lomalagi e cake kei na wai e dela ni lomalagi. 5 Laivi ira mera vakavinavinakataka na yaca i Yahuwe (YHWH): baleta ni a vosa era a qai buli. 6 O koya talega e sa vakataudeitaki ira me tawamudu ka tawamudu; e sa vakaduria e dua na lewa e na sega ni tini.

7 ¶ Vakavinavinaka vei Yahuwe (YHWH) mai vuravura, o kemuni na gata lelevu, kei na veika kece e na buto ni titobu: 8 Na bukawaqa kei na uca-qereqeqre; na uca cevata kei na waicevata, na cagilaba era vakayacora tiko na nona lewa; 9 Na ulunivanua kei na veidelana kecekece; na kauvuata vuavua i vinaka kei na sitari kecekece: 10 Na manumanu kila kei na manumanu manoa kei na manumanu vuka: 11 Na tui kei vuravura kei na tamata kecekece; na turaga kei ira na turaganilewa kecekece kei vuravura: na ravouvou kei ira kece na daunilewa e vuravura  12 Ruarua na gonetagane kei na goneyalewa; na tagane qase kei ira na cauravou; laivi ira me ra vakacaucautaka na yaca i Yahuwe (YHWH). 13 Baleta na yacana duadua e vinaka vakaoti; na nona dokai e toka e vuravura ka vaka kina mai lomalagi. 14 O koya e vakacerecerea talega na   nodra totoka na nona tamata, na nodra vakavinavinakataki na nona tamata digitaki kecega; io, bau kina o ira na luve i Isira'yili, e dua na matatamata era voleka vua. Vakavinavinaka vei Yahuwe (YHWH).

Same (Tehellim) 148:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
363 Blog No. 1456	December 29, 2011.
Reading	Hebrew Date
Sakaraia (Z’kharyah) 10-12	Tevet 3, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E A Bulia Na Veika Kece. (YHWH Created All Things)

Thought: YHWH Will Eventually Defend Y’hudah And Yerushalayim

....................... 

Serving For Yom Revee-ee, Tevet 2, 5772

MAI VEI IRA NA PAROFITA E MURI (FROM THE NEVI’IM ACHARONIM)

Na raiyawa ni vosa i Yahuwe (YHWH) me baleti Isira'yili. Oqo na veika e kaya o Yahuwe (YHWH), o koya e a dedeka na lomalagi, vakotora na yavu kei vuravura ka bulia na icegu ni tamata e lomana.  2 Raica, au na vukuci Yerushalayimi me dua na vanua vakadomobula vei ira tamata era tu vakavolivolita, e na qai yaco e dua na buku ni druadrua vei Ya'huda ka vaka kina vei Yerushalayimi.  3 E na yaco e na gauna oya, niu na cakava me dua na vatu bibi o Yerushalayimi, vei ira na tamata kece me ra butuka; ia o ira era butu era na vurulaki vaka matailalai, e dina ga ni sa soqo tiko o vuravura taucoko me ra mai saqata. 4 E na siga oya, e kaya o Yahuwe (YHWH), Au na samuti ira kina na ose kecekece me ra kidroa; kei ira era vodoka tiko me ra veilecayaki: Au na dolava na mataqu meu yadrava na vale nei Ya'huda, au qai samuta na nodra ose na veimatanitu me ra mataboko. 5 O ira na ravouvou ni Ya'huda era na qai vosavosa iyalodra, O ira na itaukei kei Yerushalayimi era kaukaua cake vei keda e na vuku i Yahuwe ni lewevuqa (YHWH Tzva'ot) na nodra Kalou (Mighty One). 6 E na siga oya, Au na cakavi ira na ravouvou ni Ya'huda me ra vaka na koala waqawaqa e na maliwa ni kau, ka vaka na barawa bukawaqa e na loma ni ivau sila madu; e na qai tilomi na tamata kece era tiko vakavolivolita e na imatau kei na imawi: ia o Yerushalayimi e na qai tawa tale, e na kena itokatoka dina oya mai Yerushalayimi. 7 O Yahuwe (YHWH) talega e na sikova na nodra valelaca na Ya'huda, me vaka e liu, me kakua kina ni levu cake vei ira na Ya'huda, na nodra lagilagi na mataqali i Dawide kei na nodra lagilagi na itaukei kei Yerushalayimi. 8 E na siga oya, o Yahuwe (YHWH) e na sabai ira na itaukei kei Yerushalayimi; me rawa kina vei ira era gogo e na kedra maliwa me ra tautauvata kei Dawide e na siga oya, ia na vale nei  Dawide e na vaka na Kalou (Mighty One), io, me vakataka na mala'aka i Yahuwe (YHWH) e liu tiko vei ira.

Sakaraia (Z’kharyah) 12: 1-8

NA IVAQA NI BULA (FOOD FOR THE SOUL)

Na veivosa i Le'mu'yili e dua na tui, ka parofita, e vakatavulica vua o tinana ni kaya, 2 Isa luvequtagane, isa na luvetagane mai na noqu katonigone, isa na luvetagane ni noqu bubului! 3 Kakua ni solia na nomu kaukaua vei ira na yalewa, se na nomu ivalavala i na nodra sala ni vakasabusabu na tui. 4 Me baleti ira na tui, i Le'mu'yili, qaqarauni mai vei ira na tui era dau gunu waini; kei ira na ravouvou era dau gunuva na gunu kaukaua. 5 De lakolako o gunu, o qai guilecava na lawa, ka kauta vakatani na lewadodonu sa vakaturi no me baleti ira era vakararawataki tu. 6 Laiva na gunu kaukaua me soli vei ira era vakaloloku, kei na waini vei ira e lomabibi tu na vuniyalodra, 7 Me rawa ni ra gunu era qai guilecava na nodra vutugu, ka sega ni nanuma tale na nodra rarawa.

Vosa Vakaibalebale (Mishlei) 31:1-7

LOMANI YAHUWE NA KALOU (LOVE YHWH THE MIGHTY ONE)

VAKAMUDUO vei Yahuwe (YHWH): baleta e ka vinaka me lagati na vakavinavinaka vua na noda Kalou (Mighty One); baleta ni kamikamica; kei na vakavinavinaka e kilikili. 2 O Yahuwe (YHWH) a tara i Yerushalayimi cake: e soqoni ira vata na Isira'yili era duitutu. 3 E vakabulai ira e ramusu na yalodra, ka vadretitaka na nodra mavoa. 4 E wilika na kedra iwiliwili na kalokalo, ka dau kacivi ira e na dui yacadra. 5 E vakaitamera na noda Sau, ka vakaitamera na nona lewa (power); na nona kilaka e sega ni vakaiyalayala. 6 O Yahuwe (YHWH) e dau laveti ira cake na yalomanoa (meek); ka vakaloloviratataki ira na daucakaca e dela ni qele. 7 Lagalaga sere vei Yahuwe (YHWH) e na vakavinavinaka; laga sere ni vakamuduo vata kei na hapi vua na noda Kalou (Mighty One), 8 O koya e tabonaka na lomalagi e na o, e solia na uca me tau e vuravura ka  vakatubura na co e na veiulunivanua. 9 O koya e solia vei ira na bulumakau na kedra kakana, ka vaka kina vei ira na luve ni reveni ni ra tagi. 10 E sega ni doka o koya na nodra kaukaua na ose; ka sega ni doka o koya na yava ni tamata qaqa. 11 O YHWH e taleitaki ira era rerevaki koya, kei ira era vananuinui i na nona yalololorna.

12 ¶ Vakamuduo vei Yahuwe (YHWH) i Yerushalayimi; Vakavinavinaka vua na nomu Kalou (Mighty One), i Saiyoni. 13 Baleta ni sa vakaukauataka o koya na samugakagaka ni nomu matamata; ka sa vakalougatataki ira na nomuni lalai e kemuni maliwa. 14 E veivakameautaki e loma ni nomuni  vanua, ka vakamamautaki iko e na witi vinaka vakaoti.15 E tala yani i vuravura raraba na nona ivunau; na nona vosa e  cici vakatotolo dina.16 E solia mai na uca cevata era vaka na vutinisipi: ka ceburaka na tegu cevata me vaka na dravusa. 17 E vakatauca na wai cevata me vaka na meme ni kakana; o cei e rawa ni vosota na kena liliwa? 18 E vakauta yani na nona vosa o koya, me vakawaicalataki ira; e vakavuna na nona cagi me liwa kei na wai me drodro. 19 A tukuna na nona vosa vei Ya'akove, na nona ivunau kei na nona lewa vei Isira'yili. 20 Ia e sega ni cakava oqori vei ira na veimatanitu kecekece; kei na nona lewa e sega ni bau vakatakila vei ira. Vakavinavinaka vei Yahuwe (YHWH).

Same (Tehellim) 147:1-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
362 Blog No. 1455	December 28, 2011.
Reading	Hebrew Date
Sakaraia (Z’kharyah) 7-9	Tevet 2, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Na Rogoca Na Nomu Kerekere (YHWH Listens To Your Request)

Thought:  YHWH Creates The Climate You Need, Scientists Do Not Know

 ......................

Serving For Yom Shlee-shee, Tevet 1, 5772

MAI VEI IRA NA PAROFITA (FROM THE PROPHETS)

Kerea mai vei Yahuwe (YHWH) na uca e na vula ni uca e muri; o Yahuwe (YHWH) e na cakava me tau malumu na uca, ka solia o Koya na uca me tauca na co me ra tubu e na veibucabuca. 2 Baleta o ira na tamata vuli era sa kaya na veivakacalai, o ira na daurairai era raitayaloyalotaka na lasu, era qai talanoataka na tadra lasulasu; e tawa yaga na nodra veivakacegui, qori era qai lako kina o ira na tamata, me vaka na qelenisipi, era leqa baleta ni sega na nodra ivakatawa. 3 Sa tubu na noqu rarawa vei ira na ivakatawanisipi, au na totogitaki ira na qele ni manumanu, baleta o Yahuwe ni lewevuqa (YHWH Tzva’ot) sa sikovi ira oti na nona qele ni manumanu na yavusa Ya'huda, ka vakayagataki ira me ra vaka na ose daumaka e na ivalu. 4 Mai vei ira e na vura mai na vatu ni tutu ni vale, mai vei ira na ivako, mai vei ira na dakaititi ni ivalu, maivei ira  talega o ira na iliuliu era sa tu vata.

5 ¶ Era na vaka na tamata qaqa, era na butuka tu na veidabibi e gaunisala e na ivalu; era na vala baleta o Yahuwe (YHWH) e tiko vaka kei ira, o ira na dau ni vodo ose, era na veilecayaki. 6 Au na vakaukauataka na vale nei Ya'huda, au na vueta na vale nei Yosefa, kau na kauti ira lesu mai; baleta au na lomani ira, era na qai yaco me vaka au a sega ni guilecavi ira, baleta o Au o Yahuwe na Kalou (YHWH Mighty One) au na sauma vei ira. 7 Era na yaco me ra vakataki ira na tamata qaqa ni Ifirayimi, na yalodra e na mamarau me vaka ni ra gunu waini; io, na luvedra era na raica era qai reki; na vuniyalodra e na mamarau e na vuku i Yahuwe (YHWH). 8 Au na kaluvi ira meu vakasoqoni ira; baleta au na vueti ira; era na qai tubu tale, me tautauvata ga na nodra a tubu eliu. 9 Au na kaburaki ira e na kedra maliwa na veimatanitu; ia era na vakabekabei au e na veivanua yawa; era na qai susugi ira na dui luvedra me ra na lesu tale mai. 10 Au na kauti ira lesu mai, mai na qele vaka Ijipita, ka vakasoqoni ira tani mai Ashuru; au na qai kauti ira lesu i na vanua o Qili'ade kei Le'vanoni; me yacova ni sa sega ni veirauti vei ira na qele.  11 Era na qai takosova na wasawasa ni rarawa, e na vukica tani o koya na ua ni wasawasa, na vei uciwai titobu  era na mamaca vakadua; na nodra viavialevu na Ashuru e na tinidole, kei na matanitu mai Ijipita e na takali laivi. 12 Au na vakaukauataki ira vei Yahuwe (YHWH); era na qai vunautaka na itukutuku vinaka ni yacana, e kaya o Yahuwe (YHWH).

Sakaraia (Z’kharyah) 10:1-12

NA IVAQA NI BULA (FOOD FOR THE SOUL)

Mai na uro ni sucu e rawa mai kina na bata, ia kevaka o tabaka vata na ligamu e na dua na sore ni witi, e na drodro tani mai na kena wai; e tautauvata oqori ni yaco na veivakataulewataki mai na veileti.

Vosa Vakaibalebale (Mishlei) 30:33

LOMANI YAHUWE (LOVE YHWH)

Vakacaucautaki Yahuwe (YHWH), o iko na noqu bula (soul). 2 Niu bula tiko au na  vakavinavinaka tiko vei Yahuwe (YHWH); au na lagata na vakamolimoli vua na noqu Kalou (Mighty One), e na veigauna au bula tiko kina. 3 Kakua ni biuta na nomu inuinui vei ira na ravouvou se vua na luve ni tamata, ka ni sega vei ira na veivukei. 4 Ni sa toso yani na nona icegu, sa suka o koya i na nona kuvu ni soso; e na siga vata oya sa rusa kina na nona vakasama.

5 ¶ E na marau o koya e nona dauniveivukei na Kalou (Mighty One) i Ya'akove, o koya e toka na nona inuinui vei Yahuwe (YHWH) na nona Kalou (Mighty One), 6 O koya e a buli i lomalagi kei vuravura, na wasawasa kei na veika kece era tu kina; o koya na ivakatawa ni dina me tawamudu; 7 O koya e vakayacora na lewa dodonu e na vukudra era vakasaurarataki tu; o koya e solia na kakana vei ira na walokai. O Yahuwe (YHWH) e sereki ira na kaivesu. 8 O Yahuwe (YHWH) e dolava na matadra na mataboko, o Yahuwe (YHWH) e vakamatacaketaki ira era cuva sobu tu; o Yahuwe (YHWH) e taleitaki ira na yalododonu. 9 O Yahuwe (YHWH) e qaravi ira na dravudravua; e vakani ira na luveniyali kei na yada. Ia na nodra ivalavala na tamata ca e vukica vakatoboicu. 10 O Yahuwe (YHWH) e na vakavulewa me tawamudu, oya na nomuni Kalou (Mighty One) i Saiyoni, e na veitabagauna kecekece. Vakamuduo vei Yahuwe (YHWH).

Same (Tehellim) 146:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
360 Blog No. 1454	December 27, 2011.
Reading	Hebrew Date
Sakaraia (Z’kharyah) 4-6	Tevet 1, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Saqata Na iValavala Ca (YHWH will Not Tolerate Sins)

Thought: National and Personal Greed Do Not Pay

 ............................

Serving For Yom Shaynee, Kishlev 30, 5772

Na vosa nei Yahuwe (YHWH) e tau saqata na vanua o Hadraka ka tau saqati Dameseke; qo me tauca vakailoloma soliwale vua; baleta vei Yahuwe (YHWH) sa vakatakilai na nodra ivalavala na tamata kei na nodra o ira kece na vei mataqali i Isira'yili; 2 E tau saqati Hamata talega, e no veitikivi kei Dameseke; vakakina vei Ta'zo vata kei Saidoni, e dina ga ni ra sa yaco me ra vuku vakaoti. 3 O Ta'zo sa tara e dua na nona valecere ni veitaqomaki, ka binia cake na siliva me vaka na kuvu ni soso, kei na koula qaqa me vaka na soqosoqo e veisaqata. 4 Qori e na qai vakarusai koya kina o Yahuwe (YHWH) ka talaca na nona iyau i waitui; oti e na qai tilomi o koya e na bukawaqa. 5 O Ashikeloni e na raica oqori qai domobula:  O 'Azaa talega e na rarawa vakalevu vata kei Ekironi; baleta sa veilecayaki na nona inuinui; na tui e na rusa mai 'Azaa, vata kei Ashikeloni sa na sega ni tawani;  6 Na vulagi era sa na tawani Ashadodo, Au na qai muduka laivi na nodra viavialevu na Pilishitimi. 7 Au na kauta laivi na nodra dra mai gusudra kei na nodra ivalavala vakasisila mai na maliwa ni batidra; o ira talega era kena vo vo era nona na Kalou (Mighty One), era na tautauvata kei ira na ravouvou ni Ya'huda; kei Ekironi e na vakataki ira na Yu'vusii. 8 Au na vakavuna me mai tiko e na noqu vale e dua na kovana, baleti koya e na tavali mai, baleti koya talega e na lesu mai; e sega tale vakadua ni dua e dau veivakasaurarataki e na lako mai, me mai saqati koya; baleta qo au sa qai raica e  mataqu.

9 ¶ Marau sara vakalevu, o iko na luveyalewa i Saiyoni, Kaila o iko na luveyalewa I Yerushalayimi: Raica, na nomu tui, sa lako tiko mai vei kemuni, O koya e yalododonu ka dua na ivakabula, e lolovira ka vodoka tiko e dua na asa, e dua na asa gone, na luve ni dua na asa. 10 O koya e na muduka laivi na qiqi ni valu mai Ifirayimi kei na ose mai Yerushalayimi, na dakaititi e na ramusu e na ivalu; o koya e na vosa me baleta na sautu vei ira na veimatanitu, na nona lewa e tekivu mai na waitui ki na waitui ka tekivu mai na uciwai ki na iyalayala kei vuravura. 11 Ia o iko vakataki iko talega, e na vuku ni dra ni nomu veiyalayalati Au na sereki ira kina na nomu kaivesu me ra galala, mai na ikeli e sega kina na wai.

12 ¶ Vakaitikotiko e na valecere isasabai; o kemuni na kaivesu ni isoqosoqo; au na vakaruataka na kemuni isau ni dua na siga. 13 Baleta au sa lovea na noqu dakaititi  e na vuku i Ya’huda, ka tawana na noqu dakaititi e na vuku i Ifirayimi, au  na vakaduri i ira na luvemuni i Saiyoni, me saqati ira na luvemuni tagane i Keriti, ka cakavi Yerushalayimi me vaka na seleiwau ni dua na tamata qaqa. 14 Ia o Yahuwe (YHWH) e na laurai e deladra na meca, na nona gasau ni dakaititi e na vanataki me vaka na yaseyase; o Yahuwe (YHWH) na Kalou (Mighty One) e na uvuca na biukila ka na lako e na covulaca i na ceva. 15 O Yahuwe ni lewevuqa (YHWH Tzva'ot) e na taqomaki ira; e na veitilomi ka na veivakamalumalumutaki e na vatu ni irabo, ia o ira era na gunuva na leqa me vaka na waini; era na qai vakasinaiti me vaka na viala ka vaka na tutu ni icabocabo ni soro. 16 O Yahuwe (YHWH) na nodra Kalou (Mighty One), e na vueti ira e na siga oya me vaka ni ra qeleni nona tamata;  baleta era a vatu tabu, era sa kolotaki laivi tu e na nona qele. 17 E vinaka ka daumaka vakaoti na witi vei ira na cauravou, ia na waini e cakava me ra mamarau na vada.

Sakaraia (Z’kharyah) 9:1-17

Kakua ni kocokoco mo kakua ni vakalialiani; kakua ni vakani iko vakataki iko e na veika e rawa mai vakalawaki ca.

Vosa Vakaibalebale 30:32

Au na vakacerecerei kemuni, kemuni na noqu Kalou (Mighty One), na tui; Au na vakavinavinakataka na yacamuni me tawamudu ka sega ni mudu. 2 E veisiga kece au na vakavinavinaka tiko vei kemuni; Au na vakalagilagia na yacamuni me tawamudu ka sega ni mudu. 3 O Yahuwe (YHWH) e vakaitamera, ka dodonu me vakaitamera talega na nona vakavinavinakataki; Na nona vakaitamera e sega ni vakadeuci rawa.  4 E dua na itabatamata e na tukuna na nomuni cakacaka vei ira e dua tale; me vakalagilagia na vakaitamera ni nomuni cakacaka.  5 Au na tukuna na dokai kei na lagilagi ni nomuni Sau (majesty), kei na nomuni cakacaka veivakurabuitaki. 6 O ira na tagane era na tukuna na vakaitamera ni nomuni cakacaka veivakurabuitaki, ia o au, au na tusanaka wavoki na nomuni vakaitamera. 7 Era na dau veitalanoataka vakalevu me ra vakananuma na ilevu ni nomuni loloma, o ira na nomuni yalododonu, era na vaqara era qai kunea. 8 O Yahuwe (YHWH) e dauloloma ka dauyalovinaka; e dau berabera me vakacudrui ka vakaitamera vua na loloma. 9 O Yahuwe (YHWH) e vinaka vei keda kece, na nona yalololoma tau malumu, e kovuti ira na dauniveiqaravi kece sara:

10 ¶ Na nomuni cakacaka kecekece e vakacaucautaki kemuni Yahuwe (YHWH); o ira na nomuni digitaki era na vakacaucautaki kemuni. 11 Era na vosa vakacaucautaka na dokai ni nomuni matanitu, ka veivosakitaka na nomuni kaukaua; 12 Me ra vakarogoya vei ira na luve ni tamata na nomuni kaukaua kei na dokai ni Sau ni nomuni matanitu. 13 Na nomuni matanitu e matanitu tawamudu, na nomuni lewa e na tudei tu e veitabatamata kece sara. O Yahuwe (YHWH) e yalodina e na nona vosa ka yalododonu e na nona cakacaka kece sara. 14 O Yahuwe (YHWH) e tabei ira kece sara era lutu, ka vakamatari ira cake o ira era sa cuva sobu tu. 15 Na mata kece sara era waraki kemuni; oni na solia na kedra kakana e na kena gauna dodonu. 16 Oni dedeka na ligamuni, oni qai vakaceguya na gagadre ni veika bula kece sara. 17 O Yahuwe (YHWH) e yalododonu e na nona ivalavala kece sara ka yalololoma e na nona cakacaka kece sara. 18 O Yahuwe (YHWH) e tu voleka vei ira kece, era dau kacivi koya e na dina. 19 O koya e na vakayacora na nodra gagadre o ira era dau sokalou vua; o koya talega e na rogoca na nodra tagi qai vueti ira. 20 O Yahuwe (YHWH) e maroroi ira kece era lomani koya, ia o ira era dau valavala ca e na vakawabokotaki ira. 21 Na gusuqu e na cavuta na vakavinavinaka vei Yahuwe (YHWH); laivi ira na lewe (flesh) kece me ra vakavinavinakataka na yacana tabu, me tawamudu ka sega ni mudu.

Same (Tehellim) 145:1-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
359 Blog No. 1453	December 26, 2011.
Reading	Hebrew Date
Sakaraia (Z’kharyah) 1-3	Kishlev 30, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Loloma I Yahuwe E Tawamudu (YHWH’s Mercy Will Endure Forever)

Thought: Isra’yl And Y’hudah Will Be Saved And Become The Source Of Blessings

 ....................

Serving For Yom Reeshone, Kishlev 29, 5772

A BACI yaco tale mai na vosa i Yahuwe ni lewevuqa (YHWH Tzva’ot) vei au ni kaya, 2 Oqo na veika e kaya o Yahuwe ni lewevuqa (YHWH Tzva'ot); Au sa vakayavalati e na vuku i Saiyoni e na    kauwai vakaitamera; io au sa yavalati e na vukuna e na yalorawarawa  vakaitamera. 3 Oqori a qai kaya kina o Yahuwe (YHWH), Au na lai vakacegui mai Saiyoni; kau na vakaitikotiko e loma i Yerushalayimi. O Yerushalayimi e na vakatokai ni korolevu ni dina; na ulunivanua nei Yahuwe ni lewevuqa (YHWH Tzva'ot), na ulunivanua tabu. 4 Oqo tale na ka e kaya o Yahuwe ni lewevuqa (YHWH Tzva'ot), Me tekivu qo lako yani, o ira na tagane qase kei na yalewa qase era na dadabe tale e na vei gaunisala e Yerushalayimi; na tagane kece era na dui taura tu na nodra dui ititoko e ligadra baleta na bibi ni nodra yabaki. 5 Na veigaunisala ni korolevu era na osodrigi tu vei ira na taganelalai kei na yalewalalai me ra qito. 6 Oqo na ka e kaya o Yahuwe ni lewevuqa (YHWH Tzva'ot), Kevaka e veivakurabuitaki e matadra na vo vo ni mataqali oqo, e na veisiga oqo, e dodonu beka me veivakurabuitaki tale ga i mataqu? Qori e taroga o Yahuwe ni lewevuqa (YHWH Tzva'ot). 7 Oqo na ka e kaya o Yahuwe ni lewevuqa (YHWH Tzva'ot), Raica, au na vueti ira na noqu tamata mai na veivanua e na vuaicake kei na veivanua e na vuaira; 8 Au na kauti ira mai, me ra mai vakaitikotiko e loma i Yerushalayimi; era na qai Noqu tamata, ia o au, au na qai nodra Kalou (Mighty One) e na dina kei na dodonu. 9 Qo na ka e kaya o Yahuwe ni lewevuqa (YHWH Tzva'ot); Laiva na ligamuni me kaukaua, o kemuni kece oni rogoca tiko e na veisiga oqo na veivosa, a dau rogo mai gusudra na parofita era a dau tiko mai na gauna sara a dabe no kina na yavu ni vale i Yahuwe ni lewevuqa (YHWH Tzva'ot), me rawa ni tara na valenisoro.  10 Baleta ni se bera na veisiga oya ka se bera na gauna oya, e a se sega tu kina ni saumi na kedrai isau na tamata, ka sega ni lavaki na isau ni vakayagataki na manumanu; e a sega talega na vakacegu vei koya e lako yani se lako mai, baleti ira era dau ivalavala kaukaua: baleta raica o au ga, au a vakauqeti ira na tamata kece me ra saqati ira na wekana vakaitikotiko. 11 Ia qo au sa na sega ni cakava vei ira na vo vo ni tamata oqo, me vaka mai liu, e kaya i Yahuwe ni  lewevuqa (YHWH Tzva'ot). 12 Baleta na sorenikau sa na vuavuaivinaka; na vaini e na solia mai na vuana, na qele e na vuataka na kena tubu, kei na lomalagi e na solia mai na kena tegu; Au na qai vakavuna vei ira na vo vo ni tamata oqo me ra taukena na veika kece sara oqo.  13 E na qai yaco, me vaka ni oni a vu ni vatovato (curse) e na kedra maliwa na veimatanitu, o kemuni e na yavusa Ya'huda kei na yavusa Isire'yili; Au sa na vueti kemuni, o kemuni oni na qai vu ni veivakalougatataki; qori moni laiva kina na ligamuni me kaukaua ka moni kakua ni domobula. 14 Baleta oqo na ka e kaya o Yahuwe ni lewevuqa (YHWH Tzva'ot); Me vaka niu a nakita meu vakaleqai kemuni, baleta ni ra a vakacudrui au o ira na nomuni qase, e kaya o Yahuwe ni lewevuqa (YHWH Tzva'ot), Au a qai sega ni tu tale vakasuka.  15 Ia qo au sa vuki, kau nanuma e na veisiga oqo, meu sa caka vinaka vei Yerushalayimi kei na vale nei Ya'huda, kakua ni taqaya.  16 Oqo na veika moni na cakava;  Na tamata kece me ra kaya ga na vosa dina vei ira na wekana vakaitkotiko; cakacakataka na dina, na dodonu kei na sautu e loma ni nomuni matamata. 17 Laiva me kakua ni dua e navuca na ca e vuniyalona me saqati ira kina na wekana vakaitikotiko; kakua ni taleitaka na bubului lasulasu; baleta  na veika kece qo, era veika au dau sevaka, e kaya o Yahuwe ni lewevuqa (YHWH Tzva'ot).

Sakaraia (Z’kharyah) 8:1-17

E tiko e tolu na ka e vakaturaga na nodra itosotoso, io e va e dau totoka vakaoti na malumu ni nodra veitosoyaki, 30 Na laione, o koya e vakaitamera duadua vei ira na manumanu, e sega ni dau rere, se dau guce mai na mata ni vei manumanu kece tale eso; 31 Na tamatama ni toa e dau veitosoyaki vakadokadoka e kedra maliwa na tinatina ni toa; na metagane e dau liutaki ira na qelenimanumanu; kei na tui, e vosa tiko e na kedra maliwa na lewe ni vanua.

Vosa Vakaibalebale 30:29-31

Me vakacaucautaki o Yahuwe (YHWH) na noqu kaukaua, o koya e a vakatavulica na ligaqu me dau vala, kei na iqaqalo ni ligaqu e na veiqedravu; 2 Na noqu idrodro kei na noqu ivakabula; e noqu itataqomaki ka noqu dauniveivukei, vua au biuta tu na noqu  inuinui, o koya e rawai ira na veimatanitu e rukuqu. 3 I Yahuwe (YHWH), na cava na tamata, moni vakilai koya kina? Se na luve ni tamata moni vakasamataki koya kina! 4 Na tamata e vaka wale na cawa; na nona veisiga e vakawale na iyaloyalo e tavali.5 Loveca na nomuni lomalagi i Yahuwe (YHWH), ka sobu mai; vosataka na veiulunivanua, era na qai kubou yani. 6 Cokataka yani na yaseyase ka ceburaki ira; vanataka na nomuni gasau ni dakaititi ka vakarusai ira. 7 Dodoka mai na ligamuni mai cake; vueti au mai na wai vakaitamera, mai na ligadra na cacalaivi; 8 Era dau cavuta e gusudra na vosa lasutaki; na ligadra i matau ni lasulasu. 9 Au na lagata e dua na sere vou vei kemuni, kemuni na Kalou (Mighty One); e na soliteri kei na iyaya ni qiriqiri wa tini, au na lagata na sere ni vakamuduo vei kemuni. 10 O koya sara ga e na solia na veivueti vei ira; o koya e a vakabulai Davide na nona dauniveiqaravi mai na seleiwau mosimosi.11 Sereki au mai na ligadra na ca vakaoti, era dau kaya na vosa lasu mai gusudra, kei na liga imatau, na liga imatau ni veika lasutaki. 12 Me rawa kina vei ira na luvei i kemami tagane me ra tubu cake me vaka na veivunikau e na nodra gauna ni cauravou; kei ira na luve i keimami  yalewa, me ra vaka na yalewavou era ukutaki tu e na kena ivalavala e loma ni valenisoro: 13 Kei na neimami lololo me ra na sisinai ka vuabale; kei ira na neimami sipi me ra vakaluvea vakalevu e na neimami gaunisala;  14 Kei ira na neimami bulumakau me ra kaukaua, ka sega ni dua e yava e na kedra maliwa; me na sega na butako, ka sega na vakaloloku e na neimami gaunisala 15 Era mamarau o ira na tamata e tu vei ira na veika kece oqo; io era na mamarau na tamata, ni nodra Kalou (Mighty One) o Yahuwe (YHWH).

Same (Tehellim) 144:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
359 Blog No. 1453	December 25, 2011.
Reading	Hebrew Date
Akeai (Hagai) 1-2	Kishlev 29, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.