Sota Mamaca O Dawide Kei Sha’ula (Dawid confronts Sha’ul)

Thought: Confronting Thorny Issues Can Clarify Right From Wrong

 ...................

Serving For Shabbat, Av 23, 5772

MAI NA NEVI’IMI RISHONIMI (FROM THE NEVI’IM RESHONIM)

OTI era qai lako mai na tamata mai Zifa vei Sha'ula e Qiva'a era qai kaya, Raica, o Dawide e vunitaki koya tiko vakataki koya mai na delana o Hakilaa, e toka donuya na vanua liwa e na tai kadua mai Yeshimoni; 3 O Sha'ula a lai keba toka mai na delana mai Hakilaa, donuya na vanua liwa e na bati ni sala. Ia o Dawide a vakaitikotiko e loma ni vanua liwa, oti qai raici Sha'ula o koya ni tiko talega mai na loma ni vanua liwa. 4 O Dawide a qai tala eso na yamata vuni, qai kila kina o koya ni lakovi koya dina tiko yani o Sha'ula. 5 O Dawide, a qai lako i na vanua e keba tiko kina o Sha'ula; qai raica o Dawide na tikina e davo tiko kina o Sha'ula, raica na tikina e davo toka kina o Avenaa na luve i Nera, na komada ni mataivalu i Sha'ula; ia o ira na vo ni tamata era qai davo wavolivoliti koya tu.

6 ¶ Oti qai vosa o Dawide, qai kaya vei  Akimeleki na Hiti, vata kei Avishai na luvetagane i Ze'ruyaa, na taci i Yo'avi, ni kaya, O cei e na lako vata kei au i na keba i  Sha'ula? Kaya o Avishai, O au, au na lako sobu vata kei iko. 7 Rau mani lako sobu o Dawide kei Avishai, vei ira na tamata ni sa bogi; ia raica ni o Sha'ula a moce tu e gaunisala, ka koto no na nona moto e na dela ni qele e na ulu ni nona imocemoce; ia o Avenaa kei ira na tamata, era qai davo wavolivoliti koya tu.  8 Kaya sara o Avishai vei Dawide, Na nomu Kalou (Mighty One) sa solia na kemu meca i ligamu e na siga nikua; vakadonuya vei au meu cokai koya ga vakadua e na moto e koto no oqo e dela ni qele, au na sega tale ni cokai koya vakarua. 9 Ia o Dawide a qai kaya vei Avishai, Kakua ni vakarusai koya; o cei e rawa ni dodoka na ligana saqati koya na lumuti i Yahuwe (YHWH), me qai sega ni cala? 10 Kaya tale o Dawide, Me vaka ni bula tiko o Yahuwe (YHWH), o Yahuwe (YHWH) ga e na qai vakamatei koya; e na siga ni nona mate sa roro tiko mai, se na bale o koya e na dua na ivalu e na qai rusa kina. 11 O Yahuwe (YHWH) e sega ni vakatara vei au meu dodoka na ligaqu meu saqata na lumuti i Yahuwe (YHWH); kauta ga mai, au kerei i iko, na moto kei na saqa wai e toka qori e na ulu ni nona idavodavo, me daru lesu tale. 12 A mani kauta o Dawide na moto kei na saqa wai mai na ulu ni idavodavo nei Sha'ula; rau qai lako tale yani, e sega ni dua na tamata a raici (rau) se kila se yadravi rau mada ga, baleta ni ra a moce lutu kece tu; oya baleta ni a lutuki ira e dua na moce lutu maivei Yahuwe (YHWH).

13 ¶ A qai lako o Dawide i na yasana kadua mai vei Sha'ula, qai lai tu mai na delana yawa toka mai vua, me rawa ni rau veiyawaki vinaka toka; 14 Sa qai kaciva na tui kei Avenaa na luvetagane i mai Nera, o Dawide ni kaya, O na sega beka ni vosa mai i Avenaa? Sa qai sauma o Avenaa, ni kaya, O cei o iko o kaciva tiko mai na tui? 15 Kaya o Dawide vei Avenaa, O iko beka o sega na tamata qaqa? O cei beka drau tautauvata e Yisira'yili? Na cava na vuna o sega ni vakatawana vinaka tu kina na nomu turaga na tui? Baleta nikua e lako mai kina e dua vei ira na tamata me mai vakarusa na nomu turaga na tui. 16 Na ka oqo o cakava e sega ni vinaka. Me vaka ni bula tiko o Yahuwe (YHWH), o iko o dodonu mo vakamatei, baleta ni o sega ni vakatawana vinaka tiko na nomu turaga na lumuti i Yahuwe (YHWH). Vaqara mada se tiko evei na nona moto na tui, vata kei na saqa wai rau a toka e na ulu ni nona idavodavo. 17 O Sha'ula a qai rogoca na domo i Dawide qai kaya yani vua, Oqo na domomu i Dawide na luvequ tagane? Kaya o Dawide, Io, qo na domoqu kemuni na noqu turaga, na tui. 18 Oti qai taroga o Dawide, Na cava beka oni cemuri au tiko mai kina na nomuni dauniveiqaravi? Na cala cava beka au sa bau cakava? Se na ivalavala ca cava beka e tiko qo e ligaqu? 19 Ia qo, laiva na noqu turaga na tui me rogoca mada na vosa ni nona dauniveqaravi. Kevaka e a vakauqeti iko o Yahuwe (YHWH) mo saqati au, ia laiva me daru cabora e dua na nodaru isoro;  ia kevaka era a vakatalatalataki iko na tamata, laivi ira me ra vatonaki mai vei Yahuwe (YHWH); baleta o ira era sa cemuri i au laivi me sa sega na noqu itataqomaki e na ivotavota maivei Yahuwe (YHWH), ni ra kaya vei au, Lako lai qaravi ira na kalou (elohim) tani. 20  O koya oya, laiva me kakua ni talivi na noqu dra e na vanua e yawa vakaoti mai na mata i Yahuwe (YHWH); baleta na tui Yisira'yili e sa mai vaqara tiko e dua na kutu ni manumanu, me vaka e dua e mai vakasasataka tiko e dua na toa (partridge) e na ulunivanua.

21 ¶ Oti sa qai vosa o Sha'ula me kaya vei Dawide, Au sa valavala ca; lesu tale mai i Dawide na luvequ tagane; baleta au sa na sega tale ni qara na nomu mavoa, baleta na noqu bula e vakamareqeti e matamu, e na siga oqo; raica au a vaqitoqito tiko me vaka e dua na lialia, kau sa cala sara ga kina vakalevu. 22 Sauma o Dawide ni kaya, Raica, na nona moto na tui! Tala mai e dua na cauravou me lako mai, me mai kauta lesu yani.  23 O Yahuwe (YHWH) e na vakacovitaka na tamata me veiraurau kei na nona yalododonu vata kei na nona yalodina;  o Yahuwe (YHWH) a sa soli i iko i ligaqu e na siga edai, ia o au, au a sega ni dodoka na ligaqu meu saqata na lumuti i Yahuwe (YHWH).  24 Raica, me vaka niu a vakacerecerea vakalevu na nomu bula e mataqu e na siga oqo, ia laiva na noqu bula me na vakacerecerei vakalevu e na mata i  Yahuwe (YHWH), qai laivi koya me na dau vueti au mai na noqu vei leqaleqa kecekece sara. 25 Oti qai kaya o Sha'ula vei Dawide, Mo kalougata, i luvequ tagane; o iko o na dau rawata, ruarua, na veika lelevu, kei na gugumatua. Oti sa qai toso e na nona ilakolako o Dawide; ia o Sha'ula a qai lesu i nona vale.

1 Samuela (Sh’mu’yl Alef) 26:1-25

NA IVAQA NI BULA (FOOD FOR THE SOUL)

Na mata qaciqacia, kei na vuniyalo kocokoco, e vu ni ivalavala ca, ni siyarataki na vanua mai vua na tamata inaki ca.

Vosa Vakaibalebale (Mishlei) 21:4

LOMANI YAHUWE NA NOMU KALOU (LOVE YHWH YOUR MIGHTY ONE)

19(18) Laiva me galu na tebenigusudra o ira na vakasisila; baleta era dau vosa lasu ka dau beci ira na tamata yalododonu.

20(19) ¶ Oilei na kena vakaitamera na nomuni vinaka, oni maroroya tu e  vukudra o ira era dau sokalou vei kemuni, oya oni sa cakacakataka oti e na vukudra era dau vakararavi vei kemuni e na matadra na tamata. 21(20) Vunitaki ira e na valecere ni veitaqomaki, e na kemuni iserau, mai na nodra vere na tamata; e na nomuni iyaloyalo (shadow), vakatawani ira tiko mai na veivakacacani. 22(21) Me vakavinavinakataki o Yahuwe (YHWH): baleta sa lesi i ira e na vukuna o koya vakataki koya, o ira era digitaki mai na dua na korolevu kaukaua; 23(22) Au a kaya e na noqu vaqunaquna, Au sa yali mai matamuni, ia oni se rogoca tiko ga na noqu vakatakekere niu tagi yani vei kemuni. 24(23) Isa ni lomani Yahuwe (YHWH), o kemuni kece na nona yalododonu; baleta o Yahuwe (YHWH) e maroroi ira era yalodina, ka vakaicovitaki ira na vakasisila me veiraurau ga kei na nodra dui cakacaka. 25(24) Moni yaloqaqa tiko, o koya e na qai vakaukauataka na vuniyalomuni, o kemuni kece oni nuitaki Yahuwe (YHWH).

Same (Tehellim) 31:20(19)-25(24)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 223 o/o 1683	August 11, 2012
Reading	Hebrew Date
Tz’fanyah (Sefanaia) 1-3	Av 23, 5772
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.