Thought:
Serving For
Ia ni raici Saula tu yani o Samuela, o koya sa digitaka o Jiova (Yahweh), qai kaya o Jiova (Yahweh) vei Samuela, Raica na tamata au a tukuna vei iko! Na tamata oqo me na veiliutaki vakatui vei ira na noqu tamata.
18 ¶ A qai toro voleka vei Samuela o Saula e na matamata qai kaya, Tukuna mada mai vei au; evei beka na nona vale na daurairai. 19 Sauma o Samuel vei Saula qai kaya O au na daurairai; liu cake yani i na tikina cecere; baleta o iko o na kana vata kei au edaidai; e na mataka au na qai biuti iko mo lako, ia au na tukuna vei iko na veika kece e tiko e lomamu. 20 Ia me baleta na nomu asa era a yali e na tolu na siga sa sivi, kakua ni leqataki ira baleta era sa kune tale; Vei cei beka e toka kina na nodra inuiniu na vale nei Isireli? E sega beka ni no vei iko kei ira lewe ni vale nei tamamu? 21 Sauma o Saula qai kaya vei Samuela Raica, o yau, au dua na vei ira na kawa i Beniyamini, na mataqali lailai duadua e na loma ni kawa i Isireli ia na noqu matavuvale, e lolovira duadua vei ira na matavuvale ni mataqali Beniyamini. Na cava mo mai vosa kina vakaoqori vei au? 22 A qai kauti Saula kei na nona dauniveiqaravi o Samuela, me kauti rau i loma ni vale, vakatikori rau mai mai na tikina e uludra o ira era sureti, oya e rauta na le tolusagavulu na tamata.
Kevaka dou lomani Au, muria na Noqu ivakaro. 16 Au na masuti Tamaqu, e na qai solia mai vei kemudou o Koya, e dua tale na Dauniveivukei, me mai tiko kei kemudou me tawamudu, 17 oya na Yalo ni dina, o koya e sega ni ciqoma rawa o vuravura, baleta e sega ni raici Koya rawa se kilai Koya; ia o kemudou dou kilai Koya baleta ni vakaitikotiko vei kemudou ka tiko e lomamudou.
