Thought: With Yahweh You Can Turn A Setback Into A Springboard
Serving For The 12th April, 2010
Ni bau yalolololoma vei au, kemuni na Kalou (Elohim); baleta o ira na tamata era sa butuki au sobu tiko e na yavadra, e na veisiga kece; na ivalu sa bikai au me vaka e dua na icolacola bibi. 02 O ira na kequ meca era butuki au sobu tiko e yavadra e na veiveisiga; ka le levu vei ira na sotia era sa mata cake mai me ra saqati au. 03 Au sega ni domobula e na loma ni siga baleta niu vakararavi vei kemuni; 04 Vua na Kalou (Elohim) au na vakalagilagitaki, vua na Kalou (Elohim) au sa biuta na noqu inuinui, au na sega ni taqayataka na ka e rawa ni cakava vei au na tamata. 05 E na loma ni siga taucoko era veibukutaki au, me ra bulia na inakinaki ca meu saqati kina. 06 Era na waraki au vunivuni, era qai dikeva tiko na noqu ilakolako, baleta ni ra gadreva tiko na noqu mate. 07 Qori sa sega tu na nona ivakabula, era kaya. Ni cudruvi ira e na cudru e nakiti vei ira na kai veimatanitu tani.
08 ¶ I Jiova (Yahweh) au vakatusa na noqu vakabauti kemuni; vola na itukutuku ni wai ni mataqu e na nomuni ivola.
Ia e na bogilevu tutu, rau a masumasu ka vakalagilagitaka tiko na Kalou (Elohim) o Paula kei Sailasa, ka ra vakarogoci rau tiko o ira na kaivesu. 26 Qai vakasauri sa vakuru mai e dua na uneune vakaitamera, ka ni kurea sara ga na yavu ni valeniveivesu; oti qai tatadoladola kina na katuba kecekece ka tataseresere na kedra ivesu senicodo taucoko.
