Biuti Yahuwe O Ya’huda (Y’hudah Left YHWH)

Thought: First Get To Know YHWH, Then Life Will Be Clearer

.................... 

Serving For Yom Shlishi, Tevet 26, 5773

MAI NA NEVI’IMI AKARONIMI (FROM THE NEVI’IM ACHARONIM)

Qo au na lagata vua na noqu daulomani e dua na nona sere na noqu daulomani me baleta na nona loganivaini. Na noqu daulomani e dua tiko na nona loganivaini e na tutu ni dua na delana bulabula. 2 E a cukita, vakabaitaka, qai teivaka e na vaini digitaki, oti qai taraa e dua na valecere ni yadra e na kena maliwa, ka taraa talega kina e dua na iqaqi ni waini; oti qai namaka tiko ni na vuataka na vuanivaini, ia qai vuataka ga na vaini ni veikau. 3 Kemuni na ivakatawa i Yerushalayimi, kei kemuni na tamata ni Ya'huda, vakataulewa au kerea, e na keirau maliwa o au kei na noqu loga ni veivaini. 4 Na cava tale beka au a rawa ni cakava i na noqu loga ni veivaini, au a sega ni cakava? Qai vakavuna kina, niu namaka tiko ni na vuataka mai na vuanivaini, ia qai vuataka mai na vuanivaini ni veikau. 5 Ia qo, au na tukuna vei kemuni na ka au sa na cakava i na noqu loga ni veivaini; au na basuka na kena baibula karokaroa (hedge) me tilomi, au na qai basuka na kena baivatu (fence), me na buturaki sobu; 6 Au sa na biuta tu ga me lekutu; me sa kua tale ni samaki se wereci; e na tubu kina na kau vakavotona kei na soni; au na vakarota talega na o me kakua ni vakatauca kina na uca. 7 Baleta na loga ni veivaini i Yahuwe ni lewevuqa (YHWH Tzva'ot) o ira na lewe ni matavuvale i Yisira'yili, kei ira na tamata i Ya'huda era nona veivunikau talei; au vaqara na dodonu ia au raica na tagitagi.

8 ¶ Na leqalevu e na yaco vei ira era semata na vale i na vale, ka kauta laivi na iyalayala ni vanua e loma ni vanua me rawa ni butakoci na vanua, moni qai tiko vakataki kemuni e loma i vuravura. 9 E daligaqu, e kaya o Yahuwe ni lewevuqa (YHWH-Tzva'ot), E ka dina  e sa rogoci, ni levu sara na vale era na qai tini tu laladidi tu,  na veivale lelevu ka vivinaka, baleta sa na sega ni dua me tawana. 10 Baleta e dua na loganivaini tini na eka, e na rawa ga mai kina e dua na ciwa na qaloni (bath), kei na dua na homera na itei e na rawa ga mai kina e  dua 'Eifaa. 11 Na leqalevu e na yaco vei ira era sou vakamataka lailai sara, me ra ciciva na gunu kaukaua; era qai gunu tiko me yacova na bogi, ni ra sa mateni vakaca tu e na waini 12 Era na gunu waini ni ra vakarogoca tiko na hapi, na tibereli, na teborini kei na ivakatagi bitu; na waini sara ga e levu e na nodra solevu; era sega kina na galeleta na cakacaka i Yahuwe (YHWH) se vakasamataka na cakacaka ni ligana. 13 O koya era sa kau kina vakabobula o ira na noqu tamata,  baleta ni sega vei ira na kilaka; ia o ira na nodra mate sa vakalevutaki baleta na dravuisiga, ka ra sa rawai e na karamaca. 14 O koya oqo sa vakarabailevutaki koya kina o She’ola ka dolava na gusuna me sega ni vakaiyalayala; o ira na tamata lagilagi, o ira na tamata dokai, o ira na tamata qaqa era na qai siro (kece) i loma.

Yeshayahu (Aisea) 5:1-14

NA IVAQA NI BULA (FOOD FOR THE SOUL)

Baleta o Yahuwe (YHWH) ga e veisoliyaka na vuku; mai gusuna e vure mai kina na kilaka kei na yalomatua. 7 E maroroya tu na vakasama kilai rawarawa (common sense) e vukudra na yalododonu; ka isasabai vei ira e tawacala na nodra ivalavala, 8 Me rawa ni taqomaka na veisala ni lewadodonu, ka taqomaka na nodra sala o ira era dauyalodina vua. 9 Qori oni na qai kila vinaka kina na yalododonu, na lewadodonu, na lewa vakatautauvata, kei na veisala vivinaka kecekece.

10 ¶ Baleta na vuku e na curuma na vuniyalomu, ia na kilaka e na ka marautaki vei iko.11 Na yalomatua e na wanonovi iko tiko, kei na kilaka e na vakatawani iko.12 (Na vuku) e na vueti iko mai na ivalavala ca, ka vakakina mai vei ira era dau cavuta na vosa ni veivakacalai; 13 O ira era vakanadakuya na sala ni dina me ra lakova na sala ni  butobuto; 14 O ira era taleitaka na caka ca ka rekitaka na nodra babamatua me ra veivakacalai; 15 O ira qori na tamata e tatakelokelo na nodra itovo, ka veiveveyaki na gaunisala era muria.

Mishlei (Vosa Vakaibalebale) 2:6-15

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Na sere mai na gauna makawa (gittit). E dua na Same i Dawide. 2(1) I Yahuwe (YHWH)! Na neimami Sau (Sovereign)!, E wacava na daumaka vakaoti ni yacamuni e vuravura raraba!  Na irogorogo ni nomuni sau e tete e dela mada ga ni lomalagi! 3(2) Mai gusudra na peipei kei na gone dramidrami, oni vakadeitaka na qaqa baleti ira era kemuni meca,  me rawa ni oni vagalui ira na meca kei ira era dau veisausaumitaki ca (avenger).

4(3) ¶ Niu raica na nomuni lomalagi, na cakacaka ni qaqalo ni ligamuni, na vula kei na kalokalo, o ira oni a lesia na nodra itokatoka; 5(4) Na cava sara mada o ira era bula vakaiyalayala, oni dau kauwaitaki koya kina o kemuni vakataki kemuni; kei na tamata, oni dau vakaraici ira tu kina e na kauwai vakaitamera? 6(5) Baleta ni oni a buli i koya me lolovira sobu mai vei ira na mala’akimi, oni qai vakacerecerei koya me dokai ka vakarokorokotaki 7(6) Oni solia vua me lewa na veika a bulia na ligamuni, ka biuta na veika kece e ruku ni yavana, 8(7) Na sipi kei na okisi, o ira kece bau kina na manumanu kila mai veikauloa; 9(8) Na manumanu vakatabana ni macalalala kei na ika e waitui, na cava ga e qalova na veigaunisala ni wasaliwa. 10(9) I Yahuwe (YHWH)! Na neimami Sau (Sovereign)! E wacava na daumaka vakaoti  ni yacamuni e loma i vuravura raraba!

Tehellim (Same) 8:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 114 in 5773 (Total 1850)	January 8, 2013
Reading	Hebrew Date
Divrei HaYamim Bet ( 2 Chronicles) 13-14	M #10: Tevet 26, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.