Thought: YHWH Will
Be Like A Mother To Those Who Fear And Serve Him!
............................
Serving For Yom
Shlishi, Sivan 12 5773
MAI NA NEVI’IMI
AKARONIMI FROM THE NEVI’IM ACHARONIM)
Na
vuniyalomuni e na reki e na vuku ni ka oni raica, na yagomuni e na seraki me
vaka na co vou era se qai buroro cake. E na qai kilai ni liga i Yahuwe (YHWH)
sa tiko vata kei ira na nona dauniveiqaravi; ia na nona leva cecekia vata kei
ira era kena meca. 15 Baleta, raica, o
Yahuwe (YHWH) e na lako e na bukawaqa, na nona qiqi ni valu e na tautauvata mai
kei na covulaca, me mai tauca na nona leva vakawaromisa, kei na nona veivunauci
e na yameyame ni bukawaqa. 16 Baleta o
Yahuwe (YHWH) e na vakataulewataka na kawatamata kecekece e na bukawaqa kei na
seleiwau, ia o ira era vakamatei maivei
Yahuwe (YHWH) era na lewe vuqa. 17 O ira era vakatabui ka
vakasavasavataki ira vakataki ira, me rawa ni ra curuma na veiwere, oti era qai
muri i ira era sa tiko rawa e loma, e na nodra kania na lewe ni vuaka, na moko
(reptiles) kei na kalavo, era na vakarusai vata kece, e kaya o Yahuwe (YHWH).
18 Baleta o au [au kila] na nodra itovo, kei na nodra vakasama, Na gauna sa
roro mai niu na vakasoqoni ira vata kina na lewe ni veivanua kei na
duivosavosa. Era na lako mai era na qai mai raica na noqu dokai, 19 Au na qai
solia vei ira e dua na ivakatakilakila; Au na tala eso vei ira na kedra vo vo i na veimatanitu mai Tashishi, Pulu, Ludi, [qo o ira era dau vanataka
na dakaititi], mai Tuvali, Qirisi, kei
na veiyanuyanu yawa tale eso; na veivanua era se bera vakadua ni rogoca na kequ
irogorogo, se raica na noqu dokai. Era na vakarogoya na noqu dokai e na
veivanua oqo; 20 Era na qai kauti ira
laivi kece mai na wekamuni, mai na veivanua oqo, vaka isoro me cabori vei
Yahuwe (YHWH); e na ose, e na qiqi ni tamata, e na qiqi ni usausa, e na meule,
kei na kameli; i na noqu ulunivanua tabu o Yerushalayimi, e kaya o Yahuwe
(YHWH); me vakataki ira ga na Yisira'yili era na kauta mai na nodra isoro e na
bilo savasava i na loma ni vale i Yahuwe (YHWH). 21 Au na digitaka talega na
kohanimi kei na Li'vi'imi mai vei ira oqo, e kaya o Yahuwe (YHWH). 22 Me vaka
ni na toso tiko ga e mataqu na lomalagi vou kei na vuravura vou au bulia tiko,
e kaya o Yahuwe (YHWH), e na vakakina o ira na nomuni kawa kei na yacamuni e na
toso tikoga.
23
E na veivula kece, e na Vula Vou (Rosh Chodesh) kei na veimacawa kece e na Siga ni vakacecegu (Shabbat), o ira kece
era bula tiko era na lako mai me ra mai sokalou e mataqu, e kaya o Yahuwe
(YHWH). 24 Ni ra veisukayaki yani, era na raica na yagodra mate o ira na tamata
era a vakabebe vei au. Baleta na nodra ulo era na sega ni mate, kei na kedra
bukawaqa e na sega ni boko rawa; o ira era na vakasisilataki vei ira na
kawatamata kecekece. [E na veivula kece, e na Vula Vou (Rosh Chodesh) kei na
veimacawa kece e na Siga ni Vakacecegu (Shabbat), o ira kece era bula tiko, era
na mai sokalou e mataqu, e kaya o Yahuwe (YHWH)].
NA IVAQA NI BULA (FOOD FOR THE SOUL)
Vua
na yalomatua, na sala ni bula e na lako cake; qori e na levei She’ola kina e
ra. 25 ¶ O Yahuwe (YHWH) e na dreta sobu na nodra vale na qaciqacia, ia e na taqomaka me taucoko [tikoga] na nona
iyalava na yada.
LOMANI YAHUWE NA NOMU KALOU (LOVE YHWH YOUR MIGHTY ONE
Haleluya!
Au na solia e
na vuniyaloqu taucoko na vakavinavinaka
vei Yahuwe (YHWH) e na [loma ni] nodra matabose
na yalododonu, ka vaka kina e na loma ni isoqosoqo. 2 Na cakacaka i
Yahuwe (YHWH) era ka lelevu, ka dau
taleitaki sara vakalevu vei ira era marautaki ira. 3 Na nona cakacaka e sinai e
na nona sau kei na nona lagilagi, kei na nona
yalododonu e tawacegu me tawamudu. 4 O koya e sa kilai levu baleta na
nona [cakacaka] mana. O Yahuwe (YHWH) e dauloloma ka dau veikauwaitaki. 5 E
solia na kakana vei ira era rerevaki koya. E dau nanuma [vinaka tu] na
nona veiyalayalati me tawamudu.
6
¶ O koya e vakatakila vei ira na nona tamata, na kena kaukaua na nona cakacaka,
e na nona solia vei ira na veimatanitu me nodra ivotavota. 7 E cakacaka ni
ligana, na dina kei na lewadodonu; na nona ivakavuvuli taucoko era rawa ni
nuitaki. 8 Era sa vakadeitaki oti tu me tawamudu, me ra na dau vakayacori e na dina kei na yalododonu. 9 O
koya e tala na veivueti vei ira na nona tamata: qai vakalawataka na nona
veiyalayalati me ra na [dau] tudei tu me tawamudu. Na yacana e vakatabui ka
vakarerevaki, 10 Na imatai kei na ka bibi duadua [ni gadrevi na] vuku, oya na
rerevaki nei Yahuwe (YHWH); o ira era kece bula muria tiko era na rawata na
vakasama dina. Na nona dokai e na tudei tawamudu.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 242 in 5773 (Total 1968)
|
May 21, 2013
|
|
Reading
|
Hebrew Date
|
|
M #3:Sivan 12, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
