Thought: Idolatry
Paralleled With Adultery & Harlotry
Serving
For Yom Ha Shee-shee, Chesvan 13, 5772
Na
vosa nei Yahuwe (YHWH) a qai yaco tale mai vei au, ni kaya, 2 Luve ni
tamata, e tiko e rua na yalewa, na luvena e dua na marama: 3 Rau a dau saqamua tu mai Ijipita e na
gauna ni nodrau goneyalewa; mai keya e a boboki kina na mata ni sucudrau, mai
keya talega rau a vakayalia kina na nodrau tabutagane. 4 O koya na qase
e yacana o Ohola, na yacana o koya na gone o Oholiva: ia rau a noqu ruarua, ka
rau a vakaluvea tagane kei na yalewa talega. Qori rau a qai vakayacani kina; o
Shomorono me yaca i Ohola vata kei Yerusalayimi me yaca i Oholiva. 5 O
Ohola a saqamua voli e na gauna a noqu tu kina; a lialia vakadua vei koya e a
domona; oya o ira na Ashuru, na wekana vakaitikotiko, 6 Era dau daramaka
na isulu karakarawa, o ira na turaga kei ira na kavetani ni ivalu, era cauravou
gadrevi, o ira kece era daunivodo ose, era vodo ose mai. 7 Qori e
saqamua tu kina o koya vata kei ira oqori, oya vata kei ira na tagane digitaki
ni Ashuru, na nodra kaloumatakau e vakadukadukalitaki tu kina o koya. 8
E a sega tale ga ni biuta na nona saqamua a vakayacora mai Ijipita; e na gauna
a se gone yalewa tu kina, era a vakadukadukalitaki koya era qai voroka na nona
tabutagane ka sovaraka vua na nodra saqamua. 9 O koya oya au sa soli i
koya kina i ligadra o ira era nona dodomo, i na ligadra na Ashuru, o ira sa
lialia tu vei ira o koya. 10 O ira qo era cega na nona luvawale, era
colati ira laiva na luvena tagane kei na luvena yalewa, era qai vakamatei koya
e na seleiwau; qai yaco me rogo ca kina o koya e na kedra maliwa na yalewa;
baleta o ira era dau lasaituba vata kei
koya era sa vakalewai koya.
11 ¶ E raica qori o Oholiva na
tacina; ia o koya e levu cake sara na nona ca, baleta ni sa sivia tale na nona
gagano, kei na nona saqamua e levu cake tale mai vei tuakana. 12 E
lialia cake vakalevu na nona domoni ira na Ashuru na wekana vakaitikotiko, o
ira na turaga kei na kavetani era vakaisulu tu e na karakarawa, era daunivodo
ose, era vodo ose mai, o ira kece era cauravou totoka ka gadrevi. 13 Au
qai raica ni duka veluvelu na nodra ivalavala ruarua, 14 Rau a qai
vakaikuritaka na nodrau saqamua; baleta
ni rau raica na tagane ni ra taba tu e lalaga, na kedra itaba, na Kasidimi e na
nodra isulu damudamu kata, 15 Vauci vinaka tu na tolodra e na beleti,
vesu tu na uludra e na ivauniulu, era
qai cauravou totoka vakaoti na kedra irairai ni ra tautauvata tu vata kei ira
na luve i Bavela, kei ira mai na vanua vaka Kasidimi, na vanua era kena
itaukei. 16 E na gauna ga e raici ira kina e na matana, e tubu na nona
ganovi ira, qai talai ira na dau ni kauitukutuku vei ira e na nodra vanua na
Kasidimi, 17 O ira na kai Bavela era qai lako mai i na nona loga ni
veiyacovi era qai vakadukadukalitaki koya e na nodra saqamua, era qai vakavuna
na nona duka veluvelu, qai vakavuna me sevaki ira tale e lomana. 18 Qori
a qai vakaraitaka kina na nona dauveidauci, ka cereka na nona luvawale; e keri
sa qai sevaki koya kina na noqu bula (soul), me vaka ga ni sevaki tacina na
noqu bula (soul). 19 Ia sa qai vakalevutaka ga na nona saqamua, ni
vakananuma lesu na nona gauna ni goneyalewa, e na gauna a dau qitotaka kina na
nona saqamua mai na vanua o Ijipita. 20 Baleta ni a dau garovi ira na
nodra dauniveiqaravi, baleta na nodra iyaya vakatagane ni tautauvata kei na
nodra na asa kei na nodra kavuni e tautauvata kei na nodra na ose. 21
Oqori e vakaraitaka ni o calata tiko vakalevu na nomu ivakavala vakasisila mai
na gauna ni nomu goneyalewa, ni a voro na nomu tabutagane mai Ijipita, ka
boboki na mata ni sucumu ni nomu goneyalewa.
O
koya e ivakadei ni nona veiyalayalati e dua na vulagi, e na kau laivi mai vua
na nona kote, ka vau tu e na nona vosa ni yalayala e na vukuna na vulagi.
Era
taleitaka na vosa ni vatovato (cursing) ka sega ni marautaka na vosa ni
veivakalougatataki. 18 Era vakasulumi ira vakataki ira e na vatovato (cursing)
me vaka e na isulu ni sasabai, me curu i lomadra me vaka na wai, ka vaka na
waiwai i suidra. 19 Laiva vei ira me vaka na itutuvi e ubi i ira, ka vaka na
ioro era dau vakaioro kina e veiveigauna. 20 Oqori na nodra ivakarau tudei o
ira era cati Yahuwe (YHWH) ka vakakina o ira era dau vosa vakacacataki au.
21
¶ Ia o kemuni i Yahuwe (YHWH), ni cakava na veika vinaka vei au e na vukuni
yacamuni, baleta na nomuni dau veikauwaitaki e vinaka, vakabulai au. 22 Baleta
au dravudravu ka levu na ka au gadreva, e leqaleqa vakalevu na vuniyaloqu e
lomaqu. 23 Au sa kalobi me vaka na iyaloyalo ni karobo; au biliraki cake ka
biliraki sobu me vaka na vodre. 24 Na duruqu sa malumalumu, e na vukuni noqu
lolo; na lewe ni yagoqu sa lutu laivi tikoga. 25 Au sa yaco tale ga meu sevaki
vei ira; ni ra vakaraici au, era sa kurea ga na uludra. 26 Vukei au i Yahuwe
(YHWH) noqu Kalou; vakabulai i au e na nomuni
yalololoma: 27 Me rawa vei ira me ra kila ni oqo na cakacaka ni
ligamuni; ni o kemuni i Yahuwe (YHWH), oni a cakava. 28 Laivi ira me ra
kalouca; ia o kemuni moni vakavinavinakataki, laivi ira na nomuni dauniveqaravi
me ra mamarau. 29 Laivi ira era sesevaki au me ra vakaisulutaki e na madua ka
laivi ira me ra ubi i ira kina me vaka na kote. 30 Au na vakavinavinaka
vakalevu sara vei Yahuwe (YHWH) e na gusuqu; io, au na vakacerecerei koya e kedra maliwa na
lewevuqa. 31 O koya e tu e na liga i matau ni tamata dravudravua, me vakabula
na nona bula (soul) mai na veilewai (judgment).
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
315 Blog
No. 1455
|
November
11, 2011.
|
|
Reading
|
Hebrew Date
|
|
Cheshvan
14, 5772
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
