Ya’akove Kei Ratou Na Watina (Ya’akov And His Wives)

Thought: Children Are A Blessing From Yahweh

 ..................

Serving For Shabbat Tevet 19, 5772

MAI NA TORAA (FROM THE TORAH)

Ia ni raica o Rejeli ni sega tiko ni vakasucu gone vei Ya'akove, a qai vuvutaki tuakana; a mani kaya vei Ya'akove, Solia vei au meu vakaluveni, deu na qai mate. 2 A yalokatakatataki Rejeli o Ya'akove qai kaya vua, O au beka au isosomi ni Kalou, meu tarovi iko tiko kina mo vakaluveni? 3 A qai kaya vua o koya, Raica na noqu vada o Biliha, lako yani vua mo lai moce vata kei koya; o koya me na qai vakasucu e na maliwa ni duruqu meu rawa ni vakacegui mai vua. 4 A qai soli i Biliha na nona vada me watina; o Ya'akove a qai veiyacovi vata kei koya. 5 A kunekune o Biliha qai vakasucuma vei Ya'akove e dua na luvenatagane. 6 Kaya o Rejeli, O Yahuwe (YHWH) sa vakatulewataki au, ka rogoca na domoqu, qai solia vei au me dua na luvequ tagane; qori a qai vakayacani koya kina o Deni. 7 O Biliha na vada i Rejeli a qai kunekune tale, qai vakasucuma vei Ya'akove e dua tale me ikarua ni luvena tagane. 8 Kaya o Rejeli, Au a veibo vakaukaua vata kei na tuakaqu, kau sa rawata na noqu gagadre, a qai vakayacani koya o  Nafitalai (na noqu veibo). 9 Ia ni vakila o Li'a ni sa cegu na nona vakaluveni, a qai kauta na nona vada o  Zilipa, qai soli i koya vei Ya'akove me watina. 10 O Zilipa, na vada i Li'a a qai vakasucuma vei Ya'akove e dua na luvenatagane. 11 Kaya o Li'a, na noqu kalougata (fortune) sa lako mai; qori a qai vakayacani koya kina me o Qoda (Gad). 12 O Zilipa na vada nei Li'a a qai vakasucuma vei Ya'akove e dua na ikarua ni luvenatagane. 13 Kaya o Li'a, O ira na goneyalewa era na lagata na noqu vakamuduo; a mani kaciva me yacana o Asheri.

14 ¶ O Ru'veni a lako e na gauna me tamusuki kina na witi, qai kunea na menedreke (mandrake) e na iteitei, qai kauta mai vei tinana, o Li'a. Kaya vei Li'a o Rejeli, Solia mai vei au eso na nona menedreke o luvemutagane. 15 Sauma vua o Lia, E sega beka ni rauta ni o sa kovea na watiqu? Qo o sa mai via kauta talega na menedreke i luvequtagane? Kaya o Rejeli, Raica, me moce vata kei iko e na bogi nikua o koya, ia mo solia vei au na menedreke nei luvemutagane. 16 E na gauna me qai lesu mai kina i vale mai na iteitei o Ya'akove, e na yakavi, O Li'a, sa tu yani me lai tavaki koya qai kaya vua, O iko mo na lako mai mo mai moce vata kei au e na bogi nikua; baleta o au, au sa voli iko oti e na nona menedreke na luvequtagane. A moce vata kei koya o koya e na bogi oya. 17 O Yahuwe (YHWH) a qai rogoci Li'a, qai kunekune tale o koya ka vakasucuma vei Ya'akove na ikalima ni luvenatagane.  18 Kaya o Li'a, O Yahuwe (YHWH) sa vakaicovitaki au, baleta au a solia na noqu vada vua na watiqu; a qai kacivi koya kina me yacana o Yishikaa. 19 O Li'a a baci kunekune tale qai vakasucuma vei Ya'akove na ikaono ni luvenatagane. 20 Kaya o Li'a, O Yahuwe (YHWH) sa vakavutuniyautaki au vakalevu, o watiqu sa na qai lomani au cake vakalevu baleta au sa vakasucuma vua e ono na luvenatagane; qori a qai vakayacani koya kina o Ze'vuluni. 21 E muri a qai vakasucuma e dua na luvenayalewa o koya, qai vakayacana o Daina. 22 O Yahuwe (YHWH) sa qai nanumi Rejeli, rogoci koya, qai dolava na nona katonigone.  23 Oti sa qai kunekune o koya, qai vaksucuma e dua na luvenatagane, qai kaya o koya, O Yahuwe (YHWH) sa kauta tani na noqu rogorogo ca.  24 A qai kacivi koya me yacana o Yosefa; oti qai kaya tale, O Yahuwe e na vakaikuritaka vei au e dua tale na luvequtagane.

Na iVakatekivu (B’resheet) 30:1-24

NA IVAQA NI BULA (FOOD FOR THE SOUL)

E kalougata na tamata e kunea na vuku kei na luve ni tamata e kunea na yalomatua: 14 Baleta na veika e volia e vinaka cake mai na ivoli e rawa mai na siliva kei na kena tubu, mai na koula dina. 15 O koya e vakamareqeti cake mai na vatutalei: ka sega ni vakatautauvataki rawa kei na dua tale na ka.

Vosa Vakaibalebale (Mishlei) 3:13-15

LOMANI YAHUWE NA NOMU KALOU (LOVE YHWH YOUR MIGHTY ONE)

Vakabulai au i Yahuwe (YHWH), ka ni ra sa tinidole na tamata vinaka: baleta na vakabauta sa takali mai vuravura. 2 Na tamata era sa dau vosa ga e na dela ni dokadoka; o ira kece vata kei ira na wekadra vakaitaukei; era dau veitalanoa ga e na tebenigusu ni veicavilaki kei na vosavosa rua. 3 O Yahuwe (YHWH) e na vakarusa na tebenigusu dau veicavilaki kei na yame dauveivakaisini era dau vosavosa vakadokadoka. 4 Baleta era kaya, E na yame i keimami, keimami na rawaka; na tebenigusu i keimami, e neimami, o cei e turaga (master) e delai keimami? 5 Baleta na nodra vakalolomataki tiko na dravudravua kei na nodra vutugu o ira era gadreva na veivuke, qo au sa na matacake yani kina, e kaya o Yahuwe (YHWH) meu kauta yani vakarairai na veivueti. 6 Na vosa i Yahuwe (YHWH) era vosa savasava vakaoti; era vaka na siliva era sa vakatovolei oti e na lovo ni veivakawaicalataki e vuravura, era sa vakasavasavataki oti vakavitu. 7 Moni mai taqomaki ira i Yahuwe (YHWH); ni taqomaki au ka vueti au vakadua mai na itabatamata oqo me tawamudu. 8 Baleta o ira na dau caka ca era  veilakoyaki e veivanua kecekece e na dela ni qaciqacia vakasevaki me vakataki ira na luve i Idomi.

Same (Tehellim) 12:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
014 Blog No. 1474	January 14, 2012.
Reading	Hebrew Date
Na iVakatekivu (B’resheet) 33-35	Tevet 19, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.