NA IVUNAU E TINI: Na Veibeitaki Vakailasu (False Witness)

Serving For The 30th April, 2008

E vakatabui vei iko mo kocova na nona vale na wekamu vakaitikotiko. E tabu talega mo kocova na watina na wekamu, se kocova na nona tamata sena nona vada, na nona bulumakau sena nona asa, se cava ga e nona na wekamu vakaitikotiko.
- Lako Yani 20:17


Kakua ni dinau vua e dua, ia moni dau veilomalomani ga, baleta o koya e lomana e dua tale, e vakavatukanataka tiko na lawa. 09 Na veika oqo, “Mo kakua ni vei­dauci”, “mo kakua ni laba,” “mo kakua ni butako,” “mo kakua ni veibeitaki vakailasu,” “mo kakua ni kocokoco“ vata kei na ivakaro cava tale e tu, era vauci vakadua tu e na dua ga na kena ivosavosataki, oya “Mo lomana na wekamu vakaitikotiko, me vaka ni o dau lomani iko vakataki iko.” 10 Na loloma e sega ni vakamavoataka e dua na wekada vakaitiko­tiko; baleta na loloma e vakavatukanataki kina na lawa.
- Roma 13:8-10.

Ia e noda tubu ga, na vakaitamera ni yalovakacegu, oya mai na qaravi ni Kalou (Yahweh). 07 Baleta ni da a sega ni kauta mai i vuravura e dua na ka, sa matata vinaka ni da na sega ni kauta laivi e dua na ka. 08 O koya oya, laiva me da vakacegu ga ke tu na keda kakana kei na noda isulu; 09 O ira era kocova me ra vutuniyau, era na lutu i na veitemaki kei na vere, kei na veimataqali gagadre lialia ka mosimosi e dau lomoci ira na tamata era qai vakamalumalumutaki ka rusa.
- I Timoci 6:6-9;


Kakua ni galele i na domoni ni ilavo; ia moni lomavakacegu ga e na veika e tu vei kemuni. Baleta na Kalou (Elohim) vakataki Koya e a kaya,“Au na sega ni biuti kemuni se guilecavi kemuni.”
- Iperiu 13:5.

Also Read If Possible (Wilika Talega Ke Rawa)
Deuteronomy 31:6; Proverbs 1:10-19; Phillipians 4:11-12;

1 Timothy 6:9-11; James (Jacob) 4: 1-3; 1 John 2:15-17.

NA IVUNAU E TINI: Na Veibeitaki Vakailasu (False Witnesses)

E vakatabui vei iko mo beitaka vakailasu na wekamu vakaitikotiko.
- Lako Yani 20:16.

Kevaka e dua na ivakadinadina lasu e tu me beitaka e dua na tagane ni cakava e dua na ka e cala vakalawa, 17 e na vinakati vei rau ruarua na tamata rau veibeitaki tiko, me rau na basika, ni tiko na TURAGA (Yahweh), e na matadra na bete kei ira na turaganilewa era vakailesilesi tiko e na gauna oya. 18 O ira na turaga ni lewa me ra qai vakayacora e dua na veivaqaqai vinaka, ia ke sa kune ni tamata lasulasu na ivakadinadina oya, ni a lasu wale na nona veibeitaki vua na wekana, 19 ia me qai caka sara ga vua na ka a via cakava vua na wekana. E vinakati me kau laivi vakadua na vakarau ca oqo mai na kemuni maliwa. 20 Ia ni ra na rogoca na ka oqo o ira na vo ni tamata, e na tuburi ira na rere, e na qai sega vakadua tale ni caka na ivalavala ca oqo e na kemuni maliwa.
- Na iVakarua 19:16-20.


TURAGA (Yahweh) o cei e vakatarai me vakaitikotiko e na nomuni vale?
o cei e vakatarai me bula e na nomuni ulunivanua tabu? 02 O koya e sega ni beitaki rawa na nona ilakolako ka dau cakava na ka e dodonu, 03 o koya e dau kaya na ka dina mai na vuniyalona ka sega ni kune na veivakacacani e yamena, o koya e sega ni cakava vei ira na wekana e dua na ka cala, qai sega ni vakaucacataki ira na wekana, 04 o koya e sega ni taleitaki ira na tamata ca ia qai vakarokorokotaki ira era rerevaka na TURAGA (Yahweh), o koya e dau maroroya me vakayacora na nona yalayala kevaka mada ga e mosimosi,
05 o koya e na dinautaka na nona ilavo, ia qai sega ni lavaka na kena tubu ka sega ni taura na ilavo, me beitaki ira lasu o ira e sega nodra cala. O koya e cakava na veika kece oqo E na sega ni yavalati rawa.
- Same 15:1-5.



Also Read If Possible (Wilika Talega Ke Rawa)
Proverbs 12:17-18; 25:18; Isaiah 29:19-21; Matthew 15:10-20;
Marika 14:53-64

NA IVUNAU E TINI: Kakua Ni Butako (You Shall Not Steal)

Serving for the 28th April, 2008

E vakatabui vei iko na butako.
- Lako Yani 20:15


Kakua ni vakararavi i na ivalavala vakalawaki ca, Se dokadokataka na iyau butakoci; E dina ga ni na tubu tiko na nomu iyau, Ia kakua ga ni biuta kina na vuniyalomu. 11 E dua na ka sa kaya oti na Kalou (Elohim), e rua na ka au a rogoca, Ni o Kemuni, na neimami Kalou (Elohim), oni kaukaua, 12 o kemuni talega, TURAGA (Yahweh) , oni dauloloma. E sega ni vakataraitutu, ni oni na sauma vei ira na tamata yadudua na isau, me veiraurau kei na veika era sa dui cakava.
- Same 62:10-12;


Vakarota vei ira era vutuniyau me ra kakua ni qaciqacia se vakanuinui i na iyau tawadei ia Vua ga na Kalou (Yahweh) bula, o Koya e solia vakayauyau mai vei keda na veika meda vakacegu kina, 18 ia me ra vakaitavi e na cakacaka vinaka, ka yaco me ra vutuniyau e na cakacaka vinaka, ka dau tu vakarau tu me ra solika ka veiwasei, 19 me ra qai vakotora kina e na vukudra e dua na yavu e vinaka vakaoti e na vuku ni itabagauna se tu mai, me rawa ni ra qai tatakube toka kina e na bula e tawamudu.
- I Timoci 6:17-19


Me tekivu oqo, laivi koya e daubutako me tinia na nona butabutako; laivi koya me caka­cakataka na ligana, me cakava na veika vivinaka, me rawa ni tu vua na ka me solia vei ira era gadreva na veivuke.
- Efeso 4:28.



Also Read If Possible (Wilika Talega Ke Rawa)
Proverbs 1:10-19; 10:2; Isaiah 10:1-4;
Malachi 3: 6-12; Titus 2:9-10.

NA IVUNAU E TINI: Na Veidauci (You Shall Not Commit Adultery)

Serving For The 27th April, 2008

E vakatabui vei iko na veidauci.
- Lako Yani 20:14

NA cava me vakamarautaki iko kina, i luvequ, na yalewa dautagane? Na cava mo lai mokota kina na watina e dua tale na tagane? 21 Na ivalavala ni tamata, e laurai votu tiko e na mata ni TURAGA (Yahweh), ka dikeva vinaka tiko mai o Koya, na nona ilakolako kece. 22 Na ivalavala vakasisila ni tamata ca, e na tudaitaki koya, na ivau ni nona ivalavala ca e na vesuki koya matua. 23 E na mate ga o koya, baleta ni rui lailai na nona vakavulici, Qai mani muri cala kina, e na vuku ni nona lialia.
- Vakaibalebale 5:20-23

ONI a dau rogoca ni dau tukuni vei ira mai liu, “Mo kakua ni veidauci.” 28 Ia, Au kaya vei kemuni, o koya e raica e dua na yalewa qai garova, e sa dauca oti na yalewa oqori e vuniyalona.
- Maciu 5:27-28

ONI sega beka ni kila ni o ira era tawadodonu era na sega ni vakaivotavota e na matanitu ni Kalou (Yahweh)? Kakua ni vakacalai; e sega ni dua e dau itovo vakasisila se dau lotutaki mata­kau se dau veidauci se dau lawakica, se tagane dau veiyacovi kei na tagane. 10 se dau veivakasaurarataki se dau butako, se dau mateni, se dau veileti, se dau­ kovekove, e na vaka ivotavota e na matanitu ni Kalou (Yahweh). 11 Eso vei ira na ivakarau ca oqo, a dau kune e na so vei kemuni, ia oni sa vakasavasavataki oti, oni sa vakatabui oti, oni sa vakadonui oti talega e na yaca ni Turaga (Master) o Jisu (Yahshua) vata kei na Yalo ni noda Kalou (Elohim).
- I Korinica 6:9-11


NA bula vakawati e ka dokai raraba, kei na loga ni vakamau me kakua ni vakadukadukalitaki; na Kalou (Elohim) e na veilewaitaki ira era vakayacora na itovo vakasisila kei na dauveidauci.
- Iperiu 13:4


Also Read If Possible (Wilika Talega Ke Rawa)
Proverbs 5:1-19; 6:20-35; Romans 1:18-27; Ephesians 4:17-24;

Colossians 3:1-7; 1 Thesalonians 4:3-8

NA IVUNAU E TINI: Na Laba (You Shall Not Murder)

Serving for the 26th April, 2008

E vakatabui vei iko mo laba
- Lako Yani 20:13;


O cei ga e vakadavea na dra ni tamata, na tamata talega e na vakadavea na nona dra; baleta e na ibulibuli ni Kalou (Elohim) e a bulia kina na tamata, na Kalou (El).
- Vakatekivu 9:6;

“Dou sa rogoca ni tukuni vei ira mai liu, ‘Mo kakua ni laba,’ baleta o koya e laba e rawa ni leqa e na siga ni lewa! 22 Ia Au kaya vei kemudou, ni o koya e cudruva vakatawadodonu na tacina, e na rawa ni leqa e na siga ni lewa. Ia o koya e rukaki tacina, ‘Ulu lala’, e na rawa ni leqa e na matabose, ia o koya e kaya, ‘Tamata lialia’, sa na rawa ni leqa e na drano bukawaqa mai Qehina.
- Maciu 5:21-22;


Oqori na ivakaro oni a rogoca mai na ivakatekivu, ni dodonu moni dau veilomalomani vakataki kemuni,12 meda kakua ni tautauvata kei Keni, o koya e a duavata kei na vunica, qai labati tacina. Na cava a labati koya kina? Baleta na nona cakacaka a dukadukali, ia na nei tacina a daumaka vakaoti. 13 Moni kakua ni kidrowa, kemuni na noqu mataveitacini, ke sevaki kemuni o vuravura. 14 ¶ Eda kila ni da sa lako sivita mai na mate, ki na bula, baleta eda lomani ira na tacida. O koya e sega ni lomana na tacina, sa bula tiko e loma ni mate. 15 O koya e sevaka na tacina e daulaba, ia oni kila vinaka ni sega ni dua e daulaba, e na kune vua na bula tawamudu. 16 E na ka oqo eda na kila kina na Nona loloma vei keda, ni a vakotora sobu na Nona bula e na vukuda; ia o keda talega e dodonu meda vakotora sobu na noda bula e vukudra na tacida.
- 1 Joni 3:11-16



Also Read If Possible (Wilika Talega Ke Rawa)
Genesis 4:1-16; Numbers 35:9-34; Matthew 15:10-20;

John 8:42-44; Romans 1:28-32

NA IVUNAU E TINI: Na iTubutubu (The Parents)

Serving for the 25th April, 2008

Mo vakarokorokotaka na tamamu kei na tinamu, me rawa ni o bula balavu e na vanua e solia vei iko na TURAGA (Yahweh) na nomu Kalou (Elohim).
Lako Yani 20:12;

O cei ga e mokuta na tamana se na tinana e dodonu me vakamatei.
-Lako Yani 21:15

Ke dua e rukaka na tamana se na tinana, ena dodonu me vakamatei. O koya e sa rukaka na tamana se na tinana; sa na baleti koya ga vakataki koya na nona mate.
- Vunau ni Soro 20:9

Na vosa vakaibalebale nei Solomoni: Na gone vuku e vu ni reki vei tamana,
ia na gone lialia e vu ni rarawa vei tinana.
- Vakaibalebale 10:1

Vakarorogo vei tamamu, o koya e a vakatuburi vei iko ka kakua ni sevaki tinamu ni sa qase cake mai o koya, 23 Volia na dina ia kakua ni volitaka; kauta mai mo taukena na vuku, na yalomatua kei na kilaka. 24 Na tamana na tamata yalododonu e tu vua na reki vakaitamera; o koya e gone vuku na luvena, e na dau marautaki koya 25 Me rau dau mamarau mada ga o tamamu kei tinamu; ka me dau nona tu ga na reki o koya e a vakasucumi iko.
- Vakaibalebale 23:22-25

Ragone, moni talatalairawarawa vei ira na nomuni itubutubu e na vuku ni Turaga (Yahweh); baleta qori e dodonu. 02 Oqo na imatai ni ivakaro e semati tu i na dua na yalayala: “Vakarokorokotaki tamamu kei tinamu; 03 me rawa ni lako vinaka vei iko ka rawa talega vei iko mo bula balavu e vuravura.”
Efeso 6:1-3


Also Read If Possible (Wilika Talega Ke Rawa)
Malachi 4:5-6; Colossians 3:20-21; II Timothy3:1-5;
Titus 1:6-9

NA IVUNAU E TINI: Na Siga ni vakacecegu (The Sabbath)

Serving for the 24th April, 2008

Nanuma na siga ni vakacecegu, e na nomu vakatatabutaka. 09 E ono na siga mo cakacaka kina ka kitaka na nomu cakacaka kecekece; 10 ia na ikavitu ni siga e siga ni vakacecegu vua na TURAGA (Yahweh) na nomu Kalou (Elohim). E na siga oqori e tabu vei iko mo cakava kina e dua na cakacaka, oya o iko se o luvemu tagane se o luvemu yalewa, o ira na nomu dauniveiqaravi tagane se o ira na nomu dauveiqaravi yalewa, se na nomu manumanu se o koya e nomu vulagi ka tiko ena loma ni nomu bai. 11 Baleta e na loma ni ono na siga, e a bulia kina na lomalagi, na vuravura, na wasawasa kei na veika era sinai tu kina na TURAGA (Yahweh), qai vakacegu e na ikavitu ni siga. Qori a qai vakalougatataka kina na siga ni vakacecegu na TURAGA (Yahweh), qai vakatabuya.
- Lako Yani 20:8-11

Ia ni sa biuta mai na vanua oya, e a lako sara o Koya i na nodra valenisoro. 10 Ia raica ni a tiko voli mai keya, e dua na tagane sa wamalai tu na ligana. Era tarogi Koya sara, “E tara beka vakalawa na vei­vakabulai e na Siga ni Vakacecegu?”- qo me rawa ga ni ra beitaki Koya kina. 11 E kaya sara vei ira o Koya, “Na tamata cava e tiko e na kemuni maliwa, e dua tiko na nona sipi, e na sega ni lai vueta mai e na Siga ni Vakacecegu, ke lutu i na ikeli? 12 “Ia, e vakaevei beka na ilevu ni kena yaga e dua na tamata mai na dua na sipi? O koya oqori, e donu kina vakalawa na caka vinaka e na Siga ni Vakacecegu.” 13 Oti sa qai kaya o Koya vua na tagane oya, “Dodoka mai na ligamu.” E dodoka sara yani na ligana, qai raica ni sa vakabulai oti tu me tautau­vata kei na ligana kadua.
Maciu 12:9-13


Also Read If Possible
Genesis 4:1-16; Numbers 35:9-34; Matthew 15:10-20;

John 8:42-44; Romans 1:28-32

NA IVUNAU E TINI: Na Yaca ni Kalou (The Name of Elohim)

Serving for the 23rd April, 2008

Mo kakua ni vakayagataka cala na yaca ni TURAGA (Yahweh) na nomu Kalou (Elohim); baleta na TURAGA (Yahweh) e na sega ni taura ni sega ni cala o koya e vakayagataka cala na yacana.
-Lako Yani 20:7


E dua na luvedrau tagane e dua na yalewa ni Isireli vata kei na dua na tagane ni Ijipita, a lako i na kedra maliwa na kai Isireli; a qai mani tubu e dua na veivala e na keba, ni rau a veivala o koya, vata kei na dua na tagane ni Isireli. 11 A qai mani vosavakacacataka na Yaca ni TURAGA (Yahweh) e na dua na iru, na luvena tagane na yalewa ni Isireli oya. 12 Era mani kauti koya vei Mosese. (Na yaca i tinana o Selomeci, na luvena yalewa o Tipiri, e na mataqali i Tani.) Era a mani tauri koya tiko vakavesu me yacova ni sa vakamatatataki vei ira na lewa ni TURAGA (Yahweh). 13 Oti sa qai vosa na TURAGA (Yahweh) vei Mosese, 14 “Kauta na dauvosa veivakacacani i na ibili ni koro. O ira kece era a rogoci koya, me ra tabaka uluna e na ligadra, oti me ra qai virilaki koya e na vatu o ira na lewe ni isoqosoqo taucoko. 15 Mo kaya talega vei ira na kau Isireli, “Ke dua e rukaka na nona Kalou (Elohim), me na taura o koya na itotogi ni nona ivalavala ca. 16 Ia o koya e vakaucacataka na yaca ni TURAGA (Yahweh), me vakamatei. Me ra vakavirilaki koya e na vatu o ira na lewe ni iSoqosoqo taucoko. Veitalia ke vulagi se itaukei, ni sa vosavakacacataka ga na Yaca ni TURAGA (Yahweh), e sa na tau vua na itotogi me vakamatei.
Vunau ni Soro 24:10-16;

Na yaca ni TURAGA (Yahweh), e dua na vale cecere ka kaukaua, Era dau dro kina na yalododonu, me ra kunea e keya na veitaqomaki.
Vakaibalebale 18:10.



Also Read If Possible (Wilika Talega Ke Rawa)
Exodus 3:13-15; Psalm 20; 86:5-12; Act 4:5-12

Me Kua Na Lotutaki Matakau (No Idol Worship)

Serving for the 22nd April, 2008

Mo kakua ni bulia ena vukumu, e dua na matakau ceuceu e na ivakatakarakara ni dua ga na ka mai lomalagi e cake, se e vuravura e ra, se e na ruku ni veimataqali wai kecekece. 05 Mo kakua ni cuva vei ira se sokalou vei ira; baleta o Au, na TURAGA (Yahweh) na nomu Kalou (Elohim), au Kalou (El) dauvuvu, au na totogitaki ira tiko na gone, e na vuku ni nodra ivalavala ca na tamadra me yacova na ikatolu ni itabatamata kei na kena ikava vei ira era cati au; 06 ia au dau vakaraitaka na yalololoma vei ira na udolu (na itabatamata) era lomani au, ka talai rawarawa i na noqu ivunau.
- Lako Yani 20:4-6.


Me kua ni caka vei keimami, kemuni na TURAGA (Yahweh), me kua ni caka vei keimami, ia na Yacamuni ga me vakalagilagitaki, baleta na nomuni dauloloma kei na nomuni dauyalodina. 02 Na cava era kaya tiko kina na veimatanitu, Evei na nodra Kalou (Elohim)? 03 Na noda Kalou (Elohim) e tiko mai lomalagi, o koya e dau cakava na ka cava ga e gadreva, 04 Ia na nodra kalou matakau era siliva kei na koula, era buli e na liga ni tamata. 05 Era vakagusudra, ia era sega ni vosa rawa, vakamatadra, ia era sega ni rai rawa; 06 Era vakadaligadra ia era sega ni rogo rawa, vakaucudra ia era sega ni boiboi rawa, 07 Era vakaligadra, ia era sega ni vakayayamo rawa, vakayavadra ia era sega ni lako rawa: era sega mada ga ni cakava rawa e dua na rorogo mai na nodra itagitagi. 08 O ira era buli ira era na tautauvata kei ira, kei ira kece talega era vakararavi vei ira.
- Same 115:1-8.




Also Read If Possible (Wilika Talega Ke Rawa)

Deuteronomy 7; Isaiah 44:6-19; Jeremiah 10:1-16; 16:19-21;

Matthew 6:19-24; I John 5:21

Me kua ni dua tale na Kalou (No Other Elohim)

Serving For The 21st April, 2008

O au na TURAGA (Yahweh) na nomu Kalou (Elohim), o koya e a kauti kemuni tani mai Ijipita, mai na vale ni veivakabobulataki. 03 Me sa kua ni dua tale na nomuni kalou (elohim) e mataqu.
- Lako Yani 20:2-3.


Laga sere vua na TURAGA (Yahweh), i vuravura taucoko; tusanaka na nona veivakabulai mai na dua na siga ki na dua tale na siga. 24 Tukuna na nona lagilagi e kedra maliwa na veimatanitu, na nona cakacaka veivakurabuitaki e na kedra maliwa na tamata. 25 Baleta e cecere na TURAGA (Yahweh), ka dodonu ga me vakacaucautaki; e dodonu me rerevaki vakalevu cake mai vei ira na veikalou (elohim), 26 Baleta na nodra veikalou na veimatanitu era matakau wale. Ia na TURAGA (Yahweh) a bulia na vei lomalagi. 27 Sa tiko e matana na serau kei na vakarokorokotaki na kaukaua kei na mamarau e nona i tikotiko 28 Solia vua na TURAGA (Yahweh), kemuni na mataveiwekani vakavanua, solia vua na TURAGA (Yahweh), ni o koya e vu ni vakarokoroko kei na kaukaua, 29 solia vua na TURAGA (Yahweh) na veivakarokorokotaki e veiraurau kei na yacana. Kauta mai e dua na imadrali, qai lako mai i matana; sokalou vua na TURAGA (Yahweh) e na lagilagi ni nona yalosavasava, 30 Sautaninini e matana, vuravura taucoko! Na vuravura e na vakayavutaki vinaka; e na sega ni vakayavalati rawa, 31 Laiva na lomalagi me marau, laiva na vuravura me reki; laiva me ra kaya na veimatanitu, “Na TURAGA (Yahweh) e nona na lewa.”
-I Veigauna 16: 23-31.





Also Read If Possible (Wilika Talega Ke Rawa)
Exodus 18:8-10; Deuteronomy 4:32-39; 5:1-21; 13:1-16; Isaiah 37:15-20;

Ephesians 4:4-6.

Na Veiyalayalati Kei Isireli. (Covenant With Israel)

Serving For The 20th April, 2008

E na ikatolu ni vula, mai na nodra a biuti Ijipita mai na Isireli – oya e na siga vata era a biubiu mai kina – era a qai yaco i na Vanua Dravuisiga o Saineai. 02 Ni ra biubiu ga mai Rifitimi, era sa curuma sara yani na Vanua Dravuisiga o Saineai, era qai lai keba toka na Isireli, e na vanua dravuisiga taudonuya ulunivanua. 03 E a lako cake sara vua na Kalou (Elohim) o Mosese, ia a qai kacivi koya mai, e na ulunivanua, na TURAGA (Yahweh) ni kaya, “Qo na ka mo na kaya vei ira na Yavusa i Jekope kei na ka mo na tukuna vei ira na lalai nei Isireli: 04 ‘O kemuni qo, oni a raica na ka au a cakava vei Ijipita, na noqu a keveti kemuni voli mai e na tabani ikeli, o au vakataki au meu kauti kemuni sara mai vei au. 05 Ia qo, kevaka oni talairawarawa vakatabakidua, ka vakabauta na noqu vosa ni veiyalayalati, oni na yaco moni noqu iyau talei duadua e na kedra maliwa na veimatanitu kecekece sara; Baleta e noqu dina ga na vuravura: 06 o kemuni oni na qai yaco moni dua na matanitu ni bete vei au, ka vanua vakatabui.’ Oqo na vosa mo na tukuna vei ira na lalai nei Isireli.”
07 A qai lesu tale o Mosese, lai kacivi ira vata na nodra matua na tamata, qai vakatututaka vei ira na vosa kecekece a vakarota vua na TURAGA me lai tukuna. 08 Era sauma vata kece na tamata, “Keimami na cakava na ka kece e tukuna mai na TURAGA (Yahweh).” Sa qai vakasuka o Mosese, na nodra vosa na tamata vua na TURAGA (Yahweh). 09 A mani kaya na TURAGA (Yahweh) vei Mosese, “Au na lako mai vei iko e na dua na o vavaku, me rawa ni ra rogoci au talega na tamata niu vosa tiko vei iko, me rawarawa kina na nodra dau biuta tiko na nodra inuinui vei iko.” Oti qai tukuna o Mosese, vua na TURAGA (Yahweh), na vosa kece era kaya na tamata.
- Lako Yani 19:1-9





Also Read If Possible (Wilika Talega Ke Rawa)
Deuteronomy 4:1-20; Jeremiah 31:31-34; Hebrews 8

NA iTosotoso E Na Vanua Dravuisiga (The Exodus through the Desert)

Serving For The 19th April, 2008 (Passover)

Solia na vakavinavinaka vua na TURAGA (Yahweh), dau kaciva na yacana;
vakaraitaka vei ira na veimatanitu na veika e a vakayacora, 02 Laga sere vua, lagata na sere totoka ni veivakacaucautaki; tukuna na nona cakacaka veivakurabuitaki kecekece. 03 Bula mamarau tiko e na yacana tabu; laiva na vuniyalodra o ira era dau qara na TURAGA (Yahweh) me mamarau tiko. 04 Vakanuinui vua na TURAGA (Yahweh), vata kei na nona kaukaua; qara mo vakanamata tiko ga vua. 05 Nanuma na nona cakacaka veivakurabuitaki sa cakava o koya, na nona cakacaka mana kei na vakataulewa e dau tusanaka; 06 O kemuni na kawa i Eparayama na nona dauniveiqaravi, O kemuni talega na luvei Jekope, na nona digitaki.
- Same 105: 1-6


E kauti Isireli tani mai o koya, era yauta mai na siliva kei na koula; e na kedra maliwa na nodra veimataqali, e sega ni bau dua e bera 38 O Ijipita e mamarau ni ra sa biubiu; baleta na nodra domobulataki Isireli, sa bikai ira 39 E a tevuka o koya e dua na O me vakarurugi ira, kei na bukawaqa me vakararamataki ira ena bogi. 40 Era kerea, qai solia vei ira o koya na toa ni veikau ka vakamamautaki ira e na madrai ni lomalagi. 41 E dolava na uluvatu o koya, qai coka mai kina na wai, me vaka na uciwai e drodrova yani na vanua dravuisiga, 42 Baleta e nanuma tiko o koya na nona veiyalayalati tabu, a solia vei Eparayama na nona dauniveiqaravi, 43 A kauti ira tani mai kina na nona tamata e na yalomamarau, o ira na nona digitaki e na kaikaila ni reki; 44 e solia vei ira na nodra vanua na veimatanitu, era qai taukena kina me nodra ivotavota na veika era a bunotaka na tani – 45 me rawa ni ra maroroya na nona ivakaro, ka vakamuria na nona ivunau. Vakacaucautaka na TURAGA (Yahweh).
- Same 105:37-45



Also Read If Possible (Wilika Talega Ke Rawa)
Genesis 15; Exodus 15:19-18:27; John 6;
Acts 7:36-38; I Corinthians 10:1-4

Na Turaga E Dua Na Qaqa Ni iValu (Yahweh is a Hero of War)

Serving for the 18th April, 2008

E na siga oya e a vakabulai ira kina na kai Isireli na TURAGA (Yahweh), mai ligadra na kai Ijipita, era qai raici ira na kai Ijipita, o ira na kai Isireli, ni ra sa davo matemate tu e matasawa. 31 Ia ni ra sa raica na kai Isireli, na kaukaua vakaitamera ni TURAGA (Yahweh) e na ka a vakayacora vei ira na kai Ijipita, era a qai rerevaka na TURAGA (Yahweh) o ira na tamata, ka ra biuta na nodra vakabauta vua na TURAGA (Yahweh) vata kei Mosese na nona italatala.
- Lako Yani 14: 30-31.


Era sa qai lagata, o Mosese kei ira na kai Isireli, na sere oqo vua na TURAGA (Yahweh): “Au na lagasere vua na TURAGA (Yahweh), baleta sa cecere dina o koya. Na ose kei koya e vodoka e kolotaki ira o koya, i loma ni waitui. 02 Na TURAGA (Yahweh) e noqu kaukaua ka noqu sere; o koya sa yaco me noqu ivakabula. O koya na noqu Kalou (El), au na vakacaucautaki koya, na Kalou (Elohim) nei tamaqu, au na vakacerecerei koya. 03 Na TURAGA (Yahweh) e dua na qaqa ni ivalu; O koya, e vakatokai na TURAGA (Yahweh). 04 Na qiqi ni ivalu nei Fero kei na nona mataivalu e kolotaki a lomoci e na buto ni Wasa Damu.
-Lako Yani 15:1-4.


“O cei e na kedra maliwa na qaqa e tautauvata kei kemuni, TURAGA (Yahweh) O cei e tautauvata kei kemuni -- cecere vakaoti e na savasava vakaitamera e na lagilagi, dau ni cakacaka veivakurabuitaki?
- Lako Yani 15:11.


“E na nomuni loloma tawayalani, oni liutaki ira na tamata oni a vueta. E na nomuni kaukaua oni tuberi ira i na nomuni tikotiko tabu.
-Lako Yani 15: 13.


Na TURAGA (Yahweh) e na vakavulewa tiko, me tawamudu ka tawamudu.
Lako Yani 15:18.

Also Read If Possible (Wilika Talega Ke Rawa)
Psalm 136; Ephesians 5:19-20; Revelation 15:2-4

Takosovi na Wasa Damu (Crossing the Red Sea).

Serving for the 17th April, 2008

Oti, sa qai dodoka na ligana o Mosese me dusia na wasawasa, sa qai yaco ni a sea rua na wasawasa e na bogi taucoko oya, na TURAGA (Yahweh), e na dua na cagi kaukaua mai na tokalau, qai vukica me qele mamaca. E a tawase rua na waitui, 22 era qai taubale kosova na wasawasa, e na dela ni qele mamaca, e na kedrau tadrua, o ira na kai Isireli, e qai lalaga tu mai na wai, ena yasadra imatau kei na yasadra imawi. 23 Era cemuri ira tiko ga na kai Ijipita, ni ra muri ira i loma ni wasawasa o ira kece na mataivalu nei Fero, na ose, na nona qiqi ni ivalu, kei ira na mataivalu daunivodo ose. 24 E na gauna ni iotioti ni matayadra ena bogi, a rai sobu mai na duru bukawaqa kei na O na TURAGA (Yahweh) me raici ira na mataivalu ni Ijipita, oti qai vakadredretaka na nodra itosotoso. 25 E a vakavuna me ra lulutu laivi na yava ni nodra qiqi ni ivalu, me vakadredretaka na nodra itosotoso. Era mani kaya na kai Ijipita, “Mai meda dro laivi mai vei ira na kai Isireli. Na TURAGA (Yahweh) sa valuti keda tiko na Kai Ijipita ena vukudra.” 26 Sa qai kaya na TURAGA (Yahweh) vei Mosese, “Dodoka na ligamu mo dusia na waitui, me rawa ni suka tale na wai me lomoci ira na kai Ijipita, na nodra qiqi ni valu, kei ira na mataivalu daunivodo ose. 27 Sa mani dodoka na ligana o Mosese me dusia na waitui, sa qai tekivu suka tale na waitui, ia ni qai kida na mataka sa lesu kece tale na wai i na kena itutu makawa. Era a drovaka mai na kai Ijipita, ia a qai kuitaki ira lesu i loma ni wasawasa na TURAGA (Yahweh). 28 E a kui lesu na wai qai lomoci ira na qiqi ni ivalu, kei ira na daunivodo ose – na mataivalu kece nei Fero era a cemuri ira i loma ni wasawasa. E sega ni dua vei ira e vo me bula.
- Lako Yani 14: 21-28.



Also Read If Possible (Wilika Talega Ke Rawa)
Psalm 114; 136:13-15; Deuteronomy 11:1-4; Joshua 24:5-7;
Hebrews 11:23-29

Cici Muri ira na Isireli o Fero. (Pharoah Follows The Israelites)

Serving For The 16th April, 2008

O ira na kai Ijipita – oya o ira kece na ose kei na qiqi ni ivalu nei Fero, kei ira na daunivodo ose, kei ira na nona mataivalu – era qai cici muri ira na kai Isireli, ka ra toboki ira ni ra se keba toka ga e matasawa mai Pi-Eiroce, veibasai kei Peali-Sifoni. 10 Ni sa toro voleka tiko yani o Fero, era qai rai cake na kai Isireli, era sa raici ira na kai Ijipita ni ra sa tayabe tiko yani vei ira. E a curumi ira na domobula, era mani tagi cake vua na TURAGA (Yahweh). Era kaya vei Mosese, “Baleta beka ni sega na ibulubulu mai Ijipita o kauti keimami tu mai kina eke me keimami mai mate tu ena vanua dravuisiga oqo? A cava o sa cakava qo vei keimami, mo kauti keimami laivi tu kina mai Ijipita? 12 Keimami a sega beka ni kaya vei iko mai Ijipita ‘Laivi keimami tu ga, me keimami veiqaravi tikoga vei ira na kai Ijipita’? E a vinaka cake me keimami a veiqaravi tiko ga vei ira mai Ijipita, sa qai ca ga qo me keimami mai mate tu ena vanua dravuisiga!” 13 E sauma vei ira na tamata o Mosese, “Ni kakua mada ni rere. Ni tudei tu mada, moni raica na veivueti ena kauta mai vei kemuni edaidai na TURAGA (Yahweh). O ira na kai Ijipita oni na raici ira edai, oni na sega ni raici ira tale me tawamudu. 14 Na TURAGA (Yahweh) e na vala e na vukumuni; e vinakati ga moni tu vakarorogo.” 15 Sa qai kaya na TURAGA (Yahweh) vei Mosese, “Na cava o tagici au tiko mai kina? Tukuna vei ira na Isireli mera toso tiko ga i liu. 16 Laveta na nomu ititoko, qai dodoka na ligamu vaka i na wasawasa, mo tawasea rua na waitui, me rawa ni ra taubale takosova na wasawasa e na dela ni qele mamaca, o ira na kai Isireli. 17 Raica, au na vakayalokaukauataka na lomadra na kai Ijipita, me ra takoso muri ira talega yani. Ena qai noqu na lagilagi e na vuku i Fero, kei na nona mataivalu, ena vukuni nona qiqi ni ivalu, kei na vukudra na nona mataivalu daunivodo ose. 18 O ira na kai Ijipita era na qai kila ni o au na TURAGA (Yahweh) , niu sa rawata na qaqa maivei Fero, na nona qiqi ni ivalu kei ira na nona daunivodo ose.
L ako Yani 14:9-18.




Also Read If Possible (Wilika Talega Ke Rawa)
Psalm 37:7; 46:10; Isaiah 59:1; Romans 9:14-24;

Hebrews 11:1-2

Biuti Ijipita o ira na Isireli. (Israel Leaves Egypt)

Serving for the 15th April, 2008

E na bogilevu tutu, a mokuti ira mate kina na ulumatua ni Ijipita, na TURAGA (Yahweh), mai vua na ulumatua nei Fero, o koya e toka e na idabedabe vakatui, ki vua na nona ulumatua na kaivesu e tiko e loma ni valeniveivesu butobuto, vata kei na ulumatua ni manumanu yavaiva kecekece. 30 E a yadra cake o Fero e na bogi oya, o koya vata kei ira na nona ivakalesilesi, vata kei ira kecekece na kai Ijipita; ni sa yaco na tagitagi yaso e loma i Ijipita taucoko, baleta e sega ni bau dua bulu na vale me sega ni dua e mate kina. 31 E na bogi tiko ga oya, sa kacivi Mosese kei Eroni kina o Fero qai kaya, “Tu! Biuti ira na noqu tamata, o kemudrau vata kei ira na kai Isireli! Lako, lai sokalou vua na TURAGA (Yahweh) me vaka na nomudrau kerekere. 32 Kauta talega yani na nomuni sipi kei na nomuni bulumakau me vaka nomudrau vosa, ia moni lako ga. Qai vosa vakalougatataki au talega.” 33 Ia o ira na kai Ijipita era sa vakusakusataki ira na tamata me ra vakatotolo, me ra biuta na vanua. “Baleta ke sega” era kaya, “eda na mate kece vakadua.” 34 Era mani soqona vata na kedra ibuli falawa o ira na tamata, ni ra se bera ni wakia vata kei na leveni, me ra sa dreketa yani e tabadra, e na loma ni sedre ni natunatu sa olo vinaka tu e na isulu. 35 O ira talega na Isireli era a cakava na ka a vakarota vei ira o Mosese, e na nodra kerea mai vei ira na kai Ijipita, na iyau siliva, na iyau koula kei na isulu. 36 Na TURAGA (Yahweh) a sa vakamalumutaki ira oti na kai Ijipita me ra na yalovinaka vei ira na tamata, era qai solia kina vei ira na ka kece era kerea; qori era a tokitaka kina na nodra iyau na kai Ijipita.
- Lako Yani 12:29-36.


E na siga, e a liutaki ira na TURAGA (Yahweh) e na loma ni dua na duru O, me tuberi ira e na nodra ilakolako; ia e na bogi e na loma ni dua na duru bukawaqa me solia vei ira na rarama, me rawa kina ni toso tikoga na nodra ilakolako e na siga kei na bogi. 22 Na duru O e na siga se na duru bukawaqa e na bogi, a sega vakadua ni biuta na nodrau itokatoka mai matadra na tamata, e na mua i liu ni ilakolako.
- Lako Yani 13:21-22.




Also Read If Possible (Wilika Talega Ke Rawa)
Deuteronomy 16:1-8; Psalm 78:41-52; 2 Thessalonians 1:5-10.

Karisito, na Noda Lami ni Lakosivia. (The Messiah Is Our Passover Lamb)

Serving for the 14th April, 2008

Na nomuni vakacerecerei kemuni tiko vakataki kemuni e sega ni vinaka. Oni sega beka ni kila, ni dua na tiki ni leveni lailai e rawa ni vakalevenitaka e dua na ibuli taucoko? 07 Vakasavataka laivi mada na leveni makawa, moni rawa ni dua na ibuli vou, ni oni sa sega ni vakaleveni. Baleta na noda Lakosivia o Karisito (Messiah), e a cabori vakaisoro e na vukuda. 08 Laiva meda marautaka na solevu, sega e na leveni makawa, se na leveni ni yaloca kei na ivala­vala vakasisila, ia e na leveni ga ni savasava kei na vakatatabu.
- I Korinica 5:6-8.


Ia kevaka oni dau kaci Vua na Tamada, o Koya e sega ni veitovaki, ka dau vakataulewa vei ira na tamata yadua, me veiraurau kei na nodra dui cakacaka, ia vakaraitaka na itovo ni veirkovi e na gauna o bula vakawawa tu kina eke, 18 e na nomuni kila ni oni a sega ni vueti, mai na itovo tawayaga oni a ciqoma mai vei ira na tukamuni, e na veika e dau rusa me vaka na siliva kei na koula, 19 ia, e na dra vakamareqeti ga ni Lami e sega ni dukadukali ka sega ni tavutonotono oya na Karisito (Messiah); 20 o koya e a lesi ni sebera ni vakasoburi na yavu kei vuravura, qai mai vakarai­taki oqo e na ivakataotioti ni gauna e na vukumuni, 21 o kemuni, e na vukuna o Koya, oni sa vakabauta na Kalou (Yahweh) o Koya a vakaturi Koya mai na mate, qai solia Vua me vakalagilagitaki, me rawa kina ni teki na nomuni vakabauta kei na nomuni inuinui Vua na Kalou (Yahweh). 22 Laiva na nomuni bula me vakasavasavataki e na nomuni talatalairawarawa i na ka e dina, ka vakasinaiti e na loloma dina me rawa ni oni veilomalomani vakaveitacini, e na yalo e daumaka ka savasava vakaoti:
- I Pita 1:17:22.



Read Also If Possible (Wilika Talega Ke Rawa)
Exodus 12-13; John 1:19-36; Hebrews 2:11-18;

Revelation 13: 8

Na Bibi ni Veivakaturi Mai Na Mate (The Importance Of The Resurrection Of The Dead).

Serving For The 13th April, 2008.

Ia ke vunautaki o Karisito (Messiah) ni a vakaturi mai na mate, e qai rawa vakacava me so vei kemuni e kaya tiko ni sega ni dua na ka na veivakaturi mai na mate? 13 Ke sega ni dua na ka na veivakaturi mai na mate, e na dina beka kina ni se bera ni vakaturi na Karisito (Messiah). 14 Kevaka a sega ni vakaturi na Karisito (Messiah), e kena ibalebale beka oya ni maumau wale na neimami ivunau ka maumau talega vaka kina na nomuni vakabauta. 15 Ia qori, keimami na qai kune kina ni keimami ivakadinadina lasulasu ni Kalou (Elohim), baleta keimami sa tusanaka oti me baleta na Kalou (Elohim) ni o Koya e a vakaturi Karisito (Messiah), ke a sega ni vakaturi, ke dina ni o ira na mate era na sega ni vakaturi. 16 Kevaka era sega ni dau vakaturi na mate, sa na dina ga ni o Karisito (Messiah) e se bera ni vakaturi. 17 Ia, ke a sega ni vakaturi o Karisito (Messiah), na nomuni vakabauta sa na tawayaga; baleta ni oni se tikoga e na nomuni ivalavala ca! 18 O ira talega era sa moce lutu tu e na vuku i Karisito (Messiah), era sa na rusa vakadua. 19 Ia kevaka, e na bula oqo, eda vakanuinui kece tu Vua na Karisito (Messiah), qori eda sa na wili kina, e na kedra maliwa na tamata kece, ni da vakaloloma taudua. 20 Ia na kena dina ga, ni o Karisito (Messiah) e a vakaturi mai na mate, ka sa isevu vei ira kece era sa moce lutu tu. 21 Me vaka ni a vu mai vua e dua na tamata na mate, e na vu talega mai vua e dua tale na tamata na veivakaturi mai na mate. 22 Me vaka ni na mate na tamata kecekece e na vuku i Atama, e na vuku i Karisito (Messiah) na tamata kecekece era na vakabulai
1 Korinica 15: 12-22.



Also Read If Possible (Wilika Talega Ke Rawa)
Job 19: 23-27; 1 Corinthians 15: 23-58;
Romans 6:1-11; Acts 2: 22-36

Vakaturi o Jisu (Yahshua Ressurected).

Serving for the 12th April, 2008.

Ni sa sivi yani na Siga ni Vakacecegu, me sa tekivu kida na imatai ni siga ni macawa, o Meri (Miriam) Makitalena kei Meri (Miriam) kadua, rau a mai siko ibulubulu. 02 Ia raica, ni a qai yaco e dua na uneune levu; baleta e dua na agilosi ni Turaga (Master), e a siro mai lomalagi, lako mai, qai mai vaqiqica laivi na vatu mai katuba, oti qai dabeca toka. 03 Na kena irairai o Koya, e vaka na rarama ni lidi na yaseyase, ia na nona isulu e a sekavula me vaka na uca cevata. 04 O ira na matayadra, era a sautaninini e na ilevu ni nodra domobulataki koya, era qai dui cibati ira, me vaka na tamata mate. 05 Ia na agilosi a qai sauma ni kaya vei rau na yalewa, “Kakua ni rere, baleta au kila ni drau vaqarai Jisu (Yahshua) tiko mai, o Koya e a rube. 06 “O Koya sa sega ni tiko eke; baleta sa tucake tale o Koya me vaka na Nona vosa. Lako mai, mai raica na vanua a koto no kina na Turaga (Master). 07 “Oti drau qai lako vakusakusa mo drau lai kaya vei ira na Nona tisaipeli, ni sa bulatale mai na mate o Koya, ia me vaka na veinaki, sa liu oti i Kaleli o Koya; e keya dou na qai lai raici Koya kina. Raica, au sa tukutuku oti vei kemudrau.” 08 Rau sa mani biubiu vakatotolo mai na ibulubulu e na rere kei na reki levu, rau qai tabaka na cici me rau kauta na itukutuku vei ira na Nona tisaipeli. 09 Ia ni rau se lako tiko me rau lai tukutuku vei ira na Nona tisaipeli, raica, ni a sotavi rau o Jisu (Yahshua), qai kaya “Mo drau marau ga!” Rau qai toro yani Vua, rau qai tara na Yavana, ka vakarokoroko Vua. 10 Sa qai kaya vei rau o Jisu (Yahshua), “Kakua ni rere. Lako lai kaya vei ira na mataveitacini me ra lako i Kaleli, e keya era na lai raici Au kina.”
- Maciu 28:1-10.



Also Read If Possible (Wilika Talega Ke Rawa)
Psalm 16:8-11; Mark 16:1-8; Luke 24:1-10;
John 20: 1-18, I Corinthians 15.

Rube E Na Kauveilatai o Jisu (Yahshua Crucified On The Cross)

Serving For the 11th April, 2008

Era qai kauti Koya yani i na vanua o Kolikoca, na kena ibalebale “Na Vanua ni Qavokavoka.” 23 Era solia Vua e dua na bilo waini e waki tu kei na dreganimura me gunuva, ia a sega ni via gunuva o Koya. 24 Ni ra sa rubeci Koya oti e na kauvei­latai, era qai wasea na Nona isulu e na nodra vakawirimadigitaka me kilai kina na nodra dui iwasewase na tamata kece. 25 Era a rubeci koya e na ciwa na kaloko. 26 Na ivakamacala ni veika a beitaki kina o Koya e a toqai toka e cake, NA NODRA TUI NA JIU. 27 Rau a rube talega vata kei Koya e rua na tamata daubutako, me dua e Yasana imatau, ka dua e Yasana imawi. 28 Qori a qai yaco kina na vosa ni iVola Tabu e kaya, “A qai wili o Koya vata kei ira na tamata vaka­drecike.” 29 O ira era toso sivia tiko, era a vosavakacacataki Koya ni ra kurekure tu, era qai kaya, “A tu! o iko o na basuraka na valenisoro, mo qai tara tale e na loma ni tolu na siga, 30 “bau vueti iko mada ga vakataki iko, mo siro sobu mai na kauveilatai oqori!” 31 E vaka kina o ira na bete levu vata kei ira na vunivola era a mai vakalialiai Koya talega, era qai veiwali vakataki ira ni ra kaya, “E dau vueti ira na tani o Koya; ia o Koya vakataki Koya e sega ni vueta rawa. 32 “Biu sara mada na Karisito (Messiah) na nodra Tui na kai Isireli, me kevu sobu mai na Nona kauveilatai e na gauna sara ga oqo, me rawa ni da raica, eda qai vakabauta.” O ira talega era a rube tu vata kei Koya, era a vakalialiai Koya.
- Marika 15:22-32.


Ia o Jisu (Yahshua) a qai kaila tale e na domo levu, oti qai cagutu na iotioti ni Nona icegu. 38 Sa qai kasei rua na ilati ni valenisoro, mai cake vakadua i ra. 39 Ia na Turaganiyadrau e a duri donui Koya tu, ni raica na nona kaila ni se bera ni cagutu na Nona icegu, a qai kaya, “Sa dina ga ni Luve ni Kalou (Yahweh) na tamata oqo!”
- Marika 15:37-39.


Also Read If Possible (Wilika Talega Ke Rawa)
Psalms 22; Isaiah 53; Matthew 27:33-56;
Luke 23:26-48; John3:13-16; 19:16-37

Totogimate o Jisu (Death Penalty for Yahshua)

Serving for the 10th April, 2008

O ira na bete levu, o ira na qase kei ira kece na lewe ni matabose, era a vaqara tiko na itukutuku lasutaki, me beitaki kina o Jisu (Yahshua), me rawa ni vakamatei, 60 ia qai sega ni dua e kune. E dina ni levu na ivakadinadina lasulasu era a lako yani, ia a sega ga ni kune e dua. Sa dede, rau qai lako mai e rua, 61 rau qai kaya, “Na tamata qo a kaya, ‘Au rawa ni vakarusa na valenisoro ni Kalou (Elohim) Meu qai tara tale e na tolu na siga.’” 62 E tucake sara na bete levu liu qai kaya Vua, “E vakacava, o sega beka ni sauma rawa? Na cava mada na ibalebale ni ka rau beitaki iko tiko kina o rau qo?” 63 Ia a galu tu ga o Jisu (Yahshua). Kuria na nona vosa na bete levu liu, ni kaya Vua “Au vakaroti iko e na yaca ni Kalou (Elohim) bula, mo kaya mai vei keimami se o iko dina na Karisito (Messiah), na Luve ni Kalou (Elohim)?” 64 Sauma vua o Jisu (Yahshua), “E dina, me vaka ga na nomu vosa. Ia Au na kaya talega vei kemuni, mai muri oni sa na raica na Luve ni Tamata ni lai dabe e na ligana imatau na Vu ni Kaukaua, vata kei na Nona na lako mai e na dela ni vei o kei loma­lagi!” 65 Na bete levu liu a qai basuraka na nona isulu qai kaya, “E sa kaya na vosa ni veivakacacani! Na cava tale meda vinakata kina e dua na ivakadinadina? Oni sa rogoca kece na Nona vosa ni veivakacacani! 66 “Na cava oni nanuma?” Era sauma ni ra kaya, “E sa cala ka sa dodonu me totogi mate!” 67 E keri era qai kasivita kina na Matana ka mokulaki Koya; eso era a sabalaki Koya e na qeteqete ni ligadra, 68 era qai kaya, “Parofisai mai vei keimami Karisito! O cei beka a sabaki Kemuni?”
- Maciu 26: 59-68.




Also Read If Possible (Wilika Talega Ke Rawa)
Leviticus 24:13-16; Daniel 7:13-14; Mark 14:55-65;

Luke 23: 63-71

Soli Laivi o Jisu E Na iregu. (Handed Over With A Kiss)

Serving for the 9th April, 2008

Ni sa cavuta oti na vosa oqo o Jisu (Yahshua), sa toso sara o Koya vata kei iratou na Nona tisaipeli, me ratou takosova na wai drodro lailai o Kitironi, ki na vanua e tiko kina e dua na were, eratou qai curu kina, o Koya vata kei iratou na Nona tisaipeli. 02 O Jiutasa, o koya a qai soli i Koya laivi, e kila talega na vanua oya, baleta o Jisu (Yahshua), sa vakawasoma na Nona dau lai sota vata kei iratou na Nona tisaipeli e keya. 03 Ia o Jiutasa, ni sa soqoni ira vata na matasotia kei ira na ovisa era talai mai vei ira na bete levu kei ira na Farisi, a qai lako yani e na vanua oya, era qai kauta tu yani na icina tabucagi, na icina barawa kei na veiyaragi eso. 04 Ia o Jisu (Yahshua), baleta ni kila vinaka tu o Koya na veika e na vakayacori Vua, e a torovi ira yani i liu qai tarogi ira, “O cei beka oni vaqara tiko?” 05 Era sauma Vua, “O Jisu (Yahshua) na kai Nasareci!” Sauma o Jisu (Yahshua) vei ira, “O Au ga o Koya!” O Jiutasa sa duri tu mai vata kei ira. 06 E na gauna e kaya kina vei ira o Koya, “O Au ga o Koya”, era qai vakasukasuka kece i muri, ka dui bale i dela ni qele. 07 E baci tarogi ira tale o Koya, “O cei oni vaqara tiko?” Era baci kaya, “O Jisu (Yahshua) na kai Nasareci!” 08 Sauma o Jisu (Yahshua), “Au sa kaya oti vei kemuni, o Au ga o Koya. Kevaka oni vaqarai Au tiko, ia laivi ira qo me ra dui lako e na nodra dui sala,” 09 “qo me yaco kina na vosa a tauca o Koya, “Vei ira kece Oni a solia maivei Au, Au sega ni vakayalia e dua.”
- Joni 18:1-9

O koya e mai soli i Koya laivi, a sa solia oti vei ira e dua na ivakatakilakila ni kaya, “O koya ga Au reguca, qori o Koya; vesuki Koya, qai kauti Koya laivi yani vakamatau.”
- Marika 14:44

Ia ni yaco ga yani, e a lako cake sara vei Jisu (Yahshua) qai kaya, “Bula vinaka Rapai!” oti qai reguci Koya.
- Maciu 26:49

Ia qai kaya vua o Jisu (Yahshua), “Jiutasa, o mai solia laivi tiko na Luve ni Tamata e na dua na iregu?”
- Luke 22: 48.


Also Read If Possible (Wilika Talega Ke Rawa)
Genesia 37; Matthew 26:46-56; Mark 14:43-50;

Luke 22:47-54; John 6:35-40; 17:1-12

Na i iOtioti ni Kanavata (The Last Supper)

Serving for the 8th April, 2008

Sa qai yaco mai na siga ni Madrai Sega ni Vakaleveni e gadrevi me na vakamatei kina na lami ni Lakosivia. 08 E talai rau sara o Pita kei Joni o Koya, ni kaya “Drau lako, drau lai vakarautaka na Lakosivia e na vukudatou, me tou na lai kania vata.”
- Luke 22:7-8

Ia ni sa yaco mai na kena gauna, sa dabe sobu o Koya vata kei iratou na apositolo le tinikarua. 15 Sa qai kaya o Koya vei iratou, “Sa ka vakai­tamera dina na Noqu gadreva voli mai, Meu na mai kania vata kei kemudou na Lakosivia oqo, Niu sebera ni sotava na rarawa­; 16 “baleta, Au kaya vei kemudou, Au sa na sega ni kania tale vakadua, me yacova ni sa yaco e na loma ni matanitu ni Kalou (Elohim).” 17 E taura cake sara na bilo, vakavinavinakataka, qai kaya, “Taura qo, vota yani e na kemudou maliwa, 18 “baleta Au kaya vei kemudou, Au na sega tale ni gunu mai na vuanivaini, me yacova ni sa yaco mai na Matanitu ni Kalou (Elohim).” 19 Oti sa qai taura cake na madrai o Koya, vakavinavinakataka, dovia, solia vei iratou, qai kaya “Oqo na Yagoqu sa mai soli e na vukumudou; cakava oqo, Meu dau vakananumi kina.” 20 A vaka talega kina, ni a taura na bilo, ni oti na vakayakavi qai kaya, “Na bilo oqo na veiyalayalati vou e na noqu dra, sa mai vakadavei tiko e na vukumuni. 21 “Ia dou raica, na ligana o koya e na soli i Au laivi, sa tiko qo vata kei Au e na dela ni teveli. 22 “E ka dina, na Luve ni Tamata e na lako ga me vaka sa lewai oti tu, ia na leqa levu e na colata na tamata e ivakayaco ni Nona soli laivi!”
- Luke 22:14-22.





Also Read If Possible (Wilika Talega Ke Rawa)
Jeremiah 31:31-36; Matthew 26:17-30; Mark 14:12-26;

Revelation 19:4-9

E Luvei cei na Mesaia? (Whose Offspring Is The Messiah?)

Serving for the 7th April, 2008

Ia ni ra se soqo vata toka na Farisi, sa tarogi ira yani o Jisu (Yahshua) 42 ni kaya, “Na cava beka oni nanuma me baleta na Karisito (Messiah)? E luvei cei beka o Koya?” Era sauma Vua, “E luvei Tevita tagane!” 43 Ia e kaya tale vei ira o Koya, “A qai rawa vakacava vei Tevita, ni curumi koya na Yalo Tabu, me kacivi Koya Turaga (Sovereign), e na nona a kaya, 44 “Na TURAGA (Yahweh) a kaya vua na noqu Turaga (Sovereign), ‘Dabe sobu e na ligaqu imatau, Me yacova Niu sa vukici ira na Kemu meca mera itavatava ni Yavamu”’? 45 “Kevaka a kacivi Koya e na gauna oya o Tevita, ‘Noqu Turaga (Sovereign)’ e na qai rawa vakacava me Luvena tagane o Koya?” 46 E sega ni dua a rawa ni sauma tale Vua e dua na vosa, ka tekivu mai na siga oya, e sega ni dua a doudou tale me vakatarogi Koya.
- Maciu 22:41-46

Ia ni sa oti e ono na siga, o Jisu (Yahshua) a qai kauti ratou o Pita, o Jemesa kei Joni i na dua na ulunivanua cere, me ratou lai tu vakatikitiki tu kina vakataki ratou; oti qai vakamataliataka na kena irairai e matadratou.
- Marika 9:2


Oti, qai kovuti ratou mai e dua na o; qai rogo mai na o oya e dua na domo ni kaya, “Oqo na Luvequ daulomani. Rogoci Koya!”
- Marika 9:7

Baleta sa volai tu, “Moni yalosavasava, me vaka ga Niu yalosavasava.” 17 Ia kevaka oni dau kaci Vua na Tamada, o Koya e sega ni veitovaki, ka dau vakataulewa vei ira na tamata yadua, me veiraurau kei na nodra dui cakacaka, ia vakaraitaka na itovo ni veirokovi e na gauna o bula vakawawa tu kina eke,
- II Pita 1:16-17



Also Read If Possible (Wilika Talega Ke Rawa)
Psalms 110; Matthew: 45-54; Mark 1:9-11; Luke 9:28-36; Act 2.

Vakasavasavataka na Valenisoro o Jisu. (Yashua Cleans Up The Temple)

Serving for the 6th April, 2008

Ia ni sa toso voleka yani, me sa raica na korolevu, a qai tagicaka o Koya, 42 ni kaya, “Isa, kevaka wale ga mo a kila, io o iko, vakabibi e na nomu siga nikua, na veika era wili vata tu me rawa kina na nomu bula vakacegu! Ia e na gauna oqo era se vunitaki tu mai na nomu rai. 43 “E na yaco mai vei iko na siga, era na viribaiti iko kina na kemu meca, me ra toso wavolivoliti iko, me ra qai sogolaki iko mai na veiyasana kecekece, 44 oti era na qai siviyarataki iko, vata kei ira na luvemu e lomamu, i na dela ni qele; era na sega tale ni vakavotaka tu mai e dua na vatu me veitaqataqai tale tu e delamu, baleta wale ga ni o a sega ni kilakasamataka na gauna e mai sikovi iko kina na Kalou (Yahweh).”
- Luke 19:41-44

Oti a qai curu i vale ni Kalou (Yahweh) o Jisu (Yahshua), qai lai cemuri ira kece era volivolitaki ka volivoli tiko e loma ni valenisoro, e a vukica vakatoboicu na nodra teveli na dauveisau ilavo kei na nodra idabedabe o ira era volitaki ruve. 13 Oti qai kaya vei ira “E volai tu ‘Na Noqu vale e na vakatokai me vale ni masumasu,’ ia oni sa mai vukica me ‘nodra qara na daubutako.’” 14 Oti era qai lako mai Vua e valenisoro o ira na mataboko kei ira na lokiloki, qai vakabulai ira kece o Koya. 15 Ni ra sa raica na bete levu kei na vunivola na veika talei sa cakava tiko o Koya, vata kei ira na lalai ni ra kaila tiko e valenisoro me ra kaya , ‘Osana Vua na luvei Tevita’, e a qai curumi ira e dua na yalovuvu vakaita­mera, 16 era qai kaya Vua, “O rogoca tiko beka na ka era kaya tiko o ira qo?” Sauma vei ira o Jisu (Yahshua), “Io. Oni se bera beka ni bau wilika, ‘Mai na gusudra na gone lalai kei ira na gone dramidrami, e rogo mai kina na veivakacerecerei vinaka duadua’?”
- Maciu 21:12-16




Also Read If Possible (Wilika Talega Ke Rawa)
Psalm 8; Isaiah 56; Jeremiah 7:9-11;

Mark 11:15-18; John 2:13-17

Curu Vakatui o Jisu (Yahshua is King)

Serving for the 5th April, 2008

Ia ni ratou sa toro voleka yani i Jerusalemi; me ratou sa yaco i Pecivaiqi e tara toka e na yasa ni Ulunivanua ni Veiolive, sa tala sara e rua vei iratou na tisaipeli o Jisu (Yahshua), 02 ni kaya vei rau, “Drau lako vaka­dodonu i na koro e toka donui kemudrau tu mai qori, drau na kunea ni vesu tu kina e dua na asa, ka vesu tu vata kei na luvena tagane. Sereki rau, qai kauti rau mai vei Au. 03 “Kevaka e dua e mani tarogi kemudrau kina, drau qai kaya ga, ‘Na Turaga (Sovereign) e gadreva me vakayagataki rau,’ sa na qai talai rau mai e na gauna vata oqori o koya. 04 Na ka kece oqo a yaco, me rawa ni vakayacori kina na veika a tukuna na parofita ni kaya, 05 “Tukuna vei ira na luvei Saioni yalewa, ‘Raica, na nomuni Tui sa lako tiko yani vei kemuni, E lolovira, qai dabe toka e na dua na asa, Na asa gone, na luvena tagane e dua na asa.’” 06 Rau mani lako na tisaipeli, rau qai cakava na ka a vakarota vei rau o Jisu (Yahshua). 07 Rau kauta mai na asa, vata kei na luvena tagane, tevuka na nodrau isulu e dakudrau, rau qai vakavodoki Koya kina. 08 E dua na iwiliwili ni tamata levu era a qai tevuka na nodra isulu e gaunisala; eso era a musuka na tabatabanikau mai na vunikau, me ra conia kina na gaunisala. 09 O ira na le vuqa era liu tiko kei ira era muri tiko era qai kailavaka tiko ni ra kaya, “Osana Vua na Luvei Tevita! ‘E kalougata o Koya e lako mai e na yaca ni TURAGA (Yahweh)!’ Osana Vua sa cecere sara!” 10 Ia ni yaco yani i Jerusalemi o Koya, era sa vakayavalati na leweni­koro, era qai taroga, “O cei qo?” 11 Era mani sauma na le vuqa, “Oqo o Jisu (Yahshua) na parofita ni Nasareci mai Kaleli.”
- Maciu 21:1-11


Also Read If Possible (Wilika Talega Ke Rawa)
Psalm 118; Zechariah 9:9; Mark 11:1-11;
Luke 19:28-40; John 12:12-16.

Kaya o Jisu ni na Vakaturi. ( Yahshua said He Would Be Ressurected)

Serving for the 4th April, 2008

Ia o Jisu (Yahshua) a qai kacivi ratou vata mai Vua, qai kaya vei ratou, “Dou kila vinaka ni o ira era vakatokai me ra iliuliu vei ira na kai Veimatanitu tani, era dau vakacola sau vei ira, ia o ira na nodra qaqa era dau vakayagataka na nodra kaukaua me ra vosayaco kina vei ira. 43 “Ia e na sega ni vaka kina e na kemudou maliwa; o koya e via cecere duadua vei kemudou, o koya me nomudou dauniveiqaravi. 44 “Ia, o koya vei kemudou e vinakata me iliuliu, laiva vua me bobula vei kemudou kece. 45 “Baleta o koya mada ga na Luve ni Tamata a sega ni lako mai me mai qaravi, ia me mai veiqaravi ga, me qai solia na Nona bula me ivoli ni nodra sereki na tamata kece.
- Marika 10:42-45


A qai yaco, ni masu duadua tiko o Koya, ni ratou a soqo yani Vua o ratou na Nona tisaipeli sa qai tarogi ratou o Koya, “O cei beka o Au, e na nodra rai na le vuqa.” 19 Eratou mani sauma ka kaya, “O Joni na Dauveipapitaisotaki, ia eso era kaya ni o Ilaiya; ia eso vei ira na kena vo era kaya ni dua vei ira na parofita ni gauna makawa sa vakaturi tale.” 20 E tarogi ratou tale o Koya, “O cei beka o Au, mai na nomudou rai?” Sauma o Pita ni kaya, “Na Karisito (Messiah) ni Kalou (Elohim).” 21 Sa qai vakasalataki ratou vakabibi ka vakaroti ratou o Koya, me ratou kakua ni tukuna oqori vua e dua, 22 ni kaya, “Na Luve ni Tamata e nakiti me na sotava e levu na ka rarawa, ka na cakitaki mai vei ira na qase ni lotu, na bete levu, kei ira na vunivola, ni se bera ni vakamatei, oti me qai vakaturi e na ikatolu ni siga.”
- Luke 9:18-22

Also Read If Possible (Wilika Talega Ke Rawa)
Psalm 16; Matthew 38:41; Mark 10:32-34;

Luke 24:13-32; Act 2:14-40.

Jisu Na Lami ni Kalou (Yahshua the Lamb of Elohim)

Serving for the 3rd April, 2008

E na siga tarava, e a raici Jisu (Yahshua) o Joni, ni taubale tiko mai vua, qai kaya kina, “Raica! Na Lami ni Kalou (Elohim) o Koya e mai kauta laivi na ivalavala ca e vuravura! 30 “Oqo sara ga o Koya, au a tukuna na kena itukutuku niu kaya, ‘E na muri i au mai e dua na Tamata e vinakati cake mai vei au, baleta o Koya e na liu tikoga vei au.’ 31 “Au a sega ni kilai Koya; ia baleta ni dodonu me mai vakatakilai o Koya vei Isireli, qori au lako mai kina kau mai veipapi­taisotaki tiko kina e na wai.” 32 O Joni e a qai vakadinadinataka, ni kaya, “Au a raica na Yalo ni sobu mai lomalagi me vaka e dua na ruve, qai mai cegu tu Vua. 33 “Au a sega ni kilai Koya, ia o Koya e talai au mai meu mai veipapitaiso­taki e na wai, e a kaya mai vei au, ‘O Koya ga o raica ni sobuti Koya na Yalo, qai mai cegu tu Vua, oqori o Koya e na veipapitaisotaki e na Yalo.’ 34 “Io, au sa raica kau sa vakadinadinataka ni o Koya oqo na Luve ni Kalou (Elohim).”
- Joni 1:29-34


Au qai raica, ka rogoca na domodra na ibinibini agilosi era duri wavokita tu na idabe­dabe vakatui, na ibulibuli bula, kei ira na qase; na kedra iwiliwili e tininaudolu vakalevutaki e na tinina­udolu ka udolu vakaudolu 12 ni ra kaya tiko e na domolevu:
“Sa kilikili ga na Lami, o Koya e a vakamatei,
Me ciqoma na kaukaua, na iyau vakaitamera, kei na vuku,
Vata kei na qaqa kei na veivakarokorokotaki vata kei na lagilagi kei na veivakalougatataki!”
- Vakatakila 5:11-12

Also Read If Possible (Wilika Talega Ke Rawa)
Genesis 22:1-19; Hebrews 9:11-28;
I Peter 1:18-20; Revelations 5-7; 2: 9 - 22:4

Parofisaitaki na Dauniveiqaravi Rarawa (The Sorrowful Servant)

Serving for the 2nd April, 2008

Raica, na noqu dauniveiqaravi e na cakacaka vakavuku, E na vakacerecerei, e na laveti cake, ka vakalevulevui vakalevu sara.
- Aisea 52:13


E a sevaki ka besetaki mai vei ira na tamata, e a tamata dau lomabibi, ka sa matau tu vua na bula rarawa. E vaka e dua, era dau sega ni via raica na matana, na tamata; e dau sesevaki, ka sega ni dau dokai o koya. 04 E dina ni a taura cake o koya na noda malumalumu ka colata na noda rarawa, ia a noda vakasama ga ni a mokuti koya na Kalou (Elohim), mokulaki koya qai vakamavoataki koya. 05 Ia a laucoka o koya e na vuku ni noda ivalavala ca, e a bikai o koya e na vuku ni noda daucakaca; na itotogi e kauta mai na sautu e a tau vua; na nona mavoa eda vakabulai kina. 06 O keda kece, me vaka na sipi, eda sa lako sese, eda sa muria ga na noda dui mua; ia na TURAGA (Yahweh) sa qai vakataqara vua, na noda ivalavala ca kece sara. 07 E a vakasaurarataki ka vakararawataki o koya, ia a sega ni bau dolava na gusuna; e a tuiraki me vaka na lami e kau tiko me lai vakamatei ia me vaka ni dau galu tu ga na sipi e matana na dauniveikoti , o koya tale ga e a sega ni bau dolava na gusuna.
- Aisea 53:3-7

Ia a ka marautaki Vua TURAGA (Yahweh) me bikai o koya ka me vakararawataki; e dina ga ni a cakava na nona bula o Koya me isoro ni cala, ia e na raica o koya na nona kawa, ka vakadedetaka na nona veisiga, ka na ka ni marau Vua na TURAGA (Yahweh) me vakavuavuai vinakataki koya e ligana.
- Aisea 53:10

Me Matata Tiko
Na veitikini iVola Tabu oqo (mai na Aisea 52:13 kei na 53 taucoko) e vakamacalataki tiko kina na veika e yaco tiko se na yaco vei ira na kawa Isireli, e na gauna a vola kina o Aisea na Parofita, ia sa dau ta rua me vakananumi tale ga kina eso na ka a yaco vua na Turaga (Master) o Jisu Karisito (Yahshua Messiah) e muri e na noda gauan.



Also Read if Possible (Wilika Talega Ke Rawa)
Psalms 22; Mark 10:45; Act 8: 26-39;
I Peter 2:21-25

Na iMatai ni Lakosivia (The First Passover)

Serving for the 1st April, 2008

Sa qai kacivi ira vata kece na qase ni Isireli o Mosese, qai kaya vei ira, “Ni oti qo, moni dui lako moni lai digitaka e dua na luve ni sipi, me veirauti kei ira na lewe ni nomuni dui veivale, qai vakamatea na Lami ni Lako Sivia. 22 Taura e dua na taba ni isopi, tonia e na dra e loma ni beseni, qai tavulaka e na ulu kei na duru ruarua ni katuba. Me baleta na TURAGA (Yahweh) wavoki mai e loma ni vanua, me mokuti ira sobu na kai Ijipita, ia ni raica o koya na dra e na ulu kei na duru ruarua ni katuba, na TURAGA (Yahweh) e na lako sivia na katuba, ka sega ni vakatara na dau ni veivakarusai me curuma na nomuni vale, me lai mokuti kemuni sobu. 24 “Mo ni vakamuria vinaka na ivakasala oqo, me dua na ivakaro tawa mudu vei iko kei ira na nomuni kawa. 25 Ni oni sa curu i na vanua sa yalataka oti na TURAGA (Yahweh) me na solia vei kemuni, mo ni dau vakayacora vaka solevu na ivakaro oqo. 26 Ia e na qai yaco ke ra tarogi kemuni o ira na luvemuni, ‘Na cava na ibalebale ni solevu oqo vei kemuni?’ 27 Mo ni na qai tukuna vei ira, ‘Oqo na isoro ni Lako Sivia vua na TURAGA (Yahweh), o koya e a lako sivia na nodra veivale na Isireli mai Ijipita, qai vakabula na noda veivale, e na gauna e mokuti ira sobu kina na kai Ijipita.’” Na tamata era sa qai cuvara sobu na uludra ka sokalou. 28 Era sa qai veisukayaki na kai Isireli, era qai vakayacora na ka kece e vakarota na TURAGA (Yahweh) vei Mosese kei Eroni. Qori era a vakayacora.

- Lako Yani 12: 21-28

Also Read If Possible (Wilika Talega Ke Rawa)
Numbers 1-14; Deuteronomy 16:1-8; 2 Chronicles 30;
I Corinthians 5: 6-8