Na iVola ni Kawa (Genealogies)

Thought: Genealogies Proves That Yahweh Is Interested In Individuals too.

...........................................

Serving for the 31st May, 2009

O ira na luvei Keilebi na taci i Jeramila: o Mesa na nona ulumatua, na tamai Sifa;Jeramila: o Mesa na nona ulumatua, na tamai Sifa; 42 kei iratou na luve i Maresha tagane, na tama i Ebarona o Kora, Tapua, o Rakima, kei Shema; 43 ia o Shema a tamai Rahama, na tamai Jorikoama; o Jorikoama a tamai Samai. 44 O Aufana, na wati i Keilebi lailai a tinai Horana, 45 ia o Horana a tamai Qisana 46 O ira na luvei Shamai o Maona; o , o Maona a tamai Becasura. 47 O ira na luvei Yadai: Reqema kei Jocame kei Qeshema kei Peleta kei Efavata kei Shaafa 48 O Maaka, na wati i Keilebi lailai a tinai Sheberi kei Tirihana. 49 A tinai Shaafa na tamai Madamana, Sheva na tamai Makabena, na tamai Qibea; ka luvei Keileba yalewa o Akesa. 50 Qo i ira na luvei Keilebi na luvei Hura, na ulumatua nei Efarata; o Shobai a sucu mai Kirija-narini
1 Veigauna 2:41-50

A qai yaco mai vei au na vosa i Jiova (Yahweh) ni kaya, 05 Niu sebera ni buli i iko e na kete, au sa kilai iko oti tu; ia ni o sebera ni sucu mai katonigone, au a sa vakatabui iko tu ka lesi i iko mo nodra parofita na veimatanitu.
Jeremaia 1:4-5.








Read The Bible in a Year (Wilika Na iVola Tabu E Na Dua na Yabaki).

Siga (Day) : 151
Tikinisiga (Date) : May 31, 2009
Mataka (Morning) : 2 Chronicles 1-2
Yakavi (Evening) : John 12:1-9

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Itinitini ni Vuku Nei Solomoni (The End of Solomon’s Wisdom)

Thought: True Joy Is Not Found Under The Sun, But Above The Sun With Yahweh.

...................................

Serving For The 30th May, 2009

Nanumi koya e a buli i iko e na gauna o se gone kina ni sebera ni yaco mai na veisiga ca, ka ni sa toso voleka mai na yabaki o na kaya kina, Sa oti vei au na noqu taleitaka na veika oqori; 02 Ni sebera ni malumu yani na bula, na veika totoka e na seyavu yani, na iyau sa na leqa, na dravudravua e na muria mai na vutuniyau. 03 E na veisiga sa sautaninini kina na yava, na liga sa na malumalumu, na bati sa na sega ni mama rawa e dua na ka baleta ni sa vo ga e vica, kei na mata sa na buwawa sara yani. 04 Na daliga sa na malumu, na rorogo mada ga ni marama era qaqaqi tiko e na iqaqi sa lailai sobu, na tagane era na mata cake e na tagi ni manumanu vuka; na domodra na yalewa era laga sere tiko sa na rogo lailai sobu. 05 E sa na rerevaka na veika cere, ka na sautaninini ni toso cake tiko e na kena sala, kei na tawatawamoce sa na yacovi koya; na vuni alamodi ni sa se, ka sa tubu na kedra iwiliwili na vodre, na iboi totoka sa na kaburaki ka sa na mudu na veileqaleqa; ia o ira era vakaloloku tiko era sa na veilakoyaki e gaunisala. 06 Nanumi koya ni sebera ni musu laivi na dali siliva, kavoro na viala koula, kabete na saqa mai na ivurevure, ka ramusu na qiqi e na toevu.
Dauvunau 12:1-6

Oni na vakatakila vei au na sala ni bula, kau na vakasinaiti vakaidina e na marau e tu e matamuni; kei na reki ni qaqa e toka e ligamuni matau.
Same 16:11








Read The Bible in a Year (Wilika Na iVola Tabu E Na Dua na Yabaki).

Siga (Day) : 150
Tikinisiga (Date) : May 30, 2009
Mataka (Morning) : 1 Chronicles 28-29
Yakavi (Evening) : Joni 11:49-57

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakasamataki ni Bula (Thoughts about life).

Thought: Leave Your Problems And Cares In Yahweh’s Hands

.....................................
Serving For The 29th May, 2009.

E dua na ka lasu (vanity) a caka e vuravura; era tu na tamata dodonu, e dau yaco vei ira mai na nodra cakacaka na tamata ca; ka tu o ira na tamata ca, e dau yaco vei ira e na nodra cakacaka na tamata yalododonu; Au kaya qo talega e ka lasulasu. 15 Au dau vakacerecerea na marau, baleta ni sega tale ni dua na ka e vinaka cake vua e dua a tamata e na ruku ni matanisiga, ia me kana ga ka gunu me qai marau, baleta qori e na dau tiko voli kei koya, e na nona cakacaka e veisiga ni nona bula e solia vua na Kalou (Elohim). 16 Qori au qai vakacakacakataka kina na vuniyaloqu meu kila na vuku, meu vakadeuca na veika e yaco tiko e vuravura; baleta era tu eso e sega dau raica na matadra na moce, e na siga kei na bogi. 17 Ia au qai raica na cakacaka kece sara ni Kalou (Elohim), ni tamata e na sega ni raica rawa na veika era yaco tiko e ruku ni matanisiga; ia na ka ga e rawa ni cakava na tamata oya me vaqara, ia e na sega ga ni kunea; o koya e kaya ni vuku o koya vakataki koya e na sega talega ni kunea rawa.
Dauvunau 8: 14-17

Isa, laiva na nodra itovo dukadukali na tamata ivalavala ca me tinidole; ka moni vakataudeitaki ira era dau dodonu: 10 Kemuni na Kalou (Elohim), o kemuni oni dau vueti ira era yalododonu; kemuni na Kalou (Elohim) ni vukei au mai.
Same 7: 9-10







Read The Bible in a Year (Wilika Na iVola Tabu E Na Dua na Yabaki).

Siga (Day) : 149
Tikinisiga (Date) : May 29, 2009
Mataka (Morning) : 1 Chronicles 26-27
Yakavi (Evening) : John 11: 18-48

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Veilecayaki Ni Bula (Contradictions in Life).

Thought: See Life From Yahweh’s Point Of View, Otherwise It Is Confusing.

..................................................

Serving for the 28th May, 2009

O au na Dauvunau au tui Isireli mai Jerusalemi. 13 Au a solia na vuniyaloqu meu vaqara ka vakadeuca e na vuku, na veika e vakayacori tiko e ruku ni lomalagi; me da vakaogai kina, qori e dua na cakacaka dredre a solia na Kalou (Elohim) vei ira na luve ni tamata. 14 Au sa raica na cakacaka kece e vakayacori tiko e ruku ni matanisiga; ia raica, era maumau wale kece tu ga, ka vu ni veivakararawataki i na yalo. 15 Na veika era veilecayaki tu e na sega ni vakadodonutaki rawa; o koya e lailai na nona vuku e na sega ni soli vua. 16 Au dau veinanuyaka e lomaqu, niu kaya, “Raica, au sa yaco meu vakaitamera, ka sa levu cake vei au na vuku, mai vei ira kece era a liu mai vei au i Jerusalemi; io, na vuniyaloqu sa donuya e levu na ivakaraitaki ni vuku kei na kilaka. 17 Au a solia na vuniyaloqu meu kila na vuku, na ivosavosa ni dina kei na kilaka; ia au qai kilakasamataka ni qo e vu ga ni veivakararawataki i na yalo 18 Baleta e na vakaitamera ni vuku e vutucoqa tu kina na rarawa, ia o koya e vakalevutaka na kilaka, e na vakalevutaka ga na vutugu..
Dauvunau 1:12-18

Oilei na titobu kei na maucokona, ruarua ni vuku kei na yalomatua e kune vua na Kalou (Yahweh)! E sega ni dua e vaqara tiko na Nona lewa, ia na Nona sala, eda na sega ni cakulea rawa.
Roma 11:33


Baleta a veika kece e vu mai Vua, e rawa mai Vua ka na tini tale Vua. Ki vua me nona na lagilagi kei na kalougata e tawa mudu, Emeni.
Roma 11:36







Read The Bible in a Year (Wilika Na iVola Tabu E Na Dua na Yabaki).

Siga (Day) : 148
Tikinisiga (Date) : May 28, 2009
Mataka (Morning) : 1 Chronicles 23-25
Yakavi (Evening) : John 11: 1-17

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Malumalumu Nei Tui Solomoni (King Solomon’s Backsliding)

Thought: Wisdom And Knowledge Is Inadequate For Spiritual Growth, We Need Yahweh’s Guide

........................................................
Serving For The 27th May, 2009

Ia o Tui Solomoni e a domona tu e levu sara na yalewa mai veivanua tani, bau kina na luve i Fero yalewa, o ira na nodra yalewa Amonaiti, na Mobaiti, na Edomaiti, na Saidonaiti, kei na Hitaiti; 02 oya o ira mai na veivanua sara ga a vosa kina vei ira na luvei Isireli o Jiova (Yahweh) ni kaya, Kakua ni veiwaki kei ira; o ira talega me ra kakua ni veiwaki kei kemuni, de ra na qai vukica laivi na vuniyalomuni moni galeleti ira na nodra dui kalou (elohim); ia o Solomoni a kabiti ira tiko ga e na nona dodomo. 03 O koya e a vitunadrau taucoko na watina kei na nona ranadi ka tolunadrau na watina lalai (concubine); o ira na watina era a qai vukica tani na vuniyalona. 04 A qai yaco ni sa qase cake o Solomoni, ni ra a vukica na vuniyalona o ira na watina me ra muri i ira na kalou (elohim) tani; na vuniyalona a sega ni dodonu vei Jiova (Yahweh) na nona Kalou (Elohim); me vaka na yalo i Tevita na tamana. 05 O Solomoni a muri i Esetaroca na nodra kalouyalewa na kai Saidoni, ka muri i Kemoshi na nodra kalou (elohim) na Moabaiti kei Malakomi na nodra kalou (elohim) na Amonnaiti. 06 O Solomoni a qai vakayacora na itovo ca e na mata i Jiova (Yahweh), ka sa sega ni muri i Jiova (Yahweh) vakatabaki dua, me vaka a dau cakava o Tevita na tamana,
I Tui 11:1-6

Vakanuinui vei Jiova (Yahweh) e na vuniyalomu taucoko, kakua ni nuitaka na nomu vuku o iko vakataki iko. 06 Na nomu inakinaki kece sara, vakarorogotaka vua, o Koya e na qai dusimaka na sala mo na muria,
Vakaibalebale 3:5-6





Read The Bible in a Year (Wilika Na iVola Tabu E Na Dua na Yabaki).

Siga (Day) : 147
Tikinisiga (Date) : 27th May, 2009
Mataka (Morning) : 1 Chronicles 20-22
Yakavi (Evening) : John 10:22-42

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Vosa Vakaibalebale (Proverbs).

Thoughts: Those Who Are Honest With You Even If It Hurts Actually Love You.

...........................................
Serving For The 26th May, 2009

Kakua ni navuca na ivalavala ca, e na nona itikotiko ni yalododonu; kakua ni vakacacana na nona vanua ni vakacegu: 16 Baleta na tamata yalododonu ni bale vakavitu, e na matacake tikoga: ia o ira na tamata ca era na lutu i na itovo vakasausa.
17 ¶ Kakua ni reki ni tacaqe na kemu meca; laiva me kakua ni marau na vuniyalomu ni sa talaraki laivi; 18 De qai raica o Jiova (Yahweh), qai sega ni marautaka, oti qai vukica laivi na nona cudru mai vua.
19 ¶ Kakua ni rarawa e na vukudra na daucakaca; kakua ni yalovuvu e na vuku ni veika e rawata na tamata ca; 20 Baleta e sega ni dua tale na gauna mai muri, vua na tamata ivalavala ca; na icina ni tamata ivalavala ca e na boko laivi.
21 ¶ Luvequ tagane, rerevaki Jiova (Yahweh) ka dau solia ga na ivakasala momona; Kakua ni dau vakasagai ira era lialia: 22 Baleta na nodra leqa e na yaco mai vakasauri; o cei e kila na tinitini ni nona veiyabaki?
Vakaibalebale 24:15-22


E vinaka cake vua e dua na tamata me galeleta na veivosataki ni tamata vuku, mai na nona rogoca na nodra sere na lialia.
Dauvunau 7:5




Read The Bible in a Year (Wilika Na iVola Tabu E Na Dua na Yabaki).
Siga (Day) : 146
Tikinisiga (Date) : May 26 2009
Mataka (Morning) : 1 Chronicles 17-19
Yakavi (Evening) : John 10: 1-21

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iVosavosa Vuku. (Wise Sayings)

Thoughts: Yahweh Wants You To Trust Him And Pass That Trust To Others.

.........................................................
Serving For The 25th May, 2009

Vakatavulica cake na gone e na sala e dodonu me na bula muria; baleta e na gauna sa qase cake kina e na sega ni gole tani mai kina.
07 ¶ Na vutuniyau e na lewai mai vei ira na dravudravua; na dauniveiqaravi e na soli dinau vua a dau nona iliuliu tu mai liu.
08 ¶ O koya e kaburaka na ivalavala ca e na tamusuka na veidabui: na ititoko ni nona leva e na ramusu.
09 ¶ O koya e dau mata lomasoli e na kalougata; baleta ni solia na kena madrai vei ira na dravudravua.
10 ¶ Vakarusa na ivalavala ca, biuta laivi na veileti kei na veivakacacani, de ra na qai dabe e na isoqosoqo era qai vakadiloi ira kece sara sa tiko.
11 ¶ O Jiova (Yahweh) e lomani koya e yalosavasava mai vuniyalona ka dau yalololoma e na gusudra o ira na nona icaba na tui.
12 ¶ Na mata i Jiova (Yahweh) e dau taqomaka na kilaka ka vakarusa na veivosa ni veivakaisini
Vakaibalebale 22:6-12

Na marau ni tamata e vakaraitaki mai na vosa ni gusuna; na tamata e vosa e na kena gauna dodonu, e ka levu na kena yaga vua!
Vakaibalebale 15:23





Read The Bible in a Year (Wilika Na iVola Tabu E Na Dua na Yabaki).
Siga (Day): 145
Tikinisiga (Date): May 25, 2009
Mataka (Morning): 1 Chronicles 14-16
Yakavi (Evening):John 9:24-41

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Good Conduct (Na iTovo Vinaka)

Thought: Pride Is The Prime Cause Of Human Failure

.....................................
Serving For the 24th May, 2009

E na yalololoma kei na dina, na cakacala e na vakasavasavataki; na nona rerevaki o Jiova (Yahweh) e vakavuna me biuta na ca na tamata.
07 ¶ Ni bula muria na inaki nei Jiova (Yahweh) na ivalavala ni dua na tamata, o ira mada ga na kena meca na saumi ira o koya.
08 ¶ E vinaka cake ni lailai wale ia e na yalododonu ga, mai na tatamusuki vakaitamera e caka vakatawadodonu.
09 ¶ Na vuniyalo ni tamata e navuca na nona sala, ia o Jiova (Yahweh) e na dusimaka na nona tosotoso.
10 ¶ Na lewa nei Jiova (Yahweh) ni toka e na tebenigusu ni tui: na gusuna e na sega ni cala ni vakatulewa.
11 ¶ Na bibi ni dua na lewa dodonu, e nei Jiova (Yahweh): na nona cakacaka bibi e na dau dodonu ga.
12 ¶ O ira na tui era vakayacora na itovo ca era vakasisila; baleta na itutu vakatui e dau vakayavutaki e na yalododonu
13 ¶ Na tebenigusuna na tamata yalododonu e ka ni marau vua na tui; ka na taleitaka na vosa ni yalododonu;
14 ¶ Na leva ni tui e vaka na dau kauitukutuku ni mate; ia na tamata vuku e na vakamalumutaka.
Vakaibalebale 16:6-14

Na rogorogo ca e na liu, ni sebera na rusa, ia na dokadoka e na liu ni sebera na leqa
Vakaibalebale 16:18

Era vakacegui o ira era dravudravua e na yaloqaciqacia baleta e na nodra na matanitu vakalomalagi.
Maciu 5:3



Read The Bible in a Year (Wilika Na iVola Tabu E Na Dua na Yabaki).

Siga (Day): 144
Tikinisiga (Date): May 24th, 2009.
Mataka (Morning): 1 Chornicles 11-13
Yakavi (Evening): John 9:1-23

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Vinaka Ni Yalododonu (Righteousness Benefits).

Thought: Words We Utter Are Most Powerful, Always Choose Well.

.....................................................................

Serving For The 23^rd May, 2009

E dua na vosa malumu e vukica tani na leva; ia e dua na vosa kaukaua e na yavalata na cudru.

02 ¶ Na yame ni vuku e vakayagataka vakadodonu na kilaka: ia na gusu ni lialia e na sovaraka ga mai na vosavosa ca.

03 ¶ Na mata i Jiova (Yahweh) e tiko e veiyasana kecekece, me dikevi ira na tamata vinaka kei ira na ca.

04 ¶ Na yame maucokona e dua vunikau ni bula; o koya e kana mai na vuana e na vakasinaiti.

05 ¶ Na lialia e dau beca na ivakavuvuli nei tamana: ia e yalomatua o koya e ciqoma na veivakadodonutaki.

06 ¶ E loma ni vale ni yalododonu e levu kina na kaukaua; na vuata ni ivalavala ca e na vakarusai.

07 ¶ Na tebenigusuna na vuku e rogo mai kina na kilaka; ia na vuniyalona na lialia e tawadodonu.

08 ¶ Na nodra isoro na valavala ca e vakasisila vei Jiova (Yahweh), ia na masu ni yalododonu e dau taleitaka.

09 ¶ Na nodra itovo na ca e vakasisila vei Jiova (Yahweh); ia e na taleitaki koya e bula muria na yalododonu.

Vakaibalebale 15:1-9

Laiva na vosa ni gusuqu kei na vakanananu ni vuniyaloqu me ciqomi e na nomuni rai, i Jiova (Yahweh), na noqu dau ni veivukei ka na noqu ivakabula

Same 19:14

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
143.	Me 23	1 Veigauna 8-10	Joni 8:37-59

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Yaga ni Vuku (The Importance of Wisdom).

Thought: Always See Things From Yahweh’s Point Of View.

.............................................................

Serving For The 22^nd May, 2009

Vunautaka na vuku, na yalomatua e na qai sauma vei iko 02 Baleta na vuku e toka sara e cake, e na veivanua cecere; ka toka e na basoga ni salevu kei na veisalalalai 03 E dau kacikaci e na matamata, e na i curucuru i na korolevu e kaila tiko e na domolevu, ni kaya; 04 Vei kemuni na tamata au kaci; na domoqu e vakarogoi vei ira na luve ni tamata. 05 Me rawa vei ira na rawarawa me ra kila na yalomatua kei ira na lialia me e vakila e loma ni vuniyalodra. 06 Rogoca, baleta au na kaya ga na dina; na tadola ni gusuqu e na kauta mai na yalododonu. 07 Baleta na gusuqu e na cavuta na dina; na gusu daulasulasu e vakasisila dina e mataqu. 08 Na vosa kece mai gusuqu era yavu ni yalododonu; e sega ni kune kina e dua na ka e takelo se veivakacalai. 09 E ka rawarawa vei koya e kila vinaka ka donu vei ira era gadreva mera kunea na kilaka.

Vakaibalebale 8:1-9

Au vinakata moni kila ni sa bau dua na ka na sasaga au dau cakava e na vukumuni, vata kei ira mai Leiodisia, vata kei ira talega era sebera ni bau raici au vakadua; 02 me rawa ni vakauqeti na vuniyalo­dra, me rawa ni ra tosoi mai vakavoleka e na loloma, i na iyau levu e rawa mai na kena vakadeitaki e lomamuni na inuinui, e na nomuni kila vinaka na veika vuni ni Kalou (Elohim) na Tamada kei na Mesaia, 03 o koya e vunitaki tu vua na iyau kecekece ni vuku kei na kilaka.

Kolosa 2:1-3

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
142.	Me 22	1 Veigauna 6-7	Joni 8:21-36

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Yaga Ni Vuku (The Effect of Wisdom)

Thoughts: Wisdom Is The Ability To Put Knowledge To Best Effective

.............................................................

Serving For the 21^st May, 2009

I luvequtagane kevaka mo ciqoma na noqu vosa ka vunitaka na ivakaro e vuniyalomu, 02 mo qai vakatudaliga i na vuku, ka vagolea na lomamu i na yalomatua, 03 Io, kevaka mo tagica na kilaka, ka laveta cake na domomu e na kilaka; 04 kevaka mo vaqara me vaka na siliva, ka vakasaqara me vaka na iyau vuni; 05 O sa na qai kila na iwalewale ni sokalou vei Jiova (Yahweh) ka kunea na veika me baleta na Kalou (Elohim). 06 Baleta o Jiova (Yahweh) ga e dau veisoliyaka na vuku; mai gusuna e vure mai kina na kilaka kei na yalomatua. 07 E maroroya tu na inuinui ni yalododonu; e vukei ira era dau lako tu ni sega na nodra cala; 08 E dau vakatawana na nodra ilakolako na lewa dodonu, ka taqomaka na nodra sala na nona digitaki: 09 Oni na qai kila na ivalavala kei na lewa dodonu; io, kei na savasava ni itovo vinaka.

10 ¶ Ni sa curuma na vuniyalomu na vuku, me sa kamikamica e na nomu bula na kilaka.

Vakaibalebale 2:1-10

Ia na vuku e sobu mai cake, taumada e sava­sava, e levu kina na veivakacegui, e malumu, e talai rawarawa, e levu kina na yalololoma kei na vuavuai vinaka, e sega ni veivakaduiduitaki ka sega ni veivakaisini.

Jemesa 3:17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
141.	Me 21	1 Veigauna 3-5	Joni 8:1-20

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iYau kei na Vuku Nei Solomoni (Solomon’s Wealth and Wisdom)

Thought: What Do We Request From Yahweh? Choose Well.

..................................................................

Serving For The 20^th May, 2009.

Na Kalou (Elohim) a qai solia vei Solomoni na vuku kei na kilaka vakaitamera kei na vuniyalo daulomasoli levu. 30 A qai yaco na vuku i Solomoni, me uasivita na nodra vuku kece sara mai na tokalau kei na nodra vuku kece na kai Ijipita; 31 e a vuku cake vei ira na tamata kecekece; a vuku cake vei Icani mai na tokalau; vei Hemani kei Kalakola kei Dairada, o ratou na luve i Mahola tagane: na kena irogorogo e a tete i na veivanua vakavolivolita. 32 E dau cavuta e tolu na udolu na vosa vakaibalebale; na ilevu ni nona sere e dua na udolu ka lima. 33 E dau vakamacalataka na vunikau o koya, mai na vuni sitari mai Lebanoni, i na vuni isopi e dau tubu mai lalaga; e dau vakamacala talega me baleta na manumanu yavaiva kei na manumanu vakatabana kei na manumanu dauqasi vata kei na ika. 34 Era dau lako mai na tamata mai na veimatanitu me ra mai rogoca na vuku nei Solomoni ka vaka kina o ira na tui e veiyasa i vuravura; qai dau ciqoma o koya na iloloma soliwale mai vei ira na tui kei vuravura era lai rogoca na nona vuku.

1 Tui 4:29-34

Ke dua vei kemuni e lailai vua na vuku, laiva me kerekere Vua na Kalou, (Elohim) o Koya e dau soli ka vakayauyau vei ira na tamata e na yalololoma; e na qai soli dina ga vua. 06 Ia laiva me kerekere e na vakabauta, ka me kakua ni vakatitiqa. Baleta o koya e vakatitiqa e vaka na biau ni wasawasa, e veitosoyaka tu ga na cagi ka veibiliyaka.

Jemesa 1:5-6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
140.	Me 20	1 Veigauna 1-2	Joni 7:32-53

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Ranadi ni Shiba (The Queen of Sheba)

Thought: Like Sheba’s Conclusions Of Solomon, What We See Of Yahweh and Yahshua Is But A Small Part Of The Whole.

......................................................................................

Serving for the 19^th May, 2009

Ni rogoca na irogorogo kei Solomoni na ranadi ni Shiba vata kei na yaca i Jiova (Yahweh), a qai lako sara ga mai me mai vakatovolei koya e na vosa vakaibalebale 02 A yaco mai i Jerusalemi ka liutaka tiko mai e dua na ilakolako vakaitamera; na kameli era usana tiko mai na isaluaki, kei na levu na koula kei na vatu talei: ia ni sa yaco vei Solomoni o koya, e a qai vakatovolei koya e na veika kece e nakita tiko mai e yalona. 03 A sauma na nona taro kece o Solomoni; e sega ni dua na ka me vunitaki tiko mai vua na tui, me a sega ni kila. 04 Ia ni sa raica na ranadi mai Shiba na vuku nei Solomoni kei na vale e a tara, 05 kei na kakana e na dela ni nona teveli, na maqosa ni nodra i tokatoka o ira na nona tamata, na nodra veiqaravi o ira na nona dauniveiqaravi kei na nodra isulu, o ira era dau tutaka na mena gunu kei na nodra isulusulu, kei na nona isoro kama e dau cabora e na vale i Jiova (Yahweh); e a qai luvuci e na qoroqoro. 06 Qai kaya o koya vua na tui, E ka dina taucoko na kemu itukutuku au a rogoca mai na noqu vanua, me baleta na nomu vosa kei na nomu vuku. 07 A yaco beka vakacava au a sega kina ni vakabauta na kemu itukutuku, me yacova niu sa lako mai, kau sa raica sara e mataqu; ia raica ni dua mada ga na kena veimama a sega ni tukuni vei au; na nomu vuku kei na nomu iyau e sivita vakaoti na itukutuku au a rogoca.

1 Tui 10: 1-7

la me vaka sa volai tu, “Na mata e sebera ni raica se na daliga me rogoca ka sega talega ni matalia e na vuniyalo ni tamata na veika sa vakarautaka tu na Kalou (Elohim) me nodra o ira era lomani Koya.” 10 Na Kalou (Elohim) a vakaraitaka na veika oqori vei keda e na Nona Yalo Tabu; baleta na Yalo e na vaka­deuca na veika kece kei na veika titobu ni Kalou (Elohim).

1 Korinica 2: 9-10

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
139.	Me 19	2 Tui 23-25	Joni 7:1-31

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Yalewavou Kei Na Taganevou (Bride And Bridegroom)

Thought: Love Is When You Do Not Have To Say You Are Sorry

......................................

Serving For The 18^th May, 2009

E na noqu imocemoce e na veibogi au dau vaqarai koya e domona na yaloqu; Au dau vaqarai koya, au qai sega ni kunea koya. 02 Au sa na cavutu qo meu lako i na korolevu e na kena veigaunisala, i na veisala rabalevu, au na lai vaqarai koya kina e dau domona na yaloqu; Au vaqarai koya, ia au qai sega ni kunea koya. 03 O ira era dau yadrava na korolevu era a kunei au; Au qai taroga vei ira, Oni kunei koya beka e dau domona na yaloqu? 04 E sebera ga ni dede na noqu toso sivi ira, niu sa kunei koya, o koya e dau domona na yaloqu; au qai mokoti koya, kau sega ni laivi koya, me yacova niu sa kauti koya i na vale nei tinaqu, i na nona loqi o koya e a vakasucumi au. 05 Au vakaroti kemuni na goneyalewa ni Jerusalemi, e na vuku ni qasela kei na diayalewa gone ni veibuca, moni kakua ni yavalavala tiko se vakayadrati koya na noqu daulomani, me yacova ni nona gagadre.

Sere I Solomoni 3:1-5

Ia moni veilomani vakataki kemuni, yalomalumalumu ka dau veivosovosoti vakataki kemuni, me vaka sa vosoti kemuni oti tu na Kalou (Elohim) e na vukuna na Mesaia.

Efeso 4:32

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
138.	Me 18	2 Tui 20-22	Joni 6:45-71

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Oti Na Tara Vale (Building Completed).

Thought: When We Put Yahweh First, The Rest Will Follow

..................................................................

Serving For the 17^th May, 2009

Cakava na rorogo ni marau vei Jiova (Yahweh) kemuni na veivanua. 02 Qaravi Jiova (Yahweh) e na marau; toro mai Vua ni tiko o Koya, e na laga sere. 03 Kila tiko ni o koya o Jiova (Yahweh) na noda Kalou (Elohim); ni o Koya e a buli i keda, o keda eda sega ni buli i keda ga vakataki keda: o keda eda nona tamata, na sipi ni nona ba ni veiqaravi. 04 Curu i na nona matamata e na vakamolimoli, kei na nona lomanibai e na vakavinavinaka: vakamolimoli vua ka vakacaucautaka na Yacana. 05 Baleta o Jiova (Yahweh) e vinaka; na Nona yalololoma e tawamudu; Na Nona dina e na tudei tiko ga vei ira na itabatamata kece sara.

Same 100:1-5

“… vaqara mada ga eliu na matanitu ni Kalou (Elohim) kei na Nona yalododonu; e na qai vakaikuritaki na veika kece oqori vei kemuni.

Maciu 6:33.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
137.	Me 17	2 Tui 18-19	Joni 6:22-44

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).