Toso I Veikauloa. (Move Into the Wilderness)

Thought: Miracles Are The Defying Of Nature – Found Only In Yahweh.

 ................................

Serving For Yom Shaynee, Shevat 26, 5771

O ira kece na nodra isoqosoqo na luve i Isira'yili, era a qai toso mai na veikauloa mai Sini, e na nodra ilakolako me vaka na lewa nei Jiova (Yahweh) era qai lai cegu toka mai Refaidimi; ia a qai sega na wai me ra gunuva na tamata. 2 Era mani veiba kei Moshe, o ira na tamata ni ra kaya, Solia mai vei keimami na wai me rawa ni keimami gunu. Kaya vei ira o Moshe, Na cava moni mai veiba kina vata kei au?  Na cava moni vakatovolei Jiova (Yahweh) tiko kina? 3 Na tamata era a viagunu wai e keya; era qai vosavosa vei Moshe, o ira na tamata, era qai kaya, Na cava li o a kauti keimami laivi kina mai  Ijipita, me keimami mai mate wale e na karamaca; o keimami, o ira na luve i keimami kei ira na neimami bulumakau? 4 A mani masu vei Jiova (Yahweh) o Moshe, ni kaya, Na cava beka meu cakava vei ira na tamata qo? Era sa vakarau sara ga me ra vakavirilaki au e na vatu?  5 Sa qai kaya o Jiova (Yahweh) vei Moshe, Kauta eso vei ira na qase ni Isira'yili, ia mo liu tiko ga vei ira, ka mo kauta tiko e ligamu na nomu ititoko o a sabica kina na uciwai, e na nomuni i lakolako. 6 Raica au na lai duri tu e matamu e na dela ni uluvatu kaukaua mai Horeva; mo na qai samuta na vatu kaukaua, e na qai tacoka mai kina wai, era na rawa ni gunu mai kina na tamata. A qai vakayacora vaka kina o Moshe ni ra tu o ira na qase ni Isira'yili.

Lako Yani (Sh’mot) 17:2-6

Kaya o Yesha'yahu, Oqo na ivakadinadina vei iko maivei Jiova (Yahweh), ni na cakava o Jiova (Yahweh) na veika kece sa kaya oti o koya: me toso e liu e na tini na diqiri, se me toso e lesu me tini na diqiri?10 Sauma o Hisikiyahu, E ka rawarawa wale me toso i liu na iyaloyalo e na tini na diqiri, sega, biuta na iyaloyalo me vuki qai toso lesu e na tini na diqiri. 11 Masu o Yesha’yahu na parofita vei Jiova (Yahweh), o koya a qai vakasuka lesu na iyaloyalo me tini na diqiri, me vaka a laurai votu e na ivakarau ni matanisiga nei Aka’asa (Ach’az).

2 Tui (M’lakhim Bet) 20:9-11

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
031/Blog No. 1172	January 31, 2011.
Reading	Hebrew Date
Exodus (Sh’mot) 25-26	Shevat 26,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Takosovi na Wasa Damu (Crossing The Red Sea or Sea of Suf)

Thought: Yahweh Will Make Us Dependent On No One Else But Himself

......................... 

Serving For Yom Reeshone, Shevat 25, 5771

Kaya o Jiova (Yahweh) vei Moshe, Dodoka na ligamu vaka e dela ni waitui, me suka lesu na wai i deladra na kai Ijipita, i deladra na nodra kareti ka vaka kina i deladra na dauvodo ose. 27 A qai dodoka na ligana o Moshe vaka i dela ni waitui, qori qai suka lesu kina na waitui i na kena inono tudei, e na gauna e kida tiko mai kina na mataka; era qai via dro na kai Ijipita; ia o Jiova (Yahweh) a qai vakadrukai ira na kai Ijipita e loma ni waitui. 28 A lesu na wai, qai lomoca na  kareti kei na dauvodoose, kei ira kece na lewe ni mataivalu i Fero era a muri i ira i wasawasa; e sega ni duabulu tale vei ira me vo.  29 Ia o ira na luve i Isira'yili era a taubale basikata na waitui me vaka era taubale tiko e na vanua mamaca; ia na wai era a qai tu me vaka na lalaga vei ira, e na yasadra imatau kei na imawi.30 E na kena ivalavala qo e a vueti Isira'yili kina o Jiova (Yahweh) mai ligadra na kai Ijipita; era qai raici ira na kai Ijipita, o ira na Isira'yili, ni ra sa davo matemate tu e matasawa. 31 Era qa raica o ira na Isira'yili, na cakacaka vakaitamera a cakava o Jiova (Yahweh) vei ira na kai Ijipita; era sa qai rerevaki Jiova (Yahweh) na tamata, ka vakabauti Jiova (Yahweh).

Lako Yani (Sh’mot) 14: 26-31

O sega beka ni kila? O sega beka ni rogoca, ni Kalou (Mighty One) me tawa mudu, o Jiova (Yahweh) o koya e a bulia na iyalayala kei vuravura?  Ni o koya e na sega ni malumalumu ka sega tale ga ni oca? E na sega talega ni vaqarai rawa na nona yalomatua. 29 O koya e solia na kaukaua vei ira era oca; vei ira era vauci tu e na mate ca e na vakalevutaka vei ira na kaukaua. 30 O ira mada ga na itabagone era na  malumalumu ka oca mai, kei ira na cauravou era na sega ni nakita na nodra tacaqe. 31 Ia o ira era waraki Jiova (Yahweh), e na vakavoutaki na nodra kaukaua; era na vakatubura na tabadra ni vuka me vaka na ruve, era na cici ia era na sega ni oca; era na taubale ia era na sega ni malumalumu.

Aisea (Yesha’yahu) 40:28-31

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
030/Blog No. 1170	January 30, 2011.
Reading	Hebrew Date
Exodus (Sh’mot) 22-24	Shevat 25,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

The First Passover (Na Matai Ni Lakosivia)

Thought: The Passover Illustrates Yahweh’s Salvation Prowess

 ....................................

Serving For Shabbat, Shevat 24, 5771

O Moshe a qai kacivi ira vata na nodra  qase na luve i Isira'yili, qai kaya vei ira, Ni vakatotolo ni vesuka na luve ni sipi me rauta na nomuni dui matavuvale moni qai vakamatea na lami ni Lakosivia. 22 Moni qai taura e dua na taba ni hisopi, tonia e na dra ni lami, qai vakamiraka na ulu kei na duru ruarua ni  katuba, mai na dra ni lami sa tiko e loma ni beseni; ia me kakua ni dua vei kemuni me curu i tubu mai na katuba oya me yacova na mataka  23 Baleta o Jiova (Yahweh) e na lako sivia me mai vakamatei ira na kai Ijipita; ia ni raica na dra e na ulu  kei na duru ruarua ni katuba, o Jiova (Yahweh) e na qai kauta mai na marau i na katuba, baleta e na sega ni vakadonuya na dauveivakarusai me curuma na nomuni vale me vakamatei kemuni. 24 O kemuni moni na qai vakayacora tiko na ituvatuva vata kei na ivakaro oqo, o iko kei ira na luvemu me tawa mudu. 25 E na qai yaco ni oni sa yaco mai i na qele sa solia oqo vei kemuni o Jiova (Yahweh), me vaka a yalataka oti, moni na dau qarava tiko na solevu oqo.  26 E na qai yaco ni ra tarogi kemuni o ira na luvemuni, Na cava na ibalebale ni solevu oqo? 27 Moni na qai sauma, Oqo na isoro ni lakosivia nei Jiova (Yahweh), o Koya e a kauta mai na marau e na nodra vale na luve i Isira'yili mai Ijipita, ni a vakamatei ira na kai Ijipita, qai vueta na noda vale. Era qai cuva na uludra na tamata me ra sokalou vei Jiova (Yahweh).

Lako Yani (Sh’mot) 12:21-27

Oqo na veisolevu i Jiova (Yahweh), oya na vei sosoqoni tabu, moni na dau qarava e na kedra dui gauna. 5 E na ikatinikava ni imatai ni vula ni  dromu ni siga, e na qaravi kina na Lakosivia i Jiova (Yahweh).  6 E na ikatinikalima ni siga ni vula vata oya, e na yaco kina na Solevu ni Madrai Sega ni Vakaleveni (Matsah) vei Jiova (Yahweh); me vitu na siga taucoko e vinakati moni na kania tiko kina na madrai sega ni vakaleveni. 7 E na imatai ni siga, e na vakayacora e dua na isosoqo tabu, mo ni na kakaua ni cakava e dua na cakacaka e na siga oya.

Vunau Ni Soro (Wayikra) 23:4-7

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
029/Blog No. 1169	January 29, 2011.
Reading	Hebrew Date
Exodus (Sh’mot) 19-21	Shevat 24,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Leqalevu mai Ijipita (The Plagues in Egypt)

Thought: If We Insist Doing It Our Way, Yahweh May Allow It!

 ..................................

Serving For Yom Ha Shee-shee, Shevat 23, 5771

Kaya o Jiova (Yahweh) vei Moshe Laveta na ligamu vaka i lomalagi me rawa ni kovuta na vanua o Ijipita na butobuto, io me dua na butobuto vavaku. 22 Laveta na ligana o Moshe vaka i lomalagi, qai yaco e dua na butobuto vavaku e na vanua taucoko o Ijipita me  tolu na siga. 23 Era a qai sega tu ni veirai rawa se tucake mai na vanua era toka kina me tolu na siga; ia o ira kece na luve i Isira'yili e a rarama tu ga  na nodra dui veivale. 24 Kacivi Moshe o Fero, qai kaya vua, Lako, lai sokalou e mata i Jiova (Yahweh) na nomuni Kalou (Mighty One); ia me ra tu ga mai eke na nomuni qelenisipi kei na nomuni bulumakau; Laivi ira na nomuni lalai me ra lako vata kei kemuni.  25 Kaya o Moshe vei Fero, E dodonu mo solia vei keimami na imadrali kei na isoro kama me keimami lai vakacabora vei Jiova (Yahweh) na neimami Kalou (Mighty One).  26 Na neimami bulumakau era na lako vata kei keimami; e na sega ni vo tiko mai e duabulu na yava ni bulumakau, baleta qo e vinakati me ra kau me keimami qaravi Jiova (Yahweh) kina na neimami Kalou (Mighty One); ka keimami na sega ni kila se cava tale keimami na via vatonaka vei Jiova (Yahweh) me yacova ni keimami sa yaco e keya. 27 Ia o Jiova (Yahweh) a  vakaqataka na loma i Fero, qai sega tale ni via soli i ira me ra lako.  28 Kaya vei Moshe o Fero, lako tani mai ke, qarauna vinaka mo kakua tale ni via mai raica na mataqu.  29 Kaya o Moshe, Taudonu na nomu vosa, au na sega tale ni via mai raica na matamu.

 Lako Yani (Sh’mot) 10:21-29.

Sa qai kaya na Kalou (Mighty One), Laiva me basika mai na rarama; a qai basika cake mai na rarama.  4  A raica na Kalou (Mighty One) ni vinaka na rarama; sa qai wasea na rarama mai na butobuto na Kalou (Mighty One). 5 E a vakatoka na rarama me siga na Kalou (Mighty One) kei na butobuto a vakatoka me bogi. A qai yaco mai na yakavi qai muria mai na mataka; oqori na imatai ni siga.
Vakatekivu (B’resheet) 1:3-5 

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
028/Blog No. 1168	January 28, 2011.
Reading	Hebrew Date
Exodus (Sh’mot) 16-18	Shevat 23,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veiliutaki O Moshe Me Vaka Na Kalou (Moshe Leads As Elohim)

Thought: Anything But Total Obedience To Yahweh Is Disobedience

 ................................

Serving For Yom Khah Mee-shee, Shevat 22, 5771

KAYA o Jiova (Yahweh) vei Moshe, Raica, Au sa qisi i iko mo kalou (elohim) vei Fero, ia o Aharoni na tuakamu me nomu parofita.  2 Mo na tukuna na veika kece au vakarota vei iko, ia o Aharoni na tuakamu  me na qai vosa vei Fero, me sereki ira na luvei Isira'yili me ra biuta na nona vanua.  3 Ia au na vakaqataka na loma i Fero, au na qai vakalevutaka na noqu ivakatakilakila kei na noqu cakacaka mana e loma i Ijipita.  4 Ia o Fero e na sega ni vakarorogo vei kemudrau, meu na rawa kina ni totogitaki Ijipita, meu qai kauti ira tani mai, na noqu mata sotia kei ira na noqu tamata  na luve i Isira'yili, mai na vanua vaka Ijipita e na cakacaka  lelevu ni vakatulewa.  5 O ira na kai Ijipita era na qai kila ni o au o Jiova (Yahweh), niu sa dodoka yani na ligaqu meu saqati Ijipita, au qai kauti ira tani mai na luve i Isira'yili mai na kedra maliwa.  6 O Moshe vata kei Aharoni, rau a qai vakayacora na veika a vakarota o Jiova (Yahweh); kece qori rau a vakayacora.

Lako Yani (Sh’mot) 7:1-6

Sauma o Samuela ni kaya, O Jiova (Yahweh) e sega ni taleitaka na isoro kama kei na imadrali, me tautauvata kei na Nona vinakata vua e dua me  talairawarawa i na nona vosa? Raica, na talairawarawa e vinaka vakaoti cake mai na isoro; kei na vakatudaliga mai na uro ni sipi tagane. 23 Na cakaisausau e tautauvata kei na talatalaidredre; na cakaisausau e dua na cala vakadomobula. Baleta ni o vakanadakuya na vosa i Jiova (Yahweh), o koya talega e na sega ni vinakati iko mo tui tale tiko.

1 Samuela (Sh’mu’yl Alef) 15:22-23

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
027/Blog No. 1167	January 27, 2011.
Reading	Hebrew Date
Exodus (Sh’mot) 13-15	Shevat 22,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Moshe: Na Nona iLesilesi (Moshe – His Commission)

Thought: Patience Is A Prerequisite For Doing Yahweh’s Work

 ..................

Serving For Yom Revee-ee, Shevat 21, 5771

Ia o luve i Fero yalewa a siro sobu me lai sisili e uciwai; o ira na nona yada era a vakamuri i koya tiko ga mai bati ni uciwai; ia ni sa raica na velovelo e veikuta, e qai talai ira na nona yada me ra lai kauta mai. 6 Ni cegan yani, qai raica na gonelailai; ka raica, ni tagi tiko na gone. A tuburi koya na nona lomani koya, qai kaya Qo sara ga e dua vei ira na luve ni Yiviriti (Hebrew),  7 Kaya cake mai o ganena, vua na luvei Fero yalewa, Oni vinakata beka meu lai kauta mai e dua na dau susu gone maivei ira na marama ni Yiviriti, me mai susuga vei iko na gone?  8 Kaya vua na luve i Fero yalewa, Lako. A qai lako na goneyalewa, qai lai  kaciva mai na tinana na gone.  9 Kaya vua o luve i Fero yalewa, Kauta na gone qo, lai susugi koya e na vukuqu, au na qai sauma vei iko na kemu isau. A qai kauta na gone na yalewa, me lai susugi koya. 10 A tubu na gone, oti qai kauti  koya mai vua na luvei Fero yalewa, qai yaco o koya me luvena tagane.O koya a qai vakayacani koya me yacana o Moshe; baleta a kaya o koya, Au a vueti koya mai wailevu.

11 ¶ A qai yaco e na veisiga oya, ni sa tubu levu o Moshe, ni a lako i na vanua era tiko kina na kai nona, qai lai dikeva kina na nodra cakacaka kaukaua. A qai raica kina o koya e dua na kai Ijipita ni mokuta tiko e dua vei ira na kainona. 12 E veiraiyaki o koya, ia ni sega ni raica e dua ni sarasara tiko mai, a mani mokuta mate na kai Ijipita, qai buluti koya tu e veinuku.  13 Ni lako yani e na ikarua ni siga, a rai, qai raica ni rau veileti tiko e rua na Yiviriti; a mani tarogi koya e cala tiko, Na cava o mokuta tiko kina e dua ga na wekamu?  14 Sauma vua o koya, O cei mada a lesi iko mo dua na ravouvou, mo mai via lewai keimami kina? O nanuma beka mo na vakamatei au, me vaka na nomu a vakamatea na kai Ijipita e nanoa? A qai tuburi Moshe na domobula qai vakasamataka, Sa rairai kilai raraba beka na ka qo.   15 Ni rogoca na itukutuku qo o Fero, a qai segata me vakamatei Moshe. Ia a dro yawa sara mai vei Fero o Moshe, qai lako i na vanua o Midiyani; a qai lai cegu toka e na yasa ni dua na toevu.

Lako Yani (Sh’mot) 2:11-15.

Au vakanuinui vei Jiova (Yahweh), na noqu bula (soul) e waraka ga na nona vosa. 6 Au dau waraki Jiova (Yahweh) mai na  matayadra e na mataka ca ca, me yacova na matayadra ni bogilevu tu tu.

Same (Tehellim) 130:5-6.

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
026/Blog No. 1165	January 26, 2011.
Reading	Hebrew Date
Exodus (Sh’mot) 11-12	Shevat 20,  5771.
Click The Bible Text To Read It In Gateway In Another Language Or Version

  

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dua Tale Na Qase Yalodina (Anohter Faithful Patriarch)

Thought: It Is A Trial, When We Move Contrary To Yahweh’s Will

 ....................

Serving For Yom Shlee-shee, Shevat 19, 5771

Sa qai lesu i Ijipita o Yosefa, o koya, kei ira na tacina, kei ira kece era a lako vata cake kei koya me ra lai buluti tamana, ni yaco oti na veibulu vei tamana.

15 ¶ Ia ni ratou sa kilakasamata na tuakai Yosefa ni sa mate o tamadratou, eratou qai taqaya ni ratou kaya, E na rawa vei Yosefa me vakamavoataki kedatou; de dua e na vinakata o koya me tou sauma na ka ca kecekece tou a vakayacora vua. 16 Eratou mani lako vei Yosefa, ratou qai kaya vua, O tamamuni, e a vakarota ni se bula tiko, ni kaya, 17 Qo na ka mo dou na kaya vei Yosefa, Vosoti keitou, keitou masuti iko, e na vuku ni nodratou cala na tuakamu vata kei na nodratou ivalavala ca; baleta ratou a vakayacora na ivakarau veibeci vei iko; ia qo vosota na nodratou ivalavala ca na Nona dauniveiqaravi na Kalou (Mighty One) nei tamamu. A qai tagi o Yosefa ni ratou vosa vakaoqori vua.  18 Eratou qai torovi koya na tuakana, ratou qai lutu sobu vua; ratou qai kaya, Raica o keitou na nomu dauniveiqaravi. 19 Kaya vei iratou o Yosefa, Dou kakua ni taqaya: baleta o au talega e dua na dauniveiqaravi ni Kalou (Mighty One)? 20 O kemudou dou a vakasamacataki au; ia na Kalou (Mighty One) e a nakita me mai tini vinaka, me cakava na veika sa cakava tu edai, oya  me vueta e levu na bula.

Vakatekivu (B’resheet) 50:14-20

Au na vakavinavinakataki kemuni i iova (Yahweh) e na vuniyaloqu taucoko; Au na vakaraitaka wavoki na nomuni cakacaka cecekia taucoko.2 Au na dau reki ka mamarau e na vukumuni, kau na dau lagata na sere meu vakacaucautaka na yacamuni, O  kemuni oni cecere duadua. 3 Ni ra sa moku me ra tu vakasuka na kequ meca, era na qai tacaqe ka vakarusai e matamuni. 4 Baleta ni oni tokona na noqu dodonu kei na noqu inakinaki; ni oni dabeca toka na idabedabe vakatui, o kemuni oni daunilewa yalododonu;

Same (Tehellim 9:1-4

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
025/Blog No. 1165	January 25, 2011.
Reading	Hebrew Date
Exodus (Sh’mot) 9-10	Shevat 19,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Toso na iLakolako I Ijipita (The Move to Egypt)

Thought: Let Yahweh Lead, You and I Follow.

 ...........................

Serving For Yom Shaynee, Shevat 19, 5771

Sa qai toso o Isira'yili vata kei na veika kece e taukena, ia ni sa yaco i Bi'ra-Shiva, e qai vakacabora e dua na isoro vua na Kalou (Mighty One) i Yisake na tamana.  2 Oti qai vosa vei Isira'yili na Kalou (Mighty One) e na dua na raivotu e na bogi, ni kaya, I Ya'akove, Ya'akove! Sauma o koya, O  au saka qo.  3 Kaya vua o Koya, O au o Jiova (Yahweh), na Kalou (Mighty One) nei tamamu: kakua ni rivarivabitaka mo lako sobu i Ijipita; baleta e keya au na cakava mo dua na kawatamata vakaitamera. 4 Au na lako sobu vata kei iko i Ijipita;  kau na kauti iko cake tale vakaidina mai keya; o Yosefa ga e na sogota na  na matamu e na gauna o mate kina.

5 ¶ A qai cavutu mai Bi'ra-Shiva o Ya'akove: ia o ira na luve i Isira'yili, era qai colati  Ya'akove na tamadra, kei ira na nodra lalai, vata kei na dui watidra, e na kareti ni usa tamata, a vakatala sobu mai o Fero me lai kauti ira mai. 6 Era kauta na nodra manumanu, kei na nodra iyau, era a rawata mai na vanua o Kena'ani, era qai curu i Ijipita, o Ya'akove kei ira kece na luvena vata kei koya. 7 O ira na luvena tagane kei na makubuna tagane, na luvena yalewa kei na makubuna yalewa; kei ira kece na nona kawa e a kauti ira mai vata kei koya i Ijipita.

Vakatekivu (B’resheet) 46: 1-7

Au a tagi vei Jiova (Yahweh) e na domoqu, qai rogoci au mai o koya mai na nona ulunivanua tabu (kodesh). 5 Au koto sobu au qai moce; oti au qai yadra cake tale; baleta o Jiova (Yahweh) e maroroi au. 6 Au na sega ni domobulataki ira na udolu vakaudolu na tamata era mai tu vakavolivoliti au me ra valuti au. 7 Tucake, i Jiova (Yahweh) noqu Kalou (Mighty One); moni vakabulai au; baleta o kemuni oni sa ravuti ira kece na kequ meca e kesudra; Oni qai vorolaka na batidra o ira era dau valavala ca. 8 Baleta na veivakabulai e nei Jiova (Yahweh); kei na nomuni kalougata sa toka ga vei ira na nomuni tamata.

Same (Tehellim) 3: 4-8

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
024/Blog No. 1163	January 24, 2011.
Reading	Hebrew Date
Exodus (Sh’mot) 7-8	Shevat 19,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tekivu Na Dausiga (The Famine Begins)

Thought: Look For Yahweh, During Your Times Of Trials, You’ll Find Him

...................... 

Serving For Yom Reeshone, Shevat 18, 5771

Vei Yosefa a qai sucu e rua na luvena tagane, ni sebera ni yaco mai na veiyabaki ni dausiga; a vakasucuma vua o  Osanate, na luve i Potu-fera na bete mai Ono. 51 O Yosefa a vakatoka me yaca ni nona ulumatua o Ma'nashe, baleta na Kalou (Mighty One) a kaya o koya, Sa vakavuna meu guilecava na noqu  leqaleqa kei na vale nei tamaqu. 52 Na yacana o kena ikarua e a vakatoka o koya me o Ifira'yimi; baleta na Kalou (Mighty One) sa cakava meu vuavuai vinaka e na vanua ni noqu vakararawataki. 53 Oti qai cava na veiyabaki ni sautu e vitu, e na vanua o Ijipita.  54 Sa qai tekivu me yaco mai na  veiyabaki ni dausiga, me vaka a kaya o Yosefa: a qai yaco na dausiga e  veivanua kece sara; ia e na vanua o Ijipita, e a oti vakadua na madrai. 55 Ia ni sa walokai na vanua taucoko o Ijipita, era qai lai vosavosa na tamata vei Fero baleta na lailai ni madrai; a qai kaya vei ira na kai Ijipita kece sara o Fero, Lako vei Yosefa; na ka ga e kaya vei kemuni o koya, ni cakava, 56 Ni sa kovuta sara ga na vanua taucoko na dausiga, sa qai dolava na lololo kece o Yosefa, me yaco na volivolitaki vei ira na kai Ijipita, 57 E a waromisa na dausiga e na veiyasa i Ijipita. Na tamata mai na veivanua era a lako mai i Ijipita vei Yosefa me ra mai voli witi; baleta na dausiga a waromisa e veivanua kece.

Vakatekivu (B’resheet) 41:50-57

O Jiova (Yahweh) e vinaka, e dau ni veivuke vakaitamera e na siga ni leqaleqa; ka kilai ira era dau vakanuinui vua.

Neumi (Nachum) 1:7

O Jiova e tu voleka vei ira kece, era dau kacivi koya ena dina. 19 O koya e na vakayacora na nodra gagadre o ira era dau sokalou vua; o koya talega e na rogoca na nodra tagi qai vueti ira. 20 O Jiova (Yahweh) e maroroi ira kece er lomani koya, ia o ira era dau valavala ca e na vakawabokotaki ira.

Same (Tehellim) 145:18-20

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
023/Blog No. 1162	January 23, 2011.
Reading	Hebrew Date
Exodus (Sh’mot) 4-6	Shevat 18,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.