Na iTalanoa Kei Qidi‘oni (The Story of Gid‘on).

Thought: Yahweh Has A Strategy For All Our Problems

....................... 

Serving For Yom Khah Mee-shee, Adar-Bet 24, 5771

A qai yaco e na bogi vata oya, ni a kaya vua o Jiova (Yahweh) Tu mai mo lako sobu i na keba, baleta au sa solia oti i ligamu. 10 Ia kevaka o nuiqawaqawataka mo lako sobu, ia lako vata kei Pura na nomu dauniveiqaravi, i na keba ni sotia.  11 O na qai lai rogoca na veika era vakatukuna tiko; e muri e na qai vakaukauataki na ligamu. Sa mani lako sobu vata kei Pura na nona dauniveiqaravi, i na dua na nodra wasewase na tamata vakaiyaragi era tiko e na keba ni sotia.12 O ira na Midiyani vata kei ira na 'Ameleki kei ira kece na Rakimaite era sa davo tu mai na buca me vaka e dua na ibinibini vodre; na nodra kameli a sega ni wili rawa, na kedra iwiliwili a vaka na mataninuku e matasawa. 13 Ni yaco yani o Qidi'oni, a qai raica e dua na tamata ni vakamacalataka tiko na nona tadra vei ira na na nona icaba, ni kaya tiko, Raica, au tatadrataka e dua na tadra, niu raica, e dua na ibuli madrai parile ni vakatoqiqi sobu tiko i na nodra keba na  Midiyani, me yacova na veivalelaca, lauta na deladra qai vakavuna me ra lulutu na veivalelaca. 14 Era sauma o ira na nona icaba ni ra kaya, Qori e sega ni dua tale na ka, qori sara ga na seleiwau nei Qidi'oni na luve i Yoasha, na nodra qaqa na Isira'yili; na Kalou (Mighty One)  sa solia i ligana na nodra keba na Midiyani.

Dauniveilewai (Shof’tim) 7:9-14

Kivei kemuni, Jiova (Yahweh), au laveta cake yani na noqu bula (soul)  2 Noqu Kalou (Mighty One) au nuitaki  kemuni; laiva meu kakua ni madua, kakua talega ni vakatara na kequ meca me rawai au. 3 Io, laiva me kakua ni dua e dau vakanuinui vei kemuni me madua; laivi ira ga era vakasisila mera madualaka na nodra qaciqacia. 4 Vakaraitaka vei au na Nomuni itovo i Jiova (Yahweh), vakatavulica vei au na nomuni gaunisala; 5 Liutaki au e na nomuni dina ka  vakatavulici au; baleta o Kemuni oni noqu Kalou (Mighty One) ka noqu iVakabula;  vei kemuni au wawa tiko e na siga taucoko. 6 Nanuma i Jiova (Yahweh), na malumu ni nomuni dau veivosoti kei na nomuni dau yalovinaka; baleta era a se tu sara  mai na ivakatekivu kei vuravura.

Same (Tehellim) 25:1-6

Read The Scriptures (Tanakh) in a Year
Siga (Day)/Blog	Tikinisiga (Date)
90/Blog No. 1230	March 31, 2011.
Reading	Hebrew Date
Dauveilewai (Shof’tim) 3-5	Adar Bet 25,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Kaukaua Nei Isira’yili E Vuravura (Isra’yl As A World Power)

Thought: Israel’s Power Derives From Obedience To Yahweh

................... 

Serving For Yom Revee-ee, Adar-Bet 23, 5771

RAU qai lagasere o De’vora kei Baraka na luve i Avino'ama tagane, e na siga oya, ni rau laga, 2 E na veisausaumi, o Isira'yili sa saumi lesu; vakamuduo vei Jiova (Yahweh) e na dua na sere me baleta na veisausaumi vei Isira'yili. 3 Ni vakarorogo kemuni na tui, vakatudaliga kemuni na ravouvou, Au na laga sere vei Jiova (Yahweh); Au na laga sere ni vakamuduo vei Jiova na Kalou (Yahweh Mighty One)  nei Isira'yili. 4 Jiova (Yahweh), ni oni biuti Se'iri mai moni tayabe i na rara mai Idomi, e a sakure na vuravura ka lutu na lomalagi, na o a vakatauca na wai. 5 Na veiulunivanua era a waicala e na mata i Jiova (Yahweh) io, o Saineai sara ga mai na mata i Jiova, na Kalou Tabu duabau (Yahweh the Kodesh One) i Isira'yili.

6 ¶ E na veisiga nei Shamaqara na luve i 'Anata e na veisiga nei Ya’yili ; na veigaunisala lelevu era a qai sogo laivi; o ira na veilakoyaki era a dau taubale e na gaunisala lelevu, era qai vakasaurarataki me ra taubaletaka na veisalatu lalai veiveveyaki.

Dauniveilewai (Shoftim) 5:1-6

VEI Jiova (Yahweh) au biuta na noqu inuinui; o na qai kaya rawa vakacava vei au; Dro me vaka na manumanu vuka vakatabana i na veiulunivanua? 2 Baleta, raica o ira na ca era sa loveca  na nodra dakaititi, era sa vakarautaka na gasau me ra dreta na kena wa, me ra vanai ira na yalododonu, e na loma ni butobuto. 3 Baleta kevaka era sa vakacacana na yavu sa vakarautaka oti tu o Jiova (Yahweh), na cava beka era na cakava rawa na yalododonu?

4 ¶ O Jiova (Yahweh) e tiko e na nona vale tabu; na idabedabe vakatui nei Jiova (Yahweh) e tiko mai lomalagi; na yaloka ni matana e rai tiko, na bekabeka ni matana e vakadeuca na luve ni tamata. 5 O Jiova (Yahweh) e vakatovolei ira na yalododonu kei ira era ivalavala ca; na yalona e sevaki ira era taleitaka na itovo kaukaua. 6 Na tudai e na lutu sobu vei ira na tamata ca me vaka na uca; na bukawaqa, na salafa kei na cagilaba dauvakacaca e ivotavota ni medra bilo. 7 Baleta o Jiova (Yahweh) e yalododonu, ka dau taleitaka ga na ivalavala dodonu: Na matana e wanonovi ira tiko era yalododonu.

Same (Tehellim) 11:1-7

Read The Scriptures (Tanakh) in a Year
Siga (Day)/Blog	Tikinisiga (Date)
89/Blog No. 1229	March 30, 2011.
Reading	Hebrew Date
Dauveilewai (Shof’tim)1-2	Adar Bet 24,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ruci kei Poasa (Rut and Bo‘az).

Thought: Yahweh Protects Those Who Keep His Judgement

................ 

Serving For Yom Shlee-shee, Adar-Bet 23, 5771

Kaya o Bo'asa vei ira na qase, kei ira kece na tamata, Oni  ivakavakadinadina edai,  niu sa volia mai na liga i Nao'mi na veika kece a dau nei Yilimeleki kei na ka kece a dau nei Makaloni vata kei Kiliyoni. 10 Kena ikuri, o Ruta na yalewa ni Moabi, a dau wati i Makaloni, au sa tauri koya me watiqu, meu vakatubura tale na yacana o koya sa mate oti e na vukuni nona ivotavota, me kakua kina ni yali na yacana mai vei ira na tacina, kei ira na wekana; oni kena ivakadinadina e na siga edai.11 O ira kece na tamata kei ira na qase era a tiko e na matamata ni korolevu, era sauma ni ra kaya, Keimami kena ivakadinadina.  Laiva vei o Jiova (Yahweh) me cakava na yalewa sa mai tiko oqo vata kei iko me tautauvata kei Reji'yili kei Li'a, baleta o rau ruarua rau a tara cake na vale i Isireli; ia me ka talei na nomu cakacaka mai Efarata, ka mo vakatoka me yacana o Beiti-Lekema: 12 Laiva na nomu vale me tautauvata kei na vale i Peretisa, e a vakasucuma o Tamari vei Jiuta, ka laivi Jiova (Yahweh) me solia vei iko e dua na nomu kawa  maivua na yalewa oqo.

Ruci (Rut) 4: 9-12

Na tamata ca e na dinau ia qai sega ni sauma lesu, ia na yalododonu e na vakaraitaka na yalovinaka ka dau lomasoli. 22 Baleta o ira era vakalougataki nei Jiova (Yahweh) era na taukeni vuravura; ia o ira era vakaloucataki  mai vua era na boko laivi. 23 Na nona ikalawa na tamata vinaka e vakataudeitaki mai vei Jiova (Yahweh): o koya e navuca na nona itosotoso. 24 Kevaka e bale, o koya e na sega ni mavoa; baleta o Jiova (Yahweh) e na tabei koya tiko e na ligana. 25 Au a gone, ia qo au sa qase mai; ia au sebera ga ni raica e dua na tamata yalododonu me biuvakaloloma, se me ra kere kakana o ira na nodra kawa. 26 Ia e toso cake ga na nona yalovinaka kei na nona dauyalosoli; o ira na luvena era na vakalougatataki. 27 Biuta laivi na ca; dau caka vinaka; qai vakacegu me tawamudu 28 Baleta o Jiova (Yahweh) e taleitaka na lewavakatautauvata, e na sega ni vakanadakui ira era nona yalododonu;  e taqomaki ira me tawamudu; ia na nodra kawa na dau cakaca, e na vakarusa.

Same (Tehellim) 37:21-25

Read The Scriptures (Tanakh) in a Year
Siga (Day)/Blog	Tikinisiga (Date)
88/Blog No. 1228	March 29, 2011.
Reading	Hebrew Date
Josua (Y’hoshua) 23-24	Adar Bet 23,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ruta Kei Nao‘mi (Rut and Nao‘mi).

Thought: With Yahweh, Are You Like Orpah or like Rut?

 ...................

Serving For Yom Shaynee, Adar-Bet 22, 5771

Eratou baci qolou tale e na domo levu, ni ratou veitagicaki; Oti qai reguci vugona o Oripa, ka vuki me sa lesu tale; ia o Ruta a kabiti koya toka ga. 15 Kaya vua o vugona, Raica, na dauvemu sa lesu tale vei ira na nona tamata kei ira na wekana; lesu talega o iko, muria na dauvemu.16 Kaya o Ruta vua, E sega sara ga ni tu vei au na gagadre meu muri i koya lesu, meu biuti iko, baleta na vanua o  lako kina, au na lako kina; na vanua o lai vakaitikotiko kina, o na lai vakaitkotiko kina; o ira na wekamu era na wekaqu talega kei na nomu Kalou (Mighty One) e na noqu Kalou (Mighty One) talega: 17 Na vanua o mate kina, au na mate kina, e keya au na bulu talega kina: me cakacakataka vakaoqo vei au o Jiova (Yahweh) ka tomana tikoga, kevaka mada ga e rawa ni tawasei au mai vei iko na mate. 18 Ni raica o Nao’mi ni sa dei na lomana me lako vata kei koya, sa qai cegu na nona vakauqeti koya tiko me lesu tale.

19 ¶ Rau sa mani lako vata me yacova ni rau yaco yani i Beiti-Lekemi  e Ya’huda. A qai yaco, ni rau yaco yani i Beiti-Lekemi ni ra marautaki rau na korolevu taucoko era qai taroga, Qo dina beka o Nao’mi? 

Ruci (Rut) 1:14-19

MAROROI i au noqu Kalou (Mighty One) baleta vei kemuni, au sa vakotora no na noqu inuinui. 2 Au sa kaya oti vei Jiova (Yahweh), O kemuni ga na noqu Kalou (Mighty One), na noqu vinaka e lako mai vei kemuni; 3 Au a kaya talega oqori vei ira na digitaki era tiko e vuravura kei ira era ira era daumaka vakaoti, o ira au dau taleitaki ira. 4 Na nodra rarawa na ca e na vakalevutaki vakaveitarataravi meu kua kina ni sovara na nodra imadrali dra; se cavuta na yacadra e na tebenigusuqu 5 O Jiova (Yahweh) na noqu ivotavota ka noqu bilo; o koya e na vakasuka mai na kequ iwasewase vakaitaukei.

Same (Tehellim) 16:1-5

Read The Scriptures (Tanakh) in a Year
Siga (Day)/Blog	Tikinisiga (Date)
87/Blog No. 1227	March 28, 2011.
Reading	Hebrew Date
Josua (Y’hoshua) 21-22	Adar Bet 22,  5771.
Click The Bible Text To Read It In Gateway In Another Language Or Version

  

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veivaluvaluti Vakaveitacini (Civil War).

Thought: The Waywardness Of Humans Is Against Yahweh.

............................... 

Serving For Yom Reeshone, Adar-Bet 21, 5771

O ira na tagane ni Isira'yili era qai tu era qai lako i  ra ka  lako cake i Beiti-Yili, me ra lai vaqaqa  na veika me baleta na Kalou (Mighty One); era qai kaya, O cei vei keda e na liu me lai valuti ira na yavusa  Biniyamini? Kaya o Jiova (Yahweh), O Ya'huda me na liu. 19 Era qai tu na luvei Isira'yili e na mataka lailai, me ra lai keba vakaivalu mai Qiva'a.  20 Era qai curu tani mai Qiva'a na  yavusa Biniyamini me ra valuti  Isira'yili, era qai tuvatuvaivalu me ra veisaqasaqa vata kei Isira'yili; o ira talega na tagane ni Isira'yili era a tuva mai me ra valuti ira mai Qiva'a. 21 Era qai ucu mai Qiva'a o ira na  Biniyamini, me ra saqati Isira'yili, era qai biuta matemate tu mai e na dela ni vanua e na siga oya e ruasagavulukarua na udolu na tagane na luvei Isira'yili. 22 Ia o ira na luve i Isira'yili era qai veivakayaloqaqataki tale vakataki ira, oti era qai baci tuva tale mai vakaivalu e na vanua vata ga era a tuva mada kina e na imatai ni siga. 23 Era qai lako cake i Beiti-Yili o ira na luve i Isira'yili, ka lai tagi e na mata i Jiova (Yahweh) me yacova na yakavi bogi, era kere ivakasala mai vei Jiova (Yahweh) ni ra kaya, E vakaevei me keimami baci lako tale me keimami lai valuti ira na taci i keimami o ira na kawa i  Biniyamini? Kaya o Jiova (Yahweh), Lako cake lai valuti ira. 24 Era qai toro voleka na luve i Isira'yili me ra valuti ira na  Biniyamini e na ikarua ni siga. 25 Era baci curu tale mai Qiva'a na  kawa Biniyamini e na ikarua ni siga, era qai biuta matemate tu mai na vanua e duanaudolu walunadrau vei ira na luve i Isira'yili; qo o ira na tamata era dau vala e na iseleiwau.

Dauveilewai (Shof’tim) 20:18-25 

Na vuniyalo (ni tamata) e babamatua duadua vei ira na veika kece; o cei mada e kilakasamataka rawa?

Jeremaia (Yirmeyahu) 17:9

Read The Scriptures (Tanakh) in a Year
Siga (Day)/Blog	Tikinisiga (Date)
86/Blog No. 1226	March 27, 2011.
Reading	Hebrew Date
Josua (Y’hoshua) 19-20	Adar Bet 21,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Qaravi Matakau Nei Maikeyi (Mikhay’s Idol Worship)

Thought: Differentiate Yahweh And Avoid Idol Worship.

 ........................

Serving For Shabbat, Adar-Bet 20, 5771

E A TIKO e dua na tamata mai na ulunivanua o Ifira'yimi, na yacana o Maikeyi. 2 A qai kaya o koya vei tinana, Na shekeli siliva e duanaudolu duanadrau, e a kau laivi mai vei iko, o qai vosa vakaloucataka, o qai tukuna lo vei au e daliqu, raica o au ga au a kauta na siliva. Kaya o tinana, E kalougata vei Jiova (Yahweh) o luvequtagane. 3 Ia ni sa solia lesu na duanaudolu duanadrau shekeli na siliva vei tinana o koya; a qai kaya o tinana, Au sa vakatabuya oti vakadua na siliva oqo vei Jiova (Yahweh) me soli i na liga i  luvequtagane, me bulia e dua na matakau ceuceu kei na dua na matakau buli waiwaiya; solia lesu tale mai vei au.  4 A mani solia lesu na ilavo vei tinana  o koya; a qai taura o tinana e ruanadrau na shekeli na siliva, qai solia vua na matai ni siliva, o koya a qai bulia mai kina e dua na matakau ceuceu kei na dua na matakau buliwaiwaiya; qori era a qai maroroi tiko e na vale nei Maikeyi.  5 Na tagane o Maikeyi e dua tiko na  nona vale ni veikalou (elohim), a qai cula e dua na efoti kei na dua na terafimi, qai vakatabuya e dua  vei ira  luvena tagane, o koya a qai yaco me nona bete o koya.  6 E na gauna oya e a sega ni dua na  tui e Isira'yili; ia na tamata yadudua era a dui cakava ga na ka e dodonu e na dui matadra.

Dauveilewai (Shof’tim) 17:1-6

SEGA vei keimami i Jiova (Yahweh), sega vei keimami, ia i na yacamuni ga solia kina na lagilagi e na vuku ni nomuni loloma kei na dina  2 Me kakua kina ni dua na vuna me ra kaya kina na veimatanitu, Evei sara na nomuni Kalou (Mighty One)? 3 Baleta na neimami Kalou (Mighty One) e tiko mai lomalagi: o koya e cakava tiko na cava ga e gadreva. 4 Ia na nodra matakau na veimatanitu e buli mai na siliva kei na koula, na cakacaka ni liga ni tamata 5 Era vakagusu ia era sega ni vosa rawa; era vakamata ia era sega ni rai; 6 Era vakadaliga ia era sega ni rogo: Era vakaucu ia era sega ni boiboi; 7 Era vakaliga, ia era sega ni vakila e dua na ka; Era vakayava ia era sega ni taubale; ka ra sega talega ni cavuta rawa na vosa e na nodra itagitagi.

Same (Tehellim) 115:1-7

Read The Scriptures (Tanakh) in a Year
Siga (Day)/Blog	Tikinisiga (Date)
85/Blog No. 1225	March 26, 2011.
Reading	Hebrew Date
Josua (Y’hoshua) 16-18	Adar Bet 20,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakacegu O Josua (Y’hoshua Passes Away).

Thought: Yahweh Provides Rest From Your Adversaries

 .........................

Serving For Yom Ha Shee-shee, Adar-Bet 19, 5771

A qai yaco ni sa oti e dua na gauna balavu na nona solia tiko o Jiova (Yahweh), na vakacegu vei ira na Isira’yili, mai vei ira na kedra meca era tu vakavolivolivoliti ira, ni sa tubu qase o Ya’hoshua, ka sa bibi sara na yabaki ni nona bula, 2 ni a qai kacivi ira vata na Isira’yili o Ya’hoshua, o ira na nodra qase kei ira na nodra iliuliu, kei ira na nodra dauniveilewai kei ira na nodra vunivola, qai kaya vei ira, Au sa qase mai ka sa bibi na yabaki ni noqu bula;  3 Oni sa raica oti na veika kece a cakava o Jiova (Yahweh) na nomuni Kalou (Mighty One) vei ira kece na matanitu oqo e na vukumuni; ni a vakarusai ira e matamuni, ka ni o Jiova (Yahweh) ga a vala tiko e na vukumuni.  4 Raica, au sebera ni veivotayaka tiko vei kemuni na nodra vanua na veimatanitu era se vo tiko oqo, ia e sa nodra ivotavota vakaitaukei o ira na nomuni veimataqali; ia au sa vota oti vei kemuni na veivanua me tekivu mai na Yadani, bau kina na veimatanitu kece au a vakarusa, me yaco sara i na Wasa Levu vaka i na Vuaira.  5 O Jiova (Yahweh) na nomuni Kalou (Mighty One), e na vakadrukai ira e matamuni, oni na qai taukena na nodra vanua me vaka sa yalataka oti vei kemuni o Jiova na nomuni Kalou (Yahweh your Mighty One).  6 Ia moni tu kaukaua ka muria na veika kece sa volai tu e na ivola ni lawa nei Moshe, na italai ni Kalou (Mighty One) ka moni vakabauta ka kitaka na ka kecega sa volai tu e na ivola ni vunau i Moshe, ka moni kakua vakadua ni vuki tani mai kina, i na imatau se i na imawi;

Josua (Y'hoshua) 23:1-6

O ira na Isira’yili era a qaravi Jiova (Yahweh) e na gauna kece ni bula nei Ya’hoshua kei na nodra gauna kece na qase era a bula tiko ni sa mate oti o Ya’hoshua, o ira era kila vinaka na cakacaka nei Jiova (Yahweh) e a cakava e na vukudra na Isira’yili.

Josua (Y'hoshua) 24:31

  

Read The Scriptures (Tanakh) in a Year
Siga (Day)/Blog	Tikinisiga (Date)
84/Blog No. 1224	March 25, 2011.
Reading	Hebrew Date
Josua (Y’hoshua) 14-15	Adar Bet 19,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iWali ni Duidui (Resolving Differences).

Thought: Resolve Differences Yahweh’s Way

............................ 

Serving For Yom Khah Mee-shee, Adar-Bet 17, 5771

Ni rogoca, o Pinikasi na luve i Yili'esa na kohena kei ira na iliuiliu ni isoqosoqo, kei ira na turaganivalu ni matasotia ni Isira'yili era tiko vata kei koya, na veika era kaya na kawa i Ru'veni, na kawa i Qoda kei na veimama na mataqali nei Ma'nashe, era a qai marautaka. 31 Kaya o Finiase na luve i Yili'esa na kohena vei ira na kawa i Ru'veni, vei ira na kawa i Qoda kei na veimama na mataqali i Ma'nashe; E na siga oqo eda kila kina ni  tiko e na keda maliwa o Jiova (Yahweh) baleta oni a sega ni vakayacora, moni veisaqasaqa kei Jiova (Yahweh); qo oni sa vueti ira na luve i Isira'yili, me kakua ni tarai ira na waromisa ni liga i Jiova (Yahweh) kevaka me a saqati ira o koya. 32 O Pinikasi na luve i Yili'esa na kohena, kei ira na iliuliu era tiko vata kei koya  era qai lesu mai vei ira kawa i Ru'veni kel ira na kawa i Qoda kei ira na Manasaiti mai na vanua o Qili'ade, i na vanua o Kenani, vei ira na luve i Isira'yili, ka kauta tiko mai vata kei ira e dua na isau ni taro.33 Na isau ni taro a vakamarautaki ira na luve i Isira'yili; era qai vakamuduo  vua na Kalou (Mighty One) o ira na luve i Isira'yili, era qai lewa me ra kakua ni lako cake me ra lai valuta ka vakarusa na vanua era tiko kina na kawa i Ru'veni, na kawa i Qoda kei ira na kawa i Ma'nashe. 34 O ira na kawa i Ru'veni, na kawa i Qoda kei ira na kawa i Ma'nashe era a qai vakayacana na icabocabo ni soro era a tara, Na iCabocabo ni iSoro ni iVakadinadina, baleta ni ivakadinadina e na keda maliwa ni o Jiova (Yahweh) duadua ga e Kalou (Mighty One).

Josua (Y’hoshua) 22:30-34

Kemuni na tamata, e na vakacava beka na dede ni nomuni latia tiko na noqu lagilagi? E na vakacava beka na dede ni nomuni tokona tiko na yalo dokadoka? Oni vinakata beka moni vakacalai tu me tawamudu? 3 Moni kila tiko ni o Jiova (Yahweh) sa wasea tani tu na veika vivinaka me Nona; o Jiova (Yahweh) e na rogo niu kacivi Koya.

Same (Tehellim) 4:2-3

Read The Scriptures (Tanakh) in a Year
Siga (Day)/Blog	Tikinisiga (Date)
83/Blog No. 1223	March 24, 2011.
Reading	Hebrew Date
Josua (Y’hoshua) 11-13	Adar Bet 18,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Korolevu ni iDrodro (The Cities of Refuge).

Thought:  Yahweh Is Our City Of Refuge Where Rest And Peace Is Found

 ......................

Serving For Yom Revee-ee, Adar-Bet 16, 5771

Oti sa qai vosa vei Ye’hoshua o Jiova (Yahweh), 2 Vosa vei ira na luve i Isira’yili, ka kaya, Moni digitaka tiko na koro ni idrodro me vaka au sa kaya oti vei kemuni, e na gusu i Moshe; 3 Me rawa ni dro i keya o koya e vakamatea vakasauri ka vakacalaka e dua na tamata, me nodra idrodro mai vei ira era veisausaumataka na dave ni dra.  4 Ia o koya e dro i na dua vei ira na koro qo, me na lai duri tu e matamata ni korolevu, me vosa vei ira na qase ni korolevu, me vakamacalataka na nona kisi, oti me ra qai kauti koya i loma ni korolevu, me ra solia vua e dua na nona itikotiko, me mai vakaitikotiko vata kei ira.  5 Ia ke sa yaco me vaqarai koya yani o koya e veisausaumitaka tiko na dave ni dra, o ira me ra na kakua ni soli i koya e a veivakamatei e ligana; baleta ni a vakamatei koya vakalacaka ka sega talega ni a sevaki koya mai liu. 6 Me na vakaitikotiko e na korolevu oya me yacova ni sa tu e matadra na lewe ni isoqosoqo me lewai, ia me tiko ga e keya me yacova ni sa mate na kohena liu e na gauna oya; o koya e a veivakamatei sa na qai lesu tale me lako i nona korolevu, i nona vale o koya vakataki koya, i na korolevu e a dro mai kina.

Josua (Y’hoshua) 20:1-6

NA KALOU (Mighty One) e noda itataqomaki ka noda kaukaua; na dauniveivuke e dau tu voleka e na veigauna ni leqaleqa. 2 Oni dau tu vata kei keimami e veigauna kece; qori keimami na sega ni taqaya kina, ke uneune na vuravura ka sasakurekure na veiulunivanua me yaco sara i na uto ni wasaliwa; 3 Ke mani vavadugudugu na wai ka seuseua, ke mani yavala na ulunivanua e na kena kaukaua. 4 E tiko e dua na uciwai, na kena soniwai e vakamarautaka na korolevu ni noda Kalou (Mighty One), na tikina  tabu e na itikotiko nei koya e Cecere taudua (Yahweh Ylyon). 5 Na Kalou (Mighty One) e tiko e na kedra maliwa; o koya e na sega vakadua ni yavalati; Na Kalou (Mighty One) e na vukei koya e na mataka lailai sara.

Same (Tehellim) 46:1-5

Read The Scriptures (Tanakh) in a Year
Siga (Day)/Blog	Tikinisiga (Date)
82/Blog No. 1222	March 23, 2011.
Reading	Hebrew Date
Josua (Y’hoshua) 9-10	Adar Bet 17,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.