Mate o Samisoni (Samson’s Death)

Thoughts: Yahweh is the Elohim of Second Chance

....................................

Serving For The 5^th April, 2010

A qai yaco ni sa tubu sara tu ga na reki ni yalodra, era qai kaya, Kacivi mai o Samisoni me mai vakalasalasa mada vei keda. Era qai kacivi Samisoni mai vale ni veivesu; a qai mai vakalasai ira o koya, era qai vakaduri i koya e na maliwa ni duru ni vale. 26 Kaya o Samisoni vua na gonetagane e dau tubera na ligana, Tuberi au mada meu lai vakayamoca mada na duru e tabeya cake tu na vale, meu rawa ni ravi tu mada kina. 27 Na vale era a osota tu na tagane kei na yalewa; o ira kece na nodra iliuliu na kai Filisitia era a tiko kina; e na dela ni vale era tiko kina e rauta na tolunaudolu na tagane kei na yalewa, me ra saravi Samisoni ni vakalasalasa tiko vei ira. 28 E kacivi Jiova (Yahweh) sara o Samisoni, qai kaya, i Jiova na Kalou (Yahweh Elohim), nanumi au mai, au masuti kemuni, vakaukauataki au tale vakadua e na gauna qo, kemuni na Kalou (Elohim), meu sauma lesu vei ira na kai Filisitia na yali ni mataqu ruarua. 29 Oti sa qai taura o Samisoni, na duru rau tabeya cake tu na vale, mai loma donu, raviti rau qai taura e dua e na ligana i matau, ka dua e na ligana i mawi. 30 Sa qai kaya o Samisoni Laiva meu mate vata kei ira na kai Filisitia. Sa qai dre e na nona i gu taucoko; a qai kabasu kina na vale ka ovaci ira vakadua na iliuliu kei ira na tamata kecekece era a tiko e keya. O ira e a vakamatei ira o Samisoni, e na gauna a mate kina, era lewe levu cake mai na iwiliwili a vakamatei ira o koya e na gauna a bula voli kina. 31 Era qai lako sobu mai o ira na tacina kei ira kece na weka i tamana, era qai mai colati koya ka kauta me ra lai buluti koya e na kedrau tadrua o Sedaha vata kei Esitaola, e na ibulubulu nei Manoa na tamana. O koya e a dauveilewai tu vei ira na Isireli me yabaki ruasagavulu.

Dauniveilewai 16: 25-31

Au na vakaisosomitaka vei kemuni na veiyabaki era a kanilaka na vodre, na vodre dauqasi, na ulo meca ni kauvuata kei na ulo meca ni kaudraudrau, na noqu mataivalu levu Au a talai ira yani me ra lai saqati iko.26 Oni na qai kana e na sautu ka mamau, oni na vakacaucautaki Jiova na nomuni Kalou (Yahweh Elohim), o Koya e dau vakayacora na veika vivinaka vei kemuni; na noqu tamata era na sega ni biu me ra vakamaduataki tale vakadua.

Joeli 2: 25-26

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
95	April 5	Judges 15-17	Luke 10:1-24

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).