Na Vakavunene Nei Avishalome (The Rebellion of Avishalom.)

Thought: Always See Yahweh In Every Event, Once We Know Him

........................ 

Serving For Shabbat, Nissan 26, 5771

A qai yaco ni oti e va na yabaki, ni a kaya o Avishalome vua na Tui, Laivi au meu lako mada meu lai vakayacora na noqu bubului vei Yahuwe (YHWH) mai Hevaroni; 8 Baleta na nomuni tamata a tauca e dua na bubului e na gauna a tiko kina mai Qe'shura vata kei Arama, ni a kaya, Kevaka e kauti au dina tale i Yerushalayimi o Yahuwe (YHWH), o au, au sa na qaravi Yahuwe (YHWH). 9 Sa qai kaya vua na Tui, Lako e na vakacegu. Sa mani biubiu o koya me lako i Hevaroni. 10  Ia o Avishalome a qai vakau yamata vuni i na loma ni veimataqali kece i Isira'yili qai kaya vei ira, Ni oni rogoca ga na domo ni davui, moni kacivaka sara, Sa veiliutaki vakatui mai Hevaroni o  Avishalome.  11 Era a lako vata kei Avishalome e ruanadrau mai Yerushalayimi, ia era a lako ga vakasavasava; era a sega sara ga ni kila na bukivere sa navuci tu.  12 A qai talatala o Avishalome, me lakovi o Akitofela mai Qiloho na dau ni ivakasala nei Dawide, me lai kau mai na nona korolevu o Qiloho, e na gauna e vakacabo isoro tiko kina. Na bukivere a qai kaukaua cake; qai tubu cake  tikoga kina na iwiliwili ni tamata era sa to tiko mai kei Avishalome.

2 Samuela (Sh’mu’yil Bet15:7-12

Toro voleka mai vei au, dou rogoca na ka oqo; Au a sega ni vosa vakavuni mai na ivakatekivu, mai na gauna ni veibuli, au a sa tu; ia qo sa qai talai au mai na o Yahuwe (YHWH) na Kalou (Mighty One) e na yalona au lako tiko mai kina oqo. 17 Oqo na veika e kaya o Yahuwe (YHWH), na nomui iVakabula, o koya, na Yalosavasava ni Isira'yili; O au o Yahuwe (YHWH) na nomu Kalou (Mighty One), o koya e vakavulici iko tiko mo kakua ni cakaca, ni a sa tuberi iko tiko e na sala mo bula muria. 18 Oilei, kevaka walega mo a vakarogoca vinaka na noqu ivakaro, na nomu vakacegu ke a drodro me vaka na uciwai kei na nomu yalododonu me vaka na biau ni wasawasa.

Aisea (Yesha’Yahu) 48:16-18.

Read The Scriptures (Tanakh) in a Year
Siga (Day)/Blog	Tikinisiga (Date)
120/Blog No. 1260	April 30, 2011.
Reading	Hebrew Date
Sh’mu’yl Bet 23-24	Nissan 26,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Avisalome Na Luvei Dawide (Avsalom, Dawid’s Son)

Thought: Our Offspring Reflect Our Hearts As Parents

..................... 

Serving For Yom Ha Shee-shee, Nissan 25, 5771

O Avishalome a tiko mai Yerushalayimi  me yabaki rua, ia a sega vakadua ni raica na matana na tui. 29 A qai talatala o Avishalome me lai lako mai o Yo'ave, me mai talai koya mada vua na tui; ia a qai sega ni via lako vua o koya; oti a baci talatala tale e na ikarua ni gauna ia a sega tiko ga ni lako mai vua.30 Kaya sara o Avishalome vei ira na nona dauniveiqaravi, Raica, e dua tiko na qele nei Yo'ave e toka volekata toka na noqu. Veitalia ga ke witi se barile, lako lai vakama yavu. Era mani vakama na vanua nei Yo'ave o ira na dauniveiqaravi nei  Avishalome. 31 Tu o Yo'ave qai lako i na vale nei Avishalome qai lai tarogi Avishalome, Na cava era vakama kina na noqu vanua o ira na nomu dauniveiqaravi? 32 Sauma vei Yo'ave o Avishalome, Raica, au a talatala yani mo lai lako mai, meu rawa ni mai talai iko vua na tui, mo lai taroga se cava au lai kau mai kina mai Qe'shura? A vinaka cake vei au na noqu tiko mai keya; ia qo au sa via lai raica na tui, kevaka e tiko na noqu cala ia me vakamatei au o koya. 33 A mani lako vua na tui o Yo'ave, qai lai tukuna vua na vosa nei Avishalome; sa qai kacivi Avishalome,  qai lako mai vua na tui o Avishalome, cuva sobu e mata ni tui me tara na dela ni qele na matana; oti qai reguci koya na tui.

2 Samuela (Sh’mu’yl Bet) 14:28-33.

Na yaca rogo vinaka e yaga vakalevu cake mai na iyau vakaitamera; kei na yalololoma  mai na siliva kei na koula,

2 ¶ Na vutuniyau kei na dravudravua rau na sota vata, o Yahuwe (YHWH) a buli i rau ruarua.

3 ¶ Na tamata yalomatua e raica ni warolaki e dua na tamata ca, ka vuli vakalevu sara mai kina.

4 ¶ Na vatuka ni yalomanoa (meekness), oya na rerevaki nei Yahuwe (YHWH), na iyau ni dokai kei na bula.

5 ¶ Na tudai kei na icori e kune e na sala veve; O koya e qarauna na nona bula e na tu yawa mai kina.

6 ¶ Vakavulica cake na gone e na sala e dodonu me na bula muria; baleta e na gauna sa qase cake kina e na sega ni gole tani mai kina.

Vakaibalebale (Mishlei) 22:1-6.

Read The Scriptures (Tanakh) in a Year
Siga (Day)/Blog	Tikinisiga (Date)
119/Blog No. 1259	April 29, 2011.
Reading	Hebrew Date
Sh’mu’yl Bet 21-22	Nissan 25,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Keda Na Tamata (Us Human Beings)

Thought: Our Biggest Stumbling Block is Self Deception.

......................... 

Serving For Yom Khah Mee-shee, Nissan 24, 5771

Me vaka e dua na tama e dau lomani ira na luvena, o Yahuwe (YHWH) talega e na lomani ira era qaravi koya. 14 Baleta e kila o koya na noda a buli, ka nanuma tu o koya ni da kuvu ni soso. 15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e na takali; Na tikina a toka kina e na sega ni kilai tale vakadua. 17 Ia na yalololoma i Yahuwe (YHWH) e vu mai na tawamudu i na tawamudu vei ira era dokai koya kei na Nona yalododonu vei ira na luvedra na luvedra, 18 vei ira era bula muria na nona veiyalayalati vata kei ira era nanuma na nona ivakaro me ra dau vakayacora.

19 ¶ O Yahuwe (YHWH) sa vakarautaka tu na nona idabedabe vakatui mai lomalagi; na nona matanitu e na lewa na veika kece. 20 Vakavinavinaka vei Yahuwe (YHWH) kemuni na nona agilosi; oni uasivi e na kaukaua, dau vakayacora na nona ivakaro, ka dau galeleta vakavinaka na domo ni nona vosa.

Same (Tehellim)) 103: 13-20

Vakamiraci au e na taba ni hisopi, au na qai savasava; savati au, au na qai vulavula cake mai na uca cevata. 8 Vakacegui au e na nomuni reki kei na marau; me rawa ni marau tale na yaloqu sa ramusu tu. 9 Vukica tani na matamuni mai na noqu ivalavala ca, bokoca laivi vakadua na noqu caka cala kece sara. 10 Bulia e lomaqu e dua na vuniyalo savasava, kemuni na Kalou (Mighty One) ka vakavoutaka na yalodina e lomaqu. 11 Kakua ni botolaki au laivi mai matamuni; kakua ni kauta laivi mai na  yalomuni tabu (Ruach HaKodesh) mai vei au. 12 Vakavoutaka vei au na yalomamarau ni nomuni veivueti; ka tabei au cake tiko e na yalomuni lagilagi. 13 Oti au na qai vakatavulici ira era dau vorata na nomuni sala;  era na qai saumaki lesu mai vei kemuni o ira era dau valavala ca; 14 Vakabulai au mai na vakadave dra, kemuni na Kalou (Mighty One), o kemuni na Kalou ni noqu vakabulai, na yamequ e na seretaka vakadomoilevu na nomuni yalododonu.

Same (Tehellim) 51:7-14

Read The Scriptures (Tanakh) in a Year
Siga (Day)/Blog	Tikinisiga (Date)
118/Blog No. 1258	April 28, 2011.
Reading	Hebrew Date
Sh’mu’yl Bet 19-20	Nissan 24,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Davide kei Bata-sheva (Dawid and Bat–Sheva)

Thought: Dawid’s Indiscretion, Is Common With Men and Women.

(Ask Yahweh For More If You Need More, Do Not Take It)

..................... 

Serving For Yom Revee-ee, Nissan 23, 5771

Ni cava tiko na yabaki, na gauna era dau biuta kina na valenitui o ira na tui, o Dawide a qai talai Yo'ave vata kei ira na nona dauniveiqaravi vata kei Isira'yili taucoko; era qai lai tuvaivalutaki Rabaha; ia o Dawide a tikoga mai Yerushalayimi. 2 A qai yaco e na dua na yakavi ni mata mai na nona loga o Dawide, qai lai tabale voli e na delavuvu ni vale ni tui; ni a raica e dua na yalewa ni sisili tiko; na yalewa qo e rairai totoka vakaoti na kena irairai. 3 A qai talatala o Dawide me lai vaqaqai mada mai na yalewa. Kaya e dua, Qori o Bata-Sheva na luvei Eli'ama, na wati i Uraiya na Hiti?  4 A mani tala e dua na dau ni kauitukutuku me lai kauti koya mai; a  qai lako mai vua na yalewa, qai veiyacovi vata kei koya; ia e na siga sara ga oya a se qai vakasavasavataki koya kina mai na nona mate ni vula; oti qai lesu i nona vale. 5 A qai kunekune na yalewa, qai talatala me lai tukuni vei Dawide; Au sa bukete.

6 ¶ Oti qai vakauta e dua na itukutuku vei Yo'ave o Dawide, me kaya, Talai Uraiya na Hiti mada mai vei au. A qai talai Uraiya vei Dawide o Yo'ave. 7 Ni sa yaco yani vua o Uraiya, a qai tarogi Uraiya o Dawide se sa vakaevei  o Yo'ave kei ira na tamata vata kei na ivalu. 8 Oti qai kaya o Dawide vei Uraiya, Lako sobu i na nomu vale mo lai savuya na yavamu. Biuta mai na valenitui o Uraiya, qai muri i koya yani e dua na iloloma mai vua na tui. 9 Ia o Uraiya a moce no ga e na katuba ni nona vale na tui, vata kei ira na dauniveiqaravi vua na nona turaga (master); e a sega ni lako i nona vale.

2 Samuela (Sh’mu’yl Bet) 11:1-9

Ni lomani au i Yahuwe (YHWH) e na nomuni yalololoma: e na vakaitamera ni nomuni yalovinaka ni bokoca laivi na noqu ivalavala ca. 2 Savati au sara vakaoti mai na noqu talatalai dredre, ka quaraka laivi vakadua na noqu ivalavala ca. 3 Au vakadinata na noqu dau talatalaidredre, baleta na noqu ivalavala ca sa matata vinaka tu e mataqu. 4 E saqati kemuni, o kemuni duadua ga, na noqu caka ca, niu vakayacora na veika e vakasisila e matamuni; ka ni donu vinaka sara ga na nomuni veivakadodonutaki, ka qaqa na nomuni vakataulewa. 5 Baleta raica, au a buli mai na ca (iniquity); ia e na ivalavala ca o tinaqu e a kunekunetaki au. 6 Raica oni gadreva na dina, ia na veika vuni kece me baleta na nomuni vuku oni sa vakatakila vei au. 

Same (Tehellim)) 51:1-7

Read The Scriptures (Tanakh) in a Year
Siga (Day)/Blog	Tikinisiga (Date)
117/Blog No. 1257	April 27, 2011.
Reading	Hebrew Date
Sh’mu’yl Bet 17-18	Nissan 23,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vakavinavinaka Nei Dawide (Dawid’s Praises)

Dedicated to Luisa my granddaughter as she turns 13 today

Thought: For Ever Be Thankful To Yahweh For His Love

...................... 

Serving For Yom Shlee-shee, Nissan 21, 5771

Oni vueti au mai na sasaga ni tamata, oni a lesi i au meu iliuliu ni veimatanitu; e dua na mata tamata au sega ni kilai ira era na mai veiqaravi vei au. 45 O ira era vakatudaliga, era na vakarogoci au; o ira na luvedra tagane na vulagi era na talairawarawa  vei au. 46 O ira na vulagi era na tu vakadua era na qai tarovi mai na nodra ivalavala; 47 O Yahuwe (YHWH) e bula; me vakacaucautaki o koya e solia vei au na noqu kaukaua; me vakacerecerei  na Kalou (Mighty One) na noqu ivakabula.48 O Kemuni na Kalou (Mighty One) oni solia vei au na veisausaumi oni sa biuti ira sobu na tamata e rukuqu, 49 ka vueti au mai vei ira na kequ meca; oni qai laveti au meu uasivi cake vei ira era a tu mai me ra saqati au: oni qai vueti au mai vei ira na tamata  ca. 50 O koya oqori au na vakamolimoli

2 Samuela (Sh’mu’yl Bet) 22:44-51 

AU na vakavinavinaka vei Yahuwe (YHWH) e na veiveigauna kece; Na nona vakamolimolitaki e na dau toka ga e gusuqu. 2 Na noqu bula e na dau dokadokataki  Yahuwe (YHWH). Laivi ira na yalomalumu me ra rogoca era qai mamarau. 3 Vakaraibailevutaki Yahuwe (YHWH) vei au; laiva meda laveta vata cake na yacana. 4 Au vakasaqarai Yahuwe (YHWH), e rogoci au o koya qai vakabulai au mai na noqu veileqa kecekece. 5 Rai vakanamata tiko vua, vakabauti koya, oni na sega ni vakayalolailaitaki. 6 Na tamata dravudravua oqo a kacivi koya; qai rogoci koya mai o koya, qai sereki koya mai na nona veileqaleqa kecekece, 7 Na malakimi (angels) nei Yahuwe (YHWH) era mai keba wavoliti ira era dau sokalou vua, me ra dau vueti ira. 8 Tovolea mada mo raica ni o Yahuwe (YHWH) e vinaka; e kalougata na tamata e vakararavi vua. 9 O ira na vutuniyau era sa dravudravua ka ra sa walokai: 10 O ira era vaqarai Yahuwe (YHWH) e na sega vakadua ni leqa vei ira na ka vinaka.

Same (Tehellim) 34:1-10

Read The Scriptures (Tanakh) in a Year
Siga (Day)/Blog	Tikinisiga (Date)
116/Blog No. 1256	April 26, 2011.
Reading	Hebrew Date
Sh’mu’yl Bet 15-16	Nissan 22,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O ira na Qaqa Nei Tevita (David’s Military Might)

Thoughts: We Cannot Win Any Battle Without Yahweh

................... 

Serving For Yom Shaynee, Nissan 21, 5771

(Last Day Unleavened Bread – Day 7 - Nasoso, Nadi)

Oqo na yacadra na tamata qaqa era a tiko vata kei Dawide: e dabe tiko e na imatai ni idabedabe, e na ikatolu ni iyatu o 'Adina, na tagane a lako sobu qai lai vakamatea e walunadrau na tamata e na dua na aua. 9 Taravi koya o Yilai'esa na tavalei 'Adina; o koya e a lako vata kei Dawide vata kei na tolu tale na tagane, e na gauna era a bolei ira kina o ira na kai Pi'lisitimi ka ra vakarau tu me ra vala; ia ni ra sa vakasuka na Isira'yili, 10 A qai tu o koya, ka ravuti ira na Pi'lisitimi, me yacova ni sa dadaga na ligana ka sa kabita na nona iseleiwau; O Yahuwe (YHWH) a qai cakacakataka e dua na qaqa vakaitamera e na siga oya: era qai lesu ga mai vata kei koya na tamata me ra kauta na itoki ni valu. 11 Tarava yani o Shama na luve i Aqii, mai na nona ulunivanua na tui. Ni ra soqo yani na Pi'lisitimi me ra lai butakoca na bulumakau e na dua na loga ni lenitili, era qai veidroyaki na tamata mai vei ira na Pi'lisitimi. 12 A qai tu mai o koya e na lomadonu ni iteitei me vueti ira na bulumakau, ka ravuti Ira na Pi'lisitimi; o Yahuwe (YHWH) a qai cakacakataka e dua na qaqa vakaitamera e na ligana.

2 Samuela (Sh’mu’yl Bet) 23:8-12;    

NA lewa ni vakasama e nona na tamata; ia na isau ni yame e vu mai vei Yahuwe (YHWH).

2 ¶ Na nona ivalavala e dua na tamata e savasava e matana ga o koya vakataki koya; ia o Yahuwe (YHWH) e vakasalataka na sala me na muria.

3 ¶ Nuitaka na nomu cakacaka vei Yahuwe (YHWH) o koya e na qai vakataudeitaka na nomu vakasama.

4 ¶ Na cakacaka kece nei Yahuwe (YHWH) e nodra o ira era na vakarorogo vua, ia o ira era ivakarau vakasisila era waraka tiko na siga ni leqa.

5 ¶ O ira kece era qaciqacia e vuniyalodra, era vakasisila vei Yahuwe (YHWH); ia o koya e dodoka na ligana me saqata na wekana vakaitikotiko e na sega ni vosoti vakadua e na vukuni itovo ca oqo.

Vakaibalebale (Mishlei) 16:2-3  

Read The Scriptures (Tanakh) in a Year
Siga (Day)/Blog	Tikinisiga (Date)
115/Blog No. 1255	April 25, 2011.
Reading	Hebrew Date
Sh’mu’yl Bet 13-14	Nissan 21,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakarabailevutaki O Isira’yili (Isra’yl’s Territories Widen)

Thought: You Gain In Life: If Yahweh Is For You.

....................... 

Serving For Yom Reeshone, Nissan 20, 5771

(Feast Of Unleavened Bread – Day 6)

A QAI yaco ni oti oqo, ni a valuti  ira na kai Pi'lisitimi o Dawide ka vakadrukai ira; o Dawide a qai tauri Meteqe-Ama mai vei ira na kai Pi'lisitimi. 2 Oti qai vakadrukai ira na kai Mo'ave, vqai vesuki ira e na dela ni qele, qai vakarautaki ira e na dua na dali ni ivakavakarau; a vakarautaka e rua na iyatu me ra na vakamatei, kei na dua na iyatu taucoko me ra vakabulai tiko. Era qai yaco me ra dauniveiqaravi vei Dawide o ira na kai Mo'ave, me ra dau kauta mai vua na ivakacavacava. 3 A qai vakadrukai ira na  Hadada-esa, na luvei Rekova na tui Tasova, ni toso o koya me lai taura ka lewa na uciwai o Uferetisi. 4 A qai taura mai vua, o Dawide, e duanaudolu vitunadrau na qiqi ni ivalu kei na ruasagavulu na udolu na sotia  dau taubale; e a vakarusa kece na qiqi ni ivalu o Dawide vakavo ga e duanadrau na qiqi ni ivalu. 5 Ia ni ra mai vukei Hadada-esa na tui Tasova o ira na kai Idomi kei ira na kai Arami mai Damaseka, o Dawide a  qai ravuta e ruasagavulu ka rua na udolu na tagane vei ira na kai Idomi. 6 O Dawide a qai lesi i ira na Kovana me ra tiko mai Edomi kei Damaseka; ia o ira na kai Idomi era a qai dau veiqaravi vei Dawide ka sauma vua na ivakacavacava. A taqomaki Dawide tiko o Jiova (Yahweh) e na veivanua kece e dau lako kina.

2 Samuela (Sh’mu’yl Bet) 8:1-6

Vakarabailevutaka na vanua ni nomu valelaca, ka dedeka yani na ilatilati ni nomu itikotiko; kakua ni manini, vakabalavutaka yani na nomu dali, ka vakaukauataka na duru ni ivakadre ni nomu valelaca; 3 Baleta o iko o na tete yani vaka i na imatau kei na imawi: ia na nomu kawa e na taukena na veimatanitu tani, ka vakatawana  na veikoro era sa rusa tu. 4 kakua ni domobula, o iko o na sega ni madua; ia kakua ni taqaya, ni o na sega ni vosataki: ni o na guilecava na ka ni nomu veivakamaduataki ni o se gone, ka sega ni nanuma tale na veivosataki mai gauna ni nomu yada. 5 Baleta o Jiova (Yahweh) e na cakava na veika oqo vei iko; o Jiova ni lewe ni vuqa (Yahweh Tzva’ot) na yacana; o koya e nomuni iVakabula, na Yalosavasava Duabau i Isira'yili; e na vakatokai o koya ni Kalou (Mighty One) kei vuravura taucoko.

Aisea (Yesha’yahu) 54:2-5

Read The Scriptures (Tanakh) in a Year
Siga (Day)/Blog	Tikinisiga (Date)
114/Blog No. 1254	April 24, 2011.
Reading	Hebrew Date
Sh’mu’yl Bet 10-12	Nissan 20,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Same Ni Vakamolimoli (Psalms of Praises)

Thought: Where Yahweh Dwells, Praises Are Sung

....................... 

Serving For Shabbat, Nissan 19, 5771

(Feast Of Unleavened Bread – Day 5

Lagata vei Jiova (Yahweh) e dua na sere vou; baleta e sa cakava na veika totoka vakaoti o koya; Na ligana (hand) i matau kei na ligana (arm) savasava, sa kauta mai vua na qaqa. 2 O Jiova (Yahweh) sa vakatakila na nona veivueti; na Nona yalododonu sa vakaraitaka i matadra o ira era dau lotutaki matakau. 3 E sa vakananuma lesu o koya na nona yalololoma kei na nona dina vei ira na yavusa Isira'yili; o ira kece e na iyalayala kei vuravura era sa raica na veivueti ni noda Kalou (Mighty One).

4 ¶ Vakamolimoli vei Jiova (Yahweh), vuravura taucoko; vakayaco marau, lagasere ka cabora na vakavinavinaka. 5 Lagasere vei Jiova (Yahweh) vata kei na api; ia vata kei na api na domo ni matasere. 6 E na domo ni biukila cabora na vakamolimoli e na mata i Jiova (Yahweh) na Tui. 7 Laiva na wasawasa me vadugu, vata kei ira era vakasinaita tu na vuravura kei ira era kece era vakaitikotiko kina. 8 Laivi ira na veiuciwai me ra vakacobocobo; laiva ira na veidelana me ra cokovata e na mamarau. 9 E na mata i Jiova (Yahweh); baleta e lako tiko mai me mai lewai vuravura e na yalolododonu, ka tautauvata vei ira na tamata.

Same (Tehellim) 98:1-9.

Na veivanua taucoko era sa vakavolivoliti au: ia e na yaca i Jiova (Yahweh) au na vakarusai ira. 11 Era vakavolivoliti au; io, era vakavolivoliti; ia e na yaca i Jiova (Yahweh) au na vakarusai ira. 12 Era sa vakavolivoliti au me vaka na isoso ni pi; era bokoci me vaka na bukawaqa ni qilaiso: baleta e na yaca i Jiova (Jiova, au na vakarusai ira. 13 Au a biliraki meu ceburaki laivi meu lutu; ia o Jova a qai vukei au. 14 O Jiova (Yahweh) na noqu kaukaua kei na noqu sere, ka sa yaco me noqu ivakabula.  15 A domo ni mamarau kei na veivueti e tiko e na nodra valetabatabanikau na yalododonu; na liga i matau i Jiova (Yahweh) e dau gugumatua.  16 Na liga i matau i Jiova (Yahweh) sa vakacerecerei au, na liga i matau i Jiova (Yahweh) e vakavna na qaqa. 17 Au na sega ni mate, au na bula ga, meu tusanaka na cakacaka i Jiova.

Same Tehellim) 118:10-17

Read The Scriptures (Tanakh) in a Year
Siga (Day)/Blog	Tikinisiga (Date)
113/Blog No. 1253	April 23, 2011.
Reading	Hebrew Date
Sh’mu’yl Bet 7-9	Nissan 19,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakasukai Na Kato (The Ark Restored)

Thought: Our Place In Yahweh’s Presence, Must Be Maintained

 ..................

Serving For Yom Ha Shee-shee, Nissan 18^th 5771

(Feast Of Unleavened Bread – Day 4

A qai tukuni vei Dawide na Tui; O  Jiova (Yahweh) sa vakalougatataki 'Ovedi-Idomi kei na veika kece e taukena o koya, e na vuku ni kato ni Kalou (Yahweh). Sa mani lako o Dawide qai lai kauta cake mai na kato ni Kalou (Yahweh) mai na vale nei 'Ovedi-Idomi me kauta i na koro i Dawide e na yalomamarau.  13 A qai yaco ni ra sa kalawa oti vakaono o ira era colata tiko na kato ni Kalou (Yahweh), ni a cabora e dua luve ni bulumakau levulevu o Dawide. 14 O Dawide a qai rubica na lagasere ni vakamolimoli e na mata i Jiova (Yahweh) e na nona igu taucoko; o Dawide a daramaka tu e dua na efodi lineni. 15 Era qai kauta mai, o Dawide kei ira kece na matavuvale i Isira'yili, na kato i Jiova  (Yahweh), e na kaikaila kei na domo ni biukila. 16 Ni sa toso sivia mai na vale i Dawide na kato i Jiova (Yahweh), o Mikahela na luve i Sha'ula yalewa e rai tu mai na katubaleka, qai raici Dawide na Tui ni mamarau tiko ka meke tiko mai e na mata ni kato i Jiova (Yahweh); qai tubu na nona sevaki koya e vuniyalona. 17 Era qai kauta mai i loma na kato i Jiova (Yahweh), ka tauca e loma ni valelaca sa birika oti tu o Dawide me na mai tu kina: oti qai vakacabora o Dawide e dua na isoro kama kei na isoro ni tiko veisaututaki e na mata i Jiova (Yahweh).

2 Samuela (Sh’mu’yl Bet) 6:12-17.

Rogoca i Jiova Tabu (Kodesh Yahweh), ka vakananuya na noqu vakatakekere; vakatudaliga i na noqu masu, baleta ni sega ni rogo tiko mai na dua tebenigusu dauveidabui. 2 Laiva na noqu vakatulewa me lako ga mai na matamuni; laiva na matamuni me raica na veika era dodonu.  3 Oni sa vakatovolea oti na vuniyaloqu; oni sa mai sikovi yau oti e na bogi; oni sa vakatovolei yau, oni qai sega ni kunea na ivalavala ca vei au; e sega ni dua na ka e curu tani tiko mai gusuqu, e kune kina na cakacaka ni veidabui vaka  tamata. 4 Mai na veivosaki ni tebenigusuqu, oni  dau taqomaki au kina mai na sala ni valavala ca. 5 Oni vakaukauataka na noqu muria tiko na nomuni ilakolako, me kakua ni tarabe na noqu ikalawa. 6 Au kacivi kemuni, baleta oni a rogoci au; kemuni na Kalou (Mighty One) ni vakala mai na daligamuni vei au ka rogoca na noqu vosa.

Same (Tehellim) 17:1-6.

Read The Scriptures (Tanakh) in a Year
Siga (Day)/Blog	Tikinisiga (Date)
112/Blog No. 1252	April 22, 2011.
Reading	Hebrew Date
Sh’mu’yl Bet 4-6	Nissan 18,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.