Na Kalougata Kei Na Vatovato (Blessings and Cursing)

Thought: Yahweh Is A Blessing If You Turn To Him

 ...................

Serving For Yom Shlee-shee, Tishrei 13, 5772

Na ivalavalala ca nei Ya’huda era volai tu e na peni kaukamea mata daimani; ka sa ceuti tu e na papa ni vuniyalodra, kei na ileu (horn) ni nodra icabocabo ni soro; 2 Ia na nodra kaloumatakau era kune e na ruku ni veivunikau drokadroka e na veidelana cecere kei na vei ulunivanua e loma ni vanua.3 Au na solia na nomuni iyau taucoko me ra itoki ni ivalu, ka vaka kina na veika kece era tiko e na iyalayala ni nomuni vanua, baleta na nomuni ivalavala ca 4 Au na qai vakavuna talega moni vakayalia na ivotavota au a solia vei kemuni; au na cakava moni veiqaravi vei ira na kemuni meca e na lomanivanua oni sega ni kila; baleta oni a bukana e dua na bukawaqa e na dela ni noqu cudru, ka sa na waqa tiko me tawamudu.

5 ¶ Oqo na ka e kaya o Yahuwe (YHWH) E vatovato (cursed) na tamata e vakararavi vua na tamata, qai cakava na luvetagane ni leweniyago, me ligana, qai laiva na vuniyalona me takali mai vei Yahuwe (YHWH): 6 Baleta o koya e na vaka e dua na kau e bula tiko e na vanua dravuisiga, ka na sega ni raica na vinaka ni basika mai; ia e na bula tiko ga  e na veivanua e sega kina wai e na e loma ni vanualiwa e masima na kena qele ka sega ni tawa. 7 E kalougata na tamata e vakararavi vei Yahuwe (YHWH), ka dau vakanuinui ga vua: 8 Baleta o koya e na vaka e dua na vunikau e tei toka e batiniwai, ka vakateteya na wakana e yasa ni waidrodro; e na sega ni nuiqawaqawa ke yaco mai na katakata, na drauna e na drokadroka tu ga; e na sega ni rerevaka na yabaki ni dausiga, ka na sega talega ni tiniadole na vuana.

Jeremaia (Yirmeyahu) 17:1-8

O koya e bulamuria na lawa e  maroroya na nona bula (soul) o koya vakataki koya; ia o koya e cata na sala dodonu e na mate.17 ¶ O koya e dau yalololoma vei ira na dravudravua e veitokani kei Yahuwe (YHWH); o koya e na vakaicovitaki me veiraurau kei na nona cakacaka.

Vosa Vakaibalebale (Mishlei) 19:16-17

Ia o ira na noqu tamata, era a sega ni via rogoca na domoqu; o Isira’yili a sega ni vinakata e dua na ka vei au.12 Era mani lako ga me ra muria na gagadre ni lomadra kei na veivakasala e nodra o ira vakataki ira. 13 Isa, ke ra a bau vakarorogo vei au o ira na noqu tamata, o Isira’yili ke a bulamuria tiko na noqu ivalavala; 14 Keu a vakamalumalumutaki ira vaqunaquna o ira na kedra meca, ka vukica na ligaqu meu valuti ira era veisaqasaqa vata kei ira.15 O ira era dau cati Yahuwe (YHWH), era lasutaki koya; ia era na qai tini  sautaninini me tawamudu. 16 Au vakani ira talega e na witi daumaka duadua kei na hani mai na uluvatu au a veivakamamautaki.

Same (Tehellim) 81:11-16

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
283/Blog No. 1424	October 11, 2011.
Reading	Hebrew Date
Isaiah (Yesha’yahu) 45-47	Tishrei 13, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.