Thought:
YHWH Will Come To Stop Our Arrogance
Serving
For Yom Khah Mee-shee, Kishlev 19, 5772
Na vosa i Yahuwe (YHWH) a yaco
vei Mikhah na kai Marashiti, e na gauna ni veiliutaki nei Yotame, Aka’aza, vata
kei Yi'kisiyahu o ratou na tui kei Ya'huda, e na veika me baleti Shomorono kei
Yerushalayimi. 2 Rogoca, kemuni na tamata; vakatudaliga i vuravura kei kemuni
kece oni tiko kina; Laivi Yahuwe (YHWH) na Kalou (Mighty One) me ivakadinadina
e na kemuni maliwa, io o Yahuwe (YHWH) mai na Nona itikotiko tabu. 3 Baleta
raica o Yahuwe (YHWH) e na biuta mai na Nona itikotiko tabu, me lako sobu mai
me mai butuqaqia na veiyasana cecere e vuravura. 4 Na veiulunivanua e na
waicala e rukuna o koya kei na veibucabuca era na waicala, me vaka na idregati ni
ivola e na mata ni yameyame ni buka, ka vaka na savu ni wai ni drodrova sobu e
dua na baba tonidromuca (steep). 5 Na ka kece qo era na yaco baleta ga na nona
talatalaidredre o Ya'akove, kei na
ivalavala ca ni vale i Isira'yili. Ia na cava na ivalavala ca i Ya'akove? E sega beka ni o Shomorono? Na cava na
ivalavala ca i Ya'huda? E sega beka ni o Yerushalayimi. 6 Qori na vuna Au na
vukici Shomorono kina me vaka e dua na qele sa siviyarataki, e dua na vanua me
na dau tei kina na loga ni vaini: au na qai binia cake na kena veivatu me dua
na suva (heap), ka vakavotuya na kedra veiyavu. 7 Na nona ivakatakarakara buli
kece era na vorolaki vakamatailalai kei na nona veikalou matakau era na vakamai
kecekece e na bukawaqa kei na nona veitikina ni sokalou au na vakalalai ira;
Baleta qori era a kumuna vata mai na isau ni saqamua, ia era na vakasukai kece
tale, e na isau ni saqamua.
8 ¶ Qori au na vakaloloku kina ka
qoqolou, au na taubale niu sega ni vakaivava ka luvawale; Au na tagi vaka na
jekaele, ka tagiyaso vaka na lulu. 9 Baleta na nona mavoa e na vutu vakalevu;
na leqa levu sa yaco i Ya'huda; e na yaco i na nodra matamata na noqu tamata
mai Yerushalayimi. 10 Ni kakua ni
mamarau mai Qata; kakua sara ga ni tagi mada ga; e na loma ni vale mai
Beiti-Le’afara, ni vakatoqiqi o kemuni vakataki kemuni i na kuvu ni soso 11
Toso yani, o iko na itaukei totoka; o a lako luvawale mai, ia o a sega ni
vakamaduataki o kemuni na itaukei kei Tasa'ana; na nomu mavoa e na tautauvata
kei na nei Beiti-Ha'etezela 12 Baleta o
koya na itaukei vakabebe sa oca e na nona waraka tiko na vinaka; baleta na
leqalevu sa sobu mai vei Yahuwe (YHWH) i na matamata mai Yerushalayimi. 13 Oni sa vesuka na ose i na qiqinivala, o
kemuni na itaukei kei Lakishi; o kemuni oni a itekivu ni ivalavala ca vei ira
na luveyalewa i Saiyoni; baleta mai vei kemuni e a kune na ivalavala ca nei
Isira'yili. 14 O koya oya oni na solia
laivi kina na iyaya nei Moreshete-Qata; na tikina ni veika lasutaki sa yaco me
ra lasutaki kina na tui Isira'yili. 15 Ia au na kauta mai vei iko e dua na kemu
isosomi; o iko na itaukei kei Maresha: o Koya e na vakacerecerea na lagilagi i Isira'yili me tawa mudu. 16 Tasia na ulumu mo pori, cavuta laivi na
drauniulumu e na vukudra na nomu lalai vakamareqeti; vakarabailevutaka na cou
me vaka edua na ikeli; baleta era sa kau laivi vakavesu mai vei iko.
Oqo na veivosa nei Aqu na
luvetagane i Yake, o koya e a parofisai qai ciqoma na kaukaua, e kaya vei
Iti'liyili; 2 E ka dina niu ulu malumalumu, ka sega vei au na yalomatua vaka
tamata. 3 Au sega ni kila na vuku, kau se sega talega ni vulica na nodra kilaka
na tamata yalosavasava. 4 Kaya mai vei au, o cei e sa cabe oti i lomalagi, ka
sa lesu sobu mai? O cei e sa bau qumia na cagi e ligana? O cei sa bau bukia na
wai e na nona itavoi? O cei e a tekia na
iyalayala kece kei vuravura? O cei na yacana; o cei na yaca i luvenatagane,
kevaka o rawa na tukuna mai?
Raica moni vakavinavinaka vei
Yahuwe (YHWH), o kemuni kecekece na dauniveiqaravi nei Yahuwe (YHWH), era dau
tu e na veibogi, e na vale i Yahuwe (YHWH).
2 Laveta cake na ligamuni vaka i na yasana tabu, vakavinavinaka vei
Yahuwe (YHWH). 3 O Yahuwe (YHWH) e na vakalougatataki iko mai Saiyoni, oya sara
ga o koya e a buli i lomalagi kei vuravura.
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
349 Blog No. 1443
|
December 15, 2011.
|
|
Reading
|
Hebrew Date
|
|
Kishlev 19, 5772
|
|
|
Click The Bible Text To
Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
No comments:
Post a Comment