Thought: The Terrible Day Of YHWH Comes, Turn
To YHWH Now
Serving
For Yom HaShee-shee, Kishlev 13, 5772
Uvuca na biukila mai
Saiyoni, vakatagica na alamu e na Noqu ulunivanua tabu; laivi ira era tawavanua
me ra sautaninini; baleta na Siga i Yahuwe (YHWH) sa yaco mai; 2 Na siga ni
butobuto kei na rarawa bibi sa voleka, na siga ni o kei na butobuto vavaku, me
vaka na o ni mataka e kovuta na veiulunivanua; e na yaco mai vei ira e dua na
matatamata kaukaua ka vakaitamera; era se
bera ni bau laurai vakadua eliu, ka na
sega talega ni laurai tale e muri, e na veitabayabaki ni veitabatamata. 3 Na
bukawaqa e vakamakama yani e matadra; ia mai dakudra talega e caudre tiko edua
na yameyame ni bukawaqa: na vanua e na vaka na iteitei o ldeni e matadra, ia e
dakudra, e na vaka e dua na veikauloa laladidi; e na sega ni dua na ka me na drobula mai vei ira. 4 Na
kedra irairai e vaka na irairai ni ose; ka vaka na dauvodoose ni ra cici. 5 Me
vaka na rorogo ni qiqi ni valu, e ladeva tubu na dela ni ulunivanua, me vaka na rorogo ni
yameyame ni bukawaqa ni yameca na vunisila madu, era vakataki ira na qaqa era
sa tuvani tu vakaivalu. 6 E matadra, o
ira na tamata era na sautaninini; na mata kece era na taqaya ka veilecayaki. 7
Era na cici me vaka na tamata qaqa; era na kabata na bai lalaga me vakataki ira
na tamata ni ivalu; era na qai tayabe na tamata kece e na kena ivalavala
rakorako, era na sega ni toso laivi mai na nodra ituvatuva. 8 Era sega talega
ni veidrigidrigi; ia era na tayabe e na nodra dui iyatu. ke so vei ira era lutu
baleta na bibi ni yaragi, e sega ni dua e na butuki ira. 9 Era na lako cake i
loma ni korolevu; era na cici talega e na dela ni bailalaga, Era kaba cake i
loma ni veivale; era na kabata na veivale ka curu yani e na katubaleka me vaka
na daubutako. 10 E na uneune na vuravura e matadra, na lomalagi e na sakure; na
siga kei na vula e na vakabutobutotaki, na kalokalo era na tabonaka na nodra
remoremo. 11 O Yahuwe (YHWH) e kaila vei ira na nona mataivalu baleta o koya e
ka levu; ka vakaitamera na cakacaka e vakavatukanataka na vosa e tukuna: baleta
na siga i Yahuwe (YHWH) e vakaitamera ka vakadomobula; o cei e na vosota rawa?
12 ¶ O koya oqo, e kaya kina o
Yahuwe (YHWH), Lesu mai vei au e na vuniyalomu taucoko, e na lolo kei na
tagitagi kei na vakaloloku. 13 Basuraka na vuniyalomuni, sega ni nomuni isulu;
ka vuki vei Yahuwe (YHWH) na nomuni Kalou (Mighty One), baleta o koya e dau
yalololoma, dau veilomani, dau vosota, ka levu na Nona yaloyalovinaka; o koya e
rawa ni tarova na veileqa lelevu.
Ni sa vakatuburi na kedra iwiliwili na ca, o ira na tamata
era na vakacacani; ia o koya e bulamuria na lawa, e na kalougata o koya.
Era kalougata o ira kece
era rerevaki Yahuwe (YHWH); ka bula muria na nona ivalavala. 2 Baleta o na
kania na cakacaka ni ligamu: o na dau mamarau, e na vinaka vakaoti vei iko. 3 O
watimu e na vaka e dua na vaini vuavuaivinaka e na yasa ni nomu vale: o ira na
luvemu era na vaka na vuni olive vuavuaivinka, era tu vakavolivolita na nomu
teveli; 4 Raica, e na kalougata vakaoqori na tamata e rerevaki Yahuwe (YHWH). 5
O Yahuwe (YHWH) e na vakalougatataki iko mai Saiyoni; o iko o na raica na
vinaka kei Yerushalayimi e na veisiga kece sara o bula tiko kina. 6 Io o na
raica na luvedra na luvemu kei na sautu mai Isira'yili!
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
343 Blog No. 1437
|
December 9, 2011.
|
|
Reading
|
Hebrew Date
|
|
Kishlev 13, 5772
|
|
|
Click The Bible Text To
Read It In Gateway In Another Language Or Version
|
|
No comments:
Post a Comment