Vaqara Na Watina O Ya’akove (Ya’akov Searches For His Wife)

Thought: There Is A Divide Between Obeying and Defying Our Parents Wishes             

..................... 

Serving For Yom Shishi Tevet 18, 5772

MAI NA TORAA (FROM THE TORAH)

Qori a qai kacivi Ya'akove kina o Yi'sake, vosa vakalougatataki koya, oti qai vakaroti koya ni kaya vua, O iko mo kakua ni taura me dua na watimu mai vei ira na luvedra yalewa o ira na Kena'ani: 2 Cavu tu, lako i Padana-Arama, i na vale nei Be'tu'yili, na tama i tinamu; qai lai digitaka mai keya me dua na watimu mai vei ira na luveyalewa i Levani, na ganei tinamu. 3 Me vakalougatataki iko na Kalou kaukaua (Shaddai) ka vakavuna mo vakaluveni vakalevu, me vakalevutaka na kemu iwiliwili, mo qai yaco mo dua na kawatamata levu; 4 Ka me qai solia  na veivakalogatataki nei Avarahama vei iko kei ira na nomu kawa era na muri iko mai, mo na qai taukena vakaitaukei talega na qele o vakaitikotiko kina, ka ni a solia o Yahuwe (YHWH) vei Avarahama. 5 Sa qai talaci Ya'akove o Yi'sake, me lako i Padama-Arama vei Levani, na luve i Be'tu'yili na Arami, na ganei Rivika, na tinadrau o Ya'akove kei Esava.

6 ¶ Ia ni raica o Esava ni sa vosa vakalougatataki Ya'akove na tacina o Yi'sake, qai talai koya i Padana-Arama me lai digitaka e dua na watina mai keya; e na nona vosa ni  veivakalougatataki, a vakarota vua, Raica mo kakua ni vakawatitaka e dua vei ira na luvedra yalewa na Kena’ani; 7 O Ya’akove a vakarorogo vei rau o tamana kei tinana qai lako i Padana-Arama; 8 O Esava, ni raica ni o Yi'sake na tamana, e sevaki ira na luvedra yalewa na Kena’ani; 9 A qai lako o Esava vei Yisima'yili, na luvei Avarahama, qai lai tauri Basimati, na luveyalewa i Yisima'yili, na luvetagane i Avarahama, na ganei Na'vayota, me watina, me ikuri ni watina tale eso.

10 ¶ O Ya'akove a qai biubiu mai Bi'a-Sheva e na nona ilakolako i Harana. 11 A qai yaco i na dua na vanua, sa mani moce mai keya e na bogi ni siga oya, baleta sa dromu na matanisiga; a qai taura e dua na vatu ni vanua oya qai vakayagataka oqori me nona ikali, oti sa qai koto sobu e na vanua oya me moce. 12 A qai tadra, ka raica, e dua na ikabakaba ni duri tu mai vuravura, ia a yaco sara i lomalagi na muana e cake; qai raici ira na malaka'yimi  ni Kalou (Mighty One) ni ra kaba cake ka siro sobu tiko mai kina. 13 Oti qai, raica, ni duri tu mai na muana e cake o Yahuwe (YHWH), qai kaya mai, O au o Yahuwe (YHWH) na Kalou (Mighty One) i Avarahama na tamamu, ka Kalou (Mighty One) i Yi'sake; na vanua o davo toka kina qori au na solia vei iko kei ira na nomu kawa; 14 Ia o ira na nomu kawa era na lewe levu me vaka na kuvu ni qele e vuravura; o na qai tete yani vaka i na vuaicake kei na vuaira kei na vualiku ka vaka i na ceva; ia e na vukumu kei ira na nomu kawa, o ira na veimatatamata kece e vuravura era na vakalougatataki. 15 Ia raica, au sa tiko vata kei iko, au na taqomaki iko tiko e na veivanua kece  o na lako kina, ia au na qai vakalesui iko mai i na vanua oqo; au na sega ni biuti iko, me yacova niu sa vakayacora na veika au kaya tiko qo vei iko.

Na iVakatekivu (B’resheet) 28:1-15

NA IVAQA NI BULA (FOOD FOR THE SOUL)

I luvequtagane, kakua ni cata na veikuitataki nei Yahuwe (YHWH); kakua ni vakacauoca e na vuku ni nona veivakatavulici. 12 Baleta o koya e lomana o Yahuwe (YHWH) o koya oqori e na vakadodonutaka, me vaka na tama e vakadodonutaki luvena tagane.

Vosa Vakaibalebale (Mishlei) 3:11-12

LOMANI YAHUWE NA NOMU KALOU (LOVE YHWH YOUR MIGHTY ONE)

Vei Yahuwe (YHWH) au biuta na noqu inuinui; o na qai kaya rawa vakacava vei au; Dro me vaka na manumanu vuka vakatabana i na veiulunivanua? 2 Baleta, raica o ira na ca era sa loveca  na nodra dakaititi, era sa vakarautaka na gasau me ra dreta na kena wa, me ra vanai ira na yalododonu, e na loma ni butobuto. 3 Baleta kevaka era sa vakacacana na yavu sa vakarautaka oti tu o Yahuwe (YHWH), na cava beka era na cakava rawa na yalododonu?

4 ¶ O Yahuwe (YHWH) e tiko e na nona vale tabu; na idabedabe vakatui nei Yahuwe (YHWH) e tiko mai lomalagi; na yaloka ni matana e rai tiko, na bekabeka ni matana e vakadeuca tiko na luve ni tamata. 5 O Yahuwe (YHWH) e vakatovolei ira na yalododonu kei ira era ivalavala ca; na yalona e sevaki ira era taleitaka na itovo kaukaua. 6 Na tudai e na lutu sobu vei ira na tamata ca me vaka na uca; na bukawaqa, na salafa kei na cagilaba dauvakacaca e ivotavota ni medra bilo. 7 Baleta o Yahuwe (YHWH) e yalododonu, ka dau taleitaka ga na ivalavala dodonu: na matana e wanonovi ira tiko era yalododonu.

Same (Tehellim) 11:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
013 Blog No. 1473	January 13, 2012.
Reading	Hebrew Date
Na iVakatekivu (B’resheet) 31-32	Tevet 18, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.