Na Sere Ni Vakamuduo (A Song of Praising)

Thought: YHWH Is The Engineer; When We Wish To Cross To Safety

H

....................... 

Serving For Yom Rishon, Sh’vat 13, 5772

MAI NA TORAA (FROM THE TORAH)

O Moshe kei ira na Isira'yili, era qai lagata na sere oqo vei Yahuwe (YHWH), ni ra kaya, Au na laga sere vei Yahuwe (YHWH), ni sa na Nona na qaqa cecekia; na ose kei ira era dau vodoka, e kolotaki ira i loma ni wasaliwa. 2 O Ya (Yl) e noqu kaukaua ka noqu sere, ka sa yaco oqo me neimami ivakabula, o koya e neimami Kaukaua (Yl) keimami na vakamolimoli vua; na nodra Kalou (Mighty One) na neimami qase; keimami na vakacerecerei koya 3 O Yahuwe (YHWH) na qaqa ni ivalu, o Yahuwe (YHWH) na yacana. 4 Na qiqinivala i Fero kei ira na nona mataivalu e ceburaki ira i loma ni wasaliwa; na nona tamata doudou era a lomoci i loma ni Wasa Sufa  5 E a buluti ira e na wai titobu, era qai lutu dromu i botona me vaka na vatu. 6 Na ligamuni imatau, i Yahuwe (YHWH), e sa lagilagi e na qaqa, na ligamuni imatau i Yahuwe (YHWH) sa vakadrukai ira na kemuni meca 7 Mai na vakaitamera ni nomuni Sau oni sa vakadrukai ira kina era sevaki kemuni; oni vakatauca na nomuni leva, qai vakamai ira me vaka na vunisila madu. 8 Ni tacoka mai na icegu mai na  ucumuni, na wai era a veibinibini cake; na wai seuseua, a tucake vakadodonu me vaka na ilatilati kulinisipi, na butoni wasawasa a qai vuki me buturara dei. 9 E kaya na meca, Au na muri tikoga, au na tobotobo, au na vota na itoki ni valu; na noqu bula (soul) e na tilomi ira; au na ucuna na noqu seleiwau, na ligaqu e na vakarusai ira. 10 Ia oni a vakaliwava na nomuni cagi, qai lomoci ira na wasawasa; era qai dromu me vaka na uma i ruku ni wasawasa vakaitamera. 11 O cei e tautauvata kei kemuni, i Yahuwe (YHWH) e na kedra maliwa na qaqa? O cei e tautauvata kei kemuni, e na nomuni savasava, dokai kei na vakavinavinakataki, e na nomuni cakacaka veivakurabuitaki? 12 Oni laveta cake na ligamuni imatau, qai tilomi vakadua o vuravura. 13 O kemuni, e na nomuni yalololoma oni a liutaki ira na tamata oqo oni sa vueti ira: oni a tuberi ira e na nomuni kaukaua, moni kauti ira mai i na nomuni itikotiko tabu.

Na Lako Yani (Sh’mot) 15:1-13

NA IVAQA NI BULA (FOOD FOR THE SOUL)

O koya oya, kemuni na noqu lalai, moni rogoci au kina, vakayacora na vosa ni gusuqu. 25 Kakua ni laiva na vuniyalomuni me goleva na nona sala, kakua ni lako sese mo muria na nona gaunisala; 26 Baleta o koya e sa vakabalea e levu era vuetaki; io e levu na tagane qaqa era sa moku mate oti mai vua. 27 Na gaunisala i nona vale era gaunisala i She’ola,  era lako sobu tiko i na veivale ni mate.

Vosa Vakaibalebale (Mishlei) 7:24-27

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na Same. E dua na Same me baleta na vakatabui ni valetabu. Maivei Davide 2(1) Au na vakavinavinaka vei kemuni, i Yahuwe (YHWH), baleta oni a laveti au cake, oni qai sega ni solia vei ira na kequ meca me ra marau e na vukuqu.3(2) I Yahuwe (YHWH) na noqu Kalou (Mighty One),  au a vaqarai kemuni, oni qai vakabulai au. 4(3) Oni sa kauta cake mai She'ola na noqu bula (soul); oni vueti au meu kakua ni lai duavata kei ira era siro tiko i loma ni qara;  5(4) Lagasere vei Yahuwe (YHWH) kemuni na nona digitaki, vakavinavinaka ni oni nanuma na nona yalosavasava cecekia, 6(5) Baleta e kune na veivakadodonutaki e na nona cudru, kei na bula e na nona yalovinaka; na tagitagi e rawa ni dua taucoko na bogi, ia na marau e na yaco mai ni sa kida na mataka.

7(6) ¶ E na noqu sa qai tiko vinaka, au kaya kina, Au na sega vakadua ni yavalati. 8(7) Kemuni na Kalou (Mighty One) e na nomuni veitokoni oni sa vakataudeitaka kina na noqu dokai: e na gauna oni vukica laivi kina na matamuni, au sota leqa. 9(8) Au tagici kemuni, i Yahuwe (YHWH); vei Yahuwe (YHWH) au cabora na noqu vakatamamasu. 10(9) Na cava na beteni noqu vakadavea na noqu dra, meu naulu i na vuca? Na kuvunisoso e sega ni vakavinavinaka rawa vei kemuni, ka na sega ni tusanaka na nomuni dina. 11(10) Ni rogoca, kemuni na Kalou (Mighty One) ka bau yalolomani au; I Yahuwe (YHWH) ni mai noqu dauniveivukei. 12(11) Oni sa vukica e na vukuqu, na noqu vakaloloku, meu sa reki; oni sa luvata laivi na noqu isulutaga ka vakasulumi au e na mamarau; 13(12) O koya oqori, au na seretaka tiko kina na noqu vakavinavinaka vei kemuni, kau na sega ni tiko vagagalu. I Yahuwe (YHWH) na noqu Kalou (Mighty One) au na solia tiko vei kemuni na vakavinavinaka, me tawamudu.

Same (Tehellim) 30:1(0)-13(12)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
037 Blog No. 1497	February 6, 2012.
Reading	Hebrew Date
Na iLakolako (Sh’mot) 39-40	Sh’vat 13, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.