Na Solevu Ni Lakosivia. (The Passover Feast)

Thought: Remember The Torah And YHWH’s Hands Of Salvation

H

............................ 

Serving For Yom Shabbat, Sh’vat 11, 5772

MAI NA TORAA (FROM THE TORAH)

Vosa o Yahuwe (YHWH) vei Moshe ni kaya, 2 Vakatabui ira vei au, o ira na ulumatua kecekece era a doladola mai na katonigone, e na kedra maliwa na luve i Yisira'yili, ruarua vei ira na tamata vata  kei na manumanu; baleta o ira qo era noqu. 3 Kaya o Moshe vei ira na tamata, Nanuma tiko na siga oqo, oni a biubiu kina mai na vanua o Ijipita, mai na vale ni veivakabobulataki; baleta e na dua na liga kaukaua, o Yahuwe (YHWH) e a kauti kemuni laivi kina mai na vanua oqo; me kakua ni dua na madrai vakaleveni (hametz) e laukana e na siga oqo. 4 E na loma ni siga oqo, oni sa biubiu tiko kina e na vula o Avivi. 5 Me na dau yaco, ni sa kauti kemuni o Yahuwe (YHWH) i na nodra vanua na Kena'ani, na Hiti, na Emori, na Hivi, kei na Yu'vusii, me vaka a bubuluitaka vei ira na tamamuni me solia vei ira, e dua na vanua e dave kina na sucu kei na hani; moni na dau qarava na solevu oqo e na vula oqo. 6 Me vitu na siga na nomuni kania tiko  na madrai e sega ni vakaleveni (matzah), ia e na ikavitu ni siga me dua na solevu tabu vei Yahuwe (YHWH). 7 Na madrai sega ni vakaleveni (matzah) moni kania tiko me vitu na siga; me kakua sara ga ni kune vei kemuni na madrai vakaleveni (hametz); e na loma ni nomuni veiyasana kecekece. 8 O iko mo na tukuna vei luvemutagane  e na siga oya, Oqo e baleta ga na ka levu a cakava vei au o Yahuwe (YHWH) e na gauna au a biubiu kina meu sa lako laivi mai Ijipita. 9 Kena ikur, qo e na dua na ivakatakilakila e ligamuni, ka ivakananumi e na maliwa ni matamuni, me rawa ni dau we we tu ga ni gusumuni na Toraa i Yahuwe (YHWH); baleta e na liga kaukaua, o Yahuwe (YHWH) e a kauti kemuni laivi mai Ijipita. 10  O koya oqo e dodonu kina moni dau bula muria na lawa oqo kei na Toraa oqo e na kena gauna lokuci, mai na dua na yabaki i na dua tale na yabaki.

11 ¶ Qo me na qai yaco e na gauna sa  kauti kemuni o Yahuwe (YHWH) i na nodra vanua na Kena'ani, me vaka a bubuluitaka vei kemuni kei ira na tamamuni, me na solia vei kemuni, 12 Moni vakatabuya me ra nei Yahuwe (YHWH) na ulumatua era doladola maina katonigone, kei ira kece na imatai  mai vei ira na nomuni manumanu; o ira kece na katagane era noqu. 13 Na imatai kecekece vei ira na asa  moni volia e na dua na lami; ia kevaka oni sega ni via volia ia mo na musuka laivi na domona: o ira kece na ulumatua vei ira na tamata e na kedra maliwa na luvemuni moni volia. 14 E na yaco ni tarogi iko o luvemutgane e na gauna maimuri, ni kaya, Na cava beka qo? O iko mo na qai kaya vua, E na liga kaukaua o Yahuwe (YHWH) e a  kauti keda laivi mai Ijipita, mai na vale ni veivakabobulataki: 15 A qai yaco, e na gauna e babamatua kina o Fero, qai sega ni via laivi keda meda lako, ni o Yahuwe (YHWH), a qai vakamatei ira kece na ulumatua mai na vanua o Ijipita, mai na nodra  ulumatua na tamata, me yaco sara i na nodra ulumatua na manumanu; o koya oya au na vakacabora kina vei Yahuwe (YHWH) o ira kece era doladola mai na katonigone era tagane; ia o ira kece na ulumatua vei ira na luvequ tagane au na voli ira lesu. 16 Qo me ra ivakaraitaki e na ligamu ka ivakananumi e maliwa ni matamu; ni a kauti keda laivi mai Ijipita o Yahuwe (YHWH) e na ligana kaukaua.

Na iLakolako (Sh’mot) 13:1-16

NA IVAQA NI BULA (FOOD FOR THE SOUL)

LUVEQUTAGANE taqomaka na noqu vosa, ka maroroya na noqu ivakaro e na lomamu. 2 Bula muria na noqu ivakaro mo bula; kei na noqu ivunau me vaka na yaloka ni matamu. 3 Vauci ira wavokita na domomu; volai ira toka e na papa ni vuniyalomu. 4 Kaya vua na vuku, O iko na ganequ; ia vua na yalomatua, O iko na noqu daunivakasala; 5 Mo rawa ni taqomaki iko mai vua na yalewa tawamacala, vata kei na kaitani dau veicavilaki e na nona vosa.

Vosa Vakaibalebale (Mishlei) 7:1-5

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Davide. Kivei kemuni au tagitagi, noqu Kalou (Mighty One); kakua ni galuvi au tiko, baleta kevaka oni galuvi au tiko, au sa na vakataki ira era lako sobu tiko i loma ni qara. 2 Rogoca na domo ni noqu vakatakekere, niu tagici kemuni; niu dulaka cake na ligaqu vaka i na nomuni valenisoro tabu. 3 Kakua ni wiliki au vata kei ira na tamata ca kei ira era dau cakacakataka na ca; o ira era dau vunautaka na sautu vei ira na wekadra vakaitikotiko; ia na inaki ca e toka e vuniyalodra. 4 Vakaicovitaki ira me veiraurau kei na nodra ivalavala, ka me veiganiti ga kei na nodra ivalavala vakasisila; 5 Baleta ni ra sega ni kila na cakacaka i Yahuwe (YHWH) se na itovo ni cakacaka ni ligana, e na vakarusai ira, ka sega ni toroi ira cake.

6 ¶ Me vakavinavinakataki o Yahuwe (YHWH), baleta ni sa rogoca na domo ni noqu vakatamamasu. 7 O Yahuwe (YHWH) e noqu dauniveivuke ka noqu isasabai; na vuniyaloqu e vakararavi vua, qori au marautaka; au na vakacaucautaki koya e na noqu sere. 8 O Yahuwe (YHWH) e nodra kaukaua na nona tamata, o koya na isasabai ni nodra vueti na nona lumuti. 9 Vakabulai ira na nomuni tamata, i Yahuwe (YHWH) vakalougatataka na nomuni ivotavota oni taukena; tuberi ira talega ka maroroi ira me tawa mudu.

Same (Tehellim) 28:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
035 Blog No. 1495	February 4, 2012.
Reading	Hebrew Date
Na iLakolako (Sh’mot) 34-36	Sh’vat 11, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.