Me Cegu Talega Na Vanua (The Land Must Rest)

Thought: Return To Your Roots On Yoval (Jubilee) Every Fifty Years

 .........................

Serving For Yom Rishon, Adar 10, 5772

MAI NA TORAA (FROM THE TORAH)

O Yahuwe (YHWH) a qai vosa vei Moshe  e na ulunivanua o Saineai, me kaya,  2 Vosa vei ira na kawa Isira'yili mo kaya vei ira, Ni oni sa curu i na vanua au sa solia tiko qo vei kemuni moni taukena vakaiwasewase (inherit); ia moni raica me na vakacegui vakagauna na vanua; na gauna ni vakacecegu (Shabbat) vei Yahuwe (YHWH). 3 Ono na yabaki e rawa vei iko mo teivaka na kemu qele, samaka na nomu loga ni veivaini, ka kumuna vata na kena vuata; 4 Ia na ikavitu ni yabaki me gauna ni vakacecegu, me na vakacegu kina na vanua, vei kemuni qo me nomuni vakacecegu vei Yahuwe (YHWH); moni na kakua kina ni teivaka na nomuni qele se samaka na nomuni loga ni veivaini. 5 Na veika era tubu tale vakataki ira mai na nomuni tatamusuki, moni na kakua ni tamusuka, moni kakua talega ni soqona mai na vaini oni a sega ni samaka; baleta qori na yabaki me cegu kina na vanua. 6 Na veika era tubu tu ga vakataki ira e na gauna e vakacegu tiko kina na vanua e rawa ni oni kania, o kemuni, o ira na nomuni dauniveiqaravi, o ira na nomuni vada, o ira na nomuni tamata cakacaka saumi kei ira na vulagi era tiko vaka kei kemuni. 7 O ira talega na nomuni manumanu  yavaiva, kei ira na manumanu kila era tu e na nomuni vanua; na ka kece e tubu mai kina me kemuni kakana.

8 ¶ O kemuni moni wilika e vitu na yabaki ni vakacecegu, oya me vitu vakavitu na yabaki; na kena ibalavu na vitu na yabaki ni vakacecegu, e vasagavulukaciwa taucoko na yabaki, 9 Oti oni na qai vakavuna me uvu na biukila ni yovela (jubilee) e na ikatini ni siga e na ikavitu ni vula; oya e na siga ni veivakaduavatataki (Yom Kippur or day of atonement) moni na uvuca kina na davui e loma ni vanua raraba. 10 O kemuni moni na vakatatabutaka na ikalimasagavulu ni yabaki, ka moni na kacivaka kina na veisereki vei ira kece na lewenivanua: baleta qori na yabaki ni yovela vei kemuni; moni na lesu kina, na tamata kece, i na veika era dui taukena; ka lesu kece na tamata kece  i na nodra dui matavuvale. 11 Na ikalimasagavulu ni yabaki e na nomuni yabaki ni yovela, moni kakua ni teitei se tamusuka na veika era a tubu ga vakataki ira se kumuna na veivaini oni a sega ni samaka. 12 Baleta qo na yovela; e na yabaki tabu vei kemuni; moni na kania ga na vuata era tubu wale mai na vanua. 13 E na yabaki oqo ni yovela moni na dui lesu kina, na tamata kece, i na veika era dui taukena.

Na Lawa Ni Soro (Wayikra) 23:23-32

NA IVAQA NI BULA (FOOD FOR THE SOUL)

Na vakasisila e na yarataki i na rusa; ia na gagadre ni yalododonu e na vakadonui. 25 Me vaka ni liwa mai vakasauri na covulaca, e na vakakina o ira na tamata ca ni ra na vakarusai me ra  oti vakadua.

Vosa Vakaibalebale (Mishlei) 10:24-25

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na nodra Same na kawa i Kora’aka. 2(1) Vakasausau na ligamuni, kemuni na tamata kecekece; kaila vua na Kalou (Mighty One) e na domo ni qaqa. 3(2) Baleta o Yahuwe (YHWH) Cecere; o koya e dua na tui vakaitamera e vuravura raraba. 4(3) O koya ga e vakamalumalumutaka na veimatanitu e rukuda kei na veivanua i na ruku ni yavada. 5(4) O koya e digitaki keda me noda na ivotavota, e na daumaka nei Ya'akove  o koya e nona daulomani.

6(5) ¶ Na Kalou (Mighty One) sa lako cake e na dua na kaila, o Yahuwe (YHWH) e na rorogo ni davui. 7(6) Seretaka na vakamolimoli vei Yahuwe (YHWH), lagata na vakavinavinaka vua na noda tui. 8(7) Baleta o Yahuwe (YHWH) e tui e vuravura taucoko; seretaka na vakamuduo vua. 9(8) O Yahuwe (YHWH) e lewai ira na tawalotu; o Yahuwe (YHWH) e dabe toka e na nona idabedabe vakatui tabu. 10(9) O ira na daunivakavulewa e na veivanua era sa lesu tale vua na Kalou (Mighty One) nei Avarahama; baleta na lewai kei vuravura e nona ga o Yahuwe (YHWH); o koya e na vakacerecerei cake vakalevu.

Same (Tehellim) 47:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
063 Blog No. 1523	March 4, 2012
Reading	Hebrew Date
Tiko Mai Lekutu (B’midbar) 32-33	Adar 10, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.