O Avimeleki Kei Ira Na Matua. (Avmelekh and The Elders)

Thought: Lack of Integrity Results In Inexplicable In-Fighting and Bickering Leading to Disaster

........................ 

Serving For Shabbat, Tammuz 3, 5772

MAI NA NEVI’IMI RISHONIMI (FROM THE NEVI’IM RESHONIM)

Ni sa tui Yisira'yili tiko o Avimeleki me tolu na yabaki; 23 Na Kalou (Mighty One) a qai tala mai e dua na yalo ca vei Avimeleki kei ira na matua ni She'kehema; o ira na matua ni She'kehema era qai bukiveretaki Avimeleki, 24 Oqo me rawa ni basika cake mai kina na ivalavala kaukaua a cakava vei ira na le vitusagavulu na luve i Yeruba'ala, me qai saumi lesu na nodra dra vei Avimeleki na tacidra, o koya e a vakamatei ira; vata kei ira na matua ni She'kehema, o ira era a vakaukauataka na ligana me  vakamatei ira na tacina.  25 O ira na tagane ni She'kehema era  qai bukia e dua na vere me ra rawai koya kina e na dela ni ulunivanua, oti era qai dau butakoci ira kece era muria mai na gaunisala oya; qori a qai tukuni vei  Avimeleki. 26 O Qa'ali na luve tagane i Ebedi (e dua na bobula) a qai lako mai vata kei ira na tacina, ka lako sara i She'kehema; O ira na matua ni She'kehema era qai biuta na nodra inuinui vua. 27 Era lako i na were, era qai tamusuka  na nodra veivaini, ka butuqaqia na vuanivaini, vakarautaka e dua na kana magiti, era curu i na nona vale na nodra kalou (elohim), era qai kana, era gunu, era qai vakasewasewani  Avimeleki. 28 O Qa'ali na luve i Ebedi (na bobula) a qai kaya, O cei o Avimeleki, o cei o She'kehema e vinakati kina meda qaravi koya? E sega beka ni luve tagane i Yeruba'ala o koya? Ia o Ze'vula e sega beka ni nona tamata? Qaravi ira na tagane ni Hamori na tama i She'kehema. Na cava meda qaravi Avimeleki tiko kina, o keda?  29 Ke a lewa na Kalou (Mighty One) me ra vakarorogo tu vei au o ira na tamata oqo, keu a vakasivoi Avimeleki. Kaya o koya vei Avimeleki, Vakalevutaka na nomu mataivalu, ka lako mai. 30 Ni rogoca o Ze'vula na kovana ni korolevu na vosa i Qa'ali na luve tagane  i Ebedi (na bobula), a qai tubu na nona yalokatakata. 31 A mani tala lo eso na dau kauitukutuku vei Avimeleki o koya me lai tukuni, Raica, o Qa'ali na luve tagane i Ebedi (e dua na bobula) kei ira na tacina era sa lako mai qo i She'kehema; ia mo kila tiko  ni ra sa vakaukauataka na koro levu mai vei iko. 32 O koya oya mo cavutu mai kina e na bogi, o iko kei ira na tamata era tiko vata kei iko, mo mai wawa toka vakaivalu e loma ni vanua. 33 E na mataka ni mataka, e na gauna ga e cadra kina na matanisiga, o iko mo sou sara vakamataka mo qai kaba na korolevu; raica ga, e na gauna me ra qai yavala mai kina, o koya kei ira era tiko vata kei koya me ra valuti iko; o iko o na qai cakava vei ira na cava o via cakava vei ira. 34 O Avimeleki kei ira kece na tamata era tiko vata kei koya era qai cavutu mai e na bogi oya, e na va na kabani era qai lai tuvaivalu me ra sa kabai She'kehema. 35 O Qa'ali na luve i Ebedi (na bobula) a qai curu ituba me lai duri tu e na matamata ni korolevu; o Avimeleki kei ira na tamata era toka vata mai era qai tu me ra sa kabavanua mai. 36 Ni sa raici ira na tamata o Qa'ali, a qai kaya o koya vei Ze'vula, Raica, eso na tamata era sa siro tiko mai na dela ni ulunivanua. Sauma vua o Ze'vula, O iko o raica tiko ga na iyaloyalo ni ulunivanua ni ra vaka na irairai ni tamata. 37 Vosa tale o Qa'ali, ni kaya, Raica, na tamata talega era lako tiko mai na na loma ni vanua, ka dua tale na kabani era toso tiko mai na sala vaka i na vunioki mai Meaonimi. 38 Oti qai kaya tale o Ze'vula, Sa qai evei na gusumu o a kaya kina, O cei o Avimeleki e dodonu kina me da qaravi koya? E sega beka ni o ira na tamata qo o a dau beci ira? Lako sara qo mo lai valuti ira. 39 O Qa'ali a qai lako e matadra na She'kehema, qai lai valuti Avimeleki. 40 A qai cemuri koya o Avimeleki, qai mani dro o koya mai matana, e levu na tamata era a bale, me yaco sara ga i na matamata levu. 41 O Avimeleki a qai lai vakaitikotiko i Eruma; o Ze'vula a qai cemuri Qa'ali kei ira na tacina, me ra kakua ni tiko mai She'kehema. 42 A qai yaco e na siga kadua, ni ra lako i na loma ni vanua o ira na tamata; qori era qai tukuna vei Avimeleki.  43 A qai soqoni ira na nona tamata, qai wasei ira me tolu na kabani vakaivalu, era qai wawa toka mai loma ni vanua, ia qai rai o koya qai raica, ni sa tabili tiko mai na korolevu o ira na tamata; era curu yani mai na koro na tamata; oti qai cavutu me mokuti ira ka vakamatei ira. 44 O Avimeleki kei na kabani e a tiko vata kei koya a qai toso yani vakatotolo i liu; era qai lai tu mai na matamata ni korolevu; ia o ira na lewe ni kabani e rua,  era qai toso i lomanivanua me ra lai vakamatei ira kina. 45 O Avimeleki a vala tiko e na loma ni korolevu e na siga taucoko oya; a qai rawaa na korolevu; vakamatei ira kece na tamata era a vakaitikotiko kina, ka vakarusa na korolevu qai vakamiraka kina na masima. 46 Ni ra rogoca o ira na matua ni valecere mai She'kehema, era qai toso me ra lai vakarurugi e na tabana vakabai kaukaua ni valenisoro i Ela-Be'riti (na nodra kalou (elohim)). 47 Qori a tukuni vei Avimeleki, ni o ira kece na matua ni valecere mai She'kehema era sa sosoqoni vata. 48 O Avimeleki a qai lako cake i na ulunivanua o Zalamoni, oya o koya vata kei ira kece na tamata era a tiko vata kei koya; o Avimeleki a qai taura mai ligana i koya vakataki koya e dua na imatau, qai taya mai e dua na tolonikau mai veikau, qai colata mai tabana, oti qai kaya vei ira na tamata era tiko vata kei koya, Na ka sara ga oni raica niu cakava, ni vakusakusa sara moni cakava talega vaka kina. 49 Era mani dui taya sobu na nodrau dui  tolonikau o ira na tamata, era qai muri i Avimeleki, era qai lai binia vata ka vakama na korolevu e na bukawaqa, me ra vakamai ira kina vakadua na tamata era tiko e na loma ni valecere mai She'kehema, oya e rauta e duanaudolu na tagane kei na yalewa.

Dauniveilewai (Shof’tim) 9:22-49

NA IVAQA NI BULA (FOOD FOR THE SOUL)

O koya e ciqoma na veivaqumi (bribe) e ca vakaoti; baleta o koya e na vakatanitaka na sala ni lewa dodonu.

Vosa Vakaibalebale (Mishlei) 17:23

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na Same i Dawide, I Yahuwe (YHWH), au tagi tiko yani vei kemuni; vakatotolotaka moni sauma maivei au; rogoca na noqu vosa ka ciqomi ira. 2 Laiva na noqu masu me tuva e matamuni me vaka na  imadrali boi vinaka; kei na iloloma ni ligaqu me vaka na  isoro ni vakayakavi. 3 Lesia e dua na ivakatawa, i Yahuwe (YHWH), me ivakatawa ni gusuqu; me yadrava na katuba ni tebenigusuqu. 4 Me kakua kina ni goleva na veika ca na vuniyaloqu, me dau vakayacora na cakacaka duka vata kei ira na tamata era dau cakacakataka na ivalavala vakasisila; kakua ni vakalaiva meu kana masima vata kei ira.

5 ¶ Laivi ira na yalododonu me ra vakatavulici au ka vakadodonutaki au; qori e na dua na cakacaka ni loloma. kakua ni vakatara na nodra waiwai na vakasisila me lumuti kina na uluqu, baleta na noqu masu era dau cabori me saqata na nodra ivalavala vakasisila. 6 Ni sa tarovi na nodra daunilewa e na dua na liga kaukaua, era na rogoca na noqu vosa; baleta era kamikamica. 7 Me vaka na isiviyara e dau cukita me ceburaka na qele, laiva na nodra sui me ceburaki  e na gusu ni ibulubulu. 8 Au laveta cake yani na mataqu vei kemuni, i Yahuwe (YHWH); au sa dau  vakanuinui vei kemuni; kakua ni biliga laivi na noqu bula (soul). 9 Taqomaki au mai ligadra na qaciqacia, baleta era sa tudaitaki au, 10 Laivi ira na vakasisila me ra coko i na nodra lawalawa, ia o au vakataki au, meu lako sivita.

Same (Tehellim) 141:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 174 o/o 1634	June 23, 2012
Reading	Hebrew Date
Yirmeyahu (Jeremaia) 24-25	Tammuz 3, 5772
Click The Bible Text To Read It In Gateway In Another Language Or Version

            

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.