Vinakati Me Dua Na Tui. (Demand To Have A King)

Thought: Due To Leaders’ Unethical Behaviors, People Demand A Change In Administration

 .....................

Serving For Yom Shlishi, Tammuz 27, 5772

MAI NA NEVI’IMI RISHONIMI (FROM THE NEVI’IM RESHONIM)

A qai yaco e na gauna sa qase kina o She'mu'yili, ni a lesi rau na luvena tagane me rau daunilewa vei ira na Yisira'yili. 2 Na yaca ni nona ulumatua o Yo'yili; na yacana na luvena tagane ikarua o Aviya; rau a daunilewa voli mai Bi'eri-Sheva. 3 Ia o rau na luvena tagane rau a sega sara ga ni muria na nona ivakarau, baleta ni rau a vuki laivi me rau matamata ilavo,  me rau dau ciqoma na veivaqumi, rau qai dau vakatanitaka kina na lewa.

4 ¶ Era mani sosoqoni vata o ira na matua ni Yisira'yili, era qai lako vei She'mu'yili i Ramaa, 5 Era qai kaya vua, Raica, o kemuni oni sa qase, ia o rau na luvemu tagane rau sega ni dau muria na nomu ivakarau; o kemuni moni lesia mada vei keda e dua na tui me daunilewa vei keda me vakataki ira na veimatanitu kecekece tale eso. 6 Ia qori a sega ni taleitaka o She'mu'yili, ni ra kaya, Solia vei keda e dua na tui me daunilewa vei keda me vakataki ira na veimatanitu tale eso.  A qai masulaka oqori vei Yahuwe (YHWH) o She'mu'yili. 7 Kaya o Yahuwe (YHWH) vei She'mu'yili, Vakarogoca na domodra na tamata e na veika kece era kaya vei iko; o ira era sega ni besetaki iko, o ira era besetaki au, meu kakua ni veiliutaki vakatui vei ira. 8 Ni dikevi na cakacaka kece era dau cakava, mai na gauna sara au a kauti ira laivi kina mai na vanua o Ijipita, me yaco sara mai e na siga oqo, o ira era vakanadakui au (tiko ga), ka qarava tiko na kalou (elohim) tani, ia qori era sa cakava talega qo vei iko. 9 O koya oqo mo rogoca ga kina na nodra vosa; ia mo tukuna vakabibi sara vei ira, ka vakatakila vei ira na nona lawa na tui e na mai veiliutaka vakatui vei ira.10 O She'mu'yili a qai vakamacalataka na vosa kece i Yahuwe (YHWH) vei ira na tamata era a mai kerea vua me dua na nodra tui. 11 Kaya o koya, Oqo na mataqali lawa e na mai virikotora na tui e mai veiliutaki vakatui vei kemuni; e na tauri ira na luvemu tagane me ra cakacaka vua e na vuku ni nona qiqi ni vala, ka me ra nona tamata dauvodo ose; me rau dau cici ka liutaka na nona qiqi ni vala. 12 E na lesia e na vukuna o koya vakataki koya na iliuliu ni yaudolu, na iliuliu ni yadrau, ni yalimasagavulu kei na yatini; ka vakakina o ira me ra na siviyarataka na nona veiwere, tamusuka na nona vuata, bulia na nona iyaragi ni vala, kei na iyaya ni nona qiqi ni vala.13 E na kauti ira na luvemuni yalewa me ra lai dau ni culacula, dau ni qaqaqi ka dau ni vavavi. 14 E na mai taura o koya na nomuni were vivinaka, kei na nomuni loga ni veivaini kei na loga ni veiolive, qai solia me nodra o ira era nona dauniveiqaravi.15 E na kauta o koya na ikatini ni nomuni vuata kei na nomuni veivaini me solia vei ira na nona turaganivalu kei ira na nona dauniveiqaravi. 16 E na kauti ira talega na nomuni dauniveiqaravi tagane kei ira na nomuni vada, o ira na nomuni cauravou vivinaka, na nomuni asa, qai vakayagataki ira e na nona cakacaka. 17 E na kauta e dua na ikatini ni nomuni sipi; o kemuni oni na qai yaco moni nona dauniveiqaravi. 8 Oni na qai tagica na veivuke e na siga oya baleti ira na nomuni tui, oya o koya oni na digitaka o kemuni vakataki kemuni; ia o Yahuwe (YHWH) e na sega ni tama mai vei kemuni e na siga oya.19 Ia o ira na tamata era a sega ga ni via rogoca me ra muria na vosa i She'mu'yili; era cike ga, Sega, me dua ga na neimami tui; 20 Me rawa ni keimami tautauvata kei ira na veivanua kece, ni mai vakatulewataki keimami na neimami tui, ka liutaki keimami e na neimami ivalu kecekece. 21 O She'mu'yili a rogoca na nodra vosa kecekece o ira na tamata, qai lai tokoruataka e na mata i Yahuwe (YHWH). 22 Kaya O Yahuwe vei She'mu'yili, Rogoca na domodra, lesia vei ira e dua na nodra tui. Kaya o She'mu'yili vei ira na tamata ni Yisira'yili, Ni lako, na tamata yadua, i na nona dui korolevu.

1 Samuela (Sh’mu’yl Alef) 8:1-22

NA IVAQA NI BULA (FOOD FOR THE SOUL)

Na vucesa e na vakavuna na moce lutu; ia na tamata dokadoka e na yaco vua na walokai.16 ¶ O koya e bula muria na lawa e  maroroya na nona bula (soul) o koya vakataki koya; ia o koya e cata na sala dodonu e na mate.

Vosa Vakaibalebale (Mishlei) 19:15-16

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu, E dua na Same i Dawide. 2(1) E na vakacava beka na kena dede, i Yahuwe (YHWH), oni na lecavi au tiko kina? 3(2) E na vakaevei na kena dede meu vosota tiko kina na rarawa e na noqu bula kei na vakaloloma e vuniyaloqu e na veisiga? E vakaevei na kena dede era na vakacerecerei tiko kina o ira na kequ meca, mai vei au? 4(3) Vakatulewa ka rogoci au i Yahuwe (YHWH) na noqu Kalou (Mighty One), vakararamataka na mataqu, deu na qai moce meu sa mate; 5(4) De lakolako era qai kaya na kequ meca, Au sa rawai koya; era qai mamarau kina o ira era dau vakaleqai au, baleta niu sa yavalati. 6(5) Ia o au, au dau vakararavi ga i na nomuni yalololoma; na vuniyaloqu e na mamarau ga e na nomuni veivueti. 6 Au na lagasere vei Yahuwe (YHWH), baleta o koya e sa vueti au.

Same (Tehellim) 13:1(0)-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 198 o/o 1658	July 17, 2012
Reading	Hebrew Date
Yechezk’yl (Isikeli) 29-30	Tammuz 27, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.