Thought: Never Try
To Keep Anything That Is Not Yours
...................
Serving For Yom HaShishi, Av 15,
5772
MAI NA NEVI’IMI
RISHONIMI (FROM THE NEVI’IM RESHONIM)
Sa
mani lai vunitaki koya tiko e na were o Dawide; ia ni sa yaco mai na solevu ni
vula vou (Rosh Chodesh) sa toka sobu sara na tui me kana. 25 Na tui a dabe ga e
na nona idabedabe e yasa ni lalaga, me vaka e na veigauna tale eso; o
Yo'honatani a lako me lai dabe e na dua na idabedabe, o Avenaa a dabe e na yasa i Sha'ula, ia na
idabedabe i Dawide a lala tu ga. 26 Ia o Sha'ula a sega ni kaya e dua na ka e
na siga oya; baleta ni nona nanuma, ni yaco beka vua e dua na ka, de sega tu ni
savasava, ka se bera beka ni vakasavasavataki koya. 27 Ia a qai yaco e na siga tarava, na ikarua
ni siga ni solevu ni vula vou, ni baci lala tale tiko na idabedabe i Dawide; a mani kaya cake sara o Sha'ula vei
Yo'honatani na luvena tagane, A cava na vuna e sega kina ni mai kana na
luvetagane i Yishai, e na siga ruarua, e nanoa vata kei nikua? 28 Sauma o
Yo'honatani ni kaya vei Sha'ula, O Dawide a kerea vakabibi vei au me lako i
Beiti-Lekema; 29 E kaya o koya, Laivi au mada meu lako; baleta na noqu
matavuvale e na cabora tiko e dua na isoro e na korolevu; o ratou na tuakaqu
eratou vakaroti au me tiko talega mai keya; ia qo, kevaka au kunea na
yalololoma e matamu, laiva me lako meu lai raici iratou na tuakaqu. Oya na vuna
e sega ni lako mai kina o koya i na nona teveli na tui. 30 Qori qai tubu kina
na nona cudruvi Yo'honatani o Sha'ula,
qai kaya vua o koya; O iko o dua na luvetagane sakasakavakatani dau
talatalaidredre, o au beka au sega ni kila vinaka ni o taleitaka vakalevu cake
na luvetagane i Yishai; e dodonu mo madua kina, ka ni o vakamaduataka talega
kina na luvawale i tinamu? 31 Na dede ga ni nona bula tiko e vuravura na
luvetagane i Yishai, o iko o na sega ni vakataudeitaki, e na sega talega ni nomu
na matanitu. Qo au sa na talatala me lai kau mai vei au o koya, baleta e sa na
vakamatei dina ga. 32 Sauma o Yo'honatani me taroga vei Sha'ula na tamana, Na
cava na vuna me vakamatei kina o koya? Na cava sara mada a cakava? 33 Qori a
qai laveta kina na nona moto o Sha'ula me sa cokai koya; (e keya) sa qai kila
kina o Yo'honatani ni sa navuca dina tiko o tamana me vakamatei Dawide. 34 A
mani tucake o Yo'honatani mai na teveli e na yalokatakata qai sega ni via kania
e dua na kakana e na ikarua ni siga ni vula; baleta ni lomabibi vakalevu o koya
e na vuku i Dawide, baleta o tamana e vakamaduataki koya.
35
¶ A qai yaco e na mataka lailai, ni a lako o Yo'honatani i na were me lai
sotavi Dawide, rau a sala vata yani kei na dua gonetagane lailai. 36 E kaya o
koya vua na nona gonetagane, Cici, lai kumuna mai na gasau ni dakaititi au na
vanataka yani. Ia ni sa cici yani na gonetagane, a qai vanataka na gasau me
sivi i koya sara. 37 Ia ni sa yaco yani na gonetagane i na vanua a vanataka
kina na gasau ni dakaititi o Yo'honatani, o Yo'honatani a qai kaciva yani na
gonetagane ni kaya, Raica, na gasau ni dakaititi e tiko tale yani i liu vei
iko. 38 E kaciva tale na gonetagane o Yo'honatani ni kaya, Vakatotolo, kakua ni
vakayabeyabe. E kumuna vata ga na gasau ni dakaititi na gonetagane qai kauta
lesu vua na nona turaga. 39 Ia na gonetagane a sega ni kila; o Yo'honatani ga
kei Dawide rau kila na ka oya. 40 O Yo'honatani a qai solia na nona iyaragi vua
na gonetagane qai kaya vua, Lako, kauta yani qori i na korolevu. 41 E na gauna
sa lako oti kina na gonetagane, a qai duri mai o Dawide mai na yasa ni vatu qai
lako mai vei Yo'honatani qai lutu sobu i
na dela ni qele me cuva vakarokoroko vua vakatolu; rau regu, rau qai
veitagicaki; ia o Dawide a levu cake na nona tagi. 42 Kaya o Yo'honatani vei
Dawide, Lako e na vakacegu; baleta o kedaru, daru sa bubului ruarua e na yaca i
Yahuwe (YHWH), ni o Yahuwe (YHWH)e na tiko e na kedrau maliwa o au vata kei
iko, ka vaka kina vei ira na noqu kawa kei ira na nomu kawa, me tawamudu
O koya e talanoataka wavoki na
ka e rogoca, e na vakaraitaka na itukutuku vunitaki, o koya oya mo kakua kina
ni veisa vosa kei koya e dau dolava vakarabailevu na tebenigusuna.
LOMANI YAHUWE NA NOMU KALOU (LOVE YHWH YOUR MIGHTY ONE)
Maivei
Dawide.
2(1)Vakalewai au i Yahuwe (YHWH), baleta au bula tiko e na itovo dodonu, Au
vakararavi talega vei Yahuwe (YHWH); qori au na sega kina ni lomalomarua. 3(2)
Vakadinadinataki au, i Yahuwe (YHWH), vakadeuca na noqu vakasama kei na
vuniyaloqu, 4(3) Baleta na nomuni yalololoma sa tu ga qo e mataqu, au sa lako
tiko e na nomuni vakabauta. 5(4) Au sega ni dau dabe kei ira na tamata itovo
vakasisila; kau sega ni dau veitokani kei ira era dau veivakaisini. 6(5) Au dau
cata na isoqosoqo ni tamata dau cakaca; au sega ni dabe vata kei ira era dau
valavala ca.
7(6)
¶ Au sa savata na ligaqu me savasava kau sa lako wavolivolita na nomuni
icabocabo ni soro i Yahuwe (YHWH); 8(7) Meu rawa ni rogoca na domo ni nomuni
veivakabekabei, oti au qai vakarogoya na
nomuni cakacaka talei. 9(8) Yahuwe (YHWH) au domona na itovo tudei ni nomuni
vale kei na vanua e vakavaletaki tiko kina na nomuni dokai; 10(9) Kakua ni
vakarusai au vata kei ira era dau valavala ca, se na noqu bula kei ira na
tamata dau vakadave dra. 11(10) E toka e ligadra na vakatubu ca, ka vaqumi na
ligadra imatau e na isau ni veidabui. 12(11) Ia o au, au na muria tikoga na
noqu itovo dodonu; vueti au ka lomani au. 13(12) Na yavaqu e tu ga e na vanua
dodonu; e loma ni isoqosoqo au na vakamuduo ga kina vei Yahuwe (YHWH).
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
Blog
No. 215 o/o 1675
|
August
3, 2012
|
|
Reading
|
Hebrew
Date
|
|
Av 15,
5772
|
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
No comments:
Post a Comment