Rogoci Na Masu I Sholomo (Shlomo’s Prayers Heard)

Thought: Sholomo’s Temple Stood, As Long As People Followed YHWH

..................... 

Serving For Shabbat, Tishrei 20, 5773 (6^th Day: Festival of Sukkot)

MAI NA NEVI’IMI RISHONIMI (FROM THE NEVI’IM RESHONIM)

E na gauna sa oti kina na nona tara o Sholomo na vale i Yahuwe (YHWH) kei na vale ni tui, ka sa vakayacora kece na veika a gadreva o Sholomo me cakava, 2 A qai rairai tale vua o Yahuwe (YHWH) e na ikarua ni gauna me vaka na nona a rairai mai Qiva'oni. 3 Kaya o Yahuwe (YHWH) vua, Au sa rogoca na nomu masu, kei na nomu vakatakekere o a cabora mai e mataqu vei au; kau sa vakatabuya na vale qo, o a tara mo vakatatikori kina na yacaqu me tawamudu; io na mataqu kei na vuniyaloqu sa na tiko kina e veiveigauna kece sara. 4 Ia o iko, kevaka o na lako tiko e mataqu, me vaka a dau cakava o Dawide na tamamu e na yalodina kei na ivalavala dodonu mai vuniyalona, mo vakayacora na veika kece me vaka au sa vakarota oti vei iko, mo qai bula muria na noqu lawa kei na noqu lewa; 5 Qori ga au na qai vakataudeitaka kina na nomu matanitu e Yisira'yili me sega ni mudu, me vaka au a yalataka vei Dawide na tamamu, niu a kaya, E na sega ni cala ni na dua na tamata mai vei iko, me dabeca tiko na idabedabe vakatui e Yisira'yili.  6 Ia kevaka oni na vuki tani dina mai na nomuni vakamuri i au, oya o iko se o ira na luvemu, oni qai sega ni bula muria na noqu ivakaro kei na noqu lawa, au sa vakotora no e matamuni, moni qai lako moni lai qaravi ira na kalou (elohim) tani, moni sokalou vei ira;  7 Ia au sa na muduki Yisira'yili mai na dela ni vanua au a solia vei ira; ia na vale oqo au sa vakatabuya e na vuku ni  na yacaqu, au na kolo laivi mai mataqu; o Yisira'yili e na qai yaco me dua na vosa vakaibalebale, me dua na  vosabeci vei ira na veimatatamata; 8 Na vale oqo e na kena cecere, e na  (yaco me laladidi); o ira kece era lako sivia era na kidacala kina ka vakaisaisa; era na qai kaya, Na cava beka na vuna e cakava kina o Yahuwe (YHWH) na veika oqo, i na vanua qo kei na vale qo? 9 Era na qai sauma, Baleta era sa vakanadakui Yahuwe (YHWH) na nodra Kalou (Mighty One), o koya a kauti tamadra laivi mai na vanua o Ijipita, era qai tatakube vei ira na kalou (elohim) tani, me ra sokalou vei ira, ka qaravi ira; qori a qai kauta mai kina vei ira na vei leqa kecekece oqo o Yahuwe (YHWH).

M’lakhim Alef (1 Tui) 9:1-9

NA IVAQA NI BULA (FOOD FOR THE SOUL)

Na soli vakadodonu ni isau ni taro e tautauvata kei na soli ni dua na iregu.

Mishlei (Vosa Vakaibalebale) 24:26

LOMANI YAHUWE NA NOMU KALOU (LOVE YHWH YOUR MIGHTY ONE

NA vucu ni veivakatavulici i Asafa. Solia na daligamuni, kemuni na noqu tamata, i na noqu ivakavuvuli; vakala  na daligamuni i na vei mala ni vosa mai gusuqu. 2 Au na dolava na gusuqu e na vosa vakatautauvata. Au na cavuta na vosa vakatautauvata ni veitabagauna makawa. 3 Na kena eda sa rogoca oti ka kila, na kena era a vakamacalataka vei keda o ira na noda qase, 4 Eda na sega ni vunitaka mai vei ira na nodra lalai, e na noda vakaraitaka vei ira na itabagone vou mai muri, na vakamuduotaki nei Yahuwe (YHWH) bau kina na nona kaukaua kei na veicakacaka vakasakiti e sa cakava oti. 5 Baleta o koya e a tauyavutaka e dua na ilesilesi vei Ya’akove ka virikotora e dua na lawa e Isira’yili, a qai vakarota kina vei ira na noda qase, me ra dau vakatakila vei ira na nodra itabagone vovou: 6 Me rawa vei ira na itabatamata vou me ra na kila tiko, bau kina o ira na lalai era na qai sucu maimuri, me ra na tubu cake ka vakatavulica vei ira na dui luvedra; 7 Me rawa kina vei ira me ra dau tekia na nodra inuinui vua na Kalou (Mighty One), ka sega vakadua ni guilecava  na cakacaka ni Kalou (Mighty One), me ra qai bula muria na nona ivakaro; 8 Me ra kakua kina ni vakataki ira na nodra qase e dua na itabatamata yalovakatani, dau talaidredre; ni ra  a sega ni tekia donu na vuniyalodra, ka sega ni toka dei na yalodra vua na Kalou (Mighty One).

9 ¶ O ira na lalai nei Ifira'yimi, baleta era vakaiyaragi, era veikoloyaka na dakaititi, ka vuki lesu e na ivalu. 10 Baleta era a sega ni muria na veiyalayalati nei Yahuwe (YHWH) ka sega ni via bula muria na nona Toraa; 11 Era qai guilecava na nona cakacaka, kei na nona cakacaka veivakurabuitaki a vakaraitaki e mata i tamadra. 12 Na ka veivakurabuitaki e a cakava e na vanua o Ijipita ka vakakina e na vanua o Zoana. 13 E tawasea na wasawasa o koya, qai vakavuna me ra lako sivia; ka binia cake na wai ni cakava na wai me duri me vaka na lalaga. 14 E na loma ni siga e a liu tiko vei ira e na o, ia e na loma ni bogi e na rarama ni dua na bukawaqa. 15 E dirika na veivatu e loma ni veikauloa qai solia vei ira o koya na wainigunu me vaka mai na dua na toevu titobu. 16 E vakadrodrova na wai mai na vatu, qai cakava me ra drodro sara vakauciwai. 17 Ia o ira na tamata era ia ga na valavala ca, kei na vosa kudrukudru me baleti koya sa cecere sara, e na nodra karamaca kei na nodra gadreva na wai. 18 Era vakatovolei Yahuwe (YHWH) e vuniyalodra e na kere kakana me vakaceguya na nodra gagadre. 19 Io era vosa kudrukudrutaka na Kalou (Mighty One); ni ra kaya, E rawa beka vua na Kalou (Mighty One) me vakarautaka e dua na teveli e na veikauloa? 20 Raica, e samuta na vatu o koya, me coka mai kina na wai, qai vuabale na dreke ni waidrodro; e rawa beka ni solia talega mai na madrai? E rawa beka ni solia talega mai na kakana vei ira na nona tamata? 21 Ia qo a qai rogoca o Yahuwe (YHWH) qai tubu na nona cudru; a qai utu saqati Ya’akove e dua na bukawaqa, qai tubu talega na nodra levaci na Isira’yili; 22 Baleta era sega ni vakabauta na Kalou (Mighty One) ka sega ni nuitaka na nona veivakabulai: 23 E dina ga ni vakarota tiko na o mai cake, ka dolava tu na katuba levu kei lomalagi, 24 Qai vakatauca mai na mana e na vukudra me ra kania, ka ni a solia vei ira na madrai mai lomalagi. 25 Na tamata era a kania na kedra kakana na mala’akimi ka solia mai vakayauyau na manumanu ni vakasasa. 26 E vakavurea na cagi me liwa mai lomalagi; e na nona kaukaua e kauta mai na cagi mai na ceva. 27 E vakatauca vei ira na lewe ni manumanu me vaka na kuvu ni soso, na manumanu vuka me vaka na nuku mai wasawasa. 28 E laiva oqo me ra tau e na loma ni nodra keba, e na veiyasa ni nodra veivalelaca, 29 Era mani kana, ka mamau vinaka; baleta a solia o koya vei ira na ka sara ga era ganova. 30 A sega ga ni mudu rawa na nodra gagano: Ia ni se toka ga e gusudra na kedra kakana, 31 Na leva ni Kalou (Mighty One) sa  yacovi ira, qai vakamatei ira era vutuniyau vei ira, qai cakava vei ira na tamata digitaki e Isira’yili me ra toka vakamaloku.

Tehellim (Same) 78:1-31

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 279 o/o 1739	October 6, 2012
Reading	Hebrew Date
Tehellim (Same) 140-144	M #7: Tishrei 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.