Yahuwe Na Vu Ni Bula (YHWH The Source Of Life)

Thought: Return To YHWH While He Could Be Found!

..................... 

Serving For Yom R’vi’ii, Iyar 21, 5773

(Count The Days Towards Shavu’ot: Today Is Day 32 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

O kemuni kece oni karamaca, lako mai i wai! O kemuni e sega na nomuni ilavo, lako mai, mai volivoli moni kana. Io lako mai! Mai voli waini kei na sucu, e sega ni saumi vakailavo; baleta ni ra soliwale. 2 Na cava moni vakayagataka kina na ilavo e na ka e sega ni kakana, na kemuni isau e na ka e sega ni veivakamamautaki? Vakarorogo matua mai vei au, oni na qai kana vakavinaka, oni na rekitaka na uro ni qele. 3 Dolava na daligamuni, ka lako mai vei au; vakarorogo vakavinaka oni na qai bula; au na bulia e dua na veiyalayalati tawamudu vata kei kemuni, na loloma tawamudu au a yalataka vei Dawide, 4 Au a soli i koya me ivakadinadina  vei ira na tamata, e dua na iliuliu, ka daunilawa vei ira na tamata. 5 O iko mo na kaciva e dua na matanitu o sega ni kila; e dua na matanitu e sega ni kilai iko, e na cici mai vei iko, e na vuku i Yahuwe (YHWH) na nomu Kalou (Mighty One); na Yalosavasava Ledua i Yisira'yili; o koya e na  vakalagilagitaki iko.

6 ¶ Vaqarai Yahuwe (YHWH) ni se kune rawa; kacivi koya e na gauna e se toka voleka kina. 7 Laiva na tamata ivalavala ca me vakanadakuya na nona ivakarau, kei na tamata vakasisila na nona vakasama; laivi koya me lesu vei  Yahuwe (YHWH), baleta o koya e na qai yalololoma vua, laivi koya me lesu vua na noda Kalou (Mighty One) baleta o koya e na veivosoti vakayauyau.

Yeshayahu (Aisea) 55:1-7

NA IVAQA NI BULA (FOOD FOR THE SOUL)

Na tamata e sega ni vakasama e vakabauta na vosa kecega; ia o koya e dau qaqarauni e yalomatuataka na nona ikalawa. 16 ¶ Na tamata vuku e dau rere, qai dau vuki tani kina mai na ca; ia na lialia e dau tu vakaveitalia qai dauvakilakila.

Mishlei (Vosa Vakaibalebale) 14:15-16

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same: Lagata e dua na sere vou vei Yahuwe (YHWH), baleta o koya e sa cakava na veika totoka vakaoti; Na ligana (hand) imatau kei na gauniligana (arm) savasava sa kauta mai vua na qaqa; 2 O Yahuwe (YHWH) sa vakatakila na nona qaqa; e a vakatakila ni ra rai vinaka kece sara tu ga na veimatanitu, ni donu ga na nona ile. 3 E vakananuma lesu na nona loloma kei na nona yalodina vei ira [e] na yavusa i Yisira'yili. O ira kece mai na iyalayala kei vuravura era sa raica na qaqa ni noda Kalou (Mighty One).

4 ¶ Kaila e na vakamolimoli vei Yahuwe (YHWH), i vuravura taucoko! Vakayaco marau, lagasere ni reki, lagalaga sere ni vakavinavinaka. 5 Lagasere vei Yahuwe (YHWH) vata kei na hapi; vata kei na hapi kei na domo ni ivakatagi memela! 6 E na biukila kei na rorogo ni shofa, kaikaila e na mamarau e matana na tui o Yahuwe (YHWH). 7 Laiva na wasawasa me vadugu, vata  kei ira era vakasinaita tu; na vuravura kei ira era kece era vakaitikotiko kina. 8 Laiva na dobui me ra vakacobocobo; laivi ira na veiulunivanuna me ra seresere vata e na mamarau, 9 E na mata i Yahuwe (YHWH); baleta o koya e sa lako mai, me mai lewai vuravura vakadodonu, kei ira na tamata, [me lewa] vakatautauvata.

Tehillim (Same) 98:1-9

O Yahuwe (YHWH) [o koya] na tui; laivi ira na tamata me ra sautaninini. O koya e dabe toka e na kedrau maliwa na ke'ruvimi; laiva na vuravura me sakure! 2 O Yahuwe (YHWH) e vakaitamera mai Zaiyoni; o koya e cecere cake vei ira na tamata kecekece. 3 Laivi ira me ra vakavinavinakataka na yacamuni vakaitamera dau dokai; [baleta ni savasava vakaoti]. 4 Kemuni na tui oni dau taleitaka na lewa dodonu, oni a tauyavutaka na lewa matau, na lewa dodonu kei na yalododonu vei Ya'akove. 5 Vakacerecerei Yahuwe (YHWH) na noda Kalou (Mighty One)!  Cuva sobu o kemuni vakataki kemuni i na itavatava ni yavana, (o koya e savasava vakaoti) 6 O Moshe kei Aharoni e na kedra maliwa na nona kohanimi vata kei She'mu'yili  e na kedra maliwa o ira era dau kaciva na yacana; era dau kaci vei Yahuwe (YHWH), o koya e qai dau tama mai vei ira. 7 E a vosa vei ira o koya e na duru o; era qai bula muria na nona ivakavuvuli kei na lawa e a solia vei ira o koya. 8 I Yahuwe (YHWH) neimami Kalou (Mighty One) oni qai tama vei ira. Vei ira, o kemuni oni Kalou (Mighty One) dauveivosoti, e dina ga ni oni dau veisausaumi vei ira e na nodra caka ca. 9 Vakacerecerei Yahuwe (YHWH) na noda Kalou (Mighty One), cuva sobu yani vaka i na nona ulunivanua tabu; baleta o Yahuwe (YHWH) na noda Kalou e savasava vakaoti!

Tehillim (Same) 99:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 222 in 5773 (Total 1949)	May 1, 2013
Reading	Hebrew Date
Y’hoshua (Joshua) 13-14	M #2: Iyar 21, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.