Thought: Yerushalayim Was Completed
Ignored Due To Her Disobedience To YHWH
......................
Serving For Yom Chamishi, [Fourth Month] Tammuz 12, 5773
MAI NA
NEVI’IMI AKARONIMI FROM THE NEVI’IM ACHARONIM)
Sa qai kaya vei au o Yahuwe
(YHWH), Kevaka mada ga me rau mai tu e mataqu o Moshe kei She'mu'yili, na
vuniyaloqu e na sega tiko ga ni golevi ira na tamata oqo! Cemuri ira laivi mai mataqu, kauti ira laivi mai ke! 2 Ia e na
gauna era qai taroga kina vei iko se vanua cava e dodonu me ra lako kina,
tukuna vei ira ni kaya vakaoqo o Yahuwe
(YHWH); O ira era lesi me ra mate i na mate! O ira era lesi me ra sotava na seleiwau, i na seleiwau!
O ira era lesi me ra sotava na dausiga, i na dausiga! 3 Au na lesia vei ira e
va na mataqali (itotogi) e kaya o Yahuwe (YHWH); na seleiwau me veivakamatei,
na koli me veiyarataki laivi, na manumanu vakatabana ni macawalala kei na
manumanu kila me ra veitilomi ka veivakarusai. 4 Au na cakavi ira me ra dua na
[ivakatakilakila] ni domobula vei ira na veimatanitu e vuravura, e na vukuna
sara ga o Ma'nashe na luvetagane i Hizikiyahu na tui Ya'huda, baleta na ka a
cakava o koya mai Yerushalayimi. 5 O cei sara mada e na lomani iko i
Yerushalayimi? O cei e na vakaloloku e na vukumu? O cei e na vuki me vakataroga na ituvaki ni nomu bula? 6 O iko o
sa besetaki au, e kaya Yahuwe (YHWH). O iko o sa toso tale tiko vakanadaku. O
koya oya au sa dodoka tiko yani kina na ligaqu meu saqati iko, au sa oca na
vueti iko tiko, qo au sa na vakarusai iko. 7 E na mataiwalu (winnowing fork) au
sa ceburaki ira tiko i na matanicagi e na matamata ni vanua; au na
vakararawataki ira, niu vakarusai ira na noqu tamata, baleta era sega ni vuki
tani mai na nodra ivalavala. 8 Na [iwiliwili ni] nodra yada sa na torocake me
levu cake mai na mataninuku e matasawa; e na sigalevu au sa na kauti ira tiko
mai kina na dauvakacaca vei ira na tinadra na cauravou, meu vakavuna me kovuti
koya vakasauri na vutugu kei na domobula.9 Na tinadra e le vitu na luvetagane,
e na malumalumu [sobu] ka cegu di e na veilecayaki; na nona matanisiga sa dromu, ni se siga tu ga na vanua; o koya e sa
na biu me vakamaduataki ka veilecayaki.
Ia o ira na kedra vo, au na soli i ira i na seleiwau, vei ira na kedra meca, e
kaya o Yahuwe (YHWH).10 Na leqa levu sa yaco vei au, i tinaqu; baleta ni o a
vakasucumi au, e dua na tagane e vu ni veisei kei na veisevaki, e loma ni vanua
taucoko! Au sega ni dau soli dinau se tauri dinau, ia o ira kece era dau rukaki
au ga. 11 Kaya o Yahuwe (YHWH), Au yalataka niu na sereki iko vakadua, au
yalataka niu na cakavi ira na kemu meca me ra mai vakatakekere vei iko e na
gauna e yaco mai kina na gauna ca kei na leqalelevu.
NA IVAQA NI BULA (FOOD FOR THE SOUL)
E dua na icaba e na vakaraitaka
tiko na nona loloma e veigauna kecekece; ia o tacina e a sucu me [veivuke] e na
gauna sara ga ni tu leqaleqa.18 ¶ O koya
e solia na ligana me ivakadei ni nona dinau na wekana vakaitikotiko e lailai
vua na vakasama maucokona.
LOMANI YAHUWE NA NOMU KALOU (LOVE YHWH YOUR MIGHTY ONE
Haleluya! Solia na
vakamuduo i na yaca i Yahuwe (YHWH)! Kemuni na dauveiqaravi i Yahuwe (YHWH)
solia na vakavinavinaka! 2 O kemuni oni tucake tu e na loma ni vale i Yahuwe
(YHWH, e na loma ni bai ni nona vale na noda Kalou (Mighty One). 3
Vakacaucautaki Ya (Yah); baleta o Yahuwe (YHWH) e vinaka; lagaseretaka na
yacana, baleta qori e dau ka talei.4 Baleta o Ya (Yah) a digitaki Ya'akove me
nona kei Yisira'yili me nona iyau talei.
5 ¶ Au kila ni o Yahuwe (YHWH) e
vakaitamera baleta na noda Sau (Sovereign) e cecere cake mai vei ira kece na veikalou (elohim). 6 O Yahuwe (YHWH) e
cakava ga na veika cava ga e vakamarautaki koya, mai lomalagi, e vuravura, e wasawasa kei na veiyasana titobu kece sara. 7 E
vakatubura cake na o mai na iyalayala kei vuravura; e cakava na yaseyase me
lidi e na uca; qai yauta mai na cagi mai na nona lololo. 8 A samuti ira na
ulumatua mai Ijipita, ruarua na tamata kei na manumanu. 9 O koya a tala yani na
nona ivakatakilakila kei na veika veivakurabuitaki i na kemuni maliwa, i
Ijipita me saqati Fero kei ira kece na nona dauniveiqaravi. 10 O koya e a
samuta e levu na veimatanitu qai vakamatei ira na tui kaukaua; 11 O Sikoni na
nodra tui na Emori, o 'Oqa na tui Bashani kei na veimatanitu kece sara vei ira
na Kena'ani; 12 Oti qai solia na nodra vanua me ivotavota, me ra na taukena o
ira na Yisira'yili na nona tamata. 13 I Yahuwe (YHWH) na yacamuni e na tudei tu
me tawamudu; kei na kemuni irogorogo, i Yahuwe (YHWH), e na veitabatamata
kecekece sara. 14 Baleta o Yahuwe e na vakaraitaka ni ra tawacala na nona
tamata, e na qai lomani ira na nona dauniveiqaravi.
15 ¶ Na nodra kalou matakau na
veimatanitu, era siliva ka koula wale,
era bulia na liga ni tamata. 16 Era vakagusu, ia era sega ni vosa rawa;
e tu na matadra ia era sega ni rai rawa; 17 Era vakadaliga ia era sega ni
vakarorogo rawa; ka sega talega na icegu e loma ni gusudra. 18 O ira na tamata
era a buli i ira era na yaco me ra tautauvata kei ira, vata kei ira kece era
dau vakanuinui vei ira. 19 Kemuni e na loma ni vale i Yisira'yili
vakavinavinaka vei Yahuwe (YHWH)! Kemuni e na loma ni vale i Aharoni,
vakavinavinaka vei Yahuwe (YHWH)! 20 Kemuni e na loma ni vale i Livai,
vakavinavinaka vei Yahuwe (YHWH)! O kemuni oni rerevaki Yahuwe (YHWH)
vakavinavinaka vei Yahuwe (YHWH)! 21 Me vakavinavinakataki o Yahuwe (YHWH) mai
Zaiyoni, o koya e vakaitikotiko mai Yerushalayimi! Haleluya!
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
Blog
No. 271 in 5773 (Total 1998)
|
June
20, 2013
|
|
Reading
|
Hebrew
Date
|
|
M
#4: Tammuz 12, 5773
|
|
|
Click The Bible Text To Read
It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
No comments:
Post a Comment