Na Kawa I Yonadave (Yonadav’s Descendants)

Thought: Obedience YHWH Wants, Found In Yonadav’s Descendants, The Rekhavims

 .....................

Serving For Yom R’vi’ii, [Fifth Month] Av 24, 5773

 MAI NA NEVI’IMI AKARONIMI (FROM THE NEVI’IM ACHRONIM)

Na vosa oqo a yaco mai vei Yiremeyahu maivei Yahuwe (YHWH) e na gauna i Yo'hoyakimi, na tui Ya'huda na luvetagane i Yoshaiyahu, ni kaya, 2 Lako i vei ira na Rekavimi, vosa vei ira, kauti ira i na loma ni dua na loqi e na loma ni vale i Yahuwe (YHWH), qai solia vei ira eso na waini me ra gunuva. 3 Au a mani kauti Ya'azanaya na luvetagene i Yiremeyahu, na luvetagane i Havazinaya, o ira na tacina, o ira kece na luvena kei ira kece na Rekavimi; 4 Au qai kauti ira i loma ni vale i Yahuwe (YHWH), i loma ni nodratou loqi na luvetagane i Hanani, na luvetagane  i Yiqidalayahu, e dua na tamata ni Kalou (Mighty One). Qo e toka vei tikivi kei na nodra loqi na vakailesilesi, e toka e na dela ni loqi i Ma'aseiya na luvetagane i Shalumi, na ivakatawa ni matamata. 5 E keya au vakarautaka e matadratou na lewe ni matavuvale i Rekhavimi, e vica vata na  saqa waini kei na bilo, au qai kaya vei ira, Gunuva mada eso na waini. 6 Ia ratou qai kaya, Keitou na sega ni gunu waini; baleta o Yonadave na luvetagane i Rekava na neitou itubutubu, a vakarota vei keitou: O kemuni moni na kakua ni gunuva na waini, oya me vauci kina o kemudou vata kei ira kece na nomudou kawa me tawamudu. 7 O kemudou mo dou kakua talega ni tara vale [me nomudou]; kaburaki sore ni itei se teitei, se taukeni loga ni veivaini. Ia mo dou na dau vakaitikotiko voli ga e na valelaca;  me rawa ni dou na bula dede e na loma ni vanua, dou na lai vakaitikotiko kina vakavulagi. 8 Qori keitou bula muria tiko kina  na vosa i Yonadave na luvetagane i Rekava na neitou itubutubu, e na veika kece  a vakarota vei keitou o koya me keitou cakava, oya o keitou, o ira na wati i keitou, o ira na luvei keitou tagane, kei ira na luvei keitou yalewa. 9 Me keitou kakua ni taravale me keitou vakaitikotiko kina: me keitou kakua ni vaka loganivaini, vaka were, se vaka loganisila; 10 Keimami sa dau vakaitikotiko voli ga e na valelaca, keimami sa dau bula muria tu ga na veika e vakarota vei keimami o Yonadave na neimami itubutubu.11 Ia e na gauna a lako cake mai kina o  Ne'vukadreza na tui Bavela, me mai kabaa na vanua oqo, keimami qai kaya, Mai, tou mai toso i Yerushalayimi; qo baleta keimami a domobulataka na nodra mataivalu na Kasidimi kei na nodra  mataivalu na Arama; qori keimami sa mai vakaitikotiko kina qo  e Yerushalayimi.

12 ¶ Oti oya, na vosa i Yahuwe (YHWH) a qai yaco mai vei Yiremeyahu, 13 O Yahuwe ni lewevuqa (YHWH-Tzva'ot) na Kalou (Mighty One) i Yisira'yili e kaya [mo] lako vei ira na tagane ni Ya'huda kei ira era vakatawani Yerushalayimi tiko qai kaya [vei ira], Oni na sega beka ni vulica moni rogoca na noqu vosa, e taroga o Yahuwe (YHWH). 14 Na vosa nei Yonadave na luvetagane i Rekava, e a vakaroti ira kina na luvena me ra kakua ni gunu waini e a  vakamuri; o koya oya, me yacova mai na siga oqo era se sega vakadua ni bau gunu, baleta era a muria na vosa nei tamadra. Ia o au, au sa dau vosa tiko vakawasoma vei kemuni; ia oni sega ga ni vakarogoci au.  15 Au sa talai ira talega yani vei kemuni o ira kece na noqu dauniveiqaravi na parofita, au talai ira yani vakawasoma vata kei na itukutuku oqo, O kemuni yadudua moni vuki lesu mai, mai na nomuni dui ivalavala ca, moni vakavinakataka cake na nomuni cakacaka, ka moni kakua ni vakamuri i ira na veikalou tani, oni qai dau qaraviira. Qori ga oni na qai vakaitikotiko voli ga kina e na vanua au a solia vei kemuni kei ira na tamamuni. Ia oni sega ni bau vakatudaliga se vakarorogo maivei au.16 Baleta raici ira na luve i Yonadave, era a vakamuria vakayalodina na ivakaro mai vei tamadra, e na veika a vakaroti ira kina; ia o ira na tamata qo era sega ni bau vakarorogo mai vei au: 17 O koya oqori, e  kaya kina o Yahuwe ni lewevuqa (YHWH Tzva'ot), na Kalou (Mighty One) ni Yisira'yili: Au sa na vakayacora vei Ya'huda kei ira kece na na ivakatawa i Yerushalayimi na ca kece au sa vakatauca me saqati ira;  baleta niu a vosa vei ira, ia era sega ni rogoca; au qai kaci yani vei ira, ira era qai sega ni bau tama mai. 18 Ia vei ira na mataqali Rekavimi, o Yiremeyahu e kaya, Oqo na ka e kaya o Yahuwe ni lewevuqa (YHWH Tzva'ot), na Kalou (Mighty One) i Yisira'yili; Baleta ni oni a talairawarawa i na ivakaro i Yonadave na nomuni qase, oni qai  bula muria na lewa  a vakarota vei kemuni moni cakava; 19 Qori a kaya kina vakaoqo o Yahuwe ni lewevuqa (YHWH-Tzva'ot) na Kalou (Mighty One) i Yisira'yili; O Yonadave na luvetagane i Rekava e na sega vakadua ni sega na nona kawa me mai tu e mataqu.

Yiremeyahu (Jeremaia) 35:1-19

NA IVAQA NI BULA (FOOD FOR THE SOUL)

Na daliga dau vakarorogo, kei na mata dau vakararai, o Yahuwe (YHWH) a buli i rau ruarua.

Mishlei (Vosa Vakaibalebale) 20:12

LOMANI YAHUWE NA NOMU KALOU (LOVE YHWH YOUR MIGHTY ONE

E vukuna na iliuliu. E dua na same i Dawide 2(1) Me dau rogoci iko mada ga o Yahuwe (YHWH) e na siga ni rarawa;  me dau taqomaki iko mada ga na yaca ni Kalou (Mighty One) i Ya'akove. 3(2) Me vakauta mada ga mai vei iko mai na nona vale tabu na veivuke, ka me solia mada ga vei iko na veitokoni mai loma i Zaiyoni. 4(3) Me bau nanuma mada ga o koya na nomuni imadrali laukana ka ciqoma na uro ni nomu isorokama. (Selaa) 5(4) Me vakadonuya mada ga vei kemuni o koya na gagadre ni vuniyalomuni qai cakava na nomuni vakananavu kece me rawa vakaoti. 6(5) Qori eda na qai kaikaila kina e na mamarau e na nomuni qaqa, ka vakarewataka na noda kuila e na yaca ni noda Kalou (Mighty One). Me vakadonuya mada ga o Yahuwe (YHWH) na nomuni kerekere taucoko.

7(6) ¶ Qo au sa qai kila ni o Yahuwe (YHWH) e solia mai na qaqa vei ira na nona lumuti, o koya e na tama mai  vua, mai na nona lomalagi tabu, e na qaqa vakaitamera e na ligana imatau.8(7) Eso era vakararavi i na qiqi ni ivalu, eso i na ose, ia o keda eda vakacaucautaka na yaca i Yahuwe (YHWH) na Kalou (Mighty One). 9(8) O ira, era na vakacuvari sobu era qai bale; ia o keda eda na vakamatari cake meda tu vakadodonu. 10(9) Solia mai na qaqa i Yahuwe (YHWH)! Laiva na tui me tama mai vei keimami e na siga keimami kaci yani kina.

Tehillim (Same) 20:1-10

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.312 in 5773 (Total 2039)	July 31, 2013
Reading	Hebrew Date
Yesha’yahu (Isaiah) 49-50	M #5: Av 24, 5773
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Yalayala Me Dau Vakayacori (Vows Should Always Be Kept)

Thought: When YHWH Promises, Rules And/Or Commands, He Will Make Them Happen!

 .......................

Serving For Yom Shlishi, [Fifth Month] Av 23, 5773

 MAI NA NEVI’IMI AKARONIMI (FROM THE NEVI’IM ACHRONIM)

Qori a qai lako mai kina na vosa oqo i Yahuwe (YHWH) vei Yiremeyahu qai kaya kina o Yahuwe (YHWH): 13 Oqo na ka e kaya o Yahuwe (YHWH), na Kalou (Mighty One) i Yisira'yili; E na gauna au kauti ira laivi mai kina na nomuni itubutubu mai na vanua o Ijipita, na vanua era a tu kina vakabobula, au a qai vakaduria na veidinadinati oqo vata kei ira: 14 E na icavacava ni veiyavitu na yabaki, o kemuni kece moni na [dau] sereki ira na tacimuni era Iviriu, era a volitaki vei kemuni ka ra sa cakacaka oti vei kemuni me ono na yabaki. O kemuni moni laivi koya me sa galala mai vei kemuni. Ia o ira na nomuni itubutubu, era a sega ni vakarorogo vei au, se galele mada ga [mai vei au]. 15 Oti oni sa qai veivutuni, oni qai cakava na ka e donu e na noqu rai, e na gauna oni a tusanaka yadudua kina na veisereki vei ira na kai nomuni; oti oni qai vakaduria na kena veidinadinati e mataqu, e na loma [sara ga] ni vale e vakayacani tu e na yacaqu. 16 Ia oni qai veisautaka tale na nomuni vakasama. Qo oni sa vakadukara sara na yacaqu, o kemuni yadua, e na gauna oni tauri ira lesu tale mai kina na nomuni bobula tagane kei na bobula yalewa, oni a sa vagalalataki ira oti me ra lai bula e na kena ivalavala cava ga era gadreva, oni qai kauti ira lesu mai i na nomuni lewa me ra bobula tikoga. 17 O koya oqo e qai kaya kina o Yahuwe (YHWH): Oni sega ni rogoci au, moni tusanaka na tugalala, o kemuni yadudua vei ira na dui tacimuni, ka vaka kina vei ira na wekamuni vakaitikotiko;  ia oqo au sa na tusanaka vei kemuni na tu galala, e kaya o Yahuwe (YHWH), e na seleiwau, na matedewa kei na dausiga. Au na cakava moni dua na ka vakadomobula vei ira na veimatanitu e vuravura. 18 Ia me baleti ira na tagane era a vorata na noqu veiyalayalati, e na nodra sega ni bula muria na veitiki ni veidinadinati era a bulia e mataqu, e na gauna era a musuka rua kina na luvenibulumakau, me ra qai levea me ra bula e na maliwa ni tikina e rua, 19 Oya o ira na iliuliu e Ya'huda, na iliuliu e Yerushalayami, o ira na vakailesilesi, o ira na kohanimi kei ira kece na tamata e loma ni vanua, era a lako sivia na maliwa ni tiki ni luve ni bulumakau; 20 Au na soli i ira laivi i ligadra na kedra meca, meu soli i ira vei ira era vaqara mai na nodra bula; ia na yagodra mate e na qai kedra kakana na manumanu vakatabadra ni macawa lala kei na manumanu kila [ni vanua]. 21 Ia o Zidikiyahu na tui Ya'huda kei ira na nona vakailesilesi, au na soli i ira i ligadra na kedra meca, oya o ira era vaqara mai na nodra bula vata kei ira na lewe ni nona mataivalu na tui Bavela, era a sa tu vakasuka oti. 22 Au na solia na kena ivakaro, e kaya o Yahuwe (YHWH), au na qai cakava me ra lesu tale mai i na korolevu oqo. Era na mai kabaa, vesuka ka vakama vakadua i na dela ni qele;  au na cakava na veikoro lelevu i Ya'huda me ra laladidi, ka sega ni tawani.

Yiremeyahu (Jeremaia) 34:12-22

NA IVAQA NI BULA (FOOD FOR THE SOUL)

Na itovo ni dua mada ga na gone lailai e kilai mai na veika e dau cakava, oya ke savasava vakaoti se dodonu na veika e dau cakava.

Mishlei (Vosa Vakaibalebale) 20:11

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na same i Dawide. 2(1) Na lomalagi e tusanaka tiko mai na lagilagi i Yahuwe (YHWH); na veika buli e na macawalala era vakatakila na cakacaka ni ligana. 3(2) Na veiveisiga era vosa cake kei na veibogi era vakaraitaka na kilaka, 4(3) E sega ni dua na itukutuku se na vosa e sega ni rogo kina na domodra, 5(4) Na nodra itukutuku vinaka sa tete yani e vuravura raraba, na nodra vosa i na iyalayala kei vuravura. E viria na nona valetabu e na matanisiga e  kedra maliwa, 6(5) O koya e vaka na taganevou, e curu tiko mai nona loqi, ka mamarau me vaka na tamata kaukaua e vakarau lai veitaucici. 7(6) Na nona veitosoyaki e tekivu mai na icadracadra kei lomalagi, na nona wavoki e na yaco i na [kena] iyalayala; e sega ni dua na ka e vunitaki rawa mai na cawa ni nona icegu.

8(7) ¶ Na lawa nei Yahuwe (YHWH) e daumaka vakaoti, e na saumaka na bula; na yalayala i Yahuwe (YHWH) e rawa ni nuitaki; e na vakavuna me ra yalomatua na cauravou. 9(8) Na veilawa i Yahuwe (YHWH) e dodonu, e dau vakamarautaka na vuniyalo; na ivakaro i Yahuwe (YHWH) e savasava vakaoti, e vakararamataka na mata. 10(9) Na vakarokorokotaki i Yahuwe (YHWH) e savasava, e tudei me tawamudu; na lewa i Yahuwe (YHWH)  e dina ka donu vakaoti. 11(10) Era gadrevi vakalevu cake mai na koula; io mai na vatu talei talega; e kamikamica cake mai na hani vata kei na qanihani. 12(11) Mai vei ira, me kena ikuri, era vakasalataki kina na nomuni tamata e na ka oqo: ke vaka me bula muria, e na vakaicovitaki vakalevu sara. 13(12) O cei e kila se cava na tacaqe?  Vakasavasavataki au mai na noqu veicala vuni tawamacala. 14(13) Taqomaka na nomuni tamata mai na douvaki ni ivalavala ca; me kakua ni tini me lewai au; qori au na qai vakasavasavataki kina mai na noqu ivalavala ca; 15(14) Laiva na vosa ni gusuqu kei na vakanananu ni vuniyaloqu me ciqomi e na nomuni rai, i Yahuwe (YHWH), na noqu dauniveivukei kei na noqu iVakabula.

Tehillim (Same) 19:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.311 in 5773 (Total 2038)	July 30. 2013
Reading	Hebrew Date
Yesha’yahu (Isaiah) 47-48	M #5: Av 23 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

YIsira’yili kei Tui Zidikiyahu (Yisra’yl And King Tzidkiyahu ).

Thought: Yisra’yl Biggest Weakness Was, She Could Not Keep Her Promises!

 ............................

Serving For Yom Sheini, [Fifth Month] Av 22, 5773

 MAI NA NEVI’IMI AKARONIMI (FROM THE NEVI’IM ACHRONIM)

Na vosa oqo a lako mai vei Yiremeyahu mai vei Yahuwe (YHWH), e na gauna era a valuti Yerushalayimi tiko kina vata kei ira na kena veikoro lelevu, o  Ne'vukadreza na tui Bavela, na nona mataivalu taucoko, o ira na nona matanitu lalai vata kei ira kece na nona tamata. 2 O Yahuwe (YHWH), na Kalou (Mighty One) i Yisira'yili e kaya mo lai vosa vei   Zidikiyahu na tui Ya'huda. Tukuna vua ni kaya o Yahuwe (YHWH); Au na solia laivi na koro oqo i ligana  na tui Bavela, o koya e na qai vakama yavu i na dela ni qele. 3 O iko, o na sega ni dro rawa, ia o na vesu vakaidina mo soli i ligana; na  matamu e na veiraimata kei na matana na tui Bavela, ia o na kau i Bavela. 4 Ia biuta toka mada vakatikitiki oya, rogoca [vinaka] mada ga na vosa i Yahuwe (YHWH) o iko Zidikiyahu na tui Ya'huda. O Yahuwe (YHWH) e kaya oqo me baleti iko: O iko o na sega ni biu [mo mate] e na seleiwau, 5 Ia o na mate ga e na vakacegu; ia me vaka ga ni ra a vakama na ka boi kamica e na vukudra na nomu itubutubu, o ira na tui era liu mai vei iko, o ira talega era na vakama na ka boi kamica e na vukumu me ra qai vakalolokutaki iko, ni ra kaya, Isa na turaga! Qori baleta au sa kaya me vaka kina, e kaya o Yahuwe (YHWH). 6 O Yiremeyahu na parofita a qai cavuta na vosa kece oqo vei Zidikiyahu na tui Ya'huda mai Yerushalayimi, 7 E na gauna a valuti Yerushalayimi vata kei ira kece na korolelevu e Ya'huda era se vo tiko, na nona mataivalu na tui Bavela, oya me wili kina o Lakihishi kei 'Azekaa, baleta o rau ga qo rau a vo tiko e na veikoro lelevu vakabai e Ya'huda. 8 Oqo na vosa a yaco vei Yiremeyahu maivei Yahuwe (YHWH), ni oti na nona  cakava o Zidikiyahu na tui e dua na veiyalayalati vata kei ira na tamata kecekece mai Yerushalayimi, ni na yaco na veisereki. 9 O ira kece e tu na nodra bobula tagane se yalewa era Yiviriu, me ra na sereki ira ka vagalalataki ira, ka me kakua ni dua e maroroya tale tiko vakabobula e dua na Yiviriu, na nona kai. 10  O ira kece na iliuliu kei ira kece na tamata, era vauci tu e na veiyalayalati, era a vakarogoca, baleta ni kainaki kina, ni [tamata] kece me ra na sereki ira na nodra dui bobula tagane se bobula yalewa, me ra sa tinia kina na veivakabobulataki. 11 Ia e muri, era qai veisautaka na nodra vakasama; era qai cakava na nodra bobula tagane se yalewa era a sa sere oti, me ra kau lesu tale, me ra mai cakacaka tale tiko vakabobula.

Yiremeyahu (Jeremaia) 33:17-26

NA IVAQA NI BULA (FOOD FOR THE SOUL)

Na tui e dabe tiko e na idabedabe vakatui ni lewa dodonu, e rawa ni wasea laivi na veika ca, e na nona vakadidike e matana. 9 ¶ O cei mada e na kaya rawa, Au sa vakasavasavataka na vuniyaloqu, au sa savasava vakaoti mai na noqu ivalavala ca? 10 ¶ Na ivakarau ni bibi lasutaki kei na ivakarau ni volivolitaki lasulasu; o Yahuwe (YHWH) e sevaki rau ruarua.

Mishlei (Vosa Vakaibalebale) 20:8-10

LOMANI YAHUWE NA NOMU KALOU (LOVE YHWH YOUR MIGHTY ONE

Era tagitagi, ia e sega ni dua me vueti ira; vei Yahuwe (YHWH) mada ga, ia a sega ni vosa vei ira o koya. 43(42) Au vurumemeataki ira me ra matailalai vaka na kuvunisoso e na matanicagi, ka kolotaki ira me vaka na soso e dela ni gaunisala. 44(43) Oni vueti au mai na nodra veileti na noqu tamata. Oni na cakava meu iliuliu vei ira na tamata; o ira na tamata au sega ni kilai ira era sa veiqaravi tiko vei au (e na gauna) oqo. 45(44) E na gauna ga era rogoci au kina, era talairawarawa sara vei au, o ira mada ga na kaitani era mai vakarorogo vei au. 46(45) O ira na kaitani era yalolailai ni ni ra lako mai vakamaloku mai na nodra valecere taqomaki. 47(46) O Yahuwe (YHWH) e bula tiko! Me vakacaucautaki na noqu uluvatu! Me vakacerecei na Kalou (Mighty One) ni noqu vakabulai. 48(47) Na Kalou (Mighty One) ga e veisausaumi e na vukuqu qai vakamalumalumutaki ira na tamata era sa vakarorogo tu qo e rukuqu. 49(48) O koya e vueti au mai vei ira na kequ meca. Oni laveti au cake e deladra na kequ meca, oni vueti au mai vei ira na tagane ivalavala kaukaua. 50(49) O koya oya au na vakavinavinaka kina vei kemuni, i Yahuwe (YHWH) e na kedra maliwa na veivanua; au na lagata  na vakamolimoli i na yacamuni. 51(50) Na veivueti vakavakaitamera e dau solia o koya vei ira na nona tui; e vakaraitaka na yalololoma vei ira na nona lumuti; vei Dawide kei ira na nona kawa me tawamudu.

Tehillim (Same) 18:42-51

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.310 in 5773 (Total 2037)	July 29. 2013
Reading	Hebrew Date
Yesha’yahu (Isaiah) 45-46	M #5: Av 22 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veiliutaki Na Kawa I Dawide (Dawid’s Descendants Will Rule).

Thought: If Day And Night Do Not Happen, Then, Dawid’s Kin Will Not Rule!

 .............................

Serving For Yom Rishon, [Fifth Month] Av 21, 5773

 MAI NA NEVI’IMI AKARONIMI (FROM THE NEVI’IM ACHRONIM)

Baleta qo na ka e kaya o Yahuwe (YHWH), E na sega vakadua ni muduki laivi mai vei Dawide e dua na tamata me tawana [tiko] na idabedabe vakatui i Yisira'yili; 18 E na sega talega ni muduki laivi vakadua mai vei ira na kohanimi era L'vi'im, e dua na tagane me dau mai tu e mataqu, me cabora na isorokama, vakama na isoro laukana kei na isoro tale eso e veiveisiga. 19 Na vosa oqo i Yahuwe (YHWH) a lako mai vei Yiremeyahu: 20 Oqo na ka e kaya o Yahuwe (YHWH); Kevaka oni rawa ni voroka na noqu lewa me baleta na bogi, se na noqu lewa me baleta na siga; me rau sa kakua ni basika mai na lomanisiga se na lomanibogi [e na kena gauna lokuci]. 21 Ia na noqu veiyalayalati vata kei [koya] na noqu dauniveiqaravi o Dawide sa na rawa talega ni voroki, oya me  kakua ni dua na [nona] kawa e veiliutaki tiko vakatui mai na nona idabedabe vakatui, se dua na Li'vi'imi era kohanimi me mai veiqaravi vei au. 22 Me yaco i na kena iyacoyaco, ni ra na sega ni wili rawa o ira na lewe ni mataivalu mai lomalagi, ka sega ni vakarautaki rawa na mataninuku e waitui, o au, au na vakalevutaka na kedra iwiliwili na nona kawa na noqu dauniveiqaravi o Dawide, kei ira na  Li'vi'imi me ra na dau veiqaravi vei au. 23 Na vosa i Yahuwe (YHWH) oqo a yaco mai vei Yiremeyahu, 24 Oni se sega beka ni vakasamataka na vosa era kaya tiko na tamata oqo, ni o Yahuwe (YHWH) sa vakanadakui rau na matavuvale e rua, a digitaki rau taumada? Qori era sa sevaki ira kina na noqu tamata, ka sega ni wiliki ira ni ra dua na matanitu. 25 Oqo na ka e kaya o Yahuwe (YHWH); Kevaka au a sega ni vakadeitaka na noqu lewa me baleta na siga kei na bogi, ka tekia dei na lawa me vauca  na lomalagi kei na vuravura,   26 Ia [qori ga] au na qai vakanadakui ira kina na kawa i Ya'akove kei ira era kawa i Dawide na dauniveiqaravi, oya meu sa sega ni digidigi mai vei ira na nona kawa, o ira na tamata me ra na vakavulewa vei ira na kawa i Avarahama, Yi'sake kei Ya'akove. Baleta au na vakavuna na nodra kau lesu mai o ira era a kau vakavesu, au na qai vakaraitaka vei ira na yalololoma.

Yiremeyahu (Jeremaia) 33:17-26

NA IVAQA NI BULA (FOOD FOR THE SOUL)

Na tamata yalododonu e na bulataka e dua na bula e kune ga kina na ivalavala vinaka (integrity); era na kalougata kina o ira na luvedra era muri i ira mai.

Mishlei (Vosa Vakaibalebale) 20:7

LOMANI YAHUWE NA NOMU KALOU (LOVE YHWH YOUR MIGHTY ONE

Ia me baleta na Kalou (Mighty One), na nona sala e daumaka vakaoti, na vosa i Yahuwe (YHWH) sa vakatovolei oti e na bukawaqa; e taqomaki ira kece era kunea na nodra vakarurugi mai vua. 32(31) Se o cei tale na Kalou (Mighty One) vakavo ga o Yahuwe (YHWH)?  O cei na uluvatu, vakavo ga na noda Kalou (Mighty One). 33(32) O Yahuwe (Yah) sara ga a vauca na toloqu e na kaukaua, e cakava me dodonu na noqu sala. 34(33) E cakava meu totolo, yava dei me vaka na dia, e rawa kina vei au meu tu e na noqu tikina cecere. 35(34) E vakatavulica na ligaqu e na ivalu me yacova ni sa rawa ni loveca e dua na dakaititi barasa na ligaqu. 36(35) Oni solia vei au na nomuni isasabai, oqori na veivueti; na ligamuni imatau e tabei i au cake, na nomuni yalomalumu e vakavuna vei au meu vakaitamera. 37(36) Oni vakabalavutaka na ikalawa au rawa ni lakova, ia e sega ni tamoi na noqu qurulasawa. 38(37) Au na cemuri ira na kequ meca, au qai toboki ira; au sega ni vuki lesu me yacova ni ra sa vakarusai. 39(38) Au na vakadasilataki ira, me ra kakua ni tucake rawa tale; era bale sobu e ruku ni yavaqu. 40(39) Baleta oni a tokoni au e na kaukaua, me baleta na ivalu, ka vakacuvari ira era saqati au e rukuqu. 41(40) Oni cakavi ira na kequ meca me ra vuki vakanadaku me ra qai dro, au qai vakarusai ira era dau cati au.

Tehillim (Same) 18:31-41

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.309in 5773 (Total 2036)	July 28, 2013
Reading	Hebrew Date
Yesha’yahu (Isaiah) 43-44	M #5: Av 21 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Gauna Ni Marau Mai Yisira’yili (Time of Joy In Yisra’yl)

Thought: Thanksgiving Will Be Heard Again When United Yisra’yl Is Restored!

Serving For Shabbat, [Fifth Month] Av 20, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oqo na ka e kaya o Yahuwe (YHWH); Oni kaya ni vanua oqo sa laladidi tu, ka ni sega [ni kune] na tamata se na manumanu e na loma ni veikoro levu e Ya'huda ka vaka kina e  na veitolo ni sala ni korolevu o Yerushalayimi era sa laladidi tu, ka ni sega kina na tamata se na manumanu, sa sega ni dua me tawana tu na vanua. ia e na dua na gauna e na rogo take eke, 11 Na domo ni reki kei na mamarau, na domodra na taganevou kei na yalewavou; kei na domodra o ira era lagata [na sere], Solia na vakamuduo vei Yahuwe ni lewevuqa (YHWH-Tzva'ot): baleta o Yahuwe (YHWH) e vinaka, na nona loloma e tudei me tawamudu; e na gauna era kauta mai kina na isoro ni vakavinavinaka i loma ni vale i Yahuwe (YHWH). Baleta o au, au na vakavuna me ra kau lesu mai o ira era a kau vakabobula mai na vanua oqo, me vaka e liu, e kaya o Yahuwe (YHWH). 12 O Yahuwe ni lewevuqa (YHWH-Tzva'ot) e kaya; E na vanua oqo, e sa laladidi tu baleta ni sega ni kune kina  na tamata se na manumanu, ka vaka kina na kena veikoro lelevu tale eso; ia era sa na kune tale kina na vanua ni vakanasipi, era na rawa ni vakacegui ira kina na nodra qeleni manumanu o ira na kena ivakatawa. 13 E loma ni veikoro lelevu e na veidelana, na veikoro lelevu e na veibucabuca (She'felah) kei na veikoro lelevu mai na ceva (Negev), oya e na yasayasa vaka Biniyamini, e na veivanua wavolivoliti Yerushalayimi kei na veikorolelevu e Ya'huda, na sipi era sa na toso tale e ruku ni ligadra o ira era dau wiliki ira, e kaya o Yahuwe (YHWH). 14 Eke, na veisiga sa roro mai, e kaya o Yahuwe (YHWH), niu na vakayacora na noqu yalayala vivinaka, au cavuta e na vukudra na matavuvale i Yisira'yili kei na matavuvale i Ya'huda. 15 Ni sa yaco mai na veisiga oya, e na gauna oya, au na cakava me tubu cake vei Dawide e dua na tabana yalododonu. O koya e na vakayacora  na lewadodonu kei na veika e donu e loma ni vanua. 16 Ni sa yaco mai na veisiga oya, o Ya'huda e na vueti, kei Yerushalayimi sa na tiko vinaka: ia na yaca era na kacivi koya kina, o Yahuwe na noda yalododonu (YHWH Tzidkenu)

Yiremeyahu (Jeremaia) 33:10-16

NA IVAQA NI BULA (FOOD FOR THE SOUL)

E dua na tamata vucesa e na sega ni via siviyara e na vula ililiwa; ia e na gauna ni tatamusuki,  ni veiraiyaki, e na qai sega ni raica e dua na ka. 5 ¶ Na inakinaki dina ni  vuniyalona e [dua na tamata] e tautauvata kei na wai titobu;  ia na tamata e tu vua na yalomatua e rawa ni cauraka cake mai.

Mishlei (Vosa Vakaibalebale) 20:4-6

LOMANI YAHUWE NA NOMU KALOU (LOVE YHWH YOUR MIGHTY ONE

E tala yani o koya, na nona gasau ni dakaititi, qai vakatubutaki ira; e vakalevutaka na tibi ni yaseyase ka vakidroataki ira.16(15) Qai la la na drekeniwai, na yavu kei vuravura era a votu ni oni vunauca i Yahuwe (YHWH), ni cabolo mai na icegu mai na qara ni ucumuni. 17(16) E a talatala mai cake o koya, e tarai au qai dreti au cake mai na wai titobu; 18(17) E vueti au o koya, mai vei ira na  kequ meca qaqa, mai vei ira era cati au, baleta era kaukaua cake mai vei au. 19(18) Era saqati au mai e na siga ni noqu leqalevu, ia o Yahuwe (YHWH) a veitokoni mai vei au. 20(19) A qai kauti au mai o koya i na dua na vanua galala, e a vueti au, baleta ni kune marau e na vukuqu.

21(20) ¶ O Yahuwe (YHWH) a  vakaicovitaki au, e na vuku ni noqu dau dodonu; e sausaumi lesu mai vei au baleta ni savasava tu na ligaqu. 22(21) Baleta au dau bula muria na sala i Yahuwe (YHWH), au sega ni bau caka ca e na noqu vakanadakuya na noqu Kalou (Mighty One). 23(22) Baleta na nona lewa kecekece era tu e mataqu, au sega ni yawaka na nona ilesilesi mai vei au. 24(23) Au a savasava mai vuniyaloqu, vata kei koya, ka taqomaki au mai na noqu ivalavala ca [o koya]. 25(24) Qori a qai vakaicovitaki au kina o Yahuwe (YHWH) me veiraurau kei na noqu ivalavala dodonu, me veiraurau kei na savasava ni ligaqu e na nona rai. 26(25) E na kedra maliwa na dau yalololoma, o kemuni oni dau yalololoma sara vakaoti; vata kei na dua na tamata yalodina, o kemuni oni dau yalodina.  27(26) Vata kei ira era savasava, o kemuni oni savasava; ia vei ira era yaloveve, o kemuni oni na lawaki ca. 28(27) Vei ira na tamata era rarawa o kemuni oni na veivueti; ia vei ira era qaciqacia o kemuni oni na veivakalolovirataki. 29(28) Baleta o kemuni i Yahuwe (YHWH) oni waqaca na noqu icina; i Yahuwe (YHWH) noqu Kalou (Mighty One) oni vakararamataka na noqu butobuto. 30(29) Vata kei kemuni, au rawa ni cici basikata e dua na mataivalu ni tamata, vata kei kemuni na noqu Kalou (Mighty One) au rawa ni ladeva e dua na [bai] lalaga.

Tehillim (Same) 18:15-30

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.308 in 5773 (Total 2035)	July 27, 2013
Reading	Hebrew Date
Yesha’yahu (Isaiah) 41-42	M #5: Av 20 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yisira’yili Kei Ya’huda (Yisra’yl And Y’hudah)

Thought:Through The Uniting Of Yisra’yl and Y’hudah, YHWH Will Be Known!

.............................

Serving For Yom HaShishi, [Fifth Month] Av 19, 5773

 MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a yaco maivei  Yiremeyahu me ikarua ni gauna, [e na gauna] a sogobutu tu kina e nodra lomanibai na ivakatawa: 2 A vaka qo na ka a kaya o Yahuwe (YHWH) na dauniveibuli, o Yahuwe (YHWH) o koya  e a bulia [na lomalagi raraba] me rawa ni lewa tikoga; o Yahuwe (YHWH) na yacana: 3 Kaci mai vei au, au na qai tama yani vei iko, au na vakatakila vei iko na veika lelevu, na ka vuni o se sega ni kila. 4 Baleta oqo, na ka e kaya o Yahuwe (YHWH) na Kalou (Mighty One) i Yisira'yili, me baleta na veivale e na korolevu oqo; kei na nodra veivale vakatui na tui Ya'huda, era sa vakarau basu me ra vakayagataki e na kena tara na vatavata kei na suva ni tuvaivalu, 5 E na vanua era na lako mai kina me ra mai valuti ira na Kasidimi: Na veivanua oqo era na vakasinaiti kina na yago mate ni tamata, au na samuti ira tiko e na noqu leva kei na cudru waqawaqa, o ira kece, era vakavuna, meu vunitaka na mataqu mai na korolevu oqo, e na vuku ni veika vakasisila era dau cakava. 6 Ia, au na qai kauta mai vei ira na bula kei na veivakabulai; au na vakabulai ira ka vakatakila vei ira na sautu kei na dina me vakalevu sara. 7 Au na cakava me ra lesu mai o ira na vakabobulataki vei ira na kawa Ya'huda kei ira na vakabobulaki vei ira na Yisira'yili, au na qai buli i ira cake tale me vaka ga eliu. 8 Au na vakasavasavataki ira mai na nodra ivalavala ca kecekece, e a vakavuna na nodra vakacudrui i au; au na qai vosota na nodra ivalavala ca taucoko, e a vu mai kina na nodra vakacudrui i au ka saqati au. 9 E na gauna oqori, na yaca ni korolevu oqo e na kauta mai vei au na reki, na    vakavinavinaka kei na dokai e matadra na veimatanitu kece e vuravura, o ira era na rogoca na veika vivinaka au na cakava tiko vei ira; era na luvuci e na domobula kei na sautaninini e na vuku ni veika vinaka, vata kei na sautu au na rawata mai kina.

Yiremeyahu (Jeremaia) 33:1-9

NA IVAQA NI BULA (FOOD FOR THE SOUL)

Na nona rivarivabitaki e dua na tui, e tautauvata na gauna e kudru tiko kina e dua na laione; o koya e vakacudrui koya e na vakaleqa ga na nona bula. 3 ¶  Na levei ni veileti e kauta mai  na dokai vua e dua na tamata; baleta na lialia ga e rawa ni kacabote mai [vakasauri] na nona cudru.

Mishlei (Vosa Vakaibalebale) 20:2-3

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Maivei Dawide, na dauniveiqaravi i Yahuwe (YHWH), o koya e a vagolea na qaqani sere oqo vei Yahuwe (YHWH), e na siga a vueti koya kina o Yahuwe (YHWH) mai na nodra kaukaua na kena meca taucoko, bau kina na kakaua i Sha'ula; 2(1) E na nona kaya, Au na taleitaki kemuni i Yahuwe (YHWH), na noqu kaukaua. 3(2) O Yahuwe (YHWH) e noqu uluvatu, e noqu bailalaga, e noqu dauniveivueti e noqu Kalou (Mighty One), na noqu Uluvatu, au dau kunea vua na noqu vakarurugi, na noqu isasabai, na kaukaua e na vueti au, na noqu i vunivuni cecere. 4(3) Au kacivi Yahuwe (YHWH), o koya e kilikili me vakacaucautaki; au qai vueti mai vei ira na kequ meca. 5(4) Baleta na ivesu ni mate sa wavivigi au tu, na waluvu mai Bi'liya'ala e vakadomobulataki au, 6(5) Na dali mai She'ola e a wavivigi au, na tudai ni mate e viri mai keya e mataqu. 7(6) E na noqu veilecayaki, au qai kacivi Yahuwe (YHWH); meu tagi yani vua na noqu Kalou (Mighty One). Mai na nona vale tabu e a rogoca na domoqu o koya, na noqu tagi e rogo e daligana. 8(7) Oti qai uneune na vuravura me sakure, na  yavu ni veiulunivanua era qai sautaninini. Era a yavalati baleta na nona cudru. 9(8) A tubu cake na kubou mai qaraniucuna; mai na gusuna a caudre mai na bukawqa dau veitilomi; e lidi mai na yamenibuka mai vua. 10(9) E lovea na lomalagi qai sobu mai; na buto loaloa a no e ruku ni yavana.  11(10) E vodoka mai e dua na ke'ruve; qai vuka; io e a vakatubutubu o koya e na taba ni cagi. 12(11) E cakava o koya na butobuto me nona ivunivuni; e cakava na nona valelaca mai na o vavaku butobuto kei na wai. 13(12) Mai na rarama e toka e matana, e vakabasikata mai kina na nona o vavaku, na uca qereqere kei na qilaiso waqawaqa. 14(13) O Yahuwe (YHWH) e vakavuna me cabolo na kurukuru mai lomalagi, o koya e cecere sara (Ha'Ylion) a vakarogoya na domona e na uca qereqere kei na qilaiso waqawaqa

Tehillim (Same) 18:1-14

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.307 in 5773 (Total 2034)	July 26, 2013
Reading	Hebrew Date
Yesha’yahu (Isaiah) 39-40	M #5: Av 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veisau Levu Mai Yisira’yili (Big Changes In Yisra’yl)

Thought: YHWH Punished Yisra’yl With Problems; Soon Physical Redemption!

 ....................

Serving For Yom Chamishi, [Fifth Month] Av 18, 5773

 MAI NA NEVI’IMI AKARONIMI (FROM THE NEVI’IM ACHRONIM)

Era qai tara na vanua cecere e na vuku i Ba'ala, era toka qori mai na buca o Beni-Hinomi, me ra vakama bulabula kina na luvedra tagane kei na luvedra yalewa, vei Moloka; e dua na ka, au a sega ni vakarota vei ira me ra cakava, a sega mada ga ni curuma na noqu vakasama ni ra na vakayacora e dua na ka vakasisila vaka oqo, qori era a qai vakavuna kina me valavala ca o   Ya'huda. 36 O koya oya, e kaya kina o Yahuwe (YHWH) na Kalou (Mighty One) i Yisira'yili me baleta na korolevu oqo,  na vuku ni koro oqo, oni sa kaya oqo ni na soli i ligana na tui Bavela e na seleiwau, na walokai, kei na matedewa dauveitauvi: 37 Au na vakasoqoni ira mai na veivanua kece, au cemuri ira tamada kina e na dela ni noqu cudru, na noqu leva levu kei na noqu yalokatakata; au na qai kauti ira lesu mai i na vanua oqo, au na qai cakava me ra mai vakaitikotiko eke e na sautu. 38 O ira era sa na qai noqu tamata, ia o au, au na nodra Kalou (Mighty One). 39 Au na solia vei ira na yalo ni duavata, kei na duavata ni nodra inakinaki; me rawa ni ra na rerevaki au tiko me tawamudu; qori me nodra ga kina na kena vinaka, kei na nodra vinaka o ira na nodra lalai era na muri i ira mai. 40 Au na vakaduria vata kei ira e dua na veiyalayalati tawamudu, me kakua ni vuki tani mai vei ira, ia me caka vinaka tikoga vei ira;  au na qai biuta na nodra rerevaki au e vuniyalodra, me ra kakua kina ni biuti au. 41 Au na marautaki ira, meu rawa ni cakava vei ira na vinaka, au na tei i ira vakaidina i na loma ni vanua oqo, e na vuniyaloqu taucoko o au [sara ga]. 42 Baleta oqo na ka e kaya o Yahuwe (YHWH); Me vaka ga niu a kauta mai na leqa lelevu vei ira na tamata oqo, e na vaka kina niu na kauta mai vei ira na veika vivinaka au sa yalataka tu vei ira. 43 Na qele e na volitaki tale e na vanua oqo, e dina ga ni oni kaya tiko qo ni sa laladidi tu, sa sega ni tawana tu na tamata kei na manumanu, ka sa soli oti tu i ligadra na Kasidimi. 44 Io, na tamata era na voli qele e na ilavo,  sainitaka na ivola vakadinadina ni voli qele, dregati ira, qai kacivi ira na ivakadinadina, mai loma ni yalayala ni vanua i Biniyamini, e na veiyasana wavolivoliti Yerushalayimi e na veikoro lelevu i Ya'huda, e na veikoro lelevu mai na vanua veidelana, kei na veikoro lelevu e na veibuca (She'fela), kei na veikoro lelevu mai na ceva (Negev). Baleta o au, au na vakavuna vei ira na nodra era a kauvakabobula me ra lesu mai, e kaya o Yahuwe (YHWH).

Yiremeyahu (Jeremaia) 32:35-44

NA IVAQA NI BULA (FOOD FOR THE SOUL)

Na waini e veivakalialiai ia na gunu kaukaua e vu ni vakasausa; o koya e lako vakasese e na vuku ni [gunu] e sega ni yalomatua.

Mishalei (Vosa Vakaibalebale) 20:1

LOMANI YAHUWE NA NOMU KALOU (LOVE YHWH YOUR MIGHTY ONE

E dua na masu i Dawide. Rogoca na ile dodonu, i Yahuwe (YHWH) rogoca na noqu tagi; rogoca na noqu masu mai na tebenigusu  e sega ni dauveidabui. 2 Laiva na noqu vakadonui me lako mai vei kemuni; laiva na matamuni me raica na veika e donu. 3 Oni sa vakatovolea na vuniyaloqu; oni sikova e na bogi; oni vakatovolei au, oni qai sega ni kunea ni tiko vei au na mataqali vakasama e sega ni dodonu me curu mai tebenigusuqu. 4 Ia e na vuku ni veika era dau cakava na tani; e na vosa mai tebenigusumuni au maroroi au tiko kina mai na nodra ivalavala na vakadomobula. 5 Na ibutubutu ni yavaqu e toka dei ga e na nomuni gaunisala, na yavaqu e sega ni dau sisi. 6 Ia qo au kaci yani vei kemuni, kemuni na Kalou (Mighty One), baleta o kemuni oni na rogoci au. Vakala mai vei au na daligamuni, rogoca na noqu vosa. 7 Vakaraitaka na talei ni nomuni yalololoma, o kemuni oni na vueti ira era vaqarai kemuni e na ligamuni imatau, na veitaqomaki mai vei ira na kedra meca.

8 ¶ Taqomaki au me vaka ni yaloka ni matamuni; vunitaki au e na ruku ni iyaloyalo ni tabamuni; 9 Mai vei ira era dau valavala ca, era valuti au tiko, mai vei ira na kequ meca dau ni veivakarusai era tu vakavolivoliti au. 10 Era sogota na vuiyalodra mai na yalololoma; era vosa vakadokadoka mai gusudra; 11 Era vakamuri au sobu mai era qai   tu vakavolivoliti au; era vakadikeva e dua na gauna me ra dreti au sobu kina i na dela ni qele. 12 Era vaka na laione e vinakata sara tu ga me basuraka na manumanu ni vakasasa, se vaka na luve ni laione sa roso toka me vakarau lade. 13 Mata cake mai i Yahuwe (YHWH), vakamalumalumutaki ira; Dreti ira sobu! E na nomuni seleiwau, vueti au mai vei ira na ca, 14 E na ligamuni, i Yahuwe (YHWH), mai vei ira na tamata (human being), mai ira vei ira na tamata (people) e kedra iwasewase ni bula na vuravura oqo.  Oni vakasinaita na ketedra e na nomuni iyau, o ira talega na loga luvedra era na vakacegui, era na biuta tu mai na nodra iyau vei ira na nodra lalai.15  Ia na noqu masu, e na yalododonu, me na raica na matamuni; ni sa yadra, au nuitaka niu na vakacegui niu sa veiucui tu [vata] kei kemuni.

Tehillim (Same) 17:1-15

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.306 in 5773 (Total 2033)	July 25, 2013
Reading	Hebrew Date
Yesha’yahu (Isaiah) 37-38	M #5: Av 18, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.