Na Bilo Ni Leva I Yahuwe (The Cup Of YHWH’s Anger)

Thought: We Would Be Helpless: Good Relationship With YHWH Will Save!

 .......................

Serving For Yom Sheini [Fifth Month] Av, 1 5773 (Rosh Chodesh)

 MAI NA NEVI’IMI AKARONIMI (FROM THE NEVI’IM ACHRONIM)

Oti au qai taura na bilo mai na liga i Yahuwe (YHWH), au qai cakava na veimatanitu me ra gunuva, e na veivanua a talai au kina o Yahuwe (YHWH), 18 Mai Yerushalayimi kei na veikorolevu e Ya'huda, bau kina o ira na nodra tui kei na iliuliu, me yaco me ra rusa ka ivakaraitaki ni domobula, ni velavela kei na veivatonaki, me vaka sa yaco tu e na siga nikua. 19 O Fero na tui Ijipita, o ira na nona dauniveiqaravi, o ira na nodra iliuliu, kei ira kece na nona tamata, ruarua na itaukei,  20 Kei na vulagi; o ira kece na tui ni vanua o 'Uza; o ira kece na tui ni nodra  vanua na Pi'lishitimi, o Ashekaloni, o 'Aza, o 'Ekironi, kei na ira na kedra vo vo mai Ashedodo:  21 O Idomi, Mo'avi, kei ira na tamata mai 'Amoni;  22 O ira kece na tui mai Zora, mai Zaidoni, kei ira na tui ni veibaravi ni tai kadua ni wasawasa, 23 Mai De'dani, Teima, Buza, kei ira kece era dau kotiva laiva na tutuni kumidra;  24 O ira kece na tui mai Arabea, kei ira kece na dui kaikai era vakaitikotiko voli e na veivanua dravuisiga;  25 O ira kece na tui mai Zimirai,  'Eilama, kei ira na Midi; 26 Vata kei ira kece na tui mai na vualiku, yawa se voleka; era na kena veitarataravi, io qo o ira kece na veimatanitu e vuravura (world) raraba, era kune e na dela ni vuravura (earth). Ia na tui mai Sheshaka e na qai iotioti me gunu. 27 O iko mo na kaya vei ira, Oqo na ka e kaya o Yahuwe ni lewevuqa (YHWH-Tzva'ot) na Kalou (Mighty One) i Yisira'yili; Gunuva tiko me yacova ni oni sa mateni sivia sara tu ga moni lualua, bale [sobu] oni qai sega ni tucake rawa  tale, baleta na seleiwau au sa tala tiko yani vei kemuni. 28 Kevaka era sega ni via taura na bilo mai ligamu me ra gunu mai kina, ia mo qai kaya vei  ira, Oqo na ka e kaya o Yahuwe ni lewevuqa (YHWH-Tzva'ot); O iko mo gunuva qo! 29 Baleta raica! Kevaka au sa kauta tiko mai na leqa levu i na korolevu e  vakatokai e na yacaqu, oni nanuma beka ni oni na levea na itotogi? Io, au na kaciva (summon) mai e dua na seleiwau me baleti ira kece era tawani  vuravura tiko, e kaya o Yahuwe (YHWH).  30 Ia o iko [i Yiremayahu] parofisaitaka na vosa kece oqo me saqati ira; qai kaya [talega] vei ira, o Yahuwe (YHWH) sa kudru tiko mai cake, me laveta cake na domona mai na nona itikotiko tabu, me kudru tiko mai e na kena igu, me saqata na nona itikotiko, me kaila mai e na domo levu, me vakataki ira era butuqaqia tiko na vuanivaini, me saqati ira yadua era bula tiko e dela ivuravura. 31 Na kena rorogo e na lai voqa sara yani i na iyalayala kei vuravura, baleta o Yahuwe (YHWH) sa beitaka tiko na veimatanitu, ka sa vakarau me vakatulewa vei ira kece na kawa tamata; o ira na ca, o koya e sa soli i ira oti i na seleiwau, e kaya o Yahuwe (YHWH). 32 Oqori e vakakina oqo na ka e kaya o  Yahuwe ni lewevuqa (YHWH-Tzva'ot), Na leqa levu sa tete tiko mai na dua na matanitu i na dua tale na matanitu, e dua na cavaa vakaitamera sa na sere tiko mai na iyalayala yawa taudua kei vuravura. 33 E na siga oya, o ira era na vakamatei ira o Yahuwe (YHWH) era na veidavori tu vakaveitalia mai na dua na mua kei  vuravura, vakadua i muana kadua; era na sega ni vakalolokutaki, se vakasoqoni se bulu, ia era na veidavori tu ga e na dela ni qele, me vaka na da. 34 Qolou, kemuni na ivakatawa! Tagi! Qiluci e na kuvunisoso, kemuni na iliuliu ni qelenisipi! Baleta na siga ni nomuni  mokumate sa yaco mai. Au na voroki kemuni vakamatailalai, me vaka e dua  na kuroqele (vase) vakamareqeti, oni sa na lutu. 35  O ira na ivakatawa ni sipi, e na sega ni dua na sala me ra na dro rawa kina, ia o ira na nodra iliuliu na qelenisipi e na sega na sala me ra dui drobula kina. 36 Rogoca na nodra tagi na ivakatawa ni sipi, kei na nodra qoqolou na nodra iliuliu na qelenisipi! Baleta o Yahuwe (YHWH) sa vakarusa tiko na nodra  lomanibai ni vakana manumanu. 37 Na lomanibai sautu ni vakana manumanu sa vagalui, baleta na leva cecekia i Yahuwe (YHWH). 38 Me vaka na laione, o koya e sa vakadadakuya mai na nona qara; baleta na nodra vanua sa laladidi mai, e na vuku ni nodra seleiwau vakadomobula na dauveivakasaurarataki; baleta talega na cudru waqawaqa i Yahuwe (YHWH).

Yiremeyahu (Jeremaia) 25:17-38

NA IVAQA NI BULA (FOOD FOR THE SOUL)

Na kete ni dua na tamata e na vakasinaiti e na vuata mai gusuna; na vuata ni tebenigusuna e na vakasinaiti kina o koya. 21 ¶ Na yame e toka kina na kaukaua me lewa na bula kei na mate; o ira era vakayagataka, e dodonu me ra kania na vuana.

Mishlei (Vosa Vakaibalebale) 18:20-21

LOMANI YAHUWE NA NOMU KALOU (LOVE YHWH YOUR MIGHTY ONE

NA cava era cudrucudru tiko kina na Veimatanitu, era qai kudruvaka tiko na veika tawayaga o ira na tamata? 2 O ira na tui kei vuravura era tutaka tiko mai na nodra itutu, ia o ira na iliuliu era veibuku, me ra saqati Yahuwe (YHWH) kei na nona lumuti. 3 Era kaya tiko, Laiva meda drutia na kedra ivau, laiva meda kolo laivi na nodra senicodo, 4 Ia o koya e dabe tiko mai lomalagi e qai dredre; o Yahuwe (YHWH) e raici ira tu mai ni ra lialia; 5 E na dela ni nona leva e qai cudruvi ira, ka vakadomobulataki ira e na nona cudru cecekia. 6 O au vakataki au, au sa lesia na noqu tui, mai Zaiyoni, na noqu ulunivanua tabu;

7 ¶ Au  na vakatusa na noqu lawa; e kaya vei au o Yahuwe (YHWH), O iko o na luvequtagane, nikua au sa yaco meu tamamu. 8 Kerea maivei au, au na solia vei iko na veimatanitu me ra nomu ivotavota, o vuravura taucoko o sa na taukena. 9 O na voroki ira e na dua na ititoko kaukamea; ka vurulaki ira me vaka e dua kuro qele.

10 ¶ O koya oya moni yalomatua kina o kemuni na tui, ni tuvakarautaki, kemuni na daunilewa kei vuravura. 11 Qaravi Yahuwe (YHWH) e na vakarokoroko, mamarau tiko, ia e na sautaninini; 12 Vakarokoroko vua e na yalo savasava de qai cudru, oni qai vakarusai e dela ni gaunisala, ni caudre mai vakasauri na nona leva. Era na vakacegui dina ga o ira kece era vakararavi yani vua.

Tehillim (Same) 2:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 289 in 5773 (Total 2017)	July 8, 2013
Reading	Hebrew Date
Yesha’yahu (Isaiah) 3-4	M #5: Av 1, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.  May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.