Na iTaukei Kei Vuravura (The Owner Of The World)

Thought: YHWH As Overall Land Owner, Gives Or Takes Land As He Pleases!

........................... 

Serving For Yom Chamishi, [Fifth Month] Av 4, 5773

 MAI NA NEVI’IMI AKARONIMI (FROM THE NEVI’IM ACHRONIM)

E na itekivu ni veiliutaki vakatui nei Yo'hoyakimi na tui Ya'huda, na luvetagane i Yoshaiyahu, na vosa oqo a yaco vei Yiremeyahu maivei Yahuwe (YHWH): 2 Kaya vei au o Yahuwe (YHWH); Cakava eso na nomu ivua e na beleti (strap) kei na kau vakababa, qai vakataqara e domomu,  3 Vakauta [na ivua vata oqori] vei iratou na tui Idomi, oya vei ira na Mo'ave, vei ira na 'Amoni, mai Zoa kei ira mai Zaidoni, e ligadra na mata era talai tiko i Yerusalayimi, ka vaka kina vei Zidikiyahu na tui Ya'huda. 4 Solia na itukutuku oqo, me ra lai vakasavuya vei ira na nodra iliuliu, e na nomu kaya vei ira na nodra mata ni kaya o Yahuwe ni lewevuqa (YHWH-Tzva'ot), na nodra Kalou (Mighty One) na Yisira'yili, kaya vei ira me ra lai tukuna vei ira na nodra turaga; 5 O au, au a buli i vuravura, na tamata kei na manumanu era tu e na dela i vuravura e na noqu kaukaua levu kei na gauniligaqu e dodo tu yani; kau na solia vua ga e rairai donu vei au. 6 Ia e na gauna oqo, au sa solia na qele taucoko oqo i ligana na noqu dauniveiqaravi o Ne'vukadreza, na tui Bavela; au soli ira talega na manumanu kila me ra veiqaravi vua. 7 Na veimatanitu kecekece era na veiqaravi vua, vata kei ira na luvena tagane  kei ira na makubudra tagane, me yacova ni sa yaco mai na nodra gauna na nona vanua, e gauna oya e levu na veimatanitu kei na tui cecere era na vakabobulataki koya. 8 Na vanua kei na matanitu e bese ni qaravi Ne'vukadreza na tui Bavela, ka sega ni via cuva me taqa e domodra na ivua nei tui Bavela, o au, au na totogitaka, e kaya o Yahuwe (YHWH), e na seleiwau, e na dausiga, kei na matedewa, me yacova niu sa vakarusai ira vakadua e na ligana. 9 O kemuni, moni kakua ni vakatudaliga vei ira na nomuni parofita, dauraimata, dautadra, daucakamana se daucakaisausau, e na gauna era tukuna kina vei kemuni ni oni na sega ni qali vua na tui Bavela; 10 Baleta o ira era parofisaitaka tiko na veika lasutaki vei kemuni e na vakavuna na nomuni kau laivi sara vakayawa mai na nomuni vanua, oya niu sa na vakavuna na nomuni cemuri, me rawa ni oni na vakarusai. 11 Ia na matanitu e na biuta na domona e ruku ni nona ivua na tui Bavela, qai veiqaravi vua, na matanitu oya au na vakadonuya me tiko ga e na kedra qele, e kaya o Yahuwe (YHWH). O ira era na teivaka ka vakaitikotiko mai keya.

Yiremeyahu (Jeremaia) 27:1-11

NA IVAQA NI BULA (FOOD FOR THE SOUL)

E vinaka cake [mo] dravudravua, ia [o] qai bulataka na bula dodonu, mai na dua e dau vosavosa vakalawaki ca, baleta o koya qori e na wili me dua na lialia. 2 ¶ Ni o cakava e dua na ka, ni o se bera ni kila na cava so o cakava tiko e sega ni vinaka; kevaka o vakatotolo ga mo toso i liu, o na calata dina ga na gagadre o via rawata tiko. 3 ¶ Na nona lialia ga e dua na tamata e na vakacacana na nona itovo; e na qai cudrucudru ka saqati Yahuwe (YHWH) e vuniyalona.

Mishlei (Vosa Vakaibalebale) 19:1-3

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E na ivakatagi wa ni qiriqiri. E dua na same i Dawide. 2(1) Vakatudaliga mai i na noqu vosa i Yahuwe (YHWH) ka vakananuya na noqu vakanananu sara e loma. 3(2) Rogoca mada na domo ni noqu tagi, noqu tui kei na noqu Kalou (Mighty One) baleta au masu tiko yani oqo vei kemuni.4(3) I Yahuwe (YHWH) e na mataka lailai oni na rogoca na domoqu; e na matakalalai au vakatututaka yani e matamuni na veika au gadreva, au qai   waraki kemuni e na nuinui. 5(4) Baleta o kemuni oni sega ni Kalou (Mighty One) dau taleitaka na itovo vakasisila; na ca e na sega ni rawa ni tiko vei kemuni. 6(5) O ira na dokadoka era na sega ni  mai duri tu vakarairai vei kemuni; baleta ni oni dau sesevaki ira era dau cakacakataka na ivalavala ca. 7(6) Oni na vakarusai ira era dau cavuta na vosa lasulasu; o Yahuwe (YHWH) e  cati ira na tagane dau vakadave dra se dau veivakacalai.

8(7) ¶ Ia o au, au rawa ni curuma na nomuni vale, baleta na vakaitamera ni nomuni yalololoma; Au na cuva sobu e na loma ni nomuni vale tabu e na noqu vakarokorokotaki kemuni. 9(8) Tuberi au, i Yahuwe (YHWH) e na nomuni  yalododonu; baleti ira era sa koto vunivuni no me ra waraki au; vakadodonutaka na nomuni sala me matata e mataqu. 10(9) Baleta ni sega na lewadodonu e gusudra; e kune ga na ivalavala ca e lomadra; na nodra itilotilo e vaka na ibulubulu e dola tu; era dau vosa veicavilaki e na yamedra. 11(10) Kemuni na Kalou (Mighty One), vosataki ira ni ra cala! Laivi ira me ra tacaqe tale e na nodra ilawaki ca; e na vuku ni nodra ivalavala ca e vuqa, kolotaki ira sobu; baleta ni ra sa vakabebe tiko vei kemuni. 12(11) Ia laivi ira era vakanuinui vei kemuni me ra reki; laivi ira me ra dau kailavaka na nodra reki! Vakarurugi ira; era na qai mamarau, o ira era taleitaka na yacamuni.13(12) E na vukumuni i Yahuwe (YHWH), moni vakalougatataki ira na yalododonu; waviviraki ira e na nomuni yalovinaka (favor) me vaka e dua na isasabai

Tehillim (Same) 5:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 292 in 5773 (Total 2019)	July 11, 2013
Reading	Hebrew Date
Yesha’yahu (Isaiah) 9-10	M #5: Av 4, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.