Thought: In Times
Of Trouble, Shouldn’t The Y’hudim Trust One Another?
........................
Serving For Yom
Chamishi, [Sixth Month] Elul 2, 5773
MAI NA NEVI’IMI
AKARONIMI (FROM THE NEVI’IM ACHRONIM)
NA
vosa oqo a yaco vei Yiremeyahu maivei Yahuwe (YHWH), ni sa solia oti vua na
komada ni matayadra o Ne'vuza'adani na galala me biuti Ramaa, e na gauna a lai
kauti koya mai kina, ni vesu tu e na sinucodo, e na kedra maliwa na bobula mai
Yerushalayimi kei Ya'huda, era a sa
kauvakavesu tiko i Bavela. 2 Ia na komada ni matayadra a kauti
Yiremeyahu, qai kaya vua, O Yahuwe (YHWH) na nomu Kalou (Mighty One) a
vakatulewataka na leqa sa yaco tiko e na loma ni vanua oqo, 3 Ia qo o Yahuwe
(YHWH) sa vakayacora sara me vaka kina; o koya e sa cakava qo na veika a kaya
ni na cakava, baleta o kemuni oni a valavala ca saqati Yahuwe (YHWH) oni qai
sega ni rogoca na veika a kaya o koya; qori na vuna sa yaco tiko kina vei
kemuni na veika oqo. 4 Ia, nikua, au sa sereki iko kina mai na sinucodo e vesu
tu kina na ligamu. Kevaka e rairai donu
vei iko mo sala vata kei au i Bavela, lako mai; au na qaravi iko vakavinaka. Ia
kevaka e sega ni rairai donu vei iko ke daru lako vata i Bavela, ia kakua; na
vanua taucoko sa tu oqori e matamu; na vanua cava ga e rairai donu vei iko mo
lako kina, lako sara i keya. 5 Ni sebera ni sauma qori o Yiremeyahu [sa vosa
tale o Ne'vuza'adani]; Ia lesu ga vei Qa'dalayahu na luvetagane i
Akikami na luvetagane i Shafani, o koya e sa lesia na tui Bavela me kovana ni
veikorolelevu ni Ye'huda; mo lai bula vata kei koya e na kedra maliwa na
tamata; se lako ga i na vanua o nanuma ni donu vei iko mo lako kina. Na nodra
komada na matayadra a qai solia vua na kena ivaqa kei na dua na iloloma
soliwale, oti sa qai vakasukai koya. 6 O Yiremeyahu, ni oti oya, a qai lako vei
Qa'dalayahu na luvetagane i Akikami i Mizipaa; qai lai bula tiko e keya vata
kei koya, e na kedra maliwa na tamata era a vo tu ga mai, e loma ni vanua.
7
¶ Ia e na gauna era rogoca kina o ira na komada ni mataivalu ni vanua kei ira
na nodra tamata, ni sa lesi i Qa'dalayahu na luvetagane i Akikami, na tui
Bavela, me kovana e na vanua, ka sa soli vua me qaravi ira na tagane, na
yalewa, o ira na gone kei ira eso na dravudravua ni vanua, oya o ira era a sega ni kau laivi vakavesu i Bavela; 8 Era
qai lako mai vei Qa'dalayahu i Mizipaa, vakabibi ga, o Yisima'yili na
luvetagane i Ne'taniyahu kei Yokanana kei Yonatani o rau na luvetagane i
Kariaka kei Sa'rayahu na luvetagane i Tanukumete kei iratou na luvetagane i
Efai na Ni'tofeti kei Ya'zanayahu na luvetagane i Ma'akati, o ira vata kei na
nodra tagane. 9 O Qa'dalayahu na luvetagane i Akikami na luvetagane i Shafani,
a qai bubului vei ira kei ira na nona tamata, Ni kakua ni taqaya moni qaravi
ira na Kasidimi. Ni tikoga e na vanua ka qarava na tui Bavela; na veika kece e
na toso vinaka vei kemuni. 10 Ia o au, raica, au na tikoga e Mizipaa, au na qai
cakacaka tiko kei ira na Kasidimi era
lakovi keda mai. Ia o kemuni, moni tamusuka na waini, na vuata ni vula
ikatakata, kei na waiwai ni olive; tawani ira e na nomuni saqa; ka vakaitikotiko
ga e na loma ni veikorolevu oni sa mai tawana.11 E vaka kina o ira na Ye'hudimi
era tiko mai Mo'ave, mai Idomi, kei ira era tu e na kedra maliwa na tamata ni
'Amoni ka vaka kina e na veivanua kece tale eso, ni ra rogoca ni o tui Bavela a
biuti ira tu yani na kedra vo na Ye'hudimi, ka sa lesi i Qa'dalayahu na
luvetagane i Akikami, na luvetagane i Shafani, me nodra kovana; 12 Era qai lesu
kece mai o ira na Ye'hudimi mai na veiyasana kecekece era a dui cemuri tu kina,
me ra lesu i Ye'huda, vei Qa'dalayahu e Mizipaa, era qai mai tamusuka vakalevu sara na waini kei na vuata
ni vula ikatakata.13 O Yokanana na luvetagane i Kariaka, kei ira kece na komada
ni mataivalu era tiko e na veikorolelevu, era a lako talega mai vei Qa'dalayahu
e Mizipaa, 14 Era qai mai kaya vua, O iko mada o kila tiko ni o Ba'alisi na tui
'Amoni e talai Yisima'yili tiko mai, o
koya na luvetagane i Ne'taniyahu, me mai taura na nomu bula? Ia o Qa'dalayahu na luvetagane i Akikami a
sega ni vakabauti iratou. 15 Ia o Yokanana na luvetagane i Kariaka a qai lai
veivosaki lo vata kei Qa'dalayahu mai Mizipaa ni kaya, Au kerea mo vakatarai i
au meu lai vakamatei Yisima'yili na
luvetagane i Ne'taniyahu; e sega ni dua e na kila. Na cava mo laivi koya kina
me vakamatei iko vakavuni? Kena ikuri,
ke cakava qori o koya, o ira kece na
Ye'hudimi era sa sosoqoni mai qo vei iko, era na cerebu; era na qai rusa
o ira na kedra vo vo na Ye'hudimi? 16 Ia
o Qa'dalayahu na luvetagane i Akikami a qai kaya vei Yokanana na luvetagane i
Kariaka, Kakua ni cakava; na ka o kaya tiko me baleti Yisima'yili e sega ni
dina.
NA IVAQA NI BULA (FOOD FOR THE SOUL)
Na
yalololoma kei na dina e na taqomaka e
dua na tui; e na loloma e na tabeya cake kina o koya i na nona idabedabe ni
veiliutaki vakatui. 29 ¶ Na nodra icibi o ira na itabagone na nodra kaukaua
(strength); ia na kedra irogorogo na qase, na drauni uludra oriori (grey). 30 ¶
Na kuita e veivakamavoataki, e savata laivi na ivalavala vakasisila, io na
veikuitataki [e vakasavasavataka] na vuniyalo sara mai loma.
LOMANI YAHUWE NA NOMU KALOU (LOVE YHWH YOUR MIGHTY ONE
Maivei
Dawide. Tokoni
au i Yahuwe (YHWH), baleta au a bula mai e na itovo dodonu; e sega ni
lomalomarua na noqu vakabauti Yahuwe (YHWH); 2 Vakadeuci au i Yahuwe (YHWH)
vakatovolei au, vaqaqara e na loma ni noqu vakasama kei na vuniyaloqu. 3 Baleta
na nomuni yalololoma sa tu ga qo e mataqu, au dau bulataka kina na noqu bula e
na nomuni dina. 4 Au sega ni dau dabe kei ira na tamata itovo tawayaga; au sega
talega ni via veitokani kei ira era dau veivakaisini. 5 Au dau cata na
isoqosoqo ni tamata dau cakaca; au sega ni dabe vata kei ira era dau valavala
ca.
6
¶ Au na savata na ligaqu e na yalo tawacala, au qai lako wavolivolita na nomuni
icabocabo ni soro i Yahuwe (YHWH): 7 Meu qai laveta na domoqu e na
vakavinavinaka, meu qai vakarogoya na
nomuni cakacaka talei. 8 I Yahuwe (YHWH) au domona na vale oni vakaitikotiko
kina, na vanua e vakavaletaki tiko kina na nomuni dokai; 9 Kakua ni wiliki au
vata kei ira na dau valavala ca, se na
noqu bula kei ira era dau vakadave dra:
10 E ligadra e tu kina na inakinaki ca; na ligadra imatau e sinai kina na
veivaqumi (bribery). 11 Ia o au, au na bulataka e dua na bula tawacala. Vueti
au ka vakaraitaka vei na nomuni lomani au. 12 Na yavaqu e teki no e na vanua
dodonu; e loma ni isoqosoqo au na vakamuduo vei Yahuwe (YHWH).
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No.320 in 5773 (Total 2047)
|
August 8, 2013
|
|
Reading
|
Hebrew Date
|
|
M #6: Elul 2, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
No comments:
Post a Comment