O Yahuwe E Kauwaitaki Keda (YHWH Cares For Us.)

Thought: Remember To Give Thanks Always To YHWH

 ..............

Serving For Yom Shaynee, Chesvan 3, 5772

NANUMA i Yahuwe (YHWH), na veika sa yacovi keimami: rai moni raica na neimami vakalialiai. 2 Na neimami ivotavota sa soli laivi vei ira na vulagi, na neimami vale vei ira na kaitani. 3 Keimami sa yaco me keimami  luveniyali ka sega ni vakatamani, o ira na tinai keimami era sa vaka na yada.  4 Keimami gunuva na meimami wai ni saumi; na neimami buka sa volitaki mai vei keimami. 5 Na domo i keimami sa vesu tu e na ivua, keimami sa dau cakacaka ka sega ni cegu. 6 O ira na kai Ijipita era solia mai vei keimami e dua na liga ni veivuke; keimami dau rai vei ira na  Ashuru, me ra solia vei keimami na madrai. 7 O ira na tama i keimami era a valavala ca; ka ra sa yali yani; ia o keimami, keimami sa mai cola tu na nodra i valavala vakasisila. 8 O ira na dauniveiqaravi era sa lewai keimami, sa sega ni dua me vueti keimami mai ligadra. 9 Keimami rawata na keimami madrai ia keimami sa rawa ga ni mate kina, e na vuku ni seleiwau mai veikau. 10 Na kuli i keimami, sa salulu mai me vaka beka ni a kama e na lovo, baleta na leqa ni dausiga. 11 Era kucuvi na yalewa ni Saiyoni; kei na yalewa tabutagane ni veikorolelevu mai Ya'huda. 12 O ira na ravouvou era rube mai ligadra; na matadra na qase sa sega ni rokovi. 13 O ira na cauravou era sa vakaciciva na iqaqi, o ira na itabagone era tatacaqe e na ruku ni nodra icolacola  buka. 14 O ira na qase, era sa sega ni tiko mai na matamata; kei ira na cauravou, mai na mamarau.15 Na reki e na vuniyalo i keimami sa  mudu; na neimami meke sa vuki me vakaloloku.16 Na isalavakatui sa lutu mai ulu i keimami; Oilei, na leqa levu sa sauti keimami, baleta keimami a valavala ca.

17 ¶ E na vuku ni ka oqo, na vuniyalo i keimami sa gogo; e na vuku ni veika oqo na mata i keimami sa buwawa. 18 Baleta ni sa laladidi na ulunivanua o Saiyoni, na fokisi era sa veilakoyaki tu kina. 19 Ia o kemuni, i Yahuwe (YHWH), oni na tiko voli ga me tawamudu; kei na nomuni idabedabe vakatui mai na dua na itabatamata i na dua tale na itabatamata. 20 O koya oqo moni kakua kina ni guilecavi keimami vakadua se vakadakui keimami vakadede?  21 Kauti keimami lesu yani vei kemuni, i Yahuwe (YHWH), keimami na qai vakataucokotaki tale; vakavouiya na neimami veisiga me tautauvata kei na gauna eliu. 22 Baleta o kemuni oni sa biuti keimami tani vakaidina; baleta oni sa cudruvi keimami sara ga vakalevu.

Lele I Jeremaia (Aikhah) 5:1-22

Me vaka na duka ni siliva e kabita mai na kuro qele, e vakakina na tebenigusu yalokatakata kei na vuniyalo dukadukali,

Vosa Vakaibalebale (Mishlei) 26:23

Vakavinavinaka vei Yahuwe (YHWH), noqu bula (soul); vakavinavinakataka na yacana tabu. 2 Vakavinavinakataki Yahuwe (YHWH)  noqu bula, kakua ni guilecava na veika vivinaka mai vua, 3 O koya sa vosota na nomu ivalavala ca, ka vakabulai iko mai na kemu mate veitauvi kecekece; 4 O koya e vueta na nomu bula mai na rusa; o koya e vakaisalataki iko e na nona yalovinaka kei na yalololoma tau malumu, 5 O koya vakamamautaka na gusumu e na veika vinaka, me vakavoutaki kina na nomu itabagone me vaka na ikeli.

6 ¶ O Yahuwe (YHWH) e vakayacora na veika dodonu, kei na lewa dodonu vei ira kece era dau vakasaurarataki. 7 E vakatakila na nona ivalavala o koya vakataki koya vei Moshe, kei na nona cakacaka vei ira na Isira'yili. 8 O Yahuwe (YHWH) e vakaitamera na nona yalololoma ka dauyaloyalo vinaka, e berabera na nona vakacudrui ia e vakaitamera ga vua na loloma. 9 E sega ni dau veivunauci e veigauna: ka sega talega ni dau katona na nona leva me tawa mudu. 10 E se sega vakadua ni vakarautaka vei keda na veika me veiraurau kei na noda caka ca se sauma vei keda na noda ivalavala ca; 11 Ia me vaka na kena cere mai dela i vuravura na lomalagi, e vakakina na vakaitamera ni nona yalololoma vei keda eda rerevaki koya. 12 Me vaka na kena yawa na vuicake mai na vuaira, qori na kena yawa e kauta vakayawa kina mai vei keda O koya na noda ivalavala ca. 13 Me vaka e dua na tama e dau lomani ira na luvena, o Yahuwe (YHWH) talega e na lomani ira era qaravi koya. 14 Baleta e kila o koya na noda a buli, ka nanuma vinaka tu o koya ni da kuvu ni soso. 15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e na takali; Na tikina a toka kina e na sega ni kilai tale vakadua. 17 Ia na yalololoma i Yahuwe (YHWH) e vu mai na tawamudu i na tawamudu vei ira era dokai koya kei na Nona yalododonu vei ira na luvedra na luvedra, 18 Vei ira era bula muria na nona veiyalayalati vata kei ira era nanuma na nona ivakaro me ra dau vakayacora.

Same (Tehellim) 103:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
305/Blog No. 1445	October 31, 2011.
Reading	Hebrew Date
Jeremaia (Yiremeyahu) 29-30	Cheshvan 3, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTotogi Ni Caka Ca (Punishment For Wrongdoing)

Thought: Avoid Punishment, Just Obey Yahweh.

 .....................

Serving For Reeshone, Chesvan 2, 5772

I Yahuwe Cecere (YHWH Ylohenu) raica na noqu rarawa; Au sa vakatavulici tiko e na kuita ni nona cudru waromisa. 2 E sa tuberi au o koya, ia au taubale tiko e na butobuto, sega e na rarama. 3 E ka dina ni o koya e sa vukitani me saqati au, e sa vukica na ligana me saqati au e na loma ni siga taucoko. 4 Na lewequ kei na kuliqu sa cakava o koya me makawa; na suiqu e sa musulaka o koya. 5 E sa viria na bai me saqati au ka sogosogo vakavolivoliti au e na lomaloma ca kei na lomaocaoca. 6 E sa cakava meu vakaitikotiko e na butobuto, me vaka na tamata sa mate makawa. 7 O koya e sa viribai wavolivoliti au, meu kakua ni dro rawa; sa cakava me bibi na sinucodo e kequ ivesu. 8 E dina ga niu vakatakekere ka masumasu, o koya e sega ni vakarorogo i na noqu masu. 9 O koya e sa latia na noqu sala e na kau vakavotona, o koya e sa vakavevea na noqu salatu. 10 Vei au, o koya e sa vaka na wolifa e koto no me lawavaki au, ka vaka na laioni e na veiyasana vuni. 11 O koya e sa cakava na salatu me veiveveyaki, ka basuraki au vakamatailailai; o koya e sa cakava meu tu taudua. 12 O koya e sa loveca na nona dakaititi, qai vakaduri i au meu takete ni nona gasau ni dakaititi.13 Raica o koya e sa vakavuna me curu na nona gasau ni dakaititi i na ua ni yagoqu. 14 Au sa yaco meu ka ni veivakalialiai vei ira na veimatanitu kecekece; ka sere ni veibeci e na loma ni siga taucoko. 15 E sa vakasinaiti au e na yalorarawa, ka vakamatenitaki au e na waigaga. 16 O koya e sa voroka na batiqu e na dua na vatu, e koya e sa buluti au e na dravusa. 17 Na noqu bula (soul) sa lako sese mai na sautu, au sa guilecava na bula ni vakaiyau. 18 Au kaya, na kequ irogorogo kei na noqu inuinui sa takali maivei Yahuwe (YHWH). 19 Nanuma na kequ kuita kei na kequ itotogi, na noqu yalorarawa kei na vutugu. 20 Nanuma, solia lesu mai na noqu bula.

Lele I Jeremaia (Aikhah) 3:1-20

Me vaka na koala i na yameni bukawaqa e waqa e na koala kei na buka e na yamenibuka e waqa e na buka; e vakakina na tamata dau veivakasagai ni na bukana na tiko veisei. 22 Na nona vosa na dauveivakasagai e vakatubura na veiba;  e na curuma na vuniyaloni tamata.

Vosa Vakaibalebale (Mishlei) 26:21-22.

Rogoca na noqu masu i Yahuwe (YHWH), laiva na noqu tagi me rogo yani vei kemuni. 2 Kakua ni vukica laiva mai vei au na matamuni, e na siga au leqa tu kina; Vakatudaliga mai vei au e na siga au kaci yani kina, sauma mai vei au vaqunaquna. 3 Baleta na noqu veisiga sa tilomi me vaka na kubou, kei na suiqi sa vulavula me vaka era vakamai. 4 Na vuniyaloqu sa moku ka sa malai me vaka na co; au sa guilecava kina meu kania na qau madrai. 5 Baleta na domo ni noqu vutugu, na suiqu sa kabita na kuliqu. 6 Au sa tautauvata kei na pelikani ni veikau; Au sa vaka na lulu ni vanua dravuisiga.  7 Au sa kureitaki me vaka na separo ni toka duadua e na delavuvu ni vale. 8 Na kequ meca era vakasewasewani au e na siga taucoko; o ira era a dau vakasakititaki au, era sa bubului me ra saqati au. 9 Au sa kania na dravusa me vaka na madrai, ka veiwakitaka na mequ gunu e na tagitagi, 10 Baleta na Nomuni rarawa kei na nomuni leva; ka ni oni a laveti au cake, oni qai kolotaki au sobu. 11 Na noqu veisiga e vaka na yaloyalo e vakatatiki; au sa malai me vaka na co.

12 ¶ Ia o kemuni, i Yahuwe (YHWH) oni na bula tiko me tawamudu; oni na nanumi vei ira na veitabatamata kece. 13 Matacake moni lomani Saiyoni: ka ni sa kena gauna me lomani kina o koya. 14 O ira na nomu italai era rekitaka na kena veivatu, ka ra taleitaka na kena kuvu ni soso. 15 O ira na tabulotu era na qarava na yaca i Yahuwe (YHWH) kei ira na tui kei vuravura na nomuni lagilagi. 16 O Yahuwe (YHWH) ni sa tarai Saiyoni cake, e na qai rairai mai e na nona lagilagi; 17 E na  galeleta na nodra masu na vakaloloma, e na sega ni beca na nodra masu. 18 Qo e na volai e na vukudra na itabatamata maimuri; o ira na tamata era na buli, era vakamuduo vei Yahuwe (YHWH). 19 Baleta sa rai sobu mai o koya, mai na dela ni Nona yasana tabu; Mai lomalagi, o Yahuwe (YHWH) e na raici vuravura; 20 Me rogoca na nodra kudru na kaivesu, ka sereki ira era lewai me ra totogimate; 21 Me tusanaki na yaca i Yahuwe (YHWH) ka vakacerecerei mai Yerushalayimi;

Same (Tehellim) 102:1-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
304/Blog No. 1444	October 30, 2011.
Reading	Hebrew Date
Jeremaia (Yiremeyahu) 27-28	Cheshvan 2, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Rarawa O Isira’yili Kei Ya’huda (Isra’yl and Y’hudah Saddened)

Thought: If We Sin We will Never Be Happy

 .................

Serving For Shabbat, Chesvan 1, 5772

E rawa vakacava i na korolevu e dau sinai vutuvutu e na tamata, me sa toka taudua? E rawa vakacava me sa vaka e dua na yada, o koya e a dau vakaitamera tu e kedra maliwa na veimatanitu, qai wili kina vaka raluve ni veikorolelevu, ia sa yaco qo me dua na korolevu qali (tributary)! 2 E tagitagi e na momosi ni yalo e na bogi o koya, na wanimatana a drodrova sobu na baluna; e na kedra maliwa o ira na nona daulomani, e  sega ni bau dua vei ira e mai vakacegui koya; o ira kece na nona itokani era sa liumuri tale vua, ka vuki me ra kena meca. 3 O Ya'huda sa cemuri laivi vakayawa, baleta na levu ni ivalavala kaukaua, kei na ilevu ni veivakabobulataki. Sa lai tiko e na kedra maliwa na veimatanitu, ia e sega ga ni kunea na vakacegu. O ira kece era cemuri koya era sa toboki koya e na loma ni nona tu leqaleqa. 4 Na gaunisala i Saiyoni sa vakaloloku, baleta sa sega ni dua e lakova mai na nona solevu tabu; Na nona matamata kecekece era sa lala tu ga, o ira na nona kohanimi era vutugu; o ira na nona tabutagane era  vakayalomalumutaki. Io, sa rarawa vakalevu o koya. 5 O ira era dau vakacacani koya era sa nona iliuliu; o ira na kena meca era sa kauta mai na nona itinitini; baleta o Yahuwe (YHWH) sa vakararawataki koya baleta ga na ilevu ni nona ivalavala ca. 6 Mai vua na luveyalewa i Saiyoni, sa takali na nona totoka taucoko; o ira na nona ravouvou era sa vaka na hata (hart) e sega ni kunea e dua na vanua me kana kina, sa mani toso tiko ga ka ni sa sega na nona kaukaua, e matana o koya e vakasasataki koya tiko. 7 O Yerushalayimi e na nanuma lesu, e na gauna ni nona rarawa kei na nona gauna ni totogi, na veika totoka a dau  tu vua e liu, e na veigauna makawa. Ni ra sa lutu na nona tamata e ligadra o ira era dau ivakarau kaukaua vei ira, qai sega ni dua me vukei koya, o ira na kena meca era raici koya, era qai veiwalitaka na nona rusa. 8 O Yerushalayimi e a kaukaua vakaoti na nona caka ca; qori a qai yaco kina o koya me vakasisilataki; o ira era a dau dokai koya era sa beci koya, baleta era sa raica na nona luvawale, io, sa vutugu ga o koya, ka vuki vakanadaku. 9 Na nona dukadukali e kune e na nona liku; e a sega ni kilakasamataka o koya na nona itinitini; o koya qo a veivakidacalataki kina na nona bale; a sega ni dua me veivakacegui vua. O Yahuwe (YHWH) e raica tu na noqu vakararawataki; baleta na meca sa vakalevulevui koya vakataki koya. 10 Na dau veivakasaurarataki a dodoka na ligana i na veika e dau talei vua; baleta au a raici ira na Qoyimi ni ra vakasausautaka na nona tikina tabu, o ira, a vakarota o koya me ra kakua ni curu i na nomuni isoqosoqo.

Na Lele I Jeremaia (Aikhah) 1:1-10

Ni sa sega na buka, na yame ni bukawaqa sa na boko; e na vanua e sega kina na tamata dau vakatubu ca, na tiko veisei sa na tini.

Vosa Vakaibalebale (Mishlei) 26:20

Au na seretaka na loloma kei na lewa dodonu; vei kemuni Yahuwe (YHWH) au na laga sere. 2 Au na vakaitovotaki au vakavuku e na ivalavala e daumaka vakaoti. Isa e na gauna cava beka oni na lako mai kina vei au? Au na bula muria e loma ni noqu vale, na yalo e vinaka vakaoti. 3 Au na sega ni viritura e mataqu e dua na ka e vakasisila: Au cati ira era dau itovo vakasisila, era na sega ni toro volekati au mai. 4 Na yalotakelo e na vagolei tani mai vei Au: Au na sega ni via kila na ivakarau vakasisila. 5 O koya e beitaka vakailasu na wekana, au na muduki koya laivi: kei koya e viavialevu se yalodokadoka, au na sega ni via kana vata kaya. 6 Na mataqu e na mau toka ga vei ira era yalodina e loma ni vanua, me ra rawa ni na mai vakaitikotiko vata kei au: o koya e muria na ivalavala dodonu e na qaravi au. 7 O koya sa cakacaka vakaveivakaisini, e na sega ni mai tiko e loma ni noqu vale; o koya e dau lasulasu, e na sega ni mai toka vakadede e mataqu. 8 E na mataka lailai au na vagalui ira na dukadukali e vuravura; Au na  vakarusai ira era dau vakayacora na itovo vakasisila mai na korolevu i Yahuwe (YHWH).

Same (Tehellim) 101:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
303/Blog No. 1443	October 29, 2011.
Reading	Hebrew Date
Jeremaia (Yiremeyahu) 25-26	Cheshvan 1, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Saqata Na Ivalavala Ca (YHWH Opposes Sins)

Thoughts: Always Give Thanks to YHWH

....................... 

Serving For Yom HaShee-shee, Tishrei 30, 5772

Kevaka mada ga e kaba cake i lomalagi o Bavela, kevaka me lai  vaqaqacotaka na nona itataqomaki e na veitikina cecere, o au, au na vakauti ira yani vua na dauvakacaca, e kaya o Yahuwe (YHWH). 55 Baleta sa vakacacani Bavela o Yahuwe (YHWH), ka vakarusa mai kena maliwa, ruarua na tamata kei na manumanu; na rogo levu ni domodra e na tubu cake me vaka na vadugu ni veibiau e na vuqa na veiwasawasa. 56 O ira na dauvakacaca era sa sobuti   Bavela, o ira na kena tamata qaqa era sa tauri, na nodra dakaititi sa raramusumusu vakamatai lalai; baleta na Kalou (Mighty One) o Yahuwe (YHWH) na dau veisausaumi; o koya e na cakava me ra sauma. 57 Au na vakamatenitaki ira na nona ravouvou kei ira na nona vuku, o ira na nona turaga dokai, o ira na nona dau ni vakavulewa, kei ira na nona tagane qaqa;  era na moce e na dua na moce sega ni vakaiyalayala, ka na sega ni yadra, e kaya na tui, na yacana o Yahuwe ni lewevuqa (YHWH Tzva’ot). 58 Oqo na ka e kaya o Yahuwe ni lewevuqa (YHWH Tzva’ot); Na bailalaga vavaku ni Bavela, e na basubasuraki vakadua; na kena matamata cecere era na vakamai e na    bukawaqa; na tamata era cakacaka tu ga vakarairai, kei ira na lewe ni veivanua, era na oca wale e na vuku ni bukawaqa.

59 ¶ Na vosa a vakarota o Yiremeyahu na parofita vei Sa'rayahu na luve i Neriyahu, na luve i Makaseiya, e na gauna a lako kina vata kei Sidikiyahu na tui Ya'huda i Bavela, e na ikava ni yabaki ni nona veiliutaki vakatui, e na gauna a iliuliu tiko kina ni mataivalu o Sa'rayahu.  60 A mani vola o Yiremeyahu e dua na ivola, me baleta na veika ca kece e yaco vei Bavela, bau kina na veika kece sa volai oti tu me baleti Bavela. 61 Kaya vei Sa'rayahu o Yiremeyahu, Ni dou sa curu mai Bavela, raica, mo wilika na vosa kece qo;  62 Oti qai kaya, I Yahuwe (YHWH), oni sa vosa saqata na vanua qo, moni vakarusa, me kakua tale ni dua e vakaitikotiko kina, se tamata se manumanu, me sa laladidi tu vakadua me sega ni mudu. 63 Ni sa oti na nomu wilika na ivivivi oqo,  mo qai vesuka vata kei na dua vatu qai kolotaka i loma ni Iuferetisi; 64 Qai kaya, E na vakaoqo na kena lutu dromu o Bavela, me qai sega ni vude rawa tale, baleta na ca au na kauta mai vei ira na nona tamata; era sa na  oca. E keri e mai tini toka kina na vosa i Yiremeyahu.

Jeremaia (Yirmeyahu) 51:53-64

Me vakataki ira na tamata qaciqacia era dau kaya na vosa gaga ka rawa ni veivakamatei me vaka na gasau ni dakaititi, 19 E vaka kina na tamata e veivakacalai vua na wekana vakaitikotiko; ia ni sa tobo, e qai kaya tale o koya, Au a veiwali tiko ga.

Vosa Vakaibalebale (Mishlei) 26:18-19

Cakava na rorogo ni marau vei Yahuwe (YHWH) kemuni na veivanua.  2 Qaravi Yahuwe (YHWH) e na marau; toro mai Vua ni tiko o Koya, e na lagalaga sere. 3 Kila tiko ni o koya o Yahuwe (YHWH) na noda Kalou (Mighty One); ni o Koya e a buli i keda; e sega ni o keda ga vakataki keda: o keda eda nona tamata, eda sipi ni nona lomanibai ni veiqaravi.  4 Curu i na nona matamata e na vakamolimoli; kei na nona lomanibai e na vakavinavinaka: vakamuduo vua, ka vakacaucautaka na Yacana. 5 Baleta o Yahuwe (YHWH) e vinaka; na Nona yalololoma e tawamudu; na Nona dina e na tudei tu ga vei ira na  veitabatamata kece sara.

Same (Tehellim) 100:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
302/Blog No. 1442	October 28, 2011.
Reading	Hebrew Date
Jeremaia (Yiremeyahu) 23-24	Tishrei 30, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Parofisai Kei Bavela (Prophesy About Bavel)

Thought: YHWH Uses Servants To Punish The Persistently Disobedient

...................... 

Serving For Yom Khah Mee-shee, Tishrei 29, 5772

OQO na ka e kaya o Yahuwe (YHWH) na Kalou ni lewevuqa (Mighty One Tzva’ot); Raica, au na vakauqeta me saqati Bavela kei ira na kena ivakatawa e dua na tamata yalokaukaua vaka na cagilaba dau veivakacacani; 2 Au na talai ira yani i Bavela o ira era dau veivakarusai, me ra lai butakoci koya ka buturaka na nona vanua e yavadra;  era na sosoqoni yani vakaivalu mai na veiyasana e na siga ni leqa. 3 O koya na liga ni dakaititi e na sega ni cegu e na nona loveca tiko tiko na nona dakaititi, na sotia e na sega ni luvata na itataqomaki ni saresare; kakua ni vakavotaki ira na nona cauravou; vakarusai ira vakadua na nona mataivalu. 4 E na kena ivalavala oqori, era na bale kina na vuetaki e na nodra vanua na Kasidimi; era na qai davo tu e na kena veisaqata. 5 Baleta o ira na Isira'yili kei ira na Ya'huda era a sega ni biuvakaloloma tu mai vua na nodra Kalou (Mighty One); o Yahuwe ni lewevuqa (YHWH Tzva’ot); e dina ga ni nodra vanua a sinai tu e na nodra ivalavala vakasisila e matana o  Koya na Yalosavasava i Isira'yili.

6 Dro laivi mai na maliwa i Bavela, laiva na tamata yadua me vueta na nona bula o koya vakataki koya; kakua ni tilomi vakadua e na nona ivalavala vakasisila; baleta qo na gauna ni veisausaumi nei Yahuwe (YHWH); e na vakayacora kina vua me veiraurau kei na vua ni nona cakacaka. 7 O Bavela e a dua na bilo koula e na liga i Yahuwe (YHWH), e a vakayagataki e vuravura me ra mateni kina e na nona waini; na veimatanitu kecekece era a gunu mai kina; o koya oqo era tatavatia tu kina na veimatanitu e na nodra mateni. 8 O Bavela sa bale vakasauri ka sa rusa; qolouvaki koya; kauta yani na wainimate (balm) me iwali ni nona mavoa; de dua e na vakabulai koya. 9 Keimami a rawa ni vakabulai Bavela, ia o koya e se bera ga ni bula; laiva me da sa vakanadakui koya, laiva meda sa dui lesu o keda kece i na noda dui vanua; baleta na nona vakatulewataki sa yaco i lomalagi (heaven), ka sa laveti cake sara i lomalagi (sky). 10 O Yahuwe (YHWH) sa cakava me matata ni da sega ni cala; lako mai meda lai tusanaka i Saiyoni na veicakacaka i Yahuwe (YHWH) na noda Kalou (Mighty One).

Jeremaia (Yirmeyahu) 51:1-10.

O koya e lai siova na veileti e sega ni nona o koya vakataki koya, e vakataki koya e lai dre na daligani koli.

Vosa Vakaibalebale (Mishlei) 26:17.

O Koya e vakaitikotiko e na veitaqomaki nei Yahuwe (YHWH) e na bula tiko e na ruku ni yaloyalo nei koya na Kaukaua (Shaddai). 2 Au na tukuna vei Yahuwe (YHWH), O koya e noqu idrodro ka noqu isasabai; na noqu Kalou (Mighty One); o koya au na vakabauta. 3 E ka dina ni o koya e na vueti iko mai na nona tudai na daubiri dai, ka vaka kina mai na kakase tawayaga. 4 E na vakarurugi iko e na lawena, e na ruku ni tabana o na vakararavi; na nona dina e na nomu isasabai ka ivakaruru. 5 O na sega ni domobulataka na veivakacacani e na bogi, se na gasau ni dakaititi era veivukayaki e na siga;  6 Se na inakinaki ca e tete e na butobuto; se na matetaka e veivakamatei e na sigalevu tutu. 7 E udolu era na veibaleyaki e yasamu, e tininaudolu e ligamu imatau; ia e na sega ga ni toro volekati iko.  8 E na matamu ga o na raica na kedra itotogi na tamata ivalavala ca.

9 ¶ Baleta o kemuni i Yahuwe (YHWH) oni noqu inuinui; oni sa vakataudeitaka na nomuni itikotiko e na tikina sa cecere sara; 10 E sega ni dua na ka domobula e na yacovi iko, e sega talega ni dua na matetaka e na toro volekata na nomu itikotiko.

Same (Tehellim) 99:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
301/Blog No. 1441	October 27, 2011.
Reading	Hebrew Date
Jeremaia (Yiremeyahu) 20-22	Tishrei 29, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Na Parofisai kei Dameseka (The Prophesy about Dammesek)

Thoughts: YHWH Simply Wants Obedience Because It Is For Our Good

..................... 

Serving For Yom Revee-ee, Tishrei 28, 5772

Na veika me baleti Dameseka; o Hamata kei Arapade rau a vakamaduataki baleta ni rau rogoca na itukutuku ca; rau a taqaya; rau  qai yamasamasa me vaka na biau ni waitui, rau qai sega kina ni kunea na vakacegu.  24 O Dameseka sa vakagogotaki, qai vuki me dro; na sautanini e a vesuki  koya; na yaluma kei na vutu a manati koya, me vaka e dua na yalewa ni taratara.  25 E a vakacacani beka vakacava na korolevu lagilagi, na korolevu ni mamarau! 26 Qori era na bale kina o ira na nona  cauravou e na kena veisaqata, o ira kece na tagane ni ivalu era na vagalui e na siga oya, e kaya o Yahuwe ni lewevuqa (YHWH Tzva’ot). 27 Au na vakawaqaca e dua na yame ni bukawaqa e na veigaunisala kei Dameseka, me na kovuta vakadua na  veivale vakatui nei Beni-Hadada.

28 ¶ E na vuku i Kedara, kei na veimatanitu ni Hatazori, e a samuta o Ne'vukadanesa na tui Bavela, oqo na ka e kaya o Yahuwe (YHWH); Cavu tu, lako cake lai saqati Kedara, ka valuti ira na tagane mai na Vuaicake. 29  Na nodra valelaca kei na nodra qelenisipi, o ira na meca era na kauta laivi: era na colata laivi na ilatilati, kei na nodra iyaya kece kei na nodra kameli, o ira na dau veivakasaurarataki era na kailavaki ira mai na veiyasana. 30 Dro, dro sara vakayawa, lai vakaitikotiko e na vanua titobu, o kemuni na ivakatawa kei Hatazori, e kaya o Yahuwe (YHWH); baleta o Ne'vukadanesa na tui Bavela sa tauri ivakasala me saqati kemuni, ka sa navuca e dua na inaki me saqati kemuni  kina ni kaya, 31 Mata cake, tucake mo saqata e dua na matanitu vakaiyau, ka vakaitikotiko e na vakacegu, e kaya o Yahuwe (YHWH), ka sega ruarua ni vakaisogo se ivakadei, ia e vakaitikotiko duadua. 32 Na nodra kameli, era na yaco me ra  itoki ni ivalu; na vakatamera ni nodra manumanu yavaiva (cattle) era na  tokitaki: au na ceburaki ira i na matanicagi kecekece o ira sa koti na kumidra; kau na kauta mai na nodra leqa mai na veiyasadra kece sara, e kaya o Yahuwe (YHWH). 33 O Hatazori, sa na nodra itikotiko na jekaele (jackals), ka sa na laladidi tu me sega ni mudu; e na sega ni dua me lai vakaitikotiko e keya, e na sega talega ni dua na tamata e na lai bula kina.

Jeremaia (Yiremeyahu) 49:23-33

Na vucesa e kaya ni talai, E dua na laione e tiko e na yasana me taubaletaki, na laione e tiko e gaunisala.

14 ¶ Me vaka na isogo ni katuba e dau veivukiyaki e na kena irube, e vaka kina na vucesa ni veivukiyaki toka ga e na nona loga.

15 ¶ Na yaloberabera e vunitaka na ligana e lomaserena; e ka vakacauoca vua me kauta cake tale i gusuna.

16 ¶ Na vucesa e vuku cake e matana o koya vakataki koya, mai vei ira e le vitu e donu vinaka tu na nodra ile.

Vosa Vakaibalebale (Mishlei) 26:13-16

O YAHUWE (YHWH) e nona na lewa; laiva na vuravura me reki; Laiva na vei yanuyanu me ra marautaka. 2 Na o kei na butobuto e vakavolivoliti koya; na yalododonu kei na vakataulewa e yavu ni nona itikotiko vakatui.3 Na bukawaqa e liu yani vua, ka vakamai ira vakaoti na kena meca era tu vakavolivoliti koya. 4 Na nona yaseyase e vakararamataki vuravura: o vuravura e raica qai sautaninini. 5 Na veidelana era waicala me vaka na kadrala ni tiko o Yahuwe (YHWH) e  matana o koya na Sau kei vuravura taucoko. 6 Na lomalagi e vakatakila na nona yalododonu, o ira na tamata era raica na nona dokai. 7 Era veilecayaki o ira kece era qaravi matakau ceuceu, era dau dokadoka e na vuku ni matakau: Ni sokalou vua kemuni kece na nona ma’lakahimi.

8 ¶ O Saiyoni a rogoca qai mamarau; o ira na goneyalewa ni Ya’huda era reki baleta na nomuni lewa i Yahuwe (YHWH). 9 Baleta o kemuni i Yahuwe (YHWH), oni cecere cake mai vuravura raraba; oni cecere i cake sara mai vei ira na veikalou  kece sara. 10 O kemuni oni lomani Yahuwe (YHWH), moni cata na ca: o koya e maroroya na nodra bula (soul) na nona tamata digitaki; e vakabulai ira mai ligadra na ca. 11 Na rarama e ramase e na vukudra na yalododonu, kei na reki vei ira e dodonu na vuniyalodra. 12 Rekitaki Yahuwe (YHWH), kemuni na yalododonu; solia na  vakavinavinaka me ivakananumi ni nona yalosavasava.

Same (Tehellim) 97:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
300/Blog No. 1440	October 26, 2011.
Reading	Hebrew Date
Jeremaia (Yiremeyahu) 17-19	Tishrei 28, 5772
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofisai Kei Moa’ve (The Prophesy About Mo’av)

Thought: What YHWH Says He Will Bring To Pass.

 ......................

Serving For Yom Shlee-shee, Tishrei 27, 5772

E na veika me baleti Mo'ave, oqo na veika e kaya o Yahuwe ni lewevuqa (YHWH Tzva’ot), na Kalou (Mighty One) i Isira'yili; E na leqa levu o Ni’vo, baleta sa vakacacani; o Kiriyatayimi sa madua ka sa veilecayaki; o ira era dau taqomaka era sa veilecayaki ka veidroyaki.  2 Na vakacaucautaki i Mo'ave sa oti; mai Heshaboni, era sa navuca na ca e na vukuna e na nodra kaya, Mai meda mai muduka tani me sa kakua ni dua na matanitu. E dina ga ni na tiko ga kei iko na nomu sautu, na seleiwau e na  cici muri I iko.  3 E dua na tagi vakaloloma e rogo mai Horonayimi, na butako kei na veivakarusai levu. 4 O Mo'ave sa rusa; o ira na dravudravua mai keya, era sa vakarogoya na nona tagilagalaga. 5 Baleta e na icabecabe i Lukiti era na cabe tagitagi; e na isirosiro mai  Horonayimi era na laveta e dua na tagi  ni leqaleqa kei na rusa. 6 Galeleta ka dro; vueta na nomuni bula, moni vaka na vunikau mai lekutu. 7 Baleta, e na nomuni vakanuinui tiko i na nomuni valecere kei na nomuni iyau, o kemuni talega oni na kau vakabobula vata kei Ki'moshi e na lako talega yani vakavesu vata kei ira na nona bete kei na ravouvou. 8 Na dauvakacaca e na veisiko yani e na nomuni veikorolelevu kecekece; e sega ni dua na korolevu e na drobula; na veiqakilo era na rusa talega, kei na veibucabuca e na rusa, me vaka sa kaya  oti o Yahuwe (YHWH). 9 Solia vei Mo'ave e dua na salusalu, baleta o koya sa na vakarusai dina ga, na nona veikorolelevu era sa yaco me ra laladidi baleta e sega ni dua e na lai vakaitikotiko  kina. 10 E na vatovatotaki (cursed) o koya e cakava vakalawakica na cakacaka i Yahuwe (YHWH), e na vatovatotaki o koya e tarova na nona seleiwau mai na vakadave dra.

Jeremaia (Yirmeyahu) 48:1-10

Na kauwavakavotono era tubu cake e ligana na daumateni, kei na veivakacalai mai gusuna na lialia.

10 ¶ Na yagona e dua na lialia e vakararawataki vakalevu, ia na daumateni e nanuma ni rawa ni takosova e dua na wasawasa.

11 ¶ Me vaka na koli e lesuva tale na nona lua, e vaka kina na lialia ni tarabe tale e na nona veivakacalai.

12 ¶ Kevaka o mani raica e dua na tamata e vuku e matana ga o koya vakataki koya; na lialia e vinaka cake vakalevu mai vua.

Vosa Vakaibalebale (Mishlei) 26:9-12

Toso mai, laiva meda mai lagasere vei Yahuwe (YHWH); laiva meda mai vakarogoya na domo ni reki vua na Kalou (Mighty One) na noda ivakabulai. 2 Toso mai meda mai rairai e matana e na vakavinavinaka, ka vakarogoya na rorogo ni reki vua e na same.  3 Baleta o Yahuwe (YHWH) e Kalou (Mighty One) vakaitamera, ka tui vakaitamera vei ira na veikalou kecekece. 4 E ligana era toka kina na yavu kei vuravura; na kaukaua ni veidelana era nona;5 Na wasawasa e nona, o koya e a bulia: na ligana a bulia na vanua mamaca. 6 Toso mai, laiva meda mai sokalou ka cuva sobu; laiva meda mai tekiduru e na mata i Yahuwe (YHWH) o koya e a buli i keda.

7 ¶ Baleta o koya e noda Kalou (Mighty One), o keda eda tamata ni nona bai ni vakanamanumanu, ka sipi e qeteqete ni ligana. Nikua kevaka oni via rogoca na domona, 8 Kakua ni vakaukauataka na vuniyalomuni, me vaka na gauna ni veivakacudrui kei na siga ni veitemaki  mai na veikaloa, 9 Ni ra vakatovolei au o ira na tamamuni, era qai vakadinadinataki au, ni ra raica na noqu cakacaka. 10 E vasagavulu na yabaki na noqu rarawataka tiko na itabatamata oya, au qai kaya, Qo e dua na mata tamata era dau cala e vuniyalodra; era sega tiko ga ni kila na noqu ivalavala,11 Baleti ira au bubuluitaka kina e na noqu leva ni ra na sega vakadua ni curu i na noqu vakacegu.

Same (Tehellim) 95:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
299/Blog No. 1438	October 25, 2011.
Reading	Hebrew Date
Jeremaia (Yiremeyahu) 14-16	Tishrei 27, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veisavosa kei Yahuwe (Counter-Arguing With Yahweh)

Thought: Yahweh Alone, Not Us, Can Materialize His Words

 ....................

Serving For Yom Shaynee, Tishrei 26, 5772

Kuria o Yiremeyahu ni kaya vei ira kece na tamata, na tagane kei na yalewa, Rogoca na vosa i Yahuwe (YHWH), o kemuni kece na tamata ni Ya'huda oni sa vakaitikotiko e na vanua o Ijipita. 25 Oqo na veika e kaya o Yahuwe ni lewevuqa (YHWH Tzva’ot) na nodra Kalou (Mighty One) na Isira'yili; O kemuni kei ira na watimuni, oni sa cavuta mai gusumuni ka sa vakayacora e na ligamuni, na ka oni sa kaya, Keimami na vakayacora dina na yalayala keimami sa yalataka oti, me keimami na vakama imadrali boi vinaka vua na ranadi ni lomalagi, ka sovara na imadrali gunuvi vua; oni sa vakadeitaka na nomuni yalayala, ni oni na vakayacora na ka oni sa yalataka. 26 O koya oqo moni rogoca matua kina na vosa i Yahuwe (YHWH), kemuni kece na tamata ni Ya'huda oni vakaitikotiko e na vanua o Ijipita; Raica, au sa bubuluitaka qo e na yacaqu vakaitamera, e kaya o Yahuwe (YHWH), na yacaqu sa na sega vakadua tale ni cavuti (named) mai gusudra na tamata ni Ya’huda e na vanua taucoko o Ijipita, era na sega talega ni kaya, o Yahuwe (YHWH) na Kalou (Mighty One) e bula tiko. 27 Baleta au sa na vaqunaquna meu kauta mai na leqaleqa vei ira, e kaya o Yahuwe (YHWH); o ira kece na tagane era tiko e na vanua vaka Ijipita, era na tilomi e na seleiwau kei na walokai kei na veimatedewa, me yacova niu sa vaqeavutaki ira vakadua. 28 Ia o ira era drobula mai na seleiwau, e vica vei ira era na biubiu mai na vanua o Ijipita mera lesu i na vanua o Ya'huda, ia o ira kece na vo vo kei Ya’huda era sa lako qo i na vanua o Ijipita me ra lai vakaitikotiko e keya, era na qai kila se na vosa nei cei e na yaco; na noqu se na nodra. 29 Ia qo e na ivakatakilakila vei kemuni e kaya o Yahuwe (YHWH), niu na totogitaki kemuni e na loma ni vanua oqo, me rawa kina ni oni kila ni na yaco dina ga vei kemuni na noqu vosa  e na vuku ni nomuni ivalvala ca. 30 Oqo na veika e kaya o Yahuwe (YHWH), Raica, au sa na soli i Fero na Ne’koho, na tui Ijipita, i ligadra na kena meca, i ligadra o ira era vaqara tiko na nona bula, me vaka na noqu a soli i Sidikiyahu na tui Ya'huda i na liga i Ne'vukadanesa na tui Bavela, na kena meca, o koya e a vaqara voli mai na nona bula.

Jeremaia (Yirmeyahu) 44:24-30

O koya e vakauta e dua na itukutuku e ligana e dua na lialia, e gunuva tiko na ca mai na ruku ni yavana o koya vakataki koya.7 Me vaka e dua na tamata lokiloki e sega ni rawa ni taubale, e vaka kina e dua na vosa vakaibalebale e gusuna e dua na lialia. 8 Me vaka e dua na vatu e na dua na irabo, e vaka kina o koya e vakarokorokotaka na lialia.

Vosa Vakaibalebale (Mishlei) 26:6-8

I YAHUWE (YHWH) na Kalou (Mighty One) o kemuni oni taukena na veisausaumi; Kemuni na Kalou (Mighty One) na itaukei ni veisausaumi, vakaraitaki kemuni mai. 2 Laveti kemuni cake, moni vakatulewataki vuravura; solia me dua na kedrai icovi o ira na viavialevu. 3 Yahuwe (YHWH) e na vakacava  na kena dede vei ira na ca, e na vakacava na kena dede era na dokadoka tiko kina o ira na qaciqacia? 4 Era na cavuta ka vosataka na veika tawadodonu? Era na kaya na veimataqali vosa dukadukali? 5 Baleta era sa vakamaduataki ira na nomuni tamata, i Yahuwe (YHWH), ka via lewa na veika e nomuni ivotavota. 6 Era vakamatei ira na yada kei ira na tawacala, ka labati ira na luveniyali e sega na tamadra 7 Ia era qai kaya, o Yahuwe (YHWH) e sega ni rai, ka sega talega ni galele mai na Kalou (Mighty One) nei Ya'akove. 8 Yalomatua mai o kemuni na sesewa e na kedra maliwa na tamata kei kemuni na lialia, e na gauna cava oni na qai yalomatua kina. 9 O koya e a tea na daliga, e na sega beka ni rogo rawa? O koya e a bulia na mata, e na sega beka ni rai rawa? 10 O koya e dau vunauci ira na veimatanitu, e na sega beka ni veivosataki? O koya e vakavulici ira na tamata na kilaka, e na sega beka vua na kilaka?

Same (Tehellim) 94:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
297/Blog No. 1437	October 24, 2011.
Reading	Hebrew Date
Jeremaia (Yiremeyahu) 11-13	Tishrei 26, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.